في المواقع من رحم أخوية .. و المواقع الصديقة ..

[Hus]

لضيق الوقت .. سأقتبس على عجالة جزء من ادبيات اخوية (فيما طرح في هذا الشأن سابقا في اقسام المشرفين الخاصة..)

وضحنا بمناسبة/مناسبات سابقا .. موقفنا من المواقع الي بتنبثق من رحم أخوية (ان صح التعبير)، سواء بيكون على رأسها اعضاء كانو بأخوية ، و حبو يعملو شيئ خاص فيهم اكتر تخصصيا من اخوية ، سواء الي فقط رايد يعمل منتدى من باب التسالي.. و ايضا وايضا و الأهم الي عم بيقلد اخوية في النهج او بمعنى أدق الي نتيجة قناعتو بالي عم تعملو اخوية فحب يساهم بدورو على طريقتو الخاصة

وقلنا بكل الأحوال احنا مندعم هاي المواقع جدا ، (و كثر منهم بيراسلوني _بصراحة لدرجة صار زيادي او بمعنى متعبة لي_ بمجال التقني و مجال كيف يعملو الأمور وكيف يظبط الأشياء وكيف ينظمو العمل البرمجي وهيك امور ..)

وهذا شيئ اخوية ما بيشكل ليها اي مشكلة وانما بالمقلوب الأمر
اخوية من حيث فلسفتها عم تمشي بمنهج معين .. اي حدى بيمشي بهال المنهج هوي اوتوماتيكي فيك تقول عنو من حلفاء اخوية او هيك يعني انو ناس منحبزون ..
اخوية ايضا من ناحية الشخصية بتنحو في مساعدة الأفراد .. وهذا ايضا شيئ مش جديد ع أخوية ، فما بالك بشخص كان عضو او بعدو عضو بأخوية .. و عم يعمل شيئ فينا نساعدو فه (اكيد رح بنساعدو)

أخيرا و على رأس الأهميات
فكرة او نزعة الإنشقاق ليعملو منتدى خاص فيهم هيي برأينا وليد من ظروف ما ما عم تواتيهم بأخوية ، او بمعنى الي عم بيصير ان واعضاء فاعلين بأخوية بينتقلو بعد فترة منيحة ليصيرو بمنتدى آخر، هون السبب عم بيكون بغالب الأحيان انو اخوية ما عم بتأمن لهال الاشخاص الإكتفاء الازم، او ما عم بتأمن لهال الأشخاص البيئة المناسبة ليهم الي هني بيكونو مرتاحين فيها ..
وهذا مش غلط بأخوية و لا هو غلط بالأشخاص هو فقط لا يعدو ان يكون عدم توافق ..
مثلا شخص متعصب دينيا ، هذا الشخص لحقيقة القول لن يجد له مكان مناسب بأخوية ، لن يكون عضو فاعل متفاعل بناء + مرتاح بأخوية ..
هذا الشخص لو فضل بأخوية مع الوقت رح يكون وجودو سلبي بالموقع ، مش بس انو بيكون ما عم يقدر يتفاعل مع الوقت بيصير يتفاعل سلبا مع الأحداث..
هيك شخص هيك مجموعة لمن بتنتقل لمنتدى آخر بيلاقو فيه بيئة خصبة اكثر او مريحة اكثر للتعصب الديني مثلا هون عم بحكي مثل..
فهذا بصالح هدول الأفراد (وصالح الأفراد فراد هو مصلحة اخوية ، بالنهاي اخوية بدها تفيد ) + بصالح اخوية كموقع من حيث بيخففو عبئ على الموقع (ليس عبئ يعني لود وانما عبئ يعني انو بيئة اخوية العامة اشخاص اخوية شارع اخوية العام يتعاطى مع اشخاص مختلفين جدا عنه ..) ..

لهيك احنا منشجع كل حدن بيعمل منتدى مستقل ضمن المناحي الي حكينا عنها .. (الي تقريبا بتشمل كل التيارات او النزعات الإستقلالية ) طبعا يستثنى فقط انو ندعم او نشجع موقع قام على مهاجمتنا .. انو حدن يعمل موقع لمهاجمة اخوية هذا شيئ مافينا ندعمو ..
عدى ذلك كلو تمام و مبسوطين من الشباب هدول كلهم ، .. و رح نضل ندعم او نساعدهم بما في طاقتنا ..

اخوية من حيث نظرتها في الأمور ما بتشوف عندها بالوقت الحالي من المواقع الموجودة بوسطها منافسين ، مش انو هيي متغلبة عليهم او من هال الباب الحكي اطلاقا ،

الفكرة مختلفة ، اخوية عم تعمل شيئ بهدف معين ، (بنائي لو ضاق الوقت على التفنيد)،
فأي حدن بيعمل شيئ مشابه هوي حليف او sister site فيك تقول .. وليس منافس ..
المنافسين الحقيقين هني فقط المواقع الي بتدعو لفكر معاكس لفكر اخوية ، بنفس ساحة العمل تبع اخوية.

يعني اليوم اخوية عم تشتغل بساحة عمل سورية وبلاد الشام لمن في مواقع بنفس هاي الساحة عم تستقطب الناس بنجاح فعلي ، و عم بتبث من على منابرها افكار معاكسة لأخوية (افكار في التعصب الديني مثلا، في التسليميات، في القوقعة الإجتماعية ، عم بتبث افكار الخوف او الإحباط بالشعب و بقدرته على التغيير، افكار حتى مضيعية.. الخ )
يعني متل موقع يكون في منطقتنا عليه زوار كتير وفعلا موقع ناجح بالفعل ، وهذا الموقع موقع ألعاب (فقط العاب) ، بتدخل بتقضي 10 ساعات بالنهار كل يوم فيه وبس كلشي بتعملو انك بتغير شكل بتلعب ..
هذا الموقع منصنفو بخانة منافس، لانو عم بينافسنا على الأفراد ، هوي بدو ياخد الأفراد لعندو لأسبابو الي ما لنا علاقة فيها بس بالمحصلة هوي عم ياخد من وقت الأفراد يوميا XX ساعات .. وما يعطيهم اي فائدة على ايتها صعيد ، واحنا بدنا ناخد الناس لعنا منشان نعطيهم باكيج متل ما منشوفها منشوفها اكتر تكامل واكثر نجاع ، من حيث مسلية ومفيدة و بنائية ..
وهيك هلم جر ..

اكيد فيها ، فينا ندعمهم انو نحطلهم اعلانات بأخوية ، او اذا لزمهم مساعدة اشرافية او شي .. طبعا فينا ..

بس هون النقطة المحورية انو مين بيقدر يحمل مسؤوليتهم على عاتقو مين بيقدر بمعنى تاني يراهن عليهم ،
اليوم احنا بنقول اي المواقع هاي مواقع بدرجات ما هيي مندعمها
مثلا موقع ترفيهي بحت يطلع من رح اخوية ، رح ندعمو فقط لانو الأشخاص هدول ابنائنا هون .. (بس احنا ضد سياسة الترفيهية البحتة لهيك رح ندعمو بنسبة بسيطة بفترة ما، وان كان ماشي بسياسته الترفيهية فرضا البحتة فرح نوقف ندعمو تماما)

مثلا موقع من نفس فكر وفلسفة اخوية البنائية بنفس نزعة اخوية العلمانية اليبرالية (في ادارة شؤون المجتمع دون الفرد) ، رح ندعمو جدا وعلى فترات طويلة جدا ، وقد تكون دائما .. دامو ماشي بنفس خندقنا ..

منقول او مرة كنت حاطط بتوقيعي " مش مهم مين الي حامل الراية .. (فعلا مش مهم) المهم اولا تكون الراية مرفوعة ، وبعدين على مهلك بس تضمنها مرفوعة بتقعد بتفكر و بتظبط بموضوع الي حامل الراية، انو من قبيل هذا حامل الراية بس هذا حاملها احسن ، هذا حامل الراية بس ممكن يتعب و يزت الراية بلحظة وينصرف، لاء خلينا مع هذا الي حاملها وضامنين لانو قبضاي يفضل حالمها اطول او دائما اكتر، .. مثلا هذا حامل الراية بس كل شوي بتوقع منو بيغفى بيسهو .. بس هداك حاملها و متقد حماسة لحملها فخلينا مع هذا التاني.. هذا حامل الراية اي بس احسن نخلي هذا وهذا يحملوها مع بعض هيك افضل و اضمن .. " اي ان دائما الأولوية انو تفضل الراية مرفوعة و بعد ذلك في حكي كتير ، بس ما تجي تحكي فيه والراية على الأرض ..

ختامها:
انو نعم نحنا رح ندعمهم بكتير امو، و حتى على صعيد انو اعلان بأخوية، على صعيد دعم مادي، على صعيد دعم تقني .. الخ الخ من هال الأمور، بس فقط ليلي منقدر أنراهن عليه ، فقط مندعم بهال الطريقة الي فينا نراهن عليهم انو هني رح ضلو بنفس خندقنا .. (وعليه مافينا اليوم ندعم بهال الطريقة المطلقة اي موقع جديد لسع اليوم طلع .. احنا بعد ما منعرف شي عن هال الناس ، ما منعرف شو بدهم يعملو ، شو فيهم يعملو ، شو عملو سابقا .. الخ .. )
لهيك موقع جيدد مندعمو بإستحياء ، لتتبلور صورة واضحة ليه ، (ونهج واضح ، و فلسفة واضحة ) وقتها نُطلق يدنا للدعم ..

بس هيك ..

ايضا تم التطرق لهذا الموضوع (ما نسميه اصطلاحا المواقع المنبثقة من رحم اخوية) .. بعدة مناسبات منذ عدة اشهر، و حتى على عجالة بموضوع ما من سنة على ما اذكر..
بحكم ان الحدث هذا يتحكرر من حين للآخر ..
لكني للأسف ولضيق الوقت لم استطع الخلوص للمواضيع هذي الآن للإقتباس منها ، بدي شير انو بأحدها تم التطرق لإنشاء قسم خاص داخل اخوية لدعم المواقع هذه ودعم الأفراد الي بدهم يعملو مواقع ليهم سواء منتديات سواء غيره ..
و بموضوع آخر تم التطرق ايضا للدعم اللوجستي و الدعم المادي (مثل الإستضافة ، و الدعم المادي المباشر بالتبرعات .. ) ..
و بموضوغ غيره كان بعتقد ايضا سيزار عم يحكي وقتها ، اتطرقنا لموضوع انشاء متل منظمة غير ربحية مستقلة كبيئة مستقلة للمواقع السورية والمشرفين عليها ، متل نادي خاص او منتدى خاص بمدراء المواقع السوريين والمشرفين بمواقع سورية وهيك .. بحيث يكون ايضا مكان من خلاله يتم توجيه ما او نهج موحد لهال المواقع العاملة بهال الساحة ..

عموما انا كنت رايد احكي عن هذا الموضوع تفنيدا ، و خصص ليه قسم خاص (اقصد الدعم ) .. بوقت لاحق، (انو على مهل..) بس لظروف معينة استوجب طرح الموضوع الآن على عجالة الآن بالصيغة التي هو بها .. ليتم توضيح ما قد يكون به لبث على البعض..