قم بتفسير احلامك الأن
 

السلام عليكم ورحمة الله وبركاته
اهلا بكل الشباب والصبايا منورين
اليوم بدنا نفتح موضوع الأحلام طبعا ما في حد ما بحلم والغالب انك ما بتعرف شو تفسير الحلم أو انك ما بطعتيه أهتمام بس هون فيك تطرح أحلامك وانا انشالله بفسرلك اياها وبسرعه معقوله كل ما عليك هو انك تكتب بشو حلمت مثلا {القبور أو الأسد أو الأكل}وهكذا والله الموفق وفي أنتظاركم

اي شي اي شي
انا بحلم باشياء مفزعة وبتموت
وبصراحة من زمان نفسي فسر
بس هلا ما في شي ببالي
بس انطرني لكان
سؤال عالسريع
دايما بحلم بعقرب وبحية بدها تقرصني
وبصحى وانا مفزوعة
شو التفسير
هاد اكتر شي بيتكرر باحلامي

العقرب:يدل على الهم والنكد والعقرب رجل نمام بين الناس
حيه:في المنام دالة على العدو أو كنز أو امرأه والحيه عدو ذو مال

وشم الجمال شو هاد أحلام بتخوف يا مامي انا بحلم بالشوكولا والألعاب وبصحا مرتاح

لك هاد ولا شي
بحلم احيانا اني على جبل كبير وفجاة بقع من عليه وبصحى وانا مرتجفة
واحيانا بحلم اني مخنوقة ومو قدرانة اتنفس وفي حدا مو رضيان يتركني الا لما موت
الله وكيلك نوم متل الموت والله
يا عمي ناس بتموت وناس بتحلم والشوكولا

بتحلم بالشكولا والالعاب اكيد بتحضر توم وجيري قبل لا تنام ههههه:p

أولا مرحبا
تانيا : حلمت إنو صاحبتي (سلامه قلبها .. وبعيد الشر عنها ) ماتت وكتير هالمنام دايقني
وخاصه إنو صاحبتي مسافره من أسبوع ومو قادره أعرف أخبارها
** الله يخليك إذا شي مو منيح لا تحكي .. رح موت من الخوف عليها :cry:

موت الصديق يدل على سعة العيش والله أعلم وانشالله بترجع بالسلامه

وشم الجمال انا نصيحتي أنك لا تنامي شو هاد بترجفي وبترمي حالك من فوق جبل عنجد خوفتيني ضاعت من بالي أحلام الشوكولا واع

ساره في شي من هيك انا بسهر ع قناتي المفضله سبيستون وبقضيها صباحي ع غراندايزر

لا مو لهالدرجة عااااااااااااااادي
بس بدها رجال
هههههههههههههه

الله يسلمك ويخليك ويبشرك بالخير يا رب .. طمنتلي قلبي
شكرا :D

انا حريمه انا مو رجال شو هاد انا كتير قلبي رقيق ما بتحمل هيك شغلات يمكن اروح فيها لو حلمت حلم واحد من احلامك السعيده

ولو خيو هاد واجبنا الله يخليك ويبارك فيك حبيب ألبي

يا اهبل
بلاك ايرس صبية مو شب
هههههههههههههههههههههههه
وانت حريمة لك وينو معتز القبضاي وينو

انا مشكلتي ما بحلم كثير و لما بحلم بنسى الحلم اول ما بفوق او بعد مرور نص ساعة على استيقاظي

له له له شو هاد باطل بتصدقي كنت مفكرها رجال لأنه النك رجالي شوي بس يالا حصل خير اسفين انسه بلاك لا تواخدينا

والله هيك ما فينا نخدمك خيو لازم تتذكر ولو جزء بسيط من الحلم