جدل حول افتتاح أول كنيسة بقطر: البعض "اشمأز" وآخرون يدافعون [الأرشيـــــف]

عرض كامل الموضوع : جدل حول افتتاح أول كنيسة بقطر: البعض "اشمأز" وآخرون يدافعون

صفحات : [1] 2

yamos2

06/02/2008, 20:58

ستحمل اسم العذراء ولن تعلوها الصلبان
جدل حول افتتاح أول كنيسة بقطر: البعض "اشمأز" وآخرون يدافعون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>
الدوحة- ا ف ب
يدور جدل في قطر حول الافتتاح المتوقع الشهر المقبل لاول كنيسة في هذا البلد, ففيما ارتفعت اصوات عبرت عن "الاشمئزاز" ازاء ارتفاع صرح مسيحي في بلد مسلم, دافع آخرون عن حق حوالى 100 الف مسيحي في قطر بالحصول على دور عبادة.

وذهب الكاتب في صحيفة "العرب" القطرية لحدان بن عيسى المهندي الى حد القول بان الكنائس في قطر امر "يثير الاشمئزاز".

وقال في مقالة تم نشرها قبل اسبوعين "لا ينبغي ان يرتفع الصليب في سماء قطر ولا ينبغي ان يسمع قرع النواقيس في الدوحة".

من جانبه قال المهندس راشد السبيعي في رسالة لصحيفة "الوطن" القطرية "لا يجوز لهم (المسيحيون) بناء دور عبادة" ولو انه اقر بانه يجب السماح للمسيحيين بإقامة شعائرهم "ولكن وفقا للاداب العامة ومن دون الحاجة الى اعطائهم تراخيص لاقامة معابد (..) اما المجاهرة والاعلان فلا".

والكنيسة الكاثوليكية التي سيتم افتتاحها منتصف الشهر المقبل في قطر، التي يتبع معظم مواطنيها المذهب الوهابي, هي الاولى بين سلسلة كنائس للطوائف المسيحية وافقت قطر على بنائها. ونقلت صحيفة "الراية" عن الاب توماسيتو فينيراثيون المسؤول في مركز الرعية الكاثوليكية في الدوحة قوله ان "الكنيسة التي ستحمل اسم العذراء مريم لن تعلوها صلبان, وهي ستكون مجرد مكان للصلاة الجماعية" علما ان المسيحيين يحتفلون حاليا بشكل معلن بشعائرهم في منازل او في مدارس.

من جانبه قال الاب سلفرج من رعية الدوحة الكاثوليكية ان "الكنيسة ستفتتح في 15 مارس برعاية الكاردينال ايفان دياس مبعوثا من الفاتيكان". ونشرت صحيفة "الراية" تحقيقا مطولا حول استعداد الجاليات المسيحية في قطر "للاحتفال بتدشين اول كنيسة يتم اقامتها في البلاد منذ 1400 عام".

الى ذلك, قال الاب فينيراثيون ان "تكلفة الكنيسة بلغت حوالى 18 مليون دولار عدا كلفة الأرض" التي منحت للكنيسة بموجب عقد طويل الامد مع السلطات. من جانبه, قال الموقع الكتروني تابع للفاتيكان "ان قطر تستعد لافتتاح اول كنيسة كاثوليكية على ارضها منذ الف واربعمائة سنة بعدما وصل عدد المسيحيين فيها الى مائة الف".

ومعظم المسيحيين في قطر من الوافدين الاجانب, خصوصا الهنود والفيليبينيين واللبنانيين اضافة الى الغربيين.

من جهته, تصدى العميد السابق لكلية الشريعة واصول الدين في قطر الدكتور عبد الحميد الانصاري لمعارضي بناء الكنائس في قطر عبر مقالات مرحبة بافتتاح الكنيسة. وقال الانصاري ان "اقامة دور عبادة لمختلف الاديان حق اساسي من حقوق الانسان كفله الاسلام قرآنا وسنة".

واضاف ان "مرد الجدل الدائر هو الثقافة التعصبية بسبب تعليم ديني كاره للاخر وعادات واعراف مجتمعية انتقصت من حقوق غير المسلمين لمبررات قديمة سياسية وامنية انتفت الان".

يرد الانصاري بقوة على معارضي اقامة كنيسة لاسباب شرعية, لاسيما على الكاتب لحدان المهندي الذي يبني معارضته على "خصوصية شرعية قررها الرسول محمد" مستشهدا خصوصا بحديث نبوي يقول "لا يجتمع دينان في جزيرة العرب".

وقال الانصاري ان "هذا الاستشهاد لا يفيد منع الكنائس في قطر لان جمهور الفقهاء يرون ان المقصود به الحجاز ومكة والمدينة بالذات". ودعا العميد السابق لكلية الشريعة واصول الدين الى "ان نرحب جميعا بوجود كنائس في قطر اعلاء للتسامح الاسلامي واظهارا للاخاء الانساني".

من جهته يقول الداعية الاسلامي القطري الشيخ علي القرداغي لوكالة فرانس برس "لا ارى مانعا في وجود اماكن عبادة خاصة لكن بناء كنيسة او اي معبد اخر قد يكون امرا فيه اشكال". لكن الاب فينيراثيون الذي يثمن جهود الحكومة القطرية, يؤكد ان الكنيسة الجديدة "لن تكون منطلقا لاي نوع من انواع التبشير".

إلى ذلك, اعترض وزير العدل القطري السابق نجيب محمد النعيمي على بناء الكنيسة "من زاوية قانونية ومجتمعية". وقال النعيمي "يجب ان نعلم اولا ان قطر دولة اسلامية وليست علمانية بحسب دستورها وبالتالي كان يجب استفتاء الناس على اقامة هذه الكنائس لضمان القبول الاجتماعي لها".

لكن الانصاري رأى ان "قطر اذ تسمح بها انطلاقا من مبدا عقلاني يلتزم بمواثيق حقوق الانسان ويترجم نص دستورها الذي يكفل حرية العبادة للجميع ويحقق المصلحة العامة".

وتحتضن الدوحة منذ 7 سنوات مؤتمرا سنويا للحوار بين الاديان السماوية الثلاثة، وتحضره رموز الاسلامية ومسيحية ويهودية, كما تحتضن العاصمة القطرية مركزا لحوار الأديان. واكد الاب توم فينير ان "المسيحيين عموما والكاثوليك خصوصا سيحتفلون بعيد الفصح في مارس المقبل في كنيسة العذراء مريم" التي ستتبع من الناحية الإدارية والمالية لاسقف الخليج الكاثوليكي الذي مقره ابوظبي ويشرف على الكنائس في الإمارات وسلطنة عمان والبحرين واليمن.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

saman

06/02/2008, 21:24

اي وشو فيها ..اكيد لازم يكون في دور للعبادة هونيك لغير اديان ....وانا بأيد هالفكرة مية بالمية ...لانو لازم يكون في حرية اعتقاد بكل مجتمع عربي ومسلم وشو ماكان ....هي حرية شخصية وما حدا الو علاقة بحدا ...:pos:
مشكووور عالموضوع :D

suryoyo

06/02/2008, 23:14

كيف يعيش ابناء المجتمعات المنفتحة في مجتمعات مغلقة بهذا الشكل ..........

حلبي

06/02/2008, 23:29

الأغلبية من الجوامع و المساجد في أوروبا بدون مأذن وبدون مكبرات الصوت
أذا أهل قطر مابدون الصلبان هذا من حقهم فهم أصحاب البلد والمسيحيين في قطر ضيوف

suryoyo

06/02/2008, 23:44

يكفي ان نقول من قاعدة السيلية تم انطلاق الامريكان نحو العراق !

لكن هؤلاء المتعصبين ما اعترضوا على انطلاق الجيوش من اراضيهم

بس اعترضوا على بناء الكنيسة

ليش كل ما ينفتح موضوع يحكي عن الكوارث الفكرية و التعصب في الشرق .... ترجعوا على الغرب :shock:

برأيي السبب مجهول ....

بس هل الغرب شماعة نعلق عليها الاخطاء و التعصب:shock::?

حلبي

06/02/2008, 23:50

يكفي ان نقول من قاعدة السيلية تم انطلاق الامريكان نحو العراق !

لكن هؤلاء المتعصبين ما اعترضوا على انطلاق الجيوش من اراضيهم

بس اعترضوا على بناء الكنيسة

انا مستغرب
و كل ما ينفتح موضوع يحكي عن الكوارث الفكرية في الشرق .... ترجعوا على الغرب :shock:

يا لسخرية القدر
شتغلنا ببيع الوطنيات ههههههههههههههههههههههه

Donald Duck

07/02/2008, 01:45

يا عيب عليهم ..

النبي ما منع حق لليهود والمسيحين ..

همي جايين ليمنعوا !!!

بالاول ليمشوا على الدين صح بعدين يعترضوا ..

بالعكس ..

لازم المسيحين يمارسوا حقوقهم الدينيه في الدول العربيه ..

بكفي انهم عرب .. يعني الهم حق على كل عربي مسلم ..

شبل صدام

07/02/2008, 03:10

قال صلى الله عليه وسلم " أخرجوا المشركين من جزيرة العرب "

yass

07/02/2008, 03:26

قال صلى الله عليه وسلم " أخرجوا المشركين من جزيرة العرب "

طيب.... أطردوهم

بس معناتو لو طردو كل مسلمي أوربا و هدمو الجوامع ما حدا راح يزعل مو؟؟ على مبدأ المعاملة بالمثل و هالأمور....

sandra

07/02/2008, 03:29

طيب.... أطردوهم

بس معناتو لو طردو كل مسلمي أوربا و هدمو الجوامع ما حدا راح يزعل مو؟؟ على مبدأ المعاملة بالمثل و هالأمور....

على راسي أحلى أبو مارال
كنت رح قول الكلام نفسو

Roaa

07/02/2008, 03:29

yass

07/02/2008, 03:31

هالموضوع .. ذاكرتني عم تتذكروو ...

بظن بقطر كان كمان وهون بالاخويه نزل الموضوع ...مابعرف يمكن بغير دوله خليجيه ..:oops:.

المهم انو عادي من حقهم يعملو .. بما انو في نسبه مسيح بقطر .. حتى لو كانو شخص واحد

استغربت انو مافي ..:?

أي شو كنيسة؟؟!!! حرام حرام ما بيصير

قاعدة امريكية معليش... مكتب تمثيل لأسرائيل معليش... بس شو كنيسة حرام

و لسا الهون وجه يحكو باسم الاسلام..... هزلت

Roaa

07/02/2008, 03:34

أي شو كنيسة؟؟!!! حرام حرام ما بيصير

قاعدة امريكية معليش... مكتب تمثيل لأسرائيل معليش... بس شو كنيسة حرام

و لسا الهون وجه يحكو باسم الاسلام..... هزلت
:D.. يسلم تمك ..

الشعب ما قام عالدوله لما عملو سلام مع اسرائيل ...

بس قامو على هالشي ...

*على فكره انوو شكلها القصه فبركه بفبركه ..

العالم بقطر همها تجمع .. وتعبي جيوبها .. واخر شي بطلعو عالدين ..

sandra

07/02/2008, 03:34

لا وانتو لاحظوا كلمة اشمئزاز :jakoush:

المحارب العتيق

07/02/2008, 03:41

أنا أعتقد أن الهجوم على الكنيسة لايمثل الحكومة القطرية التي باتت تشهد حركة أنفتاح وتنمية كبيرة
وبصراحة أنا من المتفائلين جدا بمستقبل قطر لأنهم أيقنوا بأن بناء الأوطان يبدأ ببناء الأنسان

BL@CK

07/02/2008, 03:43

قال صلى الله عليه وسلم " أخرجوا المشركين من جزيرة العرب "

أسمحلي قلك ,

ما بيطلع لأكبر راس بهالدنيي يطرد " المشركين " من جزيرة الجرب ..

و بإعتبارك شبل المخلوع خلعا ً شديدا ً صدام , ف المشركين هني اللي خلعوه و حطوه عالباتيناج .

و قالولوه طيري يا طيارة طيري , و إدعر يا داعور .. :lol:

المحارب العتيق

07/02/2008, 03:48

وذهب الكاتب في صحيفة "العرب" القطرية لحدان بن عيسى المهندي الى حد القول بان الكنائس في قطر امر "يثير الاشمئزاز"
. :larg: .

BL@CK

07/02/2008, 03:50

الأغلبية من الجوامع و المساجد في أوروبا بدون مأذن وبدون مكبرات الصوت
أذا أهل قطر مابدون الصلبان هذا من حقهم فهم أصحاب البلد والمسيحيين في قطر ضيوف

شو هالحكي شريك !!

هلأ إنت من حلب و بتعرف جامع التوحيد بنص منطقة مسيحية برأيك ما بزعج المسيحية صوت الآدان من رب الصبح , يعني لازم يلغو الآدان

يعني صحيح الله لا بالعقل عرفوه و لا بالعين شافوه , بس الشغلة بدها منطق ..

handsome

07/02/2008, 03:55

شو هالحكي شريك !!

هلأ إنت من حلب و بتعرف جامع التوحيد بنص منطقة مسيحية برأيك ما بزعج المسيحية صوت الآدان من رب الصبح , يعني لازم يلغو الآدان

يعني صحيح الله لا بالعقل عرفوه و لا بالعين شافوه , بس الشغلة بدها منطق ..
في شي مميز بهالرد ؟؟؟!

تسالي العادي:o

الغريب بالحياة هوة الشي الي سبق وركز عليه ياس
انو كيف مبدء المعاملة بالمثل بيتطبق بس عجهة وحدة

مافي امل

maged-syrian

07/02/2008, 04:00

بناء الكنيسة في قطر لازم يكون ضمن التجمعات المسيحية .. مشان مايثير ضغينة المسلمين بهالبلد ... خصوصاً أنها شي جديد عليهم بعدين بيتقبلوا الامر شوي شوي وبيصير الامر طبيعي ..

Roaa

07/02/2008, 04:01

بناء الكنيسة في قطر لازم يكون ضمن التجمعات المسيحية .. مشان مايثير ضغينة المسلمين بهالبلد ... خصوصاً أنها شي جديد عليهم بعدين بيتقبلوا الامر شوي شوي وبيصير الامر طبيعي ..
شو قصه ضغينه المسلمين ...:?

معناتها عموو مواضيعي مايفوتها مسيحيه .. مشان ما تثير ضغينتي .:lol:. فتح ماجد قبل ما تكتب :pos:

حلبي

07/02/2008, 04:03

شو هالحكي شريك !!

هلأ إنت من حلب و بتعرف جامع التوحيد بنص منطقة مسيحية برأيك ما بزعج المسيحية صوت الآدان من رب الصبح , يعني لازم يلغو الآدان

يعني صحيح الله لا بالعقل عرفوه و لا بالعين شافوه , بس الشغلة بدها منطق ..
يا أخي يا حبيبي أنا بحلب بعتز بوجود كنيسة و جامع جنب الى جنب وبفرح الله وكيلك لانو المسلم و المسيحي عندنا هم أصحاب البلد ما هم ضيوف أو عماله المسيحي في حلب له الحق مثل ما الي
في قطر هناك تناقضات لا أنت ولا أنانوافق عليها
أنا لا أدافع عن قطر بل أحترم رأي الناس

maged-syrian

07/02/2008, 04:03

شو هالحكي شريك !!

هلأ إنت من حلب و بتعرف جامع التوحيد بنص منطقة مسيحية برأيك ما بزعج المسيحية صوت الآدان من رب الصبح , يعني لازم يلغو الآدان

يعني صحيح الله لا بالعقل عرفوه و لا بالعين شافوه , بس الشغلة بدها منطق ..

صوت الاذان وصوت جرس الكنيسة أمر طبيعي بسوريا تعودنا عليه وصار جزء من حياتنا اليومية.. لكن بدول الخليج شو بتتوقع من مواطن قطري بحياتو ماسمع صوت جرس الكنيسة عن قرب!! اكيد حيحس بشعور غريب وان في شيء دخيل على مجتمعه المحافظ !

maged-syrian

07/02/2008, 04:06

فتح ماجد قبل ما تكتب :pos:

انتي بتأمري أمر .. على راسي من فوق انا عم احكي عن المواطن المسلم القطري المحافظ وانتي عايشة بمجمع قبلي محافظ وبتعرفي هالشي ... ماحكيت عن المواطن السوري وماجبت سيرته!

ليندا

07/02/2008, 04:08

:D.. يسلم تمك ..

الشعب ما قام عالدوله لما عملو سلام مع اسرائيل ...

بس قامو على هالشي ...

*على فكره انوو شكلها القصه فبركه بفبركه ..

العالم بقطر همها تجمع .. وتعبي جيوبها .. واخر شي بطلعو عالدين ..

اي لأنو مو طالع باايديهن شي ,,,, يدوبك بعلو الصوت بالشي يلي مسموح انو يحكي فيه متل هالقصه كلا معمعه وجدل شعب ..مابيطلعلن يقررو ..

Roaa

07/02/2008, 04:10

صوت الاذان وصوت جرس الكنيسة أمر طبيعي بسوريا تعودنا عليه وصار جزء من حياتنا اليومية.. لكن بدول الخليج شو بتتوقع من مواطن قطري بحياتو ماسمع صوت جرس الكنيسة عن قرب!! اكيد حيحس بشعور غريب وان في شيء دخيل على مجتمعه المحافظ !
الي بيسمعك بقول صوت جرس الكنيسه شي فزيع ..:shock:

Roaa

07/02/2008, 04:13

انتي بتأمري أمر .. على راسي من فوق انا عم احكي عن المواطن المسلم القطري المحافظ وانتي عايشة بمجمع قبلي محافظ وبتعرفي هالشي ... ماحكيت عن المواطن السوري وماجبت سيرته!
طيب انا عايشه بمجتكع قبلي على قولتك ........

اولا .. على يمين بيتي بشي شارعين كنيسه .. مقابيل بيتي بكم شارع تانين ..

جامع ..

مو ماثره .... المهم انووو مرتاحين ..

ما تقلي كيف ووين ... سلام ..

maged-syrian

07/02/2008, 04:21

الي بيسمعك بقول صوت جرس الكنيسه شي فزيع ..:shock:

صوت جرس الكنيسة مو فزيع يامو .. المغزى من صوت جرس الكنيسة بمجتمع اسلامي قبلي محافظ هو الفزيع

اولا .. على يمين بيتي بشي شارعين كنيسه .. مقابيل بيتي بكم شارع تانين ..

جامع ..

كمان برجع بعيد مشان يلي مافهم يفهم ... انتي بتعرفي ان بالسعودية المجتمع محافظ وقبلي ومابيرضى بغير الاسلام دين .. عكس الوضع بسوريا تماماً ..
مغزى كلامي ان شو بنتوقع من مسلم سعودي مربى من صغرو على ايادي شيوخ تحفيظ القرآن وشيوخ الجوامع يساوي اذا سمع صوت جرس الكنيسة عم يدق بالقرب منو !
بالمناسبة لاتكتري من أكل الفليفلة الحدة مشان صحتك
عم تحكي كأنو ماصرلك يومين عايشة بالسعودية!

maged-syrian

07/02/2008, 04:27

لامانع من بناء الكنيسة .. شرط أن يتقبل المجتمع الاسلامي المحافظ القبلي تلك الفكرة ..
كمان العكس لامانع من بناء جامع شرط أن يتقبل المجتمع المسيحي المحافظ المتدين تلك الفكرة
أما بالنسبة للسماح لبناء المساجد في أوروبا لأن النظام الأوروبي نظام علماني ملحد مو نظام مسيحي متدين ! .. حتى انهم يسمحون ببناء دور لعبدة الشياطين! حرية أديان

Abu Guzef

07/02/2008, 07:05

هاد الفهمان

خيو انا بدي روح لعند جيراني المسيحية علموني الصلاة تبعون بدي صلي معون

وارجع لعند جاري المسلم صلي معو

لك شو معارضون ما معارضون

لك حلال لك عمي واكبر حلال

المسلم بيعبد بالمسجد والمسيحي بالكنيسة

والملحد بغرفتو :p

أسير التشرد

07/02/2008, 07:13

اللي بدي قولو...انو مافي داعي لهل الهراء والجدل الفاضي... حوال بناء او افتتاح كنيسة بقطر او بأي بلد خليجي غير هالبلد..هاد من ناحية..انو لو رحنا ع القاعدة الامريكية بقطر رح نلاقي بداخل هالقاعدة كنيسة مبينة من وقت تواجد القوات.. بقا ما رح تفرق كتير افتتاح هالكنيسة..
هلأ بنجي انو ليش بالذات بقطر... كدولة قطر دايماً بتحاول انها تكون بمقدمة الدولة الخليجية من ناحية الثقل والوزن بالمنطقة هنيك...لهيك بدها تظهر دايماً وتكون بالصورة..اعلامياً..

قضية بناء الكنائس بالدول الاسلامية المتزمة متل بلدان الخليج ما هي إلا عبارة عن ابواق ليس إلا...يعني بالنهاية ازا تم بناء كنيسة ببلد متل السعودية اكيد رح نسمع ضجة بعدين بعد فترة وجيرة رح تنسى الناس وين وشو هالكنيسة..ويمكن مع مرور الزمن يفتخروا بوجود اول كنيسة بارضهم...

ياترا في مخي سؤال..عم يدور وعم يدور وما عم يخليني ادرس منيح هالايام..انو لو الامريكان وجماعة الاروبيين قرروا انهم يببنوا كنيسة ع سطح القمر..(طبعاً مو كندا متل ما انا حاطط المطرح..) هل عامة وعلماء المسلمين والمؤمنين رح يقفوا بالمرصاد ضد بناء هالكنيسة فرضاً..كون بناء هالكنيسة هنيك رح يسبب الهم الاحراج من ناحية انو اعتماد المسلمين ع القمر بالصيام وبقية الطقوس..بتواريخهم..

maged-syrian

07/02/2008, 07:31

ياترا في مخي سؤال..عم يدور وعم يدور وما عم يخليني ادرس منيح هالايام..انو لو الامريكان وجماعة الاروبيين قرروا انهم يببنوا كنيسة ع سطح القمر..(طبعاً مو كندا متل ما انا حاطط المطرح..) هل عامة وعلماء المسلمين والمؤمنين رح يقفوا بالمرصاد ضد بناء هالكنيسة فرضاً..كون بناء هالكنيسة هنيك رح يسبب الهم الاحراج من ناحية انو اعتماد المسلمين ع القمر بالصيام وبقية الطقوس..بتواريخهم..

سؤالك كتير منطقي على فكرة ... هلق برأيك اذا بنوا كنيسة عالقمر من وين بدهم يجيبوا ناس يصلوا بهاي الكنيسة ... لاتقلي في بشر عايشين عالقمر ;)
كمان اميركا بدها تترك المريخ وكل هالكواكب ولحقت القمر .. اي شو الشغلة نكايا!

maged-syrian

07/02/2008, 07:42

بالنسبة للسعودية .. انصح كل واحد بيفكر انه يمكن مستقبلاً يتم بناء كنيسة بالسعودية .. انو يجي عالسعودية ويكتشف بنفسو انو النسبة المئوية لبناء كنيسة بالسعودية هي 000000000.1% هاي مشان مانحبطكم حطينا رقم واحد بعد كل هالاصفار ...
انا عايش بهالبلد وبعرف هالشي 100% البدو هون ماعندهم يما ارحميني والله بيوصل الدم للركب

Abu Guzef

07/02/2008, 07:52

يما ارحميني

ايه زكرتني بأيام

بس بيني وبينك بالنسبة ل سعودية لولا ماعاملين هيك ماكانو عرفو يمسكوهون منيح للشعب السعودي لانو بنعرفون بس يجو يشوفو شوية حرية

وبيني وبينك يعني كل شعب فيو هيك وفيو هيك

ابو كمشة

قصدي ابو وردة

وبيني وبينكون

Government

07/02/2008, 07:53

هلأ انا بالنسبة للموضوع ..
مارح احكي شي ..

لاني بصراحة مالي اي موقف محدد لا ضد ولا مع ..
يعني الشغلة كلا ع بعضا كلا مو فارقة مع اني صارت كنيسة او ماصارت ..
ان صارت فما رح روح عليها
وانت ماصارت كمان مالي شغل فيا

بس انو بتوقعي .
يعني انا قاعد بالبلد وصلي 9 سنين وبعرف
يعني هون بقطر قبائل وعشائر ومرة وهواجر ومن هالقبائل ..
انو عقلن مابتحملن يشيفوا مثلا كنيسة او هيك شي بالشارع اللي بمشو فيه
يعني انو عندن غريب هالشي ..
متل يعني مثلا واحد شايف شي غريب انو بحياتو ماشافو .. وكتير هو ضدو يعني ..
فأنو عقلن مارح يتحمل انو كنيسة
وبنص قطر صعبة شوي :lol:
ومارح يخلو الامر من بعض المدايقات اللي رح يعاني منا هالمسيحيين اللي رح يدخلو هالكنيسة ..
طبعا ازا مااتوفرتلن الحماية الامنية اللازمة ..

وطبعا بالنهاي .. متل ماقالو يعني صاير هون كلش بقطر ماوقفت ع كنيسة
بالعكس انو كنيسة اولى من غير شي .. خلي هالمتدينين يعملو شعائرن فيا .. :D

maged-syrian

07/02/2008, 07:56

ايه زكرتني بأيام

بس بيني وبينك بالنسبة ل سعودية لولا ماعاملين هيك ماكانو عرفو يمسكوهون منيح للشعب السعودي لانو بنعرفون بس يجو يشوفو شوية حرية

وبيني وبينك يعني كل شعب فيو هيك وفيو هيك

ابو كمشة

قصدي ابو وردة

وبيني وبينكون

لاابو كمشة ولاابو وردة علي ماعليي اذا فكر بس الملك عبدالله ملك المملكة العربية السعودية أن يقدم على هالخطوة ..
ليشيلوه هو وحاشيته الملكية خلال اقل من 5 دقايق من القصور الملكية ..

Abu Guzef

07/02/2008, 08:01

اف كلو ولا ابو كمشة

اخي انت هنيك وبتعرف اكتر مني فيهون والله لا يعرفني فيهون

بس مافي هيك وهيك بكل شعب

maged-syrian

07/02/2008, 08:07

اف كلو ولا ابو كمشة

اخي انت هنيك وبتعرف اكتر مني فيهون والله لا يعرفني فيهون

بس مافي هيك وهيك بكل شعب

حبيب سعدو يسعدلي صباحك :D
هون اللي بيغير دينو بيقطعوا راسو تعزيراً 3 ضربات حتى الموت قدام الناس
الانسان هون من هو وصغير بيغسلو مخو منيح بشكل كامل انو ارض الحرمين ليوم القيامة لايعلو فيها صوت غير صوت الاسلام ... واللي بيقوم باعلاء صوت غير الاسلام في ارض الحرمين ينفى من الارض او يقتل تعزيراً
حبيت بس وصلك هالنقطة واسف عالاطالة ...
وسعدو يحرسك ويحميك :D

suryoyo

07/02/2008, 13:50

القبائر و العشائر بقطر ما اعترضت على الوجود الامريكي .....

في قانون العشائر لازم ينزلوا العقال لان عيب عليهم وجود جيش اجنبي لان هم غير قادرين على حماية البلد !!!!

بس من ناحية وجود القوات الامريكية .............. هم شعب منفتح و واقعي !

من ناحية الكنيسة رجعوا تذكروا كونهم عشائر !

الظاهر اليمينيين ....... حطوا الديانة المسيحية مشكلة اساسية لهم !

بس على قولة اسير التشرد ........ كيف رح يتصرفون اذا انبنت كنيسة على سطح القمر ولو الامر مستبعد ؟!!

lord tartous

07/02/2008, 15:22

يا سلام اي وشو فيها ........
يعني عن جد عيب ... ولك وصلت عكنيسة وصارت أمر يثير الاشمئزاز ...
على الهامش\تحية لسمو الشيخ أمير قطرحمد بن خليفة آل ثاني\

Bekham.Lampard.Rooney

07/02/2008, 16:19

نحن في بمناهج المدرسة عنا نصوص قران وحديث معلش

بس هنيك ب البلاد يلي بنوها الأجانب ممنوع وجود انجيل او كنيسة قالللللل شو اطردوا المشركين قال

Abu ToNi

07/02/2008, 19:53

ما وقفنا على بناء كنيسة وقفنا على فكرة عدم تقبل اقليات في الدولة مع ان 100 الف بالنسبة قطر ممكن تشكل نسبة جيدة بمعنى آخر نسبة يحق لها ان تمتلك حقوق .

بالمقبل بتلاقي المسلمين بقاتلوا وبكل شراسة بالدول الاوروبية دفاعا على حقوقهم المنتهكة على حد تعبيرهم بالوقت اللي بكون فيه المسلم الاوروبي يعامل بانصاف متله متل الانسان الاوروبي ابا عن جد

غريب وضعك يا وطن

Abu ToNi

07/02/2008, 20:17

يا أخي يا حبيبي أنا بحلب بعتز بوجود كنيسة و جامع جنب الى جنب وبفرح الله وكيلك لانو المسلم و المسيحي عندنا هم أصحاب البلد ما هم ضيوف أو عماله المسيحي في حلب له الحق مثل ما الي
في قطر هناك تناقضات لا أنت ولا أنانوافق عليها
أنا لا أدافع عن قطر بل أحترم رأي الناس

شو حبيب
انت من حلب وانا من المريخ

انت متأكد نه في تعايش وحب ووفاق
وبان جامع التوحيد يغتني به لمسيحيين

طيب بذكرك ب 25/12من كل سنة بتنتشر دوريات حفظ الامن على ابواب الكنائس بتعرف ليش
مشان ما يصير تعايش

في ليلة 31/12 من كل سنة حاول تمشي عندنا بمناطق المسيحية وحظ التعايش على اصوله

باكد لك لو م كانت الدولة بتقمع الاخوة اللي بميلوا على التعايش بشكل واضح ما كنت هلق ن على لاأنترنت عبكتب هاد الرد

بتحب تعرف انه بسبب وجود التعايش هاد المتمثل بجمع التوحيد القابع بين 3 كنائس اغلبية النساء المسيحيات بحاولوا يغيروا طريقهم يوم الجمعة وقت الآذان خوفا من التعايش اللي ممكن يصير .

يوم الاحد من المستحيل الدورة سيرا على الأقدم سواء كان من الشاب او الفتاة المسيحيين وذلك بسبب فرط التعايش
فعلى قولة الحلبية " عود بالأعوج واحكي بالسيوي "

handsome

07/02/2008, 20:27

شو حبيب
انت من حلب وانا من المريخ

انت متأكد نه في تعايش وحب ووفاق
وبان جامع التوحيد يغتني به لمسيحيين

طيب بذكرك ب 25/12من كل سنة بتنتشر دوريات حفظ الامن على ابواب الكنائس بتعرف ليش
مشان ما يصير تعايش

في ليلة 31/12 من كل سنة حاول تمشي عندنا بمناطق المسيحية وحظ التعايش على اصوله

باكد لك لو م كانت الدولة بتقمع الاخوة اللي بميلوا على التعايش بشكل واضح ما كنت هلق ن على لاأنترنت عبكتب هاد الرد

بتحب تعرف انه بسبب وجود التعايش هاد المتمثل بجمع التوحيد القابع بين 3 كنائس اغلبية النساء المسيحيات بحاولوا يغيروا طريقهم يوم الجمعة وقت الآذان خوفا من التعايش اللي ممكن يصير .

يوم الاحد من المستحيل الدورة سيرا على الأقدم سواء كان من الشاب او الفتاة المسيحيين وذلك بسبب فرط التعايش
فعلى قولة الحلبية " عود بالأعوج واحكي بالسيوي "
خي غابي
بدك تعزرني
بس حكيك ما كتير زابط

كل القصص الي حكيتون فيون شي من الواقع, بس انا ما بعتقد انو تفسيرك الون صح

وتقريبا كل هدول الشغلات الي حكيت عنا ما دخلة بالتعايش بنوب
هدول بيحكو عن عادات وتقاليد بعيدي عن الدين ...

حلبي

07/02/2008, 20:38

يوم الاحد من المستحيل الدورة سيرا على الأقدم سواء كان من الشاب او الفتاة المسيحيين وذلك بسبب فرط التعايش
فعلى قولة الحلبية " عود بالأعوج واحكي بالسيوي "
أنا معك أخي الكريم صح لأنه الصيع والسرسرية وللأسف هم مسلمين بلأسم يضايقون النساء وهذه الظاهرة المخزية أقسم لك يا أخي ليست فقط هناك بل في كل مكان ولا تفتحلي جروحي المشكلة عامة وليست خاصة

شب الكوبة

08/02/2008, 00:34

يعني أنا ما بفهم انو ليش هدول يللي عم يحتجوا ع بناء الكنيسة:shock: ليش ما بيحتجوا ع وجود قواعد

للقوات الامريكية بقطر يللي عم ينطلقوا منها لمحاربة و تدمير الشعوب الاسلامية بالعراق وبغيرها

و برأيي الشخصي هي القواعد فيها خطر ع الاسلام والمسلمين اكتر بكتير من مجرد كنيسة لرعايا مسيحيين رح تنبني كرمال عبادة الله

بس بالاخير بيضل القرار للشعب القطري انو يقبل او لا ..لانو هوي صاحب الأرض والمسيحيين ضيوفو

Government

08/02/2008, 01:43

بتحب تعرف انه بسبب وجود التعايش هاد المتمثل بجمع التوحيد القابع بين 3 كنائس اغلبية النساء المسيحيات بحاولوا يغيروا طريقهم يوم الجمعة وقت الآذان خوفا من التعايش اللي ممكن يصير .

يوم الاحد من المستحيل الدورة سيرا على الأقدم سواء كان من الشاب او الفتاة المسيحيين وذلك بسبب فرط التعايش
فعلى قولة الحلبية " عود بالأعوج واحكي بالسيوي "

يـــاسلام ..
بتعرف بتصويرك هادا اللي حاكي انت
اي واحد غريب عن حلب بدو يقرا الرد
رح يتصور المسيحية عبموتوا من الاضهاد والناس نازلة فين وماعبيتحركو ياحسرتي :shock:
ولو ياحبيب
خليك واقعي شوي
مو لهالدرجة

Roaa

08/02/2008, 14:00

Abu ToNi

08/02/2008, 17:00

يـــاسلام ..
بتعرف بتصويرك هادا اللي حاكي انت
اي واحد غريب عن حلب بدو يقرا الرد
رح يتصور المسيحية عبموتوا من الاضهاد والناس نازلة فين وماعبيتحركو ياحسرتي :shock:
ولو ياحبيب
خليك واقعي شوي
مو لهالدرجة
اذا كان للمسيحية حق وحرية بحلب فليس الاخوة المسلمين بتعايشهم هم من تكرموا بمنحهم اياها
ما بدنا ندخل بالوضع السياسي بسوريا وكيف عبينقمع الحركات هي

بس باكد لك باي لحظة ممكن تفلت القصة ويوحوا المسيحية بين الرجلين

اذا بدك اتسأل على حادثة الميدان اللي صارت قبل شهرين ولولا تدخل الجيش ما كنت انا هلق هون عبحكي

المشكلة ظهرت من اول ما بدي سرافيس الهنانو وباب النيرب يمرقوا من نص مناطق المسيحية صار الاخ المسلم ب 3 ليرات بيقدر ينزل " يجلي " عيونه على حد تعبيره .

على فكرة انا براص السنة تعايشت مع شخص بالطريق بعد ما حاول بدوره يتعايش مع احدى البنات المارقين بالطريق

هي عدا حركات الشغب متل محاولة حرق شجرة الميلاد في كنيسة مارجرجس متل العمليات المتكررة لشن هجوم ماقي " بزق " على الكنائس في المنطقة

وبتقول لي في تعايش

بعرف اني عبصور القصة على انه واقع رهيب
والقصة مانها معتمة كل هاد الوقت
انا بنفس الوقت حاصل على حقوق اهمها ممنوع مثلا بالجامعة يتعرض لي بسبب اني مسيحي بس كا هاد الشي " الحقوق الحاصل عليها " ممنوحة من الدولة وليس من الشعب ولو كان الشعب او المجتمع الحلبي هو المتحكم بالقصص هي برجع بقول لك ما كنت شفتني هون عبرد عليك على الأنترنت

yamos2

08/02/2008, 20:25

قال صلى الله عليه وسلم " أخرجوا المشركين من جزيرة العرب "
:shock::shock::shock::?