مرحبا جميعا

يعني بظن الواحد لازم يحكي ضميرو
صح؟

بقى فكرولي بهل شغلة

يعني واحد كان عندو كمبيوتر مكركب و عبيان فيروسات و خرابيش.. بيعلق و بيجمد و بتضعف الزاكرة كل خمس دقايق

بعدين بليلة مافيها ضو قمر بيبطل الانترنت يشتغل مع انو بتفحص الاتصال و بتلاحظ انو الاتصال موجود بس لسبب من الاسباب بطل يشتغل... يمكن حيونة و يمكن أكل هوى الله أعلم

بتقوم بتفقع معك

و بتفرمتو

بتفرمتو مو فرمتة سريعة.. فرمتة مرتبة محترمة بتلعن أنفاسو

بعدين بتفتحو من جديد

و بتمتع عيونك و حواسك

بأجمل مشهد بالعالم

كمبيوتر خفيف و نضيف... سريع و ذاكرة قوية ... و فاضييييييييييييي..... شو في أحلى من هيك بالعالم اه؟ :cry: :cry:

يعني بعد ما تكون واصلة معك لدرجة.. انو ع قد ما في اشياء على سطح المكتب... بتضطر تعدل بأبعاد الشاشة لدرجة انو ما عاد فيك تقرأ بعض الكلمات المكتوبة على مواقع الانترنت! مو بس لانو الكلام صغير ... لانو الكلام صغير لدرجة الاحرف داخلة ببعضها و مبينة كخرابيش
بس طبعا ما فيك عاد ترجع على الشاشة الاكبر لانو وين بدك تروح بكل الملفات؟ (لانو مو معقول تعمل لكل شغلتين تلاتة متل بعض مجلد.. و شغلة مرهقة بصراحة)

بقى المهم... من شوي خلصت الفرمتة... و دخيلو الله شو حلو هل كمبيوتر :lol:
فاضي و سريع و يقبشني

بقى شو في أحلى من كمبيوتر مفرمت و طازج (بعد فترة طويلة من العناء)... لترجع تحشيه بكل البرامج و الملفات من جديد؟؟ :roll:

بتمنى كل واحد يسنحلو القدر يوصل لهل مرحلة المذهلة بحياتو :P

و بأكدلكم هيك تجربة يمكن تغيرلكن نظرتكن على العالم و البشرية و معنى الانسانية و الحب و الاخلاص و الانبطاح الاجتماعي و ال spy ware

مع فائق الحب و الاخلاص
:D

بس بصراحة حاسس الكمبيوتر الجديد بعد الفرمتة غليظ شوي
:(
يعني الاولاني كنا آخدين وش ع بعض و هيك
بس هاد حاسو تقيل دم


بدي القديم
:cry:

شو في أحقر من أنو يكون كمبيوترك ملتعن سلاف الخلقو ومعبا فيروسات وشغلات وبطيء وما في شي عم يشتغل صح
وبليلة ما فيا ضوء قمر تفرمتو وبعد ما تخلص تلاحظ أنو ما تغير شيء وضل الكمبيوتر متل ما هو أذا ما أسوء :cry: :cry:

الله ربك يا مان ... انا كان فرمت كل تلات شهور تقريبا ..
بس كمبيوتري الاخير مدلل كتير .. جايبو باول السنة وهيك بانزعة منقي كل شقفة فيه .. 3Mhz على جيجا DDR رامات .. على ديوال بايوس بالمزر .. تلات سواقات ديفيدي رايتر ورايتر عادي ووحدي درايف هيك للتسالي .. على 160G هارد على على على ..
من وقت جبناه قلنا لاء .. هذا المدلل ما حنفرمتو بشي سنة .. وفعلا كان همي من اول السنة اني ما وصلو لمرحلة الفورمات ..
بس من شي اسبوع .,. خلص فقعت معي .. يا اخي ما طبيعي .. بتفتح هال الصفحة وبتقعد تستنى .. وعلى كل 10 ساعات تشغيل بتعبى الزاكرة .. بس بدي افهم لك وين عم تعبى جيجا شو بيعبها !! .. وبك تعمل ري ستار وما بعرف شو يعني قرف العادي

اي من شي اسبوع فرمتو .. شو بدي قلك يامان .. يعني حاسس حالي عريس وبليلة الدخلة ....خخخخخخخخخخ
واسمو فرمتنا عاد صرت دور على البرامج الجديدة و نزلتلو عدي هيك على كيف كيفك ..

من اسبوع ولساتني بغبطة الفرحة تبع الفورمات ..... :lol: بقا حاسس بشعورك العادي ..
عاد بيسمعو الناس بالسعادة الابدية .. انا خيو سعادتي لو بيفضل هيك الكمبيوتر الى الابد ... هاي قمة السعادة الله الوكيل ..
:P

بس شو بدك بالحكي، الفرمتة بتجدد حياة الكومبيوتر.
يعني كأنو شي بني آدم عطيتو إجازة بعد شهور من الشغل المتواصل.
بس سؤال: أنو كترة الفرمتة بتأثر على الكومبيوتر يعني بتخفف من سرعتو وهيك؟؟؟ :confo: ما بعرف بس يعني على كل الأحوال هالأيام الجهاز ما عم يضاين أكتر من تلات أربع سنين عالأكتر

الله ربك يا مان ... انا كان فرمت كل تلات شهور تقريبا ..
بس كمبيوتري الاخير مدلل كتير .. جايبو باول السنة وهيك بانزعة منقي كل شقفة فيه .. 3Mhz على جيجا DDR رامات .. على ديوال بايوس بالمزر .. تلات سواقات ديفيدي رايتر ورايتر عادي ووحدي درايف هيك للتسالي .. على 160G هارد على على على ..

:P

sexy computer!

اي ما قلتلي انت وين صاير بيتك بالتحديد؟؟؟ :wink:

بس سؤال: أنو كترة الفرمتة بتأثر على الكومبيوتر يعني بتخفف من سرعتو وهيك؟؟؟ :confo: ما بعرف بس يعني على كل الأحوال هالأيام الجهاز ما عم يضاين أكتر من تلات أربع سنين عالأكتر

و الله انا هيك كنت اسمع.. بعدين بطلت اسمع.. بقى هل لانو انا ما عم اسمع لما هي بطلت تنقال لتنسمع .. ما بعرف :P

ههههههههههههههه
الكمبيوتر وراعيه على حسابك يا جو.. :P

اما منشان كترة الفرمتة .. نعم كترة الفرمتة بتضر وقلة الفرمتة بضر..
وبكلى الحالتين المتضرر الوحيد هو الهارد ديسك
كترة الفرمتة بتضر الهارد بتهريه يعني .. بحيث انو الهارد الحالي صاير جزء منه ميكانيكي على الكتروني .. يعني فيه اقراص متراصة وابرة فوقهم ومضخة هواء بتتحكم بالمسافة بين الابرة والاقراص ..
وكترة الفرمتة هو جهد لهذا الالة ميكانيكيا .. ممكن اي خطا يحصل اثناء الفرمتة يادي لمشاكل متوالية بالهارد وخاصة الباد سيكتورز ..
وهون يوصى دائما دائما بفرومات سريع كويك فورمات .. امال Low level format او الفورمات البطئ اسوا انواع الفورمات وكل فورمات بطئ ينقص العمر الافتراضي للهارد للنصف ولا يجوز استخدام الفورمات البطئ الا مرة واحدة فقط لما يكون الهارد جديد وبدك اتقصمو وبعدها كلو مفروض يكون كويك
في حالة خاصة للفورمات البطيء ممكن استخدمه بها والي هي لو في Critical Data على الهارد معلومات سرية .. وخطيرة .. ولسبب او اخر بدك تمسح هال المعلومات عن الهارد الفورمات السريع لا يكفي حيث يمكن استعداة المعلومات الي كانت قبل الفورمات بدقائق الحل هنا بالفورمات البطئ بعض الادوات ممكن تساعد بالمسح النهائي ايضا

اما عدم الفورمات ايضا ما منيح لانه ايضا بيتعب الهارد .. حيث بعد فترة طويلة بيصير الداتا الي على الهارد مبعثرة في سيكتورز بعيدة عن بعض .. وعشان الهارد يقرأ معلومات لازمه حركات كبيرة
يعني لو عندك ملف واحد فيه جواته فايلات بعد فترة بيكون كل فايل صار بيجهة من الهارد ولما بك تفتح الملف بيجي الهارد ليقرأ شو جو الملف بيلاقي معلومات مبعثرة في عدة اجزاء بيطره يبزل مجهود اكبر لتجميع واظهار هذه الملفات ونفس المووضع بيحص بالكتابة
بيكون عم يكتب الهارد بمنطقة بيلاقي انو خلص المساحة فيها بيروح يكفي كتابة الملف على سيكتورز بعيدة ..
هون طبعا الديفراغمنت اعادة ترتيب الهارد ضروري بعد الفترات الطويلة

متوسط الفورمات الطبيعي الموصي به دائما هوي 6 شهور اي كل 6 شهور فورمات سريع جيد جدا وصحي للهارد والجاز وصحي لنفسيتك الي بتكون اتحطمت بعد ست اشهور :lol: