طبعاً مباريات الدوري السوري مالها طعم بدون تخبيصات المعلكين .. واللي بيتابع شي مباراة وبينتبه عالمعلق بيقدر يطلع عبارات غريبة ما سمعها ولا بحياته راح يسمعها .. اضربلكن شوية أمثلة عالإبداع منقطع النظير لمعلكينا (الموضوع منقول من Group أغلظ 100 شخصية في سوريا من الـ facrbook .. بس مشان الحلال والحرام):

زميل وجيه و لكن هذه الكرات لا تجدي نفعا . . وهدف .. هدف زميل وجيه

----------------------------------

ويحشكه في الزاوية

----------------------------------

معمعة كروية امام المرمى

----------------------------------

وكرة أرضية زاحفة تعلو العارضة بقليل

----------------------------------


والآن ينزل الاعب يلو كارد إلى أرض الملعب
(وجيه شويكي)

----------------------------------

مرة كان جمال الشيخ بكري عم يعلق على مباراة للمجد ونسيت مين في دوري سابق في ملعب الجلاء فدخل المجد كول قام رجع المخرج وعاد اللقطة تبع الكول قام قال جمال الشيخ بكري (وهدف اخر للمجد بنفس الطريقة ونفس اللاعب) ولوقت ما حس انو هي اعادة كنت انا فرطت من الضحك

----------------------------------

ميشو معو الكرة يبحث عن حكمت وينو حكمت
و عبدور على حكمت
و هي حكمت لاقاه لحكمت
و بيلعبلوووووو لحكمت

----------------------------------

قالها جوزيف بشور ترحيباً بزيكو البرازيلي مدرب فنربهشة التركي بافتتاح الملعب العملاق: ونرحب بالكابتن زيكو (المدرب العربي الكبير) !!!!!!!!!!!!!!!

----------------------------------

" وبيعمل فنت "

----------------------------------

اجااااااااك يا لؤي
كان اكرم غرير ورا لؤي طالب بلعبة الكرامة والوحدة والملعق جمال

----------------------------------

كانت المباراة بين الاتحاد والوحده والنتيجه تقدم الاهلي بكول..والتعليق لكامل نجمي: يعني يستحق الاتحاد الخساره عهيك مستوى بيقدمو ونفس الدقيقه فات كول الوحده قام قال...
حرام الاهلي مستوى طيب ....انا قلت لازم يخسر عالاداء مو نتيجه عكلن ...الوحده يتقدم بهدف التعادل....وهارد لك ولنا على الهدف ومبروك..

----------------------------------

وكرة عالية وهووووووووووووووووبة

----------------------------------

الملعب هنا في جبلة بحاجة الى غطاسين وليس الى لاعبين

----------------------------------

جيش جيش جيشششششششششششش
يخونه تخونه يخونه القائم

----------------------------------

و يسدددددد تسديدة قوية و انما ضعيفة لا تشكل خطورة .

----------------------------------
يعلن الحكم نهاية المباراة بالتعادل السلبي مع أن الشوط الأول انتهى بالتعادل السلبي أيضا

----------------------------------

هدف .. هدف ..هدف .. والله العظيم هدف .


----------------------------------

آخر دقيقة من بداية الشوط الثاني

----------------------------------

المرحوم عدنان بوظو: ضرررررررررررررررررررررررر ررربة مرمى لسوريا (واحدنا بفكرا ضربة جزاء)

----------------------------------

وقت كان يعملو (دويتو) يعني معلقين على مباراة وحدة, يقول الاول:
أعطي المكروفون للزميل العزيز ..... و التاني بيقول شكراً للزميل العزيز.......
فطول المباراة زميلو عزيز عليه

----------------------------------

زكرتني بأحد معلقينا المرحومين لما لعبنا مع البرازيل بالقدم .. كان يقول :
يهاجمون كما نهاجم و يدافعون كما ندافع .. و الهدف الأول للبرازيل .
هجماتهم مؤثرة و هجماتنا مؤثرة ايضا ..... و الهدف الثاني للبرازيل .
هم أبطال أمريكا الجنوبية و نحن أبطال اسيا ..... و الهدف الثالث للبرازيل .
و بالاخر ....... ليس المهم النتيجة و إنما المشاركة ......... و الهدف السادس للبرازيل

----------------------------------

- مطر مطر زميل إياد !!
- إي شو فيها زميل جوزيف .. الله يبعت الخير !!
- لأ زميل إياد اللاعب مطر يسجل هدف رائع !!

----------------------------------

كلووو كوم و هالمعجزة التعليقية جمال الشيييييييخ بكري كووووووم
في مباراة بالدوري بين المجد و الحرية يسدد لاعب من المجد كرة براسه فيرتمي عليها الحارس و يصدها فماذا كان تعليق شيخ المعلكيييين
يااااا سااااللللااام الحاارسس يودع الكرة في منطقة الامان و امان يا ربي أمان و الله يخلليلنا الامان بسوريا ويخللي القيادة الرياضية الحكيمة اللي عملتلنا هالملاعب الحضارية

----------------------------------

اول 90 دقيقة جس نبض

----------------------------------

لما واحد بيشوط شوطة بعيدة عن المرمى بيقله: لوييييييين يااااااااااا كأنو عميلقو لوين يا ابن الـ....

----------------------------------

ملعب حمص ممتلىء
وجمهور الكرامة ويشجع الكرامة وجمهور الاتحاد يشجع الاتحاد

----------------------------------

فريق خاسر بفرق هدف .. فجأة يسجل هدف التعادل .. الزميل كامل نجمي يعلن رضاه عن الوضع ويقول: بيضل الكحل أحسن من العمى !!!!!!!!

----------------------------------

لو كانت الكرة داخل الشباك لكانت هدفا مؤكدا

----------------------------------

و في مرة كمان سمعت معلق عم يقول (في مباراة كانت للحرية و جبلة)و ينفرد اللاعب بالحارس و ينفرد و و و في احضان الحارس ( اللاعب و لا الطابة في احضان الحارس ما عرفنا)

----------------------------------

الجيش متقدم على حطين حتى الان
مع انو المباراة للاتحاد وحطين

----------------------------------

أهلين أبو صبيح

أستاذ المدرسة وجيه شويكي

----------------------------------

"إن المدربين الأربعة لن يتركوا أي لحظة للنوم سبيلاً للعيون"

جمال الشيخ بكريييييييي

----------------------------------

فريقنا خاسر بهدف للاشيء .. نحن نقول ما لنا و ما علينا .......................جوزيف

----------------------------------

هجمة مرتدة للحرية وهدف للكرامة

----------------------------------

حلوين شبابنا اليوم .. و الهدف السادس للبرازيل

----------------------------------

بمباريات السلة .. واللاعب يسبح في الهواء

----------------------------------

وملعب الحمدانية كان فيه 75000 بالداخل ...و200000 الف برااا..
(حلب كلها كانت بالملعب)

----------------------------------

تمريرة غنية

----------------------------------

خطة اللعب واضح أنها 3-5-4-1

----------------------------------

مرة كان التلفزيون السوري ناقل مباراة تنس للسيدات

والمعلق كان الفطحل جمال بكري وقتها قال

بطولة التنس للسيدات المفتوحة

----------------------------------

وتسديدة قوية على المرمى وتخرج رمية تماس

----------------------------------

مرة كان في مباراة في ملعب الحمدانية والطابة راحت عالجمهور... قام المخرج حط الكاميرا عالسما... وطلع في طيارة .. .قام جمال ما بدو يفوت المشهد ما يعلك عليه... قام قال..." يا ألله... طائرةٌ تطير في السماء! ! ! !"

ومن وقتها كل ما بكتئب بتفرج على مباراة بالدوري السوري وبتسمع عالتعليق....

----------------------------------

اعفشها يا عكس (جزيف بشور) بدلا من اعكسها يا عفش

----------------------------------

في الشوط الثاني قال تحسن اداء منتخبنا على عكس مجريات الشوط الثاني وكأنو عم يلعبو شوط تالت او رابع



وتزحلق امام المرمي وممنوع التزحلق امام المرمي

هاي من الاحدث

ومن روائع التعليق السوري



لما اجا الروماني رادوليسكو مدرب للمنتخب ..مرة كنت عم اتفرج عأخبار الرياضة وكانت عم تقدمها المذيعة خارقة الذكاء لينا الأسعد...المهم هيي و عم تقرا من هالورقة اللي قداما اجت قالت:وقد صرح المدرب ....وصفنت شوي وبذكاء قالت عفوا ..وقد صرح المدربان(راد) و(ليسكو).. بربكن في عاهه متل هيك؟


المرمي فاتحآ زراعيه ويقول له قبلني ,و ياحرام عليك ياسعد سعد وزنك 180 كلغ وطولك 74 سم وبتضيع ضربة الجزاء.....


وهذا هو الاعب العظيم الخياره بدل الكايار الدنماركي.الكلمات لشيخ المعلقين وجيع شويكي.



مرة قال جمال الشيخ بكري: هدف جميل من ضربة جزاء !!!!!!!

الكلام لوجيه الشويكي: وهذا اللاعب عمره 25 سنتيمتر !!!!!!!!!!!!!!!


ومباراة الإياب بين الكرامة وتشرين هي الرابعة في ترتيب مباريات الكرامة .. كما كانت مباراة الذهاب هي الرابعة أيضاً !!!!!!!!!!!!!!!


وسنشاهد الحالات المثيرة للجدل بعد قليل في (التحليل التحليلي) !!!!!!!

معو معو
كان بيقصد فيها المعلق أنو جمال معو لاعب الوحدة مراقبو للاعب الفريق التاني :p

طقييييييييت ضحك :clap:

شو هالنهفات يا زلمي شي خيلة
أساسا الدوري السوري كلو عبعضو نهفة

والآن ينزل الاعب يلو كارد إلى أرض الملعب
(وجيه شويكي)


:o:o:o:o

هههههههههههههه بربي نهفات :o

مرة كان التلفزيون السوري ناقل مباراة تنس للسيدات

والمعلق كان الفطحل جمال بكري وقتها قال

بطولة التنس للسيدات المفتوحة


يعني ما بيصير يكونو بنات :lol:

بطولة عظيمة @@

نهفات غير شكل
والله صرت بالأراضي من الضحك :da7ook::da7ook:

:lol:
أفرطنا ضحك والله

***

بس كيف جمعت هاي التعليقات ..

نهفات المعلقيت السوريين نهفات

من يومين عم احضر مباراة للدوري السوري و على art
و كانت النتيجة 0-0 وبيسجل أحد الفريقين هدف ولا بيقول المعلق ( عبد الله خفتة ) أنا قلت بأن التعادل لن يكسر ألا بتسجيل أحد الفريقين هدف ( ليش بيشو بيكسر التعادل بالعادة ؟ ممكن بحديدة أو بـ بورية ؟؟؟!!! )

عنجد شاب شعر راسنا من التعليق لما منحضر شي مباراة من الدوري لشي معلق سوري منفرط لا الله من الضحك ع الاغلاط .. طبعا هادا كلو ماعدا الاغلاط مع اللاعبين ..مرة مابتزكر مع مين كانت الطابة .. المهم طلع ساعة يزكر لاعب تاني ومن فريق تاني اصلا ومالو دخل بكل المباراة هييييك لنص المباراة تقريبا حس حالو غلطان اخونا بالله جوزيف بشور :lol:


طبعا هادا غير عرق التحشيش اللي بهب ع معلقنا العظيم جوزيف بشور وقت المباريات تقول مابحب يدخن الا وقت المباراة .. وكل دقيقة صوت القداحة شغال ..
والاحلى من هيك انو كان الن عادة .. انو ازا الواحد دق تلفونو برد عليه وحتى لو بنص المباراة وعبعلق .. وخاصة جوزيف بشور .. لما مرة مابتزكر كمان بمباراة مين دق موبايلو والظاهر كانت مباراة مهمة والله اخونا بالله رد ع الموبايل ونزل تحت الطاولة ع اساس مالنا سمعانينو بالمرة :lol:
وغير وغيراتا كتير بس بدك مين يتزكر ..



ع الهامش ..
ازا حدا عندو رابط الفيس بوك تبع اغلظ 100 شخصية بسوريا ؟

;)خلي واحد من المعلقين اللي عنا يروح يشارك بمشروع معلق بلكي بيطلع تقليع :lol:

;)خلي واحد من المعلقين اللي عنا يروح يشارك بمشروع معلق بلكي بيطلع تقليع :lol:


هي اجري ازا مابقلعون تقليع .. اخي في ناس بمشروع معلق متسابقين احسن بكتيرررر من معلقين عنا

بربي يمكنلنكن احلى موضوع باخوية من شي سنة
ضحكت ضحك يسلمن يا وايت روز يا وردة :D

موضوع منقول مو منقول, ايه فرطني من الضحك, يعني فرطت ووقعت عالارض. وبلشت ام مارتين ومارتين والاولاد والجيران يلمو فيني.
واكتر وحدة فرطتني (يعني شي كم مرة)هي:
- مطر مطر زميل إياد !!
- إي شو فيها زميل جوزيف .. الله يبعت الخير !!
- لأ زميل إياد اللاعب مطر يسجل هدف رائع

الله يعطيكي العافية ومشكورة أوي أوي أوي.

وكرة أرضية زاحفة تعلو العارضة بقليل

:shock::lol:

و يسدددددد تسديدة قوية و انما ضعيفة لا تشكل خطورة .


:shock::lol:

آخر دقيقة من بداية الشوط الثاني

:shock: :lol:

يااااا سااااللللااام الحاارسس يودع الكرة في منطقة الامان و امان يا ربي أمان و الله يخلليلنا الامان بسوريا ويخللي القيادة الرياضية الحكيمة اللي عملتلنا هالملاعب الحضارية
:frown::lol:



شكرا كتير بيضحكوا خاصة هدول...:lol: