|
هل عمل المرأة يفقدها أنوثتها ؟
في زمننا هذا اصبحت المرأة نصف مجتمع وقد تختلف هذه النسبة بين المجتمعات بالزيادة والنقصان ولكن - هل عمل المرأة يفقدها انوثتها ورونقها ؟؟؟؟؟؟؟؟؟ - هل عمل الزوجه مع زوجها يفقد الرجل رجولته ؟؟؟؟؟؟؟ - ما الفرق بين وجهة نظر المجتمعات الغربية والشرقية للمرأة العاملة ؟؟؟؟؟ - وهل ترغب بالزواج من امرأة عاملة قد تفوقك في المستوى الاجتماعي او الوظيفي ؟؟؟؟؟؟ موضوع اثار انتباهي بعد قرائة اعلان عن حاجة شركة لموظفين بحيث عدد الموظفات اكبر من عدد الموظفين ؟؟؟؟؟؟ |
هلا فينا نقيم هالشي على حسب شغل المراه
يعني انا بفضل انها تشتغل بي بنك بي محلات البسه او لا نجري او ماكياج انو شي بيحافظ علة انوثتها وانا لا اؤيد انها تشتغل مع زوجا بنفس الشركة اذا كانو بنفس المجال لمايصير في مقارنة ومشاكل بعدين اما وجهات النظر الغربية والشرقية ما بعتقد في وجهات نظر خاصة فا بصوت انو لا علاقة |
هو العمل ما بيفقدها انوثتها
بس المشكلة وقت بتكون متزوجة وموظفة يعني ما بترتاح يعني يادوب تتطبخ الطبخة باليل قبل بيوم وترجع من الدوام وعجقة مواصلات بتوصل بتسخن الاكل وبتتغدى هيه والولاد وبتبلش تساوي البيت يعني الله يعينها وبتعرف انو الرجالبحب وقت يرجع على بيتو بيلاقي مرتو على اخر طرز والبيت عميلمع والاكل جاهز وبيفوت بياخد دوش بيطلع بيقعد هوة ومرتو وبيتناغشو يعني انا ما بحب المرآة تشتغل مو مشان غيرة او اي شي تاني بس المرآة نخلقت لتتستت مو لتشتغل |
:hart: مواقفُكَ تصنعُ المسَّلمَات .. ذكرتني ببرنامج اذاعي كان يتناول هذه النقطة "عمل المرأة ونظرا لكون بقعتنا الجغرافية محكومة بالنزق الذكوري واقتران المرأة بالمشكلة فقد كان جواب أحد المتصلين أنه يرفض عمل زوجته أو ابنته رفضا قاطعاً فاستدرجته المذيعة للآتي اذا مرضت زوجتك من تختار ليفحصها رجل أو امرأة اذا رجعت أو سافرت في المطار من ستختار ليفتشها وهكذا فما كان من الرجل المتصل الا أن يجيب أءء أيءءئ |
اقتباس:
حلوة يسلمو حلى الو شريك |
لا لا لا.... ما علاقة عمل المرأة بكونها انثى؟؟؟:shock:
بعدين مين يلي قال انو نحنا خلقنا بس للطبخ وللنفخ وللتنظيف؟:x ليكون فكركو ما عنا ذات نطوّرها او طموحات نحققها... شو مفكرين انو كل النسوان حلمها الوحيد انو تتجوّز وتقعد بلبيت!!! الى القلب الدافىْ: اول شي شكرا لانك طرحت الموضوع...:ss: وتاني شي , من حسن حظك اني بحبك وبستلطفك... والا كان راح يكون الي معك حكي تاني:larg: |
مساؤكم رائع
بزمننا الحالي اصبح من الصعب ان يتم الحياة براتب واحد بالنسبة عندنا ما بعرف كيف عندكم الاعباء المالية الكثيرة.. والغلاء المطرد اعتقد بان العمل لا يفقد المراة انوثتها بالعكس يصقل شخصيتها ويحعلها تواجه الحياة ليس دائما يتواجد الرجل ليحل لي المواقف المتأزمة عملي علمني ان اكون""اخت رجال"" متل ما بنقول صحيح ان المرأة بعد ان تتزوج تزيد اعبائها ولكن ان كان هناك حاجة مالية لها ليه ما تساعد اذا كان الزوج ميسور .. تتوقف لتربي اولادها وزوجها:p يسلمو للطرح الجميل |
اقتباس:
وشكرا لرئيك المميز :D |
اقتباس:
|
اول شي حبيب البي القلب الدافئ
لا تقرب ع الماركات المسجلة حياتو وشرفت وما كلفت هدول تبعاتي تاني شي مشان سؤالك هل عمل المرأة يفقدها أنوثتها ؟ الجواب: حسب نوعية العمل والبيئة الموجودة فية مكان العمل:D |
ان الاسلام حينما وضع عن المرأه العمل والتعب خارج بيتها ليس انتقاصا لها بل حفاضا عليها
وتقديسا لها وجعلها عزيزه صعبة المنال |
حسب نوعية العملوايضا شخصية المراة
|
هل الموضوع هيك
ما بعرف يمكن عمل المراة يكون الو مبررات كثير عند البعض وممكن يكون الو موانع كثير عند البعض الاخر
مادية تحقيق ذات طموح.......... لكن انا ما اظن انو المراة تتناقص او تتغير وجها الانثوي اذا اشتغلت بالعكس بيزدها الق وجمال وقوة شخصية واحترام العالم الها |
ماني شايفة انو موضوع الانوثة الو علاقة بالعمل ابدا
بالعكس احيانا في مجالات عمل بتكون فيها انوثة المراة كتير شي جميل ومطلوب اما انو العمل يفقد المراة انوثتها فاكيد لا لانو بكل بساطة كتير من النساء وخاصة في مجتمعنا الشرقي بيفقدو كتير من انوثتهن في المنزل |
طبعا لالالالالالالالالالالا
سؤالك بيشبه السؤال التالي " هل وجود براد بالمنزل يفقد من أهمية الغسالة " !!!!!!!!! بس شو الفرق بين الخيارين لا لا علاقة ؟ |
اقتباس:
/1/ في حال فقر الحال ..بتوقع المقارنه لصالح العمل ..لانو الفقر بيعمل للرونق هالات ارهاق مفزعه في حال يسر الحال ..المقارنه لصالح العمل .. حيطان +انثى =نكد /2/ الفرئ هوه فرئ عملات مو اكتر /3/غبي الي بيقارن الانثى بالذكر مهما اتطورت الحياه ..وغبيه الي بتطالب بالمساواه |
طبعا وبكل تاكيد الامر ما الو اي علاقة بالانوثة
مشكلة عمل المرأة اذا كانت متزوجة أو عندا التزامات من نوع اخر (ببيت اهلا مثلا) انو الشخص المسؤول التاني بالبيت ما بيقدر انو المرأة عم تشتغل متلا متلو.... يعني حضرتو بدو يرجع من شغلو يلائي كل متطلباتو جاهزي كيف ما بعرف....؟؟؟ يعني حتى لو هي بتخلص دوام الساعة 2 لازم يجي هو عالساعة 3 يلائي الوضع كلو تمام بدون ما يتنازل ويساعد بأي شي.. ليش قال؟؟؟ لانو هو هلئ رجع من الشغل وتعبان !!!!! على أساس هي كانت عم تمارس هواياتا مانا تعبانة كمان!!! the bottom line is that life needs both man and woman to be perfect, it needs two co-operative couple, thus neither the woman loses her femininity, nor the man loses his masculanity |
لا لايفقدها
|
| الساعة بإيدك هلق يا سيدي 20:04 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون