سو الي براسك ولاتذكر اسباب
لاصرت بايعني توكل على الله

مابيني وبينك مشاريه وعتاب
شف دربك الي جيت منه تدله

ماراح تغلبني لو الحب غـلاب
من حضرتك عشان قلبي تذله

في ذمتي لجعلك عبره للاحباب
لين الخلي يتوب عن جرح خله

زلاتك الي مانفع فيها حساب
لاجيت اعددهن ثمانين زله

احرجتني بين القرايب والاحباب
كن الجفا سيف بوجهي تسله

ماكنت اقصر فيك من كثر الاعجاب
يومك تساوي عندي الكون كله

كنت القريب وكلهم كانوا أغراب
حتى القمر لاغاب شفتك محله

خلاص لاترجع ترا خاطري طاب
ابي طرا اللي كنت عايش ظله

رح واعتبرني واحد اذنب وتاب
ماني بثوب تلبسه ثم تمله

مايجتمع بالحب صادق iiوكذاب
رزقي على الله وانت رزقك على الله