مرحبا شباب بكل بساطة ليش عم يطلع الموضوع عن هدفه وعم يتحول بكتير احيان لمهاترات فردية او لنكت ومزح
ما بقول انو انا ما بطلع انا كمان احيانا عم اطلع بس لازم نشوف حل يا ريت تشاركونا ارائكن
تحياتي الحارة
ظل جيفارا

والله معك حق وانا من الناس اللي بتمنى انه ما يصير في متل هيك خروج عن الموضوع الاصلي مع اني انا احيانا بخرج كمان بس فعلا بدنا حل لهالموضوع......

وشكرا على الموضوع المهم هاد

والله ياشريك المزح مقبول
بس الموضوع عم يطلع عن هدفه لسببين أولا لتحييد الفكرة الرئيسية للموضوع اذا كانت حجة أحد المتحاورين ضعيفة
وثانيا أذا في فكرة بالموضوع ماعجبت أحد المتحاوريين فبياخدها وبيبني عليها وبيشتت الموضوع لموضوع تاني
بس هي القصة كترت من لما صارت ملاك السعودية تشارك بمواضيع مثلا خيانة ال سعود للقضية الفلسطينية فهون مثلا مافيها تنكر تاريخ فصارت ترد شروي غروي
وبعدين جابت مواضيع لتدايق السوريين بالمنتدى بكره وغبرة شديدة وبعقل مغلق لايعمل
كمان شوي وبيرجع كلشي متل ماكان تعودنا بأخوية على هيك قصص
وتحياتي الك :D

والله ياشريك المزح مقبول
بس الموضوع عم يطلع عن هدفه لسببين أولا لتحييد الفكرة الرئيسية للموضوع اذا كانت حجة أحد المتحاورين ضعيفة
وثانيا أذا في فكرة بالموضوع ماعجبت أحد المتحاوريين فبياخدها وبيبني عليها وبيشتت الموضوع لموضوع تاني
بس هي القصة كترت من لما صارت ملاك السعودية تشارك بمواضيع مثلا خيانة ال سعود للقضية الفلسطينية فهون مثلا مافيها تنكر تاريخ فصارت ترد شروي غروي
وبعدين جابت مواضيع لتدايق السوريين بالمنتدى بكره وغبرة شديدة وبعقل مغلق لايعمل
كمان شوي وبيرجع كلشي متل ماكان تعودنا بأخوية على هيك قصص
وتحياتي الك :D
تحياتي الحارة صديقي ....:D
صديقي العزيز ... المشكلة انا بحب اخوية وبحب فيها انو ما كل الناس متل ملاك السعودية مثلا وانا شفتها ردين ولا تلاتة خلوني اعرف منيح شو هيي ... بس في اعضاء نخبويين عنجد لكن ليش هيك .؟
تحياتي الحارة
ظل جيفارا

المشكلة كبيرة و لازم تنحل .....

الاعضاء ما يفرقوا بين المواضيع الملطوشة لطش من صور مضحكة او مواضيع ترفيهية او حتى مقالات علمية ..... و بين المواضيع الحوارية الجادة من مقالات فكرية تتطلب محاور كثيرة للنقاش


يعني بكل بساطة يجي شخص يسجل بالمنتدى بس حتى ينزل مواضيع تمس الاتجاهات الفكرية اللي تخاف فكره ... و ما يترك الموضوع بين الحزازيات بين الاعضاء المعارضين و الموالين للموضوع ... و هو ينسحب بل بساطة

و تكبر المشكلة لمن هو يظل ينزل عدة مواضيع من هذا النوع في اليوم و ما يكلف نفسه بمناقشة الاعضاء المحاورين


كل هذا يسبب المشاكل و الازمات بين الاعضاء و شخصنة المواضيع ....... و هذا عيب


برأيي .....
لازم الادارة تستعمل قوانين جديدة منها انو الشخص ما ينزل اكثر من موضوع قابل للحوار في نفس اليوم الا اذا تداخل بشكل موضوعي بين الاعضاء اللي حاوروه و ردوا على الموضوع ...

أولا تحياتي الحارة الك أخي ظل جيفارا
القصة أنو في بعض الاحيان بتكون الردود خارجة عن الموضوع إما بيكون صاحب الرد في حساسية بينه وبين صاحب الموضوع أو بينه وبين حدا حط رد قبله
وهيك بتبلش العالم ببعضها
وأحيانا بيكون صاحب الموضوع حاقد لكل أخويتنا و أكيد كلكم عارفين مين بقصد مع انو حاولت هدي هالشخصية سواء عن طريق الخاص أو بطريق الردود بس على ما يبدو في أشخاص موجودين بأخويتنا لهدف معين
والاسوأ من هيك أنو المشرفين أحيانا ما بيتفهمونا
ما رح أكتب اكتر لاني حاسس أني طلعت عن موضوعك
مرة تانيي تحياتي إلك صديقي ظل جيفارا
طبعا إذا بتسمح لي قلك صديقي:D:D:D:D:D

اهلا اخي ظل جيفارا

موضوع مهم وهناك عدة اسباب لخروج الموضوع عن هدفه ذكرها الأخوان قبلي
لكن حبيت اعلق على من ذكر بأنني سبب في تغير مسار الموضوع


متل ملاك السعودية مثلا وانا شفتها ردين ولا تلاتة خلوني اعرف منيح شو هيي ...


بهذا الرد تثير فضولي لأسأل مالذي عرفته عني من خلال ردودي
وبهذا يخرج الموضوع عن هدفه

هل هو بسببي ام بسبب ردك الذي استفزني ..؟

انا عندما ادخل على موضوع اقرأه وأقرأ الردود اجد بأن الردود خرجت عن الموضوع اخص بالذكر المواضيع التي تتعلق بالسعودية بطريقه الأستهتار او غيرها
وستكون ردت فعل طبيعيه من قبلي بالرد على مثل هذه العينات بالرغم من محاولتي في العديد من المواضيع التي اقوم بطرحها بالتذكير بأن الموضوع خرج عن هدفه واطلب العودة للنقاش ولكن للأسف اجد من الأعضاء الرفض والإستمرار على ماهم عليه

هل من المنطق ان الجميع ردودهم خارج الموضوع وانا التزم به ... !!

تحياتي
ملاك
:D

لك يا ملاك يا عيوني صدقيني أنو ما حدا بيكرهك أو على الاقل ما كان بيكرهك هون بالأخوية بس انتي عم تخلي العالم تنفر منك
السبب أنك دائما بتحاولي خلق مشاكل
انا ما بعرف اذا انت حاقدة وبتكرهي سورية
بس اللي بيقرا مواضيعك وردودك بشكل عفوي رح يفكر أنو انتي هيك و انا بتمنى انو هالكلام مو صحي
شوفي المواضيع اللي باخوية ما احلاها وكلها ذات فائدة
يعني دائما بتحاولي تدوري على حوادث صارت بسورية
شو يعني اذا بسورية ؟؟ كل دول العالم بتصير فيها حوادث
امريكا اللي هيي اقوى دولة نسبة الجرائم فيها من اعلى النسب بالعالم وحوادث السيارات كمان من اعلى النسب بالعالم
شو يعني اذا صار حادث أو جريمة بسورية ؟؟
طيب من كم يوم صدر التقرير اللي بيحط سورية من أوائل الدول في العالم التي تتعم بالامان بس هاد ما بيعني انو في ضعيفي النفوس شي اكيد وطبيعي انو تصير حادثة
فياريت نشوف عندك مواضيع طبية اذا بتحبي الطب أو مواضيع علمية أو مواضيع موسيقى معقولي ما بتسمعي موسيقى
حطيلنا شي غنية حلوة وخلينا نحملها مو أفضل من النقار مع فلان و علتان
مع احترامي لكل اخواني في أخوية
عذرا من اخي ظل جيفارا اذا طلعت عن الموضوع
وتحيا أخوية سورية:D

اخي بصراحة ..
المواضيع اللي عبتناقش مواضيع حساسة كتير بالاخوية
بتكتر فيا الردود والاراء والافتباسات وهالحكي كلياتو ..
وهادا كلو بأدي ليتشعب الموضوع وبس يتشعب الموضوع هون بقى بضيع الطاسة
وبس تضيع الطاسة مصيبة
بعود ماعاد ينعرف شي من شي وبصيبك حالة وجع راس من كتر الردود الطويلة (وهي بصراحة اكبر مصيبة اصحاب الردود الطويلة اللي صغب تنقرا )
ومشان هيك
بتطلع هالمواضيع عن مساراتا
وبتصير بطاطا


ومية :D

مرحبا شباب بكل بساطة ليش عم يطلع الموضوع عن هدفه وعم يتحول بكتير احيان لمهاترات فردية او لنكت ومزح
ما بقول انو انا ما بطلع انا كمان احيانا عم اطلع بس لازم نشوف حل يا ريت تشاركونا ارائكن
تحياتي الحارة
ظل جيفارا
يتم الخروج عن الموضوع لأحد سببين :
1 - أنو الموضوع بايخ أو بالأحرى ما في موضوع ....
2- أو أنو يكون موضوع نازل بنية خبيثة أو وسخة .... و الغرض منو أكتر من مجرد نقل الخبر
و هالسببين عم نشوفهون بمواضيع ملاك السعودية
يعني مقضاية أغلب وقتها بصفحة الحوادث بسيريانيوز ....و عم تنسخ مواضيع بالجملة ...
بغاية أنها تقول أنو الشعب السوري مجرم أو متخلف ...
ونسيانة هيي من وين جاية :p

ليس دفاعا عن احد او التهجم على احد
بلنسبه للموضوع كتير حلو و بتشكرك يا ظل جيفارا على ادراجك للموضوع
ذكر ماد ماكس


يتم الخروج عن الموضوع لأحد سببين :
1 - أنو الموضوع بايخ أو بالأحرى ما في موضوع ....
2- أو أنو يكون موضوع نازل بنية خبيثة أو وسخة .... و الغرض منو أكتر من مجرد نقل الخبر

وهاد يمكن رأي كتير من الاعضاء ..وهون بيت القصيد
يعني اذا انا قيمت انو هل الموضوع بايخ او انو مافي موضوع بكل بساطه ما برد عليه لحتى ما نفتح انقير و نقار
تاني شي اذا انا قيمت ان هل الموضوع مانو مينح و بيئرف بس يمكن غيري يقيموا باعلى الدرجات و منشوف كتير اعضاء عم يشاركو فيه و مبسوطين
انا برأيي الحل ان كل واحد ما بيعجبو موضوع .ما يرد عليه بطريقه استفزازيه

وبتشكر صاحب الموضوع مره تانيه

سلام عليكم

الخروج عن الموضوع في كثير من الأحيان منطقي بنظري....أعطيك مثال....لما مثلا بيكون في موضوع لا علاقة له بالدين على الأقل ظاهريا ....وبيجي واحد يرد على هالموضوع و يدحش بنص ردو آية قرآنية مثلا ,بدون أقواس بدون مزدوجات وكأنها من ضمن كلامه....والهدف طبعا واضح هو تحقيق نوع من المتعة الآنية , شيء من الإكستاز يعني...''والله يعني أنو أنا إنسان خطير خخخخخ سخرت و تهكمت على المسلمين وكتابهم خخخخخ وبطريقة وبأسلوب ياعيني عالأسلوب ,شفت كيف دمجت بين كلامي وبين الآية خخخخ فظيع أنا, أكيد الصبايا رح ينسطلو لما يشوفو ردي....'' وهلم جرا....طبعا هذا مجرد مثال ,قد يقع نفس الشيء بالنسبة للمسيحي.....فالرد على هذا الرد بطبيعة الحال سيكون ردا ساخنا , وهنا يصبح الموضوع ملطشة لتبادل الشتاءم و المسبات.....وتحمل المسؤولية للطرفين مع أن الباديء البذيء هو الإنسان المتحضر الذي تهكم على معتقدات الآخرين....شو هو الحل?? بسيط جدا :" ماتسبني ما أسبك مايطلع الموضوع عن هدفه!"

سلام عليكم

الموضوع بخرج عن هدفه
وقت يصير في مداخلات من اعضاء حطو ردود ما الها طعمه
وبهيك بصير كل واحد يرد على التاني
و بنتسى الموضوع الاساسي و القضيه المطروحه للنقاش فيها

والحل انه كل عضو حابب يعلق بطريقه بايخة لا يكتب رد من الاساس

:D

انا اول شي حاطط حالي لشوف طبعا ولهيك ما رح كونا كتر من مراقب
ولهيك الحكي كله صح ولازم الإدارة تستفيد منه
بس بدي علق على اخي ماد ماكس ,.... مواضيع ملاك السعودية من اكتر المواضيع اللي ممكن يصير فيها هيك وسبق وقلت ما رح رد على ردودها ولا كإنو موجودة بيكون افضل لإنو عنجد نسيانه من وين هيي .
بس في مواضيع عم تطلع الردود عن هدفها رغم انها مهمة جدا فليش ؟
تحياتي الحارة
ظل جيفارا

احم احم احم
والله انا تسجل عليي نقاط كتير من حيث الخروج عن الموضوع :p
لكن.......................
لما بتعطي رايك بموضوع معين وفجاة بيجي حدا يرد عليك ويقلك كلامك بايخ او يدل على انك ساذج او ماهذا الكذب او ياريت بلا ماتعطي راي او لو سمحت بلا كولكة وتمسيح جوخ
شو بيكون موقفك
انا حاولت اضبط نفسي كتير ومارد لكن بالنهاية ممنوع عليك الخروج عن الموضوع ومسموح لغيرك التهجم عليك
انا هيدا يلي لاحظتو هون للاسف
وهيدا يلي اتسبب الي ب 3 مخالفات لحد هلا بعتبر انو ولا سبب من الاسباب التي ذكرها المشرفون تستحق المخالفة وغالبها اني خرجت عن الموضوع طيب ما بالاول خلينا نكون موضوعيين ولاحدا بيجيه رد يتناول تعليقه بالسخرية وبيحب يسكت انما بيحب يدافع عن وجهة نظرو لكن للاسف تنتهي المسالة بالخروج عن الموضوع
اذا اهم شي في الخروج عن الموضوع هو المهاترات والتعليق على مشاركات الاعضاء بطريقة استفزازية او فيها كير من السخرية والانتقاص من قيمة الراي المبدى :frown:

انا اول شي حاطط حالي لشوف طبعا ولهيك ما رح كونا كتر من مراقب
ولهيك الحكي كله صح ولازم الإدارة تستفيد منه
بس بدي علق على اخي ماد ماكس ,.... مواضيع ملاك السعودية من اكتر المواضيع اللي ممكن يصير فيها هيك وسبق وقلت ما رح رد على ردودها ولا كإنو موجودة بيكون افضل لإنو عنجد نسيانه من وين هيي .
بس في مواضيع عم تطلع الردود عن هدفها رغم انها مهمة جدا فليش ؟
تحياتي الحارة
ظل جيفارا
رغم انو خروج عن الموضوع شو قصة ملاك السعودية وليش مش حابين مواضيعها:o:o:lol::p

بصراحة لانو كل مواضيعها ..عن سورية وتخلف سورية وجرائم بسورية ...هلكت رب سورية !!!:shock:

بكل بساطة رح جبلك موضوع من مواضيع ملاك السعودية اللي عنجد بيوحي للإنسان انو يطلع عن الموضوع .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي الموضوع فوتي وشوفيه .وبتعرفي .
تحياتي الحارة
ظل جيفارا

بكل بساطة رح جبلك موضوع من مواضيع ملاك السعودية اللي عنجد بيوحي للإنسان انو يطلع عن الموضوع .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي الموضوع فوتي وشوفيه .وبتعرفي .
تحياتي الحارة
ظل جيفارا
عرفت :pos::sly:

والله الموضوع مهم هو صح انا جديد هون بس يعني كنت قديم بغير منتدايات وكانت نفس القصة تصير والاسباب برايي هي اول شي احيانا صاحب الموضوع بيطرح فكرة وببطل يتابع الموضوع فبيتحول لغير مواضيع بالاخروالتاني هو ان في بعض الناس بتدخل بتقرا نص الموضوع الاساسي وما بتقرا النقاش لوين وصل فبتلاقي بشاركو وبرجع الموضوع من الاول وبيدخل بتشعبات تانية وكمان منل ما قال المحارب العتيق احيانا الانتمائات بتخلينا نطلع عن الواقع والمنطق ونحكي بشكل فردي ومتعصب مع احترامي لكل الاعضاء بس القصة بتصير مع كل الناس مو بس مع حدا معين اي حدا تعدالو على مكان هو منتمي اله رح يدافع عنه بشراسة خصوصا اذا انت كنت عم تحكي من لاشيء يعني مجرد اراء فبتحول الموضوع من طرح فكرة للنقاش وايجاد الحل الها لمهاترات ومقاتلات فردية واكتر الاوقات بكون السبب هو العقول المقفلة والمتحجرة والرافضة انها تحكي بموضوع لانه ( ياي عيب ) او ( امشي جنب الحيط ) او في بعض الناس ( انا اعترض فانا موجود )
وكمان انا مع MADMAX اسبابه الها تاثير فعلا
بالنهاية هي وجهة نظري
وشكر ل ظل جيفارا على طرح الموضوع

مرحباً

بـ اعتقادي انو احيان بيتشكل "لا ارادياً " موضوع داخل موضوع او فكرة داخل موضوع ... فكرة ما بتقدر تتجاهلها لهيك بتضطر انك تعقــِّـب على هالفكرة اللي وردت بالموضوع وبتنجبر انك تعطي رأيك فيها لانك بتكون عم تفكر انو لعل وعسى رايك او ردك وتعقيبك (على الفكرة المـُـتكونة داخل الموضوع ) يأثر ولو قليلا على محور الحديث اللي بيكون صار من جراء تكوُّن الفكرة داخل الموضوع ... وصلت فكرتي؟؟!!

اضافة الى انو احياناً بيصير موضوع اذا بدك تنظر له من الناحية السطحية بتلاقيه شريف ولكن اذا بتتعمق بـ هدف كاتب الموضوع بتحس انو في نية سيئة لدى كاتب الموضوع ... فـ انت هون بتحس انك مضطر ترد على الجانب الاهم بالموضوع اللي هو الجانب المتعلق بـ نية صاحب الموضوع المخفية " السيئة "

اضافة الى اني بتفق تماما مع ما قاله مادماكس وبعض الاخوة والاخوات..!!

السبب الرئيسي صاحب الموضوع



/اما/مافي موضوع


/او/صاحب الموضوع ما عم يعرف يسيطر ع الموضوع ..والي بدو يطلع عن الموضوع ويحكي ئصة حياتو ..فيو يبعتها برايفت ..وهيك بيرتاح وبيريح