في ناس ما اكلت حلو العيد ولا لبست تيابه الجديدة ولا استقبلت هدايا بابا نويل ولا زينت الشجرة
عيدت ورح تعيد هالسنة وراء القضبان
ب 14 فرع
ناس نسيت طعم العيد لانو محكوم عليها بالحبس مدى الحياة هي لو بعد في الون حياة

التهمة : خالفوا قانون الطوارئ
قانون مو الحكومة اللي حطته

المجتمع هو اللي حطه وحط عليه شهود زور اسمون الشرف والعرض والدين

لاول مرة بمحاكمة الادلة تقف مع المتهم ويصدر القاضي حكمه بالحبس او الاعدام العائلي

وين ؟ مش لا بابو غريب ولا غوانتامو ولا عسقلان ولا صيدنايا ولا فلسطين

برابع بلد بالعالم بقتل بناته باسم الشرف الكاذب

ببلد اسمه سوريا في صبايا بعمر الورد انحبسوا بالمصحات النفسية على انون مجنونات او بمراكز رعاية الجانحات
مهددات لو طلعوا لبرا رح يموتوا

وفي ولاد محبوسين بالمشافي ورعاية الاحداث بس لانو مرت الاب او زوج الام قرر يتفلسف ويربي من جديد
قرر يكوي ظهره او يعلقه من فوق لتحت شي 24 ساعة او يحرمه من الاكل شي كم شهر

بوقت واقفة الحكومة ما بعرف وين عم تشوف حالها والمعارضة مو شاطرة الا تجعجع واالمنظمات الدولية ناسية حالها وهيومن رايس ووتش شاطرة بس تنق
وبوقت الهلال الاحمر ما بيحكي ووتنظيم الاسرة ساكتة واخوية عم ............................

بس بدي قول لهدول قبل اي حدا تاني الحرية لكم والموت لمن يسرق حياتكم
وليسقط قانون الشرف المزور هذا

كل ما ذكر حقيقة واقعية في بلدنا

ببلد اسمه سوريا في صبايا بعمر الورد انحبسوا بالمصحات النفسية على انون مجنونات او بمراكز رعاية الجانحات
مهددات لو طلعوا لبرا رح يموتوا



الله يعينن يارب ..

المشكلة يللي عم نعاني منها هو عدم وجود ترابط اجتماعي بين الناس ولسا جرائم الشرف موجودة عننا مع انو يللي عم يرتكب هي الجريمة ما بعتقد انو ما وصل لعندو كل هالتطور والتقدم والعلم بس هو رافض هالشي ولسا عندو الغريزة الحيوانية مسيطرة عليه
بس انو هدول يللي عم يعزبو الولاد ..... يعني بدون اقسى العقوبات ....
بس وين القانون .... شو ما في طريقة لحمايتون ؟
انو هيك وقت بروح ولد عالمستشفى معذب وعليه اثار التعذيب الطبيب شو عم يعمل ؟؟؟؟.؟؟؟
الشرطة يللي بالمستشفى شو قاعدو عم تساوي ...؟؟؟

بقانونا
الولد اللي تعرض للتعذيب يسلم لاهله

يعني تسليم الضحية للجلاد مجددا والاهل ممكن يشتكوا عليك اذا ما سلمتون ياه

الشرطة رح تاخدو منا وتسلمه للاهل ( مع تحفظي على كلمة اهل )

هلا الكارثة كمان بجرائم الشرف انو القانون والدين واقفين لصف المجرم ولو بطريقة غير مباشرة و المجتمع كله على بعضه واقف معه كمان وكانو البنت حيوان لا حامي الها ولا هم يحزنون

بقانونا
الولد اللي تعرض للتعذيب يسلم لاهله

يعني تسليم الضحية للجلاد مجددا والاهل ممكن يشتكوا عليك اذا ما سلمتون ياه

الشرطة رح تاخدو منا وتسلمه للاهل ( مع تحفظي على كلمة اهل )

هلا الكارثة كمان بجرائم الشرف انو القانون والدين واقفين لصف المجرم ولو بطريقة غير مباشرة و المجتمع كله على بعضه واقف معه كمان وكانو البنت حيوان لا حامي الها ولا هم يحزنون
اي شو مافي طبيب شرعي يكشف عليه ؟؟؟
معقول بالمستشفى ما في طبيب شرعي يشوفو او الاطباء ما بيعرضو على طبيب شرعي ...
بعدين ليش ادارة المستشفى ما عندها صلاحية تشتكي على المسبب ....؟؟
يعني بعرف انو عوجا القصة بس انو هيك بتصير ؟؟

في مبلا بس بيقلك هاد تحت السن القانوني يعني شكواه ما بتنقبل من جهة ومن جهة تانية ادارة المشفى ما الها الصلاحية تشكتي لانو هي قطاع صحي مهمته العلاج فقط

وهي صحيح عوجا بس الحل ببساطة انو ممكن مع شهادة الطبيب الشرعي يسال الطفل عن سبب التعذيب ومعروف انو الطفل ما بيكذب وممكن ياخدوا شهادات ناس تانية كمان واذا طلع صح ممنوع يتسلم لاهله وتنشا دور خاصة لرعايتون لانو تسليمه يعني حرمان سوريا من كفاءة مستقبيلة ما بنعر ف شو ممكن تصير

وعالهامش هاد القانون هو وقانون الجرائم الشرف اسهل قانونين ممكن يتعدلوا لو شوي البشر اللي هون بتنق عليه شوي احسن مو شاطرة تتفلسف على قوانين ما رح تتغير ولا بعشر سنين

المؤسف انو هاد الوضع عم يستفحل يوم بيوم وسط تجاهل حكومي ومدني غريب جدا

هالمواضيع الاجتماعية متعلقة بالمجتمع ككل ... لما نعتبر أنو مرتكبي هالجرائم مجرمين... و هالاعمال هي اعتداء عالمجتمع كله و ننفر من مرتكبيها و يلفظهم المجتمع السليم وقتها بنلاقي الحل ..

أول مسؤولية بجرائم الشرف بحملها لرجال الدين لانهم المؤثر الاقوى بهالمواضيع...

أما الاطفال و النساء يلي عميتعرضوا للظلم الاجتماعي و ما عمبلاقوا مين يدافع عنهم فنحنا المحتمع نفسه بنحمل مسؤوليتهم لعدم وجود منظمات قادرة من حيث المؤهلات و الموارد المادية احتضانهم و الدفاع عنهم و تأهيلهم للدخول بالحياة من جديد بطريقة صحيحة ...

بس الامل بضل موجود و طالما في اشخاص من جيلنا أصواتن و قدراتهم عمبكرسوها لبناء المجتمع السليم ..أكيد بنوصل...
شكرا لكاتب الموضوع...
ياسمين.

اهلا ياسمين
الحق كمان على ثغرات كتير لازم تتعدل وقريبا رح حطون بس اخلبص من الكابوس اللي فوقي

طيب انو ليش ما منستغل الاعلام حتى تصل هيك قضية للمسؤولين وللقضاء او ليش ما حدا بخبر احد اعضاء مجلس الشعب بركي بيشتغلو شي شغلة تنفع هالبشر ...
الجريدة الرسمية بتصل لكل الدوائر الرسمية بالدولة ... واذا انحطت بالصفحة الاولى اكيد بدها تعمل شي ...

الله يعين كل مظلوم لو شو ما كانت نوعية الظلم ..
اصلا شو في اكتر من ظلم الاهل او ظلم البلد
بعين الله

طيب انو ليش ما منستغل الاعلام حتى تصل هيك قضية للمسؤولين وللقضاء او ليش ما حدا بخبر احد اعضاء مجلس الشعب بركي بيشتغلو شي شغلة تنفع هالبشر ...
الجريدة الرسمية بتصل لكل الدوائر الرسمية بالدولة ... واذا انحطت بالصفحة الاولى اكيد بدها تعمل شي ...

يللا قوم لقلك انا جاهز
:clap::clap: