ماهيه ردة فعلك إن أغلق أحدهم الهاتف بوجهك؟؟ [الأرشيـــــف]

وهج البراءة

04/02/2008, 19:33

اممي

04/02/2008, 19:38

كثير نغضب وكثير نعصب , نتنرفز, نتضايق ...لما بنحكي بالموبايل
لكن
فحالات يمكن بدون وعي نقفل الخط بوجه اللي نكلمه

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟

كم مره أغلقت الهاتف في وجه صديق او أخ ...الخ ؟؟

ماذا تفعل بعد إن تغلق الهاتف بوجه؟؟
هل تغلق الهاتف نهائيا؟؟ هل تتصل بعدها عليه لتعتذر؟؟

هل تندم على هذه الفعله أم لا؟؟

هل أغلاق الخط في وجه يعتبر هروب من المواجه؟؟

هل تعتبر هذه الصفه قلة تهذيب؟؟

هل تعتبر من الانتقام, او رد للاعتبار؟؟

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟

ماهيه ردة فعلك إن أغلق أحدهم الهاتف بوجهك؟؟

ياريت بلاقي أجاباتكم على هي الاسئله ....

الوحيدة الي مسكر بوجها التفلون كانت الرفيقة الاعلى:oops:
لان مرات النقاش لما بيكون الواحد معصب مابيعود بيوصل لنتيجة يعني كل كلمة بتزيد الواحد تعصيب وبالتالي اسهل اسلوب لتنهي الخناقة ان تسكر وبعد شي ساعة بترجع بتحكي وتشوف كيف بتحلها
هلق طبعا يامات انا ماكل تسكيرات كتيرة بوجه من هالرفيقة :jakoush:
والوحيد الي انا مسكر التلفون بوجه هوه ابو الرفيقة بس هالحكي كان زمان كتير :p

sandra

04/02/2008, 19:48

كثير نغضب وكثير نعصب , نتنرفز, نتضايق ...لما بنحكي بالموبايل
لكن
فحالات يمكن بدون وعي نقفل الخط بوجه اللي نكلمه

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟
غضب وعند البعض بيكون في تهور

كم مره أغلقت الهاتف في وجه صديق او أخ ...الخ ؟؟
مرة أو مرتين بس كان بعد التهديد :pos:

ماذا تفعل بعد إن تغلق الهاتف بوجه؟؟
بسبو :lol:

هل تغلق الهاتف نهائيا؟؟ هل تتصل بعدها عليه لتعتذر؟؟
بالمثال اللي قلتلك ياه ذكرت إني بكون مهددة قبل ما سكر الخط
وما برجع بعتذر لأن أنا ما بسكر الخط إلا إذا وصل النقاش مع الشخص اللي ادامي لنقطة ما عاد يستوعب وما عاد يحترم حالو
أنا بالي كتير طويل على رفقاتي بس لما بيكون اللي ادامي ما ناوي يقضيها على خير أنا بنهيها من عندي

هل تندم على هذه الفعله أم لا؟؟
مو ندم لأن لما بسكر الخط بكون واعية للشي اللي عملتو
بس بتضايق لأن اضطريت أني أعمل هيك

هل أغلاق الخط في وجه يعتبر هروب من المواجه؟؟
حسب الموقف

هل تعتبر هذه الصفه قلة تهذيب؟؟
اي مع أني اضطريت مرتين اعملها بس لأن كان المقابل الي غير مهذب

هل تعتبر من الانتقام, او رد للاعتبار؟؟
الباب اللي بيجيك منو ريح سدو واستريح

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟
بيستحق إني أسكر الخط لما بيتجاوز حدود كتير معي وما بيفهم بالحكي
وما بيستحق إذا سكرت الخط لمجرد تعصيبة بسيطة أو اختلاف بوجهات النظر

ماهيه ردة فعلك إن أغلق أحدهم الهاتف بوجهك؟؟
ما برجع بحكي معو إلا إذا كنت كتير غلطت بحقو مع أني ما بغلط بحق حدا :angel:

ياريت بلاقي أجاباتكم على هي الاسئله ....

وهي جاوبنا :larg:
بس يا ريت نعرف رأيك الشخصي :D

XerostomiA

04/02/2008, 20:31

لا أؤمن بنقاشات الهواتف ..
لأن أمي حين تحاكيني و ألتفت تصرّ على أن العين مغرفة الحكي ..

على الهاتف ..
لا عين و لا لغة جسد و لا حتى ابتسامة تهدأ الأجواء ..

إن خيروني ..
أهاتف لأدير لقاء لا نقاش ..

ماهيه ردة فعلك إن أغلق أحدهم الهاتف بوجهك؟؟

حسب الشخص ..
لو أبي أو أمي أعتذر ..
لو أختي أو أخي أنتفض و أغضب ..
لو صديقة لن أهاتف بعدها أبدا مهما حصل ..
حتى و إن تصالحنا ..
لو سيد القلب .. أدمع .. و أعاود المهاتفة حتى يجيب ..
لو أبنائي حساب عسير جدا ..

طفوله

04/02/2008, 21:18

يا ترى ما هو السبب؟؟

بكون حسيت انو الئدامي رح يبلش ب ازعاجي

كم مره أغلقت الهاتف في وجه صديق او أخ ...الخ ؟؟

اهلي لا ...بس الباقي ..حسب درجة الغباء ماعندي فرئ بطبئ الخط بوش عميد الكليه كمان وصارت معي..كم مره؟ ..كتااااار

ماذا تفعل بعد إن تغلق الهاتف بوجه؟؟

بعمل فنجان ئهوه مشان اروئ

هل تغلق الهاتف نهائيا؟؟ هل تتصل بعدها عليه لتعتذر؟؟

لا ما بغلقو انو مين هالشخصيه لحتى اوقف اتصالي مع بقية البشر مشانها ....وشلون اعتذر من شخص غلطان هي ما صارت بعمرها

هل تندم على هذه الفعله أم لا؟؟

بعمري ما ندمت

هل أغلاق الخط في وجه يعتبر هروب من المواجه؟؟

لا.. بيعتبر نجئ ..المواجهه ما بتكون بالحكي ع التليفون ..القوي بيواجه face to face

هل تعتبر هذه الصفه قلة تهذيب؟؟

.لا ...هوه شخص ما بيرضى يغلط متل ما غيرو غلط فــ بينسحب

هل تعتبر من الانتقام, او رد للاعتبار؟؟

هئ.. بردو بطرقي الخاصه ..بس مو اسمو انتقام

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟

وئت الي ئدامي بيتأصد يزعجني وبيعرف طباعي..واذا ما حس بغلطو فــ وداعا للابد...

لا يستحق لما يكون متدايئ وما عم يعرف شو عم يحكي بئى هون بدنا نستحمل بعض

ماهيه ردة فعلك إن أغلق أحدهم الهاتف بوجهك؟؟

ما صارت..ولا رح تصير... لانو دايما محترمه حالي وساكته وع ئد السؤال بجاوب

سوا ربينا

04/02/2008, 22:06

كثير نغضب وكثير نعصب , نتنرفز, نتضايق ...لما بنحكي بالموبايل
لكن
فحالات يمكن بدون وعي نقفل الخط بوجه اللي نكلمه

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟

الاسباب كتيره وما الها حدود منها المهم ومنها الغير مهم

كم مره أغلقت الهاتف في وجه صديق او أخ ...الخ ؟؟
مش متذكر بس يمكن مرتين

ماذا تفعل بعد إن تغلق الهاتف بوجه؟؟
حسب مرات بحس انه ارتحت نفسيا اذا السبب مش مني ومرات بتدايق اذا السبب مني

هل تغلق الهاتف نهائيا؟؟ هل تتصل بعدها عليه لتعتذر؟؟اه ممكن اغلقه نهائيا
كمان حسب اذا مثلا سبب الشجار من طرفي برجع بحكي معه بس اذا مو من طرفي مستحيل احكي الا اذا هو حكى معي

هل تندم على هذه الفعله أم لا؟؟
نفس جواب السؤال اللي قبله

هل أغلاق الخط في وجه يعتبر هروب من المواجه؟؟
لا بس ممكن يكون هروب من الغلط اكتر واكتر او تكبير وتعقيد المشكله اكتر..

هل تعتبر هذه الصفه قلة تهذيب؟؟
كمان من وجهة نظري لا

هل تعتبر من الانتقام, او رد للاعتبار؟؟
اه ممكن تعتبر رد اعتبار بس انتقام ممكن يجي اكبر من هيك

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟
اذا دايقني بسكر بوجهه وعكس ذلك اكيد ما رح سكر بوجهه

ماهيه ردة فعلك إن أغلق أحدهم الهاتف بوجهك؟؟
اكيد رح اعصب وانرفز اكتر واكتر ورح يكون العقاب وخيم اكيد بس برجع بحكي اذا كنت انا السبب يعني رح تكون ردة الفعل خفيفة بس اذا مو مني السبب رح ورجيه نجوم الظهر...

ياريت بلاقي أجاباتكم على هي الاسئله ....

ميرسي عالموضوع..:D

la-vierge

04/02/2008, 23:27

يا ترى ما هو السبب؟؟

الغضب الشديد:aah:

كم مره أغلقت الهاتف في وجه صديق او أخ ...الخ ؟؟

لا أذكر لكن ليس كثيرا:oops:

ماذا تفعل بعد إن تغلق الهاتف بوجه؟؟

ألقي بالهاتف بعيدا عني و يمكن يتكسر كمان

هل تغلق الهاتف نهائيا؟؟ هل تتصل بعدها عليه لتعتذر؟؟

لا ما بعتذر لانو مو غلطتي غالبا ما بتشاجر انا بالتلفون الا اذا حدى هو اللي ابتدى الشجار

هل تندم على هذه الفعله أم لا؟؟

لا

هل أغلاق الخط في وجه يعتبر هروب من المواجه؟؟

ليس هروب من المواجهة بس هو خوف مني لقول شي بيجرحو فمن الأحسن اني أغلق الخط قبل ما تخرج أعصابي عن السيطرة

هل تعتبر هذه الصفه قلة تهذيب؟؟

ليس دائما ربما خوفا من أن يخرج غضبك عن السيطرة كما قلت

هل تعتبر من الانتقام, او رد للاعتبار؟؟

لا رد الاعتبار مو من عادتي اني انتقم

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟

اذا كان صوتو واصل للجيران بغلق الخط
و اذا كان كمان واحد ما بعرفو و مو حابب يجاوبني عن أسئلتي يعني منين جاب رقمي او شو اسمو

ماهيه ردة فعلك إن أغلق أحدهم الهاتف بوجهك؟؟

بغضب و ما بحاكيه بحياتي الا اذا قدم تفسير و اعتذار خصوصا اذا ما كنت غلطانة معو بشي

موضوعك كثير حلو:D

hercules

05/02/2008, 17:17

الحمد لله على هالنعمة انا بسيطر على اعصابي لابعد الحدود وعمري في حياتي ما سيطرت على حالي ....
الحمد لله.....

وهج البراءة

05/02/2008, 17:29

اول شي تسلموو كلياتكن على طلتكن ع الموضوع واللي ردو عليه

وبالنسبة للي طلبو ردي
هاد هو

يا ترى ما هو السبب؟؟
اذا ما كان بيفهمني واذا استفزني بالحكي وعصبت منه بسكر وكمان بعد تهديد

كم مره أغلقت الهاتف في وجه صديق او أخ ...الخ ؟؟
كتييييييييييييييييييييييي ييييييييييييييييييييييييي ييييير :clap:

ماذا تفعل بعد إن تغلق الهاتف بوجه؟؟
برد الحكي اللي استفزني فيه بعصبية:jakoush:

هل تغلق الهاتف نهائيا؟؟ هل تتصل بعدها عليه لتعتذر؟؟
بسكره اي وما بعتذر اذا مو انا الغلطانة صح سكرت بوجهو بس هو اللي خلى هالشي يصير

هل تندم على هذه الفعله أم لا؟؟
ابدا

هل أغلاق الخط في وجه يعتبر هروب من المواجه؟؟
لأ مو هروب بيعتمد ع الشي اللي انحكى مع الشخص التاني

هل تعتبر هذه الصفه قلة تهذيب؟؟
يمكن...بس بيستاهل

هل تعتبر من الانتقام, او رد للاعتبار؟؟
لأ

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟
متل ما قلت لما بيستفز ويقعد يحكي حكي ماله طعمة

ماهيه ردة فعلك إن أغلق أحدهم الهاتف بوجهك؟؟
نفس كل واحد فيكن لما حدا بيتسكر بوجهو

cadbury boy

05/02/2008, 18:59

موضوع حلوو كثيير..

وانا برأيي بستمتع لما بقفل الخط بوجه اي احد (ما عدا والدي لاني عارف انو ما راح يمشيهها على خير:cry:) لانو نص التعصيب اللي كان فيني بيروح من ورا تقفيلت الخط
وبنفس الوقت بتضايق و بنقهر اذا احد عملها فيني و على طول اكتب لو مسج فيه شوية حكي على حسب الحاله مرات بزودها:p

بالنسبه ليش بعملها.. مرات اكون معصب كثير او اوصل لمرحلة مافيني اتكلم اكثر
ومرات بس عشان اغيض اللي بكلمه:?

بعد ما اعملها اندم عليها لانو بالطريقه هذي بكون كبرت المشكله و مرات اذا حسيت اني تورطت من ورا الشغله هذي بتعذر انو ماكان في باتري بالموبايل;)

بس برأيي المفروض كلنا نعرف انو النقاش ماينفع اذا كان بالموبايل عشان كذا الفترا الاخيره صاير احاول ما ادخل اي نقاش بالجوال عشان ما يتقفل الخط بوجهي:x

witewail

06/02/2008, 01:24

:adal:الحمدلله انا مشان هالشغلة حرقت الشريحة ورميت الموبايل وريحت راسي:yahoo:

Reemi

07/02/2008, 15:21

تم تعديل العوان بما يتناسب مع الموضوع

cuty

07/02/2008, 15:42

كثير نغضب وكثير نعصب , نتنرفز, نتضايق ...لما بنحكي بالموبايل
لكن
فحالات يمكن بدون وعي نقفل الخط بوجه اللي نكلمه

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟ السبب بكون يا اما معصبة لانو انا عصبية احيانا..يا اما و صارت كتير انو بيتصلو رفقاتي و في منهم (تقال دم بكل معنى الكلمة)و بيردو اهلي و بيسلموني التلفون و انا دغري بسكر الخط

كم مره أغلقت الهاتف في وجه صديق او أخ ...الخ ؟؟كتير:oops:

ماذا تفعل بعد إن تغلق الهاتف بوجه؟؟ما بفعل شي...انو بقعد مع حالي شوي ممكن اندم و باغلب الاحيان ما بندم بصراحة
هل تغلق الهاتف نهائيا؟؟ اجل هل تتصل بعدها لتعتذر؟؟كلا

هل تندم على هذه الفعله أم لا؟؟ حسب ازا اختي او امي او بابا او شخص عزيز عليي اكيد

هل أغلاق الخط في وجه يعتبر هروب من المواجه؟؟لا ازا في مواجهة بالموضوع ما بسكر بخلقتو..بس ازا كنت معصبة بس

هل تعتبر هذه الصفه قلة تهذيب؟؟ممكن:lol::oops:

هل تعتبر من الانتقام, او رد للاعتبار؟؟ لا لا مو انتقام ولا ما يحزنو ن

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟ ما بيستاهل الصديق ينغلق بوجهو بس ازا فعلا صديق بقدر المشاعر و بيفهم:shock:

ماهيه ردة فعلك إن أغلق أحدهم الهاتف بوجهك؟؟ انو :x بعصب اكيد...بس وللأمانة ما حدا عملها معي غير امي لانو عصبتها مزبوط:lol:

ياريت بلاقي أجاباتكم على هي الاسئله ....

و هي جاوبناكي:D

joys

07/02/2008, 15:46

يا ترى ما هو السبب؟؟

اكيد انه العصبيه الزايده و بكون ما عاد فيهم
يتحكمو بالامور فأسهل شي انه واحد فيهم يسكر الخط بوجه التاني

كم مره أغلقت الهاتف في وجه صديق او أخ ...الخ ؟؟

مش عارفه بس ما بتذكر انه بنهي الحديث بأنه اغلق بوجه
لانه بحس علامة ضعف
فيني انهي الموضوع و لو كان الكلام قاسي بس مو اسكر بوجه

ماذا تفعل بعد إن تغلق الهاتف بوجه؟؟

اذا كان شخص بعز علي اكيد راح فكر بالي عملته

هل تغلق الهاتف نهائيا؟؟ هل تتصل بعدها عليه لتعتذر؟؟

حسب هل انسان اذا بهمني اكيد بعتذر منه و برد حاكيه

هل تندم على هذه الفعله أم لا؟؟

مندم عليك دمع الندم غالي:larg:

هل أغلاق الخط في وجه يعتبر هروب من المواجه؟؟

اي اكيد بتعتبرها ضعف

هل تعتبر هذه الصفه قلة تهذيب؟؟

اي طبعا بحس اذا صارت معي ما برد احاكيه بنوب
او يمكن يتصل فيني بسكر بوجه بعدين لكل حادث حديث:larg:

هل تعتبر من الانتقام, او رد للاعتبار؟؟
اي بردله ياها بسكر بوجه;)

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟

والله ايام بستفزو بعض فالشغلة بتصير غصب
بس المهم انه الموضوع يمشي وراها يعني ما تكون خط النهاية بتسكير هل خط

ماهيه ردة فعلك إن أغلق أحدهم الهاتف بوجهك؟؟

;)ما برد بحاكيه او بطول كتير لاسامحه

ياريت بلاقي أجاباتكم على هي الاسئله ....

ان شاء الله تكون لاقيتها :D

Syrian__Angel

07/02/2008, 17:00

ما قريت الردود .. و بصراحة مالي خلاق حالياً لاقراها ، يمكن ارجع بعدين وشوفا ، ويمكن لاء ..
اللي صار ، اني دخلت عالموضوع بسبب العنوان ..
انو كتير لفتلي نظري وحسيتو هيك ... تسالي !!

ماهيه ردة فعلك إن أغلق أحدهم الهاتف بوجهك؟؟

بدي اشطح شوي بعيد عن الموضوع والاسئلة ..

انــّو شو ردّة فعلي اذا حدا سكــّر الخط بوجهي ..
اول شي خطرلي وقت اللي قريت الجملة انــّو رح ارجع دقــّلو وبمجرّد ما يقول "الو " ، سكّـر بوجهو :p ..
لكان لكان ، ما حدا احسن من حدا هيهيهي

بعدين تذكرت شغلة ..
انــّو في عنــّا حدا من العيلة ، هيك شخصيتو كأنو كاين بالجيش بزمناتو ، بيتــّصل بيسألك اللي بدو ياه ، وبمجرّد ما خلصت اجابتك بتسمع تووووووووت ... تسكـّـر الخط بوجهك هيهيهي
لاء والاحلى بس تكون بدّك تذكرو بشغلة ، بتصير بسباق مع الزمن لحتى تدمج الطلب بعد الاجابة مباشرة وبدون ما تاخد نــَـفــَـس مشان يلحّق يسمعك وهو عم يبعّد التلفون عن ادنو ورح يسكّر الخط .. :p ...

اي وهكذا والله ..
صعب نلجأ للفكرة الاولى مع هالشخص ...
فـ بظنّ انــّو بعد فترة بتتعوّد ع هيك فعل ...
ويمكن كمان تصير تتفاجئ لو شي مرّة ما سكــّر دغري وقلك قبلها "بدك شي؟ " .. وانت بتاخدك الصدمة وبتوقـّف لحظة صمت لتستوعب شو عم يصير ... وبعدين بتسمع تووووت .. لانو اكيد ما رح يستناك كل العمر وانت صافن !

samokee

07/02/2008, 21:15

كثير نغضب وكثير نعصب , نتنرفز, نتضايق ...لما بنحكي بالموبايل
لكن
فحالات يمكن بدون وعي نقفل الخط بوجه اللي نكلمه

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟
السبب هو عدم اعطاء مجال للطرف أآخر وهكذا نكون قد ظلمناه

كم مره أغلقت الهاتف في وجه صديق او أخ ...الخ ؟؟تصدق بالله ولا مره

ماذا تفعل بعد إن تغلق الهاتف بوجه؟؟اكيد في متل هذه الحاله اكون ابكي
هل تغلق الهاتف نهائيا؟؟ هل تتصل بعدها عليه لتعتذر؟؟بصراحه اغلقوا بوجهي ولم يعطوني فرصة الدفاع عن نفسي

هل تندم على هذه الفعله أم لا؟؟اكيد لم يندموا لأن هدفهم كان تقليعي ونجحوا

هل أغلاق الخط في وجه يعتبر هروب من المواجه؟؟اكيد لانه اصلا معقد وما حب يواجهني وبدو يضل هربان

هل تعتبر هذه الصفه قلة تهذيب؟؟بس؟؟:jakoush:وقلة زوق وقلة احساس

هل تعتبر من الانتقام, او رد للاعتبار؟؟ينتقم؟؟ليش سو ساويتلو؟؟بس حبيت حل عقدوا بس للأسف اكتشفت انو راسو مربع:cry:

متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟وحياة النبي ومن نبى النبي نبي ما رح احكي معو في حياتي:cry:

ماهيه ردة فعلك إن أغلق أحدهم الهاتف بوجهك؟؟حزن عميق وجرح لن يشفى لأنه لم يعطني حق الدفاع عن نفسي وظلمني:cry:

ياريت بلاقي أجاباتكم على هي الاسئله ....شكرا للموضوع الشيق:D

MaTyA

07/02/2008, 21:57

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

لا انا عن حالي ما بنهي الاتصال بدون تنبيه ... بس اصلاً انا ما كتير بحكي تليفون حتى سكّر بوجه حدا :lol::lol:
بس رح اعطي رايي كـ وجهة نظر .. :D

يا ترى ما هو السبب؟؟

احتدام النقاش والوصول لنقطة انو (النقاش عبث) لهيك بتفضلي التسكير قبل ما يطلع ضغطك..

كم مره أغلقت الهاتف في وجه صديق او أخ ...الخ ؟؟

تسكير جدّي ولا مرة حقيقة... اصلاً ما بتمشكل على الهاتف انا...مسالمة!! :larg:
بس مرة كنا عم نمزح انا وابن خالي سكّرت بوجهو قام رد اتصل وحكي شوي وسكّر بوجهي :lol:
بس كانت مزحة يعني مش جد...

ماذا تفعل بعد إن تغلق الهاتف بوجه؟؟

يلعن هيك وهيك :lol: لا للجد بقول يلعن........ ( بذكر اسم ما ) ... وبصير فكّر شو رح اعمل :larg:

هل تغلق الهاتف نهائيا؟؟ هل تتصل بعدها عليه لتعتذر؟؟

اذا كنت غلطانة بعتذر لانو الاعتذار مش عيب ولا بيقلل من قيمتي بس اذا انا مش غلطانة ما بعتذر لانو هيك بكون كأني عم قول انو يا خيي اغلط معي وانا برجع بعتذرلك (هذا الكلام لـ اذا ما كان اللي قدامي شاب او فتاة .. على حدٍّ سواء..)

هل تندم على هذه الفعله أم لا؟؟

هلق انا ما تصرفت هيك تصرف قلتلك..واكيد لو صار وتصرفته بساعة غضب مع شخص بعزّو اكيد رح اندم

هل أغلاق الخط في وجه يعتبر هروب من المواجه؟؟

احييناً اي...احييناً لاء..البعض بيسكّر كرميل يتهرّب .. البعض الآخر بيسكّر كرميل انو ما بيحب ينيئش عبث..

هل تعتبر هذه الصفه قلة تهذيب؟؟

مش دييماً

هل تعتبر من الانتقام, او رد للاعتبار؟؟

ّ!!!
متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟

من خلال اجاباتي اعلاهـ يمكن استنتاج جوابي حِيال هذا السؤال

ماهيه ردة فعلك إن أغلق أحدهم الهاتف بوجهك؟؟

بحس بالذل... لكن لكلٍّ اسبابه..لهيك اذا كان السبب مقنع بنرجع على خير ...

....

ويسلمووووووو

ست الكل

07/02/2008, 23:54

كثير نغضب وكثير نعصب , نتنرفز, نتضايق ...لما بنحكي بالموبايل
لكن
فحالات يمكن بدون وعي نقفل الخط بوجه اللي نكلمه
بكون واعية مية بالمية

هذا الخطأ معضمنا يقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟
رد فعل لفعل غير متوقع بحيث انو ما تلاقي كلام بيعبر غير التسكيرة بالوج و مرات بالغلط تطلع معي

كم مره أغلقت الهاتف في وجه صديق او أخ ...الخ ؟؟
كتيييييييييييييييييير بس اللي ما بحبو هوي وقت يقطشني خيي و هوي يسكر بوجي بدالي هون بعصّب انا

ماذا تفعل بعد إن تغلق الهاتف بوجه؟؟

برجع بعيد السيناريو اللي حكيت فيه عالتلفون و ازا كتير متدايقة بصرّخ و بسب ازا تطلب الامر بسب حالي لانو رديت عليه
هل تغلق الهاتف نهائيا؟؟
ازا رجع دق و ما كان لي خلق احكيه بطفي السيلولير نهائيا لانو مش بعازة وتر حالي اكتر و اكتر

هل تتصل بعدها عليه لتعتذر؟؟
بنوب .................لالالالالالالالا� �الالالالالالالاع نوووووووووووووووووووووووو وووووووووووووووووووووو

هل تندم على هذه الفعله أم لا؟؟
لالالالالالالالالالالالال الالالالالالالاع

هل أغلاق الخط في وجه يعتبر هروب من المواجه؟؟
فعل للتعبير مش اكتر و التوضيح اكتر بتلاقوه باول الحكي ...مو هروب بنوب لانو مرات ما بتلاقي اي طريقة تفهمو فيا شو بتعمل؟تسكر بركي بيتلحلح عقلو شوي

هل تعتبر هذه الصفه قلة تهذيب؟؟
لالالالالالالالالاع ....انا اللي بصنف ازا تهذيب او مش تهذيب و لا اعتبرها كزااالك

هل تعتبر من الانتقام, او رد للاعتبار؟؟
التنين سوا
متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟
وقت يصير ما بيفهم عليي و بيتمسك برايو و ما يعطيلي مجال لاخد و اعطي معو بليز يعمل معروف مايرجع يدقللي بالمرة مو ناقصة متل هيك اشكال ازا كان صديقي بيجرب يتفهمني او يتفهم الوضع اللي سكرت او رح سكر التلفون يمكن كون قلتلو انو رح سكر لانو بلشت تخبص او بسكر و هوي اكيد رح يفهم ليش سكرت مو صديقي؟

ماهيه ردة فعلك إن أغلق أحدهم الهاتف بوجهك؟؟
عاااااااااااااااااااااااا اااااادي لانو انا بعملا

ياريت بلاقي أجاباتكم على هي الاسئله ....
القيتي يا رب تنبطسي معنااااااااا و با اهلا و سهلا فيكي بس ما تجربي تدقيلي ت ماسكر بوجك نصيحة انو ..هههه تانكس الك

D حنين N

09/02/2008, 07:26

انا بحياتي ما سكرت السماعة بوش حدا , حتى مرة لمّا عصبت كتير من رفيقتي ووصلت معي لهون:x
قلتلها بكل أدب وهدوء: معلش هلأ تسكري لاني عصبت وما بدي احكي

ماهيه ردة فعلك إن أغلق أحدهم الهاتف بوجهك؟؟

والله انا كمان خطرلي بالأول اني ارجع اتصل وأول ما يقول( ألو ) سكّر بوجه:p

alaacezar

24/02/2008, 00:33

بقول الله يسامحوووووووووو

Government

24/02/2008, 00:43

انــّو في عنــّا حدا من العيلة ، هيك شخصيتو كأنو كاين بالجيش بزمناتو ، بيتــّصل بيسألك اللي بدو ياه ، وبمجرّد ما خلصت اجابتك بتسمع تووووووووت ... تسكـّـر الخط بوجهك هيهيهي

هالانواع من الناس بخافو تنحسب عليهن شي ثانيتين او تلت ثواني زيادة بالمكالمة ببنخرب بيتن بعدين ..
معاني منن كتير انا :sick:

بـحــر

24/02/2008, 04:16

حياتي ما سكرت التليفون بوش حدا لو كان عم بيقلل ادب معي ...
و لا رح اعملها لأنو بضل محترمة نفسي ..و الشخص الي مابدو يحترم نفسو هي حريتو الشخصية ...:oops:
بعتبر أنو هي قلة احترام لألي وللسخص الي قدامي ..

صارت معي انو تسكر التليفون بوشي .. ماعملت شي بنصدم اول شي .. بسكت و بعصب بس لا يمكن أني انتقم بهي الطريقة و لايمكن أني احكي كلام يسيئ لألي أو للشخص ..
بس ممكن بهدوء افهم الي قدامي اني بغفر مرة وحدة و بعدين مستحيل ارجع اسامح بهيك موضوع ..

Purple Rose

24/02/2008, 13:49

يعني انا من جهتي بسكر الموبايل بوش يلي بحكي معو مشان ما تزيد المشكلة و تكبر
لانو ازا انا معصبة و الطرف التاني معصب كمان
رح نحكي و نحكي و رح تصير المشكلة اكبر بكتير من يلي نحنا متوقعينو
بعد ما بهدا برجع اتصل و بعتزر او بكمل النقاش
و صارت معي هالشغلة كم مرة اكتر شي مع اخواتي
بس برجع بعتزر
و لما يتسكر الموبايل بوشي
بسب و بلعن بس بهدا لحالي :p

وهج البراءة

25/02/2008, 08:51

انو تسلمو كلياتكن ع مروركن:lol::D

اسد_الشام

25/02/2008, 16:32

يا ترى ما هو السبب؟؟
بيكون دايقني بالحكي وما عاد قادر أني رد عليه

كم مره أغلقت الهاتف في وجه صديق او أخ ...الخ ؟؟
في وجه صديقتي الغالية وللأسف ع طول بتطلع براسها 4 مرات

ماذا تفعل بعد إن تغلق الهاتف بوجه؟؟
حسب إذا ضايقني بحكيه بستنى حتى هو يتصل
أما إذا أنا كنت متضايق من غير شخص وطلعت براسه للمسكين فبرجع بتصل وبعتذر

هل تغلق الهاتف نهائيا؟؟ هل تتصل بعدها عليه لتعتذر؟؟
اذا ما كن دايقني بحكيه....يعني أنا مدايق برجع بتصل وبعتذر

هل تندم على هذه الفعله أم لا؟؟
طبعاً.....سواء كان دخله أو لاء.....فنحنا بالنهاية أصدقاء

هل أغلاق الخط في وجه يعتبر هروب من المواجه؟؟
أنا بالنسبة ألي أي
هل تعتبر هذه الصفه قلة تهذيب؟؟
لأ.....بس هروب
هل تعتبر من الانتقام, او رد للاعتبار؟؟
تطنيش أحسن
متى يستحق هذا الصديق إن نغلق الخط في وجه ومتى لا يستحق إن نغلق الخط في وجه؟
إذا ارتكب خطأ ما معي وأنا لا أريد ان نعود أصدقاء
أو يتدخل (( بشكل غليظ )) في قصة ما

ماهيه ردة فعلك إن أغلق أحدهم الهاتف بوجهك؟؟
اذا كنت عم دايقه بحكي وعم استفزه مو فارقة مثل أجري
أما اذا كنت عم حاكيه وبدون سبب سكر الخط بوجهي ما عاد رد عليه

مشكورة وهج البراءة موضوع جد حلو
وبانتظار أنك أنتي تجاوبي ع الأسئلة