لا تحفر حفرة لاخيك .. لان البلدية ستتركها الى الابد .. !



سيدي المحافظ .. سيدي رئيس البلدية ..
تحية و بعد ..
منذ ان انتقلت الى العيش في حيينا الجديد
و انا املك جارة ً لا يوجد اروع منها ...
تتحمل شكاوي كل الناس (( و من تم ساكت ))
و كل رجل في حيينا يشكو اليها هموم زواجه
و مشاكله مع زوجته و هي (( من تم ساكت )) ..
أأنتم اقل من جارتنا .. ام ان بابكم كاتم للصوت ..
و باب جارتنا من زجاج ؟؟
على كل ٍ (( ومالكن بطول السيرة ))
من المؤكد انكم تريدون ان تعرفوا من هي هذه
الجارة الرائعة التي يتمنى كل مواطن ان تسكن بجواره
انها حفرة .. !!
نعم حفرة .. لا تستغربوا ..
انا سكنت في هذا الحي منذ .. ثماني سنوات
و هي حتى اليوم .. لازالت
تجاورنا ..
حتى ان مرة اضطر اخي الصغير .. ان يسهر معها
و بعد ساعات طويلة من البحث
وجدناه عندها (( او بالاحرى فيها ))
فيا سيدي المحافظ .. و يا سيدي رئيس البلدية ..
هذا النص اكتبه .. راجيكم ان لا ((تنقلوا)) الحفرة
او ان تردموها .. كما طالب بعض المغرضين في حيينا
لانها اصبحت .. صديقة لكل الجيران ...
شاكرا لكم تعاونكم ..

هاني فراس السواح ..

و بعد يومين من تاريخ الرسالة ..
اختفت الحفرة ..
لا اعرف ان كانوا ردموها .. او (( نقلوها )).

هاد احسن اسلوب للحصول على ماتريد....فرجيون انك مبسوط بهالشغلة...بتجي بتضيق عينون عليها....

شكرا كتير...اسلوبك رائع....:D

شكرا سرسورة ..
هادا من زوئك ..

ما بعرف اذا مشي الحال ..
او لأ ..
يعني يمكن الحفرة ملت و راحت لحالها ..

مشكورة مرة تانية .

الحفرة يمكن خافت منهون وهربت



وصلها خبر انو عاملة حزب وتجمعات وما بعرف شو



فوتوها بقصص مالها فيها يا حرام



يسلمو هنووووووووووووووووووووووو ووووووووووي

ههههههههههههههههههههههههه هه ..

ردك راائع جوجو ..

عنجد ..

يعني حكيتي شغلة بالمزح بس هيي جد الجد .

مشكوورة ..

طبعا يا اخ هاني حضرتك وانا عم احكي بلسان كتل معينة - بتوقع عرفتها - بأعتباري " صديق إلهن " ومقضي شي سبع ساعات من حياتي برفقتهن " بإرادتي كلها " بقلك حضرتك مغرض وتريد تخريب ثقافتنا بل انك تستهدف مراكز قوتنا الوطنية بما تقول وتؤثر على علاقاتنا ب " حفر " صديقة
يا صديقي ألا تعلم ان الحفر من إرثنا الوطني ألا تدري انها جزء متأصل في ثقافتنا
نعم هي اكثر من صديقة لأهل حي معين لا نهتم لا به ولا بقاطنيه - طبعا الحكي بلسان كتلة معينة مو بلساني ابدا لإنو لساني قصولي اياه قال انا بحكي كتير - الحي هو اخر ما يهمنا ولكن اهتمامنا لأن نبقي على إرث الأجداد محفوظا هكذا إستلمنا المحافظة وهكذا سنسلمها إلى من بعدنا والجورة تراث وطني يشهد على إنجازات من سبقنا في إدارة شؤون محافظتكم وتريدنا ان نردمها ؟
لا بد انك عميل مرتبط بالخارج لا بد انك ... لا بد أنك .... لا بد أنك ........إلخ
وتكثر الإتهامات وتبقى الجورة صامدة ... تأبى أن تنام إلى بعد احتضان عجلة سيارة او لربما سيارة بأكملها تأبى أن تنام إلى برفقة أخوك وللحفر مزاج فمن الحفر من يعشق الشذوذ مع أخوك ...وللحفر مزاج
أدام الله لسكان الحي إرثهم التاريخي الحفرة لتبقى الأذن الصاغية لهموم قاطنيه بعد ان اصيب الناس بالصمم
تحياتي الحارة
ظل جيفارا

انا حاولت رد عليك ..
بس ما قدرت ..
لانو كنت نايم عند بيت خالتي ..
و بيت خالتي متل ما بتعرف يا ظل ..
ما فيه انترت .. بس الاكل هونيك طيب ..
يعني بتفطر كفين تلاتة ..
بتتغدى لبطتين و اذا كان حظك حلو بيكون في زودة بيناولوك اربعة او خمسة ..
و العشى عبساط الريح .. يا الهي ما اطيبو .. بس اذا اتصرفت منيح
ما بيحطوك عبساط الريح ..
شغلة دولاب و بيمشولك حالك ..

مشكوور عالرد ..
هاني فراس السواح

انا حاولت رد عليك ..
بس ما قدرت ..
لانو كنت نايم عند بيت خالتي ..
و بيت خالتي متل ما بتعرف يا ظل ..
ما فيه انترت .. بس الاكل هونيك طيب ..
يعني بتفطر كفين تلاتة ..
بتتغدى لبطتين و اذا كان حظك حلو بيكون في زودة بيناولوك اربعة او خمسة ..
و العشى عبساط الريح .. يا الهي ما اطيبو .. بس اذا اتصرفت منيح
ما بيحطوك عبساط الريح ..
شغلة دولاب و بيمشولك حالك ..
مشكوور عالرد ..
هاني فراس السواح
يا سيدي كما قلت لك في الرد السابق انا حفظت خطاب هالكتل المعينة لإني قعدت عندهن سبع ساعات ما بعرف قديش حضرتك قعدت انا قعدت تلات مرات مرة سبع ساعات ومرتين كل مرة شي تلات ساعات اربع ساعات
والله بالأربع مرات ما لحقت غير وجبة الغداء .... واحلى شي بوجبة الغداء انو مليانة انتظار امل رغبة وطنية جموح اذا فينا نسميه بس احلى منهن كلهن ..... وجه الرقيب ابو .... وحط محل النقاط اي كلمة عربية بدك اياها لإنو اي شي بينحط
هلأ خبرني هل ما زالت الحفرة صامدة ام ان ايادي الصهيونية امتدت لتردمها ؟
تحياتي الحارة
ظل جيفارا

باسم الوزير اعترض على ردمتلك الحفرة او ازالتها وسوف اضمن لكم عودتها باسرع وقت

بل وسأعمل على اتساعها لتكون صديقة لكل الناس

وساعمل على نقل التجربة في كل شوارع العاصمة

:D

باسم الوزير اعترض على ردمتلك الحفرة او ازالتها وسوف اضمن لكم عودتها باسرع وقت

بل وسأعمل على اتساعها لتكون صديقة لكل الناس

وساعمل على نقل التجربة في كل شوارع العاصمة

:D
اي الله يديمك لكن بس خيو انا زلمة فيك تقول طرطوس موطني الأصلي بس اوراقي الثبوتية ما بتقول هيك يا ريت تنقل التجربة لغير محل ما ناقصنا بطرطوس حفر اذا بدك بنصدرلك مشان تعمم التجربة
بس خيو لحنا بطرطوس كفاية انو خارج التغطية ومقطشين يعني تريكس ما معنا ما خرج حفر زيادة
تحياتي الحارة
ظل جيفارا

ههههههههههههههههههههههههه هه ..

ردك راائع جوجو ..

عنجد ..

يعني حكيتي شغلة بالمزح بس هيي جد الجد .

مشكوورة ..


نحن مو قدرانين نحكي الا بالمزح


عم نمزح يا زلمة


هي الجملة اللي بيقولها الكل


مو بس بالسياسة


بالعلاقات الاجتماعية كمان


يعني لما واحدنا بدو يصارح واحد بغلطه


بيعمل حاله عم يمزح اذا حسه رح يزعل منه


لذلك خلينا عم نمزح والكل راضي عنا

هههههههههههههههههههههه .. جو جو

مشكووورين الكل على الردود الحلوة ..
و باركولي بالرجعة بالسلامة ..
لانو (( الداخل مفقود و الخارج مولود ))

هاني السواح

هههههههههههههههههههههه .. جو جو

مشكووورين الكل على الردود الحلوة ..
و باركولي بالرجعة بالسلامة ..
لانو (( الداخل مفقود و الخارج مولود ))
هاني السواح
اي الحمد لله على السلامة لكن .
تحياتي الحارة
ظل جيفارا

اذا انت ابن الكاتب الكبير فراس السواح سلملي ع بيك
اما بالنسبة لجورتك ف نيالك ع جارتك لانو تحفة نادرة
و اذا هيك اعملو ا متل نكتة جورة الحماصنه ( الحموية ما الها علاقة ) انو ا احفرواا البلد لحدود الجورة


خصوصا بهل التكنولوجيا لي واصليلااا

الباقي .... خوتنة

اي لا تزعل بتروح حفرة بتجي عشرة
بكرا الله بعوضك بحفرة اكبر منها
:D

شكرا للكل ..
بالنسبة للسلام تكرم عيونك بيوصل .
و بالنسبة للحفرة متل ما قلتوا بيعوضنا الله ..

هاني السواح

مشكوررررررررررررررررررررر

تثبيت اسبوع .. :D

هههههه الحمد لله عنا بفلسطين ما في حفر ما فلسطين كلها حفرة كبيرة وكلنا وائعين بئلبها