|
القرية الاكثر ديمقراطية في سوريا
-بيرعجم هي قرية صغيرة في الجولان لايزيد عدد سكانها عن 400 نسمة شتاء و1000 نسمة صيفا..
-تقع على تل صغيرة التلة عبارة عن حرش من الاشجار سكانها جميعهم من الشركس.. -بيرعجم هي احدى القرى التابعة لمشروع القرى الصحية التابع لليونيسيف -يتم في هذه الايام التحضير لانتخاب مجلس للقرية مؤلف من 15 شخصا -سيتم انتخاب المجلس في حفل يجمع اهل القرية كلها ويحق الانتخاب ابتداء من عمر 14 عاما لان اهل القرية يعتبرون ان راي الشباب مهم للغاية -يتم توجيه كاميرا على صندوق الاقتراع ويتم عرض التصوير على شاشة كبيرة ليتسنى للجميع مشاهدة الصندوق -بعد الانتخاب سيتم عرض فيلم يصور شباب القرية اثناء عملهم التطوعي بترميم رصيف في القرية ونساء متطوعات ايضا يقمن بتنظيف مواقف الباصات |
من انجازات مجلس القرية بالتعاون مع بلدية القرية
1- يوجد على طرقات القرية اكثر من 200 كرسي خشبي من اجل زوار القرية الكثيرين في الصيف 2- استفاد اهل القرية من قروض بدون فائدة لشراء ابقار او فتح دكاكين او تحسين وضعهم المعيشي 3- تبلغ نسبة مالكي الكومبيوترات 90 بالمية من سكان القرية بفضل قروض خاصة بالكومبيوترات بدون فائدة ايضا 4-استفاد اهل القرية سابقا الذين يعانون من امراض عضال "سكري ضغط شحوم كولسترول او المعاقين " من ادوية مجانية توزع بشكل شهري وتشمل حاجاتهم من الادوية وانقطعت هذه الخدمة فترة وستعود الان 5- تم انشاء حديقة للاطفال في وسط القرية فيها العاب للاطفال ومقاعد خشبية للجلوس 6- استفادت القرية من جهود حثيثة لمكافحة التدخين وكانت النتيجة انه في كل القرية لايوجد الا دكان واحد يبيع الدخان 7- يتعاون اهل القرية بشكل دائم لتحسين مظهر القرية فيخرج متطوعون من جميع الاعمار لتنظيف القرية من الاكياس والاوساخ ودهان المقاعد الخشبية والمواقف وزراعة الزهور علىجوانب الطريق |
بير عجم من احلى واروع القرى السورية وانا زرتها وبتمنى الكل يزورها لانه بالفعل قرية غير كل القرى من ناسها الطيبين وجوها الرائع
|
اقتباس:
|
1/4/2005
انو بهاد التاريخ اول مرة واخر مرة رحنا فيها لهنيك انا و 4 رفقاتي شراكس من بير عجم هني جيراني بالحارة هالقرية حلوة لدرجة انو ما كنا نطيق شي اسمو "رجعة عالبيت" وفعلاً .. ضلينا 3 ايام هنيك .. لك ننام بالطريق ع قد ما حلوة اقتباس:
|
يا ريت يجي يوم وتعم الديمقراطية خارجياً متل ماهيي عامّة داخلياً ببير عجم ،
فعلاً شي بيجنن بس لو تضيفيلنا شوية صور لنشوفها :D هيك ع الهامش: بير عجم اقرب عليي من تل ابيب وايلات .. يا ترى رح يجي يوم واقدر زورها ؟ ولا رح يبقى الامل مقطوع ؟ :cry: |
اقتباس:
صار عدد القرى 400 قرية حتى الان في سورية صار تعاون كمان مع صندوق الاغا خان بدا المشروع من عام 1996
على الهامش نطرينك احمد انت كمان .. بيني وبينك الضيعة هي الحلوة ولاااااااااا.... |
اقتباس:
والحلو بالموضوع ... انو كل الأهداف الي راسمينها هية موجهة شبابياً بدرجة أولى يعني عودونا لما يقوم هيك مشروع يهتم بالتراث مثلاً او الأماكن التاريخية ، بينما هالمشروع هاد تركيزو عالجيل الحالي .. وهاد شيء إيجابي جداً .... بصراحة تُرفع لهم القبعة اقتباس:
اقتباس:
بالنسبة للشق التاني .. هوي يعني الضيعة حلوة حلوة ما اختلفنا .. بس كمان الحق يقال ... اللي بالضيعة عاطينها رونق خاص :p |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - thهي كم صورة للضيعة.. |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - thهي كم صورة للضيعة.. بعتذرفي كم صورة لبيتنا لانو عنوان الالبوم عائلي بس قلت مشان تشوفو الصور لانو ما قدرت نزل الصور هون |
اقتباس:
وعلى الهامش.. في الي مواقفي الخاصة من الاغا خان اللي انا شخصيا بحسو وجه اكثر تحضرا للاديان الموجودة بالمنطقة ويمكن فينا نقول عمل نظرة جديدة وانشأ آليات لخلق علاقات خاصة وغير تقليدية بين الله وبين الناس |
اقتباس:
حبيت أكتر شي صورة هاد البيت المبني بحجارة قديمة سودا :sosweet:  |
اقتباس:
كمان في شغلة ممكن كتير عالم ما ينتبهولها انو آغا خان ماهي بس مؤسسة وحدة ماليّة ، في مؤسسات منفصلة للآغا خان ومختصة بالرعاية الصحية ، والأكاديميات التعليمية، ومؤسسة الدراسات الاقتصادية ، ومؤسسة الآغا خان للمشاريع الاقتصادية الصغيرة .. "اللي هي منتشرة أكتر شي"، بالإضافة للمؤسسات الثقافية والتعليمية والأدبية والإنسانية ، واللي بيلاحظ انو ما عندها ولا مؤسسة تعنى بالأمور الدينية، ومانها اخدة من الدين غير اسم اغا خان المرتبط بـ وهاد اللي بظن بيميزها عن أي مؤسسة دينية أخرى. ومشاريعهن التنموية أظنها كافية لتحكي عنهن ، وأقرب شي لبالي هوي مشروع تجميل قلعة حلب وما حولها. عنّي انا ما صار اي تعامل شخصي مع هالمؤسسة وحكيي كلو بناءً عما قرأتو عنهم أو سمعتو .. ولحد هي اللحظة ما بقدر إلا انو ارفع القبعة تحية الهن ... حاج حكي لهون كنا ببير عجم صرنا بآغا خان :lol: |
اقتباس:
والله متل ماقلت انه طبيعتها حلوة وناسها احلى واللي بيروح مابحب يرجع منوب لانه مابحس بالوقت انا حسيت حالي موووو بسوريا ابدا على كل وعد بس ارجع اكيد رح زورها والصور للضيعة كتير حلوين |
انشالله اصحاب المعالي يشوفو الموضوع
ويطبقو التجربة البيرعجمية على كافة مناطق سوريا وهنيئا لاهالي بير عجم .... بيستاهلو كل خير ... |
سوريا كلها بتجنن واذا رحت اطلعت اكتر رح تلاقي شي مليون مكان حلو ...
سوريا احلى بلد بعمري ما شفت متلا .. كلامي مو لاني سورية لأ لأني عنجد ما شفت احلى منها بلدي .. وبلد كل اللي يشرفوا يزوروها .. اشتقت كتير لضيعتنا متى ارجع واترك هالغربة اللي انا فيها..؟:cry: |
في كتير ضيع و مناطق بعد لهلء ما حدا بيعرف جمالها,,
يمكن لئنو بعيدي عن لمديني و الشغل و ما حدا بيفضا يزورا.. |
لو تشوفي ضيعتي ما احلاها ... وربي جنننننننننننننننننننننة ...
مشتقلا صرلي تلات سنين ما شفتا .. |
| الساعة بإيدك هلق يا سيدي 18:07 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون