فوجئت الطالبات المحجبات في جامعة اسطنبول كبرى الجامعات التركية لدي وصولهن اليوم الى مقر الجامعة في اول يوم دراسي بالادارة تطلب منهن خلع الحجاب قبل دخول الحرم الجامعي وذلك رغم قرار رفع الحظر. وذكرت وكالة اخلاص للانباء التركية ان الطالبات اعربن عن سخطهن من قرار الجامعة عندما طلب منهن خلع الحجاب مشيرة الى ان بعض الطالبات امتثلن لقرار الجامعة والبعض الاخر قررن العودة الى بيوتهن.
وكان الرئيس التركي عبدالله غول قد وافق نهاية الشهر الماضي على اصلاح دستوري تاريخي اقره البرلمان يسمح للطالبات بارتداء الحجاب في الجامعة رغم اعتراضات قوية من النخبة العلمانية في البلاد.

ما رح يشبعو تخلف
لك يا عمي تركو العالم براحتها
البنت حابي تتحجب ليش القمع

:cry:.......................بس شو بده يقول الواحد
خيو اذا حتى عنا صارو الناس ينظرو للحجاب نظرة غير
اكثر شي يقهر انه شب تقدم لصديقة اختي وما بده يرتبط فيها الا اذا خلعت الحجاب

يلعن أخت التطرف
العلمانيين اشد تطرفا من المتشددين ولا يقبلوا بالديمقراطية أن كانت ضد مصالحهم

أنو علمانية وأنو ديموقرطية

كله شعارات للحفاظ على المصالح الخاصة مع الدول الاَخرى أفلسو البلد و الديون تجاوزت الميت مليار و لسع ألون

وش يعترضو ويمنعو

على كل حال هذا تخبط

والحمد لله الأتراك عندهم حكمة و المشكل يعتبر منتهي و .


يسلمووووووووووو على الموضوع

فوجئت الطالبات المحجبات في جامعة اسطنبول كبرى الجامعات التركية لدي وصولهن اليوم الى مقر الجامعة في اول يوم دراسي بالادارة تطلب منهن خلع الحجاب قبل دخول الحرم الجامعي وذلك رغم قرار رفع الحظر. وذكرت وكالة اخلاص للانباء التركية ان الطالبات اعربن عن سخطهن من قرار الجامعة عندما طلب منهن خلع الحجاب مشيرة الى ان بعض الطالبات امتثلن لقرار الجامعة والبعض الاخر قررن العودة الى بيوتهن.
وكان الرئيس التركي عبدالله غول قد وافق نهاية الشهر الماضي على اصلاح دستوري تاريخي اقره البرلمان يسمح للطالبات بارتداء الحجاب في الجامعة رغم اعتراضات قوية من النخبة العلمانية في البلاد.


موافقة رئيس الجمهورية ما بيكفي .... لازم محمكة الدستور العليا توافق على هاد القرار و المحكمة لسى ما اصدرت قرارها ... مشان هيك القرار غير ساري المفعول حاليا .. و كل الطالبات الجامعيات المحجبات بيعرفو هالشي لكن مسألة العناد و مسك السلم بالعرض ما فينا نعمل فيها شي

من المعلوم ان ألغاء الحجاب ي تركيا تم عام 1923م بقرار من القائد مصطفى كمال اتاتورك رحمه الله , حيث ان هكذا قرار كان صائبا في ذلك الوقت لأسباب لا مجال لذكرها هنا .
اما الان فقد تغيرت الاوضاع و اعتقد انه ليس من داع لاستمرار حظر الحجاب في تركيا, ومن المعروف ان اردوغان رئيس وزراء تركيا ارسل ابنتيه المحجبتين للدراسة في امريكا لأنهما لا تستطيعان دخول الجامعات التركية بسبب الحجاب , فهل من المعقول ان ذلك مسموح في امريكا المسيحية و ممنوع في تركيا حيث يشكل المسلمون 97% من السكان, بعدين اردوغان زلمة مسؤول و غني و قدر يدرس بناتو بره , طيب و الفلاح التركي المسكين وين بدو يدرس بناتو المحجبات , و الله مشكلة.

قمة قمع الحريات
وبيحكو بالديمقراطية وحقوق الانسان
من حق اي شخص ارتداء اي شي يحلو له
متل ما بيحق للعلمانية ارتداء الجينز والبلوز الضيق
بيحق للملتزمة ارتداء الاشارب والمالطو
وين الديمقراطية والحرية فهموني
والله انو بيحكو شعارات بس وشعارات بس
للاسف

قمة قمع الحريات
وبيحكو بالديمقراطية وحقوق الانسان
من حق اي شخص ارتداء اي شي يحلو له
متل ما بيحق للعلمانية ارتداء الجينز والبلوز الضيق
بيحق للملتزمة ارتداء الاشارب والمالطو
وين الديمقراطية والحرية فهموني
والله انو بيحكو شعارات بس وشعارات بس
للاسف

اي طولي بالك شوي
مشان هالشغلة نسفتي التجربة الديمقراطية التركية بشحطة قلم
طيب بدي أسألك حزب العدالة و التنمية و صل للحكم بانقلاب و لا بانتخابات حرة نزيهة؟؟
تعرفي أنو في أكتر من 500 محطة تلفزيونية تركية
تعرفي انو التلفزيون الرسمي التركي TRT بخصص كل يوم عدة ساعات باللغة الكردية و العربية و الارمنية
ما بصير تقولي انو ما في ديمقراطية و حرية بتركيا مشان غلطة واحدة

اي طولي بالك شوي
مشان هالشغلة نسفتي التجربة الديمقراطية التركية بشحطة قلم
طيب بدي أسألك حزب العدالة و التنمية و صل للحكم بانقلاب و لا بانتخابات حرة نزيهة؟؟
تعرفي أنو في أكتر من 500 محطة تلفزيونية تركية
تعرفي انو التلفزيون الرسمي التركي TRT بخصص كل يوم عدة ساعات باللغة الكردية و العربية و الارمنية
ما بصير تقولي انو ما في ديمقراطية و حرية بتركيا مشان غلطة واحدة
ياعيني ملا غلطة
يا اخي هي ابسط قواعد الديمقراطية
هي مالازم يطلع فيها لاقرار ولامرسوم
يعني انا موفاهم و فايدة كل يلي ذكرتو اذا عم يعاملو الناس حسب لبسون
يارجل
ولوشو همني انا يكون عندون 500 محطة ولا 5000 اذا ابسط هالقواعد طايرة
عم يحرمو مارح قلك اكثرية النساء انما شريحة كبيرة من النساء من العليم بسبب اللباس
وبتقلي قضية صغيرة

اي طولي بالك شوي
مشان هالشغلة نسفتي التجربة الديمقراطية التركية بشحطة قلم
طيب بدي أسألك حزب العدالة و التنمية و صل للحكم بانقلاب و لا بانتخابات حرة نزيهة؟؟
أنتخابات . وكان كل الخوف من أنقلاب عسكري . ولو كان حزب العدالة والتنمية مو قريب من الغرب والأتحاد الأوروبي كان صار أنقلاب ضدو
تعرفي أنو في أكتر من 500 محطة تلفزيونية تركية
تعرفي انو التلفزيون الرسمي التركي TRT بخصص كل يوم عدة ساعات باللغة الكردية و العربية و الارمنية
هاد من جديد وتحت ضغوط الأتحاد الأوروبي
ما بصير تقولي انو ما في ديمقراطية و حرية بتركيا مشان غلطة واحدة
هي مو غلطة . هي حرمان من أبسط حقوق المواطنة والعلمانية . حرية اللباس
بس لو كان العكس ؟ . لو كان الحكم بدو يجبر الناس على التحجب كانت قامت الدنية وقعدت عليه

على كل حال بتعرفوا شلون البنت المحجبة كانت تروح عالجامعة

بنت أردوغان مثلاً كانت تلبس الحجاب وتحط فوقه شعر مستعار

أما خير النساء زوجة أردوغان فانقطعت عن الدراسة لهذا السبب
بنتها طلعت حربوءة أكتر منها

القانون العلماني التركي واضح تماماً ممنوع لبس الطربوش ممنوع لبس أي زي إسلامي
وهذا مصادرة لحقوق شخصية ليس من حق الدولة التدخل فيها بأي شكل
والأمر كذلك حاصل في تونس حتى لا نظلم تركيا

امة الكفر ومحاربة الدين واحدة

من المعلوم ان ألغاء

الحجاب ي تركيا تم عام 1923م بقرار من القائد

مصطفى كمال اتاتورك رحمه الله , حيث ان هكذا قرار كان صائبا في ذلك .

من المعلوم ان ألغاء الحجاب ي

تركيا تم عام 1923م بقرار من القائد مصطفى

كمال اتاتورك لعنة الله عليه , حيث ان هكذا قرار كان صائبا في ذلك .


الله ياخد اركان المؤسسه العسكريه

ضيعوا تركيا بالعلمانيه

تسقط العلمانيه

والعلمانيه = اللادينيه

اذا كان من حق العاريه ان تتعرى

اليس بالاحرى من حق المحجبه ان تغطى شعرها؟؟؟!!!

بالنسبة للانسة بنفسجة فان تفكيرك غريب و متحيز جدا:
فتركيا التي يتغير حكومتها كل 4 سنوات و يتغير رئيسها كل 7 سنوات في انتخابات حرة نزيهة و فيها حرية اعلامية و انتعاش اقتصادي مترقي , مستعدة ان تتجاهل كل ذلك و تقول ان تركيا دولة متخلفة و دكتاتورية بسبب قانون خاطئ وحيد هو الغاء الحجاب, أما النظام السوري المجرم الحرامي القمعي الدكتاتوري الجاثم على صدورنا من 40 عام , مستعدة تقيم الدنيا و ما تقعدها اذا حدا جاب سيرتو بالعاطل , فتفرج يرعاك الله.

أما المحارب العتيق:
يا صديقي ان معلوماتك في السياسة التركية على قدها, الغرب هو صديق لحزب العدالة و التنمية و دائما ينتقد تركيا بسبب تسلط الجيش و المحكمة الدستورية التي يسيطر عليها العلمانيين و يطالب بالتخفيف من نفوذهم , لذلك فان خطابات العلمانيين في البرلمان مليئة بالتهجم على الغرب و اتهام اردوغان بالتبعية له , فلا تقلب الامور الله يرضى عليك.

اما المدعو جمال عبد الناصر :
فلا اريد ان اقول الا لعنة الله على المجرم المقبور صدام حسين البعثي التافه

غريبة ..

لما صار التصويت على موضوع الحجاب في تركيا ..

403 .. مع الغاء قانون منع الحجاب ..

92 .. ضد الغاء قانون خلع الحجاب ..

فاذا ال 92 من الشعب بدهم يمشوا قرارهم على الشعب .. فمعناتو ما في ديمقراطية ..

بالنسبة للانسة بنفسجة فان تفكيرك غريب و متحيز جدا:
فتركيا التي يتغير حكومتها كل 4 سنوات و يتغير رئيسها كل 7 سنوات في انتخابات حرة نزيهة و فيها حرية اعلامية و انتعاش اقتصادي مترقي , مستعدة ان تتجاهل كل ذلك و تقول ان تركيا دولة متخلفة و دكتاتورية بسبب قانون خاطئ وحيد هو الغاء الحجاب, أما النظام السوري المجرم الحرامي القمعي الدكتاتوري الجاثم على صدورنا من 40 عام , مستعدة تقيم الدنيا و ما تقعدها اذا حدا جاب سيرتو بالعاطل , فتفرج يرعاك الله.


ليك عيني لاتخلط عباس بدباس وتلف وتدور وترجع عالنظام السوري يلي مش عاجبك مادخل النظام السوري وارائي وافكاري بهي القضية ولو انو النظام السوري بيطلع هيك قرار كنت بحاربو للموت رغم اني غير محجبة فيا ريت تلتزم بموضوع النقاش ولاتعطينا مواعظ وحكم هون
قرار خاطء من دولة تتدعي الديمقراطية وابسط حقوق الديمقراطية هي التعليم متاح للجميع فانت هيك كمان بتطلع متحيز اذا بدك تغفل هيك نقطة تودي الى ملازمة نصف نساء تركيا المنزل وانغماسهن في الجهل نتيجة انهن يرتدين الحجاب
بينما بتجي تتبجح بالنظام الاجرامي وغير الاجرامي فانت كمان لاتكون متحيز اوكي ووفر تعليقاتك على النظام لموضوع يتعلق بالنظام السوري مش بالحجاب بتركيا بعدين مين هاد الرائع يلي خبرك اني بقيم الدنيا وما بقعدها اذا حدا جاب سيرة النظام السوري ايها العضو اخ الحرك شكلك بتعرفني من شي سنة مثلا
شي بيضحك تاملو يارعاكم الله

تركيا دولة ديمقراطية و ديمقراطية جدا... و التعلّق بقانون الحجاب لمهاجمة التجربة التركية كمن يتعلق بقشة خوفا من الغرق...

و استغرب جدا لما من سوريا بالذات أسمع و أقرأ انتقادات نحو "التطرف العلماني" التركي لما لليوم بالجيش السوري الصلاة و اللحية ممنوعة ( بدون ما نحكي عن أيام الثمانينات لما كانت تنشلح الحجابات بالقوة بباصات النقل الداخلي بأيد سرايا الدفاع السيئة الصيت).

بعدين قرار منع الحجاب تم الغاءه, و بدو ياخد منحاه القانوني ليتطبق الالغاء.. بس متل ما قالت مجود مقابل شيلة السلم بالعرض ما فينا نعمل شي

اما المدعو جمال عبد الناصر :
فلا اريد ان اقول الا لعنة الله على المجرم المقبور صدام حسين البعثي التافه


لعنه الله على من حرم الحجاب

اتاتورك المجرم

تركيا دولة ديمقراطية و ديمقراطية جدا... و التعلّق بقانون الحجاب لمهاجمة التجربة التركية كمن يتعلق بقشة خوفا من الغرق...

و استغرب جدا لما من سوريا بالذات أسمع و أقرأ انتقادات نحو "التطرف العلماني" التركي لما لليوم بالجيش السوري الصلاة و اللحية ممنوعة ( بدون ما نحكي عن أيام الثمانينات لما كانت تنشلح الحجابات بالقوة بباصات النقل الداخلي بأيد سرايا الدفاع السيئة الصيت).

بعدين قرار منع الحجاب تم الغاءه, و بدو ياخد منحاه القانوني ليتطبق الالغاء.. بس متل ما قالت مجود مقابل شيلة السلم بالعرض ما فينا نعمل شي

لا أظن اني بعد ردك هذا استاذ ياس سأتكلم كلمة , فقد كفيت ووفيت
تقبل احترامي و تحياتي

بعيدا عن رأيي الشخصي حابب أستفسر

يا دكتور Yass إنت قلت القرار بدو ياخذ مجراه قبل التنفيذ

كيف يعني؟؟ يعني لسا بدو تنسيق مع الجامعات

صراحة أنا مش مستوعب الفكرة هاد

إزا في عندك توضيح تفضل

بعيدا عن رأيي الشخصي حابب أستفسر

يا دكتور Yass إنت قلت القرار بدو ياخذ مجراه قبل التنفيذ

كيف يعني؟؟ يعني لسا بدو تنسيق مع الجامعات

صراحة أنا مش مستوعب الفكرة هاد

إزا في عندك توضيح تفضل


بالدول الدستورية في عدة أنواع من القوانين منها مثلا:

- قوانين محلية أو مناطقية أو أو .. الخ
- أوامر وزارية
- قوانين تشريعية(مراسيم تشريعية بسوريا اسمها)

حسب درجة القانون أو الغاؤه في مجريات قانونية لازم تتخذ.. يعني مثلا قانون منع الرموز الدينية بتركيا هو قانون تشريعي.. و بالتالي بعد عرضه على البرلمان بدو ينعرض على المحكمة الدستورية لتقرر انو هالتعديل يتطابق مع الدستور أم لأ... و بعدين يطلع مرسوم رئاسي بتنفيذ القانون... الشغلة تاخد وقت.. يمكن شهور حتى


تحياتي

.

أما المحارب العتيق:
يا صديقي ان معلوماتك في السياسة التركية على قدها, الغرب هو صديق لحزب العدالة و التنمية و دائما ينتقد تركيا بسبب تسلط الجيش و المحكمة الدستورية التي يسيطر عليها العلمانيين و يطالب بالتخفيف من نفوذهم , لذلك فان خطابات العلمانيين في البرلمان مليئة بالتهجم على الغرب و اتهام اردوغان بالتبعية له , فلا تقلب الامور الله يرضى عليك.


أول شي ضحكتني كتير أنو معلوماتي على قدها :o. لأ سيدي أنا مابعرف شي :o
تاني شي عجبتني وأنت أخد دور الناطق بأسم الخارجية التركية بالمنتدى :o
تالت شي . أنو فتح شوي وين جبت أنا سيرة الغرب والشرق ومدري شو .:o أنا عم أحكي عن طريقة تعامل الأسلاميين والعلمانيين مع الأمور:o
وبعدين قصة صداقة الغرب لطرف من الأطراف التركية . هي قصة نقاشها طويل . غير هاد النقاش . ومن طريقة ردودك بهاد الموضوع وموضوع كمال أتاتورك . بئلك معلوماتك بالسياسة التركية مو على قدها . وأنت صح :o

أول شي ضحكتني كتير أنو معلوماتي على قدها :o. لأ سيدي أنا مابعرف شي :o
تاني شي عجبتني وأنت أخد دور الناطق بأسم الخارجية التركية بالمنتدى :o
تالت شي . أنو فتح شوي وين جبت أنا سيرة الغرب والشرق ومدري شو .:o أنا عم أحكي عن طريقة تعامل الأسلاميين والعلمانيين مع الأمور:o
وبعدين قصة صداقة الغرب لطرف من الأطراف التركية . هي قصة نقاشها طويل . غير هاد النقاش . ومن طريقة ردودك بهاد الموضوع وموضوع كمال أتاتورك . بئلك معلوماتك بالسياسة التركية مو على قدها . وأنت صح :o

طيب ما حكى شي الزلمة يا صاحبي لحتى يكون ردك قاسي لهالدرجة.. ما بعرف يعني مو مستاهلة الشغلة كل هالسمايليات و هالطريقة بالكلام.. هيك عم قول أنا

ع كل مو مشكلة... حصل خير.. يا ريت مستقبلا الكلام يكون أقل حدية.. ممكن نناقش أي شي دون ما نمس ببعض. الكلام للطرفين طبعا


الموضوع مغلق

ياس ولو رجاع ائرا من الأول أنا شو كتبت وشو رد عليي
والله ملينا من أسلوب الله يرضى عليك ومدري شو . كمان شوي بيرجعني على المدرسة . مستلم كل شي بيتعلق بتركيا كأنو هو صح وكل العالم مابتفهم
وأنا بسافر لتركيا بالسنة أربع أو خمس مرات . بالوقت يلي مابعرف أذا هو بيطلع برات الشام
بس تقرا الرد حذيف التنين أذا بدك