مسى الخير

عم قلب بالمحطات الفضائية على شي بينشاف

مالقيت شي بينشاف

قلت لأسمع شي غنية عند ها المسى

روتانا موسيقى البرنامج ضد التيار الضيفة المجنونة مريم نور

قلت يلى خليها بضحك شوي

سالتها المقدمة يلي ماعم اتذكر اسمها

عندك رجل اعمال ؟؟ وليش ماعندك رجل اعمال

قالت مريم نور مو ليكون في رجل بالبلد ليكون عندي رجل اعمال!!

هون ضحكت كتييييييييييييييييييييييي يييييير

لأني اكتشفت أني انا المجنونة ومريم نور العاقلة لأني اكتشفت مأخرة أنو مافي رجل بها الدنيا
يعني عم حارب كرمال ولاشي

وانت رجل والرجال قليل ودقي يا مزيكا.............

يعني عم حارب كرمال ولاشي
.
:? ليش كنتي عم تحاربي كرمال الرجال ؟

:? ليش كنتي عم تحاربي كرمال الرجال ؟




اي وين العيب او الغلط
كل انسان بها الحياة عندو هدف او مجموعة اهداف انا حققت معظمها

وحاسة اني بحاجة لرجل كمل عمري معو

كل امرأة تنكر حاجتها للرجل كذابة والعكس صحيح(موضوع طويل ممكن نحكي فيه بموضوع تاني)

هيك خلقنا منكره ببعض ومافينا بلا بعض

يالله عاد نصيبك بالجنة خيتو
هلق انتو شلون لازم يكون الواحد لحتى يصير رجال ؟؟؟
يلبس حزام ناسف و على فلسطين ؟؟؟ ما بيمرق و بيصير ارهابي و بيتختخ بالحبوس
يطلع يتظاهر ؟؟؟ نفس النتيجة يعني بلا طعمة
كل ما شاف واحد يضربو ؟؟؟
يربي شب ؟؟؟
يلبس بس شيال ؟؟؟
فهميني

كل امرأة تنكر حاجتها للرجل كذابة والعكس صحيح(موضوع طويل ممكن نحكي فيه بموضوع تاني)

لأ .. أنا ما قلت اني ما بحاجة الرجل
مجرد استغربت انك اكتشفتي أنو بما أنو مافي رجال .. فأنتي عم تحاربي كرمال ولا شي :shock:

يالله عاد نصيبك بالجنة خيتو
هلق انتو شلون لازم يكون الواحد لحتى يصير رجال ؟؟؟
يلبس حزام ناسف و على فلسطين ؟؟؟ ما بيمرق و بيصير ارهابي و بيتختخ بالحبوس
يطلع يتظاهر ؟؟؟ نفس النتيجة يعني بلا طعمة
كل ما شاف واحد يضربو ؟؟؟
يربي شب ؟؟؟
يلبس بس شيال ؟؟؟
فهميني

هلأ أنت فهمت من كلامي انو الرجال هو الأرهابي يلي عندو قوة لتفجير نفسه

الرجولة ممكن تكون عكس هيك تماما
وكل انثى عندها نظرية مختلفة لتقييم معايير الرجولة

اني حارب بحياتي لأحصل على رجل بكل معنى الكلمة
رح يكون الطريق لسعادتي اذا نجحت

طيب عرفيلي ياه للرجل بكل معنى الكلمة

ولك حاجتكم بقه ياصبايا
احمدوا ربكم واشكروا على هالشباب اللي متل الورد:larg:

ولك نحنا اللي الله يكون بعونا
اذا انتو عم تحاربوا فنحنا عم ننتحر لنلاقي شي بنت بتبل القلب:pos:
كله صار صناعي الله وكيلكم,,

انتي صبيه,, والصبايا قليل,,, ورقصني يامعلم,,
:D;)

انا ماني عم افهم غلط بس شلون عم تقولي انو (( اكتشفت أني انا المجنونة ومريم نور العاقلة لأني اكتشفت مأخرة أنو مافي رجل بها الدنيا )) عطيني المواصفات و انا بلافيك شي 100 عندكن بلحارة بس
مجنونة بامتياز مريم نور عم تخرف كانها

ياسيدي الاحرى تقول أنثى و الاناث قليل في صبايا كب

لأ .. أنا ما قلت اني ما بحاجة الرجل
مجرد استغربت انك اكتشفتي أنو بما أنو مافي رجال .. فأنتي عم تحاربي كرمال ولا شي :shock:


وانا استغربت لأنو كلامك ناقض حاله
سؤالك مابفهم اني كنت عم ناضل على ولا شي

سؤالك بفهم معنى اخر(:shock:)2

طيب عرفيلي ياه للرجل بكل معنى الكلمة

مابدي لأنو وصلتني فكرتك وطريقة تفكيرك يلي بعيدة عني شوي
مارح قلك لاني اذا قلتلك مارح نتفق

والاختلاف لا يفسدللود قضية

هيك أستنتاج بدو تجربة مادية و معنوية و بجميع الطرق و أساليب إختبار الرجولة المعروفة و المجهولة

:lol::lol::lol:

قالت مريم نور مو ليكون في رجل بالبلد ليكون عندي رجل اعمال!!


عاد انا بشوف كتار شباب بينقال عنهم " رجال " بكل ما للكلمة من معنى ...
وبيستحقوا تنرفع القبعات لهم بما انو كل الصفات الرجولية بكل المجالات او بـ اغلبها بتتواجد عندهم

كل انسان بها الحياة عندو هدف او مجموعة اهداف انا حققت معظمها
وحاسة اني بحاجة لرجل كمل عمري معو


هلأ ما بنحكي انّو البنات ما بيحبوا يكملوا مع شب بقية حياتهم يكون زوجهم وهيك
بس انّو يكون الهدف المركزي بهالحياة هو انك تلاقي رجل؟!
وانو ادا ما التقى بيكون ما في شي محرز بهالدنيي تكملي كرمالو؟!

لك ستي اذا نسوان على شاكلة مريم نور

هنن الي رح يحدوو اذا في رجال ولا لا

اي لكن على قولتك

دقي يا مزيكا :yahoo:

يا ستي ..... انا اسف اني عارضك ...
بس ممكن نحدد منيح مفهوم الرجل ....
هيدا موضوع كتير نسبي...
بنكمل بس حضرتك اذا ممكن تشرحيلي شو المقصود تحديدا
تحياتي الحارة
ظل جيفارا

انا بصراحة مع وايت روز ...بكل كلمة قالتها .....:pos:
:D

مابدي لأنو وصلتني فكرتك وطريقة تفكيرك يلي بعيدة عني شوي
مارح قلك لاني اذا قلتلك مارح نتفق

والاختلاف لا يفسدللود قضية
اذا فهمتي شو قصدت معناها الامور برلون م

عاد انا بشوف كتار شباب بينقال عنهم " رجال " بكل ما للكلمة من معنى ...
وبيستحقوا تنرفع القبعات لهم بما انو كل الصفات الرجولية بكل المجالات او بـ اغلبها بتتواجد عندهم

شكرا لالك خجلتيني

انا بصراحة مع وايت روز ...بكل كلمة قالتها .....:pos:
:D
يعني بهالحالة انت عم تشهد انك مانك رجال!!! دوختني يا زلمة
انا ما برضالك ياها
الا اذا عم تحكي عن المشاركات مو عن الموضوع

اختي هي عبتحكي ع لبنان بركي او البلد اللي قاعدة فيا ..
ليش عممتي انتي ..
بعدين دخيلك حتى ولو
هالمرة صايرة عبتخبص كتير بخاتمتا بقى بدك طولي بالك عليها

دائماً أحاول الابتعاد عن المواضيع ذات الطابع الشخصي, ودائماً أرى بأن كل المواضيع الشخصية هي بأصلها مواضيع عامة بخاصة في مجتمعاتنا.

شابة في مقتبل العمر "والمرء يبقى دائماً في مقتبل العمر, حتى يخذله العقل والجسد" تكتشف خلو العالم من الرجال.

طبعاً هذا حق على الآخر لها ألا يتدخل بأمورها الخاصة أو الشخصيّة, ولكن وعلى الصعيد العام هل :

1 – تم تحديد معنى الأنوثة أولاً, كي يتم تحديد معنى الرجولة أو العكس. فهما متكاملان وليسّا متضادين . "على الصعيد الشخصي"
2 – هل أنا كشخص ناضج معرفياً وفكرياً بما يكفي كي أزيل الغشاوة عن عينيّ وأرى الآخر بوضوح وكما هو, دون أحلام , وصياغة حياة مشتركة تأخذ تطلعات كل طرف بعين الاعتبار, وصولاً لحياة مشتركة لا يتبع فيها أي طرف للآخر.
3 – هل أنا قادر على إظهار نفسي كما أنا دون تصنّع , كي يراني الآخر كما أنا تماماً.
4 – لا يمكن لأي شخص ألا أن يجد شريكاً بمستوى طموحه و وعيه, فإن لم يجد تكون المشكلة لديه, فبكل بساطة نظرة الشخص إلى العالم حي التي تحد من إدراكه لهذا العالم, فقد يكون هذا الشخص إلى جوارك ولا تستطيع أن تراه.

لا أريد التنظير أو كما يقال التفلسف, لكن الداء والدواء يكمن دائماً في دخيلة الشخص فإن لم يغيّر من نظرته للعالم فإن العالم لن يتغيّر, بل سيبقى ينتظر شيء أتى ومضى دون أن يراه.

ليكن هذا الطابع العام المبسّط ليس فقط للنقاش مع الأخر, بل طرح تساؤلات مع الذات .

تحياتي :D

[quote=whiterose;936976]
الضيفة المجنونة مريم نور
quote]


لا هاي حلوه:o

رجال.......زكرت.....أبضاي.........ب� �لمواقف بالمبادئ يعني قوة النفس قبل قوة العضلات والعنترية
بالفعل وينو هادا الرجال مالي شايفو غير بالمسلسلات
ا

عاد انا بشوف كتار شباب بينقال عنهم " رجال " بكل ما للكلمة من معنى ...
وبيستحقوا تنرفع القبعات لهم بما انو كل الصفات الرجولية بكل المجالات او بـ اغلبها بتتواجد عندهم



هلأ ما بنحكي انّو البنات ما بيحبوا يكملوا مع شب بقية حياتهم يكون زوجهم وهيك
بس انّو يكون الهدف المركزي بهالحياة هو انك تلاقي رجل؟!
وانو ادا ما التقى بيكون ما في شي محرز بهالدنيي تكملي كرمالو؟!


كلامك صح فعلا في رجال تستحق اللقب واكثر وبجدارة بس مو شباب ها الأيام ممكن من 50 سنة قبل
يعني جيل الآباء و الأمهات


وبالنسبة للهدف المركزي يلي حكيتي عنو
انا مو هدفي المركزي شب وبس انا هدفي المركزي حققته ومن زمان
انا قلت اني حققت معظم اهدافي

وقلت اني كنت عم حارب صح كرمال حب كبير كنت مفكرته حب او يمكن هو حب
بس متل ما قلت الرجولة ناقصة

وانا ما عممت بكلامي اكيد في شباب كتار بيستحقو بنت تحبهم واكتر بس يعني فينا نقول انو 90%
من شباب ها الأيام سلامتك


وانا حياتي ماشية مع وبدون حب ورجل
في اشياء حلوة كتير بالدنيا بتستحق نعيش كرمالها
والحياة عمرها مابتوقف عند حدا معين
ناس كتير منحبهم رحلوا من حياتنا بوفاة او قدر او سفر وحياتنا كفت بشكل كتير منيح
وتحية

دائماً أحاول الابتعاد عن المواضيع ذات الطابع الشخصي, ودائماً أرى بأن كل المواضيع الشخصية هي بأصلها مواضيع عامة بخاصة في مجتمعاتنا...................
............
تحياتي :D

كمان تحياتي وشكرا لردك المحترم

وهو يمكن معك حق الموضوع شخصي بالنسبة لألي
بس انا عم احكي بلساني ولسان بنات كتار

ومابنكر انو متل ما المرأة بتنجرح من الرجل بقوة كمان في نساء كتار جرحوا رجال بقوة

وفي حقيقة كبيرة لازم كل رجل يحطها حلقة بأدنه

انو يحاول قدر الأمكان لايجرح حواء مهما كانت الظروف
لأنو حواء مستحيل تنسى الجرح او الأهانة

كلامك صح فعلا في رجال تستحق اللقب واكثر وبجدارة بس مو شباب ها الأيام ممكن من 50 سنة قبل يعني جيل الآباء و الأمهات

لا انا بحكيلك عن شباب هالايام اللي صعب تلاقي بنت بتستاهل تكون زوجة لهم من كثر اخلاقهم العالية ومن كثر الصفات الرجولية الحقيقة اللي بيملكوها...انا بحكيلك عن شباب هالجيل..ما عم بحكيلك عن جيل القدما...



وانا ما عممت بكلامي اكيد في شباب كتار بيستحقو بنت تحبهم


بيستحقوا بنت تحبهم؟! على اساس انو محبة البنات لهم هي شهادة تقدير واثبات على رجوليتهم؟!
عزيزتي الشباب الرجال اللي بحكيلك عنهم قليل تلاقي بنت بتستاهل كلمة منهم ...
وعيب نجي نقول الرجال بيستحقوا بنت تحبهم ..
الاجدر نقول انو هالنوع من الشباب "الرجال" بيستحقوا تنرفع لهم القبعات وتنحني الرؤوس لهم كمان بدل ما تقولي بيستحقوا بنت تحبهم ..

بس يعني فينا نقول انو 90% من شباب ها الأيام سلامتك

انا سبق وقلت وبرجع بقول يا جماعة النسبة المئوية على شئ ما.. ممنوع تعطوها بدون احصائية مسبقة
على شو معتمدة انو 90% من الشباب هالايام "هيك"...وغير هيك بحب قول انو كل مجتمع غير الآخر يا عميمة
يعني في مجتمع " لا على التعيين" ممكن ينطبق كلامك انهم "ملا شباب" بس بمجتمع آخر بنلاقي شباب بينقال عنهم رجال ورجال ورجال