عفواً ...... صار في اختلاط عليي

بس النقطة اللي كنت بدي اوصلها واللي مصّر اوصلها ......... مو بشار اللي كان عميتم تحضيرو للكرسي :pos:

يسلمو ياس وبنفسجة عالتنوية

اسمو فريق مش رفيق
من كلامك بستشف انو الرئيس جدا قوي وانو كل يلي حوليه موظفين صغار
انا صار عندي شوية تضارب بالافكار يلي عم شوفها عندكون
يعني هو القوي ويلي حوليه هني ضغار
ولا هو ضغير وضعيف ويلي حولية عم يمشوه متل ما بدون؟؟؟
على كل برافو عليه اذا حسب ما عم تقول هيدا رجل جدا قوي قدر يركع كل رجال الدولة والسياسيين

بعرف يا رفيقة انو اسمو فريق غلطة طباعة هي مو الرئيس تبعك هو القوي انما ابوه دمر كل شي بالدولة لدرجة ما ضل مؤسسات ولا برلمان ولا حكومة كلن موظفين صغار بيقولوا حاضر سيدي ومين كان بيسترجي يقلو للديكتاتور لا وخاصة بقضية متل توريث ابنو ولما مات الاب ما ترك راس كبير ورا كلن قصن مشان يضمن لابنو انتقال امن للسلطة وهدا ما بيعني انو بشار قوي او فهمان بل برايي العكس

بس النقطة اللي كنت بدي اوصلها واللي مصّر اوصلها ......... مو بشار اللي كان عميتم تحضيرو للكرسي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا هدا اللي قلتو لما مات الاصلي جابوا الاحتياط ودربوا وانت بتعرف تماما انو ما كانت مفاجاة لحدا بسوريا ولا برا سوريا استلام بشار يعني سلامة فهمك شغلة بديهية كانت هي في سوريا الاسد

لا جاوبت انت عم تحاول توحي انو حافظ الاسد ما الو ايد بالتوريث وانتو تم بعد موتو وانو مو بشار اللي عمل تعديل الدستور بينما انا قلتلك انو بشار تم تحضيرو للتوريث من 1994 وعطوا مناصب ورفعوا رتب الجيش ما بيستاهلها وبعد موت الاب كان كل شي تقريبا بايد ابنو والي عملوا تعديل الدستور ورفعو لرتبة رفيق كانوا عبارة عن موظفين صغار نفذوا الاوامر وبس
أوامر مين ؟ و هالموظفين كانوا تحت أمر مين

و الرئيس الراحل حافظ على فرض كان مزبط كل شي ومحضر كل شي ... مين مستعد لينفذ تعليمات رجل ميت ؟
الرجل راح .. يعني ما بقى ألو سلطة على حدا .. بقى مين الي يا حزرك منح الدكتور بشار رتبة فريق و مين الي عدل الدستور ؟!

أمر بديهي انو نقل الحكم (كي لا نقول توريث) كان أمرا محضّرا بعناية فائقة جدا... لأنه تم تصويره كاستمرار لنهج أبيه لمن كان يهمه استمرار هذا النهج. و كذلك تم الاعلام عنه كعنوان تغيير جعل استلامه الحكم مقبولا حتى من بعض الأوساط الناقدة للسلطة.. فالنتيجة كانت شبه الاجماع في أوساط القرار و القوة (لا ادري ان كان اجماعا) على ان بشار is the man ... يعني كان عن قناعة لدى أسياد القرار+ تقبل شعبي... لك يكن اجبارا فقط لأنه, كما قال صياد الطيور... الميت لا يجبر أحدا... انما كان سيناريو مرسوم و اعتقد ان السيناريو المرسوم كان اجمل من الذي يجري حاليا.. و كان يمكن ان يمشي بصورة أخرى لولا ظروف عديدة .. لكن هذا السيناريو نتركه لموضوع آخر


تحياتي

أمر بديهي انو نقل الحكم (كي لا نقول توريث) كان أمرا محضّرا بعناية فائقة جدا... لأنه تم تصويره كاستمرار لنهج أبيه لمن كان يهمه استمرار هذا النهج. و كذلك تم الاعلام عنه كعنوان تغيير جعل استلامه الحكم مقبولا حتى من بعض الأوساط الناقدة للسلطة.. فالنتيجة كانت شبه الاجماع في أوساط القرار و القوة (لا ادري ان كان اجماعا) على ان بشار is the man ... يعني كان عن قناعة لدى أسياد القرار+ تقبل شعبي... لك يكن اجبارا فقط لأنه, كما قال صياد الطيور... الميت لا يجبر أحدا... انما كان سيناريو مرسوم و اعتقد ان السيناريو المرسوم كان اجمل من الذي يجري حاليا.. و كان يمكن ان يمشي بصورة أخرى لولا ظروف عديدة .. لكن هذا السيناريو نتركه لموضوع آخر


تحياتي

اسمحلي اختلف معك صديقي حافظ اسد عمل تماما متل الخلفاء الامويين والعباسيين اخد البيعة لابنو وهو عايش كل قادة الاجهزة الامنية والجيش بسوريا كان ولاءن قبل ما يموت الاب للابن واللي في علي ادنى شك طيرو هدا بالاضافة لانو سياسة الاب طوال ال 30سنة جعلت من المستحيل وجود بديل تاني من داخل النظام لانو كان ممنوع على اركان النظام يجتمعو الا بعلم وحضور الاسد حتى يضمن عدم تامرن علي

بعدين باخر سنتين من حكم الاب كان بشار هو الامر الناهي بكتير شغلات بملف لبنان مثلا لا تنسى انو هو اللي جاب ميرو لرئاسة الوزراء واللي طلع بعدين اكبر رئيس وزراء حرامي في تاريخ سوريا

اما التقبل الشعبي فما كان في تقبل فيك تقول نتيجة الحملة الاعلامية الضخمة والدعاية الكاذبة والتضخيم صار بالناس متل الغرقان اللي تعلق بقشة لكن هلق بعد 8 سنين ولما شافت العالم انو كل شي عم يرجع لورا بين حجم الكذب
بتذكر بسنة 2000 طلع قرار اجبروا كل العاملين بالجيش وحتى الطلاب اللي بالمعسكرات انو يبصموا بالدم على نعم جابوا دبابيس على المعسكرات وصاروا يبخشوا ابهام كل واحد بالدبوس ويبصموا على نعم , مهزلة بكوريا الشمالية ما بتصير , وبالمهزلة افتتح الوريث عهدو الميمون


الرجل راح .. يعني ما بقى ألو سلطة على حدا .. بقى مين الي يا حزرك منح الدكتور بشار رتبة فريق و مين الي عدل الدستور ؟

اللي وقع على ترفيع بشار لفريق هو خدام صح بس هي شكليات لانو خدام ما كان بايدو وقتها اي سلطة ولو ما عمل هيك كان صفو , السلطة كانت بايد الحرس الجمهوري اللي مسيطر على الجيش وبايد اجهزة المخابرات المسيطرة على كل شي تاني بسوريا,
لك اذا هو بحكم الدستور كان المفروض يكون الرئيس الانتقالي لمدة شهر ونص بس ما استرجى حتى يقول هالشي وقتها
واللي عدل الدستور تنفيذا للاوامر هو قدورة لانو ما لقو اوسخ من هيك شخصية لتنفذ هيك عمل حقير

فهدا اللي ذكرتو عن الترفيع و تعديل الدستور هو الديكور الخارجي لعمل كان مكتمل من زمان

بعدين باخر سنتين من حكم الاب كان بشار هو الامر الناهي بكتير شغلات
يا زلمة ... لما توفي السيد الرئيس كان الدكتور بشار ببريطانيا...
ما كان ألو أي سلطة على البلد .. كان رئيس الجمعية العلمية السورية للمعلوماتية
اما التقبل الشعبي فما كان في تقبل فيك تقول نتيجة الحملة الاعلامية الضخمة والدعاية الكاذبة والتضخيم
ما بعرف .. بس ولا مرة حسيت بهالشي ولا حدا من كل الي بعرفو .. و لا حدا قال هيك شي غيرك !!

لو علمتم الغيب لأخترتم الواقع

حديث للرسول صلى الله عليه وسلم

خطر ببالي شغلة

انو الناس كلها تاركة العالم كلها ولاحقة سوريا

ما حسني مبارك عم يحضر ابنه جمال

والرئيس اليمني شرحو




يغيروا الحكم بالسعودية ويعملوه جمهوري بدل توريث للأبن الأكبر بكل دول الخليج

يحكوا عن ها الشي وخاصة انو اغلبية الشعب السعودي غير راضي عن الملك :jakoush:

وخاصة انو اغلبية الشعب السعودي غير راضي عن الملك :jakoush:
لا مو صحيح أبداً هالكلام ... على العكس تماماً .. أول مرة بشوف شعب مأيد الملك تبعو متل الشعب السعودي
طبعا مو حبا فيه بس لأنو عم يحققلون كل الي بدون ياه و عم يشتغل للشعب كتير ولمصلحة شعبو

لا مو صحيح أبداً هالكلام ... على العكس تماماً .. أول مرة بشوف شعب مأيد الملك تبعو متل الشعب السعودي
طبعا مو حبا فيه بس لأنو عم يحققلون كل الي بدون ياه و عم يشتغل للشعب كتير ولمصلحة شعبو

لتكون مخربط مفكرني عم احكي عن النهيان شيت الأمارات

بكل الأحوال اذا مانك مخربط
قكلامك كمان مو صحيح
وما بصير تعمم
مو يعني اذا انت بالسعودية يعني دريان بكل المملكة شو عم يصير

انت بزمناتك قلتلي انو الفقر عايم بالسعودية بالوقت يلي انا كنت عم قول انو الحمدلله السعودية مافيها فقر:shock:
وكنا عم نمدح بالسعودية



طيب اذا الملك كتير هاممه امور شعبه متل ماعم تقوب ينزل ويشوف اوضاع ها الفقراء يلي حكيت عنهم:pos:

رح عقب على كلامك .. بس منعتذر عن خروجنا عن الموضوع الاساسي و الي هو الرئيس الخالد حافظ الأسد

السعودية طبعا فيها فقر و فقر أعمى كمان ( يعني أضرب من سوريا بكتير ) بس قديش ممكن يكونوا من نسبة الشعب ؟
أنت اذا عم تقولي ما تعمم .. كلامك سليم طبعا انا ما قلت 100% من الشعب معو .. بس لما مواطن سعودي بيلاقي كل أمورو ومشاكل عم ينبحث فيها و تتعالج و لما بيلاقي تسهيلات حكومية كبيرة و لما بيقولولو كرمال الله بس تعا اشتغل ... شو ممكن يكون رأيو بحكومتو ؟
المواطن شو بيحتاج غير أنو تكون كل متطلباتو عم تتحقق ( و لك على الأقل عم يفكرو فيها )

انت بتعرفي أنو الرز هو المادة الاساسية لغداء الشعب السعودي .. و لما وصلت أسعار الرز لضعف أو أكتر
لهيك طالع الملك السعودي قرار بدعم مادة الرز و حليب الأطفال
و قررت الحكومة أنها تدفع حق جزء منيح من قيمة هالمادتين على شرط أنو ينزلو للمواطن بسعر مناسب
بقى لازم يحبوه ولا شو ؟.لما شب سعودي بيروح بيتوظف بشي شركة خاصة و بيتفق معهم على راتب 4000 ريال على سبيل المثال .. بتجي الدولة بتعطيه نفس الراتب من حسابها ..

و لسا في كتير ...

السعودية طبعا فيها فقر و فقر أعمى كمان ( يعني أضرب من سوريا بكتير ) بس قديش ممكن يكونوا من نسبة الشعب ؟

مو مهم النسبة المهم انو في ناس عم تتعذب



لما مواطن سعودي بيلاقي كل أمورو ومشاكل عم ينبحث فيها و تتعالج
صرنا بالقرن ال 21 ولسه الحكومة السعودية عم تعالج مشكلة الفقر؟؟؟


و لما بيلاقي تسهيلات حكومية كبيرة و لما بيقولولو كرمال الله بس تعا اشتغل
بس على حد علمي انو كتييييييييير شركات عم تسرح موظفيين غير سعوديين لتأمين فرص عمل للسعوديين
بسبب تناقص فرص العمل

وكتار ناس رجعوا من الغربة بسبب انو الراتب ماعاد متل الأول !!


... ( و لك على الأقل عم يفكرو فيها )
مانحنا دولتنا عم تفكر بمطتلباتنا من قرن اتغير شي؟؟؟


انت بتعرفي أنو الرز هو المادة الاساسية لغداء الشعب السعودي .. و لما وصلت أسعار الرز لضعف أو أكتر
لهيك طالع الملك السعودي قرار بدعم مادة الرز و حليب الأطفال

انت قلتا مادة اساسية يعني اكيد لازم تكون رخيصة



على الهامش
يعني أنت برأيك أنو الحكومة السعودية افضل من الحكومة السورية
يعني الملك فهد افضل من الرئيس بشار؟؟

مو مهم النسبة المهم انو في ناس عم تتعذب

بكل مكان بالعالم في هيك شي .. شو ممكن تعملي للي ما بيعرف يحافظ على المال مثلاً ؟


صرنا بالقرن ال 21 ولسه الحكومة السعودية عم تعالج مشكلة الفقر؟؟؟

مو بس الحكومة السعودية كل حكومات العالم ( الي بتهتم بمواطنيها هيك بتعمل )

بس على حد علمي انو كتييييييييير شركات عم تسرح موظفيين غير سعوديين لتأمين فرص عمل للسعوديين
بسبب تناقص فرص العمل

وكتار ناس رجعوا من الغربة بسبب انو الراتب ماعاد متل الأول !!

مزبوط وحق معهم وهادا كمان إجراء حكومي لتأمين فرص عمل لمواطنيهم و أكيد هنن بيهتموا بالسعودي أكتر من أي جنسية تانية طبيعي و على العكس خطوة ممتازة بالنسبة للشعب السعودي
أما الناس الي رجعت فهي بسبب غلاء الأسعاء بشكل عام وعدم قدرتهم على تحملها و كمان بسبب فرق العملة بين هون وهونيك يعني كان الألف ريال يعمل على السوري 14200 ليرة أما هلق ما عم يعمل غير 11900 ليرة
و كمان بسبب أنو الشغل صار منيح بسوريا و في رواتب مو سهلة ولا قليلة

مانحنا دولتنا عم تفكر بمطتلباتنا من قرن اتغير شي؟؟؟

ولا رح يتغير طالما في مستفيدين بالحكومة والدولة عم يعملو لمصلحتهم الخاصة مو لمصلحة الشعب

انت قلتا مادة اساسية يعني اكيد لازم تكون رخيصة

مو شرط ... لأنو هي مادة مستوردة .. يعني مو هنن الي بيتحكموا بسعرها الدولة المصدرة .. بس الحكومة شاركت المستورد بسعر المادة الاساسي و بهيك حالة خف سعرها على المواطن .

على الهامش
يعني أنت برأيك أنو الحكومة السعودية افضل من الحكومة السورية
يعني الملك فهد افضل من الرئيس بشار؟؟
كحكومات .. أي أفضل ..

بس الملك أفضل من السيد الرئيس ؟!! فشر بعينو

كحكومات .. أي أفضل ..

بس الملك أفضل من السيد الرئيس ؟!! فشر بعينو

اكيد فشر بس هو منيح لشعبه؟؟؟


المهم انا بحب سوريا وبحب بلدي وارضي

وعندي محبة خاصة لبشار وبحسه جد عم يشتغل بس اغلب يلي حواليه :cry:
ونحنا منعرف انو وضع البلد خارجيا محرج جدا ولازم نكون قلب وقالب مع البلد بغض النظر عن الشي الداخلي

واكثر شي بيحرقلي قلبي الشباب يلي عم تروح وماعم ترجع فقط لمجرد كلمة وطلعت

كلامك على الراس والعين وسليم تماماً :deal:

الله يسامحو على كل السوء اللي عملو بلبنان

الصراحة بعد ما قريت قصة حافظ وكل الردود تقريبا اتأكدت انو حافظ داهية فعلا وانو فعلا عرف يقلد الخامنئي بايران!!!!
هداك شو ماقال او شو ماعمل او شو ما أمر لو كان على غلط او كان على باطل رح يصير وافكارو وشعاراتو بضل خالدة وبتضل الناس اتحبو وتسمع كلامو ان كان عايش او ان كان ميت !!
يمكن لانو بايران لازم يكون في فقيه او امام للمسلمين ويمكن لانو هو من سلالة النبي (ص)!!!!!! متل ماهيك بيقولو (!)
اما حافظ اكتسب هل المكاسب الي بتشبه تبعت الخامنئي لانو عرف كيف يقمع الشعب ويخوفون ويرهبون وبنفس الوقت كان يدغدغ مشاعرون القومية بشعاراتو الكاذبة !

الشعب السوري شعب عظيم ومابيستاهل يالي عميصير فيه !!
يعني الاخ صياد الطيور اكيد بيعرف انو كل الي عميحكيه مو مقتنع فيه بس خلص لازم يدافع عن بشار لانو صارت الشغلة عادة متل حب الايرانيين بالصرماية للخامنئي !

يعني وقت ما مات باسل الاسد 1994 كان عمر بشار 28 سنة ! رجع على سوريا بعد فترة قصير وبلش ابوه يحضرو التحضير اللازم ودخلو على الجيش وعلى طول صار عقيد مو متل ما عمتقول يا صياد انو بس مات ابوه اجا ومو صحيح انو بس كان رئيس المعلوماتية ! بال96 يمكن كان رئيس قوة المدفعية على ما اظن والله العظيم نسيان بس بعد موت باسل على طول ابوه جابو ! كانو هل ال15 مليون مواظن الي كانو وقتها بسوريا والي في متلون برى ما عندون اي راي او هو مو شايفون ولا معبيين عينو !!!!!!!!

وبعدين اكبر مسخرة صارت وقت ما عدلو الدستور انت يا حبيب لو بتوقف عند هي النقطة لحالك بتعرف انو الي صار كان مرتب الو ترتيب مدروس بدقة وصار انتقال السلطة بكل يسر وسهولة !!

يعني فضيت البلد من رجال حتى واحد متل بشار الي كان تحت السن القانونية ب6 سنسن والي ما قدم شي لسوريا والي ما كنا اصلا نسمع فيه والي كان عميدروس جراحة عيون يعني ما خصو بالسياسة يجي هيك يصير رئيس على 30 مليون مواطن هداك الوقت !!!

بعدين يالي قرا القصة كلها وضل مبسوط بحافظ وتصرفاتو وحنكتو ودهائو بيكون معلش بدون زعل ما عندو عقل او اهبل !!!

يعني اذا شلنا كل الفظايع الي عملها والي كلها سرقات ونهب وتمسكو بالسلطة وابعاد كل واحد بيعارضو ومنع الاحزاب وحط كل جماعتو بالمناصب الحساسة كانو مفكر حالو بالحقل الي بضيعتو عميزرع بارضو !!
اذا شلنا كل هل الشغلات وغيرها كتير بيكفي انو اباد عيل بالكامل بحماة !!!
يعني قتل نسوان واطفال اكتر من الرجال !
والله عيل كاملة ابادوها !
هل الشي بيكفي انو الواحد يرجع لعقلو ورشدو
الي ما عجبو كلامي مايرد بكلام مالو علاقة بالشغلات الي طرحتها
الي بدو يرد يجاوبني على مجازر حماة وحلب !


واخر شي بحيي المعلم ayham الي كلامو كتير حلو ومنطقي

بكل المقاييس يا راديا
بس قبل ما تسأليه
روحي أنت احثي عن الحقيقة وتأكدي بنفسك وقرأي التاريخ
وتاريخ النزاعات والصراعات اللي حصلت وبعدين احكمي
و إذا بدك كمان بشهادة الكتاب والمفكرين والمحللين

شباب انتو صارلكون ساعتين عم تتخانئو وتجادلو
بس الحقيقة برايي ان الحكم بسورية موجود بايد عدد محدد من السؤولين
واشعب ما الو اي دور بهالموضوع وبنفس الوقت ما بيطلع بايد الشعب انو يعمل شي
انا برأيي انو نرضى بالامر الواقع لانو مو طالع بايدنا شي
وبالاخر بقول الله يحميكي يا سوريا