مرحباً

بداية اخوتي واخواتي في منتدى اخوية أحببتُ ان اكتب موضوعاً هنا لعلّ نزيف الحبر من قلمي يخفف قليلاً من انزعاجي ممّا أراهـ على القنوات الفضائية ( الغنائية والمنوعة ... )

والآن لتسمحوا لي ان ادخل في صلب الموضوع:

اعتدنا على التنقل بين الفضائيات والانتقال من فضائية الى اخرى ومع كل "كبسة زر" نرى مغنياً جديداً او مغنية جديدة وغالباً ما نرى مغنية اذ ان غناء الاجساد يتلاءم معهن اكثر من غيرهن وكما قال صديقي ASH مضموناً (بغير القناة بعد ما اشلفها بهدلة ...) طبعاً كان حديثه عن هيفاء وهبي ولكن انا هنا لا اقصد فقط هيفاء بل اقصدها هي وغيرها من مغنيات الاجساد الكثيرات (وللأسف)...

كم تمنيت وما زلت اتمنى أن ارى واسمع اغنية تهدئ من روعنا ، اغنية هادئة كـ اغاني الاصيلة فيروز التي بات امر ظهورها " نادراً "
كـ الجوهرة التي ليس من السهل الوصول اليها...

وبعدما اعتدنا على رؤية تلك الاشكال الاستعراضية على التلفزة الغنائية وبعدما بات امر ظهور الفنانين الجدد امراً روتينياً ظهرت "موضة" جديدة وهي برامج الرقص!! لم يكتفوا بالبرامج التي تنتج فنانين سنوياً _ فنانين ويا للفنانين _ يمكنني ان انعتهم كما نعتهم جورج جرداق بـ قوله ان فنان هذا الزمان هو " ابّوط " !! والآن اضافوا الى قافلة البرامج الانحطاطية برنامجاً للرقص الشرقي وكأن ما ينقصنا هو هذا النوع من السخافة!! والاسخف هو ان احدى المتسابقات في البرنامج ليست شرقية _ رقص شرقي لـ راقصة غير شرقية _!!

طبعاً لم احتمل متابعة تلك السخافة ، اكتفيتُ بـ اخذ لمحة بسيطة جداً عن البرنامج وانتقلت لفضائية اخرى لعلّي اجد ما ينفعني ويفيدني في غيرها...

اضافة الى ان هنالك برنامج رقص للشباب _ طبعاً ليس رقصاً شرقياً بل هم في حقيقة الامر شباب يرقصون رقصاً خليجياً _ وانا هنا اجد نفسي مضطرة الى ان اشرح أني لا اقصد الاساءة الى احد ، ولكن حددت نوع الرقص حتى لا يخيل اليكم ان الشباب في البرنامج يرقصون رقصاً شرقياً كـ مثل المدعو " سعد الصغير " !! انا هنا اتكلم بشكل عام ولم اختص بـ ذكر اي منطقة حتى لا يتأثر وينجرح قاطنيها وسكانها وحتى لا يظنوا اني اريد المسّ بهم وبمشاعرهم .

ما كتبته قد يوصل اليكم ولو قليلاً اسفي على هؤلاء وخجلي منهم ، الذين يبذرون اموالهم على مثل هذه الامور السخيفة ، ليتهم ينفقونها على ما هو اهم وإن كان ولا بدّ من انفاقها على برنامج فـ لمَ لا يكون برنامجاً ثقافياً مفيداً غنياً بالمعلومات العامة في مجالات مختلفة ومتنوعة كـ مثل برنامج "التحدي" وبرنامج "من سيربح المليون " لجورج قرداحي؟!!

لذا ما بوسعي سوى ان اقول حقاً ( هـَـزُلــَـت )

وقد سقط ما تبقى من ورقة توتٍ لم يعد دونها شئ مستورا ...

تحية
ماتيا

جيل فاسد ياشيخة :pos:

اي والله هَزُلَــــت وستين هزلت كمان.....:jakoush:

كم تمنيت وما زلت اتمنى أن ارى واسمع اغنية تهدئ من روعنا ، اغنية هادئة كـ اغاني الاصيلة فيروز التي بات امر ظهورها " نادراً "
اي والله والله لح انسا شكل فيروز شوي تانية لانو ما عم اسمعها الا بالراديو ...:shock:

اضافة الى ان هنالك برنامج رقص للشباب _ طبعاً ليس رقصاً شرقياً بل هم في حقيقة الامر شباب يرقصون رقصاً خليجياً _ وانا هنا اجد نفسي مضطرة الى ان اشرح أني لا اقصد الاساءة الى احد ، ولكن حددت نوع الرقص حتى لا يخيل اليكم ان الشباب في البرنامج يرقصون رقصاً شرقياً كـ مثل المدعو " سعد الصغير " !! انا هنا اتكلم بشكل عام ولم اختص بـ ذكر اي منطقة حتى لا يتأثر وينجرح قاطنيها وسكانها وحتى لا يظنوا اني اريد المسّ بهم وبمشاعرهم .
برامج رقص للشباب والله اول مرة بسمع فيها العمى على هالسمعة:frown:

مشكووووورة أختي ماتيا عالموضوع ...بالفعل مهم كتيييير :D

جيل فاسد ياشيخة :pos:
يحرق حريشك شو ادمي انت :?
برنامج "التحدي"

شو هاد؟؟ولا مرة شايفو :?

اي فعلا هزلت يا ماتيا .......


آم من هذا الزمن ,,,,,,,,,, اللي خلى بعض الناس يملكون الفضائيات و الشركات وكل وسيلة ممكن تنشر الثقافة !

يحرق حريشك شو ادمي انت :?


شو هاد؟؟ولا مرة شايفو :?


شوفي حجي

:lol: انا ماني مع .. وماني ضد ..
انا ببساطة لا أهتم .. يعني انا ماني متابعة تلفزيون .. بنوب .. يمكن ألي تلت اربع شهور ما فاتحتو
بشكل عام .. ماني من هواة التلفزيون .. لأنو بحب انتقي انا الشي اللي بدي اسمعو الشي اللي بدي احضرو ..
يعني هيفا ما بتعنيلي شي .. ولو غنت عارية .. لأني ببساطة ما زلت امتلك خيار أني ما أحضرها ...

برنامج الرقص كان مهزلة برأيي .. ومن سيء لأسوأ لل lbc :lol:

الوضع الفني للشعوب هو انعكاس بطبيعة الحال للوضع الذي يعيشه ابناء هذه الشعوب اقتصاديا سياسيا و ثقافيا.
وبما أننا نحيا فترة انحطاط فمن الطبيعي أن نرى انعكاسها على الفن والبرامج التلفزيونية ووضع الفنانين.
يعني باختصار هذا هو انعكاس طبيعي لظلامية المرحلة..
شكرا ماتيا على الموضوع والاسلوب..
:D

كله صاير سخافات كان في كم محطة هلء مافي غير محطات الأخبار ومنقوصة ومملة
lbc لاتتطاق سعودية بامتياز وبتحسوها لتمسيح الجوخ بقرف راحت ايامها
اما المستقبل فهي بوق للسباب فقط
والباقي شرحه
الشام كنا موعودين فيها لهلء ماشفنا شي
ملل

عنجد الــLBC صاير تافه كتير وكل برامج سعودية وبايخخخة ..
بس في هلأ قناة الدنيا عبطالع شغلات وبرامج حلوة
والا مستقبل ان شاء الله

وماذا تنتظرين من اعلام تجاري؟؟
العري و الرقص و هز البطن و المسابقات المسفة و المستوردة من الغرب كل هذه التشكيلة هي ما يحقق الربح لاصحاب تلك القنوات و يخدم اهداف الحكام العرب بان يلتهي الشعب بتلك الامور و يتفسخ حتى لا يزعجه بالاضرابات و المظاهرات

جيل فاسد ياشيخة :pos:

بس اللي بيعزينا انو لا زال في افادة النا من غير برامج وفضائيات :D


شو هاد؟؟ولا مرة شايفو :?

دور عليه وبتشوفهـ :D


اي فعلا هزلت يا ماتيا .......


آم من هذا الزمن ,,,,,,,,,, اللي خلى بعض الناس يملكون الفضائيات و الشركات وكل وسيلة ممكن تنشر الثقافة !

معك حق..

شكراً لمروركم ونتابع الرد ع البقية
:D

برامج رقص للشباب والله اول مرة بسمع فيها العمى على هالسمعة:frown:

مشكووووورة أختي ماتيا عالموضوع ...بالفعل مهم كتيييير :D

اي والله يا سامان برامج رقص للشباب!!

يا اهلا خيي :D

:lol: انا ماني مع .. وماني ضد ..
انا ببساطة لا أهتم .. يعني انا ماني متابعة تلفزيون .. بنوب .. يمكن ألي تلت اربع شهور ما فاتحتو
بشكل عام .. ماني من هواة التلفزيون .. لأنو بحب انتقي انا الشي اللي بدي اسمعو الشي اللي بدي احضرو ..
يعني هيفا ما بتعنيلي شي .. ولو غنت عارية .. لأني ببساطة ما زلت امتلك خيار أني ما أحضرها ...

برنامج الرقص كان مهزلة برأيي .. ومن سيء لأسوأ لل lbc :lol:


وانا هيك ماني من متابعين التي في ..

بس في كتير عالم عم يتاثروا فين واكتر شي الجيل الجديد للاسف .. يعني صرعة كتير ولو:shock:

مشان هيك لازم يكون بكل بيت نكاشة لتنضيف الادان ...:lol: للكبار وانتوا نازلين ..(بقصد للجيل الكبير)

:lol: انا ماني مع .. وماني ضد ..
انا ببساطة لا أهتم .. يعني انا ماني متابعة تلفزيون .. بنوب .. يمكن ألي تلت اربع شهور ما فاتحتو
بشكل عام .. ماني من هواة التلفزيون .. لأنو بحب انتقي انا الشي اللي بدي اسمعو الشي اللي بدي احضرو ..
يعني هيفا ما بتعنيلي شي .. ولو غنت عارية .. لأني ببساطة ما زلت امتلك خيار أني ما أحضرها ...

برنامج الرقص كان مهزلة برأيي .. ومن سيء لأسوأ لل lbc :lol:


هلأ منيح انو هالجملة اللي بالاحمر طلعت منك كـ مشرفة ولا كان صار نقاشات عليها من غير ناس وانطرئنا مخالفة :lol:

شوفي يا ستي يا ريتا "على ما اعتقد" ، هيفاء ما بتعنيلي الي كمان بس عم تعني لغيرنا
وبدال ما هالفضائيات يعملوا برامج توعية للناس عم يزيدوا الطين بلّة...وعم يزيدوا برامج الانحطاط.!!:pos:
وهووووووووووون المشكلة..
احنا عارفين شو اللي بيفيدنا بس هاللي ما عارفين شو مصلحتهم وخاصة الصغار هادا ضرر الهم..
يتربوا على هيفاء!! ولا دانا!! ولا روبي ومروى وهلأ رقص؟!!! و (هون النقطة).

شكراً لمرورك
:D

الوضع الفني للشعوب هو انعكاس بطبيعة الحال للوضع الذي يعيشه ابناء هذه الشعوب اقتصاديا سياسيا و ثقافيا.
وبما أننا نحيا فترة انحطاط فمن الطبيعي أن نرى انعكاسها على الفن والبرامج التلفزيونية ووضع الفنانين.
يعني باختصار هذا هو انعكاس طبيعي لظلامية المرحلة..
شكرا ماتيا على الموضوع والاسلوب..
:D

صحيح والمشكلة انو بهالفترات الناس بدها تهرب من حالتها للنت او للتلفاز او اي شي يسليها...
وعم تكون احدى الوسائل "التلفزيون" ومضمونه بـ كتير من الفضائيات وخاصة الفنية يعني بالحضيض!!

يا اهلا فيك واسلوبك بالرد رائع
:D

هلأ منيح انو هالجملة اللي بالاحمر طلعت منك كـ مشرفة ولا كان صار نقاشات عليها من غير ناس وانطرئنا مخالفة :lol:

شوفي يا ستي يا ريتا "على ما اعتقد" ، هيفاء ما بتعنيلي الي كمان بس عم تعني لغيرنا
وبدال ما هالفضائيات يعملوا برامج توعية للناس عم يزيدوا الطين بلّة...وعم يزيدوا برامج الانحطاط.!!:pos:
وهووووووووووون المشكلة..
احنا عارفين شو اللي بيفيدنا بس هاللي ما عارفين شو مصلحتهم وخاصة الصغار هادا ضرر الهم..
يتربوا على هيفاء!! ولا دانا!! ولا روبي ومروى وهلأ رقص؟!!! و (هون النقطة).

شكراً لمرورك
:D

ميمو ميمو...


هلأ منيح انو هالجملة اللي بالاحمر طلعت منك كـ مشرفة ولا كان صار نقاشات عليها من غير ناس وانطرئنا مخالفة :lol:


ليش؟؟ هيي لاسبت عضو ..ولا اهانت حدا.. يعني ما حكت شي بستدعي المخالفة :shock:

والله بالنسبة الي يمكن من شي سنة ما عاد شفت تلفزيونبس الا الواحد ما بيطلطل عليهومرة فتحنا عال LBC وشفتلكن هديك السخافةيعني عنجد شي بخلي البني ادم يقلب نعامة وما يسترجي يشيل راسو من الارضبظن بعد هلئ جيلنا الصاعد ما عاد يحتاج لقمر الهوتبيرد ولا يروح عند شي محل مشان يفكلو تشفير كم محطة اباحيةلانو الحمدالله صار منتشرين وبكثرة عنا خيو المنتج الوطني غير شكل

lbc بدها قصف جوي لحتى نرتاح من برامجها التافهة بصراحة صارلي زمان مو متابعة برامج يادوب بشغل tvي وقت بكون عالسفرة باكل مشان اسمع شوية مزيكا عقناة مزيكا بما انها بتذيع اغاني مصطفى قمر.ووقت بخلص أكلي بطفي التلفزيون.بس هالبرنامج التافه تبع هزي يا خواشن سمعت عنو وحد هلء ما حضرتو ما بدي احضرو لانو دون المستوى وأكد لي انو هالقناة مستعدة تذيع افلام بورنو مقابل الربح.
لاتهتمي ماتيا طنشي هالسخافات:D

كله صاير سخافات كان في كم محطة هلء مافي غير محطات الأخبار ومنقوصة ومملة
lbc لاتتطاق سعودية بامتياز وبتحسوها لتمسيح الجوخ بقرف راحت ايامها
اما المستقبل فهي بوق للسباب فقط
والباقي شرحه
الشام كنا موعودين فيها لهلء ماشفنا شي
ملل

صحيح ملل... كلامك صحيح مية مية
شكراً لمرورك ابو عمير ...منور:D

عنجد الــLBC صاير تافه كتير وكل برامج سعودية وبايخخخة ..
بس في هلأ قناة الدنيا عبطالع شغلات وبرامج حلوة
والا مستقبل ان شاء الله

قناة الدنيا سمعت فيها واخدت تردداتها بس ضيعتها :lol:
ان شاء الله :D

وماذا تنتظرين من اعلام تجاري؟؟
العري و الرقص و هز البطن و المسابقات المسفة و المستوردة من الغرب كل هذه التشكيلة هي ما يحقق الربح لاصحاب تلك القنوات و يخدم اهداف الحكام العرب بان يلتهي الشعب بتلك الامور و يتفسخ حتى لا يزعجه بالاضرابات و المظاهرات

انا شخصياً ماني منتظرة منهم شي لاني مجتهدة شخصياً
ماني ناطرة مين يمنّ عليي بـ افادهـ...في كتب في مواقع ثقافية ما ضروري التلفاز مع العلم انو لو يحسنو استخدامو بيكون كتير مهم

لكن شو مشان اللي مغرمين بهيك سخافة وعم يربوا عليها؟؟!!

وانا هيك ماني من متابعين التي في ..

بس في كتير عالم عم يتاثروا فين واكتر شي الجيل الجديد للاسف .. يعني صرعة كتير ولو:shock:

مشان هيك لازم يكون بكل بيت نكاشة لتنضيف الادان ...:lol: للكبار وانتوا نازلين ..(بقصد للجيل الكبير)

يا اهلا بـ ذات الصوت العذب :lol:

مية مية حكيك...عنجد لازم يكون انتباهـ انو هالصغار ما يربوا على ايدين هيفاء
يعني تخيلي جاي تغنيلنا للاطفال...قال واوا قال!!

ميمو ميمو...
ليش؟؟ هيي لاسبت عضو ..ولا اهانت حدا.. يعني ما حكت شي بستدعي المخالفة :shock:

ميمو هههههه يلا ما فارقة غير بـ اربع احرف :lol:

ايه يا مرامو بتعرفي انتي في ناس بتعمل من الحبة قبة وقولي ماتيا قالت
بكرا بيجوا بيقولوا ليش هيك وليش هيك..(بعض الاعضاء):D

يا اهلا فيكي مريومة :D

والله بالنسبة الي يمكن من شي سنة ما عاد شفت تلفزيونبس الا الواحد ما بيطلطل عليهومرة فتحنا عال LBC وشفتلكن هديك السخافةيعني عنجد شي بخلي البني ادم يقلب نعامة وما يسترجي يشيل راسو من الارضبظن بعد هلئ جيلنا الصاعد ما عاد يحتاج لقمر الهوتبيرد ولا يروح عند شي محل مشان يفكلو تشفير كم محطة اباحيةلانو الحمدالله صار منتشرين وبكثرة عنا خيو المنتج الوطني غير شكل

ويا خوفي نوصل ليوم نحتاج فيه انو نروح لعند شي محل نقلو فكلنا تشفير القنواة المحترمة

يا اهلا ميدو :D

lbc بدها قصف جوي لحتى نرتاح من برامجها التافهة بصراحة صارلي زمان مو متابعة برامج يادوب بشغل tvي وقت بكون عالسفرة باكل مشان اسمع شوية مزيكا عقناة مزيكا بما انها بتذيع اغاني مصطفى قمر.ووقت بخلص أكلي بطفي التلفزيون.بس هالبرنامج التافه تبع هزي يا خواشن سمعت عنو وحد هلء ما حضرتو ما بدي احضرو لانو دون المستوى وأكد لي انو هالقناة مستعدة تذيع افلام بورنو مقابل الربح.
لاتهتمي ماتيا طنشي هالسخافات:D

انا مطنشة يا ألبي بس قلقنا على اللي مهووسين بهيك سخافات وشايفينها ممتعة!!
وقلقنا على الجيل الطالع...يتربى على هيك اشكال!

منورة غازيتا
:D

انا شخصياً ماني منتظرة منهم شي لاني مجتهدة شخصياً
ماني ناطرة مين يمنّ عليي بـ افادهـ...في كتب في مواقع ثقافية ما ضروري التلفاز مع العلم انو لو يحسنو استخدامو بيكون كتير مهم

لكن شو مشان اللي مغرمين بهيك سخافة وعم يربوا عليها؟؟!!

العائلة تلعب دورا كبيرا في توجيه الاطفال, انت اكيد الجو العائلي جعلكي تكوني شخصية تامن بالفكر و تكوين الذات لكن في عائلات هي التي توجه ابناءها لمشاهدة هكذا تفهات تجدين الام تتابع المسلسلات المكسيكية ""و ما ادراك ما المسلسلات المكسيكية و ما تحتويه من خيانة و علاقات غير شرعية... "" او اغاني خليعة ... بحظور ابنتها التي لا يتعدى سنها 5 سنوات هذه البنت ستتعود على هكذا مشاهد بل ستصير تسعى لتحقيق تلك المشاهد عند بلوغها سن المراهقة او ما يسميه لبعض بايلاف المنكر اي بكثرة مشاهدة تلك البرامج يصير الطفل او المراهق مؤمنا بذاك الاسلوب المنحل .
كما يقول المثل من شب على شيء شاب عليه
المسؤولية تقع بشكل كامل على عاتق الوالدين اللذان يشكلان و يوجهان اختيار الطفل.

مع ازدياد عدد القنوات الفضائية يزداد تدني مستوى البرامج كل يوم صار عم تفتح قناة جديدة ومن وين بدون يلحقو برامج لحتى ينافسو بعض :shock:وكل يوم برنامج جديد وكل برنامج أسخف من التاني...
وبالنسبة للأغني وين أيام زمان كنت ما أعرف غير هاني شاكر وراغب علامة وعمرو دياب وفيروز:pos:
هلق كل يوم عم يطلعلنا مغني شكل لا صوت ولا شكل والأطفال الصغار عم يتعلمو منهم :frown:

أنا من وجهه نظري ما دام في رواد لهيك محطات و برامج فلازم الجانب الآخر بيخترمها
مو شرط تشوفيها
و لا شرط تحكي عنها
و كمان فيكي تشيليها من ال tv تبعك .....قصدي المحطات يللي ما بتحبيها.

ويا خوفي نوصل ليوم نحتاج فيه انو نروح لعند شي محل نقلو فكلنا تشفير القنواة المحترمة

يا اهلا ميدو :D

الخوف الاكبر يا ماتيا انو يقلي لازم تترك هويتك او تجبلي ولي الامر تبعك لحتى فكلك ياهن

اعتدنا على التنقل بين الفضائيات والانتقال من فضائية الى اخرى ومع كل "كبسة زر" نرى مغنياً جديداً او مغنية جديدة وغالباً ما نرى مغنية اذ ان غناء الاجساد يتلاءم معهن اكثر من غيرهن وكما قال صديقي ASH مضموناً (بغير القناة بعد ما اشلفها بهدلة ...)

في شي بالريسيفر اسمو ( قائمة القنوات المفضلة ) ....حطيلك فيها كم قناة .... لاتشوفي غيرهون
و ارتاحي










و ريحينا معك ......:jakoush:

lbc بدها قصف جوي لحتى نرتاح من برامجها التافهة بصراحة صارلي زمان مو متابعة برامج يادوب بشغل tvي وقت بكون عالسفرة باكل مشان اسمع شوية مزيكا عقناة مزيكا بما انها بتذيع اغاني مصطفى قمر.ووقت بخلص أكلي بطفي التلفزيون.بس هالبرنامج التافه تبع هزي يا خواشن سمعت عنو وحد هلء ما حضرتو ما بدي احضرو لانو دون المستوى وأكد لي انو هالقناة مستعدة تذيع افلام بورنو مقابل الربح.
لاتهتمي ماتيا طنشي هالسخافات:D
اهدا شوي شو مفكر الشغله سايبه انا صاحب القناه وإلي بقرب عليها بشل أملو

المسؤولية تقع بشكل كامل على عاتق الوالدين اللذان يشكلان و يوجهان اختيار الطفل.

صحيح كلامك...لازم انتباهـ من الاهل
شكراً لمرورك

مع ازدياد عدد القنوات الفضائية يزداد تدني مستوى البرامج كل يوم صار عم تفتح قناة جديدة ومن وين بدون يلحقو برامج لحتى ينافسو بعض :shock:وكل يوم برنامج جديد وكل برنامج أسخف من التاني...
وبالنسبة للأغني وين أيام زمان كنت ما أعرف غير هاني شاكر وراغب علامة وعمرو دياب وفيروز:pos:
هلق كل يوم عم يطلعلنا مغني شكل لا صوت ولا شكل والأطفال الصغار عم يتعلمو منهم :frown:

لا صوت ولا شكل احلى من شكل ولا صوت :D
يا اهلاً

أنا من وجهه نظري ما دام في رواد لهيك محطات و برامج فلازم الجانب الآخر بيخترمها
مو شرط تشوفيها
و لا شرط تحكي عنها
و كمان فيكي تشيليها من ال tv تبعك .....قصدي المحطات يللي ما بتحبيها.

هلق لاحظ اني بنتقد اللي عم يعملوا البرامج... اللي عقولهم صغيرة وعم يتابعوا هيك سخافة ما عتبي عليها..لانو العقل من الله.. بس انو لو هالفضائيات ما تزدلهم من هالسخافات بلكي يعقلولهم شوي ، والاهم هو موضوع الصغار...الخ....

الخوف الاكبر يا ماتيا انو يقلي لازم تترك هويتك او تجبلي ولي الامر تبعك لحتى فكلك ياهن

انو بلكي بيصير يقلك لساتك صغير على الفضائيات المحترمة! ;)

في شي بالريسيفر اسمو ( قائمة القنوات المفضلة ) ....حطيلك فيها كم قناة .... لاتشوفي غيرهون
و ارتاحي

و ريحينا معك ......:jakoush:

يا اهلا يا اهلا اب سمرا... جاي من طرف بنت عمنا ريمي بدنا نأهل فيك شو بدنا نساوي :pos:

اول شي مين قلك انو ما حذفت منها؟!! حذفت كتير بس انو اقدر احذفها كلها صعب على كترتها !
وبعدين الفضائيات الغنائية بضل نقل من وحدة للتانية لحتى لاقي غنية ... يعني بحب اسمع اغاني بس باخد وقت للاقي غنية منيحة بتنبلع .

تاني شي يعني افحمتني بهالحل... تقول ما خطر على بالي الحذف:pos:
انو القصة مو بس قصة شي ما عجبني بحذفه يا عمي :frown:
القصة انو خيك الصغير او ابن خيك او اي صغير بيعنيلك انت بتنهيه عن انو يكذب او يسرق او يسب وبتسعى انو تربيه تربية صح ، وهيك الحالة مع الاغاني لو ما بتمنعه من متابعة كليبات هيفا ودانا ومروى وروبي وهالشلة رح يعتاد عليها يعني رح يتربى على شكالتها ويا عيني على هالجيل اللي متربى على ايدين الواوا ودن دن !!

ومنور الموضوع سامر
:D
وروق تاني مرة تقول تاعبتك معي :jakoush:

:D

بس بسطر و بدون عبارات مؤنقة

حدا يشرحلي شو هيه المشكلة ..!

بس بسطر و بدون عبارات مؤنقة

حدا يشرحلي شو هيه المشكلة ..!

شرحنا كتير...

شكراً لمرورك لا اكثر

:D

لأ عفوا ً منك في عنا بالأخويّة مية ألف عضو , أزا كل واحد بدو يفوت يقلي شرحنا مشكلة ..

طلبت حدا يشرح , ما طلبت حدا ما يشرح ..

و أهلين ..

لأ عفوا ً منك في عنا بالأخويّة مية ألف عضو , أزا كل واحد بدو يفوت يقلي شرحنا مشكلة ..

طلبت حدا يشرح , ما طلبت حدا ما يشرح ..

و أهلين ..




على قولتك في عنا بالاخوية مية الف عضو اذا لكل عضو بدي اشرحلوا نفس الشرح " بهلك "

لكن لا بأس لانك لبيت طلبي وقت طلبت منك طلب رح اشرحلك باختصار

حر انت توافق ولا ما توافق... بس انا عم قول انو كل يوم صاروا عم بيطلعولنا بشي جديد لا منو فايدة ولا شي يعني علاك مصدي.. كانوا ببرامج غني وهلأ صاروا برامج رقص.. المشكلة بـ انو كل ما عم تزيد هالبرامج السخيفة وكل ما عم يزيدوا المتعلقين بسخافتها وبعضهم مقتنعين انها سخيفة بس على قولتهم " ما في شي غير" عذر اقبح من ذنب.. والبعض الاخر مو شايفها سخيفة واكتر من هيك بقلك في بنت شي 12 سنة كانت متعلقة كتير بستار اكاديمي لما بنت من صفها حكيت على واحد مشترك بهالبرنامج قامت بنت الـ 12 سنة ضربتها .. ليش؟! قال حكيتلها على فلان...!!

يعني ، انو لما اخوك الصغير (او اي صغير بيعنيلك) فرضاً انو ((لو)) انت بتابع هيك برامج وكتير متعلق فيها رح يصير يحضرها معك ويصير يربى على هالنمط وبكرا لما يكبر اللي اصغر منه واللي بيعتبره قدوة الو رح يربى على نمط اسوأ وهيييييييييييك يا عابد بتصير القصة من سئ لـ اسوأ

وووو حر انت تشوفها مشكلة او لاء بس انا حكيت قناعاتي

وروقلي شوي

وتحية
:D

يا اهلا يا اهلا اب سمرا... جاي من طرف بنت عمنا ريمي بدنا نأهل فيك شو بدنا نساوي :pos:



ابو سمرا انا محسوبه عليه مو هوي محسوب عليي :p


هنن بعض القنوات بترفع الضغط والله :pos:

ابو سمرا انا محسوبه عليه مو هوي محسوب عليي :p


هنن بعض القنوات بترفع الضغط والله :pos:

ههههههه طيب اهلين فيك لانك من طرف سامر :lol:

اي بيرفعوا الضغط وبس؟!!:frown:

علّة يا امورة علّة

يا اهلا ريومة

ابو سمرا انا محسوبه عليه مو هوي محسوب عليي :p
قوية طول عمرك يا بنت العم :gem:



دبحتيني بوردة جبلاوية :D

في اختراع اسمو سيدي بينحط بالسيدي بلاير او بالسواقة او حتى بالمسجلة

قوية طول عمرك يا بنت العم :gem:



دبحتيني بوردة جبلاوية :D

شو مشان..........؟!:pos:

في اختراع اسمو سيدي بينحط بالسيدي بلاير او بالسواقة او حتى بالمسجلة

انو؟؟!!;)

شو هاد التلفزيون !! :?

صرلي ماشفتو من سنة النزحة

شرح المفردات سنة النزحة =67

في شي بالريسيفر اسمو ( قائمة القنوات المفضلة ) ....حطيلك فيها كم قناة .... لاتشوفي غيرهون
و ارتاحي




و الله أنا عاملة هيك ........لأنو لتشوف قناة معينة بدك تمرق على شي 30 أو أكثر من قناة بتكرهك بالتلفيزيون.

شو هاد التلفزيون !! :?

صرلي ماشفتو من سنة النزحة

شرح المفردات سنة النزحة =67

احسنلك وحياتك...:D
شو بدك بهالشوفة المعتة:frown:

يا اهلا ابو جوزيف



و الله أنا عاملة هيك ........لأنو لتشوف قناة معينة بدك تمرق على شي 30 أو أكثر من قناة بتكرهك بالتلفيزيون.

وردي الك بالظبط متل ردي لسامر :lol:

خيتو اذا كنتي عم تحكي عن رأي عام فأنسي الرأي العام هيك بده
اذا كنتي عم تحكي عن حالك بكل بساطة كانسلي على كل المحطات اللي ما بتعجبك .وبتريحي حالك وانا هيك عملت بصراحة.وبشكل عام ما بحضر من التلفزيون كله شي نادرا ما افتحه واللي بده يرتاح يعمل متلي .:7asheesh:
تحياتي الحارة
ظل جيفارا

خيتو اذا كنتي عم تحكي عن رأي عام فأنسي الرأي العام هيك بده
اذا كنتي عم تحكي عن حالك بكل بساطة كانسلي على كل المحطات اللي ما بتعجبك .وبتريحي حالك وانا هيك عملت بصراحة.وبشكل عام ما بحضر من التلفزيون كله شي نادرا ما افتحه واللي بده يرتاح يعمل متلي .:7asheesh:
تحياتي الحارة
ظل جيفارا

يا اهلا , نورت يا صاحب الصوت الجميل :lol:

انا عم احكي عن الراي العام...
تماما هيك بدهـ بس لو هالفضائيات ما عم تزوّدها شوي بلكي ما عاد يصير هيك بدهـ

انا بقلك متل ما قلت لسامر انو كنسلت منها بس صعب كنسلها كلها كتيرة لانو ..بهلك :pos:
اضافة اني الفضائيات الغنائية بدي تبقى لانو متل ما قلت انو لما ضل افتل من وحدة للتانية الا ما تصدف تطلع غنية حلوة وبتصدف نسمعها..

شكراً على المرور :D

من نورت
مشكورة

من نورت
مشكورة

؟!

العفو ويا اهلا :D

يا اهلا , نورت يا صاحب الصوت الجميل :lol:

انا عم احكي عن الراي العام...
تماما هيك بدهـ بس لو هالفضائيات ما عم تزوّدها شوي بلكي ما عاد يصير هيك بدهـ

انا بقلك متل ما قلت لسامر انو كنسلت منها بس صعب كنسلها كلها كتيرة لانو ..بهلك :pos:
اضافة اني الفضائيات الغنائية بدي تبقى لانو متل ما قلت انو لما ضل افتل من وحدة للتانية الا ما تصدف تطلع غنية حلوة وبتصدف نسمعها..

شكراً على المرور :D
والله انا برأيي هيدي المحطات صعب تحط شي حلو ........... لهيك تنحذف كلها احسن
اما مشان الراي العام فهو ككل انواع الثقافة ما عنده ثقافة موسيقية وهو لو بيصير عنده شي من تقبل الرأي الأخر وشي من الثقافة بنقول بنقدر نعكس الموضوع على الثقافة الموسيقية وبيصير لحاله يعرف انو هيدا اللي عم ينعرض لا بقلبه لا كلمات حلوة ولا موسيقى حلوة ولا صوت حلو فالأفضل ينكب
بس بشكل عام ما في ثقافة واضحة الملامح مما سمح لهلموسيقى وهالكليبات انو تنتشر وتسيطر على الحياة ... وعلى الذوق الموسيقي .
الموضوع مشربك كتير ومعقد كتير بتدخل فيه ثقافة الشارع والشارع الثقافي يعني مو موضوع سهل ابدا .
يفضل حاليا انو نقدر نشتغل على اربعة خمسة حوالينا كأفضل الحلول
تحياتي الحارة
ظل جيفارا

اما مشان الراي العام فهو ككل انواع الثقافة ما عنده ثقافة موسيقية

معك حق واصلاً لو هو عندهـ ثقافة ما ، كان ما اهتم بهالسخافة من اصلها

بتدخل فيه ثقافة الشارع ...

مهي ما وقفت عند ثقافة شارع وبس...صارت داخلة ثقافة(......) وهيك!!


تحياتي الحارة
ظل جيفارا


متل ما قلتلك...اهلين:D
بس بغير سمايلي :lol:

معك حق واصلاً لو هو عندهـ ثقافة ما ، كان ما اهتم بهالسخافة من اصلها

يا عيني عليكي وهيدا قصدنا ............... لهيك برأيي لازم نشتغل وفق اجندة ثقافية كاملة ومشروع تثقيفي متكامل بيدأ عند جريمة الشرف مثلا وما بينتهي عند العلاقة بالأخر .......
تحياتي الحارة
ظل جيفارا