معارض كتب - سوريا

[jina2009]

على فكرة ياجماعة بس حبيت اقلكم انو المركز الثقافي العربي بدمشق حاليا عامل معرض الكتاب وفيو تشكيلة كتب مميزة وهو لعلمكم فاتح بس ليوم 20 من هاد الشهر
شكرا وياريت تتقبلو مروري

[butterfly]

شكرا
رح استغل موضوعك .. لاطلب من أي شخص بيملك معلومات .. عن معارض كتب في انحاء سوريا يشاركنا .. فيها

[..AHMAD]

آب شهر الكتاب - الأمانة العامة لاحتفالية دمشق عاصمة الثقافة العربية

المكان
مكتبة الأسد

الزمان
09/08/2008 حتى 14/08/2008

لمعرض الكتاب في هذه السنة طعم مميز فلقد تم تمديدە لمدة خمسة أيام بمناسبة إعلان دمشق عاصمة عربية للثقافة.
تشارك الأمانة العامة لاحتفالية دمشق عاصمة الثقافة العربية 2008 في معرض الكتاب بمجموعة من الإصدارات الخاصة بالاحتفالية، وأيضاً ضمن خطتها في دعم دور النشر الناشئة، تشارك بمجموعة من الإصدارات مع دار ممدوح عدوان للنشر والتوزيع وهي “سلسلة ذاكرة المسرح السوري”.
كما تشارك بمجموعة من إصدارات الأطفال التربوية والتعليمية وألعاب تنمية المهارات بالتعاون مع دار “الأصابع الذكية” حيث تباع هذە الإصدارات بحسم مميز بسبب دعمها من قبل الأمانة العامة للاحتفالية بإضافةً لحسم معرض الكتاب.

[butterfly]

زرت معرض الكتاب اللي كان بالشام ..
هلق طبعا كنت غاية بالسعادة يعني اكتر مما بقدر اوصفلكن
+ رح أعاني كسور مادية بسبب هالمعرض يمكن لأخر الشهر رح ضل بحالة إفلاس

بس عندي كوشة ملاحظات ( أكتر من كوشة بيطلعو )
عدو معي :

• قلة التنظيم ( هي ظاهرة سورية على كل ٍ بالمعارض بالحفلات بكل شي ) .
  
• عدم التخصص ( يعني دور النشر موزعة بطريقة مافيها تخصص يعني لو يقسموهن أجنحة " أدب - دين - علوم إلخ " مشان الواحد ما يضيع
  
• البائعين ما بيعرفو شي عن الكتب غالبا ً ..
• غلبة الكتب الدينية .. بعتقد اكتر من 50 % من المعرض ديني إذا مو أكتر .. .
• لو بيوزعولنا شي ورقة شغلة فيها كل كتب الموجودة بالمعرض الواحد بيقرر اسهل من انو هو يتفتول ليعرف
  

بس بالمجمل حبيتو للمعرض وشفت حنا مينة ووقعلي عكتابو الجديد

[passerby_intime]

كاتب النص الأصلي : butterfly

زرت معرض الكتاب اللي كان بالشام ..
هلق طبعا كنت غاية بالسعادة يعني اكتر مما بقدر اوصفلكن
+ رح أعاني كسور مادية بسبب هالمعرض يمكن لأخر الشهر رح ضل بحالة إفلاس
بس عندي كوشة ملاحظات ( أكتر من كوشة بيطلعو )
عدو معي :
قلة التنظيم ( هي ظاهرة سورية على كل ٍ بالمعارض بالحفلات بكل شي ) .

• عدم التخصص ( يعني دور النشر موزعة بطريقة مافيها تخصص يعني لو يقسموهن أجنحة " أدب - دين - علوم إلخ " مشان الواحد ما يضيع
• البائعين ما بيعرفو شي عن الكتب غالبا ً ..
• غلبة الكتب الدينية .. بعتقد اكتر من 50 % من المعرض ديني إذا مو أكتر .. .
• لو بيوزعولنا شي ورقة شغلة فيها كل كتب الموجودة بالمعرض الواحد بيقرر اسهل من انو هو يتفتول ليعرف
  بس بالمجمل حبيتو للمعرض وشفت حنا مينة ووقعلي عكتابو الجديد

أنا بوافق مية المية على ملاحظاتك

ومبروك عليك كتابو الجديد بس اسم هالكتاب كان صدمة بالنسبة إلي .. ( عاهرة ونصف مجنون )
استحيت أشتريه لأنه كان الجو معي وما صارلي أرجع عالمعرض مرة تانية
بس طالما إنو اشتريتو إنتو ياريت تسحبولنا ياه عالسكينر وتنزلوه هون بأخوية ونحن لكم من الشاكرين

[قرصان الأدرياتيك]

عدم التخصص ( يعني دور النشر موزعة بطريقة مافيها تخصص يعني لو يقسموهن أجنحة " أدب - دين - علوم إلخ " مشان الواحد ما يضيع

سلام ومحبّة...

عزيزتي بترفلاي
شكراً للملاحظات القيّمة ولكن بالنسبة لتعليقك أعلاه (المقتبس) فهو غير وارد على الإطلاق في عالم المعارض. زرتُ معارضَ كثيرة عربيّة وعالميّة ولا يوجد أي معرض يُقسم بحسب أصناف الثّقافة، فهذا مستحيل أمام الصّراع التّجاري بين دور النّشر. كلّ المعارض ترتّب بحسب دور النّشر لا أصناف الكتب وبرأيي هذا أسلم، لأنَّ مرجعيّة الكتاب (الأكاديميّة)، أي كتاب، تعتمد بشكل أساسي على دار نشره، وعندما أبحث عن شيء معين أتوجّه مباشرةً إلى تلك الدّار لأعثر على ضالتي بسرعة أكبر بكثير مما لو بحثتُ عنها في صنفها!!!

سلام.

[اللامنتمي]

بالإضافة إلى حجب الكثير الكثير من الكُتب بحجج واهية

هذا إرهاب فكري مُنظم.

[butterfly]

معرض الكتاب الدولي
(من 7 الى 16 آب 2009)- دمشق - الجمهورية العربية السورية

تحت رعاية السيد الرئيس بشار الأسد تقيم مكتبة الأسد الوطنية معرض الكتاب الدولي بدورته الخامس والعشرون
في المدة من 7 الى 16 آب 2009 على ارض مدينة المعارض الجديدة – طريق المطار
بمشاركة دور نشر محلية وعربية ودولية

المواصلات مجانية :
من البرامكة جانب وكالة سانا
ومن ساحة باب توما جانب جامع الشيخ رسلان

مواعيد الزيارة : من الساعة الواحدة ظهرا حتى الساعة العاشرة ليلا

رح يبدأ بعد كام يوم معرض الكتاب ، وبصراحة واقعة جدا ً بحيرة حول القائمة اللي رح اشتريها ، وقلت بلكي منتشارك بالآراء والنصائح حول الموضوع

[butterfly]

رح اشتري بداية
كتاب باولو كويللو الجديد الفائز يبقى وحيدا ً
وكتاب أحلام الجديد " نسيان com "

هاتو لنشوف اقتراحات ،

[DARKNESS]

والله فكرة حلوة انا من ناحيتي بحب روايات تولكين يعني السيلماريليون J.R.R. Tolkien - The Silmarillion
شي بيجنن و روعة و حتى الثلاثية الرائعة تبعتو لورد اوف ذا رينغ بالقصص احلى و في كتير تفاصيل موجودة بالقصة مو موجودة بالفلم lord of the rings كمان في كم كتاب لخالد العرفي و هوي كاتب روايات خيال علمي من مصر ما بعرف اذا موجودين بالمعرض و في كتير شغلات بس ما عم اتذكر شي

بس نسيتانو ما فيني احضر المعرضلاني بالإمارات للأسف
خيرها بغيرها متل ما بيقولوا خبرينا شو بيصير معك

[i m sam]

بشكل مبدئي كتاب رواية اسمها سورية
وبعدين الباقي ببين هنيك مافي شي محدد لحد الآن

[kosayka2]

هلق بما أن في معرض للكتاب أنا عم فكر دور على كتاب مالقيتوا أبدا بالسوق

أسمو

مدير الدقيقة الواحدة ..... لــ كينث بلانشرد وسبنسر جونسون

هو شوي قديم بس أنو لهلق بعدو ضارب

و الباقي خلال المعرض

و يعني بلكي منشوف شوي من منشورات دار المشرق يلي بلبنان إذا كانت موجودة....

[رجل من ورق]

في حسم باجنحة الكتب الاجنبية؟

[khaliiiil]

انا بدي كتاب غينيس 2009

[zen]

انا رحت عليه
هلق صحي هوي هالسنة احسن من السني الماضية لانو السنة الماضية كانت معرض للكتب الدينية
هلق انا بزور دار ممدوح عجوان والريس ومنشورات غادة السمان
بدي جيب حيونة الانسان لممدوح عدوان حقو 275ل.س
و كتاب شعر محكي من دار الريس لجوزيف حرب ب 500 ل.س وهي بع التنزيلات
انو سبحان اللذي خلقهون بدار الريس شو بيغلو الكتب

[butterfly]

الكتب اللي اشتريتن :
شعر :
انا الغريب الآخر – منصور رحباني
أسافر وحدي ملكا ً – منصور رحباني
كلك عندي إلا أنت ِ – جوزيف حرب
حضارة الحب – لطفي حداد

قصص قصيرة :
عملاق الطوابق العليا – هيمى المفتي
الوعد الأزرق – ابراهيم صموئيل تفاصيل – ديمة ونوس
قصة الأشكال – حسيب كيالي
خطأ إنتخابي – محمد ديبو

مسرح :
مسرحية الفارسة والشاعر ( تكريما ً لمحمد الماغوط ) - ممدوح عدوان
طقوس الإشارات والتحولات – سعد الله ونوس

روايات :
الفردوس على الناصية الأخرى – ماريو بارغاس يوسا
رواية أعدائي ممدوح عدوان
رائحة الصابون – الياس خوري الكرسي – ديمة ونوس
أهداب – ياسين رفاعية
طفلة الكوليرا – ماري رشو
عزف منفرد على البيانو – فواز حداد

متفرقات :
غادة السمان ، المهنة : كاتبة متمردة – سمر يزبك
التمنع ، التجنب ، التعرف ( تأملات حول البداية ) – إدوارد سعيد
النقد الزاتي بعد الهزيمة – صادق جلال العظم
الحداثة في المجتمع العربي ( القيم ، الفكر ، الفن )- مجموعة مقالات لـ
أدونيس – أنسي الحاج – انطون مقدسي – الياس خوري – جودت فخر الدين – محمد أركون – ناصيف نصار – نسيم خوري – هادي العلوي – هاشم الصالح – ياسر داغستاني

رسائل :
رسائل إلى كارين – شارلي د. شيد
رسائل الحنين إلى الياسمين – غادة السمان

[butterfly]

كاتب النص الأصلي : butterfly

رح اشتري بداية
كتاب باولو كويللو الجديد الفائز يبقى وحيدا ً
وكتاب أحلام الجديد " نسيان com "

هاتو لنشوف اقتراحات ،

أي والكتابين اللي كنت مقررة اشترين ما اشتريتن

[LiOnHeArT.3LA2]

وكتاب أحلام الجديد " نسيان com "

انو شو مشان .. بركي بتشتري وبترفعيه ..
بدنا ياه متل الخلق والعالم ولو