ماذا تعرف عن الصندوق الاسود

معتر ليش ما بعرف · 03/08/2007

مع تطور وسائل النقل والاتصال وتبادل المعلومات والبيانات قدر الانسان انو يصنع ويخترع اجهزة تعطي معلومات دقيقة لحد كبير لكل شي بصير من حوليه
ومن هالشغلات المتطورة والهامة بهالمجال شي اسمو الصندوق الاسود واكيد الكل او الاغلب سمع عنو وعلاقتو بتحطم الطائرات واول شغله كانو يحكو عنا لما بنسمع بسقوط طائرة لسبب مجهول هوي الصندوق الاسود .
خلونا نتعرف شوي على هالاختراع الهام ونعرف عنو دواعي اختراعو وظروفا ومن شو مكون

شو هوي الصندوق الاسود الموجود بالطائرة :
يعتبر الصندوق الاسود الشاهد العدل والصادق بعد الله سبحانه وتعالى على تحطم الطائرات والاسباب الي بتوقف ورا تحطمها وهوي لا يقبل الغش والتدنيس والرشوة الا ازا كان وراها ايادي بشرية بتغير مجرى الحقائق متل ما صار بالطائرة المصرية وطائرة طيران الخليج في البحرين والي لحد هلا ما انعرف شو سبب سقوطون وتحطمون

تاريخ اختراع الصندوق الاسود :

عحسب رواية الاستراليين بقولو انون هنن اول مين اخترع هيك جهاز سنه 1958 على ايد عالم الطيران الاسترالي الجنسية المدعو (ديفيد وارن ) والي قام باختراع مسجلة لتسجيل تفاصيل الرحلات الجوية وقام بتقديم اختراعو لسلطات الطيران الاسترالية يلي رفضت منو هيك اختراع وقالت انه عديم الفائدة في مجال الطيران المدني بعدين نقل الدكتور وارن اختراعو لبريطانيا يلي رحبت فيه بحماس . وبعد ما بثت اذاعة بي بي سي تقرير عن الجهاز تقدمت الشركات بعروض لتطويرو وتحديثو وما كان من شركة الطيران الامريكية ( لوكهيد ) Lockheed الا انها تصنع اول مسجلة معلومات نظرية للطيران وكانت مقاومة للتحطم اسمها ( F.D.R فلايت داتا ريكوردر ) وبعدين انتجت شركة تانيه مسجلة اصوات قمرة القيادة وهي ( C.V.R ) وكانت هالاجهزة قادرة على تسجيل ما لا يقل عن 17 نوع من المعلومات وبعد تطور المسجلات النظرية والرقمية صارت قادرة عتسجيل اكتر من 100 نوع من المعلومات بوقت واحد عن طريق تلقي المعلومات من اجهزة تحسس للمعلومات من سرعة الريح والارتفاع والاتجاه والساعة الزمنية ودرجة الحرارة خارج الطائرة ووضع الطائرة في الجو وكل هالشي مرتبط بابرة تسجيل تقوم بتسجيل كل التغيرات الواقعة والطارئة وهيي على شكل ابرة رسم تخطيط القلب ولهيك سموها الاخ الكبير لانها بتجسس عكل شي بالطائرة

من شو بيتألف الصندوق الاسود :

طبعا قبل ما نحكي من شو بيتألف الصندوق الاسود المعلومة الي لازم نعرفا عنو هوي سبب تسميتو بهالاسم . وطبعا اسم الصندوق الاسود مو لانو لونو اسود . هوي عبارة عن صندوق لونو برتقالي او احمر وسموه بالاسود لانو متعلق بالمصائب والاحداث السودة والسيئة الي بتصيب الطائرات ( الله يبعد عنكون كل شر اسود ولا ابيض ولا اخضر ولا شو ما كان يكون )

بيتألف الصندوق الاسود من مسجلتين وحده منون بنسميها نظرية والتانية رقمية ( ديجيتال ) وتنيناتون متشابهين بالشكل الخارجي بس بيختلفو بالتركيب الداخلي

الصندوق الاول وظيفتو تسجيل وحفظ البيانات الرقمية والقيم الفيزيائية متل ( الوقت .. السرعة ... الاتجاه .....)
اما الصندوق التاني فوظيفتو تسجيل الاصوات الي بتصير بقمرة الطيار او بين الركاب متل (مشاحنات وخناقات عائلية , استنجاد و استغاثة , او حوارات بين الطاقم والركاب .....)
ومتل ما ملاحظين بالصورة تحت انو في صندوقين بالطيارة مو واحد بس ... صندوق بمقدمة الطائرة وصندوق بالمؤخرة عند ذيل الطائرة

مواصفات الصندوق الاسود :

بنشوف بالصندوق الاسود تقدم علمي وتقني اشبه ما يكون بالخيال فهو الدليل الوحيد يلي بزود المحققين بالمعلومات المطلوبة بعد نحطم الطائرة والي لازم تكون موجودة بعد الحادث لمعرفة اسباب وقوعو وهوي اغلى قطعة بالطائرة من حيث الاهمية ويبلغ كلفته من 10 الاف _ 3 الف دولار
مقاييس الصندوق لطول 20 بوصه والعرض 5 بوصة
والارتفاع 7 بوصة ويكون في ذبل الطائرة لزيادة الحماية

مواصفات الصندوق الاسود الفيزيائية :

1- لون الصندوق برتقالي او احمر حتى يسهل كشفو وتمييزو
2- يقاوم درجة حرارة تصل الى 1100 درجة مئوية صادرة عن لهب مغذى بالوقود لمدة 30 ثانية

3- الصناديق مصنوعة من معدن التيتانيوم الصلب وبالتالي قادرة على مقاومة اختراق قضيب من الفولاذ وزنه ربع طن يسقط من ارتفاع 3 امتار

4- قدرة عالية على تحمل ضغط المحيطات وذلك عند تطبيق ضغط يوازي الضغط الحاصل في المحيط على عمق 200000 الف قدم تحت البحر أي ما يعادل حوالي 6000 بار

معتر ليش ما بعرف · 03/08/2007

5- كمان يمكن للصندوق مقاومة المواصفات الكيميائية والفيزيائية لماء البحر وذلك عند غمسه في حوض مملوء بماء البحر ولمدة 24 ساعة

6- يقاوم الاهتزاز الارتجاجي دون الاسائة الى المعلومات المسجلة او فقدانها كما يتحمل الارتطامات القوية والتحطم والانفجارات وقد تم اجراء تجربة عليه باطلاق قذيفة على الصندوق بقوة 3400 نيوتن

7- يحتوي على مرشد لاسلكي لتحديد موقعه تحت الماء ويطلق ذبذبات صوتية عالية التردد تصل الى 37.4 كيلو هيرتز عند مساس المياه والثلوج الكثيفة والرطبة وذلك عند خروجه من ذيل الطائرة ويمكن ان تميز تلك الاشارات عن مسافة 2.5 ميل وعلى عمق 20 الف قدم تحت الماء ولمدة 30 يوم متواصل

8- يوجد بداخله شريط تسجيل المعلومات من نوعية جيدة بعرض ربع بوصة وله قابلية التسجيل المستمر لمدة 25 ساعة متواصلة يعود بعدها للتسجيل من جديد بعد انتهاء المدة وذلك فوق المعلومات القديمة وهي تمسح تلقائيا

9- كما توجد مسجلة في قمرة القيادة في كبين الطائرة وهي تسجل اخر الاحداث التي ادت الى تحطم الطائرة وهي تعرف المحققون ما اذا شعر الطيارون بوجود خلل ما قبل تحطم الطائرة وما هي نوعيته وتسمح بمقارنة المعلومات الموجودة في الصندوق الاسود مع مسجل قمرة القيادة وهي تسجل مكالمات الملاحين منذ تشغيل الشبكة الكهربائية للطائرة وحتى توقفها عن العمل وذلك لمدة نصف ساعة وهي فترة قصيرة بالمقارنة بالصندوق الاسود وهي تسجل اهم جزء وهو الجزء القريب جدا من الحدث
تستطيع هذه المسجلة من تسجيل كل ما يقع في مداها بما في ذلك طنين 400 هرتز الصادرة عن الشبكة التي تبلغ قوتها 2 فولط واصوات مراوح التبريد والاهتزازات الضعيفة

فوائد الصندوق الاسود :
تستخدم معلومات الصندوق الأسود من قبل :
1- دوائر هندسة الطيران لرصد آداء الطائرات وتحسين مستوى صيانتها .
2- دوائر ملاحي الطيران للرقي بمستوى الملاحين .
3- شركات صناعة الطائرات لرفع مستوى السلامة في الطائرات
الحديثة والقديمة .
4- تفيد المعلومات الموجودة في الصندوق الأسود خبراء الأرصاد الجوية فهي
تقدم معلومات دقيقة عن الظواهر الجوية الخطرة مثل المقصاة الجوية
والانفجارات الهوائية الصغيرة .

خاتمة زغيرة :
من خلال هالشرح المبسط بنلاحظ قديش هالجهاز الزغير والي ما بيطلع حجمو كمشة ايد .. قديشو هام وموثوق وضروري . وطبعا هلا الصندوق الاسود او نظام الصندوق الاسود صار معتمد مو بس بالطائرات هلا صار في صندوق اسود بالسفن والقطارات وحتى بالسيارات وبالتكاسي خصوصا والي من مهامو كمان تسجيل سرعه العربة و مستوى التلوث بالعادم ... وبكرا شوي شوي بركبو صندوق اسود للبني ادم
والله يقدم الي فيه الخير

الحاج متولي · 04/08/2007

تحياتي للغالي ...معتز
و بحب قلك مشكور جداً على هادا الموضوع الجميل ...و المفيد
وياريت تكترلنا من هيك موضيع علمية مفيدة .....و على الأخص المواضيع العلمية ....البسيطة و يلي بيقدر كتير ناس حتى لو كانوا ....أميين .....يفهموها
المهم
تحياتي
الحاج متولي

طنش تعش · 04/08/2007

فكرت انو صندوق اسود.....

...مشكور

Syrian Gay · 04/08/2007

رهيب هادا الصندوق

يسلمو معتر

Ninar · 04/08/2007

شكرا معتز على هل المعلومات المفيدة والقيمة
وبتمنى منك دائما تغنيلنا معلوماتنا بكل ما هو قيم ومفيد
تحياتي

hanny dagher · 04/08/2007

شي جميل

معتر ليش ما بعرف · 05/08/2007

اقتباس:

كاتب النص الأصلي : الحاج متولي

تحياتي للغالي ...معتز
و بحب قلك مشكور جداً على هادا الموضوع الجميل ...و المفيد
وياريت تكترلنا من هيك موضيع علمية مفيدة .....و على الأخص المواضيع العلمية ....البسيطة و يلي بيقدر كتير ناس حتى لو كانوا ....أميين .....يفهموها
المهم
تحياتي
الحاج متولي

والله يا عمي الحاج .. الي رح يكون أمي للاسف الشديد لا هيك مواضيع ولا غيرا رح يقدر يفهما لانو بالاساس مارح يقدر يقراها ويستفيد منها ...

بس شكرا عالمرور وانشالله مارح ابخل عليكون باي موضوع علمي

وشكرا الك