|
بدي اشتري كميرا..
مليت من التصوير بالموبايل لو انو كان جيد مابو شي..
 -Nokia N73- بس انو بدي كميرا..تكون رقمية.. بمزانية معقولي.. يعني بين 6 لـ 10 تالاف:pos:.. (ليش العالم ما عم تبارك كاش ما بعرف:frown:). فالى من لديه الخبرة..انصحونا :cry:.. |
أبو الجيم .
ماكتير انا بعرف بلكمرات الرخيصة . بس بئدر بفيدك بكم معلومة :larg: خيو أولاً شوفلنا هلموقع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - عن طريق هادا الموقع فيك تشتري الكمرات يلي بيعرضولك ياها .. طبعاً بسعر بيختلف اختلاف كبير عن الوكيل . ( يعني أرخص بكتير . والأسعار بلريال السعودي . والموقع مضمون ومجرب من قبلنا :larg: ) اي وانتي كمان ماحدتت .. يعني ئلت بدك كمرا رقمية .. بس ماحددت انو شو كمرا رقمية . لأنو في عندك كمرات متل هدول ( مابعرف عنن شي .. وهدول متل الموبايل يعني .. بس بصورة أدق وأوضح )  وفي عندك كمرات slr للمحترفين . وال slr بتجي من دون عدسات .. انتي بعدين بتجيب العدسة يلي بتشوفا بتلبئ لميزانيتك ول الغرض المراد تصويرو . وفي أنواع بتكون رخيصة بلمجمل .. يعني بحدود الميزانية يلي انتي راسما . بس نتبه .. بتجي body . من دون عدسات . يعني دويخة . المهم خيو . انا بئدر ساعدك بهلموضوع . فا بس تعرف شو بدك .. ابئا رد علينا خبر . وياحياالله :larg: |
هلأ بيجي سامر بقلك عليك بالسوني :p
|
اقتباس:
كم بيطلعوا بالدولار هدول ؟ ؟ :? |
اقتباس:
|
هلق اناا اشتريت كاميرا ظريفة من فترة ( سوني dsc - s750 ) بدك تقول بحدود الـ 220 $ مع كفالة و هالقصص . و كتير منيحة و مريحيتني و بكل الظروف تصويرها حلو وبكل الاجواء . هيك شكلها : http://www.productwiki.com/upload/im...50-400-400.jpg وهي احدى الصور فيها لا على تعيين :  فـ يعني نصيحة عن تجربة :D |
بنصحك بالسوني
احلى شي وجودة كمان سامسونج نقاء تام بالصورة والوان رائعة انا كمان لازمني وحدة :frown: |
خيو على عيني كل الماركات الي عمتحطوها
السوني كمان على راسي من فوق بس لما يتعلق الشي بالطصوير ... ممكن جيب كاميرا الحافظ مثلاً ... ازا فيها المواصفات اللي بدي ياها :lol: فـ نصيحة ... لا تقيم اعتبار للماركات ... مو ما تقيمها بالمرة ... بس تركها اخر خيار... ازا بتزيد مصرياتك شي 5 تالاف تانيات ... ممكن تحصل ع وحدة خارقة حارقة متفجرة :larg: فا شو ؟ |
أيشو بدّك بالكميرا:frown:..صوّر أي صورة بالموبايل وعملها ضربتين بالفوتوشوب:adal:
بتطلع أحلا من أحسن صورة كميرا (بما أنك انت معلم بالفوتوشوب:D) |
اقتباس:
بالضّبط , وهاد يلي أنا بحكيه كمان . . ! ! :larg: |
مرحبا جيمي،
أول شي مبروك نجاحك بالبكلوريا ... صحيح اجيت متأخر بس أحسن من عشرة عالشجرة.. اي خيو... انا ما عندي هالخبرة الفظيعة بالكمرات بس بنصحك تبعد عن أي كميرة ما فيها Optik Zoom .. يعني العدسة بتكون متحركة.. احيانا بتلاقي كميرة ظريفة وبتجنن بس الزوم تبعا بيكون بس ديجيتال ! ما بنصحك فيها وكمان لا تنخدع بالكميرات يلي فيها قيمة بيكسل عالية كتير ومع هيك بتكون رخيصة.. لانو الكاميرة يلي رح تشتريها بالسعر يلي ذكرتو مارح تكون عدستها كبيرة متل كميرات المحترفين. والعدسة الصغيرة ما بتمرق كمية ضو كبيرة عالسينزور (يلي عليه البيكسلات ) لهيك انا بشوف بالنسبة ل 10 تالاف ليرة لاتاخد أكتر من 5 او 6 ميغا بيكسل! واذا بيكون فيها lithium akku فرح ترتاح من البطاريات العادية وتبديلا الميزات التانية ما بفهم فيها كتير، بس لما رحت لاشتري كاميرة جربت شي 20 وحدة ضمن السعر يلي كنت حاطتو ببالي وسحبت شي 100 صورة جوا وبرا المحل :lol: لقدرت نقي الكاميرة يلي عجبتني... كمان سعرا كان وقتا يعادل 10000 ليرة تقريباً.. |
اقتباس:
ما بكفّو , أعملهم 800 دولار وجيبلك كاميرا منيحه . . ! ! :cry: |
اقتباس:
كوداك : 15 اوبتكل زوم 10 ميغا بيكسل صارت هالاسبوع بـ 200 $ |
اقتباس:
الكوداك + الكانون + الأتش بي = أسوأ أنواع الكاميرات ايفير . . ! ! عندي أكتر من كاميرا , من الانواع يلي ذكرتها سابقاً بالأضافه لـــ سوني + JVC + وسامسونج . لقيت الأفضل : سوني و JVC , هدول بيطولو عندك و براكتيكال , وفليكسيبل حتى لما تسقط عالأرض , بس اذا كل 5 او 6 شهور بدك تشتري كاميرا نقيلك من الانواع الثلاث يلي براس القائمه . . ! ! |
اقتباس:
|
اقتباس:
مين حكى كل 3 شهور ؟ ؟ :? وبالنسبه للكفاله , ابقى قابلني على قولة روبي ! ! :lol: |
وردنا الآن انباء تفيد بزيادة رأس المال بمقدار 6000 ليرة (الله يديم المحبين:gem:)
فشو هيي الكميرا الحارقة الخارقة المتفجرة يلي حكا عنها احمد؟ يعني بشي 300$ مع انو ما بيمشي حال الدولر معنا كونو مافي بضاعة اميركية حاليا بالاسواق.. وشكرا شبيبة:D..وسعدو كفو:gem:.. |
اقتباس:
يعني فيك تجيب بنفس حقها وحدة سوني شغل 4 زوم بصري وهالقصص المعتة ... بس هي يا معلم شو بيميزها ... عد معي لشوف  Nikon Coolpix L100 عدسة 3.5/5.4 10 ميجا بكسل الشاشة تبعها قياس 3 انش الإيزو : 80 لـ 3200 الذاكرة الداخلية تبعها : 44 ميجا برياحة انت رح تجيب كرت 2 جيجا :lol: طصوير فيديو بقياس 640 * 480 ( يعني شي بسيط .. بس ظريفة نوعاً ما زوم العدسة 15X وشوية قصص تانية فيك تشوفها منيح بهالصفحة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ع فكرة ... نصحتك بهالكاميرا لانها تعتبر Semi - Pro وبتعطيك نتائج مذهلة ... أفضل من أفضل كاميرا من النوع اللي عدستو مدمجة وهالفزلكة هاي حقها بيجي شي 260 دولار وبدك تحسب حسابك بشي 40 دولار حق كرت ذاكرة محترم وووو رووووووووووووح شايفلك :cool: |
| الساعة بإيدك هلق يا سيدي 11:14 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون