عرفي متعتة مسيار حل ام سوء اختيار

[nour333]

طبعا موضوعي تم التطرق الو لكن حببت انو اعرف رأي الشباب فيه من عدة جوانب

الزواج العرفي اغلب انتشارو في مصر وفي الفترة الاخيرة انتشر بين طلبة الجامعات
وفيه يكتب الشاب والفتاه ورقعه ويوقع على هذه الورقة اثنان شهود

المتعة عند اخواننا الشيعة ويقوم على مبدأ يحق للرجل عمل عقد زواج غير موثق للمتعة فقط على ان تكون المرأة ثيب ( ارملة او مطلقة) و اصبح الآن حتى للمرأة البكر

المسيار منتشر بالسعوديه ودول الخليخ وهاي الدول بتعاني من نسب طلاق مرتفعة

ما بدي طول بشرح بس بدي ناقش الموضوع بموضوعية في ناس بتقول انو مرفوض قطعيا(وانا منهم)
وفي ناس بقولو بضل اسمو زواج بظل الظروف الصعبه في كتير شباب من الجنسين ما بيقدرو ع تكاليف الزواج العادي فبدل ما يلجؤوا للعلاقات الغير شرعية هاد الزواج بيحصرها يعني ع الاقل البنت او الشب ما بيتنقل بأكتر من علاقه

وفي رأي معتدل بيوافق على هاد الزواج للمرأة الثيب(ارملة او مطلقة) حتى هاي المرأة تعف نفسها وكمان هؤولاء النساء بالمجتمعات الشرقية بتقل الرغبة بالزواج منهم او بيضطرو يتزوجو من رجال مسنين أضافة انو المرأة الثيب ما رح تتأثر متل البكر بهذا الزواج

هاي مجموعة من الآراء لخصتها ومستني وجهة نظركم

[osian]

ضد ضد ضد
هادا زوااااج مو حياالله يعني ألو شروطه وأحكامه ولكل طرف حقوق وواجبات
وكل الزواجات السابقة (مسيار -عرفي -...) فيها تقليل من حقوق المرأه كتير موشوي ,وهالشي ما بجوز حتى لو هيي وافقت
لأن الشغله مو ما يطلبه الجمهور يعني أنا هيك بدي بقوم بحلله ,وبرأيي الزواجات هدول ما بيتسمو زواج

[أإأبو العبد]

اذا كان في قبول من الطرفين ليش لا

[MadMax]

أي زواج بصير بدون ما يكون دافعو الحب .... و هدفو تشكيل اسرة ...أو علاقة أبدية بين شخصين
فهو عبارة عن زنى شرعي .... لا بل أسوأ

[*Marwa*]

كلـو أضرب من بعضـو ..

وانا ضد هيك زواجات حتى لو في حب بين الطرفين.. الزواج الشرعي هوي واحد وشروطه محددة ..انا ضد أي تغيير بـ بند من بنود الزواج!!
وبالنسبة للتكـاليف والظروف الصعبة..ازا بيحبوا بعض عنجد.. ما رح تقعد البنت تطّلع على قصة المهر والمصاري والقصص هاي كلها ..

[عطر الايام]

انا ضد هالانواع كلها
ومتل ماحكت marwa انو ازا في حب محا توقف البنت على قصة المصاري
بالعكس حيبنوا حياتهن سوا بس انو يلجأوا لهيك طرق لاااااااااااا

[أإأبو العبد]

كاتب النص الأصلي : بنت الشام

انا ضد هالانواع كلها
ومتل ماحكت marwa انو ازا في حب محا توقف البنت على قصة المصاري
بالعكس حيبنوا حياتهن سوا بس انو يلجأوا لهيك طرق لاااااااااااا

ياجماعة انتو عن اي حب عمتحكو لك اذا انتو الله رازقن بشوية حرية
في غيركون ماعندو حرية حتى يطلع من البيت مشان يحب خصوصي بالخليج وتحديدا السعودية
شو يعملو هدول وكلنا منعرف المهور يلي بيطلبوها هناك اقل مهر اقل مهر ها يعني الي عند الفئة المتوسطة او الاقل من المتوسطة 100.000 ريال سعودي ضرب 13 بيطلع 1.300.000 سوري في منو هالشي بسوريا او ببلادنا عموما
واكيد الشب رح يروح يدور على شي بنت يتزوجا بوحدة من هالطرق
وبمصر بتلاقي الشب والصبية بيحبو بعض تلاتمية الف سنة والشب بعدو عميدور على وظيفة لحتى يبدا يكون نفسو فبيلجأو للعرفي لحتى يحطو اهليهن تحت الامر الواقع

ومنجي للبنت او المرأة البنت اذا صار عمرا قوق 30 راحت عليها واذا كانت ارملة او مطلقة نفس الشي فكمان هي رح اتدور على هالطرق للزواج

انا شخصيا ضد الزواج بدون حب بس بهالحالات شو بدنا نعمل

[osian]

يعملو يلي بدن
بس هالأنواع مو زواج
الزواج إلو قدسية وهالأنواع فيها اعتداء ع قدسية الزواج

[flower bomb]

ضد ضد ومليون ضد
الزواج علاقة مقدسة تتطلب شروط وبنود لتكون علاقة معترف فيها
الانواع كلها(عرفي,متعه ,مسيار..............الخ)مو زواج ,شاطرين بس يخترعوا اسماء وطرق ليحللوا لأنفسهم العلاقات الغير مشروعه

[ِAbu Alzooz]

اووووووووووووف ايلي رجعة و مطولة كمان

[saman]

انا بصراحة مع .. واشدد على كلمة مع ...بس ليش ؟!
لانو يا عيني هلأ الواحد بيحب وحدة .. بدو يروح يخطبها ... ما بتزبط .. لانو بدهن بيت وسيارة وعفش ومهر ولبس بدن ودهب ... الخ الخ الخ ... يعني هون بتوقع ازا كان الشب ما عندو قدرة لكل هدول فا ما رح يتجوزها حتى لو كان بيحبها ... يا اما بيجي حل ...متعة او عرفي ...(المسيار ما بعرف شو هوي ) ....

اضافة لانو من الناحية الجنسية ... البنت والشب في كتيييييير منههن ما بيقدر يتحمل انو يضل لعمر الـ 25 او 28 بلا ما يعمل علاقة مع الجنس الآخر ... يعني يا اما بدو يعمل هالعلاقة عن طريق الزنا .. يا اما بدو يمارس العادة السرية .. وهدول الشغلتين يعتبروا بالشرع حرام ... يا اما بدو يتجوز متعنة او عرفي .. ويفضي شهوتو بالمرأة .. والمرأة تفضي شهوتها فيه .. وهادا برأيي علاج مناسب لهالقصة ....

بالنهاية .. مالي حابب ادخل بقصة المذاهب .. وانو عند عالم هالزواج حلال وعند عالم تانين هق ... انا بالنسبة الي ما عندي مشكلة .. ازا حبيت شي وحدة وتزوجتها متعة او عرفي ... لانو بالنهاية انا بعتبر هي مرحلة انتقالية ... لاتجوزها بعدين ... زواج دائم

بس ملاحظة :

[QUOTEالمتعة عند اخواننا الشيعة ويقوم على مبدأ يحق للرجل عمل عقد زواج غير موثق للمتعة فقط على ان تكون المرأة ثيب ( ارملة او مطلقة) و اصبح الآن حتى للمرأة البكر[/QUOTE]
زواج المتعة بيقوم على صيغة الزواج الطبيعية بين الرجل والمرأة .. يعني في مهر وفي كل شي .. بس الفرق .. انو هوي زواج مؤقت .. يعني ممكن ساعة .. ممكن شهر .. ممكن سنة .. ممكن عشر سنين ...يعني الفارق فقط انو هادا الزواج محدد بوقت معين وينتهي بانتهاء هاد الوقت ...
وشغلة تانية انو زواج المتعة للبكر لازم يكون بموافقة ولي أمرها .. اما الارملة والطلقة فهيي ولية نفسها ...(هادا حسب علماء الشيعة طبعاً)

[لمعه الالماسه]

انا ضد متل هذه المسمى الزواج
الزواج هو استقرار وحب وعائلة
وانا اكره لما البنت بتقبل تتزوج متعه او اي نوع اخر غير الشرعي
والبنت مش سلعه ولما يحب الرجل ان يمتع نفسو وما بدو يتحمل مسؤليه بيلجأ لهيك زواج سهل بالنسبه ايلو
والرجل مفروض يكون سند وعاطفه وحمايه ورعايه
وانا مع ان البنت تفضل عانس اشرف لها بأن تكون بضاعه رخيصه
ومشكور على الموضوع الجميل
وتقبل مروري

[أإأبو العبد]

كاتب النص الأصلي : لمعه الالماسه

انا ضد متل هذه المسمى الزواج
الزواج هو استقرار وحب وعائلة
وانا اكره لما البنت بتقبل تتزوج متعه او اي نوع اخر غير الشرعي
والبنت مش سلعه ولما يحب الرجل ان يمتع نفسو وما بدو يتحمل مسؤليه بيلجأ لهيك زواج سهل بالنسبه ايلو
والرجل مفروض يكون سند وعاطفه وحمايه ورعايه
وانا مع ان البنت تفضل عانس اشرف لها بأن تكون بضاعه رخيصه
ومشكور على الموضوع الجميل
وتقبل مروري

خلينا نكون واقعيين اكتر

[mhsen77]

كلها مسميات لتحليل المحرم على مين عم يضحكوا؟
عالرب او عالدين؟؟؟
الزواج زواج
متلها متل شغلة المحلل (( بالعامية بيسموها تجحيش ))
يعني عم يبرمو حول الدين وهي اصعب شي بهالقصة
والزواج المدني اشرف بالف مرة من هيك قصص عالاقل مانو باسم الدين ((مع اني ضد الزواج المدني))
ام ان الغاية تبرر الوسيلة

[nour333]

كاتب النص الأصلي : أإأبو العبد

اذا كان في قبول من الطرفين ليش لا

نسيت كمان موافقة الولي بالنسبة للمرأة غير هيك يعتبر العقد باطل عند اغلب اهل السنة

[nour333]

كاتب النص الأصلي : MadMax

أي زواج بصير بدون ما يكون دافعو الحب .... و هدفو تشكيل اسرة ...أو علاقة أبدية بين شخصين
فهو عبارة عن زنى شرعي .... لا بل أسوأ

من دون كلمة الحب انا معك 100%
اما الحب هاد حكي افلام بس الواقع شي تاني

[nour333]

كاتب النص الأصلي : *Marwa*

كلـو أضرب من بعضـو ..

وانا ضد هيك زواجات حتى لو في حب بين الطرفين.. الزواج الشرعي هوي واحد وشروطه محددة ..انا ضد أي تغيير بـ بند من بنود الزواج!!
وبالنسبة للتكـاليف والظروف الصعبة..ازا بيحبوا بعض عنجد.. ما رح تقعد البنت تطّلع على قصة المهر والمصاري والقصص هاي كلها ..

الموضوع اكبر من قصة مهر وحفلة عرس لنفرض انو الشب ما دفع شي بالبنت المشكلة بدهم لو غرفة يعيشو فيها بدهم ياكلو يشربو يمرضو مو معقول يتزوجو ويعيشو
ع البناء الضوئي

[أإأبو العبد]

كاتب النص الأصلي : nour333

نسيت كمان موافقة الولي بالنسبة للمرأة غير هيك يعتبر العقد باطل عند اغلب اهل السنة

هلا بدنا نضحك على بعضنا الزنى الشرعي (العرفي) بدو موافقة الولي
الولي بكون بالبيت ومركب قرون ومو دريان عن شي

اما اذا قصدك عن المسيار فهاد الموضوع كبير ومتشعب وانا شخصيا مامقتنع فيه بس اذا بدنا نشوف حال هالشباب والشابات الي عندن كبت جنسي شو بدن يعملو بيضل احسن من الزنى الي مش شرعي
بس انا برايي يابخت مين وفق راسين عالمخدة

هو اكيد مافي احلى من انو الواحد يكون قاعد حد المدام عالكوشة والكل عميرقصو ويغنو حوليه وهو وهي ماسكين ايدين بعض

ايييييه الله يفرجا