لا إله إلا الإنسان

[HashtNasht]

كتب عبد الكريم نبيل سليمان ...

لا إله إلا الإنسان

هل من المنطقى أن تكون هناك " قيود " على " الحرية " ؟؟...
يطل هذا التساؤل إلى عقلى كلما وجدت بعض مدعى الليبرالية فى الشرق الأوسط وهم يناقضون أنفسهم كى يتلافوا الصدام مع أفكار المجتمع ، وكى يجذبوا الناس إلى صفوفهم دون أن يعطوا أدنى إعتبار للمعنى المطلق للمبادىء التى ينادون بها ، والتى بالطبع تتناقض مع ثوابت المجتمع ومعتقداته المتوارثة .
فالحرية كما تعلمتها وفهمتها وآمنت بها هى إزالة كافة القيود عن كاهل الإنسان ، والعبودية التى هى نقيضها تعنى إخضاع الإنسان بفرض بعض القيود على حياته بدافع السيطرة عليه ، وحيث وجدت القيود إختفت الحرية ، وحيث وجدت الحرية سقطت القيود ، هذه بديهية لا تحتاج إلى إثباتات عملية ، وليس من المنطقى الإعتراض عليها بحجة أن ثوابت المجتمع أو المعتقدات الدينية يجب أن تأخذ بعين الإعتبار ، فإما أن تكون الحرية المطلقة هى غايتنا وإما أن نكون صرحاء مع أنفسنا ونعلن كراهيتنا لها ورفضنا إياها وتفضيلنا الإستسلام للقيود على منحنا إياها .
وليس معنى أن الحرية تنفى القيود أن للإنسان كامل الحرية فى فعل كل ما يقدر عليه ، فليس معنى أننى قوى أننى حر فى إستعباد من هو أقل منى قوة ، فمن أهم مبادىء الحرية عدم تجاوز حدود حريات الآخرين ، وذالك حتى تكون الحرية ذات معنى وليست مجرد تبرير لتصرفات من يستغلون قوتهم فى إخضاع غيرهم ، فالحرية - المقرونة بالمسؤلية - حق لجميع البشر دون تمييز ، ولكى يتم تفعيل هذا الحق بصورة واقعية ، يجب أن يحترم كل فرد حرية غيره ولا ينتقص منها ، والقانون هو الذى ينظم هذا الأمر ويمنع تعدى الأفراد على بعضهم البعض بإسم الحرية .
هنا تأتى نقطة هامة ، وهى أن وظيفة القانون الأساسية هو تنظيم علاقات الأفراد بعضهم ببعض داخل المجتمع ، وحماية حرياتهم من الإستغلال أو الإنتقاص ، فهل من حق مشرعى القوانين أن يفرضوا هم الآخرين قيودا أخرى على حريات البشر لا علاقة لها بتلافى تعدى بعضهم على حريات الآخرين ؟؟!!! .
فمثلا : هل للقانون الحق فى تجريم فعل لا يتعدى أثره الحياة الخاصة لصاحبه ؟؟ ..
وهل يحق فرض إلتزامات على المواطن ينتقص بموجبها من حريته الشخصية بدعوى الخضوع للقانون ؟؟..
أعتقد أن هذا الأمر خارج عن الوظيفة التى أوجد القانون لأجلها ، ولذا فإن هذا يعد خروجا بالقانون عن الإطار الذى وضع لأجله وهو حماية حريات الأفراد ، فيتحول بذالك من أداة لحفظها إلى قيد جديد عليها لا فائدة منه سوى إستعباد الأفراد لصالح تنظيم إجتماعى جديد يقدس القانون أكثر من تقديسه للفرد ( الإله ) .
إن مجىء الفرد قد سبق تكون التنظيم الإجتماعى ، وهذا التكون هو الذى أوجد القانون ، وكما هو معروف فإن إحدى أهم الوظائف التى وجد من أجلها هذا التنظيم هو حماية حقوق الأفراد من الإنتقاص تحت حماية القانون ، ولذا فإن الفرد الذى سبق مجيئة ظهور هذه التشريعات هو الذى يجب أن يحظى بالقدسية والإحترام ، وليس القانون ( التابع ) الذى يفترض أنه يحمى حقوق الأفراد ، لا أن ينتقص منها .
وسواء كان هذا القانون عرفا أو تشريعا دينيا أو وضعيا ، فإنه لا يمكن بحال من الأحوال أن نضعه فوق البشر ونقدمه عليهم وعلى رغباتهم وإراداتهم فى الحياة ، فالقوانين ماهى سوى أحكام جامدة صماء ، بينما الإنسان هو كتلة من المشاعر الحية التى ليس من حقنا أن نقدم عليها هذا الكيان الأصم ونخضعه من خلال أحكامه .
إنه يجب علينا أن نعيد من البداية تعريف وظيفة القانون فى حياتنا ، وقبل هذا يجب أن نقنع الإنسان بقدسيته الذاتية وأنه لا شىء يفوقه أهمية ومكانة سواه ، وبالتالى فإن القانون هو تابع للفرد وحام له ومنظم لحياته ، وليس أداة قمع يهدف من ورائها إلى خلق إله جديد يسجد الإنسان له ويقدسة .




عن الحوار المتمدن

[نيرفانا]

لا كلام يستحق الذكر بعد الذي قدمته

أوافق وأحث على كل كلمة.....
الإنسان يجب أن يقدر أو بالأصح أن يعلم قيمة ذاته و أنه بمرتبة تخوله أن يتحكم ويسيّر كل ما حوله بمشيئته هو لا العكس.

الحرية هي العبودية التامة للأخلاق

أشكرك على الموضوع

[Nirvana]

شكرا على هالموضوع المهم ..

هون بدي اطرح سؤال ويا ريت استزيد من الاجابة منك،
والسؤال هوي: هل يجب ان يعاقب القانون من يشرب الحشيشة أو يتعاطى المخدرات؟

هلأ ليش السؤال هاد تحديداً .. التعاطي هي مسألة شخصية ضمن الحياة الخاصة للانسان هل يحق للآخرين أو القانون المعاقبة عليه؟

وبدي نوه هون انو المسؤولية هي نوع من القيود .

إذن؟؟

[handsome]

هلق انا رح حاول جاوب على سؤال نيرفانا التاني . بس هادا ما يعني اني ما حابب اسمع جواب ابو نهلة بالموضوع ,

هلق الادمان عالكحول وتعاطي المخدرات والمنشطات . شغلات بكتير بلاد ممنوعة . وممنوعة منعا باتا , مثلا بالسعودية بيقصو راص كل واحد بيدخل معو عالسعودية مخدرات اد ما كانت النسبة الصغيرة . بس كمان الحكي هون عن الحرية وبالبلدان العربية ما حدي بيعرف هالكلمة غير بالاسم .
بس انو انا براي بالنظام االحر مافي شي بيمنع انو الواحد يساوي الي بحالو الي بدو اياه بس بتضل شغلة وحدة فوقوا وهي القانون , والقانون وقتة ما بيكون مشان المسؤلين يظبطو وضعون, لاء وقتة بيكون النظام موجود مشان يحفظ الحرية للجميع ومشان يتطبق مبدأ حيرتك تنتهي عندما تبيدأ حرية الاخرين . يعني الواحد يشرب ويحشش ويتعاطى اد ما بدو . بس مثلا ما يروح يضرب شي واحد او يسوق سيارة او يساوي شي شغلة بتأزي الغير .. ووقتا بيكون حتى لو الحق ما بشكل كامل عالمتعاطي بس بسبب وضعو بيتحول الجزء الاكبر من السبب عليه او بيصير هوي المسبب ,

هلق هادا الحكي كان عن التعاطي وشلون الواحد لازم يتصرف فيه . بس بهيك شي بتكون المسئولبة الي عالشخص هي حد من حريتو .. انا ما بعتقد انه هادا الحكي صح ,
الحرية ما يعني انو وقت انا بشوف واحد بكرهو بيصير فيني ققتلو. او بشوف بشي محل عقد ذهب حلو كتير بقوم اسرقو . هاي تعدي على الغير .
مشان هيك انا شخصيا بعتقد انو الحرية احلى شغلة بالعالم بس بنفس الوقت من اصعب الشغلات كمان . الحرية بتخلي الواحد يفكر عكيفو ويقرر بذاتو شو هوي الشي الصح وشو هوي الشي الغلط. بس ما الحرية انو الواحد باسم هالكلمة يوصل للشي الي بدو اياه.
مشان هيك القانون بيجي فوق الجميع ( ما الله او الاديان ) وهوي بيصير يحدد لكل واحد وين نهاية حريتو . مثلا انا بعرف انو فيني اشرب شو ما بدي . اذا ضليت اشرب لحتى موت بدون ما ساوي شي ما حدي بيحكيني . بس انو بنفس الوقت بعرف انو بعد ما اشرب بيرايتين .. يعني مش, الواحد ابل ما يبلش بالشرب بكون شربانلو شي تلاتي اربعة . وقتا بعرف انو معد بيحقلي سوق سيارة . طب هادا يعتبر حد من الحرية الشخصية .

انا ببساطة فيني قول شغلة صغيري عن المسؤولية ..
المسؤولية هي ثمن الحرية . والي بيفرط بهالثمن كأنو تخلى عن حريتو
انشالله كون قدرت وصلت فكرتي عن الحرية .

ولا إله إلا الإنسان , عنجد جملة اكتر من رائعة .
يعطيك العافي ابو نهلة

[blue rose]

بالنسبة لهاي القضية بشكل خاص انا بقول انو لازم نتطلع لعى الموضوع بمنظار اوسع وهو ليس فقط ان الانسان حر نفسه ويستعمل ويقرر لنفسه ما يشاء انما هل يستطيع هذا الانسان رسم الحدود لنفسه اي ان عندما يتعدى استعماله للمخدرات او الحشيشة شخصه او نفسه على هو يكون على وعي ومعرفة انه هنا الحد.....
لذلك اعتقد بما ان الانسان لا يكون على وعي تام فان منع القضية من اولها هو الاولى (حسب عقل القانون والنظام) لانه المشاكل يللي رايحة تنبع ممكن تحد من جميع دائرة الاشخاص داخل هذا النظام وبذلك منع حريات اكبر ....

اما انا حسب رايي فانه لا يوجد شيء يسمى بالحرية المطلقة...... المجتمع هو نظام كالشبكة الكل يعتمد على الكل والكل يحتاج الكل لذلك اعتقد بان الحرية التي يمكن للنظام توفيرها هي الحد الادنى من اخذ بعض الحريات ، كمثال قصة المخدرات بابعادها طويلة المدى ممكن تاذيلي حريتي بالعيش كانسان يستعملها او كانسان يواجه مجتمع يستعملها لذلك نستغني عن حرية استعمالها لخدم حرية اسمى وهي العيش بسلام ...

ومشكور على الموضع الحلو .....

[tiger]

تنتهي حريتك عندما تبدأ حرية الآخر ...

[leoprad]

يعني انا برأي مافي حرية بس في وهم او هدف اسمو حرية منشال تتبرر المشاكل فيها
اذا كل حرية في وراها شي يحجمها
بدي اسمع على العالي (في جيران)
بدي اسرع بالسيارة (في مخالفات)
بدي اكفر (في اعراف و دين)
بدي
بدي
بدي

[abosleman]

هلئ برجع بناقش الموضوع معكن

بس بدي روح هلئ
بس بتذكر شغله لنزار قباني
بيقول انو الحريه متل البحر اد ما وسعت وكبر في إلها حدود

وبنرجعلكن بعدين

[rammstein]

غريبة هالاراء الي عم اسمعها.....انسيتم وجود الدين والله في حياتكم؟؟؟؟؟
يا جماعة انا مالي متدين بس تاكدوا انو اذا كل انسان بدو يمشي على كيفو فالدنيا الى خراب

[COSTA]

اين اصبح هذا الانسان الاله؟؟

وين صار هالانسان يللي صنع الحضارات
وينو الانسان يللي كتب الفلسفة والنظريات والعلوم
وين شعبنا من هاد الانسان
بالاحرى وين نحنا من هاد الانسان لانو هو متلنا انسان ..... فهل صار هاد الانسان عبد للمال والجنس والمخدرات ...... وعبد للقتل والجريمة
يمكن تقولو ردي من خارج الموضوع ... بس هو من صلب الموضوع لانو كتير اشياء عم تتغير بحياتنا ويوم عن يوم عم تزيد ... عم تتعقد الامور اكتر بكتير ... صايرة الناس همها المصاري وبس ....
ليش ؟؟
طبعا لانو كل شي زاد عن حقو نقص ......
قوانين صار لازمها تعديل صرلها من سنة الف وتسمعية وخشبة
عقول صلبة جافة ما بترحم ولا بتخلي رحمة الله تنزل عليك
بنات عم تلفت بالشوارع وكلو تحت اسم الحرية المستعارة او الديموقراطية الهوليودية
شباب همها تهرب برات البلد وتهاجر لانو ما عم تلاقي فرصة او بصيص امل بالمستقبل
وبيجو بقلولك اخر شي يا عمي البلد بخير شوف غيرنا ...اي انا شو بدي بغيري .... بدي انا هلأ حتى فكر اني شوف غيري
اصلا انو خير بالبلد عم تشوفو ؟؟؟



واخيرا
ليش النكوشة ؟؟