في بلد جميل كـ لبنان . الكل ينظر اليه من زاويته التي يرى بها مصالحه .
الطبخة التي كثرت بها ايادي الطهاة الى درجة تلفت معها الطبخة.
باختصار ما جرى خلال ساعات أشعله الزعيم الدرزي وليد جنبلاط الذي اتهم حزب الله ببناء شبكة تنسط في مطار بيروت وشبكة اتصالات لا سلكية استخدمها الحزب للتنسط على الاتصالات في لبنان.
انتهت الاتهامات وتوضيح الحزب بأن الشبكة استخدمت في الحرب الأخيره ولكن الحكومة قررت ازالة الشبكة وطردت عميد محسوب على قوة المعارضة.
بدأ الاحتجاج يوم أمس بعنف وبقطع الطرق واحراق الاطارات وتبادل الاتهامات وبين مد وجزر وأخذ ورد يجتمع مجلس الأمن لبحث الازمة.
السيد نصر الله قال أن حل الأزمة بسيط ويتلخص بأن تتراجع الحكومة عن قراراتها الأخيرة . وسماحة المفتي قباني دعا من أسماهم بالمخربين بالانسحاب من الشوارع.
طريق المطار مقطوعة من قبل المعارضة وطريق جنوب لبنان - بيروت مقطوعة من قبل الموالاة . والكل يصعد ويلوح ويهدد.
فنصر الله يقول سنستخدم السلاح للحفاظ على الكرامة والوجود .. و مروان حمادة والشيخ سعد يقولان لا تراجع عن قرارات الحكومة التي ستجتمع اليوم.
كل ما أثير في البلد من قلاقل وسط مساعي عربية خجولة و دولية واقليمية يبدو كل منها منحاز لطرف دون آخر يلوح بأزمة ليست بالسهلة في البلد..
فهل لبنان مقبل على حرب تصفية حسابات .. هل هي حرب أهلية ؟ .. أم أن هذه الحرب كان لا بد منها لأن الخطين الذين يقودان البلد لا يمكن أن يلتقيا ؟ . وهل كل هذا سببه التدخل الاجنبي والاقليمي في شؤون لبنان ؟ والى أين يتجه البلد ؟؟..
وهل هناك حل يلوح بالأفق .. ولما كل فريق يصر على التمسك برأيه ؟؟!!

لا حول ولا قوة الا بالله ,,,,هي حرب اهلية شكلو رح تندلع بهالبلد الجميل ,,,,,ولك الواحد شو بدو يحكي بس على هيك اخبار وهيك عالم ,,,,,,ولا شي احسن مو هيك,,,;)

هاد يلي كان بديته اسرائيل يصير من زمان

الله يكون بعون الشعب لبناني

أليس من المعيب الاصرار على ضرب قلب المقاومة وتفكيك شبكاتها المخصصة للحرب مع العدو ؟!
أم ان حزب الله أصبح يشكل عبئ حقيقي على الدولة اللبنانية ؟!
ألم يكن السيد وليد جنبلاط هو من أشعل وافتعل الأزمة الدموية ؟!
أم أن المصالح السورية ما زالت تحرك الاطراف الحليفة في لبنان نحو حرب أهلية تعيد لها أمجادها ؟!
أليست الأزمة برمتها أزمة وجود للمقاومة . واعتداء سافر عليها ؟!
ولم هذا التمسك الحكومي بالقرارات التي قبل أن يقايض عليها ؟!
ثم من يملك القناصين ومن يحاول مذهبة القضية وحصرها في قوالب طائفية ؟ .
وهل كانت مبادرة سعد الحريري بوضع تنفيذ القرارات الحكومية في عهدة الجيش مبادرة مقبولة وتعالج الأزمة ؟.
لبنان الى أين ؟ ومن المسؤول ؟

مشكلة لبنان الأساسية هي الفراغ السياسي... مافي محترفي سياسة بلبنان... خلينا نكون واقعيين

الموجود حاليا بلبنان هم مجموعة أمراء الحرب الأهلية.. محترفي قتل و تدمير و دمويين من الدرجة الأولى جرى اعادة تأهيلهم لأنو "هاد الموجود" لما توقّع اتفاق الطائف.. يعني حلم دولة بلبنان هو سراب.. كيف راح يكون رجل دولة شخص تعوّد يشتري بمصاريو كل شي, او شخص ما بيفهم غير لهجة التفجيرات و الاغتيالات... شلة مرتزقة مالهم علاقة بالسياسة كعلم و اداة ادارة... و جلهلهم بالسياسة يؤدي الى عدم وجود خطوط حمراء يقفون عندها. فكله مستباح... بدءا من اللعب على وتر الطائفية و انتهاءا بالسمسرة بالدولة و البيع لأفضل المشترين..

أنا كشخص نفسيا مع المقاومة, مع حزب الله كمؤمتمنين على كرامتنا... يمكن بآخر عشرين أو ثلاثين سنة ما رفعنا راسنا غير لما حزب الله أذهل الصديق قبل العدو بحرب تموز... لكن اعتقد انو حزب الله كسياسة داخلية لبنانية عم يقحم حالو بشكل مبالغ به... يعني معليه ما حلوة تنزّل نفسك لمستوى سعد الحريري أو المرتزق المافياوي وليد بن كمال (عجبني الاسم اللي يستخدمو الوليد بن طلال).. اعتقد انو بالمهاترة و النزاع السياسي لازم حزب الله يعتمد أو يوكّل حلفاؤو و يتفرّغ بشكل أساسي لبناء كيان مقاوم ممانع بعيد عن مهاترات اللصوص.. أو على الأقل بعيد قدر الامكان...لأنو حزب الله هلأ بدخولو هالدوامة عم يجبر نفسو على انهائها بالحسم العسكري.. يجوز مو اليوم, و لا بكرا, و لا بعد شهر او شهرين.. بس بلحظة من اللحظات راح ينفرض الحسم العسكري.. و الحسم العسكري مو من مصلحة حدا.. بالعكس لازم يخلي ورقة التوت تسقط شوي شوي عن المجرمين هدول... حلفاءهم ما راح يدعموهم الى ما لا نهاية.. و فرنسا بلشت تسحب ايدها و أميركا بوضع حرج جدا هلأ

الله يعين الشعب ..
ويطفأنار الفتنة..
ويارب يحمي لبنان من الحرب ..ولا يشمت اسرائيل بينا..


بس على الهامش انا كثير استفزني و(ضوجني)كلام مفتي الديار اللبنانية:x

بس ما بتشوف معي انو الانتظار على المرتزقة للطعن في ظهر المقاومة زاد عن حدو.
يعني حزب الله حاول تحييد نفسو بالفترة الأخيرة وسكت عن كلشي منتظر الانتخابات . لكن القرارين الذين اتخذتهما الحكومة لو ما كانو بهالحساسية ( دليل انو هالشبكات مهمات للغاية كعصب حيوي للاتصال في المقاومة ) يعني وتحديداً قرار الاقالة للعميد شقير كان جنبلاط قد هدد بسحب وزائو من الحكومة لو لم يتم طرد العميد مما أثار هالأزمة . يعني ضربة في صميم المقاومة . يعني كلنا شفنا الصبر الي تحلت فيه اطراف المعارضة والتعاطي بمسؤولية وطنية وتوازن مع كل القضايا مما أثار مشعلي الفتن. فـ برأيي يجب وضع حد لهالضربات المتلاحقة وعدم السكوت عن الطعن في الظهر.
ما يجري على الأرض مؤلم ولكنه بلا شك مخطط ومدروس والقناصة منتشرين لإشعال الحرب الأهلية وتصريحات السراق تزداد وتحاول مذهبة الصراع وتحويله الى طائفي.
وهذا الشئ غريب الحقيقة . كما قال نصر الله سنقطع اليد التي تمتد الى سلاحنا والحل في تجميد القرار. الى اين يذهب البلد هذا سؤال لا يستطيع أحد الجواب عليه حالياً . لكن تمسك الحكومة بهذا القرار مثير جداً ويدفع للتساؤل بشدة حول نوايا هذا الفريق.
أنا ألوم كل السياسيين في لبنان على قصر النظر والتسرع في اتخاذ القرارات دون معرفة أبعادها الخطيرة.
ياسين انت قلت انو لازم المقاومة تهتم ببنائها العسكري وما تتنازل لمستوى الحرامية . بس أنا رأيي انو مو بكل شي بتقدر المقاومة تتساهل . وشو بتقدر تعمل اذا شركائها في الوطن هم من هذا المستوى وبهذا التعطش لإراقة الدماء.
فالفتنة نائمة وايقظها وليد جنبلاط في ليلة غاب قمرها عن سهرات لبنان الجميلة وحوّل شارع الحمرا وساحة النجمة الى منظر يشبه أزقة مخيمات اللاجئين في غزة.
أيمكن للمقاومة تجاوز الطعون والتساهل في تفكيك شبكات ومصادرة اسلحة وبعد فترة من عدم رد
المقاومة ربما تستمر الحكاية حتى تطال المزيد من سلاح وتجهيزات المقاومة للدفاع عن الخط الأول في المواجهة مع اسرائيل.

عسكريا حزب الله أقوى من الجيش اللبناني المنقسم أساسا ما بين الموالين لميشيل عون و الموالين لتيار المستقبل... يعني الحكومة فيها -على أرض الواقع- تحكي لبكرا لتشبع... لأنو حزب الله له كيان عسكري شرعي و أجهزة لوجستية شرعية, و الحكومة اللبنانية الحالية عاجزة عن فعل أي شيء حيال هذا الأمر...

جنبلاط يحكي ليشبع.. خليه ينبح ليمل... شو راح يطلع منو بشكل ملموس غير الحكي؟ هو انسان فاقد المصداقية أمام حلفائه قبل فقدانها أمام اعدائه... يعني حزب الله مسيطر في الظل على الوضع.. و الأمثل انو يستمر الأمر كذلك لحتى يستنزفو بعض شلة اربعطعش آذار... صعودهم كان طفرة و هالطفرة انتهت بعودة ميشيل عون. و الاتجاه للتصعيد هو محاولة احياء هالطفرة اللي أدت لصعودهم

وجهة نظري ان حزب الله هو مليشيا ارهابية بامتياز
حتى ولو عدنا الى سنين الحرب مع اسرائيل وآخرها حرب تموز 2006 ......مش انا(نحن)يعني قسم كبير من اللبنانيين كنا غير ممنونين من المغامرات الغير محسوبة التي قام بها حزب الله ادت الى دمار لبنان ونحن كنا بالغنا عن هالحرب لانو المتل بيقول (العين ما بتواجه المخرز)ولبنان مستحيل ينتصر على اسرائيل لانو لا يملك (جيشا ومقاومة)قد ربع سلاح اسرائيل ثم انو حزب الله بعمره ما انتصر على اسرائيل وكل نقات الفوز والانتصار اللي تسجلت باسم حزب الله مزيفة لان الشيء الوحيد اللي منع اسرائيل ب2006 من اجتياح لبنان كاملا هو القرار الدولي بوقف اطلاق النار, وليس خوفا من فأران حزب الله ,,,,,,,والآن عم نشوف حزب الله عم يجرب سلاحه فينا بحجة لقمة العيش ,,,,طيب اذا طلباته من الحكومة ,,,شو خص الشعب ,,,,وشو خص تيار المستقبل ليتهجمو علا مكاتبهم ويقتلو منهم البعض ويضربو البعض ويرمو قذائف ب7 على مكاتبهم,,,,,وشو خص المطار وشو خص الوسط التجاري ,,,,,هي كلها مآمره ايرانية سورية بيد حزب الله لابادة كل من يقف في وجه الدولة الفاطمية....
ان ارادوها حرب,,,,,نحن لها ,,,وصل الموس لقدني وما عاد يسعني صلي على النبي,,طفح الكيل....
بالنهاية انا بتشكر النظامين السوري والاراني على تحريض حزب الله لاشعال نار الفتنة في لبنان بس الله كبير والله عالظالم وكل ظالم والو نهاية ورح ننتصر بالنهاية انشاالله.

عسكريا حزب الله أقوى من الجيش اللبناني المنقسم أساسا ما بين الموالين لميشيل عون و الموالين لتيار المستقبل


مو من مصلحة الحزب نهائياً نشوب اي مواجهة أو خلاف مع الجيش اللبناني ( الطرف التوافقي الوحيد ).
وهادا هو الشي الي بدهون ياه ينضرب امراء الحرب . يعني افتعال مواجهة او خلاف بين الحزب والجيش لذا الحزب بيحاول تحييد الجيش تماماً وحل الأزمة بعيداً عن تدخل الجيش.
الوضع الحالي رح ينتهي بمجرد الغاء القرار من الحكومة فـ ليش الحكومة تحط الجيش بالواجهة.

وجهة نظري ان حزب الله هو مليشيا ارهابية بامتياز
حتى ولو عدنا الى سنين الحرب مع اسرائيل وآخرها حرب تموز 2006 ......مش انا(نحن)يعني قسم كبير من اللبنانيين كنا غير ممنونين من المغامرات الغير محسوبة التي قام بها حزب الله ادت الى دمار لبنان ونحن كنا بالغنا عن هالحرب لانو المتل بيقول (العين ما بتواجه المخرز)ولبنان مستحيل ينتصر على اسرائيل لانو لا يملك (جيشا ومقاومة)قد ربع سلاح اسرائيل ثم انو حزب الله بعمره ما انتصر على اسرائيل وكل نقات الفوز والانتصار اللي تسجلت باسم حزب الله مزيفة لان الشيء الوحيد اللي منع اسرائيل ب2006 من اجتياح لبنان كاملا هو القرار الدولي بوقف اطلاق النار, وليس خوفا من فأران حزب الله ,,,,,,,والآن عم نشوف حزب الله عم يجرب سلاحه فينا بحجة لقمة العيش ,,,,طيب اذا طلباته من الحكومة ,,,شو خص الشعب ,,,,وشو خص تيار المستقبل ليتهجمو علا مكاتبهم ويقتلو منهم البعض ويضربو البعض ويرمو قذائف ب7 على مكاتبهم,,,,,وشو خص المطار وشو خص الوسط التجاري ,,,,,هي كلها مآمره ايرانية سورية بيد حزب الله لابادة كل من يقف في وجه الدولة الفاطمية....
ان ارادوها حرب,,,,,نحن لها ,,,وصل الموس لقدني وما عاد يسعني صلي على النبي,,طفح الكيل....
بالنهاية انا بتشكر النظامين السوري والاراني على تحريض حزب الله لاشعال نار الفتنة في لبنان بس الله كبير والله عالظالم وكل ظالم والو نهاية ورح ننتصر بالنهاية انشاالله.


طالما حكي البنانية بهل الطريقة
فا بظن اذا ما خربت ما بتعمر
وخلي القوي يحكم

اذا بدنا نجي نعمل مقارنة بين ما قاله السيد حسن وبين ما قاله سعد الحريري
فبالبديهة رح نكتشف انو كلام حسن نصر الله قائم على منطق وعقل
بينما الاخر قائم على غباء ما في بعدو غباء
الحرب رح تشعل وهداك بيحكيك تعا انتخب رئيس جمهورية
يعني والله شي غريب
شو فوقون هلا على منظومة الاتصالات
وهل صحيح انو الموضوع الو علاقة بفشل وليد جنبلاط بتامين عملية اغتيال السيد حسن
فريق الموالاة من خلال طرح سعد الحريري عم يجرب يحد المقاوة بصدام مع الجيش اللبناني وهيدا مش رح يصير
وهيدا سر تلويح السيد حسن بالحرب
وخاصة اذا تابعتو المنار بنقلها المباشر
كانت حريصة على تصوير شباب المقاومة وهني حاملين سلاح وعم يلاحقو القناصة وهي رسالة قوية جدا بتقول انو حزب الله فعلا رح يستخدم السلاح اذا هالفريق الحاكم ما تراجع عن قراراتو الغبية

أخي عماد . بتمنى الأزمة والكلام المنطلق ما يكون عم بيأثر على رأيك وقرارتك.
الي بلش باثارة الأزمة بشكل عام ما كان الحزب . بل الحزب كان ساكت حتى تم تحريك هذه الورقة المرعبة والعزف على وتر الحرب الأهلية.
حسن نصر الله قال عندما تمتد اليد على سلاح المقاومة ستقطع . و الحكومة ضربت بقرارها هذا المقاومة في صميمها وفي موقع حساس ومهم.
ويا ريت تشوف على الشاشات المسلحين الي عم يستسلمو او يخلو بعض المناطق انو أغلبهون من أتباع المستقبل.
طبعاً واضح انو في مليشيا كانت مجهزة ومدربة وقناصين منتشرين لاثارة القلاقل.
اما عن انتصار حزب الله على اسرائيل فهادا كلام تاني . وسميت المقاومين بالفئران . طبعاً الانتصار الي حصل هو مو موضوعنا أبداً وعجز اسرائيل على الحسم العسكري وحماية نفسها أمام ضربات المقاومة وما بدي خوض بهالموضوع.
خلينا باللي بيصير ع الأرض من خراب وتدمير سببو الأزمة الي أثارها وليد جنبلاط في ليلة ليلاء.

مو من مصلحة الحزب نهائياً نشوب اي مواجهة أو خلاف مع الجيش اللبناني ( الطرف التوافقي الوحيد ).
وهادا هو الشي الي بدهون ياه ينضرب امراء الحرب . يعني افتعال مواجهة او خلاف بين الحزب والجيش لذا الحزب بيحاول تحييد الجيش تماماً وحل الأزمة بعيداً عن تدخل الجيش.
الوضع الحالي رح ينتهي بمجرد الغاء القرار من الحكومة فـ ليش الحكومة تحط الجيش بالواجهة.




ما قصدي انو ينشب... طبعا ما راح ينشب.. عم قول انو أعلى ما بخيل الحكومة انو تؤمر الجيش يزيل الشبكة.. يقدر الجيش يشيلها؟ لأ.. خلص انتهى الأمر.. الجيش بنفسو ما راح يفوت هالفوتة


بلكي يوصلو لاتفاق و يحقنو الدماء.. بتصوّر ما حدا بدو دم

وجهة نظري ان حزب الله هو مليشيا ارهابية بامتياز
حتى ولو عدنا الى سنين الحرب مع اسرائيل وآخرها حرب تموز 2006 ......مش انا(نحن)يعني قسم كبير من اللبنانيين كنا غير ممنونين من المغامرات الغير محسوبة التي قام بها حزب الله ادت الى دمار لبنان ونحن كنا بالغنا عن هالحرب لانو المتل بيقول (العين ما بتواجه المخرز)ولبنان مستحيل ينتصر على اسرائيل لانو لا يملك (جيشا ومقاومة)قد ربع سلاح اسرائيل ثم انو حزب الله بعمره ما انتصر على اسرائيل وكل نقات الفوز والانتصار اللي تسجلت باسم حزب الله مزيفة لان الشيء الوحيد اللي منع اسرائيل ب2006 من اجتياح لبنان كاملا هو القرار الدولي بوقف اطلاق النار, وليس خوفا من فأران حزب الله ,,,,,,,والآن عم نشوف حزب الله عم يجرب سلاحه فينا بحجة لقمة العيش ,,,,طيب اذا طلباته من الحكومة ,,,شو خص الشعب ,,,,وشو خص تيار المستقبل ليتهجمو علا مكاتبهم ويقتلو منهم البعض ويضربو البعض ويرمو قذائف ب7 على مكاتبهم,,,,,وشو خص المطار وشو خص الوسط التجاري ,,,,,هي كلها مآمره ايرانية سورية بيد حزب الله لابادة كل من يقف في وجه الدولة الفاطمية....
ان ارادوها حرب,,,,,نحن لها ,,,وصل الموس لقدني وما عاد يسعني صلي على النبي,,طفح الكيل....
بالنهاية انا بتشكر النظامين السوري والاراني على تحريض حزب الله لاشعال نار الفتنة في لبنان بس الله كبير والله عالظالم وكل ظالم والو نهاية ورح ننتصر بالنهاية انشاالله.
تسلملي على هالوجة النظر الثاقبة
شو هي مستحيل ينتصر على اسرائيل ولك ياعالم والله عيب عليكون اسرائيل قومو الدني وما قعدوها لانو خسرو الحرب ولسا كل واحد بيطلع وبينظر من عندكون عنجد انكون شعب انهزامي بيضحك
بعدين ولك عيني عم نشوف تلفزيون وبدك تسال حالك شو خص تيار المستقبل حتى يستنفر كل هالاستنفار ما التحرك موجه ضد الحكومة مش ضد التيار بعدين
بس انو احلى شي بكلامك هي المؤامرة الايرانية السورية لابادة ما بعرف مين بتقصد بكلامك عن من يقف ضد الدولة الفاطمية ولو كبرو شوي والله ضحكتو العالم عليكون
والله انو حزب الله معو حق بكل شي عم يعملو
ولا شكر على واجب ولو خدو من النعيم والله يزيدكون كمان وكمان

بالنهاية انا بتشكر النظامين السوري والاراني على تحريض حزب الله لاشعال نار الفتنة في لبنان بس الله كبير والله عالظالم وكل ظالم والو نهاية ورح ننتصر بالنهاية انشاالله.

صديقي متفهّم وجهة نظرك و احترمها بس كمان بطريقك اعتقد لازم تشكر اللانظام السعودي... اللي ع آخرة العمر عم نسمعو يحكي عن الديمقراطية و الانتخابات و يعطي دروس فيها

ما قصدي انو ينشب... طبعا ما راح ينشب.. عم قول انو أعلى ما بخيل الحكومة انو تؤمر الجيش يزيل الشبكة.. يقدر الجيش يشيلها؟ لأ.. خلص انتهى الأمر.. الجيش بنفسو ما راح يفوت هالفوتة


بلكي يوصلو لاتفاق و يحقنو الدماء.. بتصوّر ما حدا بدو دم
ما اصلا الجيش لا يمكن يحط حالو بهيك موقف
واليوم موقف العماد سليمان كان كتير واضح
انو اذا استمر الامر هيك فهو رح يسحب الجيش للثكنات ويقدم استقالتو
ومش رح يسمح بانقسام الجيش
وهيدا موقف رائع من راس الموسسة العسكرية
لانو بيعرف تمام المعرفة انو الصدام مع المقاومة رح يخسر الطرفين

مافيني الا اقول انشا الله مايصير شي
عكل الاحوال خبر قبل شوي على موقع المنار نقلو عن مصدر بالمعارضة انو المبادرة مرفوضة جملةً وتفصيلا
انا برأيي الحل مارح يكون بالقتال الداخلي لاني متأكد انو اللي صار بالحرب الاهلية الماضية رح يرجع يتكرر
والحديث على انو فريق رح يكسر التاني وانو المقاومة رح تسكت الكلاب النابحة وعلى انو الحكومة رح تسكت الفأران هادا حكي عقيم ومابجي بالفحص والواقع رح يفرجيك انو بالحرب الاهلية مافي قوي ولا ضعيف
لاني بكرا صارماصار وعلى فرض المقاومة بلشت تتفوق على الارض
رح تدخل اميركا لانو بدا تحمي مصالحا
طبعاً التدخل رح يكون اما عن تزويد الحكومة بالسلاح
او عن طريق دخول اسرائيل على الخط وبظن المناورات بالجولان كانت تحضير لعمل عسكري قادم على لبنان
(رأي شخصي)
عكل الاحوال انشا الله تمشي الامور بغير منحنى ومانوصل لاكتر من هيك
لبنان بلد مارسيل وفيروز وزياد والجمال
اقسم بالله رح ابكي
مالنا غير نتمنى الامور ما تاخد ابعاد اكتر من هيك

أنا بظن أنو بدولة متل لبنان ... مستحيل تقدر تفصل بين السياسة و العمل الميداني
يعني حزب الله اضطر يدخل المعترك السياسي اللبناني ليحمي سلاحو و يحمي وجودو المستهدفين بشكل يومي

هلأ بالنسبة ليللي صار بهاليومين ....
أنا بظن أنو نزول حزب الله للشارع فاجأ الموالاة بلبنان يللي برأيي كانوا مراهنين على قرار الحزب بالابتعاد ( ميدانياً ) قدر الأمكان عن الجبهة الداخلية
و كانوا عم يحاولوا يبتزوه لأكتر مدى ممكن بهالمسألة
لهيك كانت هالحركة ضرورية هلأ من مبدا التلويح بالعصا
و من جه تانية .. ما بظن أنوالأمور رح توصل لحرب أهلية .... لأنو كل فريق صار بيعرف حجمو الحقيقي عالأرض

ماشكلا الامور رايحة على الحل
القتلى صارو 7 والجرحى 10 ولايزال اقتحام مكاتب المستقبل ومطاردة القناصة مستمرة
وهالاندحار يلي عم يصير بصفوف مليشيا المستقبل مش رح يسكت عنا سعد الحريري
وخاصة انها عم تصير بمنطقة مفروض تكون معقل من معاقلو على فرض انو بيروت ملكو متل ما عم يقول
وما شفنا حدا انتفض ليحرر بيروت من تحت ايد حزب الله على حد تعبير قادة الفريق الحاكم
لهيك الهئية رح تكبر كتير مشان بعدين تصغر

وهالاندحار يلي عم يصير بصفوف مليشيا المستقبل مش رح يسكت عنا سعد الحريري


من كلمة سعد الحريري اليوم ...... مبين أنو بلش يلمّس ع راسو
و عم يفكر كيف يطلع من هالورطة يللي ورّطو فيها جنبلاط

لم تقرع طبول الحرب يا عزيز ولن تقرع اذا استمرت الحال هيييك
بالعكس يا فرحت اسرائيل بتقول هي اللبنانين عم بقتلو حالهم من حالهم ليش تغلب حالها اسرائيل وتروح تقاتل
خلص

تسلملي على هالوجة النظر الثاقبة
شو هي مستحيل ينتصر على اسرائيل ولك ياعالم والله عيب عليكون اسرائيل قومو الدني وما قعدوها لانو خسرو الحرب ولسا كل واحد بيطلع وبينظر من عندكون عنجد انكون شعب انهزامي بيضحك
بعدين ولك عيني عم نشوف تلفزيون وبدك تسال حالك شو خص تيار المستقبل حتى يستنفر كل هالاستنفار ما التحرك موجه ضد الحكومة مش ضد التيار بعدين
بس انو احلى شي بكلامك هي المؤامرة الايرانية السورية لابادة ما بعرف مين بتقصد بكلامك عن من يقف ضد الدولة الفاطمية ولو كبرو شوي والله ضحكتو العالم عليكون
والله انو حزب الله معو حق بكل شي عم يعملو
ولا شكر على واجب ولو خدو من النعيم والله يزيدكون كمان وكمان
بحب قول انو الايم الجاية بتحكي ..............!!!!!
حزب الله ختارو التعامل والتستر بظل سورية وايران ونحن النا الشرف نتعامل مع الشقيقة امريكا والام الحنونة فرنسا,,,,وبالمناسبة (على راسي من فوق المعلم الاستاذ وليد بيك جنبلاط)
وكيييييييييييييد عزالك حبيبي كيدهم (وانا دمي معك):yahoo:

وجهة نظري ان حزب الله هو مليشيا ارهابية بامتياز
حتى ولو عدنا الى سنين الحرب مع اسرائيل وآخرها حرب تموز 2006 ......مش انا(نحن)يعني قسم كبير من اللبنانيين كنا غير ممنونين من المغامرات الغير محسوبة التي قام بها حزب الله ادت الى دمار لبنان ونحن كنا بالغنا عن هالحرب لانو المتل بيقول (العين ما بتواجه المخرز)ولبنان مستحيل ينتصر على اسرائيل لانو لا يملك (جيشا ومقاومة)قد ربع سلاح اسرائيل ثم انو حزب الله بعمره ما انتصر على اسرائيل وكل نقات الفوز والانتصار اللي تسجلت باسم حزب الله مزيفة لان الشيء الوحيد اللي منع اسرائيل ب2006 من اجتياح لبنان كاملا هو القرار الدولي بوقف اطلاق النار, وليس خوفا من فأران حزب الله ,,,,,,,والآن عم نشوف حزب الله عم يجرب سلاحه فينا بحجة لقمة العيش ,,,,طيب اذا طلباته من الحكومة ,,,شو خص الشعب ,,,,وشو خص تيار المستقبل ليتهجمو علا مكاتبهم ويقتلو منهم البعض ويضربو البعض ويرمو قذائف ب7 على مكاتبهم,,,,,وشو خص المطار وشو خص الوسط التجاري ,,,,,هي كلها مآمره ايرانية سورية بيد حزب الله لابادة كل من يقف في وجه الدولة الفاطمية....
ان ارادوها حرب,,,,,نحن لها ,,,وصل الموس لقدني وما عاد يسعني صلي على النبي,,طفح الكيل....
بالنهاية انا بتشكر النظامين السوري والاراني على تحريض حزب الله لاشعال نار الفتنة في لبنان بس الله كبير والله عالظالم وكل ظالم والو نهاية ورح ننتصر بالنهاية انشاالله.
أنتم لها وهم لها خلينا نشوف المنتصر بالنهاية !!!!!!!!!!!!
حاجة ياشيخ ساوتونا ممسحة صار لازم تنحط النقاط على الحروف ...........ملينا شو برب هالبنان العمى لو كنتو ولي نعمتنا مو هيك حاجة بقى
اليوم هطلت علينا بركات عمك بوش ومدد العقوبات على شعب سوريا.......شو العقوبات أعطيك مثال ياحباب دوبلر قلب ملون صنع بأمريكا موجود في مكان ما بدمشق تعطل به بورد لم يستطع القائمون عليه سوى باستيردها عبر الأردن
أهذا ماتريدونه ياسيد اماتتنا وتجويعنا.............ضقنا زرعا بكم حاجة ياشيخ........خر.............:x

نسيت قلك انو أمي لبنانية بٍٍٍٍٍٍٍٍٍٍٍٍسسسسسسسسسس أنا سوري يانيالي :larg:

من كلمة سعد الحريري اليوم ...... مبين أنو بلش يلمّس ع راسو
و عم يفكر كيف يطلع من هالورطة يللي ورّطو فيها جنبلاط

والسؤال هو كيف سعد الحريري رح يطلع من هالورطة وخاصة الاخبار عم تجي شوي شوي
وهلا راس النبع بكل مراكز تيار المستقبل سقط بيد المعارضة يلي سلمتها للجيش
من بعد ما اتسلم الجيش عناصر تيار المستقبل
وكانو الاحداث عم تدل على تعاون بين المعارضة و الجيش على اقتحام مراكز المسلحين واجبارون على الاستسلام وتسليم انفسون
فشو رح يساوي سعد الحريري ؟

انا بالحرب الاولى كنت احب حسن بس هلاء ما بحبو
لانو كزب على اللبنانيين وعد انو بدو يحرر اسرى
بس ما شوفنا ولا اسير محرر
شوفنا دمااار وخراااب في لبنان
مووت وقتل ودم

واخر شي بقوول لقد انتصرنا
وينو هادا النصر
مخفي ؟ ولا غير مرأي ؟
!!!
وازا ضربو صواريخ على اسرائيل ’ اسرائيل تاني يوم بتقوم من الازمة وبتبني بدل العمارة الف
بس لبنان ازا متر فيه ادمر كن سنة بدهم ليعمروه

من الاخير وبس
الي عمر لبنان مات الله يرحمك يا رفيق شو كنت منيح
ومنيح الي ما تيجي وتشوف شو صار من بعدك
لانو ساعتها كان موتت موت حقيقي

بحب قول انو الايم الجاية بتحكي ..............!!!!!
حزب الله ختارو التعامل والتستر بظل سورية وايران ونحن النا الشرف نتعامل مع الشقيقة امريكا والام الحنونة فرنسا,,,,وبالمناسبة (على راسي من فوق المعلم الاستاذ وليد بيك جنبلاط)
وكيييييييييييييد عزالك حبيبي كيدهم (وانا دمي معك):yahoo:
على قولتك حسب السوق بتسوق مين بيدفع أكتر بيكون عمك :adal:

ونحن النا الشرف نتعامل مع الشقيقة امريكا والام الحنونة فرنسا,,,,

الله حيو ...:gem:


لأنو بعضكون بينكروا هالشي :p

بحب قول انو الايم الجاية بتحكي ..............!!!!!
حزب الله ختارو التعامل والتستر بظل سورية وايران ونحن النا الشرف نتعامل مع الشقيقة امريكا والام الحنونة فرنسا,,,,وبالمناسبة (على راسي من فوق المعلم الاستاذ وليد بيك جنبلاط)
وكيييييييييييييد عزالك حبيبي كيدهم (وانا دمي معك):yahoo:
حلو الواحد يكون كتبني فكرة مقتنع فيها مية بالمية احييك فعلا
اوحيي فيك شجاعتك باعتبار امريكا شقيقة وفرنسا حنونة
هلا انا بذكر بسنة 2004 كنت بمخيم شبابي بلبنان وبذكر انو زرنا وليد بيك وقتها عمل من بشار الاسد رب
وياعيني عليه شو انو هالبشار بطل
وقتا قلت لرفيقي يلي جنبي خود على تسالي ابو يومين عمو بيبرم وهيك صار فعلا بعد شهرين
برم برمة عالمية
هلا مابعرف اذا فيك انت تبرم كل مابرم لان بتعرف احيانا البرم الزايد بيادي الى (ملخ) في الرقبة وخاصة اذا كان الواحد مش متمرس ومش مخضرم متل وليد جنبلاط
على كل الايام جايي مش الايام انما الساعات القليلة جاية ورح نحكي وتحكي:deal:

وضع مخزي .. لكل عربي شريف ..

ما بعرف ليش هيك بصير !!!

فتنة فتنة فتنة ... كأنوا نسيوا انو العدو الاول والخير هو اسرائيل ..

يلي طول اليوم صرعونا بعرض قواتهم على شواطئ تل ابيب ..

والعرب بعرضوا في قوتهم في شاروع بيروت ..

انا بالحرب الاولى كنت احب حسن بس هلاء ما بحبو
لانو كزب على اللبنانيين وعد انو بدو يحرر اسرى
بس ما شوفنا ولا اسير محرر
شوفنا دمااار وخراااب في لبنان
مووت وقتل ودم

واخر شي بقوول لقد انتصرنا
وينو هادا النصر
مخفي ؟ ولا غير مرأي ؟
!!!
وازا ضربو صواريخ على اسرائيل ’ اسرائيل تاني يوم بتقوم من الازمة وبتبني بدل العمارة الف
بس لبنان ازا متر فيه ادمر كن سنة بدهم ليعمروه

من الاخير وبس
الي عمر لبنان مات الله يرحمك يا رفيق شو كنت منيح
ومنيح الي ما تيجي وتشوف شو صار من بعدك
لانو ساعتها كان موتت موت حقيقي
قصدك يلي الله يرحمه ورط لبنان بديون تفوق طاقته وأثرى لولد ولده من قوت ودم الشعب اللبناني
يكفينا ياعزيزتي انو نصر الله جعلنا ندرك أننا قادرين على فعل المستحيل لو أردنا
يكفينا أننا رفعنا رأسنا من تحت الرمال
على الهامش اتصلنا بأقربائنا السنة في لبنان عارضين عليهم استضافتهم أثناء حرب تموز كما فعل أهلنا أثناء الحرب الأهلية
كان جوابهم أن مناطقهم أمنة ولا يشعرون بشيء
اذا لايحق لغير المقاومين التكلم عن الدمار والحرب !!!!!!!!

الأمور انشالله بطريقها للانتهاء . تلويح حزب الله بالعصا جيد جداً وهزائم سريعة لمليشيات السلطة.
منتمنى تهدى الأمور بالبلد ويقدر بس واحد من فريق هالسلطة يحس بشوية مسؤولية وطنية.
وخلينا ما نرجع ع النصر الي حققو الحزب وهز اسرائيل . وقال شو ليش ما رجعو الأسرى ليش يعني الحزب رجع الاسرى الاسرائيليين واستسلم مثلاً :pos:.
على كل منرجع كمان مرة للوضع الحالي الي ما رح ينحسم الا هيك بشدة ادن لفريق الكرتون وبسميه كرتون لأنو ما بتجمعو غير شوية مصالح وديفيد ولش . يعني هالهزة بتخليه يعيد حساباتو شوي أو يتفكك لأنو أصلاً كرتوني وغير قائم على عقيدة محددة.

الأمور انشالله بطريقها للانتهاء . تلويح حزب الله بالعصا جيد جداً وهزائم سريعة لمليشيات السلطة.
منتمنى تهدى الأمور بالبلد ويقدر بس واحد من فريق هالسلطة يحس بشوية مسؤولية وطنية.
وخلينا ما نرجع ع النصر الي حققو الحزب وهز اسرائيل . وقال شو ليش ما رجعو الأسرى ليش يعني الحزب رجع الاسرى الاسرائيليين واستسلم مثلاً :pos:.
على كل منرجع كمان مرة للوضع الحالي الي ما رح ينحسم الا هيك بشدة ادن لفريق الكرتون وبسميه كرتون لأنو ما بتجمعو غير شوية مصالح وديفيد ولش . يعني هالهزة بتخليه يعيد حساباتو شوي أو يتفكك لأنو أصلاً كرتوني وغير قائم على عقيدة محددة.

ما بظن الامور رح تنتهي الامور هلق بلشت, يعني جنبلاط وسعدو وجماعتن عرفانين من الاول انن ما بياخدوا كم ساعة بايد حزب الله ,بس هني اكيد موعودين بدعم خارجي امريكي او اسرائيلي مشان هيك نافشين ريشن
وامريكا عم تستخدمن كاوراق رخيصة للوصول لاهداف اكبر

مشان هيك خلينا نستنى ونشوف شو رح يصير

انا بالحرب الاولى كنت احب حسن بس هلاء ما بحبو
لانو كزب على اللبنانيين وعد انو بدو يحرر اسرى
بس ما شوفنا ولا اسير محرر
شوفنا دمااار وخراااب في لبنان
مووت وقتل ودم

واخر شي بقوول لقد انتصرنا
وينو هادا النصر
مخفي ؟ ولا غير مرأي ؟
!!!
وازا ضربو صواريخ على اسرائيل ’ اسرائيل تاني يوم بتقوم من الازمة وبتبني بدل العمارة الف
بس لبنان ازا متر فيه ادمر كن سنة بدهم ليعمروه


هلا المنطق يلي عم تحكي فيه بيشبه كتير المنطق يلي بيعيب على حماس قصف المستوطنات بالهاون
وهيدا المنطق هو نفسو يلي بيبني افكارو على الاستسلام للاخر وعدم بذل اي جهد لقض مضجع العدو
على كل مش مجال حديثنا هاد
بس بخصوص وعد السيد حسن بتحرير الاسرى فقولك انو ما وفى بوعدو مردود
لو انك شوي بتابعي سياسة وبتقراي الاحداث ما كانت طلعت منك هالفكرة
لان الامور ما بتم بيوم وليلة ولا بسنة وسنيتن
الموضوع بيطول كتير
والاشطر هو يلي بياخد مكاسب اكتر
متل ما صار باخر صفقة تبادل اسرى
وطول انو في اسرى اسرائيليين بايد حزب الله فتاكدي انو الاسرى الللبنانيين رح يرجعو
لان اسرائيل رح تدفع باسيريها الف اسير لبناني بتعرفي ليش
لانو نحنا قللنا من شان اسرانا قبل ما تقلل اسرائيل من شانون
وتحرك حزب الله هاليومين هو انتفاضة على التقليل من شان قضية فصيل مقاوم قاتل اسرائيل ودحرها والعرب ما اعترفولو بهيدا النصر فالتخلص من هيك ناس افضل من قتال اسرائيل حاليا

انا من ناحيتي متشائم يعني ما في ولا امل يخليك تطلع هيك عالامور بنظرة متفائلة بكل الحالات دخول حزب الله المعترك السياسي اللبناني كان خطا كبير

تاني شي للشب البناني اللي هون والله اسف شريك نسيت اسمك ابقى رجاع لحضن ماما فرنسا ومسحلون جوخ بالمناسبة بذكر انو هدول كانوا محتلين لبنان مو؟ روح حبيبي لعند ساركوزي بركي بيخلي كارلا مرتو تعطيك بوسة

اسف بس انو ما طلع ببالي غير هيك لاني خلقة معصب من الوضع وطلعتلي انت كمان

تالتا حزب الله عمل اللي ما عملوا قائد عربي واحد من 1948 لهلق حرر بعام ال2000 ووقف هجوم اسرائيل

بالله شفلي هلق مين بحياتو من العرب قصف حيفا؟

رابعا تحرير الاسرى بدو مفاوضات واللي حرر اول مرة بيحرر 100 مرة

خامسا يا حرام يا لبنان انو مو حرام البلد اللي جابت فيروز يصير فيها هيك؟


سادسا سلموا الرئاسة لزياد الرحباني يا عمي شو فيها مثلا والله عنده حلول ماكنة



سابعا

مع تحيات مايسترو

بس سؤال . ياترى اذا أنتصر حزب الله بهي القصة بالقوة وفرض يلي بدو ياه
1 شو ممكن يصير بالمستقبل اذا الحكومة اللبنانية شافت شي ضد امن لبنان . خلص يلي بدوه ياه حزب الله بيصير والبقاية لازم يوافقو اجباري
2 من طول عمرو حسن نصر الله بيقول اذا بيقتلولنا مية مامنوجه سلاحنا للداخل . ليش اليوم أعلن توجيه سلاحو للداخل
3 لو صارت حرب اميركية على ايران . مين في يأكد انو حزب الله مو مستعد يكسر لبنان . مقابل قصف اسرائيل لصالح ايران
4 مابتحسو أنو المشروع الأيراني بلبنان صار واضح . وهو بيهدد السلم الأهلي بالمنطقة ككل
ياريت يلي بدو يرد يرد بمنطق . بعيدا عن انو حزب الله حليف سورية . وانو هو افضل من حارب اسرائيل . بس يكون النقاش بمنطق

طبيعي رح تكون كل القرارات بيد الأقوى عسكرياً ....وهالشي الايام بتوضحو
بقى حتى لو كان مشروع حزب الله بلبنان مشروع ايراني بيضل افضل 100 مرة من انو يكون المشروع صهيوني وهاد الحاصل
لبنان اليوم متلا متل فلسطين وعم تسير ع نفس الطريق كل يلي صارهو استفزاز صهيو اميركي لحزب الله حتى يكون في حجة لقيام حرب ....وبالتالي التدخل الأمريكي كالعادة ..
كلو عم ينهش ببعضو و مارايحه غير على هالشعب لمعتر...الك الله يالبنان.

حزب الله بعد تطهير المناطق من فلول مليشيات المستقبل سلم المناطق ووضعها في عهدة الجيش.
حزب الله رديف اساسي للجيش اللبناني وشريك نظيف تخلع له القبعة احتراماً على حرصه على لبنان ووحدة لبنان وسلاح المقاومة.
لا اهداف توسعية ولا سلطوية.
من انظف الأحزاب وأوضحها على الاطلاق.. تحية كبرى للحزب وقادته . ونتمتى بأسرع وقت ممكن تحقيق الهدف وان يعود الأمن لعاصمة الأمان والجمال.
:gem:

بقى حتى لو كان مشروع حزب الله بلبنان مشروع ايراني بيضل افضل 100 مرة من انو يكون المشروع صهيوني وهاد الحاصل

هون تجي العقدة الأساسية...

أنا ضد التدخل بلبنان و شؤون لبنان مثل ما ضد للصميم انو حدا يتدخل بشؤون سوريا.. لكن.. اللي لا يمكن قبوله هو انو ينحكى عن التدخل السوري (كأمر يكاد يشكّل اعتداء التدخل السوري انتهى مع خروج آخر جندي سوري من لبنان) و الحديث عن نفوذ سياسي و أمني هو محض ادعاءات قد لا تكون باطلة لكن يستحيل اثباتها و الأهم من ذلك: يستحيل اثبات ان سوريا تفعل ما لا تفعله دول اخرى

الطبقة السياسية بلبنان هي طبقة مرتزقة فاسدين مفسدين تبيع نفسها للمشتري الأفضل.. لذلك على الشعب اللبناني أن يحمّل مسؤولية التبعية لدول أخرى لطبقته السياسية الفاسدة, فأغلبهم قبل أن "ينتفض" كان شريكا للضباط السوريين (مثل وليد جنبلاط) في الكثير من الأمور .. و من السهولة بمكان الحصول على صور للـ"شهيد" و جنبلاط جنب الضباط السوريين في حفلات غداء و عشاء و على أحلى ما يكون..

لذلك.. أعتقد بأن "المال الداشر يعلّم السرقة", و أنه على سوريا الحفاظ على مصالحها الاستراتيجية في لبنان طالما هناك من يتدخل في لبنان.. من غير المقبول أن يكون تدخل السعودية (التي تستحمر العالم باعطائها دروسا في الديمقراطية... شلة سفاحين!!) مغضوضا عنه و أن يجرّم التدخل السوري.. لبنان عمق استراتيجي علينا الحفاظ على مصلحتنا فيه...

أمر آخر... هو استغلال النظام السوري لشعبية حزب الله لاعطاء نفسه نقاطا لا يملكها, لكن هذا حديث آخر تماما..

يبدو كذلك أن الحالة تنحو تجاه التهدئة.. فحزب الله يسيطر على جميع أحياء بيروت و يقوم بتسليم الأبنية الحكومية للجيش بعد اخلائها من مسلحي تيار المستقبل (حسب موقع الحقيقة) ..لذلك نتمنى أن تنتهي هذه الكوابيس اللبنانية قريبا و ألا يقعوا مرة أخرى في أخطاء الماضي

طبيعي رح تكون كل القرارات بيد الأقوى عسكرياً ....وهالشي الايام بتوضحو
بقى حتى لو كان مشروع حزب الله بلبنان مشروع ايراني بيضل افضل 100 مرة من انو يكون المشروع صهيوني وهاد الحاصل ...........(ليندا)
اليوم حزب الله هو الحلقة الاقوى على الساحة اللبنانية بما انه يملك السلاح وما بيملكه احد غيروه على صعيد المنطقة بس هيدا الشيء ما بيعني انو اذا احتل بيروت بالقوى يعني سيطر على الشعب سياسيا,لا بالعكس هيك حزب الله رح يكون مكروه اكثر من الداخل اللبناني وحتى لو هالانقلاب ادى الى استلامه الحكم فا هالحكم ما رح يدوم ورح يصير فيهم متل ما صار بصدام.
اما بالنسبة للمشروع الايرابي أو الصهيوني ,,,,,,ما في فرق بينن بتاتا, الايراني بعد العن من الصهيوني.

تماما ما حصل في غزة

ايران وأمريكا لديهم حسابات اكبر من جعجعة القوى السياسية كلها حتى مع حزب الله سنظل أوراق بييدهم
لماذا نقفذ دوما عن الواقع العراقي كمثال على النظام الايراني وميلشياته وما يفعله

طبيعي رح تكون كل القرارات بيد الأقوى عسكرياً ....وهالشي الايام بتوضحو
بقى حتى لو كان مشروع حزب الله بلبنان مشروع ايراني بيضل افضل 100 مرة من انو يكون المشروع صهيوني وهاد الحاصل
لبنان اليوم متلا متل فلسطين وعم تسير ع نفس الطريق كل يلي صارهو استفزاز صهيو اميركي لحزب الله حتى يكون في حجة لقيام حرب ....وبالتالي التدخل الأمريكي كالعادة ..
كلو عم ينهش ببعضو و مارايحه غير على هالشعب لمعتر...الك الله يالبنان.
على الأقل هدف الأسرائيليين . فرض حزام أمني راضخ لأرادتهم . أما فيكي تقليلي شو هية مصلحة أيران ببلد بعيد عنو الاف الكيلو مترات . غير مد السلطة وحملة تشييع ضمن حلم الأمبراطورية الفارسية

حزب الله بعد تطهير المناطق من فلول مليشيات المستقبل سلم المناطق ووضعها في عهدة الجيش.
حزب الله رديف اساسي للجيش اللبناني وشريك نظيف تخلع له القبعة احتراماً على حرصه على لبنان ووحدة لبنان وسلاح المقاومة.
لا اهداف توسعية ولا سلطوية.
من انظف الأحزاب وأوضحها على الاطلاق.. تحية كبرى للحزب وقادته . ونتمتى بأسرع وقت ممكن تحقيق الهدف وان يعود الأمن لعاصمة الأمان والجمال.
:gem:
حاسك عم تحكي وكأنو الطرف التاني اسرائيليين مو لبنانيين . بصراحة بين ليش حسن نصرالله عميدافع بشراسة عن شبكة الأتصال . لأنو بين الـصال شو عمل ببيروت . كان في غرفة عمليات وكلشي منظم وبين أنو مخططلو من زمان . مع أنو حسن نصر الله كان يأكد دائما أنو السلاح مابيتوجه للداخل . وهي المقولة سقطت . كان مبين أنو المقاتلين مدربين لحرب شوارع وعرفانين شو عمبيعملو . وأكيد هدول غير مقاتلي الحزب يلي بالجنوب . بقال هدفو السلطوي الأيراني صار بأوضح صورو

تماما ما حصل في غزة

ايران وأمريكا لديهم حسابات اكبر من جعجعة القوى السياسية كلها حتى مع حزب الله سنظل أوراق بييدهم
لماذا نقفذ دوما عن الواقع العراقي كمثال على النظام الايراني وميلشياته وما يفعله
بصراحة يذكرني هذه بالكمين الذي وقعت به حماس بغزة . بعد استلامها كل شيء بالقوة

حاسك عم تحكي وكأنو الطرف التاني اسرائيليين مو لبنانيين . بصراحة بين ليش حسن نصرالله عميدافع بشراسة عن شبكة الأتصال . لأنو بين الـصال شو عمل ببيروت . كان في غرفة عمليات وكلشي منظم وبين أنو مخططلو من زمان . مع أنو حسن نصر الله كان يأكد دائما أنو السلاح مابيتوجه للداخل . وهي المقولة سقطت . كان مبين أنو المقاتلين مدربين لحرب شوارع وعرفانين شو عمبيعملو . وأكيد هدول غير مقاتلي الحزب يلي بالجنوب . بقال هدفو السلطوي الأيراني صار بأوضح صورو
نفس فلسفة اسرائيل تجاه المقاومة الفلسطينية
يعني بيقتلوا الفلسطينيين ..و اذا الفلسطينيين ردو .... بيطلعوا ارهابيين

نفس فلسفة اسرائيل تجاه المقاومة الفلسطينية
يعني بيقتلوا الفلسطينيين ..و اذا الفلسطينيين ردو .... بيطلعوا ارهابيين
موصحيح لو يلي انتصر بحرب الشوارع يلي صارت هو الحريري شو كنت حكيت . بعدين فيك تشرحلي الهجوم على مقرات الصحافة والهيئات التابعة للموالاة . شو دخل المؤسسات الفكرية بالخلاف السياسي . والله حسيتون عم يتصرفو وكانهم حررو القدس من الصهاينة . وحاجة تعملو أنو العدو الوحيد بالدنية اسرائيل . ايران ممكن تكون عدو متل ماممكن تكون حليف . واذا سورية عملت سلام متل ماعمينحكى للعلن بالوقت الحالي . وسيادة الرئيس وقع اتفاقية سلام . شو بدها تصير اسرائيل . بدها تضل العدو الأوحد؟

موصحيح لو يلي انتصر بحرب الشوارع يلي صارت هو الحريري شو كنت حكيت .

شو خص هالحكي بيللي قلتو انا .... يعني الحريري بوقتها بكون اعتدى بالاول ...و زاد اعتداءو بالمرة التانية
و يللي متوقع انو ممكن يجرد حزب الله من سلاحو .... بدون أي ردة فعل من الحزب ... بس لأنو الحزب مقرر يبتعد عن الجبهة الداخلية بكون غبي ...و غبي جداً كمان ... لأنو بالنهاية في خطوط حمر
و من ناحية تانية ... مستحيل مقاتلين مرتزقة يقدرو ينتصروا بهيك حرب

بعدين فيك تشرحلي الهجوم على مقرات الصحافة والهيئات التابعة للموالاة . شو دخل المؤسسات الفكرية بالخلاف السياسي

حلوة هي
انت أول واحد بسمي المستقبل مؤسة فكرة ... بس مو مشكلة ..... منيحة نكتة بآخر هالليل


. شو بدها تصير اسرائيل . بدها تضل العدو الأوحد؟

حتى لو صار اتفاقية سلام مع اسرائيل ... مستحيل يصير تطبيع ..
و رح تضل اسرائيل هي اسرائيل

موصحيح لو يلي انتصر بحرب الشوارع يلي صارت هو الحريري شو كنت حكيت . بعدين فيك تشرحلي الهجوم على مقرات الصحافة والهيئات التابعة للموالاة . شو دخل المؤسسات الفكرية بالخلاف السياسي . والله حسيتون عم يتصرفو وكانهم حررو القدس من الصهاينة . وحاجة تعملو أنو العدو الوحيد بالدنية اسرائيل . ايران ممكن تكون عدو متل ماممكن تكون حليف . واذا سورية عملت سلام متل ماعمينحكى للعلن بالوقت الحالي . وسيادة الرئيس وقع اتفاقية سلام . شو بدها تصير اسرائيل . بدها تضل العدو الأوحد؟

ملاحظين ان كلما دق الكوز بالجرة بتسحلونا اسم ايران ؟
يعني فيني اعرف هالبلد الي عم يوقف معنا بالضراء والضراء والي بيبعد الاف الكيلومترات عن اسرائيل شو بدو بفلسطين وشو بدو بمعادات اميركا ؟
يعني ياريت اذا حطيتوا قصة الطائفية علي جنب وان الايرانين شيعة ماراح تشوفو ان في بلد اليوم (عربي وغير عربي) متمسك بقضايانا اكثر من ايران
حزب الله صار حزب ارهابي لسبب واحد هوه ان شيعي رغم ان هالحزب قبل سنيتن علم الاسرائلين كيف الانسان المقاوم فيه يدعس عجبروت وعنتريات قادتهن
فيني اعرف دولنا الي كلها قيادات سنية ليش ماحدا بيجبيها بالسيرة ؟
يعني هالقد المملكة السعودية الي استقبلت جورج بوش بالاهازيج عم تدعم قضايا الامة ولا الشقيقة مصر الي ماصارلها اسبوع بايعة غاز لاسرائيل ارخص من السعر العالمي ولا اولاد عمنا الهاشميين الي ماتنازل عاهرهن يجي للشام (علما انها مابتبعد عن قصر اكثر من 2 ساعة بالسيارة)
ابعدو هالنظرة الطائفية تلاقوا ان هالزلمة الايراني عم يتحمل كل الضغوط وعم يوقف بوجه اميركا وعم يهدد امن شعب لان رافض لحد هاليوم اي سلام مع اسرائيل فكيف بتساوي بين الاول والثاني

ملاحظين ان كلما دق الكوز بالجرة بتسحلونا اسم ايران ؟
يعني فيني اعرف هالبلد الي عم يوقف معنا بالضراء والضراء والي بيبعد الاف الكيلومترات عن اسرائيل شو بدو بفلسطين وشو بدو بمعادات اميركا ؟

بالأحرى فيك تقلي أنت شبدو بأسرائيل وشو بدو بمعادات أميركا . هيك كان قاعد قام محبة بسواد عيونا حبو يعزبو حالون . بعدين أنو ذكرنا أيران لأنو دعم وسلاح والبعد الأستراتيجي لحزب الله أيراني . مالو من الفلبين وذكرنا أيران