مرحبا شباب صرله فترة شاغلني هالموضوع
انو بكل بساطة بتلاقي بالمسار التاريخي لتطور التاريخ بيمشي وفق افق واحد لكل فترة في شخصية مقدسة عم تطلع وبيصير النقاش فيها ممنوع وبتطلع فوق مستوى البشر وببنسى كل اخطاءها .
يعني اول شي كانوا الأنبياء حلو .... ولهلأ ما عم نقبل نناقش انو الأنبياء غلطوا رغم اذا بدنا نيجي للإسلام ما القران نفسه بيقول انو النبي " محمد " غلط بقضية الأسرى
بعدين صرنا بقدسية اشخاص فمثلا حاليا لا يقبل النقاش بشخص ماركس او لينين او انطون سعادة او حتى جيفارا وموضوع رغم انو جيفارا غلط مثلا لما استلم وزارة الإقتصاد بكوبا .
طيب هيك جو من وين بيستمد قوته برأيكن؟
انا برأيي من الجهل ........
يا ريت نناقش الموضوع
تحياتي الحارة
ظل جيفارا

سيدي لربما كانت قدسيت نابعة من رغبةالسدنة الذين يتسلقون على تاريخه
فهم المستفيدون الاوائل من قضية الحفاظ على الهالة القدسية حوله وبالتالي هم يتسترون بها

لمصالحهم الخاصة

ولو اعملنا مبدا النقد على اساس كلناكالقمر ه جانب مظلم فاعتقد انهم سيخرجون من المولد بلا حمص

في اعتقادي انه توجد عدة اسباب لهذه الظاهرة, بس حابب اشدد على واحد الي انا شخصيا مقتنع فيه كثير, وهو انو هؤلاء الاشخاص يستمدون نفوذهم من حاجة البشر (الطبيعيه برأيي) للناس المقدسين والابطال. فتصور معارك من دون ابطال, مع العلم انو لو بتفكر فيها بتلاقي انو يمكن شوي سخيف نقول عن القائد الفلاني بطل, يمكن هو شجاع بس بدون جيشه والتكنولوجيا والخبره الخ... ما كان حدا سمع عنو. او تصور حركه فكريه بدون رمز. باختصار اعتقد انو الناس دائما بحاجة لهذا الشخص العظيم الذي يستمدون منه قوتهم وقد يشكل لهم دافعا للمتابعه في هذا الطريق الذي اختاروه.
لو بتفكر فيها بتلاقي انو هالمقدسين بختلفوش كثير عن غيرهن, اذكى او اقوى شوي يمكن. بس حاجة الناس لشخص من هذا النوع (وبالتالي استعدادهم لتجاهل عيوبه) وتزامنها مع وجود احد هؤلاء, زد على ذلك الظروف وعوامل الصدفه... وهاي هي الخلطه عشان يصير عندك بطل, بتقدر تضيف ملح حسب الرغبه :lol:

وبالتالي استعدادهم لتجاهل عيوبه)

وجيل بعد جيل سيكون التجاهل مدعاة لخلق الطغاة وقد يكون الطغاة احزاب ايضا
يسحقون منتقدي الهيهم المزيفة بفتاويهم الحقيرة التي لا تنطلي الا على البسطاء
الذين يحكمونهم تارة بالفوبيا الجحيمية او اي فوبيا اخرى

المثال الذي تحتاجه الشعوب هو البطل العادل الذي يورث عدله
وليس البطل الكذاب
والا ستكون نهايتنا نهاية وخيمة جدا على رؤوس مستقبلنا وتاريخنا

لما الانسان بيحب شخص دائما بيحاول يغطي على اخطاءو او يتغاضى عنها ويعتبرها امور تافهه او سطحية مش كتير مهم نعطيها اهمية لان بنعتبر انو ايجابياتو اكتر من سبياتو هاد بس لان حبينا فكرة فيه ممكن تكون هالفكرة فعلا جديرة انو تنحب فيه
يعني جيفارا حبينا فيه نضالو مع الشعوب المقهورة لهيك ما عد عنا مهم اذا غلط بموضوع استلامو وزارة لان رح يكون تبريرنا دائما انو الانسان بيغلط وهيدا غلط صغير وتافه اذا قارنتو بنضالو الطويل
وهيك هيك بيزيد حبنا لشخص من حبنا لماقدمه من ايجابيات وماعاد نفسنا او حتى قلبنا يطاوعنا انو نلتفت لاخطاءو لانو عم نفكر بحب وبقلب مش بعقل
هيك لما بنكره شخص تماما بيصير همنا نشوف اخطاءو مهما كانت صغيرة لان عم نحكم بقلبنا
لما بنصير نشتغل بالعقل بدون اهمال القلب بيصير في كتير من التكامل والتوازن:D

لما بنصير نشتغل بالعقل بدون اهمال القلب بيصير في كتير من التكامل والتوازن


النظرة العاقلة سيدتي هي موازنة الخطأ بنتيجته المترتبة عليه وليس مقارنته بماضي النموذج



انو الانسان بيغلط وهيدا غلط صغير وتافه اذا قارنتو بنضالو الطويل



اذا كانت هذه نظرتك ففاجعة ستحل بنا
اتعرفين ان الامر سيصل بنا كما وصل بغزة
حينما تغرق بالدماء والاطراف المبتورة والنساء الثكلى والاخوة الذين يقتلون اخوتهم باسم الله
ثم نقول هذه مجرد تفصيلات بسيطة وتاريخ النموذج يغفر له


لا بد ان تكون المقارن بين الخطا ونتيجته وما يترتب عليه مستقبل
وليس المقارنة مع تاريخ النموذج

احترامي
احييك

النظرة العاقلة سيدتي هي موازنة الخطأ بنتيجته المترتبة عليه وليس مقارنته بماضي النموذج



اذا كانت هذه نظرتك ففاجعة ستحل بنا
اتعرفين ان الامر سيصل بنا كما وصل بغزة
حينما تغرق بالدماء والاطراف المبتورة والنساء الثكلى والاخوة الذين يقتلون اخوتهم باسم الله
ثم نقول هذه مجرد تفصيلات بسيطة وتاريخ النموذج يغفر له


لا بد ان تكون المقارن بين الخطا ونتيجته وما يترتب عليه مستقبل
وليس المقارنة مع تاريخ النموذج

احترامي
احييك
ارسلان انت فهمتني غلط
مش انا يلي عم قيم هيك انا عم قول السبب يلي بيخلي الشخص قدسي عند بعض الناس وممنوع نحكي عنو
انا ما عندي شخص مقدس والكل قابل للنقد والتقييم متل ماذكرت
فعلايلي انا ذكرتو هو بيعمل الفاجعة لكان تقديس الناس حاليا مش فاجعة برايك:deal:

واللهي شوف انا بشوف متل ما قال الزميل (فلسطيني لا تقرف)
بشوف انو في حاجة لحتى العالم تاخد قائد عظيم او بطل كرمز
لانو الناس بتتاخد بالمظاهر بجيك واحد بيحكي عن لنين مثلا
-----مع اني بحترم الشيوعية ----------- بس ما بحسن بقول
انو الشي يلي ساوو مثلا ببولندا كان شي منيح
اكيد لأ وانا كتير بحترمك على هل شغلة يا ظل جيقارا ياخي
مو مجاملة بس انت زلمة فهمان مو متل بعض جماعة ما بيعرف الله وين حاطو
المهم انشا الله ما كون طولت ومتمنا العالم تحي تشاركنا الموضوع

طبعا اسلوب التقديس والتأليه فاجعة بحد ذاتها اذا كان التقديس معناه
تمهيد الطريق الى خلق حج عقلي على من ينتقدون هذا الشخص المتاله

اعتذر اذا كانت رسالتي قد وصلت على اني اعارضك
انا لا اعارضك وانما اكمل رسالتك وردك
بقدر المستطاع

:deal:

طبعا اسلوب التقديس والتأليه فاجعة بحد ذاتها اذا كان التقديس معناه
تمهيد الطريق الى خلق حج عقلي على من ينتقدون هذا الشخص المتاله

اعتذر اذا كانت رسالتي قد وصلت على اني اعارضك
انا لا اعارضك وانما اكمل رسالتك وردك
بقدر المستطاع

:deal:
اكيد بعرف ارسلان وفاهمة وجهة نظرك كتير منيح
بالنهاية الموضوع بيرجع لمتل ما قال جيفارا
الوعي
العامل الاهم في نزع فكرة القدسية من عقل اي شخص
وانو ننزع الافكار المسبقة سواء كانت ايجابية او سلبية ونتعامل على اساس الايجابيات والسلبيات والنتائج

مجرد تقديس الشخص وإلباسه رداء الالوهية هو امر سلبي بحد ذاته

حتى لو كان هذا النموذج يُخلق لتحفيز الناس والهيئة الاجتماعية للتقلد به والتمثل

لانه ببساطة بمرور الوقت سيتحول هذا النموذج الى طاغية او سيتحول سدنته الى طغاة في ظله

لذلك من بداية المشوار غلق الباب امام النقد البناء لذاك النموزج مهما كانت صورته براقة

فجيعة بحد ذاتها

كمبدأ

:deal:

هلأ اول شي بشكر كل اللي شاركه وفخور انهن كلهن فاتوا عنجد بجو النقاش
اول شي بدي ارجع كرر فكرتين اساسيتين مرقوا
الفكرة الأولى من صديقي أرسلان
انو اللي حوالي الشخص إلهن فائدة كتير كبيرة بأنو ينعطى هادا الشخص قدسية لأنها بالضرورة بتنعكس عليهن
وتاني فكرة من فلسطيني ولا تقرف وانا بتمنى منه تغيير الإسم ...
انو لحنا عنا حاجة اساسية لخلق بطل واكبر دليل على هيك الأساطير اللي تمحورت حول شخصيات افراد من شمشون إلى جلجامش و مستر إخلس والعديد من الأساطير التي كانت تتغنى ببطولة الفرد
كمان بنفسجة نبهت على فكرة حلوة هي ألية حصول القداسة وترسخها في الفكر .... وبتوقع انها حطت السبب الرئيسي هو الجهل
هلأ انا برأيي صار عنا شيء فكرة منسقة بنقدر نعتمدها كمقياس مشان نتلافى بينا وبين حالنا قدسية الفرد وبتمنى الكل يفكر فيها وانا رح فكر فيها وخصوصا اني حاطط ببالي شخصيات افراد حواليها هالة بالنسبة إلي .
هلأ اول شي الألية بتصير انو ننسى عيوب شخص امام ما قدمه وهيك بنكون بلشنا نخسر المصداقية بتقييمنا له .
السبب بيكون ولازم نركز كتير على السبب مشان نقدر نشوف اذا عنا هيك او لأ
الأسباب اللي طلعت معنا لهلأ تلاتة وهي
1- الجهل العام وقلة الوعي كعامل اساسي واول وهيدا مقياس بنقدر نقيم في حالنا
2- ان يتاجر اشخاص بأسم الفرد المعين وهيك بيصير من مصلحتهن ترسيخ فكرة قدسية الفرد لأنها بتنعكس عليهن وهيدا بنقدر نتلافاها بحيث نشوف مثلا مين اللي عم يحكي كتير بإسم شخص وهيك ظاهرة بالعادة بتاخد شكل ابراز حسنات شخص معين دون مساوئه وبتتجلى وبوضوح بإعتبار كلماته تابو مقدس وهون بتذكر رفيق الحريري وعلاقاته والإنتقادات اللي كان يتعرض إلها من اشخاص لما كان عايش وكيف صار نفس الشخص عند نفس الأشخاص بطل وشهيد وصار اخ ورفيق نضال عندهن
نفس الشي برجع لأتذكر ناجي العلي اللي كلنا بنعرف انو كان يتلقى تهديديات من اطراف للأسف فلسطينية ولما توفى صار الكل يتاجر بدمه ...
3- وهو عامل اساسي ومهم جدا ألا وهو العامل اللي قدمه الأخ الفلسطيني وهو الرغبة الداخلية من ذاتنا انو نخلق ابطال نرمي عليهن اساطيرنا وهيدي الحالة ما بنقدر نعمل مشانها إلا الوعي الزائد ....

بأخر ردي ما بقدر غير أتشكر سوري محشش على مشاركته الجميلة واطرائه الأجمل
واشكر كل المشاركين بالموضوع وانتظر اراء لسا بموضوع قدسية الفرد ...
تحياتي الحارة
ظل جيفارا

اي على راسي حارتك واكيد انا يأيدك بهل الكلام
وانا برأيي انو كل شخص يجي يحكي عن شخصية معينة
وانا بدي احكي صالح العلي وابراهيم هنانو وسلطان باشا الاطرش
اكيد مستغربين بس المشكلة انو العالم يلي بيعرفو حقيقتن كتير قلال
هلأ هدول العالم كانو عبارة عن اقطاعيين
ولما شافو انو فرنسا بدا تاخد كلشي فما لاقو الا انو يقاومو
مو بدافع حب الوطن لأ كان الامر لمصلحتن يعيني الشغلة كلها
مصالح بمصالح اكيد مو غلط انو الواحد يحافظ على مصالحو
بس كمان غلط كتير كبير انو انقدس هيك ناس مع اني هنة ما ساوو شي
للوطن كل يلي صار اني مصالحن اتلاقت مع مقاومة فرنسا لذلك
صار هل شي ويا شباب بتمنا نزيل الهالة او جزء من الهالة عن غير اشخاص كمان وشكرا

اي على راسي حارتك واكيد انا يأيدك بهل الكلام
وانا برأيي انو كل شخص يجي يحكي عن شخصية معينة
وانا بدي احكي صالح العلي وابراهيم هنانو وسلطان باشا الاطرش
اكيد مستغربين بس المشكلة انو العالم يلي بيعرفو حقيقتن كتير قلال
هلأ هدول العالم كانو عبارة عن اقطاعيين
ولما شافو انو فرنسا بدا تاخد كلشي فما لاقو الا انو يقاومو
مو بدافع حب الوطن لأ كان الامر لمصلحتن يعيني الشغلة كلها
مصالح بمصالح اكيد مو غلط انو الواحد يحافظ على مصالحو
بس كمان غلط كتير كبير انو انقدس هيك ناس مع اني هنة ما ساوو شي
للوطن كل يلي صار اني مصالحن اتلاقت مع مقاومة فرنسا لذلك
صار هل شي ويا شباب بتمنا نزيل الهالة او جزء من الهالة عن غير اشخاص كمان وشكرا
يا عيني عليك هيدي الشخصيات التلاتة بالنهاية حلو نشوفها من منطق اخر
صح عندهن التلاتة وخصوصا عند هنانو كان في تلاقي بين الوطنية والمصالح الشخصية يعني الزلمة حلو نشوف إنو لولا عنده اراضي يمكن كان ما فكر يعمل شي ...
شكرا لمرورك
تحياتي الحارة
ظل جيفارا

اي على راسي حارتك واكيد انا يأيدك بهل الكلام
وانا برأيي انو كل شخص يجي يحكي عن شخصية معينة
وانا بدي احكي صالح العلي وابراهيم هنانو وسلطان باشا الاطرش
اكيد مستغربين بس المشكلة انو العالم يلي بيعرفو حقيقتن كتير قلال
هلأ هدول العالم كانو عبارة عن اقطاعيين
ولما شافو انو فرنسا بدا تاخد كلشي فما لاقو الا انو يقاومو
مو بدافع حب الوطن لأ كان الامر لمصلحتن يعيني الشغلة كلها
مصالح بمصالح اكيد مو غلط انو الواحد يحافظ على مصالحو
بس كمان غلط كتير كبير انو انقدس هيك ناس مع اني هنة ما ساوو شي
للوطن كل يلي صار اني مصالحن اتلاقت مع مقاومة فرنسا لذلك
صار هل شي ويا شباب بتمنا نزيل الهالة او جزء من الهالة عن غير اشخاص كمان وشكرا
و هون طرحت مشكلة جديدة
أنو البعض كمان بفكروا انو اذا انتقدوا شخصية كبيرة أومحبوبة .... فهني بكونو عم يخرقوا القاعدة و عم يتميزوا عن غيرهون ....و على أساس أنو هني أفهم من غيرهون و أحيان بكون هالشي بغض النظر عن مصداقية الحكي





لازم تنظروا بتجرد و موضوعية للظرف أو للعمل ... بغض النظر عن الشخص أو عن الأفكار المسبقة

و هون طرحت مشكلة جديدة
أنو البعض كمان بفكروا انو اذا انتقدوا شخصية كبيرة أومحبوبة .... فهني بكونو عم يخرقوا القاعدة و عم يتميزوا عن غيرهون ....و على أساس أنو هني أفهم من غيرهون و أحيان بكون هالشي بغض النظر عن مصداقية الحكي
لازم تنظروا بتجرد و موضوعية للظرف أو للعمل ... بغض النظر عن الشخص أو عن الأفكار المسبقة
شكرا كتير على المشاركة ...........:D
فإذا مشان نقدر نفيد ونستفيد من هالموضوع لازم يكون طرحنا للأشخاص جميل
انا برأيي انو لازم ما نقول للأعور اعور بعينه ... نقول لحنا بنشك ... :yahoo:
شو رأيكن ؟
تحياتي الحارة
ظل جيفارا

هون ما صفت قصة قدسية بشر ، يعني ما صفت انو والله تقول فلان معصوم عن الغلط يعني بالنهاية احنا عم نحكي عن بشر عاديين بدايتهم متل بداية كل انسان وحياتهم متل حياة كل انسان ومأواهم النهائي متل المأوى النهائي لـ اي انسان ..

بس القصة برايي صفت قصة ثقة اكتر مانها قدسية ... ثقة وتجربة كمان .. انو انت سبق وعرفت هالانسان بمختلف احداث صارت اللي خليتك تثق بـ مدى ذكاء هالشخص وتثق بـ عقلانيته وبـ انه بـ عقله وحكمته وايمانه وقوته الذاتية بلا شك قادر يخلصك من شئ ما ، وانه رح يكون مخلّص الك باذن الله...

وطبعاً هون حكيي عن بشر عاديين متل كل الناس لكن عندهم حكمة زيادة عن غيرهم

يسلمو صديق

هون ما صفت قصة قدسية بشر ، يعني ما صفت انو والله تقول فلان معصوم عن الغلط يعني بالنهاية احنا عم نحكي عن بشر عاديين بدايتهم متل بداية كل انسان وحياتهم متل حياة كل انسان ومأواهم النهائي متل المأوى النهائي لـ اي انسان ..

بس القصة برايي صفت قصة ثقة اكتر مانها قدسية ... ثقة وتجربة كمان .. انو انت سبق وعرفت هالانسان بمختلف احداث صارت اللي خليتك تثق بـ مدى ذكاء هالشخص وتثق بـ عقلانيته وبـ انه بـ عقله وحكمته وايمانه وقوته الذاتية بلا شك قادر يخلصك من شئ ما ، وانه رح يكون مخلّص الك باذن الله...

وطبعاً هون حكيي عن بشر عاديين متل كل الناس لكن عندهم حكمة زيادة عن غيرهم

يسلمو صديق
صديقتي الثقة بالشخص مختلفة شوية عن قدسية الفرد
فنحن عندما نثق بالشخص نعطي افكاره حيزا من افكارنا ولكن القدسية هي ان نقتبس اقواله ك تابو مقدس لا يجوز البت فيه وفعليا هي فعل مرافق لكاريزما شخص وليس للثقة به
شكرا كتير إلك على المرور

يسلمو صديق
اهلين صديقة :D
تحياتي الحارة
ظل جيفارا

و هون طرحت مشكلة جديدة
أنو البعض كمان بفكروا انو اذا انتقدوا شخصية كبيرة أومحبوبة .... فهني بكونو عم يخرقوا القاعدة و عم يتميزوا عن غيرهون ....و على أساس أنو هني أفهم من غيرهون و أحيان بكون هالشي بغض النظر عن مصداقية الحكي





لازم تنظروا بتجرد و موضوعية للظرف أو للعمل ... بغض النظر عن الشخص أو عن الأفكار المسبقة
اول شي بحب قلك انو انا ما عم اخرق القاعدة ولا شي ولاعم ساوي حالي افهم منك
تاني شي انا اكبر بكتير منو انو امشي على القاعدة تبعك وما انتقد الاشخاص المحبوبين
لما بشوف انو غلطانين
تالت شي بتصور مافي مزح بيني وبينك لحتا تحكي هيك والكل بيعرف شو ميولك
واذا الكلام يلي حكيتو عن هل اشخاص ما عجبك مشلكتك مي مشكلتي
انت يلي مخك متحجر وما بتقدر تستوعب غيرك
ولا تستوعب وقائع جديدة

شي انا اكبر بكتير منو انو امشي على القاعدة تبعك وما انتقد الاشخاص المحبوبين
لما بشوف انو غلطانين
يا ريتك تعرف مين تنتقد بالأول
و اذا يللي ذكرتون مو وطنيين ... يا ريت تذكرلي مثال على شي شخصية وطنية مرت بسوريا





تالت شي بتصور مافي مزح بيني وبينك لحتا تحكي هيك والكل بيعرف شو ميولك

وين المزح بالموضوع .......و ميولي سواء عرفتو و لا معرفتو ..... ما بخصك



واذا الكلام يلي حكيتو عن هل اشخاص ما عجبك مشلكتك مي مشكلتي
انت يلي مخك متحجر وما بتقدر تستوعب غيرك
ولا تستوعب وقائع جديدة

هاد فهمكون الطفولي للانفتاح و لحداثة التفكير
عموماً

يكون مخ متحجر .... أحسن ما يكون ما في مخ من أصلو
و أنو الواحد حابب يلفت النظر لحالو ... حتى و لو على حساب سمعة شخصيات وطنية كبيرة متل
سلطان باشا الأطرش و ابراهيم هنانو و الشيخ صالح العلي

اخي نحن هون بحديث عن وجهات نظر مالنا لخان عم نتقاتل
واذا ما عجبك مثالي تصطفل بس خليك اكابر وناقش على مستوى عالي لا تخلي مستواك طفولي بالنقاش
وانا ما عم جيب شي من عندي والتاريخ بقول هل شي
بس انتو الوطنيين هيك ما بتقبلو اي نقد ومخكن ما بيحسن يستوعب هل افكار
اخي ناقشني ما عندي مانع يكون حدا عندو رأي ما بتوافق معي
بس لا تجرح بكلامك ولا تهاجمني لانو انا اكبر من انو انزل مستوى النقاش لهيك مستوى
واذا بدك مثال عل وطنيين عندك يوسف العظمة بتصور مثال واقعي

اخي نحن هون بحديث عن وجهات نظر مالنا لخان عم نتقاتل
واذا ما عجبك مثالي تصطفل بس خليك اكابر وناقش على مستوى عالي لا تخلي مستواك طفولي بالنقاش
وانا ما عم جيب شي من عندي والتاريخ بقول هل شي
بس انتو الوطنيين هيك ما بتقبلو اي نقد ومخكن ما بيحسن يستوعب هل افكار
اخي ناقشني ما عندي مانع يكون حدا عندو رأي ما بتوافق معي
بس لا تجرح بكلامك ولا تهاجمني لانو انا اكبر من انو انزل مستوى النقاش لهيك مستوى
واذا بدك مثال عل وطنيين عندك يوسف العظمة بتصور مثال واقعي

طالما انت مخك كبير ..... و أكبر من كل شي في مخاخ هون .....
احكيلنا كلام منطقي و مدعوم بأدلة
يعني ...من المعروف أنو فرنسا أول ما دخلت على سوريا دعمت الاقطاعيين و البرجوازيين
بس انت عم تقول العكس أنو فرنسا هددت مصالحهون
و يا ريت تخبرنا كيف عرفت انو كانو اقطاعيين ...و لا سيما الشيخ صالح العلي .. لأني بعرف عيلتو شخصياً و بعرف انو هالحكي كذب

ههههههههههه لك اخي مخي لو كبير ولا شي
بس منشان موضوع انو فرنسا كانت تدعم الاقطاعيين هادا الشي مو مزبوط
لانو فرنسا كان بدا تسيطر على كلشي ومانا مستعدة تفرط او تتنازل بأي من ثروات سوريا
لصالح حدا غيرا
تاني شي انا عرفت انو كانو اقطاعيين من خلال ناس كبار كتير عمرن بحدود ال 80 سنة
كانو وقتها اهليهن يشتغلو عند هل اقطاعيين او كانو حدا بيقربن بيشتغل عندن
بعدين اخي ماني جاي افرجيك انو انت غلطان لا والله انا ما بعمل هيك ابدا
بس الامر مجرد نقاش مو اكتر وحبيت انا جيب هل مثال بس منشان
نعرف اعطي مثال قديش التاريخ مزور واديش نحن عم ننخدع
وشكرا على ردك الجدي

تاني شي انا عرفت انو كانو اقطاعيين من خلال ناس كبار كتير عمرن بحدود ال 80 سنة

عمرك سمعت عن اقطاعي .....كان عايش ببيت مصنوع من الطين ( أو بيت تراب متل ما بسموه عنا ) !!





بعدين اخي ماني جاي افرجيك انو انت غلطان لا والله انا ما بعمل هيك ابدا
بس الامر مجرد نقاش مو اكتر وحبيت انا جيب هل مثال بس منشان و لأنو الموضوع نقاش


بما أنو موضوع نقاش
لازم نعرف أنو المفروض تنقد أي شخصية .... بس لازم يكون نقد مسؤول و موضوعي
يعني مو مجرد صف حكي و توزيع اتهامات




عالهامش :
فرنسا سيطرت عالبلد هون من خلال دعم الاقطاعيين

اول شي شغلة انو بيت من طين وبيت من عجين ما فمتا ياريت توضح اكتر انشا الله ما تكون مسبة:lol:
تاني شي انا ما كنت عم صف حكي انا عم احكي حكي موضوعي
تالت شي
مزبوط انو فرنسا سيطرت نوعا ما من خلال الاقطاعيين بس انت اكيد بتعرف انو
الفرنسية مو ممكن يسمحو لحدا يسيطر عليهن يعني هنة استفادو منل الاقطاعيين
بالسيطرة بالبداية بس بعدين خلص ما بقا يلزمها الاقطاعيين
يعني ببساطة بتتخلا عنن
ممكن قربلك ياها متل ما صار بالعراق
الاميركان استعملو الاكراد في سيطرتن
بس بعدا شوفن هلأ شو صاير فين
ما حدا عم يسمعلن ولا شي (انا ما كان قصدي بهل مثال الاكراد بس حبيت اوضح فقط الفكرة)
وشكرا

كيف الشبيبة برائيي الجواب بتلاقيه عند غاليليو يا معلم لأنو هو بيعرف ليش حرقولوا كتبوا بعد محاكمتوا ( بتحفظ) و يمكن نيتشه قال نص الجواب عندما قال لقد مات الله ( المقصود بالله هو الكنيسة و الكنيسة كناية عن القوى الظلامية في العصور الوسطى )

بعد امعان النظر شوي اكثر عم اقتنع بانو يمكن فش ابطال على الاطلاق, او بالمفهوم الذي نتصوره على الاقل. بجرب اوضح: شخصية هذا البطل الكامل مش موجوده, انما هناك اشخاص الذين برزوا وتميزوا في مجال محدود في فترة محدودة. يعني (وهون بحب اقتبس من محشش) الاطرش اظهر تفرد وبطوله في فترة وظروف محددين جدا... بس احنا هالبطوله بنروح بنربطها مع كل سيرته.
في قصه صلها فترة تيجه على بالي وهي قصة السموأل الي اكيد بتعرفوها. طبعا كلنا تعلمناها واسمعنا كيف كان بطل ومرضخش. بس انا حابب اسمع هالقصه من وجهة نظر ام هالولد الي مات او الولد نفسه, بجوز يكون رايها انو السموأل هو رجل مظاهر مش اكثر, وفضل قتل ابنها على تشويه صورته... والله اعلم طبعا :D باختصار الي بدي اقولو انو البطوله ممكن بتظهر نتيجه لموقف او عمل معين في مكان معين مع اجتماع كل الامور التي ذكرت للان.
وبالنسبه للاسم... بحب اقول اني بحترم كل الموجودين وبحاول ما اجرح مشاعر حدا, بس هالاسم مش راح اغيرو. يمكن بشي موضوع لقدام اعطيكو اسبابي المقنعه :pos:

يعني الكلام يلي حكيه سوري محشش عن الثوار ضد الاحتلال الفرنسي مابعرف مدى صدقيتو
بالنسبة الي هدول مش مقدسين بالمعنى القدسي للكلمة
انما ناس يستحقون الاحترام لانهم قادو شعب للتحرر من استعمار
وهيدي نقطة كتير تسجل الون
اما انو اقطاعيين فما بعرف اذا صالح العلي (بحكم تواجدي بنفس المحافظة)بقدر اعتبرو اقطاعي
فيك تطلع على بيتو بالشيخ بدر وتحكم
هدول الناس اكيد كان الون كتير سلبيات متلون متل باقي الناس
بس الاكيد انو عملو شي كتيرمهم ماصنع منون ناس مقدسين انما صنع منهون رموز ثورة حركة شعب باتجاه الحرية

يعني الكلام يلي حكيه سوري محشش عن الثوار ضد الاحتلال الفرنسي مابعرف مدى صدقيتو
بالنسبة الي هدول مش مقدسين بالمعنى القدسي للكلمة
انما ناس يستحقون الاحترام لانهم قادو شعب للتحرر من استعمار
وهيدي نقطة كتير تسجل الون
اما انو اقطاعيين فما بعرف اذا صالح العلي (بحكم تواجدي بنفس المحافظة)بقدر اعتبرو اقطاعي
فيك تطلع على بيتو بالشيخ بدر وتحكم
هدول الناس اكيد كان الون كتير سلبيات متلون متل باقي الناس
بس الاكيد انو عملو شي كتيرمهم ماصنع منون ناس مقدسين انما صنع منهون رموز ثورة حركة شعب باتجاه الحرية
ما هيدا قصدنا هلأ هل كونهن رموز سوف يفضي في النهاي إلى اضافة هالة من القدسية حول شخصهن بحيث لا يصبح كلام سوري محشش غير قابل للجدل
انا مو بوارد الحديث عن الموضوع انا مثلا شفت بيت صالح العلي في قرية قريبة من القدموس نسيت شو اسمها بس وضحلي انو زلمة كان فقير ولكن لست ادري اكثر من ذلك ..... ولربما التاريخ كان كفيلا بإزالة أي خطأ قد وقع به الفرد .
ولكن مضار القدسية تظهر عندما تعطى لشخص ما زال على قيد الحياة فتصبح كل اعماله مثار اعجاب ومثار ترحيب
تحياتي الحارة
ظل جيفارا

الناس بحاجة لمين تعمله قائد

وما بتقبل اي كلام جارح فيه

لذلك بيحطوه ضمن اطار مقدس

وبيعملوا منه احسن انسام على الوجود

فما حدا بيفكر ينتقد هالانسان

رغم انه بيعرف انو غلط ويمكن كتير

لكن خوفه من الهجوم اللي ممكن انو تشنه الناس عليه

بيبطل ينتقد وبيخلي افكاره واراءه لنفسه

فالفكرة انو نحن اللي عم نصنع لهم هالقدسية

ونحن اللي عم نعملهم ما بيغلطوا

شكرا لموضوعك ظل جيفارا

الناس بحاجة لمين تعمله قائد

تماما وقد نوهنا إلى هذا النقطة في رد سابق جمع خلاصة ما توصل إليه المشاركين
تحياتي الحارة
ظل جيفارا

ما هيدا قصدنا هلأ هل كونهن رموز سوف يفضي في النهاي إلى اضافة هالة من القدسية حول شخصهن بحيث لا يصبح كلام سوري محشش غير قابل للجدل
انا مو بوارد الحديث عن الموضوع انا مثلا شفت بيت صالح العلي في قرية قريبة من القدموس نسيت شو اسمها بس وضحلي انو زلمة كان فقير ولكن لست ادري اكثر من ذلك ..... ولربما التاريخ كان كفيلا بإزالة أي خطأ قد وقع به الفرد .
ولكن مضار القدسية تظهر عندما تعطى لشخص ما زال على قيد الحياة فتصبح كل اعماله مثار اعجاب ومثار ترحيب
تحياتي الحارة
ظل جيفارا
كونهون رموز فما يعني انهون مقدسين
الرمز ممكن يكون فكرة ومش بالضرورة تكون فكرة مقدسة انما تعجبك كفكرة

كذلك الشخص الذي نتحدث عنه هو وغيروه من الثوار رموز قامو بشي معين افاد كثيرين وهم لم يصلو الى مرتبة القداسة لان هناك من يمتلك سلبيات عليهم وعلى اعمالهم
بالنسبة للفكرة الاخيرة
فهي فكرة كتير مهمة
وهي بالفعل جوهر الضرر لما نقدس شخص بالحياة لانو رح يعتبر حالو بمرتبة الاولهية التي لا تخطىء ابدا
وهو بيبلش الغلط والامعان بالغلط
:deal:

كونهون رموز فما يعني انهون مقدسين
الرمز ممكن يكون فكرة ومش بالضرورة تكون فكرة مقدسة انما تعجبك كفكرة

كذلك الشخص الذي نتحدث عنه هو وغيروه من الثوار رموز قامو بشي معين افاد كثيرين وهم لم يصلو الى مرتبة القداسة لان هناك من يمتلك سلبيات عليهم وعلى اعمالهم
بالنسبة للفكرة الاخيرة
فهي فكرة كتير مهمة
وهي بالفعل جوهر الضرر لما نقدس شخص بالحياة لانو رح يعتبر حالو بمرتبة الاولهية التي لا تخطىء ابدا
وهو بيبلش الغلط والامعان بالغلط
:deal:
تحياتي عمتي
طبعا الرمز هو الشخص الذي يسبق بشعرة واهية مرحلة القداسة ففي احدى طرفي الشعرة يقدس وفي الطرف الأخر يصبح سلوكا معينا في نهج معين يقتبس منه .
ولكي نميز بين المقدس والرمز نرى هل نحن على استعداد لتقبل اخطاءه على انها اخطاء ام اننا نرفضها رفضا قاطعا ..
الحالات المذكورة لا تصلح كأمثلة لأنها بكل بساطة لم تخطئ في الثورة كونها اقطاعية ...
تحياتي الحارة
ظل جيفارا

مرحبا يا شباب
أول شي أتحملوني على مداخلتي فيجوز ما تعجب البعض لأنه اختلاف الرأي لا يفسد للود قضية
هلق كل فعل له رد فعل كما نعلم
ولكل زمان ناسه ووضعه الفكري والاقتصادي
أنا بقيس أي إنسان بشغلة وحدة فقط ايجابياته وسلبياته
هلق فكرة هذا الشخص يمكن أن تلقح وتشوه بعد ان يموت أو أثناء وجوده
والفكرة بتكون متولدة من شخص له مساحة كبيرة بهضم الفعل الذي قام عليه وأثر بفكره لكن من أين تستمد فكرته وأين تنجح عندما يقوم بالاكت أي العمل وأن يقنع جميع الأطراف حوله بهذه الفكرة فهنا يجتمع له عزوة وهدف وحركة
طيب استسقاء أفكار هذا الشخص نكون بحاجة له عند انعدام هؤلاء الأشخاص
يعني عندما يقع الظلم كل له رمزه وحركته
لكن بالنهاية أنا أحكم على الأمر من جهة نجاحه وفشله ومدى الحشود التي تقف ورائه
هلق الأعلام والقوة العظمى والكتاب العديمين الروح شوهوا بالتاريخ بشكل كبير إذا أين نستسقى السيرة الذاتية للشخص الذي أقدسه أو انتمي له ؟
في ظل هذا الكم الكبير من المداخلات والتعقيبات والكتب
هنا مكمن المشكلة وهي مصيبة بالفعل بجد مصيبة حركات تحرر يجوز بالبداية كانت بنودها صحيحة ولكن الآن كله عبينشرى وبينباع أوة البعض لكي لا أكون قاسيا وسوداويا
لكن بالنهاية أنا أحكم على الأمر من جهة نجاحه وفشله ومدى الحشود التي تقف ورائه
الحشود : هي كلمة كبيرة لكن لا توجد بقواميس الدول الكبرى الان في اللحظة الآنية
لأنه هناك قطب واحد , بيجوز دخلت بالسياسة ههههه
المشكلة ليست بالفعل لكن المشكلة برد الفعل والإصغاء لأي فعل أعمله
فموضوع التقديس بكل صراحة ما بحبه
بس تبني الأفكار بحبه يجوز لأنه بصب في أفكاري
هلق أقنع ناس بأفكار هالشخص أو لا أقنعهم هذا ببين بمدى توجهات الشعوب وبقناعتهم بهذا الشخص
ونرجع منقول موضوع تشويه الشخص عند الضفة الثانية موجود بوجه لا يتحمل أي نقاش والرد بعقلية وأفكار بغير موضوع بتاتا
يعني بقله كيفك بيرد علي طبخت مخلوطة اليوم وبيكمل الحكي هووما بيوقف ولا بيخليني أحكي
ووقت بتهمه بالتنظير بقلي ابوي اجته جلطة وعمي تبرع بالكلية وجوز خالتي صار معه كركرينا
يعني بيقص وبيلحش على كيفه ليش لأنه هو الأقوى برأي وفكروأهداف المتنفذين من حوله
الموضوع كتير حلو وكبير
شكرا لكاتب الموضوع والأعضاء تقبلو مروري

مرحبا يا شباب
أول شي أتحملوني على مداخلتي فيجوز ما تعجب البعض لأنه اختلاف الرأي لا يفسد للود قضية
هلق كل فعل له رد فعل كما نعلم
ولكل زمان ناسه ووضعه الفكري والاقتصادي
أنا بقيس أي إنسان بشغلة وحدة فقط ايجابياته وسلبياته
هلق فكرة هذا الشخص يمكن أن تلقح وتشوه بعد ان يموت أو أثناء وجوده
والفكرة بتكون متولدة من شخص له مساحة كبيرة بهضم الفعل الذي قام عليه وأثر بفكره لكن من أين تستمد فكرته وأين تنجح عندما يقوم بالاكت أي العمل وأن يقنع جميع الأطراف حوله بهذه الفكرة فهنا يجتمع له عزوة وهدف وحركة
طيب استسقاء أفكار هذا الشخص نكون بحاجة له عند انعدام هؤلاء الأشخاص
يعني عندما يقع الظلم كل له رمزه وحركته
لكن بالنهاية أنا أحكم على الأمر من جهة نجاحه وفشله ومدى الحشود التي تقف ورائه
هلق الأعلام والقوة العظمى والكتاب العديمين الروح شوهوا بالتاريخ بشكل كبير إذا أين نستسقى السيرة الذاتية للشخص الذي أقدسه أو انتمي له ؟
في ظل هذا الكم الكبير من المداخلات والتعقيبات والكتب
هنا مكمن المشكلة وهي مصيبة بالفعل بجد مصيبة حركات تحرر يجوز بالبداية كانت بنودها صحيحة ولكن الآن كله عبينشرى وبينباع أوة البعض لكي لا أكون قاسيا وسوداويا
لكن بالنهاية أنا أحكم على الأمر من جهة نجاحه وفشله ومدى الحشود التي تقف ورائه
الحشود : هي كلمة كبيرة لكن لا توجد بقواميس الدول الكبرى الان في اللحظة الآنية
لأنه هناك قطب واحد , بيجوز دخلت بالسياسة ههههه
المشكلة ليست بالفعل لكن المشكلة برد الفعل والإصغاء لأي فعل أعمله
فموضوع التقديس بكل صراحة ما بحبه
بس تبني الأفكار بحبه يجوز لأنه بصب في أفكاري
هلق أقنع ناس بأفكار هالشخص أو لا أقنعهم هذا ببين بمدى توجهات الشعوب وبقناعتهم بهذا الشخص
ونرجع منقول موضوع تشويه الشخص عند الضفة الثانية موجود بوجه لا يتحمل أي نقاش والرد بعقلية وأفكار بغير موضوع بتاتا
يعني بقله كيفك بيرد علي طبخت مخلوطة اليوم وبيكمل الحكي هووما بيوقف ولا بيخليني أحكي
ووقت بتهمه بالتنظير بقلي ابوي اجته جلطة وعمي تبرع بالكلية وجوز خالتي صار معه كركرينا
يعني بيقص وبيلحش على كيفه ليش لأنه هو الأقوى برأي وفكروأهداف المتنفذين من حوله
الموضوع كتير حلو وكبير
شكرا لكاتب الموضوع والأعضاء تقبلو مروري
مية اهلا وسهلا صديقي
ما ردي إلا لكي أقول لك مهتم جدا بما كتبت
ولي عودة بعد تمحيص ولكن الغداء ينتظرني الأن .
بشوفك بخير
تحياتي الحارة
ظل جيفارا

قدسية الفرد تاتي من قدسية ماجاء به هذا الفرد وما أفاد به المجتمع والافكار الجديدة الجريئة الثورية التي نادى بها وعمل بها وحارب مجتمعه ومن حوله من اجلها والتي اصبحت فيما بعد جزءاً من ثقافة المجتمع.
فهذه الافكار والاعمال هي المقدسة وهي التي تعطي القداسة للفرد وهي التي تاخدها منه في حال التشكيك بها.
اما بقية الأمور والاشياء فلا اهمية لها ولاتؤثر على قدسية الشخص طالما هي بعيدة عن المقدسات التي ينادي بها.
ارجو ان تكون قد وصلت الفكرة وشكراً.

قدسية الفرد تاتي من قدسية ماجاء به هذا الفرد وما أفاد به المجتمع والافكار الجديدة الجريئة الثورية التي نادى بها وعمل بها وحارب مجتمعه ومن حوله من اجلها والتي اصبحت فيما بعد جزءاً من ثقافة المجتمع.
فهذه الافكار والاعمال هي المقدسة وهي التي تعطي القداسة للفرد وهي التي تاخدها منه في حال التشكيك بها.
اما بقية الأمور والاشياء فلا اهمية لها ولاتؤثر على قدسية الشخص طالما هي بعيدة عن المقدسات التي ينادي بها.
ارجو ان تكون قد وصلت الفكرة وشكراً.
صديقي
موضوعي عكس تماما ما اتفضلت فيه انتا ...
انا عم قول قداسة الأفكار عم تيجي من قداسة الشخص ..
يعني الشخص عم يوصل لمرحلة القدسية و بنصير ناخد كل افكاره على محمل عال من القدسية ..
تحياتي الحارة
ظل جيفارا

صديقي
موضوعي عكس تماما ما اتفضلت فيه انتا ...
انا عم قول قداسة الأفكار عم تيجي من قداسة الشخص ..
يعني الشخص عم يوصل لمرحلة القدسية و بنصير ناخد كل افكاره على محمل عال من القدسية ..
تحياتي الحارة
ظل جيفارا

لا زلت أنتظر يا أبن العم