التخفيض سعر دقيقة الموبايل و الضحك على اللحى

[zen]

طرحت بالأمس شركتا الخلوي في سوريا شرائح تخفيضيه على أسعارها و جاء هذا التخفيض قبل البدء بالحملة التي يسوق لها شبان سوريون (من بينهم أنا) وهذه الحملة حملة مقاطعة لاستخدام الخلوي في اليوم الأول من شهر حزيران و سيتبعها أيام أخرى خلال الشهر .
و بالنظر إلى شرائح التخفيض و كيفية آلية عملها سنجدها سريعا أنها ليست مجرد ضحك على اللحى و تفاديا للمقاطعة استبقت الشركتان الحملة بما يشبه التخفيض
و أذا أردنا محاكمة منطقية لهذا التخفيض أول ما سيتبادر إلى ذهننا من سيستفيد من هذا التخفيض ؟ فشرائح التخفيض جاءت على الشكل الآتي للخطوط المسبقة و اللاحقة الدفع ، تخفيض بما يسمى بالتخفيض التراكمي وما معناه أنه سيتم التخفيض على المكالمة بعد الدقيقة الثانية من المكالمة !!! كما تم تخفيض سعر الرسائل (sms) بطريقة تراكمية أي بعد إرسال أبع رسائل يتم تخفيض سعر الرسالة 50%.
بالنظرة الأولى و الغير معمقة سنعرف أن 90% على الأقل من المواطنين لن يستفيدوا من التخفيض فالغالبية اخترعوا لغة التعليم (علمي بعلملك) تعليمة أنا بالبيت تعليمين أنا بالشارع تلات تعليمات أنا بالجامعة وهيك و الرسائل اختصروها على رسائل حاكيني وأذا حكينا بالموبايل فنحاول قدر الامكان أن لا نتجاوز الثانية الـ\59\ .
لا أعرف مالذي يمنع شركات الخلوي من تخفيض حقيقي و ملموس يناسب المواطنين و شرائح الناس كافة فهذا التخفيض كما رأينا لا يفيد كل الناس و لا يفيد إلا من قرر أن يتكلم عن سيرة حياته على الموبايل لماذا لا نعمل على تخفيض حقيقي أسوة بالدول المحيطة كمصر مثلا فتحسب المكالمات بنظام الثواني .
أنا أرى أن هذا التخفيض ما هو إلا طريقة لإسكات الناس على المطالبة بحقوقهم ولكي يجعلوا من المقاطعة في أول حزيران شيء لا جدوى منه و اللافت أن في الخبر المنشور في صحيفة سيريانيوز أنه قبل الشرح عن كل شريحة تخفيض يكتبون أن وزير الاتصال هو الذي وافق على التخفيض أي أنهم يبرؤن أنفسهم بطريقة أو بأخرى لكي يأخذ الموضوع بعد رسمي وأنه لا يتم إلا من خلال الوزارة وأن الشركتان لا حيلة لهما إذا لم توافق الوزارة .
فهم ببساطة ضحكو علينا و يريدون أقل تأثير لحملة الماطعة
وأنا أقول أننا سنقاطع بدل من يوم سنقاطع أيام متعدد وستستمر المقاطعات إلى ما لانهاية طالما يستخفون بنا بهذه الطريقة

[jovia]

كاتب النص الأصلي : zen

وأنا أقول أننا سنقاطع بدل من يوم سنقاطع أيام متعدد وستستمر المقاطعات إلى ما لانهاية طالما يستخفون بنا بهذه الطريقة

كلامك مقنع كتير زين بس السؤال ازا الشباب بسوريا امتنعو عن الاتصال وشركتي اريبا وسيرياتيل طنشو بهالحالة لح يزيد اصرار الشباب وتصير شغلة تكسير راس ....
طيب بهالحالة ازا نحنا اصرينا وهني اصرو هني لح يخسرو بس نحنا لح نستحمل ننئطع عن اهلنا ونحسس حالنا نسينا شي اسمو موبايل لفترة معينة
المصيبة انو اغلى شركة اتصالات هي هالحرمية هدول يعني اتخيل ازا بدي اتصل على امريكا ارخصلي من اني اتصل على سوريا وهاد الشي فارضتو الشركتين .... يعني والله لما بشوف موبينيل عم تسهل لمواطنيها وكل يوم وليلة بيعملو دعايات تسهيل شكل بقعد بتحسر على هالشعب السوري المعتر ... ليش دايما بيتبعو سياسة التجويع والله حرام عليون ؟؟؟ وليش كل العالم ماشية الى الامام الا نحنا ماشيين لورى

[Genifer]

اول شي شكراً ع المعلومات

تاني شي شرائح ما يشبه التخفيض هل رح تبقى بشكل دائم او لمدة معينة؟؟
لأنه اذا لمدة معينة مننتظر يخلص التخفيض وهداك الوقت منبلش المقاطعة حتى ما يقولوا عملنالكن تخفيض

[saman]

لأ والتخفيض على خطوط ام تي ان شباب ويا هلا شباب .. يعني الخطوط العادية مو مستفيدين بشي .. بالعكس أكل هوا عالفاضي

[ayhamm26]

كاتب النص الأصلي : zen

لا أعرف مالذي يمنع شركات الخلوي من تخفيض حقيقي و ملموس يناسب المواطنين و شرائح الناس كافة فهذا التخفيض كما رأينا لا يفيد كل الناس و لا يفيد إلا من قرر أن يتكلم عن سيرة حياته على الموبايل لماذا لا نعمل على تخفيض حقيقي أسوة بالدول المحيطة كمصر مثلا فتحسب المكالمات بنظام الثواني .
أنا أرى أن هذا التخفيض ما هو إلا طريقة لإسكات الناس على المطالبة بحقوقهم ولكي يجعلوا من المقاطعة في أول حزيران شيء لا جدوى منه و اللافت أن في الخبر المنشور في صحيفة سيريانيوز أنه قبل الشرح عن كل شريحة تخفيض يكتبون أن وزير الاتصال هو الذي وافق على التخفيض أي أنهم يبرؤن أنفسهم بطريقة أو بأخرى لكي يأخذ الموضوع بعد رسمي وأنه لا يتم إلا من خلال الوزارة وأن الشركتان لا حيلة لهما إذا لم توافق الوزارة .
فهم ببساطة ضحكو علينا و يريدون أقل تأثير لحملة الماطعة

والله يا صديقي انت عم تفترض هون انو شركات الخليوي قلبها على المواطن, هني بالواقع بدن بس يمصوا دم لهالمواطن

يعني قي طريقتين بخلو اي شركة بالعالم تخفض اسعارها وتحسن خدماتها

اما يكون في تنافس مع شركات تانية والشركة بتخاف تخسر الزباين وهالشي مو موجود بسوريا نظرا لانو الدولة نفسها شريك بقضية احتكار جهة وحدة معروفة لخدمة الخليوي.

او نتيجة احتجاجات من الزباين نفسن, متل قصة المقاطعة هي.

انا شايف انو المقاطعة خطوة ممتازة وخاصة الاصرار عليها بعد هالمسخرة تبع تخفيض الاسعار, يعني عم يتعاملوا مع البشر بمنطق استخفاف شبيه بقصص زيادة الرواتب بالقطاع العام

شغلة انو بدن الموضوع ياخد بعد رسمي , انا بظن ليخوفوا العالم مشان تبدو المقاطعة وكانها تحدي للدولة نفسها مو بس للشركة.

[zen]

ع راسي الشبية
المهم نحنا نتابع بالمقاطعة
وما نكتفي بيوم ولازم تكن جدية
يعني كل واحد يشتغل على عيلتو

[MadMax]

بس في نقطة تانية .. أنا بعتبرها على قدر معين من الاهمية




من فترة .. كنا لما نخبر حدا عن مقاطعة الخليوي بأول حزيران ... كان يجاوبنا بالسخرية من هالخطوة

بس من بعد هالقرار (الشكلي ) بالتخفيض و تزامنو مع المقاطعة .... بيّن للناس أنو هالمقاطعة مانها تافهة أبداً
بالعكس هي خطوة إلها رمزية مهمة ... و يمكن تطور بعدين لغير أشكال

[جاد81]

أنا مع المقاطعة ...و معي كل أصدقاءي
لن نتراجع عن التعبير مهما كان ثقله

[المحارب العتيق]

على طول مستغبيين الشعب . شو الجديد

[توم و جيري]

كاتب النص الأصلي : المحارب العتيق

على طول مستغبيين الشعب . شو الجديد

الجديد يا خيي انو الشعب بطل يسكت انو عم يستغبوه ....

[Abu ToNi]

بس من بعد هالقرار (الشكلي ) بالتخفيض و تزامنو مع المقاطعة .... بيّن للناس أنو هالمقاطعة مانها تافهة أبداً
بالعكس هي خطوة إلها رمزية مهمة ... و يمكن تطور بعدين لغير أشكال

أبو سمرا انا من أول المقاطعين ومن اكتر الاشخاص دعما لهلخطوة
مو ايمانا من ضرورتا بقد احترامي لمبدأها

بس برأيك شركة بلعت البشرية متل سيرتيل و mtn بدا تفرق معها يوم واحد ؟!
بعتقد أرباح الشركات مقدرة بالدقيقة .. وأرباحها ماشية ماشية لو شو ما صار
بصراحة ما بعتقد حركة سيرتيل وتخفيض الاسعار طلعت لتسكيت العالم وتوقيفن على الاحتجاج
مع اني بتمنى يكون فعلا قدرنا نتحكم بشي من الاشياء وقدرنا نضغط بشكل من الاشكال على شركة عم تنهب بسما ربنا من اول ما طلعت لحد اليوم

[MadMax]

كاتب النص الأصلي : Abu ToNi

أبو سمرا انا من أول المقاطعين ومن اكتر الاشخاص دعما لهلخطوة
مو ايمانا من ضرورتا بقد احترامي لمبدأها

بس برأيك شركة بلعت البشرية متل سيرتيل و mtn بدا تفرق معها يوم واحد ؟!
بعتقد أرباح الشركات مقدرة بالدقيقة .. وأرباحها ماشية ماشية لو شو ما صار
بصراحة ما بعتقد حركة سيرتيل وتخفيض الاسعار طلعت لتسكيت العالم وتوقيفن على الاحتجاج
مع اني بتمنى يكون فعلا قدرنا نتحكم بشي من الاشياء وقدرنا نضغط بشكل من الاشكال على شركة عم تنهب بسما ربنا من اول ما طلعت لحد اليوم

القصة معنوية .. أكتر منها مادية ..
يعني النا كذا سنة عم نسأل ايمتى هالشعب رح يتجرأ و يقول لا ( حتى لو كانت بشكل غير مباشر )


و الحلو أنو القصة أخدت ضجة كبيرة و كل الناس تحمست للفكرة حتى لو ما أثرت ...بس انو المبدأ منيح

[kosayka2]

يعني اذا في مقاطعة
انا من اول المؤيدين للمقاطعة
لأن الفترة الأخيرة شايف الأ MTN صارت عم تعيش على كتافي من كتر الخورفة

بس خيوو يعني اذا هل الشركات كتير حابّة الشعب و متحننة عليه
اي ما يعملو الحساب على الثانية
متل كتير من البلدان
لا و الأنكا من هيك انو انطرحت بالشركة فكرة انو تضير كل 10 ثواني فوق الدقيقة تحسب دقيقة

لك اي شو الشغلة مسخرة و لا ضحك على اللحي

لك هنن الشركات الـ.......توت منطلقين من فكرة الحاجة و اننا ما فينا نعيش بلاهم و عم يتحكمو فينا
فأذا فعلا بتصير مقاطعة
 
الله لك اي و الله الشركات رح تيجي تبوس ايدنا لحتى نقبل انو الحساب بالثانية و الدقية بـ ليرة
.
.
مو هيك و لا انا عم اغلط
.
.
.
.
معا لمنع الخورفة .....

[zen]

كاتب النص الأصلي : Abu ToNi

أبو سمرا انا من أول المقاطعين ومن اكتر الاشخاص دعما لهلخطوة
مو ايمانا من ضرورتا بقد احترامي لمبدأها

بس برأيك شركة بلعت البشرية متل سيرتيل و mtn بدا تفرق معها يوم واحد ؟!
بعتقد أرباح الشركات مقدرة بالدقيقة .. وأرباحها ماشية ماشية لو شو ما صار
بصراحة ما بعتقد حركة سيرتيل وتخفيض الاسعار طلعت لتسكيت العالم وتوقيفن على الاحتجاج
مع اني بتمنى يكون فعلا قدرنا نتحكم بشي من الاشياء وقدرنا نضغط بشكل من الاشكال على شركة عم تنهب بسما ربنا من اول ما طلعت لحد اليوم

انو انا بقول انو شركات رامي مخلوف ماراح تتأثر بيوم
واحد ولهيك القصة مالازم توقف عند يوم واحد ولهيك عم نقول انو بواحد الشهر راح تكون البداية

[عياش]

كاتب النص الأصلي : Abu ToNi

أبو سمرا انا من أول المقاطعين ومن اكتر الاشخاص دعما لهلخطوة
مو ايمانا من ضرورتا بقد احترامي لمبدأها

بس برأيك شركة بلعت البشرية متل سيرتيل و mtn بدا تفرق معها يوم واحد ؟!
بعتقد أرباح الشركات مقدرة بالدقيقة .. وأرباحها ماشية ماشية لو شو ما صار
بصراحة ما بعتقد حركة سيرتيل وتخفيض الاسعار طلعت لتسكيت العالم وتوقيفن على الاحتجاج
مع اني بتمنى يكون فعلا قدرنا نتحكم بشي من الاشياء وقدرنا نضغط بشكل من الاشكال على شركة عم تنهب بسما ربنا من اول ما طلعت لحد اليوم

لو فينا نعمل احصائية بسيطة وتقريبية عن الخسائر الممكن تتكبدها الشركة لو تمت المقاطعة ليوم واحد وإذا حدا عندو خبرة اقتصادية ممكن يساعدنا هيك ممكن نشجع بعضنا والآخرين على أساس الرقم الممكن نوصل تقريبياً إلو بناء على التقدير وعدد المشتركين.

[Genifer]

كاتب النص الأصلي : عياش

لو فينا نعمل احصائية بسيطة وتقريبية عن الخسائر الممكن تتكبدها الشركة لو تمت المقاطعة ليوم واحد وإذا حدا عندو خبرة اقتصادية ممكن يساعدنا هيك ممكن نشجع بعضنا والآخرين على أساس الرقم الممكن نوصل تقريبياً إلو بناء على التقدير وعدد المشتركين.

يا صديقي يوم واحد ما بيعمل شي
للمرة التانية بقول انه بدها تكون المقاطعة عالقليلة اسبوع اذا مو شهر ..هلق ليش؟؟؟؟؟
رح اضربلكن مثال : يلي بيكون ارباحه بالملايين ما رح يشوف الفرق اذا كان خسرله كم عشرة آلاف (مقاطعة يوم) ويمكن مايسأل حتى ..

بس رح يعرف ورح يسأل عن السبب لما بدك تفرجيه كم مية ألف خسارة واكتر

[Nay]

كاتب النص الأصلي : Genifer

يا صديقي يوم واحد ما بيعمل شي
للمرة التانية بقول انه بدها تكون المقاطعة عالقليلة اسبوع اذا مو شهر ..هلق ليش؟؟؟؟؟
رح اضربلكن مثال : يلي بيكون ارباحه بالملايين ما رح يشوف الفرق اذا كان خسرله كم عشرة آلاف (مقاطعة يوم) ويمكن مايسأل حتى ..

بس رح يعرف ورح يسأل عن السبب لما بدك تفرجيه كم مية ألف خسارة واكتر

هيي القصة انو مقاطعة لمدة اكتر من يوم صعبة بالنسبة لناس معينين هنن بحاجة للموبايل كتير.. فمدة يوم بتخلي ناس أكتر يتشجعو للمشاركة..
انا شخصيا مقاطعة الموبايل من زمان ..
واتشجعو ناس كتير من اللي خبرتون.. يعني شي خمسين شخص من أقربائي غير الشباب الصغار بقصد..
العمات والخالات ورفقات اهلي وهيك يعني..

[ظل جيفارا]

ع راسي شبيبة
أنا ما فيني غير قول :إنهم يستخفون بالشعب السوري العظيم ..
حقيقة إن دولا أقل كثافة سكانية من سوريا بكثير وبمنافسة أقوى على سوق الإتصالات فإن شعوبها تحظى بمعاملة أكثر أحتراما للشخصية الإنسانية
الحساب بالثانية ....
أسعار متدنية جدا للرسائل والمكالمات ...
بريد صوتي مجاني ..
كل تلك الخدمات تقدمها الشركات التي تحترم الوسط الذي تعمل به
نقول إذا كانت شركتا الخلوي تظن أنها تستغبي جماهيرنا فإن هذا شيء كافٍ لتطرد خارج سوريا فهي تهين الكرامة الوطنية عبر الشعب ..
تحياتي الحارة
ظل جيفارا