من يدافع عن مجرمي "الشرف"؟

[yass]

هؤلاء...





عمر محمود العلي

جرائم انعدام الشرف

ليقرأ المتآمرون على الشرف الكلمات الأولى للمادة ويفهموا اللغة العربية والأخلاق العربيةقبل أن يتفضلوا بالنقاش والبحق وفق رغبات أمريكا ، ليس هناك تعدي على حقوق المرأة ولا استخفافا بوجودها وإنما هناك صيانة ولو بالتهديد لمن تسول لها نفسها بالانحطاط الأخلاقي

شب عتيق

لازم براءة

لازم الي بدافع عن شرفه مابينحكم ابدن لأنو البنت وقت تزني فهي ارتكبت جريمة قتل ل 100 شخص ع الاقل لأنواهلها وقرايبها كلهم رح يلحقهم عار منها ورح يكونو ضحية لنفسها الدنية الي خلتها تزني لذلك لازم تموت هي وكل شخص يزني ويلطخ اسم اهله بالعار

المهندس ابراهيم

سؤال لرجال الدين

لو فيكم ذرة دين كنتوا طالبتو برجم الزانية والزاني حتى الموت بدل من تغيير القانون

براهيم

شي متل الكزب

لك عم يقتلو البنات والدعارة منتشرة متل الرز كيف لو مابقا فيه قتل؟؟؟ يعني حتى الي بدافع عن شرفه وعرضه لازم يحكموه 15 سنة ؟؟والله عيب

منتوف

الله يهدي الجميع و يهديني أولهم

يا سيدي لازم اصلا ما يتحاكم منوب لأنو ماحد بحط حاله محل هل الرجال يلي عم يشوف هل الشوفة ئدامه الكل يحط حاله محله لا سمح الله شو ح يكون تصرفو اذا دخل على البيت لا سمح الله وشاف هل الشوفة هي رح يتفرج ؟؟ ولا رح يروح يخبر الشرطة ؟؟؟ اصلا اذا بدو يعمل هيك بكون مافيه شرف واذا كان مافيه شرف اصلا مارح يقتل حد والسلام عليكم

مجموعة تعليقات على الأخبار المتعلقة بالملتقى الوطني حول جرائم الشرف في موقع سيريا نيوز.


نقلا عن مدونة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شخصيا أنا عاجز عن التعليق... هل من معلّق؟

[باشق مجروح]

انا شايف انو التقدم الي حققناه هو انو صار في هناك من يجرء على رفض جرائم الشرف ببلدنا . هذا بحد ذاته تقدم حقيقي لأنو لحتى وقت قريب لم نكن نسمع هذه الاصوات الرافضة بوسائل اعلامنا وبمجالسنا وحتى دور العبادة.
هذا النوع من الجرائم متأصل في الفكر العربي البدوي وفي العقلية التي لم تنشأ وتتشكل بلحظات بل نتيجة ظروف مر بها خلال عقود . بتصوري هناك امل بالتغيير الفكري الذي هو اهم من التغيير القانوني الذي كان طوال سنين ومازال الى الان يقدم التسهيلات الى المجرمين.
الحل الحقيقي يحتاج الى وقت وهكذا تعليقات لا تفاجئني ابداً لأنها تظهر الفكر الحقيقي للسواد الاعظم من شعبنا.
وللأسف سوريا ما تزال تتربع على قائمة اكتر الدول جرائم شرف على وجه كرتنا الارضية فهذا هو الحال على حقيقته ولا نسطتيع اخفاءه.

[رجل من ورق]

يا سيدي لازم اصلا ما يتحاكم منوب لأنو ماحد بحط حاله محل هل الرجال يلي عم يشوف هل الشوفة ئدامه الكل يحط حاله محله لا سمح الله شو ح يكون تصرفو اذا دخل على البيت لا سمح الله وشاف هل الشوفة هي رح يتفرج ؟؟ ولا رح يروح يخبر الشرطة ؟؟؟ اصلا اذا بدو يعمل هيك بكون مافيه شرف واذا كان مافيه شرف اصلا مارح يقتل حد والسلام عليكم

ياس اسمحلي اخد كلمتين حكيتون انت بثلاثائيتك السابقة
الا لعنة الله على هذا الشرف التنكي

[الباحثة عن الحرية]

طيب يعني على هيك حكي شو بدي قول
هدول ناس ما في مجال للحكي معهن وما بدي قول شي تاني....
ما عم بفهم شو هي العقلية الي عندهن والمصيبة ادا بكونو هدول بعدهن شباب
عم بستنى اليوم الي بنبطل فيو نسمع عن هيك شي بس بالوقت الحاضر يا ريت تسمو هي الاشيا جريمة تياسة او جريمة حيونة بكون احسن
............

[ayhamm26]

شو بدو الواحد يحكي , تخلف تخلف تخلف

الواحد منن بتلاقي منداس على شرفو وكرامتو من قبل شرطي ممكن يضربوا بالشارع وما بيطلعلوا يرد او يعترض على كرامتو المهدورة , بس شرفو بيطلع على هالمخلوق الضعيف اللي اسمها انثى

[MadMax]

طيب .... برأيكون ..و بصراحة ...
شو السبب ..؟؟
و ليش منشوف هيك ثقافة بمجتمعنا ..؟؟

[..AHMAD]

من يدافع عن مجرمي "الشرف"؟

لكم أتمنى أن تزني اختي أو امي ....

لأقتلكم جميعا... دفاعاً عن شرفي

لأنكم أنتم من دنس شرفي .. وليس زنا أهليتي

وليزنوا ما استطاعو اليه سبيلاً ... لأنكم من دنستم شرفي

و.. هــــــزُلت

[Abu ToNi]

كاتب النص الأصلي : MadMax

طيب .... برأيكون ..و بصراحة ...
شو السبب ..؟؟
و ليش منشوف هيك ثقافة بمجتمعنا ..؟؟

تراكمات لكتير اشياء بديت .. وما حدا حكى معها شي
انا جدا متشائم بهي النقطة .. خصوصا بفكرة الثقافة والوعي الاجتماعي للشارع العربي
حل القصص ما حيبدا من هون
وحتى تنحل في كتير اشياء لازم تتغير ..

[maged-syrian]

كاتب النص الأصلي : MadMax

طيب .... برأيكون ..و بصراحة ...
شو السبب ..؟؟
و ليش منشوف هيك ثقافة بمجتمعنا ..؟؟

في عدة اسباب من ضمنها أن المجتمع الشرقي الذكوري تربى على عادات وتقاليد معينة توارثها من الآباء والأجداد هاي العادات والتقاليد تتضمن التعصب الشديد بأي موضوع يمس المرأة وشرف المرأة وردة الفعل العنيفة على أي مساس بتلك المواضيع ... خط أحمر لارجعة عنه
أنا شخصياً لست مع أو ضد ... لاتعصب تام ولاانفتاح تام .. لاقدر الله ان وقع أحد بتلك المشكلة فهنالك حل سهل لكي يضمن مكانته بالمجتمع ولا يتكلم احد عن عرضه بالعاطل الا وهو التبرء من البنت وأعلان البراءة منها على الجمهور لكي يعرف الجمهور أنه قد قام بواجبه في الحفاظ على سمعته ومكانته الاجتماعية ... هذا حل مناسب لمنع قتل الشرف واهدار دم أمرأة يمكن أن تتوب من فعلتها وتصحح غلطها لاحقاً ...

سؤالي لك مادماكس ...
تخيل نفسك قد وقعت بتلك المشكلة بأحدى قريباتك لاقدر الله ... ماذا ستكون ردة فعلك تجاهها .. وماذا ستكون ردة فعلك تجاه زملائك واصدقائك ممن علموا بما وقع لك وماذا ستتوقع ردة فعلهم تجاهك بهذا المجتمع الشرقي ؟! انتظر منك اجابة صريحة
انا اسئلك هذا السؤال لكي اعرف ماهي ردة فعلك كانسان منفتح وعلماني واقارنها بردود افعال المتعصبين والمتزمتين بمجتمعنا

آسف عالاطالة

[HashtNasht]

اي عنا موروث نحنا مهم يعني .و الحمد لله ....ما حدا قدنا عنو موروث بالعالم كلو ...متفوقين جداص بموضوع الموروثات ..و التقاليد و المستحاثات و هيك قصص ....حتى انو في احتمال يعطونا ISO 2009 , اي بشرفي .

هلأ انا شخصياً بعتقد انو اليهوج هني ورا هالموضوع ...نعم اليهود هني من يقف وراء جرائم الشرف و من زمان يعني ...لانو من اكتر من 2000 سنة و قت و قف المسيح و قال : من كان منكم بلا خطيئة فليرمها بحجر ) ,كان عم يحكي يهود , و اليهود هني الوحيدين اللي عندن حكم برجم الزاني , و على خلاف الاسلام , و على خالاف ما يعتقد غالبية المسلمون , و على خلاف ما يطبق بعض المسلمون ...مافي ولا حتى اشارة لرجم الزاني بالقرآن ....ابداً يعني ...و على ما يبدو أنو يهود خيبر طلعوا من خيبر و تركوا وراهن عاداتهن المقرفة لتتخبى بالعباءة الجديدة ..و ليدخل الرجم و الشبح و هالحركات اللي ماالها علاقة لا بالانسانية و لا بالحيوانية حتى و تستقر ضمن الاسلام !!!...و الخلط القائم لدى العامة بين الدين و الموروث هو خلط طبيعي , لانو غالبية شعبنا ما بيعرفوا يفرقوا , أصلاً ما بيعرفوا يقروا ...هني اي مانن أميين يعني ..بس ما بينفع يقروا..و عنترة بن شداد هو نفس الشي يعني متل صلاح الدين ..و ابو شهاب ع شوي بكون نبي ..و اللي بقولوا الزعيم تقريباً منزل ..و قيسوا على هالمسطرة...و بالتالي بدنا نتحمل النتائج , ما بكيفنا يعني , بس بدنا نتحمل .

و الله أعلم يعني !

[yass]

كاتب النص الأصلي : hashtnasht

اي عنا موروث نحنا مهم يعني .و الحمد لله ....ما حدا قدنا عنو موروث بالعالم كلو ...متفوقين جداص بموضوع الموروثات ..و التقاليد و المستحاثات و هيك قصص ....حتى انو في احتمال يعطونا ISO 2009 , اي بشرفي .

هلأ انا شخصياً بعتقد انو اليهوج هني ورا هالموضوع ...نعم اليهود هني من يقف وراء جرائم الشرف و من زمان يعني ...لانو من اكتر من 2000 سنة و قت و قف المسيح و قال : من كان منكم بلا خطيئة فليرمها بحجر ) ,كان عم يحكي يهود , و اليهود هني الوحيدين اللي عندن حكم برجم الزاني , و على خلاف الاسلام , و على خالاف ما يعتقد غالبية المسلمون , و على خلاف ما يطبق بعض المسلمون ...مافي ولا حتى اشارة لرجم الزاني بالقرآن ....ابداً يعني ...و على ما يبدو أنو يهود خيبر طلعوا من خيبر و تركوا وراهن عاداتهن المقرفة لتتخبى بالعباءة الجديدة ..و ليدخل الرجم و الشبح و هالحركات اللي ماالها علاقة لا بالانسانية و لا بالحيوانية حتى و تستقر ضمن الاسلام !!!...و الخلط القائم لدى العامة بين الدين و الموروث هو خلط طبيعي , لانو غالبية شعبنا ما بيعرفوا يفرقوا , أصلاً ما بيعرفوا يقروا ...هني اي مانن أميين يعني ..بس ما بينفع يقروا..و عنترة بن شداد هو نفس الشي يعني متل صلاح الدين ..و ابو شهاب ع شوي بكون نبي ..و اللي بقولوا الزعيم تقريباً منزل ..و قيسوا على هالمسطرة...و بالتالي بدنا نتحمل النتائج , ما بكيفنا يعني , بس بدنا نتحمل .

و الله أعلم يعني !

حكي نظيف مسيو أب نهلة.. حتى بدون دخان بتظلك كبير يعني


لأ جد.. معك حق كبير بقصة الدين و الموروثات.. و طالما هالشي محفور حفر براسنا, فصعبة..


بدا شغل...

[Reemi]

لو قلبنا الآية ... وشي بنت هيي الي قامت بجريمة القتل -يعني قتلت زوجها اذا شافتو مع وحده تانيه او اذا شكت فيه - هل يا ترى كنا بنشوف نفس الروح من التعليقات؟

[yass]

كاتب النص الأصلي : Reemi

لو قلبنا الآية ... وشي بنت هيي الي قامت بجريمة القتل -يعني قتلت زوجها اذا شافتو مع وحده تانيه او اذا شكت فيه - هل يا ترى كنا بنشوف نفس الروح من التعليقات؟

بديهي انو لأ... لأنو الذكر يحقلو شي أربعة, و ع ازمة البورصة الحالية رخصانة الشغلة و يجوز مشايخ بورصة الرياض يطالعو فتوى برفع العدد كرمال ينزل سعر الفائدة (أكيد في ربط بين الشغلتين عقولنا العلمانية السطحية ما بتقدر توصلو)

[VivaSyria]

لو فيكم ذرة دين كنتوا طالبتو برجم الزانية والزاني حتى الموت بدل من تغيير القانون

على هامش هالنقاش استوقفني هالتعليق... مع اني مو مع هالفكر نهائياً ولا بشكل وبعتبرو تخلف وتحجر وتقوقع وقمع حريات وكل شي بدكون ياه.... بس بصراحة حلو المبدأ يعني اذا الحكاية حكاية زاني وزانية والله الحكي ممكن ينسمع ويتبرر نوعاً ما... بس اذا الحكاية حكاية البنت زانية والرجال فاتح الأندلس هي الحقارة بعينها..

[sona78]

كاتب النص الأصلي : Reemi

لو قلبنا الآية ... وشي بنت هيي الي قامت بجريمة القتل -يعني قتلت زوجها اذا شافتو مع وحده تانيه او اذا شكت فيه - هل يا ترى كنا بنشوف نفس الروح من التعليقات؟

المشكلة يا ريمي انو عند الرجال، طبعا من وجهة دينية اسلامية هلق، انو يحق الو الزواج حتى اربعة وما ملكت ايمانكم .... والمهم انها تؤتي اجرها .. بالتالي في شوية صعوبة انو الواحد يعكس المسالة لما بيتعلق الامر بتطبيق الدين بتفسيراتو الحالية .. وحتى في هيك حالة المراة اولا واخيرا بالمجتمع امراة منزلتها اقل من الرجل بامور كتيرة..

بتوقع انو المشكلة كل مانها عم تاخد ابعاد اكتر ولك مانها عم تكتر كون مجتمعنا بشكل عام عندو الاحساس بالعجز بالشرف سواء بالعمل او المجتمع ... يعني عنا جالة عجز واحساس بانتقاص للرجولية بسبب سحق المجتمع للانسان ... يلي بيتبهدل كل يوم شي من شرطي شي من رئس عمل.. لك احيانا حتى من عامل الخدمة بيحاول انو يثبت وجودو بشي تاني تافه بس بهدف الاحساس بالنفس .. وللاسف غالبا المراة هيي يلي بتدفع الثمن لانها المجال الوحيد يلي بوفرو قانونا للرجل ... اكيد في حالات اخرى هيي التعصب او التخلف بس هي الظاهرة منتشرة حتى ضمن بعض الفئات يلي بطلق عليها متعلمة .. و للاسف مسحوقة

[sona78]

كاتب النص الأصلي : hashtnasht

اي عنا موروث نحنا مهم يعني .و الحمد لله ....ما حدا قدنا عنو موروث بالعالم كلو ...متفوقين جداص بموضوع الموروثات ..و التقاليد و المستحاثات و هيك قصص ....حتى انو في احتمال يعطونا ISO 2009 , اي بشرفي .

هلأ انا شخصياً بعتقد انو اليهوج هني ورا هالموضوع ...نعم اليهود هني من يقف وراء جرائم الشرف و من زمان يعني ...لانو من اكتر من 2000 سنة و قت و قف المسيح و قال : من كان منكم بلا خطيئة فليرمها بحجر ) ,كان عم يحكي يهود , و اليهود هني الوحيدين اللي عندن حكم برجم الزاني , و على خلاف الاسلام , و على خالاف ما يعتقد غالبية المسلمون , و على خلاف ما يطبق بعض المسلمون ...مافي ولا حتى اشارة لرجم الزاني بالقرآن ....ابداً يعني .

و قال: (الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ وَلا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ) (النور:2) .
و قد بدأت الآية بالزانية قبل الزاني لأن الزنى من المرأة أفحش .

ما في ذكر للرجم ........ بس للجلد في ذكر ّ!!!! بتوقع ما في اختلاف كبير

[i m sam]

الحل بايدنا نحنا ومسؤوليتنا نحنا
مو بس هون باخوية لاننا كلنا متفقين انو هي عادات خطأ
مسؤوليتنا بالشارع وبشغلنا وبمدرستنا
مع جارنا او زميلنا بالشغل . لو صار وتكلمنا عن هالموضوع نعلمو الفرق بين الدين وبين العادات
بين الصح والخطا .
بيجوز بدو وقت بس كل واحد بيغير شخص حواليه وهيك لحتى نصل للصح والمشوار بيبدى بخطوة وانا شايف انو قربنا لنصل مو بعيد ....

[HashtNasht]

كاتب النص الأصلي : sona78

ما في ذكر للرجم ........ بس للجلد في ذكر ّ!!!! بتوقع ما في اختلاف كبير

لاء في فرق و في فرق سوبر كبير .

هلأ لحتى ما يصير أزمة مصطلحات و كل واحد يغني على ليلاه ( مع انو انا بحب غني على ليلاليي بشكل عام يعني ) .

بس قبل ما نفوت بالمصطلحات بدي حط هالحديث :

جاءت اليهود برجل وامرأة منهم زنيا قال : ائتوني بأعلم رجلين منكم . فأتوه بابني صوريا . فنشدهما كيف تجدان أمر هذين في التوراة ؟ قالا : نجد في التوراة إذا شهد أربعة : أنهم رأوا ذكره في فرجها مثل الميل(المرود) في المكحلة رُجما (لثبوت الزنى بذلك, أي أنه لاشك أمنى في فرجها بعد إدخاله تماما)، قال : فما يمنعكما أن ترجموهما ؟ قالا : ذهب سلطاننا ، فكرهنا القتل . فدعا رسول الله صلى الله عليه وسلم بالشهود ، فجاؤوا بأربعة فشهدوا أنهم رأوا ذكره في فرجها مثل الميل في المكحلة ، فأمر رسول الله صلى الله عليه وسلم برجمهما
الراوي: جابر بن عبدالله - خلاصة الدرجة: صحيح - المحدث: الألباني - المصدر: صحيح أبي داود

هاد الحديث هو يعني من اهم مراجع التاس اللي بيفتو برجم الزاني و الزانية , و بأكدو على تحقق الشروط المذكورة بالحديث , و باكدو بهالشي هاد كلو بانو الرجم عادة يهودية لا اساس لها بالقرآن .

هلأ منجي للمصطلحات :

الزنا: شو هو الزنا .بالنسبة للشريعة الاسلامية الزنا هو :وطء من مكلف في فرجٍ حرام في قبل أو دبر , يعني ببساطة هو وطء المرأة من غير عقد شرعي .

أما بالقانون المدني لفرنسي مثلاً فالزنا هو : اتصال جنسي أو معاشرة جنسية بين شخص متزوج وشخص آخر أياً كان هذا الشخص، وأياً كان نوع هذا الاتصال الجنسي،و هي تصنف تحت خيانة أو نقض عهود الزواج .


اذاً و بدون ما كتير نفوت بالتفاصيل فالزنا هو مختلف بين المفهوم الشرعي و المفهوم القانوني, من وجهة النظر الشرعية أي شخص مكلف ( يعني واعي و راشد ) ممكن يزني اذا حقق الشروط ( اللي رح نحكي عنها بعدين ) و بيتعاقب حسب الحالة , و الزنى هو فاحشة من الفواحش ...بس هو فاحشة كبيرة يعني.
بالقانون العلماني , الزنى هو فعل لازم تكون متزوج اصلاً لحتى تكون مؤهل لارتكابه , و غير هيك ما بكون زنى ..و بينطبق مفهوم الفاحشة على أمور تانية الها علاقة بالقرابة و العلاقة مع قاصر مثلاً ..بس يعني هاد ما هو الزنى اذا بدكن , بيدخل بباب الجريمة اكتر يعني كمفهوم غربي علماني .

هلأ لنرجع أنو كيف منحكم أنو هاد زنى أو لاء , بدنا نمير بين الشرعي , و القانوني العلماني .

شرعياً لحتى يثبت الزنى بغير الاعتراف لازم يكون في اربع شهود شافو بنفس المكان و الزمان عملية دخول حشفة الذكر داخل فرج الانثى الاصلي بين شخصين محرمين لبعض و مكلفين و بدون اكراه . و هاد هو الزنى اللي بيستوجب الحد , اساساص الزنى هو فقط اللي بيستوجب الح , و ما بقية الفواحش

اذاً هاد هو الزنى تقريباً , يعني انا ماني مفتي ولا شيخ بس انو هيك شي الموضوع .و غير هيك بكون مانو زنى , يعني مثلاً , واحد و وحدة من غير هدوم و ع تخت , و واصلين لهزة الجماع مثلاً بس ما دخلت حشفة الذكر بفرج الانثى , اي ما بكونو عم يزنو ...الله وكيلكن يعني , بكونو عملوا فاحشة , او سيئة , او هيك شي , و ما حدا الو معن شي , و لا بيتحاسبو.و مثال على هالشي مشهور يعني :

في صحيح مسلم وغيره عن ابن مسعود : (أن رجلاً جاء إلى النبي صلى الله عليه وسلم فقال يا رسول الله إني عالجت امرأة في أقصى المدينة وإني أصبت منها ما دون أن أمسها ،فأنا هذا فاقض في ما شئت ،فقال له عمر: لقد سترك الله لو سترت على نفسك، قال فلم يرد النبي صلى الله عليه وسلم شيئاً ،فقام الرجل فانطلق ،فأتبعه النبي صلى الله عليه وسلم رجلاً دعاه وتلا عليه هذه الآية : (وَأَقِمِ الصَّلاَةَ طَرَفَيِ النَّهَارِ وَزُلَفاً مِّنَ اللَّيْلِ إِنَّ الْحَسَنَاتِ يُذْهِبْنَ السَّـيِّئَاتِ ذَلِكَ ذِكْرَى لِلذَّاكِرِينَ)

اوك , هيك منفهم انو لحتى يتطبق الحد الشرعي , لازم يكون في اقرار من المتهمين , او في اربع شهود شايفين التفاصيل بشكل واضح يعني . غير هيك ما بيتطبق الحد .

و الحد هو 100 جلدة و تغريب عام , في حال كان الفاعلين غير متزوجين , و الحكيم هو 100 جلدة و الرجم في حال كان الفاعلين متزوجين . و هون نقطة الخلاف بموضوع الرجم , نظرا لكون النص القرآني واضح بهالموضوع , بينما مؤيدي نظرية الرجم بيعتمدوا على احاديث و سير نبوية .

اما بالنسبة للقانون العلماني , فتحديد وقوع جريمة الزنى بكون عن طريق المحكمة , و التحقيقات , عن طريق شهود , بالاستجواب , عن طريق تنصت ع مكالمات هاتفية , تحاليل طبية , اي شي بينفع بعلم الجريمة يعني , و في حال تم فعلأ اثبات انو احد طرفي العلاقة الزوجية عم يخون الطرف الاخر بعلاقة جنسية بطريقة او باخرى يعني, بكون في احكام قضائية ضد هالطرف و بتتنوع بين الطلاق و الغرامات المالية , و السجن , و هيك قصص يعني .

اما ما يتعلق بالعلاقات الجنسية خارج اطار الزواج ف هيي شرعية بمعظم الدول العلمانية بشروط العمر و و خلافو , بس انو يعني هي لا تدخل في اطار الزنى , هي اما علاقة شرعية ما بتخالف القانون , او انو فغي جنحة او جناية بالموضوع , بس مافي زنى و الحمدلله يعني .


هلأ منجي عاد للخلاصة:

1- الزنى بالمفهوم القانوني \العلماني\ الغربي : ينحصر بالمتزوجين و لا ينحصر بالجماع و عقوبات احكامه لا تصل الى القتل
2- الزنى بالمفهوم الشرعي الاسلامي : لا ينحصر بالمتزوجين و لكن ينحصر بالجماع و ليس ما دونه , و عقوبات احكامه تصل الى القتل رجماً في حالة المتزوجين , مع الاشارة ان حكم الرجم محل جدل من قبل علماء المسلمين نظراً لكونه يخالف النص القراني .
3- جرائم الشرف في سوريا تأتي في اطار لا علاقة له لا بالعلماني و لا بالديني الشرعي , و تطبق فيها معايير و مفاهيم من قبل مرتكمي الجرائم و مخففي العقوبات على السواء لا يعرف مصدرها ,ولا أصلها , و ليس لها نص مكتوب, أو معايير دقيقة .
4- الحقيقة الواضحة الوحيدة هي ان جرائم الشرف تتعلق بالشرف وحده و ليس بالدين او القانون , و إن عملية تحديد مفهوم الشرف في هذا الاطار تبدو مهمة صعبة للغاية
5- رأيي الشخصي المتواضع أنو الفقرة المتعلقة بتخفيف الاحكام بقضايا الشرف هي فكرة أبو شهاب , من حيث انو هو ما بيحكي شكلين يعني , و من حيث انو الزلمي شواربو بهدي عليهن النسر .و هو مضطر و ما عندو اي خيار تاني غير انو يقتل مرتو او اختو او امو او ستو اذا غلطت و مسكت ايد شب , لانو ما بعود عندو مجال يرفع راسو قدام عضوات الحارة , و بيتنكس عقالو , و بصير ينحكي عليه انو عكروت ..و طبعا الف كلمة الله يرحمها ولا كلمة عكروت .

و ختاماً لا يسعنى الا ان نستذكر قول الشاعر:

لا يَسلَمُ الشَرَفُ الرَفيعُ مِنَ الأَذى حَتّى يُراقَ عَلى جَوانِبِـهِ الـدَم











اي هلأ بكون في واحد عم يهز براسو , و مبوز هيك و اخد موقف ,. و عم يقول مزبوط...هي من زماان كتير حكاها الشاعر و قال لا يسلم الشرف الا اذا سال الدم ..اذا ما دبحتا بكرا بتفلت و بتفلت غيرها , لازم تنقتل ( سمايلي حمار )

هاد الواحد اللي عم يفكر هيك , بحب وجهلوا رسالة شخصية ....: ليك حبيب قلبي . الشرف الرفيع اكيد هاد ما شرفك يعني , و حتى اذا فرضنا انو شرفك , ما حدا عاطيك رخصة تغسلو بدم اختك او مرتك ,او امك , و اذا بدك تفهم شو معناة بيت هالشعر , ف هو يوسف العظمة وقت كان بميسلون ,و كان عم يحارب بشرف , و استشهد وسال دمو هو وكل الشهداء الابطال اللي معو ليدافعو عن وطنهن ..ليدافعو عن اخواتهن , وامهاتن , و زوجاتهن ....يا بجم ., يا كركدن , يا متخلف