يلعب منتخبناالوطني في المجموعة الخامسة في إطار المرحلة الثالثة من تصفيات قارة آسيا المؤهله لكأس العالم 2010

المباراة ستقام يوم الأربعاء في السادس من شباط الحالي

تشكيلة المنتخب:
- حراسة المرمى : مصعب بلحوس ( الكرامة ) ورضوان الأزهر ( الجيش ) .

- الدفاع : عبد القادر دكة ( تشرين ) واديب بركات ( الطليعة ) وعادل عبد الله ( الجيش ) واحمد ديب ( حطين ) وعلي دياب ( المجد ) و عمر حميدي ( الاتحاد ) .

- خط الوسط : عاطف جنيات ( الكرامة ) وبكري طراب ( الاتحاد ) وبرهان صهيوني ( الجيش ) وفراس اسماعيل ( الكرامة ) و جهاد الحسين ( الكرامة ) وماجد الحاج ( الجيش ) ويونس سليمان ( الطليعة ) .

- خط الهجوم : فراس الخطيب( العربي الكويتي ) وماهر السيد ( الوحدة ) ورجا رافع ( المجد ) و زياد شعبو ( الكرامة ) ومحمد زينو ( المجد ) .

بالتوفيق لمنتخبنا :yahoo:

مصعب بلحوس ( الكرامة )

نفسي اعرف شو عاجبو بهالحارس.
عالعموم عدنان الحافظ من الكرامة كمان مع المنتخب

الله يجيبك يا كابريني.

يعني ليش ملون لعيبة الكرامة بالازرق ;)
نحن بمنتخب حبيب .. ماضروري تلون لعيب الكرامة بالازرق مشان تورجينا ..
يا اما لو كل لاعب بلون نادي

يعني ليش ملون لعيبة الكرامة بالازرق ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
نحن بمنتخب حبيب .. ماضروري تلون لعيب الكرامة بالازرق مشان تورجينا ..
يا اما لو كل لاعب بلون نادي

انت مو حارق قلبك غير الكرامة.
النادي الملكي السوري.

الله هية هية شقينا الاهلاوية.
الله منتخب, كرامة وبس.


ما بدنا الدوري الدوري
ما بدنا الكااااس
بدنا اهلاوي متل الناس

كلو سوري
شو بدكن بالأندية
خلينا بمنتخب سوريا
الله يوفقو

يعني ليش ملون لعيبة الكرامة بالازرق ;)
و الله هيك إجا عبالي ... ما تواخزنا مشان الله


نحن بمنتخب حبيب ..
منيح نورتني حبيب :lol:

ماضروري تلون لعيب الكرامة بالازرق مشان تورجينا ..
لا ضروري ضروري .. مشان بعض الناس ما يلاقو صعوبة بعد لاعبي الكرامة ضمن المنتخب
وبالتالي ينتبهوا كتير منيح إنو بطل سوريا بيشكل نص المنتخب (باعتبار الزرق كلن أساسيين):gem:


يا اما لو كل لاعب بلون نادي

إي مو محرزة ولو ... كلن تنين من الإتحاد :p
بعدين من وين بدي جيب تلات ألوان أحمر و تنين أزرق ونارة يا صبي :shisha:

لا ضروري ضروري .. مشان بعض الناس ما يلاقو صعوبة بعد لاعبي الكرامة ضمن المنتخب
وبالتالي ينتبهوا كتير منيح إنو بطل سوريا بيشكل نص المنتخب (باعتبار الزرق كلن أساسيين)////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



ازا بدك نحكي فينا نحط التشكيلة هيك معلم ..


تشكيلة المنتخب:
- حراسة المرمى : مصعب بلحوس ( الكرامة ) ورضوان الأزهر ( الجيش ) .

- الدفاع : عبد القادر دكة ( تشرين ) واديب بركات ( الطليعة ) وعادل عبد الله ( الجيش ) واحمد ديب ( حطين ) وعلي دياب ( المجد ) و عمر حميدي ( الاتحاد ) .

- خط الوسط : عاطف جنيات ( الكرامة ) وبكري طراب ( الاتحاد ) وبرهان صهيوني ( الجيش ) وفراس اسماعيل ( الكرامة ) و جهاد الحسين ( الكرامة ) وماجد الحاج ( الجيش ) ويونس سليمان ( الطليعة ) .

- خط الهجوم : فراس الخطيب( العربي الكويتي ) وماهر السيد ( الوحدة ) ورجا رافع ( المجد ) و زياد شعبو ( الكرامة ) ومحمد زينو ( المجد ) .

بالتوفيق لمنتخبنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



وازا بتحب .. بلونك .. زياد شعبو .. اللي الكرامة مالو علاقة فيه اصلا .. بقا .. متل ما قال حسونة خلونا على المنتخب .. وما في فرق بين الاندية احسن ..


بالتوفيق للمنتخب :D

وازا بتحب .. بلونك .. زياد شعبو .. اللي الكرامة مالو علاقة فيه اصلا .. بقا .. متل ما قال حسونة خلونا على المنتخب .. وما في فرق بين الاندية احسن ..


أسبتلي إنك مدريدي :lol:
طيب ما انتبهت إنو ما لونت فراس الخطيب بالأزرق مع إنو ابن الكرامة
و زياد شعبو مانو ابن الجيش أصلاً ... الجيش ما بيصنع أبطال ... بس يشتري ... و سابقاً كان يسرق و بكل وقاحة ;)
بعدين بكرا منشوف كم واحد من لعيبتك اللي لونتن رح يلعب أساسي :lol:

لك سبق وقلتلك .. نحن بمنتخب .. ماتحشرلي الكرامة بالنص ..
يعني هلأ عبتحملنا منية وعبتورجينا ان ولعيبة المنتخب اكترن من الكرامة ولا شو بالزبط ولا بدك تورجينا ؟
يعني بربك ورجيني هاللعيبة الستة الله عبتمنن الله فين شو عملو بالمنتخب لحدا لهلأ .. يعني ماعبشوف شي بشرف بهالمنتخب معن ولا بلاهن .. بالعكس كل مالو لورا ;)

بقى ماكتير تشد ضهرك وتمننا ... يعني لما بياخدولنا بطولة اسيا او شي شغلة محرزة هداك الوقت تاعا مننا

وبالاخير .. المنتخب عبلعب .. فما كل شغلة تحشر فيا الكرامة وماكل مباراة تلولنا لعيبة الكرامة لانو لسه التصفيات طويلة وطويلة كتير .. وازا بدك تلفون نحن منلون ومنعمل اكتر من التلوين للاهلي .. او للجيش اللي مو عاجبك مثلا


:D

يعني بربك ورجيني هاللعيبة الستة الله عبتمنن الله فين شو عملو بالمنتخب لحدا لهلأ

هو المشكلة انو المنتخب فيه اهلاوية وجيشاوية و وحموية.
مشان هيك ما عم يعمل شي.
هني بس ياخدو تشكيلة الكرامة كلها عالمنتخب.
شوف النتائج, مناخد بطولة العالم وقتها :larg:

بالتوفيق
من اي فريق كانو
هدول بيمثلو كل الفرق
حبيبي المنتخب السوري

خيو فادي .. الجيش صنع ام لا .. بس زياد صار اسمو بالجيش .. صح هوة ابن نادي حطين..

بس ما تنسى .. انو الجيش اللي ساواه .. لاعب


وبعدين شغلة تانية .. فيك تقلي عادل وماجد والازهر مين ساواهن .. ؟

يمكن اللاعب الوحيد اللي شراه الجيش صح .. استفاد منو .. كان برهان .. يعني كان الو اسمو من قبل


بعدين منرجع لاسمائك ..

شو مشان فراس اسماعيل؟ وين بلش .؟ يعني من وين بلش اسمو مو من الجيش؟

وفراس نفس الوضع .. ما لعب مع الرجال يا دوب .. وشهرته اجته مع العربي ..

هلا مابدي احكي كتير بالموضوع ..


بس خيو اخر الكلام .. انو اكيد كلنا مع المنتخب .. مين ما كان .. سواء سجل زياد ولا ماجد ولا محمود امنة او ماهر السيد او .. .... المهم المنتخب عم يمثل سوريا كلا .. وكلنا تحت كلمة سوريا .. منكون سوا ..

وعراسي الشبيحة كلا :D

خيو فادي .. الجيش صنع ام لا .. بس زياد صار اسمو بالجيش .. صح هوة ابن نادي حطين..

بس ما تنسى .. انو الجيش اللي ساواه .. لاعب


وبعدين شغلة تانية .. فيك تقلي عادل وماجد والازهر مين ساواهن .. ؟

يمكن اللاعب الوحيد اللي شراه الجيش صح .. استفاد منو .. كان برهان .. يعني كان الو اسمو من قبل


بعدين منرجع لاسمائك ..

شو مشان فراس اسماعيل؟ وين بلش .؟ يعني من وين بلش اسمو مو من الجيش؟

وفراس نفس الوضع .. ما لعب مع الرجال يا دوب .. وشهرته اجته مع العربي ..

هلا مابدي احكي كتير بالموضوع ..


بس خيو اخر الكلام .. انو اكيد كلنا مع المنتخب .. مين ما كان .. سواء سجل زياد ولا ماجد ولا محمود امنة او ماهر السيد او .. .... المهم المنتخب عم يمثل سوريا كلا .. وكلنا تحت كلمة سوريا .. منكون سوا ..

وعراسي الشبيحة كلا :D
عراسي حارتك
ما مشكلة كرامة ولا كرامة ولا كرامة ولا جيش ولا طليعة ولا إتحار ... كلن سوريا ولما بيلعب واحد منن برا غير الكرامة بيصير متلو متل الكرامة ... تأكد من هالشي
هاد حوار رياضي عادي
يعني هوي مزح بالنهاية مو أكتر
و لتحريك الجو بالموضوع
لأنو متل ما شفت الموضوع كلو كلمتين عن تشكيلة المنتخب .. بقى ما في شي كتير ينحكى إذا ما عملنا خناقة :lol:
أنا لونت اللاعبين و عرفان شو رح يصير بعدا :devil:
تحياتي للجميع حتى هاد الأهلاوي :p

تحياتي للجميع حتى هاد الأهلاوي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي هادا الاهلاوي بقلك ع راسي
وببعتلك تحية اكبر من تحيتك .. مع اب وردة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ألف دولار لقاء نقل مباراتنا مع إيران غداً في تصفيات كأس العالم، اعتبر مبلغاً كبيراً جداً ولاتسمح إمكانيات التلفزيون أو صلاحيات إدارته بدفعه..
ولأننا نبحث عن أجوبة لأسئلتكم، حملنا هذه الأسئلة إلى المعنيين فسمعنا منهم ما يؤكد صدق المحاولة لتخفيض هذا الرقم، ووجدنا لديهم الرغبة الحقيقية بنقل المباراة، ولا أعني هنا الزملاء بدائرة البرامج الرياضية الذين عملوا ما عليهم ولكن القرار ليس بيدهم، ولأن كل الأجوبة التي سمعتها من إدارة الهيئة العامة للإذاعة والتلفزيون اعتبرت »ليست للنشر« لا أستطع إلا أن أقول لكم.. جرّبوا وضعوا على الشاشة الوطنية فقد تجدون ما يسركم..
أقول: قد، ولا أجزم بهذا الموضوع..
وقبل أن نطوي موضوع النقل التلفزيوني نقول: إذا لم تجدوا المباراة على شاشة التلفزيون السوري فابحثوا عليها على قناتي إيران الثانية والثالثة، وإذا غيرت القناتان رأيهما فما عليكم إلا أن تكتفوا بسماع أحداث المباراة عبر صوت الزميل إياد ناصر إذاعياً، وإذا تعذر ذلك فتفرجوا على مباراة الإمارات والكويت ضمن مجموعتنا والتي ستنقلها العديد من الفضائيات... أعرف حجم قسوة هذا الكلام أمام لهفتكم لرؤية منتخبنا الوطني في افتتاح مبارياته بالتصفيات المونديالية، وأعرف أن هذا المبلغ قد يُدفع تكاليف برنامج ربما لايشاهده عشرة بالمئة ممن ينتظرون رؤية المباراة، ولكن هذا هو واقع الحال!
نعود إلى المباراة، والتي نبني عليها آمالاً كبيرة من حيث قدرة منتخبنا الوطني على الانتقال بنا من حالة الإحباط الطويلة جداً إلى رحلة الانطلاق التي انتظرناها طويلاً، فهل من مقدمات تساعدنا على ذلك؟
شخصياً، أرى كل شيء ممكناً، والتاريخ يساعدنا على امتلاك الكثير من التفاؤل، وواقع الحال، وبعد المباريات الودية التي لعبها منتخبنا، وبعد الآراء التي سمعناها من لاعبينا، يقول إن مفردات الفوز عادت لتلقي نفسها بأحضان لاعبينا ووحدهم الذين يقررون التمسك بها أو التفريط!
التعليمات التي تلقاها لاعبونا في التدريبات الأخيرة ركّزت على عدة نقاط جوهرية، وأرى التمسك بها مدخلاً للفوز أو على الأقل العودة بنقطة التعادل..

التمرير القصير
هو عنوان كبير للتحكم بمستوى الأداء وخاصة عندما تكون الفوارق البدنية »طول القامة وبنيتها« حاضرة كما هو الحال مع إيران، وبالتالي فإنه ليس من مصلحة منتخبنا أبداً لعب الكرات العالية أو الاعتماد على المناولات الطويلة لأن المطلوب من لاعبينا الاحتفاظ بالكرة قدر المستطاع بمواجهة منتخب سيلعب مهاجماً، بل ومبالغاً في هجومه..
تضييق المساحات
وهو خيار آخر لترويض النتيجة، فعلى الأقل يفقد المنتخب الإيراني بعضاً من تركيزه وقد ينرفز هذا الأمر بعض لاعبيه، وبالتالي فإن تضييق المساحات والضغط على لاعبي إيران في منطقتهم قد يعطي الأفضلية لمنتخبنا..
من الدفاع إلى الهجوم
وركزت التدريبات الأخيرة حسب تقرير الزميل يونس المصري على كيفية الانتقال من الدفاع إلى الهجوم أو العكس بأقصى سرعة وأقل جهد وهنا بيت القصيد..
من الطبيعي أن يلعب منتخبنا مدافعاً، لكن ليس مقبولاً أن يلعب ذلك الدفاع السلبي الذي يكتفي بمحاولة إبعاد الكرة أو تشتيتها لأن ذلك لايستمر حتى النهاية.. بإمكان لاعبينا المدافعين أن يكونوا عنوان الهجمة السورية من خلال سيطرتهم الواثقة على الكرة ونقلها إلى لاعبي الوسط ومساندتهم حتى إيصالها إلى المهاجمين هو الدور الطبيعي للمدافع، وعلى مدى إجادة منتخبنا لهذا الدور يتحدد لون النتيجة..





الريــــــاضية ..

المباراة 3 ونص بتوقيتنا

11 ونص بتوقيت غرينتش .. ومنقولة ع دبي الرياضية 1 (عيني الله )
وعلى زمة موقع كوووورة

حرامي .. :pos:


بالتوفيق للمنتخب بكرا يا رب

حرامي .. :pos:


بالتوفيق للمنتخب بكرا يا رب


ينعن ديبك ليش نحن رفقة لكن :p
ع سواد عيونك


المهم ان شاء الله مانتخورف بالمباراة ..ونطلع فايزين ع ايران ع ارضا
وبني جمهورا ..

وبالتوفيق لمنتخبنا :gem:(مع انو ماكتير شادد ضهري)

بالتوفيق للمنتخب يا رب بس وين لاعبنا الرائع معتصم ههههههههههههشايف فجر بدلو بعادل عبد الله

انا شخصيا مجهز حالي نزلت برنامج عالجهاز. المفروض حط فيه لينك. واقدر احضر المبارات.
انشالله يزبط بس لانو اذا ما زبط بدي اقتل حسن ويمان.
التنين سوا

انا شخصيا مجهز حالي نزلت برنامج عالجهاز. المفروض حط فيه لينك. واقدر احضر المبارات.
انشالله يزبط بس لانو اذا ما زبط بدي اقتل حسن ويمان.
التنين سوا


لك حجي
المباراة طالعة ع دبي الرياضية
واب ظبي الرياضية
وهلأ يمان عبقلي ع الجزيرة كمان

شباب منتخبنا خيلة الشوط الاول ... وحارس ايران بدع .. يلعنو


عنجد رووووووووووعة .. الله يوفقن

شي عجيب رائع
المنتخب السوري كانو فريق اوروبي
ما شالله ...................
الله يوفق
النتيجة متعادلة لحد هلق

مبروك شباب ... ما عرفان قول مبروك ولا هارد لك .. بس انو حلو كتير


جد منتخبنا لعب بطيرقة حلوة اليوم .. ولو بس ما تلبكو بالهجوم .. كان ممكن نطلع فايزين ..


بس رجا رافع ولا حبة ... لك ما عم يقدر يمشي كان .. وفراس اندبح بالهجوم بس خيالي هاللاعب ..


مبروكة :D

راح عليي الشوط الاول. لانو ما كان تفتح معي ولا قناة من تبع الانترنت.
قام اقتنعت ورحت حضرت المباراة على قناة ايرانية.
بس جدا كان ممل الشوط التاني.
انو ولا فرصة متل الخلق!!

عالعموم انا كنت خايف من البلحوس, بس كان طلعاتو كلياتها ممتازة.
الشي الوحيد اللي برأيي كان بيقدرو يعملوه احسن هو الضربات الطويلة. انو لاعبين ايران اطول, ونطتهون اعلى.
ولسى لعيبتا بشوطو الطابة لنص الملعب.

عالعموم, مبروك التعادل

راح عليي الشوط الاول. لانو ما كان تفتح معي ولا قناة من تبع الانترنت.
قام اقتنعت ورحت حضرت المباراة على قناة ايرانية.
بس جدا كان ممل الشوط التاني.
انو ولا فرصة متل الخلق!!

عالعموم انا كنت خايف من البلحوس, بس كان طلعاتو كلياتها ممتازة.
الشي الوحيد اللي برأيي كان بيقدرو يعملوه احسن هو الضربات الطويلة. انو لاعبين ايران اطول, ونطتهون اعلى.
ولسى لعيبتا بشوطو الطابة لنص الملعب.

عالعموم, مبروك التعادل
على فكرة
كان في فرق كتير كبير بين الشوط الاول و الشوط الثاني


الشوط الاول ...كان أحلى شوط بحضرو لمنتخبنا ...من أكتر من 15 سنة :larg:

التعادل !!!:jakoush:
يلا منيح كمان
مبروك لمنتخبنا
:clap:

يلله بلكي على أرضنا منربح ;);)

الشوط الاول ...كان أحلى شوط بحضرو لمنتخبنا ...من أكتر من 15 سنة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

خســـارة

تعادل بايران
منيح
رغم انو الشباب بيستاهلو الفوز
لان حسب ماقلي صديقي كانت مباراة خيلة وبتجنن
بسيطة شباب
بالتوفيق يارب

اي الشــــوط الاول كان رهيب رهيب بمعنى الكلمة ..
عنجد احلى شوط كمان بحضرو لمنخبنا من شي 5 سنين ..
اداء روعة ..
نقلات منظمة
ثقة بالنفس
وتنظيم اكتر من رائع ..
وشوطات وهجمات حلوة من المبدعين فراس الخطيب وجهاد الحسين .. ومع توصيلات حلوة من بكري الطراب العظيم ..

عنجد شوط اكتر من رائع وكان داخل منتخبنا دخلة قوية ...
بس ينعن رفو حارس ايران اخو الشليتة .. ماحليلو يصير حريس الا هلأ .. كمان نقصنا شوبة توفيقو حظ ولا كانت المباراة خلصت غير هالشكل تمام ..

الشوط التاني خفت الوتيرة شوي تبتع منتخبنا ..
بس انو كان اداء حو مو سيئ وقدر يحافظ ع التعادل مع انو ماقدر يعمل هجمات كتير .. بس انو قدر يحافظ ع شباكو
ويطلع بتعادل
تعادل انا من جهتي بعتبرو تعادل بطعم الفوز على ارض ايران وبين جماهير الغفيرة واللي كانت كتير ..
وتعادل بطعم الفوز لانو حسينا حالنا مو خايفين من ايران ومن شبح ايران ومن تاريخ ايران معنا
وايران كان منتخب عادي جدا .. ومنتخبنا ضغط عليه ولعن نفسو .. بس للاسف حظنا شوي تعيس نوعا ما ومافي توفيق .. كان ناقصنا شوية توفيق من الله والله يكملا معنا وكنا طلعنا فايزين .. ومنخب ايران بلعيبتو الكبار بس ماكتير كان بالحجم ...

وفراي الخطيب كان الورقة الرابحة عنجد بهالمنتخب .. وعمل شغل حلو بس ماحلفو الحظ كتير
ورجا رافع ماكتير عمل شي .. الله اعلم شو السبب او ما اخد ع الجو وهيك .. بس مع هيك نتيجة مو بطالة
وتعادل بطعم الفوز .. وكسرنا راس الايرانية وفاجئناهن ع ارضن وبين جمهورن
وحرمناهن من نقطتين كان متوقع ياخدن بسهولة .. بس للاسف خوزقنا ..

بالمختصر شوط اول من اروع الاشواط اللي بقدما منخبنا من فترات طويلة
.. والكل النبهر بمنتخبنا بالشوط الاول .. وماصدق اللي صار
وشوط تاني انخفض المستوى شوي بس مع هيك ضل برفع الراس مع ظروف المباراة



وتحية لمنتخبنا وان شاء الله يضل ع هالمستوى وولاحسن كمان ومايتراجع ابدا ويقدم شي لهالجماهير الي محرومة من طعمة الفوز من فترات طويلة ..
وتحية كمان لمعلق اب ظبي الرياضية
المعلق الرائع .. واللي حكا حكي عن سورياو عن منتخب سوريا ومدح منتخبنا .. وحكا حكي عنو .. لو كان المعلق سوري ماكان حكا هالحكي عن منتخب بلدو .. عنجد حكا حكي اتر من رائع عن سوريا وعن منخبنا ..



ودقوا ع الخشب ياحبايب دقو ع الخشب
والنصر انكتب ياحبايب للمنتخب ..

مبروك النقطة الثمينة لسوريا العظيمة من إيران القوية :gem:
مبروك اللعب الرائع اللي أول مرة بشوفو لمنتخب رجال سوريا بحياتي .. لا من خمسة ولا من خمسطعش سنة ..

أنا بختلف مع الشباب مشان الشوط التاني اللي برأيي إنو أفضل من الشوط الأول ... ليش ؟
لأنو بالأول نحنا قدرنا نفاجئ إيران:o بأكتر من شغلة .. متل :
تنظيم دفاعي
وسط فعال عم يعطي طابات للهجوم
هجوم خطر جداً جداً من الخطيب و الشعبو و كان على وشك يقتنص الأهداف حتى من شبه فرصة متل تسديدة الخطيب الصاروخية من خارج الجزاء
الثقة العالية بالنفس مع عدم وجود رهبة لإيران متل مانن متعودين علينا
عدم وجود مرحلة جس نبض .. يعني الشباب فاتوا بالجو و هاجموا و ناوروا لاعبين إيران بثقة راااائعة

بنهاية الشوط الأول أكيد المدرب الإيراني انتبه إنو هاد منتخب سوري مخيف:sly: و لا يستهان فيه .. مشان هيك لعب الشوط التاني بكل إمكانات إيران و كل الأوراق اللي كان مخبيها ليوم الزنئة :p أو اللي كان معتقد إنها مارح تلزمو مع منتخب سوريا الضعيف حسب وجهة النظر المسبقة
و لما يدفع المدرب الإيراني بكل ما يملك من أوراق ، ولما تستبسل إيران تحت ضغط النتيجة و الجمهور و التاريخ ... وما يطلع معها شي و يصمد المنتخب السوري فهاد الإنجاز الرائع لسوريا

بعدين في شغلة كتير كتير مهمة صارت اليوم ... لعيبتنا طول عمرن بيفرطوا بنص الشوط التاني بالمباريات الكبيرة (ضعف لياقة و قلة استعداد) إلا اليوم .. الشباب كانوا بالفورمة و الله يعطيهن العافة

يعني بصراحة فجر ابراهيم فجر المفاجأة و برأيي الزلمة عم يبدع مع المنتخب و المباريات الإستعدادية تبعو بالصين و البحرين و سوريا جابت نتيجة ... فما بعرف ... حاسس إنو إذا نقلوا الدفة لكابريني يمكن نخسر إنجازات فجر ...
بكل حال لسه بكير عالحكم على فجر ابراهيم و الله يعطيه العافية
مبروك لسوريا :yahoo:

المعلق الرائع .. واللي حكا حكي عن سورياو عن منتخب سوريا ومدح منتخبنا .. وحكا حكي عنو .. لو كان المعلق سوري ماكان حكا هالحكي عن منتخب بلدو .. عنجد حكا حكي اتر من رائع عن سوريا وعن منخبنا
كلام سليم

يعني بصراحة فجر ابراهيم فجر المفاجأة و برأيي الزلمة عم يبدع مع المنتخب و المباريات الإستعدادية تبعو بالصين و البحرين و سوريا جابت نتيجة ... فما بعرف ... حاسس إنو إذا نقلوا الدفة لكابريني يمكن نخسر إنجازات فجر ...
بكل حال لسه بكير عالحكم على فجر ابراهيم و الله يعطيه العافية
مبروك لسوريا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


انا قلت هالفكرة من قبل ..
فجر مع كل اخفاقاتو السابقة ..
بس صلو فترة طويلة مع المنتخب وحفظو وصلو فترة طويلة نوعا ما وبهالفترة تعرضنا لكتير خسارات بس شغلو هو ع المنتخب بصل مستمر .. ومابوقف
يعني هالمدة الطويلة كلياتا مع المنتخب ..
هلأ بدا تبلش تطلع ثمارا وهيك
يعني فجر ابراهيم هلأ بدو يبلش يطلع خيرو بعد كل هالمدة وكل هالخسارات ..
هلأ صار وقتو ليطلع ..
ولما صار وقتو
راحو بدن يجبيو كابريني .. وباصعب الاوقات .. كابريني لازم يكون شهرين ع الاقل مع المنتخب قبل المباريات ليتعود ع العيبة ويتفاهم معن ويتعودوا عليه .. بس مابظن شهر بكفي مباراتنا الجاي مع الامارات على ما اظن بعد شهر او شهر وشوي .. يعني فجر ابراهيم صار حافظ المنتخب وكلشي واخفقنا كتير .. وهلأ بلش يطلع خيرو .. راحو جابو كابريني بهالوقت الضيق ..
مالي ضد كابريني بالعكس انا بدي ياه
بس انو مكن يكون شغل فجر ابراهيم ومدتو الطويلة مع المنتخب مع انو مستوى التدريبي اقل من كابريني
مفيدين للمننتخب اكتر من شطارة كابريني ومعلمويتو وسمعتو بالتدريب ..
وهون الفكرة

متل سانغو يعني ..
الكرامة تحملو ببداياتو وبكل اخطائو ومشاكلو او ما استعاارو من العين
وضل صابر عليه لصار لاعب مفيد ومفيد جدا
وصار يحط بكل مباراة شي غولين ..
وهو بلش يطلع هالخير .. سانغو طار ورجع
وهي خسارة كبيرة طبعا وشي بيحرق القلب

انو معلش لا حدا يجبلي سيرة فجر بالمنيح.
عنا لاعبين ولا اروع من هيك. ال "انجازات" اللي عملها فجر ما بتتناسب مع مستوى ادائهون.
يعني الو مدري كام سنة مع المنتخب ولهلق ما عمل شي.
هلق لانو كابريني جاي المنتخب صاير يقدم منيح. وانا برأيي بسبب حماسة اللاعبين اللي بدهون يفرجو افضل شي عندهون مو بفضل شطارة فجر.


عالعموم, ايران منتخب الو فترة طويلة بدون مدرب. واللاعبين ما اتدربو مع بعضون متل الخلق.
يعني مافينا نقول انو فجر والله قدم مباراة تكتيكية ممتازة قدام ايران. لانو بالاصل المنتخب الايراني كان تكتيكو بالحيط.
شطارتو كانت بالمهاراة الفردية تبع اللاعبين. والحارس اكبر مثال.

اما بالنسبة للمبارايات الودية.
كمان ما فينا نحكم على المستوى منها.
المباراة الودية غالبا بتكون للتجريب لا اكتر ولا اقل.

انو معلش لا حدا يجبلي سيرة فجر بالمنيح.
عنا لاعبين ولا اروع من هيك. ال "انجازات" اللي عملها فجر ما بتتناسب مع مستوى ادائهون.
يعني الو مدري كام سنة مع المنتخب ولهلق ما عمل شي.
هلق لانو كابريني جاي المنتخب صاير يقدم منيح. وانا برأيي بسبب حماسة اللاعبين اللي بدهون يفرجو افضل شي عندهون مو بفضل شطارة فجر.


عالعموم, ايران منتخب الو فترة طويلة بدون مدرب. واللاعبين ما اتدربو مع بعضون متل الخلق.
يعني مافينا نقول انو فجر والله قدم مباراة تكتيكية ممتازة قدام ايران. لانو بالاصل المنتخب الايراني كان تكتيكو بالحيط.
شطارتو كانت بالمهاراة الفردية تبع اللاعبين. والحارس اكبر مثال.

اما بالنسبة للمبارايات الودية.
كمان ما فينا نحكم على المستوى منها.
المباراة الودية غالبا بتكون للتجريب لا اكتر ولا اقل.


فجرابراهيم بزمانو فاز ع ايران لما كانت عندا مدرب وشغلة هون بقطر من شي تلت سنين بغرب اسيا ..
وتاهلنا ع النهائي وخسرنا مع العراق

اي على راسي (بضربات الجزاء اذا ماني غلطان) بس كام مرة خسرنا مع ايران بعدها؟
وكام مرة خسرنا مع العراق؟؟
وكام مرة خسرنا مع باقي الفرق؟؟
هلق ترتيبنا فوق المية.
مع انو قبل فجر كنا بال 80

اي على راسي (بضربات الجزاء اذا ماني غلطان) بس كام مرة خسرنا مع ايران بعدها؟
وكام مرة خسرنا مع العراق؟؟
وكام مرة خسرنا مع باقي الفرق؟؟
هلق ترتيبنا فوق المية.
مع انو قبل فجر كنا بال 80


اكيد هالحكي كلو حق معك في ..
مالي مخالفك بتاتا ..

بس انو فجــر ابراهيم هلأ عبطلع خيرو
هلأ عبطلع شغلو
وهاـ ع بطلع خير كل الوقت اللي قضا مع المنتخب والسنين
مالازم هيك نكبا لازم نستفيد منا شوي ع الاقل ..

لانو عبصير بطابتنا هيك دائما بتربي اللاعب او المدرب .. وبتتعب عليه
وبتتحمل النتائج اولخمة اللي منو
وهو بصير وقتو وقت يطلع منحو
بروحو بكبو

انا هون عم اختلف معك بهالنقطة.
انت عم تشوف انو فجر عم يطلع خيرو.
انا عم شوف انو الاداء المتحسن لمنتخبنا هو بسبب انو في حافز. واللي هو كابريني.
اذا راح كابريني (او حايلا مدرب عليه القيمة) رح يروح الاداء تبع المنتخب.
يعني كلو عم يقدم مشان يفرجي كابريني انو ليكني انا منيح, ولازم كون بالمنتخب.

عالعموم. هاد مجرد رهبة من التغيير.
نحن مو متعودين عالتغيير. كلو بضل بكرسيه سنين وسنين وما حدا بغيرو.
التغيير شي مهم. وبرأيي لازم يجي كابريني.
لانو بغير هيك, بكل بساطة بكون الروتين واكل الهوا اللي بالاتحاد العام, هو اللي ربح.

يا جاد التغيير للأفضل كتير منيح
بس التغيير بهالوقت خطير كتير
وممكن نتراجع ..

بعدين رويداً على فجر رويداً

يا زلمة رويدا شو.
عالعموم هو بكل الاحوال. فجر رح يضل, هو والجهاز الفني القديم.
كل اللي رح يتغير هو انو رح يجي واحد بيفهم بالتدريب اكتر منو.
ما رح يتغير شي زيادة عالفريق.
و 20 يوم كتيرة مانها قليلة

:lol: انو كل الموضوع فهمتو
بس اللي ما فهمتو .. هي .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو خص شعار التيار الوطني الحر .. بالفريق السوري :?
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:lol: انو كل الموضوع فهمتو
بس اللي ما فهمتو .. هي .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو خص شعار التيار الوطني الحر .. بالفريق السوري :?
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



ليش ما دريتي :?

الف مبروك للمنتخب السوري
رفع راسنا