المدارس الخاصة .. شو وضعا ؟

[Abu ToNi]

من المتعارف عليه أن المدارس الخاصة لا تمتلك صلاحية تقرير مناهجها الدراسية
بل تقوم الدولة بتحديد مناهجها لتكون مطابقة تماما للمناهج الرسمية المتبعة في الدوائر الحكومية
الأمر الذي أدى إلى تحجيم دور هذه المدارس بنوعية الاهتمام المؤدى إلى الطلاب بغض النظر عن التميّز بالمادة العلمية التي يتم منحها أو حتى بالأسلوب وطريقة المتبعة في التعليم !!

توحيد المناهج يراه البعض نقطة ايجابية ومدروسة لمحاولة لكسر الفروقات بين الطالب الغني القادر على دفع الرسوم العالية للمدارس الخاصة والطالب ذو الإمكانيات المادية المتواضعة ، بحيث ان كلاهما يحصلان على نفس المستوى العلمي ونفس المقدار من المعلومات ، ويختلف الاثنان فقط في نقطة الاهتمام الذي يحصلان عليه .
فمن العدل ألا يتم التفرقة بين الغني والفقير على الأقل في مجال العلم .

بالرغم من ذلك ، هل يمكننا اعتبار تحجيم المدارس بالمقررات التي توافق عليها الحكومة أمر منطقي وعادل ؟
وهل يحق لنا بعد سحب صلاحية اختيار المناهج للمدارس الخاصة أن ندعوها " خاصة " ونطالبها بأداء مميز ونوجه إليها أصبع التحقير لعدم قدرتها على إنتاج طلاب مميزين علميا ومعرفيا ؟

[Sun Shine Art]

رغم السلبيات والاجابيات ان كانت بالخاصه او العامه ...

بس ما بعتقد انه الخاصه بالتحديد لح تعطي هل الاهتمام الكامل الطلاب المتميزين ...حتى لو انعطيت الصلاحيات او الحريه بطريقه التعليم ...

والي رجعه

[..Jimy]

والله يعني نحنا عنا:

جامعة الوادي الدوليي..
جامعة الحواش الخاصة..
ومدرسة المزيني الخاصة..

بالنسبي لمدرسة المزيني فيها من الخامس للبكلوريا..
وفيها كادر تعليمي سمعتو طيبي..

بس مثلاً ما في بالكادر عندن استاذ عربي متل يلي بثانوية الحواش..أو استاذ رياضيات متل يلي بثانوية مرمريتا.. (وهيدول استاذين مشهوين كتير عمستوى المنطقة..)

وبشكل عام المدارس الحكوميي بالمنطقة عندها كوادر ممتازي..
ويلي بيروحو عمدرسة المزيني الخاصة ..بروحو مشان استاذ معيين.. لأنو دروسي الخصوصي بتكون اغلى .. والمدرسي مانها متقدم اي شي جديد.. او اي اسلوب مختلف..

بس يعني معظم المدارس الحكوميي هون..بنفس مستوى المدرسي الخاصة..ومنن افضل..
وحتى نسبة المتفوقين بالمدراس الحكوميي (هون) اعلى..

[Dndoshy]

كاتب النص الأصلي : Abu ToNi

هل يمكننا اعتبار تحجيم المدارس بالمقررات التي توافق عليها الحكومة أمر منطقي وعادل ؟

عادل بالنسبة لالفقراء وغير عادل بالنسبة للأغنياء

وهل يحق لنا بعد سحب صلاحية اختيار المناهج للمدارس الخاصة أن ندعوها " خاصة " ونطالبها بأداء مميز ونوجه إليها أصبع التحقير لعدم قدرتها على إنتاج طلاب مميزين علميا ومعرفيا ؟

أكيد فينا نعتبرها خاصة لأنو بضل فيها اهتمام خاص من قبل المعلمين للطلاب
غير الإهتمام يلي بيتلقاه الطلاب في المدارس العامة

ما بظن أنو فينا نطالب أي مدرسة بأداء مميز لأنو هي الشغلة بترجع لـ الطالب نفسو
أنا عندي رفقات بمدرسة خاصة..ألون حوالي الـ تات سنين فيها وما بتتصور أديش أساهن خوتين بكل المواد.

[فسحة أمل]

بالنسبه لهاد الموضوع بالذات المدارس الخاصة ملتزمة بالمنهاج الحكومي بس بامكانها تضيف مواد للمنهاج الرسمي
على سبيل المثال بالمدرسة يلي أنا فيها اضافة للمنهاج الحكومي فيه مواد تانية اضافية تدرس باللغة الانكليزية متل كتاب علوم وكتاب رياضيات, فيزيا ...الخ تدرس باللغة الانكليزية , اضافة لكتب انكليزي خاصة بالمدرسة غير كتب المنهاج , كمان بخصوص مواد الكومبيوتر في اضافات كتير كبيرة بالمنهاج ما فيك تقارنها بالمدارس الحكومية

[Abu ToNi]

كاتب النص الأصلي : Sun Shine Art

رغم السلبيات والاجابيات ان كانت بالخاصه او العامه ...

بس ما بعتقد انه الخاصه بالتحديد لح تعطي هل الاهتمام الكامل الطلاب المتميزين ...حتى لو انعطيت الصلاحيات او الحريه بطريقه التعليم ...

والي رجعه

الاهتمام من ايا نوع برأيك ؟
يعني لهلق ما شفت بكل تاريخي طالب مميز تم الاعتناء فيه وتصقيل تميزه ، الشي اللي ممكن يترجع على انه المدرسة الخاصة ما بتقدم ايا تسهيل مثلا للوصول إلى الجامعة ، يعني حتى الشهادات والفحوصات عما تكون رسمية ومعممة على كافة المؤسسات بغض النظر عن عامة وخاصة !

[Abu ToNi]

كاتب النص الأصلي : ..Jimy

والله يعني نحنا عنا:

جامعة الوادي الدوليي..
جامعة الحواش الخاصة..
ومدرسة المزيني الخاصة..

بالنسبي لمدرسة المزيني فيها من الخامس للبكلوريا..
وفيها كادر تعليمي سمعتو طيبي..

بس مثلاً ما في بالكادر عندن استاذ عربي متل يلي بثانوية الحواش..أو استاذ رياضيات متل يلي بثانوية مرمريتا.. (وهيدول استاذين مشهوين كتير عمستوى المنطقة..)

وبشكل عام المدارس الحكوميي بالمنطقة عندها كوادر ممتازي..
ويلي بيروحو عمدرسة المزيني الخاصة ..بروحو مشان استاذ معيين.. لأنو دروسي الخصوصي بتكون اغلى .. والمدرسي مانها متقدم اي شي جديد.. او اي اسلوب مختلف..

بس يعني معظم المدارس الحكوميي هون..بنفس مستوى المدرسي الخاصة..ومنن افضل..
وحتى نسبة المتفوقين بالمدراس الحكوميي (هون) اعلى..

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة "

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان انا بدفع 550 ليرة فقط لا غير بالسنة هوي بيتخوزق بالـ 100 الف وما فوق


* الياء الحمصية شيت الوادي عندك

[باشق مجروح]

أبو طوني كل انزعاجو من رفيقو أبو الـ 100 ألف .
بالنسبة للموضوع فبرأيي انو المدراس الخاصة بتقدر تكون مميزة و أفضل من الحكوميي* . باختيار سياسة تدريسية جديدة و ادخال مناهج جديدة و مقررات بتنمي القدرة الابداعية عند الطلاب . الي صاير عندنا هوي رغبة المدارس بالربح المادي و عدم رغبة الاهالي بالمخاطرة بأولادهون لـ أفكار جديدة .
فبتلجأ المدارس لتجميع كادر تعليمي الو شهرتو واسمو بالمناطق الموجودة فيها لجذب النااس بدون المخاطرة بطرح اي فكرة جديدة او اسلوب جديد.

* وهي كمان ياء شيت الوادي .

[Abu ToNi]

عادل بالنسبة لالفقراء وغير عادل بالنسبة للأغنياء

بزمانه هاني عزوز رئيس نادي الجلاء الحالي والراعي الرسمي للنادي
طالب اتحاد السلة بجعل مباريات الدوري شاملة على لاعبين اجنبيين بالملعب لرفع اداء الدوري وتحسين صورته
اجا الرد بأن اغلبية الفرق ما عندا القدرة على شراء اجنبي واحد .. فكيف اذا طالبت بأجنبيين

ومن وقتا ومستوا اللعبة بتراجع مستمر ، الفكرة بتنبع من انك اذا راعيت الضعيف ونزلت لمستواه بدك تبقى ضعيف طول عمرك .. سحاب الفكرة هي نفسا علمدارس وخبرني شو بصير معك

كاتب النص الأصلي : wewe4de

أكيد فينا نعتبرها خاصة لأنو بضل فيها اهتمام خاص من قبل المعلمين للطلاب
غير الإهتمام يلي بيتلقاه الطلاب في المدارس العامة

ما بظن أنو فينا نطالب أي مدرسة بأداء مميز لأنو هي الشغلة بترجع لـ الطالب نفسو
أنا عندي رفقات بمدرسة خاصة..ألون حوالي الـ تات سنين فيها وما بتتصور أديش أساهن خوتين بكل المواد.

المدرسة الخاصة ما لازم يكون مستواها متميز بالجو تبعها ، انه اغلبية طلابها من الطبقة الغنية وكل واحد شايل موبايل وكل واحد مدري شو يفترض يكون بالمستوى الـ " خاص " اللي عما يتقدملن .
اذا صار والتقيت بشخص مهندس او طبيب او حامل شهادة من ايا نوع وكان من فوق الـ 50 ، اذا حكيت معه على اللغة مثلا بتلاقيه اما متحسر لأن ما كان مسجل بمدرسة خاصة الشي اللي خلاه ما بيعرف لغة اجنبية لحد اللحظة
او بيحكي بطلاقة اللغة الأجنبية وبقلك بكل فخر " انا ترباية المدرسة الفلانية "

حاليا طلاب مدارس الخاصة بيدرس اللغة 13 سنة وبيطلع ما بيعرف يحكي كلمة ليش ؟ لأن مناهجه محددة من قبل الدولة ويفترض يلتزموا فيها

[Abu ToNi]

كاتب النص الأصلي : فسحة أمل

بالنسبه لهاد الموضوع بالذات المدارس الخاصة ملتزمة بالمنهاج الحكومي بس بامكانها تضيف مواد للمنهاج الرسمي
على سبيل المثال بالمدرسة يلي أنا فيها اضافة للمنهاج الحكومي فيه مواد تانية اضافية تدرس باللغة الانكليزية متل كتاب علوم وكتاب رياضيات, فيزيا ...الخ تدرس باللغة الانكليزية , اضافة لكتب انكليزي خاصة بالمدرسة غير كتب المنهاج , كمان بخصوص مواد الكومبيوتر في اضافات كتير كبيرة بالمنهاج ما فيك تقارنها بالمدارس الحكومية

طب سؤال الك كمعلم ، فينك تحط لمسة شخصية منك واتضيف شي معين علمادة ولا مجبور تلتزم بالمنهاج بحذافيره كما ورد ؟

فضفض خيو فضفض باينتك مخنوق وبدك تحكي

[Abu ToNi]

كاتب النص الأصلي : باشق مجروح

أبو طوني كل انزعاجو من رفيقو أبو الـ 100 ألف .
بالنسبة للموضوع فبرأيي انو المدراس الخاصة بتقدر تكون مميزة و أفضل من الحكوميي* . باختيار سياسة تدريسية جديدة و ادخال مناهج جديدة و مقررات بتنمي القدرة الابداعية عند الطلاب . الي صاير عندنا هوي رغبة المدارس بالربح المادي و عدم رغبة الاهالي بالمخاطرة بأولادهون لـ أفكار جديدة .
فبتلجأ المدارس لتجميع كادر تعليمي الو شهرتو واسمو بالمناطق الموجودة فيها لجذب النااس بدون المخاطرة بطرح اي فكرة جديدة او اسلوب جديد.

* وهي كمان ياء شيت الوادي .

ما كتير دقيق هلكلام
خصوصا مع فرض مناهج الدولة على المدارس الخاصة ومنعا من تغيير المناهج
حتى وان شردت شي مدرسة بمنهاج خاص فيها بتبقى الشهادة بإيد الدولة يعني التاسع والبكلوريا بتم الحصول علين فقط من قبل الدولة فما استفدنا شي ، انه درّس اللي بدك ياه وانا بدي جيب اسئلة الفحص من مناهجي وهويها يا معلم

هاموش : لا تاكل هم الزلمة مريّش ووضعه منيح ولهلق بشمت مشان المية الف اللي بدقا متل التوتو على اول كل سنة دراسية

[nour333]

كاتب النص الأصلي : Abu ToNi

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة "

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان انا بدفع 550 ليرة فقط لا غير بالسنة هوي بيتخوزق بالـ 100 الف وما فوق


* الياء الحمصية شيت الوادي عندك

احنا بالاردن كنا نعاني من هاي المشكله مع الجامعات الخاصة لهيك انحلت الشغلة برفع رسوم الجامعات الحكوميه فصارت ما كتير تفرق عن الجامعه الخاصه

[Marooshe]

لوماكانت شغلة توحيد المناهج بين الخاص والحكومي ، لكبرت الفجوات بين الطالب الفقير والغني

انا بشوف انو وبالرغم من سلبيات هالقصة .. ايجابياتها بترجح كفة الميزان لئلها .. وبالنسبة لصقل الطلاب المتميزين فهاد من واجب الدولة والحكومة قبل ما يكون من واجب المدرسة ..

وضع المدارس الخاصة بين قوسين من ناحية المناهج ما بيحد من قدرتها على العطاء بشكل متميز ،
بيبقى عندها الرفاهية لي بتقدمها لطلابها ومشاريع تنموية كتيرة اخرى فيها تعملها لتنمية قدرات الطلاب .. يعني الصفات الاكسترا لي فيها هيي يلي بتطلق عليها صفة ال"خاص" ، وبرأيي لهون بيكفي .. العدل انو كل طالب يحصل على نفس التعليم الاساسي بدون تفرقة المستوى الاجتماعي - الاقتصادي وهيك بيكون في اساس تعليمي واحد مشترك للكل ولي معو يدفع لرفاهيتو ولفعاليات ومشاريع تعليمية - تربوية بيروح ع المدارس الخاصة وبيتمتع بميزاتها الخاصة ..


عدا عن هيك ، اليوم درجت شغلة التعليم البديل و(عنا ع الاقل) صار في مدارس للتعليم البديل وموافق عليها حكومياً .. هي المدارس الدخول لئلها مكلف اكتر من المدارس الخاصة بشوي كتير ، بس اختلافها ما بيكمن باختلاف المناهج فقط وانما باختلاف طرق التدريس وطرق تعاطي المعلمين مع الطلاب وكمان بتعطي الفرصة للطالب مهما كان عمرو انو يختار المواضيع لي بدو يدرسها وكيف حابب انو يدرسها (عدا عن كام موضوع اساسي طبعا) وبتستخدم بمناهجها مستويات وطرق جديدة ومختلفة ومتنوعة عم تخلق طلاب متميزين ومبدعين .. فهي كمان فيها تكون حل بديل للي عم يحتج ع المناهج التعليمية ..

[باشق مجروح]

كاتب النص الأصلي : Abu ToNi

ما كتير دقيق هلكلام
خصوصا مع فرض مناهج الدولة على المدارس الخاصة ومنعا من تغيير المناهج
حتى وان شردت شي مدرسة بمنهاج خاص فيها بتبقى الشهادة بإيد الدولة يعني التاسع والبكلوريا بتم الحصول علين فقط من قبل الدولة فما استفدنا شي ، انه درّس اللي بدك ياه وانا بدي جيب اسئلة الفحص من مناهجي وهويها يا معلم

انا ما قلت تغيير المنهاج ولا انقلاب عليه
قلت افكار جديدة متل تحسين المطالعة عند الطلاب
تقوية الطلاب باللغات والكمبيوتر
تحسين اساليب التدريس
بيكون بالنتيجة في جيل متخرج من مدارس خاصة أكثر كفاءة من الحكومي الي يبدو ما في منها امل بهالمرحلة.

[..Jimy]

كاتب النص الأصلي : Abu ToNi

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة "

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان انا بدفع 550 ليرة فقط لا غير بالسنة هوي بيتخوزق بالـ 100 الف وما فوق


* الياء الحمصية شيت الوادي عندك

ممكن في حواجز ادام المدارس الخاصة.. بالشهاتين التاسع والبكلوريا وبس..
في ما عدا هالصفيين.. ابدا مافي حواجز.. لأنن معهن الصلاحيي انو يضيفو مواد جديدي..
(وفي كتير عنا مدارس تحضيرية وابتدائة بتعطي اللغات والكمبيوتر بشكل مميز)

كمان مشان جامعة الوادي وجامعة الحواش.. فمناهجن مختلفي تماما..والدكاترة المان وكنديين..
وفي بعض الفروع بالجامعتين ما في الهن نظير بالجامعات الحكوميي..

وحاليا بعض طلاب جامعة الوادي* رح يسافرو عإلمانيا لمدة ست شهور..ورح ياخدو شهادات المانية ..

المدرسة الخاصة ما لازم يكون مستواها متميز بالجو تبعها ، انه اغلبية طلابها من الطبقة الغنية وكل واحد شايل موبايل وكل واحد مدري شو

انو موبايل ..
انتي أول السيارات والشبحات والتشفيط ادام المدرسي


*الوادي شيت غنية فيروز "نسم علينا الهوا من مفرء الوادي"

[..Jimy]

كاتب النص الأصلي : Abu ToNi

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة "

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان انا بدفع 550 ليرة فقط لا غير بالسنة هوي بيتخوزق بالـ 100 الف وما فوق


* الياء الحمصية شيت الوادي عندك

ممكن في حواجز ادام المدارس الخاصة.. بالشهاتين التاسع والبكلوريا وبس..
في ما عدا هالصفيين.. ابدا مافي حواجز.. لأنن معهن الصلاحيي انو يضيفو مواد جديدي..
(وفي كتير عنا مدارس تحضيرية وابتدائة بتعطي اللغات والكمبيوتر بشكل مميز)

كمان مشان جامعة الوادي وجامعة الحواش.. فمناهجن مختلفي تماما..والدكاترة المان وكنديين..
وفي بعض الفروع بالجامعتين ما في الهن نظير بالجامعات الحكوميي..

وحاليا بعض طلاب جامعة الوادي* رح يسافرو عإلمانيا لمدة ست شهور..ورح ياخدو شهادات المانية ..

المدرسة الخاصة ما لازم يكون مستواها متميز بالجو تبعها ، انه اغلبية طلابها من الطبقة الغنية وكل واحد شايل موبايل وكل واحد مدري شو

انو موبايل ..
انتي أول السيارات والشبحات والتشفيط ادام المدرسي






*الوادي شيت غنية فيروز "نسم عالينا الهوا من مفرء الوادي"

[Dndoshy]

كاتب النص الأصلي : ..Jimy

وحاليا بعض طلاب جامعة الوادي* رح يسافرو عإلمانيا لمدة ست شهور..ورح ياخدو شهادات المانية ..

شهادات المانية!!..لا يا سيدي مانون عرفانين غربون من شرقون(جامعة الوادي)..
واسا لهلق ما قررو اذا بدون يعطوهن شهادات المانية ولا بس يعملو مشروع التخرج هونيك ولا يعطوهن مصدقة أنون درسو ست شهور هونيك ولا...
(عـ الأغلب ما رح يعطوهن شهادات المانية لأنو مو معقولي أنون يدرسو هل كام شهر والجامعة الالمانية يلي رح يدرسو فيها هونيك تعطيهون شهادة أنون تخرجو من عندها)

كاتب النص الأصلي : Abu ToNi

بزمانه هاني عزوز رئيس نادي الجلاء الحالي والراعي الرسمي للنادي
طالب اتحاد السلة بجعل مباريات الدوري شاملة على لاعبين اجنبيين بالملعب لرفع اداء الدوري وتحسين صورته
اجا الرد بأن اغلبية الفرق ما عندا القدرة على شراء اجنبي واحد .. فكيف اذا طالبت بأجنبيين

ومن وقتا ومستوا اللعبة بتراجع مستمر ، الفكرة بتنبع من انك اذا راعيت الضعيف ونزلت لمستواه بدك تبقى ضعيف طول عمرك .. سحاب الفكرة هي نفسا علمدارس وخبرني شو بصير معك

بالعكس تمامالأنو اذا فريق الجلاء(قوي)ميلعب مع غير فرق(ضعاف) ويفوز عليهم بلاعبين أجانب فهالشي ما رح يزيد مستوى العبة..أما اذا ما جابو أجانب(تنين)فهيك بيفسحو مجال للاعبين الوطنيين ميشان يرتفع مستواهن .. طيب مثال:

وسام يعقوب لاعب طويل(212)..ببطولة دبي بيحقلون يكون بالفريق أكتر من أجنبي واحد..فأكيد بيجيبو لاعب ارتكاز قوي..بس اذا نصاب هالاعب رح يضرو يدخلو وسام يعقوبميشان يعبّي محلو بالملعب..

بس وسام متل الجيجة الخوتة بضل ميفتل حوالى حالوولا بيعرف يمسك طابة ولا ياخد ريباوند ولاشي بيعملو لاعب الارتكاز..مع أنو عندو المقومات يلي بتخليه لاعب ارتكاز قوي..ليش..لأأنو بالدوري السوري ما بيفسحولو مجال مشان يلعب ويرفع من مستواه بسبب الاعبين الأجانب.

[butterfly]

انا ماني مع توحيد المناهج
يعني ما عم افهم وين الفكرة بأقساط تصل لمية ألف ليرة سوري وبدو يدرس الولد المنهج " الفاشل " نفسه ..
يعني بظل فشل المنهاج الحكومي الأزلي .. برأيي لو المدارس الخاصة بينسمحلا تقرر مناهجها بعد ما تمرق ع رقابة او ع شي معين يعني " يحددلا أسس أو هيك "
وحسب ميل المنظمات الحكومية للتقليد
بتصير المدارس الخاصة بتطور المناهج .. والدولة بتقلد المناهج المطورة .. وهيك يعني بلكي بتتحرك التعليم شوي لقدام ..
وإلا بتكون المدارس الخاصة بشكلها الحالي مجرد وسيلة .. بتعزز " الطبقية " و "الطائفية "