- كيفك ابو عبدو
- ماشي الحال عايشين من غلا الموت
- شه ..!! شبك ابو عبد شو صايرلك ... بعدين كيف طلعت معك انو غلا الموت ..!.!؟
- لك يا ابو سعيد اللي صايرلي هو نفس اللي صاير لكل هالبشر مانك شايف هالغلا اللي صاير بالبلد من المازوت للغاز للخضرا للخبز تقول صايرة موضة يازلمة ..
ومافي غير احنا عم نرخص
- اي بس كيف زبطت معك انو الموت غالي ... طول عمرو الموت رخيص ..
- لك ابو عبدو الموت غالي بس احنا اللي رخيصين
- والله ماعم افهم عليك ..
- طيب انا بفهمك ..
- هات لنشوف فهمني ..!!
- هلئ واحدنا لما يموت مابدن يعملولو عزا ويدفنوه
- أي..!!
- اي عمي احنا حق وقية قهوة مرة ما معنا .. فكيف بدك تدفع لسيارة دفن الموتى وبدك تدفع للمقبرة وللشيخ اللي رح يحممك .. وبدك تعمل عزا وقهوة وشاي وتمساية ومابتعرف شو بيطلعلك هاد غير الديانة اللي رح يلحقو يحصلو ديونن بقى شفت كيف انو ختى الموت غالي ...
- لك اي والله عم تحكي مزبوط
- شفت كيف ..نضل مدفونيني بالحيا احسن .. - اي والله احسن ..لك اي..اي.. احسن


تنويه : هذا القصة لاتمت للواقع .. بـ.. بصلة ..

تنويه : هذا القصة لاتمت للواقع .. بـ.. بصلة ..

أكيد الواقع قريب عفوا أصدي بعيد كل البعد

مشكور على بقعة الضوء :D

وانا اللي كنت مفكر انو نحنا عايشين من قلة المووووووت :pos:
تارينا من غلاوة الموت :shock:


طيبة و حلوة معلم.....

أكيد الواقع قريب عفوا أصدي بعيد كل البعد

مشكور على بقعة الضوء :D

لك اي .. اي بعيد كتير اكتر ما بتتصور

وانا اللي كنت مفكر انو نحنا عايشين من قلة المووووووت :pos:
تارينا من غلاوة الموت :shock:


طيبة و حلوة معلم.....

هاد كان لما كان الزمان وكان
بس زمان اول انحول قصدي اتحول

مية وردة شبيبة :D

وإذا ما دبحت دبيحة وقت طلعت المتوفى وإذا ما جبت صيوان كبير ومكيف أو مدفأ منشان التعزاية وما ضيفت قهوة مرة وما جبت قارئ كويس وما عملت تالت للنسوان وأكل خمس نجوم وما عملت تحلاية للجماعة ألي طلعو معك على الدفن وما عزمت الرجال بعد التالت وإذا بديت تتأفف بياكلو وشك العالم وإذا عملت كل هالشي بياكلو وشك العالم معناتا العالم بعالمنا هذا صاروا أكلت لحوم البشر
بيقلك طنش تعش
بس وين الطناش
حسبى الله ونعم الوكيل



تعقيب : في جماعة مليانين عملت الثالث بنادي حلب عائلات ... من البطر
:shock: