الديـــــن الجديـــــد

[Tarek007]

بعد صفنة طويــــــــــــــــــلة ...و بعد تفكير أطول .....( لأنو أحياناً بتكون الصفنة بلا تفكير ) .... و بعد دراسة جدوى أقتصادية لمشروع .... وبعد ما كنت قاعد عم أكتب مسودات و أقتراحات لمشروع طويل و معقد – سياسي - .... أكتشفت أنو احسن شغلة الواحد بيعملها بها الزمان الخ** أنوا يعمل شي دين عل حسابوا يلملوا قرشين نضاف أحسن من كل البهدلة يضبون على جنب ...لليوم الأسود ....(يعني أذا دقت فيني المخابرات من وين بدي جيب رشاوي لحتى أطلع )....لازم الواحد يشغل مخو !!!

حاجة بقى ... ضحكنا كتير ...و أضحكوا علينا أكتر ...
هرجنا كتير .... فعملونا جواكر بشدة كلها جواكر...ما فيها غي أص واحد .....

و كل واحد منهم عم ينصب شكل ... ملــــــــيت !!!!

قررت أني ساوي دين جديد !!!!!
و بعد ما قلبت الموضوع - المشروع – بمخي لقيت أنو بدنا كم شغلة أساسية رح أكتبها هلق و بعدين برجع و بفصفصهم شوي شوي كل شغلة لحالها :

1- شخصية مركزية :
ورح تكون " أنا " و ما بدي تمرد من أولها ..لأنوا ما بدي قلل أدبي عليكم من هلق ..... بعدين العمى ضربكون شو ما بستحوا ... واحد بيكون عامل الجدوى الأقتصادية و صاحب الفكرة و صاحب رأس المال و بعدين بينط واحد و بيقلك يعني ليش أنت ؟؟؟......أخي بعد ما موت تصطفلوا تخانقوا على كيفكم على خلافتي ... و أنقسموا متل ما بدكم و دبحوا بعض مو فارقة معي ...بس هلق أنا الشخصية المركزية

2-كتاب مقدس :
و لقيت أسمو : "" السطل "" و هي كلمة أصلها تشيكوسلوفاكي وتعني بالسنسكريتية وعاء الحكمة...و بالهيروغليفية وعاء اللبن

3-المعجزات :
و بما أني ما لي شاطر بالكذب و حبل الكذب قصير
منشان هيك رح ناقش هل الوضوع بأول أجتماع لحاملي الأسهم ....بس ما بدي غباوة ... و تروحوني فيها من أولتا ....نحنا جايين ناكل لقمتين و نهبش كم هبشة و بس .....ولا قلكم ما بدي أنا بألف لحالي( تعدو تروحوني فيها ) أنا رح ألف لحالي المعجزات ... و خلص ما في أجتماع طارىء للجنة العمومية و لا خ** خلص لغيتوا ... ولا حدا يجي !

4-
الطقوس و الأعياد الدينية :
يعني صلاة وصوم وهيك شغلات ...مع أختيار يوم عطلة أسبوعية .. بس ما يكون لا جمعة ولا سبت و لا أحد ...منشان نقدر نتميز عن باقي الأديان و الطوائف الكافرة

5-
التسبيح للدين :
يعني شغلة متل التبشير عند جماعة الصليب ...و متل الأدعية عند جماعة الهلال .. ورح يكون شعار التسبيح " النء ع الادن متل السحر "

6-
التمويل :
مبدئياً رح يكون التمويل من الاعضاء ... بس لما يمشي الحال و يقلب معنى الدولاب رح نمشي على نظرية " من دهنوا سئيلوا "

7-
لحظات حاسمة في تاريخ الدين الجديد :
يعني شغلة متل الموعظة علي الجبل أو محاكمة المسيح وصلبه وقيامته أو خطبة الوداع أو خطبة مارتن لوثر كنغ... تبع " I have a dream "

8-

أعداء الدين الجديد.... وهدول مهمين كتير لأستدرار عطف الناس علينا .. و جذبهم الينا ....لما رح يشوفوا المعاناة تبعنا

9-
المؤمنين بالدين الجديد :
ها ها ( مع صفنة )
هدول رح ينقسموا لطبقات
طبقة الحبايب : يعني شغلة متل التلاميذ أو الصحابة و رح يكونو مقربين للشخصية المركزية يلي هو " أنا "
و غالبية طبقة الحبايب -أن لم يكن كلها – رح يكونوا من الجنس اللطيف تعويضا لهم عما لاقوه علي يد الأديان الباطلة الأخرى من ظلم وإضطهاد وهدول رح يكونوا في حالة إجتماع حميمي دائم مع الشخصية المركزية اللي هو سعادتي

طبقة العملاء : اللي هو سعادتكم وستكونون حلقة الوصل بيني وبين الطبقة الثالثة وهي طبقة القطيع ولكن يحظر تماما عليكم إجراء أي إتصال بطبقة الحبايب ـ نحنا دين محترم وألنا سمعتنا بالسوق ومو بدنا كلام الناس يكتر علينا –شو أنتم مفكرينها سايبة ولا شو


طبقة القطيع ـ ودول مجموعة الحثالة والمغيبين الذين سيتم السيطرة عليهم عن طريق العملاء بتوجيهات من الشخصية المركزية ـ أنا –

10-
قصص تحول من أتباع الديانات الباطلة الأخرى للدين الجديد ـ وهي أنا كنت ناوي ناقشها في الإجتماع الذي سنناقش فيه موضوع المعجزات وبما إني لغيته فرح أتولي بنفسي تأليف تلك القصص



سنناقش غدا التفاصيل لكل العناصر السابقة



مترجم مع التصرف

[HashtNasht]

على كل حال

أنا بصفتي ملحد رح رد على كل ادعاءاتك الباطلة .....و اذا بتحب منبلش بالتحريف الموجود بالسطل و صولاً الى التناقضات التاريخية الواضحة بالنصوص المقدسة تبعيتكن

[goodheart]

ما حكتلنا
شو المحلل وشو المحرم

وشو اخبار الجنه عندك

بدنا اشي جديد يعني حركها شوي خلي يكون دين حر اكتر عشان يمشي معك اكتر
واهم شي لحتى تكسب بشر انك تحلل الجنس والحشيش
وتكون الجنه بحر من عسل وشويه حريم يعني شي 50 على اليمين و 50 على الشمال
ولا تنسى اهم شي انو ما يكون عندك تناقض بكتابك لحتى ما تتلقى اتهامات باطله
يعني خليها قصه مؤثره
وانا راح ساعدك بإتخاذ دين جديد لبطل جديد وراح اعطيك ايات كتير تساعدك وراح فكر بكم معجزه ممكن تعملها وتضحك على الناس متل السحره اليوم
وسمي كتابك (( الباطل لابطال الباطل )) وانا واثق انك راح تعمل نتايج كتير منيحه لانو الناس اليوم بتستنى الحريه المفتوحه
وبهيك الكل بتبعك

ولا تنسى تتذكرني بشويه حريم من تبعون جنتك وبتمنى انك ما تبخل علينا

[Tarek007]

ولاه ...حشت نشت ...

التحريف الموجود بالسطل و صولاً الى التناقضات التاريخية الواضحة بالنصوص المقدسة تبعيتكن

لك لسه ما كتبنا " السطل المقدس " شو هل الالحاد هاد .... لما هيك بس معارض .....
وهاد الدين تبعنا "" الملحدين ""
أو أي تصنيف يمكن تنزلوا تحتهم .....أذا ما رح تلفها رح أندفك أيتين ألعن سلافك

و هاد الدين جاء رداً على كل أصحاب الديانات الباطلة ......لسه كل ما واحد شافك " أذا مسيحي بدو يهديك للخلاص و يعمدك ...و أذا مسلم على ألعن ما بيحل عنك لتكره الساعة يلي ولدت فيها "

سفر الجحيم خن1- السطل المقدس

يا أيها الذين آمنوا .....لك حلو عن ربنا

و للاستاذ يلي فرحان بصليبو " غود هيرت "
طول بالك كل شي رح ينزل بالسطل المقدس
تابعونا بكرة

[HashtNasht]

السطل المقدس

سفر التخويت ..الايات من 18 لغاية 332

فلما نظر في عينيه و قال له

ولاه ...حشت نشت ...

غارت عيناه وراء الدموع , حتى غاصت في ذؤابته فتدوم , و أحس بحرارة الإيمان تجول جسده , و كانت إيمان من الحبايب , فبوركت للتو كيبورده , و صاح بأعلى صوته قائلاً

الا يا أيها اللذين آمنو .....لك حلوا عن ربنا , ففروا من امامه ناكصين على أعقابهم , و قد مسخوا فيلةً و عصافير .

[عبدالله]

ماهذا يامشرفين هل يعبث بالأديان السماوية ويستهزأ بها وبالآيات على مرأى ومسمع منكم؟؟؟؟؟؟؟؟؟؟؟؟؟؟؟؟؟؟؟؟؟

اليس فيكم رجل رشيد؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

[ma7aba]

ماهذا يامشرفين هل يعبث بالأديان السماوية ويستهزأ بها وبالآيات على مرأى ومسمع منكم؟؟؟؟؟؟؟؟؟؟؟؟؟؟؟؟؟؟؟؟؟

اليس فيكم رجل رشيد؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

الأخ ساوى دين جديد وهو خاتم الأنبياء هل المرة حقوا وعم يدعوا لدينوا بس الواضح انو دين مادي كمان مو روحاني

[krimbow]

ماهذا يامشرفين هل يعبث بالأديان السماوية ويستهزأ بها وبالآيات على مرأى ومسمع منكم؟؟؟؟؟؟؟؟؟؟؟؟؟؟؟؟؟؟؟؟؟

اليس فيكم رجل رشيد؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

يوه
و مين قلك انو هاد دين سماوي
نحنا ما منقلد حدا
هاد دين تحشيشي
هلأ انا باعتبا انك اقنعتني انو المسيحية محرفة و باعتبار انو ما بقدر ما آكل كل يوم صاندويشة جامبون مدخن و فوق هيك مدمن كحول و حشيش
معناتا انا ما رح ادخل جنتك
شو بعملك اذا سكرت كل البواب بوشي و ماضل غير السطل المقدس

سطلاهُمٌَ إني بك انسطلت، و لك حششت، و فيك انزبلت

يا حضرة "انا" المبجل عندي سؤال
شو اسم محل ما رح نصلي (يعني متل الكنيسة و الجامع)

[أمير العاشقين]

كنت بدي اوصفك بالحيوان بس والله قلت حرام اظلم الحيوان لانو الحيوان احسن منك على القليلة يسبح ويعبد الله بس الحق مو عليك

بس ما اقول غير ( إن لم تستح فاصنع ما شئت )

[krimbow]

كنت بدي اوصفك بالحيوان بس والله قلت حرام اظلم الحيوان لانو الحيوان احسن منك على القليلة يسبح ويعبد الله بس الحق مو عليك

بس ما اقول غير ( إن لم تستح فاصنع ما شئت )

مرحبا امير
شوف حبيبي
نحنا احط مخلوقات الدنيي منيح
يعني نحنا اوطى من غبرة صرمايتك، منيح
اصلا لو في اوطى مننا كنا انتحرنا، منيح

بس حلواااااااااااااااااااااا ااااا عنا خلونا نعرف نعبد سطلنا يا أخي
هي تركنالكم الجنة كلها
تركولنا هالسطل بس

بعدين انت ليش حامل السلم بالعرض ماني فهمان
ما في مليون دين ...... شو عليه اذا صاروا مليون واحد
إلا اذا خايف من المنافسة

[Tarek007]

بسمي " أنا " أبدأ

و هذا الكلام لجميع أعضاء ديننا الموقر ....كل واحد يبلش هيك .....""" بسمي " أنا " أبدأ """

و" أنا " هون لا ترجع لي ..بل ترجع لمن يتكلم ....

مبارح قلت لحالي .... يعيني شو هل الدين يلي مالو آله ..... و بالفعل نزلت و رحت ع سوق الحرامية لحتى لاقي شي آله " نص عمر " لأنو ما في ميزانية كافية ....و الأعضاء لسا ما مرقوا لي دولارات ..... و بما أني صاحب الدين " المشروع " فكان لازم أنقذ الموقف

المهم عجبني تنين الأول : حسنين ... و التاني سعدو
بالنسبة للإله " حسنين " فهو ظريف و أبن حلال و رايق بس في مشكلة حسيت أنو رح نواجهها بالمستقبل و هي أننا سنتهم أننا نعبد إلهين من قبل المسلمين ... و أكيد أنهم ما رح يقدرو يفهموا الطبيعة الخاصة للإله " حسنين " وإنه إله واحد بس له أقنومين وطبعا كالعادة ح يكفرونا .. ... و نعلق نحن و ياهم و نتهم بالاشراك
منشان هيك وقع أختياري على الإله " سعدو "
صحيح معو شيزوفرينيا .... بس أحسن ما يكون سيكوباتي متل إله العهد القديم ... أو سادي متل آخر واحد ......
.................................................. .
.............................................

بنص الليل ... رن التليفون ... قلت لحالي مين هل الغليظ ؟؟!!... رفعت السماعة ... و أذ طلع " سعدو " - و هاد يلي أسموا الهاتف الإلهي -

و بلش يعطيني مواعظ و حكم ... و فهمني أنو ديمقراطي .... و أنوا رح يكشف اللحاف ...أقصدي الغطاء ..عن كل الأعضاء ... وهيك موبس أنا رح أتولى عملية أستقبال "" السطل المقدس ""

الكل ... و بعملية ديمقراطية بحتة .... بس رح ضل أنا الشخصية المركزية ....و بنفس الوقت انا يلي رح حط ترتيب الآيات داخل السطل المقدس
لا أخفيكم سراً كنت ناوي أكتب السطل المقدس ب شي لغة برمجة c** أو جافا أو دلفي .... بس طلع سعدو ما بيفهم بهل الشغلات للأسف ... و بيجوز قريباً مرق كذا صفحة من السطل "" فلاش "" بس لسا بكير
آه في موضوع تاني موضوع الأحاديث يلي بدكم تنسبوها لي منشان مصالحكم بعد ما موت
أنا بفضل تبلشوا من هلق على الأقل أنا رح صنفلكم ياهم .... وهيك بتضمنوا نوعاً ما صحتهم النسبية


أيضاً بالنسبة لأعضاء الديانات الكافرة رح يحاولوا ينزعوا علينا فرحتنا ... و يحاولوا أنوا يعملوا خناقة معنا .... بس للأسف هنن ما بيعرفوا نحنا قديش متسامحين و رح نسامحهم و نعتبرون أخوتنا و رح نحاول نهديهم شوي شوي .... منشان هيك لا حدا يطول لسانو معهم .... حرام ما بيعرفوا .....

أهم شيء التسامح الديني

و بالنسبة للتلميذين الصديقّين هشت نشت و كريمبو فهم أستقبلو بالفعل آيات من السطل المقدس ....
ومنشان هيك رح نعطيهم لقب التلميذ الصّديق لكل واحد و رح يكون لهم نصيب من طبقة الحبايب

بالنسبة لسؤال التلميذ كريمبو
.... نحنا ما عنا صلاة ... وأذا كنت مصر فجيب أنينة عرق أو حشيشة و عبي راسك .... أو قم بالتواصل مع سعدو عن طريق التليفون .... بس للأسف هلق هو عامل مقاطعة و ما بعرف أيمتا بتخلص

أما بالنسبة للمحرمات مافي حتى الآن غير وحدة :
ممنوع تنكش مناخيرك بأصابيعك .... ليش لأنو الأنف عورة .... و لأنو إيلاج الأصبع داخل الأنف يعتبر زنا
و بعبارة أدق ... زنا محارم
....................................

برجع و بكرر أهم شيء التسامح مع الأديان و الطوائف الكافرة ما بدنا وجع راس

عم أستنا ردوركم و يمكن برد عليكم اليوم ...
أذا ما عرجت لعند سعدو على شي بسكليتة

[أبو النسيم]

أنا عجبتي كتر الفكرة يا حضرة الأنا المعضم وباصملك بل عشرة لالالالالا بل العشرين بس عندي سؤالين أتنين بس
1-شو أسم الأله تبعنا يعني بدي أسم كتير على الموضة بركي يلي مو عرب بيعجبون أسم الرب تبعنا وبينضموا ألنا
2- أنا بقترح (من بعدأذن سعادتك ) أنك تحط الآله تبعنا وحدة ست خطي منشان مايقول أتباع الديانات الكافرة الأخرى
أنو ماعندنا أحترم لقوق المرءة

[Tarek007]

النسوان كلهم في طبقة الحبايب

أما بالنسبة ل " سعدو "
فقريباً رح تسمعوا : أخبار بتفرحكمconfo:

[أبو النسيم]

أنا عندي أقتراح على سعادتك (من بعد أذن سعادتك)
شورئيك أنو أنا بجمعلك أحلى طبقة حبايب شي على كيف كيفك بس بشرط بطحني مساعدك أو إيدك اليمين

[sezar]

بس ماني عرفان ليش يلي عم يفوتو يسبو و مدري شوو اي و الله أصدي و السطل ما جاب معدل حدا يعني كل واحد الو ايديولوجيتوو


معلم أصدي سعادتك
انا بعرف صور ممكن كون المصور الشخصي تبعك
مشان وثق إجتماعاتك مع طبقة الحبايب

[krimbow]

بس ماني عرفان ليش يلي عم يفوتو يسبو و مدري شوو

كلو حسد وديئة عين لأنو نحنا السطل هدانا

انا بعرف صور ممكن كون المصور الشخصي تبعك
مشان وثق إجتماعاتك مع طبقة الحبايب

اي اي لازم
مشان بوكرا نصير نحطون ع السطول تبعنا

يالله باي باي اجاني هاتف سعداني

[الكبير]

اذا بدكن داعية انا جاهز يا شباب
عالسطل لايت وعالأرضي

[HashtNasht]

بينما كنت أعبر ذلك النفق واذ بشئ راح يهزني ......إته يهز كياني ......آه ...لحظة ...إنه الموبايل

عندما نظرت إلى شاشته غير الملونة...وجدت رسالة (sms ) لكنها لم تكن كباقي الرسائل .....كانت بدون أدنى شك ....هاتفاً إلهياً

عندما فتحت الرسالة ..فجأة استحالت ظلمة النفق إلى نور ...نور ليس كأي نور.....كان نوراً غير شكل و كانت الرسالة من سعدو !!!

و هاذ هو نصها :

السطل المقدس

سفر الظلمات ..الآيات 261 لغاية 261

”غريب أن تهيم في السطل !!

دغل وحيد، حجر وحيد،

لا شجرة ترى شجرة أخرى،

والفرد وحيد تماماً.

كان العالم مليئاً بالأصدقاء،

مثلما كانت الحياة سهلة لي،

لكن السطل جاء الآن،

ولم اعد أرى أحدا.



حقاً، لا أحد يمتلك الحكمة،

ممن لا يعرف السطل

الذي يفصله عن الآخرين

بصمت وبشكل محتوم.

غريب ان تهيم في السطل !!

الحياة عزلة

لا أحد يعرف الآخر،

والفرد وحيد تماماً.