مين هدا مستر بلوند ؟؟ [الأرشيـــــف]

عرض كامل الموضوع : مين هدا مستر بلوند ؟؟

مستر بلوند

11/03/2008, 17:25

فتت على الصالون ( برجلي اليمين طبعاً ) على أساس تعارف وأعضاء جدد وفنجان قهوة وما بعرف شو ..:shock: ما لقيت حالي غير مع شوية ناس عم يناقشوا قصص وموضيع من هون وهون .. وشغلات غريبة عجيبة..;) قلت لحالي يلا مو مشكلة خليني كمل ، وبلشت غوص بهالموقع شو بدكن بالحكي بالفعل موقع أكثر من رائع .. شباب وصبايا حبابين وأكابر ، والأهم موضيع مرموقة ومتجددة .. :clap:

وبالفعل هالجولة الصغيرة خلتي أندم على اتخاذ قرار مسبق اتخذته أنا ومجلس إدارتي وأعضاء جمعية نفسي يعني هيكي :ss:على عدم المشاركة في المنتديات .. بس حاسس هلأ أنو المنتديات -مع احترامي لها- كلها بكفة وأخوية بكفة ثانية .. لأنو يمكن هدا المنتدى منا وفينا نحنا السوريين عم يحكي بلهجتنا وباسمنا .. ويا سيدي الله يوفق القائمين عليه...

هلأ أكيد في ناس عم تسأل مين هالزلمة يلي عم يتفلسف على سمانا :sly: صلو من الصبح .. طولوا بالكن لا عم اتفلسف ولا شي أنا مجرد بني أدم (زلمة يعني مو مرة) بشتغل مدون صفيان بهالأيام .. شغلة يلي مالو شغلة عالنت .. المهم قلت لحالي خليني أتعرف على الشباب الطيبة عنا هون .. يمكن لأنو عندي أمل كبير فيهن بالمستقبل ..

وهلأ أكيد في مين حيسأل كمان سؤال ثاني شو هالأسم يلي اخترتو ؟؟ .. قصة هذا الأسم يا جماعة الخير من وقت لعبة الكاونتر وقت كنت بالحادي عشر .. أجا واحد من عيلة "حديد" نزل اسمو باللعبة Mr. Fe فعجبتني القصة:? ، وكوني من عيلة الأشقر الكبيرة والموجود لها فروع في كافة المحافظات والمناطق والدول العربية قلت لحالي لازم مين اسمي عن العشر تعطشر زلمة يلي اسمهن نفس اسمي فأخترع قصة Mr. Blond ودرجت معي الحكاية من هداك الوقت لهلأ .. على قولة مستر بلوند أجا ومستر بلوند كتب ومستر بلوند حكا ... ومدري شو ..

بتمنى أستفيد من هذا المنتدى كثير وتقبلوني واحد منكن لأنو إلي الشرف الكبير ..
تحياتي

L.A.

11/03/2008, 17:34

أهلا و سهلا فيك بين أهلك
في شخص من بيت الأشقر بالأخوية بعتقد اسمو راني الأشقر.. بيقربك شي :p
على كلن نوّرت و ميت السلامة:D

sandra

11/03/2008, 17:38

اهلين مستر بلوند
لنطمن الصبايا هون في مسز بلوند ولا لسه :lol:

عمرو الحسيني

11/03/2008, 17:42

هلا بالطيب هل نورت ، البيت بيتك

ابقى عميل شوية ديمقراطية مع أعضاء جمعيتك وخود وعطي

لازم تعمل دورة مكثفة قبل ما تفوت الأخوية

وللا قلك فوت فوتك لشوف واضرب هالطينة بالعجينة إذا ما لزقت علمت

أهلاً بك

was616im

11/03/2008, 17:59

اهلا اهلا بالحبيب اهلا
قرد نورت و شرفت عيني هنت :lol:
بس انو شغلة صغيرة حبيب
قلت انك حبيت المنتدى لانو سورري بس في كتير مو سوريين هون ;)

باشق مجروح

11/03/2008, 18:21

والله شكلك مبندق على قولة الحلبية.
يلا طحاش لئلك طحاش مستر بلوند.
منور اخوية واهلا وسهلا وعراسي حارتك :D.

بنفسجة

11/03/2008, 18:35

اي مرحبتين منور:D

مايسترو

11/03/2008, 21:18

قهلا بابن العم قهلا

وانا ماقول لحالي شو هالنور الساطيع اللي دخل لعنا هيك فجاة:D

مايسترو

ظل جيفارا

12/03/2008, 00:52

مية اهلا وسهلا ابن العم ....:D
بس بتوقع من التشريفات

قهلا بابن العم قهلا

شو ابن العم كيفك ...:lol:
تحياتي الحارة
ظل جيفارا

مستر بلوند

12/03/2008, 15:14

Luay Adam: (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
راني الأشقر .. يبدو بيقربني من هالعيلة العظيمة ، عندك بنت عمنا بلبنان اسمها كليمانس أشقر .. وكمان جو أشقر .. هيكي كلنا ولاد عم على بعض فيك تقول ..

sandra 82 (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):
هو يا ريت في مسز بلوند .. والله شو متمنيها تكون بالفعل مسز بلوند أصلية مو بس لقب .. الله كريم لازم نطلع على ألمانيا بهالحالة ...

عمرو الحسيني (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):
هو معلم بعد عدد من المشاورات والاستشارات والمناقشات والجدالات وأنا والـ ... الـ... الـ.. جماعة تبعيتي خلص قررنا بالأخير نشترك كلنا باسم واحد شعب واحد لقب واحد مستر بلوند ، هي نتائج القمة تبعي لنشوف شو بيطلع مع القمم الأخرى ..

was616im (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) vbmenu_register("postmenu_937415", true); :
لك سيدي قرد والله أنا عملت شي ، الله وكيلك يا سيدي ما دخلني .. مو أنتو بتعرفو عني كل شي

باشق مجروح (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):
لا بعجبك ولو .. مبندق ملعّب مشخشب بحالي (للملاحظة ما بعرف شو معناة مشخشب هي كلمة لبنانية سمعانها من زياد رحباني يمكن إلها نفس المعنى.. دخلك )

بنفسجة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):
هي منورة بوجودك من قبل .. تسلمي

مايسترو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):
قهلا فيك والله قهلا بالنشامة
بس أكيد نورك هو يلي كان منور هالموقع من قبل

ظل جيفارا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):
كمان أنت قهلا ابن العم .. يا هلا يا هلا

عفوا ليش حاسس حالي عم مسح جوخ كثير ...:frown: والله مو من عادتي ... يالله دخلك الشباب بيستاهلو :D

butterfly

12/03/2008, 15:23

:lol: هلا ...

وبهالمناسبة منسمع
الشب الأسمر جنني (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ...
:flala:

MaTyA

12/03/2008, 15:52

أهلاً ...

suryoyo

12/03/2008, 16:25

اقول ليش اخوية منورة .. طلعت منورة بوجودك معنا :D

مية هلا و ميتين مرحبا

LiOnHeArT.3LA2

13/03/2008, 16:27

بسم الله الرحمن الرحيم

يا رجل شو هاد

دباجة طويلة عريضة

بس حلوة وملعوبة

وارضية زاحفة تعلو العارضة بقليل:o