ليش التعليم الديني

[كهربجي]

مرحبا أخوية..

في سؤال عندي بعتبرو مهم كتير، ألا وهو التعليم الديني...

من سنتين قررت وزارة االتربية تحول ساعة في الأسبوع (حصة) من التربية الدينية لصالح التربية الفنية، المشكلة الأساسية كانت أنو أئمة الجوامع والناس المتدينين بشكل عام قابلوا الموضوع بغضب عارم!

هلق معروف للكل أئمة الجوامع تحت أي راية بيشتغلوا، وكم حدا بيقرا الخطب قبل ما تنقال... ومع هيك كان الخطاب هجومي وعصبي تجاه وزارة التربية..ز

هذا يؤدي لسؤالين... تلاتة

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

[phoenixbird]

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟



والله ايها الكهربجي مو الاشكالية بتدريس الدين من حق اي شخص انو يتعلم عن الاديان

بس الغلط هو التركيز على امور مو ضرورية من جهة ومن جهة تانية السيطرة المطلقة على عقول الطلاب باسم الدين وربطه بالاخلاق
وهاد غلط بعض المدارس والمدرسين


2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

هلا السلفيين والوهابيين منتشرين بكل قرنة وهون كمان بس الكارثة لما بيصير ضغط على الناس وتهديدات وفتاوى على العمياني

تخيل الي صديق بيدرس بالمعهد العالي للفنون المسرحية راح مرة عالجامع قام قللو الامام انو يا ابني اترك معصية ربك وانضم النا ورفضوا انو يفوت للجامع قبل ما يترك التمثيل

او واحد تاني بيقلي انو اللبس الغربي حرام لانو تشبه بالغرب
واللي بيقلك ...........................حاج بقا

هلا هني بالاساس متخلصين من الحبل هون وهونيك بس السؤال اين موقع الدولة من هدول الناس وخاصة بعد 4 شباط بالشام وقت السفارة الدانماركية انو توقعنا المجتمع صار علماني اكتر اتصدمت






3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية


خليني صلح كلمة المد المتطرف مش الاسلامي

من يتحكم ؟ لازم تتحكم الدولة اكثر من هيك بكتير على الاقل المدارس الدينية تمنع مش الشرعية
يعني اللي الها اعتماد ديني وطائفي كبير وهي للاسف بلشت تنتشر

[COSTA]

هلأ التعليم الديني ضروري .....
انو ليش ضروري ....
كل عمرو مجتمعنا مبني على الخلفية الدينية وعلى الرؤيا الدينية .....
وهاد الشي يللي مخلي مجتمعنا الشرقي متماسك الى حد ما ...... لانو العاطفة عم تلعب دور كبير بتوجهوا الفكري ....
بس شو التعليم الديني يللي المفروض يتعلم ؟؟؟
هون السؤال انا بشوفو لازم ينطرح ....
انو التعليم رح يكون لمجرد التعليم ..... ام انه لتعزيز الايمان وبسط السيطرة الدينية ؟؟؟
وكنت ذكرت بموضوع تاني غير هون عن الاختلاط والتفريق بالتعليم ....
وهي المشاركة كانت

كاتب النص الأصلي : COSTA

كان ضمن المنهاج الدراسي في مادة اسمها التربية الاسلامية +التربية المسيحية
لما يصير وقت الحصة الدينية ... بتلاقي كل صار في فصل بين الطلاب .....
يعني بتلاقي طلاب احدى الطائفتين انفصلو بصف اخر عن طلاب الطائفة التانية
وهاد انا بشوفو بعزز على الطائفية ....
طيب ليش ما الطلاب بيدرسو المادتين سوى ..... حتى تكون التنشئة فيها وعي وقبول للاخر .....

والي رجعة عالموضوع

[Nirvana]

كاتب النص الأصلي : كهربجي

هذا يؤدي لسؤالين... تلاتة

انو يا سؤالين يا تلاتة .. حدد لو سمحت

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

لا ثم لا ثم لا .. الاصرار لانو من مصلحة كل ذي دين ان يجرّ الآخرين الى دينه ويتبعو له .. مصالح ليس اكثر ..
المشكلة انو الفكر الديني لا يمكن الجدل فيه بالنسبة لاصحاب هذا الفكر .. اذا كان صحيحا ان يدعى فكر حتى !!!

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

ما بعرف ... لكن المشكلة في بيوت الدين وتعصبها الاعمى وتأثيرها الكبير على الشعب .. طبعا مو كل الشعب لكن على جزء كبير كتير منو ..
بالنهاية دمشق هلا غير دمشق قبل .. بنظرة وحدة بتقدر تكتشف هالشي .. للاسف ..

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

تيارات مختلفة والمشكلة انو هالجيل الجاي ليست لديه قاعدة صلبة من الوعي والثقافة .. لكن التيار المتعصب اثبت قوته حتى الآن .. ربما ليست قوته لكن ضعف هذا الجيل لاسباب وعوامل كتيرة منها السياسية والاقتصادية والاجتماعية ..

كلمة تانية بدي ضيفها .. انو ما في ولا عامل ولا ظرف لصالح هذا الجيل للاسف ..

[yass]

موضوع شائك لكن مهم


انا ضد التعليم الديني للصغار و القصر داخل و خارج المدارس. و لسببين بسيطات: الأول هو أنو ما أعتقد بحق الأهل في تقرير عقيدة ابنهم أبدا و الثاني لسا أبسط: اذا ابن 12,13,15 .....الخ سنة ما فيو يشتري دخان أو ينتخب أو يطالع شهادة سواقة بحجة انو قاصر ليش نفترض انو فيو يستوعب عقيدة و يهضمها و يفهمها؟؟؟

بالنسبة لسوريا. أعتقد انو نوعا ما في نوع من محاولة عدم جرح شعور الاسلاميين ( يللي هنن على فكرة كتير حساسين و رأسا تنجرح مشاعرهون) بسبب استشعار تنامي الانتماء الاسلامي بسوريا. على كل علي الاقرار بأني الى حد ما معجب بخط عمل المفتي السوري, أعتقد انو شخص انفتاحي و مسالم


تحية و شكرا عالموضوع

[MadMax]

كاتب النص الأصلي : كهربجي

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

برأيي ... لا مو ضروري ..... خاصة انو صايرة حصة التربية الدينية .... عبارة عن حصة غسل دماغ
الاصرار .... بعتقد هو مراعاة لواقع و عرف اجتماعي ....
بس ممكن أنو تلغى بالتدريج





بذكر أول ما لغو تلاوة القرآن ببداية البث التلفزيوني اليومي ......... ما ضل حدا بالعالم الاسلامي ما هاجم الحكم الكافر في سوريا

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

بظن أنو قوة الحبل مرتبطة بالظروف السياسية
يعني مرة بينشد و مرة بينرخي ...... حسب المناخ السياسي

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

أنا ملاحظ ( رأي شخصي ) أنو لما الحكم بسوريا ... بمر بمرحلة قوة ..... بشد الحبل عالاصوليين
و بصير العكس لما بيضعف
بس مشكلة الدين بمجتمعنا .... أنو لحد الآن ...مجرد النقاش بدورو... يعتبر من المحرمات ( اجتماعياً )
و أكيد وسط هالظروف ..... بزيد دور المتعصبين و بزيد تأثيرهون

[sezar]

ازا التغت دروس الدين و اتدرس مكانا شي عن القيم الاجتماعية و الأخلاقية بكون أفيد بكتيير ..
ازا التغت دروس الدين و اتدرس مكانا ثقافة جنسية " و هاد لسا صعب ,, مع وجود مدارس منفصلة بنين و بنات "
يلي بدو يتعلم دين بيتعلم بمدرسة دين .. مسملم بروح عل جامع مسيحي بروح كنيسة

[محمد ابراهيم]

كاتب النص الأصلي : كهربجي

هذا يؤدي لسؤالين... تلاتة

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟


3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

مرحبا كهربجي
يعني ماقريت غير موضوعك اما الردود فلا .مالاقيت وقت ولسا في عنواين جذابة بدي شوفا ومافي وقت كفاية.
رح نفوت بالتساؤل الاول مباشرة ورح اربطو بالتالت واجاوب عليه (السؤال التاني رح اتركو) لاعتبارات ضيق الوقت ولاني ماحبيت جاوب عليه اصلا.
السؤال الاول

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟
انا ارى انه ضروري فلو تركت المدارس تدريس الدين لتركت فراغا في المجتمع بالطيع سيملؤه غيرها
وسنقع في مصيبة اكبر الا وهي (من هم هؤلاء الغير؟؟) قد تكون قوى تطرف وقد تكون قوى اعتدال وقد يكون وقد يكون (بصراحة قد يكون كثير من الجهات) لذلك من وجهة نظري ان تكون الدراسة مهمة مدارس الدولة حتى تكون المناهج تحت رقابة الدولة , هذه هي وجهة نظري حول اهمية ان تلعب المدارس هذا الدور .
ولذلك من هذه الاهمية قد يرى الكثير ان من احدى وظائف المدرسة هي تدريس الدين .
وربما يفسر ذلك الاصرار على تريس الدين فيها .
اما عن السؤال الثالث

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)
مهمة المجتمع كله هي الحفاظ على الاجيال القادمة , لا نتركهم يضيعوا ويذهبوا ضحية للتطرف ولا ان نتركهم بلا هدف او هوية ليضّيعوا حقوقهم بانفسهم .
وان كنت لا ارى بئسا من المد الاسلامي طالما وفقا لاصول الاسلام الحقيقة التي وضعت منذ نحو 1400 سنة وليس وفقا لمفهوم كل شخص وعلى هواه , فهي كفلت الحرية للجميع .

[Fares]

موضوع حلو.... شكراً...


1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

أنا برأيي أنو لاء... من غير الضروري أبداً أن يدرس الدين في المدارس.. أو على الأقل بالطريقة التي يدرس فيها حالياً.. (قصدي أنو نفصل المسيحية لحال والإسلام لحال وكل واحد ياخد دروسو لحالو)... الفكرة إذا كان في بد منها ليش لحتى ما يصير الحصة مشتركة وعن فكرة الميثولوجيا والأديان... يعني بالمختصر تطور فكرة البشرية عن الله.. من أول ما وجدت البشرية لهلأ، بطريقة علمية بحتة بدون ما يكون إلها أي علاقة لا بالخوارنة ولا بالشيوخ، وإنما المناهج بتنحط من أكاديميين بالهالموضوع (وما أكثرهم).... بعرف أنو الفكرة مبدأيا غير قابلة للتنفيذ بس بتضل فكرة مطروحة...
أما بالشكل الحالي، فأنا بشوف أن هالأسلوب العقيم بحصص التربية الدينية لا جدوى منه ولا يؤدي إلا إلى نتائج عكسية... والمدرسة كمان ليس من مهامها نشر التلعيم الديني بل الثقافة الدينية، وشتان بين الإثنين...


2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

السيطرة على الإسلاميين في دمشق (أو سوريا)... هون الموضوع برأيي شائك ومعقد... أنا باعتقادي أن السلفيين والوهابيين غير مرغوب بصعودهم في سوريا (حتى من قبل الحكومة)، ولكن المشكلة بإيجاد البديل. أنا عم شوف أن التوجه العام بالحكومة عندنا هو نحو الاعتدال الإسلامي وتشجيعه من أجل كبح التطرف الإسلامي، بس هالشي لهلأ ما عم يجيب نتيجة، ويا خوفي تنقلب الطبخة على الطباخ!!!


3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

من يتحكم بالجيل القادم؟؟ آآآخ على الجيل القادم... أنا تمر عندي لحظات ضعف أفقد الأمل من الجيل القادم... بس بعدين برجع بتفاءل، ما من أي منطلق ولكن من منطلق أن التفاؤل هو خيار استراتيجي... مشان هيك أنا بالفترة الأخيرة صرت متفائل بالجيل القادم..
أما من يتحكم بالجيل القادم، فهذه مسؤولية المجتمع ككل، أنا بشوف التأثير بالجيل الطالع بشكل عام ما بيكون بس بالمواعظ والتلعيم... بموقف، بتصرف، بكلمة، بمبدأ، بكل تفصيل من تفاصيل الحياة اليومية بتزرع بذرة وانشالله منشوف هالبذور عم تكبر وتصير شجر مثمر...

[butterfly]

كاتب النص الأصلي : كهربجي

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

1- لأ ما ضروري .. واكيد ما وظيفة المدارس تدرس ديانة
وهيك بينقسم الصف وكل ناس بتروح لصف ..
لا والاحلى انو منهاج الديانة المسيحية تخبيص ليوم التخبيص وبتدرسو غالبا ً .. معلمة الفرنسي او معلمة العلوم او ايا معلمة مسيحية موجودة بالمدرسة ..
2. دمشق
يا زلمي تعا شوف حلب .. لأ ما تخلصو منه بالقوة .. في اصولية عم تنتشر .. وفي تغاضي عنها .. ما بعرف تحت أيا سبب ..
3. من يتحكم بالجيل القادم .. السلطة اولا .. " السلطة السياسية بعدين الدينية .. )

الموضوع كتير حلو
يسلمن

[COSTA]

هلأ في شغلة مشان التعليم
المدراس لما بتدرس الدين لازم تدرسو من ناحية دراسة فقط ... مو تبشير
لانو لازم الواحد يعرف الدين شو هو .... بس الطريقة يللي بدو يدرس فيها الدين لازم تكون مبسطة ولاجل التدريس وليس لاجل تعلمو دينو للطالب ....
لانو الدين بيتعلمو من خلال المراكز الدينة وليس من المدرسة ... هيك المفروض
هلأ بذكر كمان معي بالمدرسة طلاب يهود .......
وهنن كانو قلال بصراحة يعني كنا خمسين طالب بالصف كان في طالبين او تلاتة يهود
هدول ما كانو يحضرو ولا اي حصة دينية .....
وبتلاقيهون برا بالباحة مجتمعين وقت الحصة الدينية ( حوالي 12 كانو )
هلأ انو لو بصير ضمن المنهاج الدراسي كمان تعليم عن الدين اليهودي .....
لانو كتير ناس بتجهل شو هو الدين اليهودي وبيسمعو قصص متداولة بالشارع .....
طبعا قصص كتير بتكون من نسج خيال اصحابها ( وشوف الكره يللي بصير والحقد يللي بيربى )
انتو شو رايكون ؟

[sezar]

كاتب النص الأصلي : COSTA

هلأ في شغلة مشان التعليم
المدراس لما بتدرس الدين لازم تدرسو من ناحية دراسة فقط ... مو تبشير
لانو لازم الواحد يعرف الدين شو هو .... بس الطريقة يللي بدو يدرس فيها الدين لازم تكون مبسطة ولاجل التدريس وليس لاجل تعلمو دينو للطالب ....
لانو الدين بيتعلمو من خلال المراكز الدينة وليس من المدرسة ... هيك المفروض
هلأ بذكر كمان معي بالمدرسة طلاب يهود .......
وهنن كانو قلال بصراحة يعني كنا خمسين طالب بالصف كان في طالبين او تلاتة يهود
هدول ما كانو يحضرو ولا اي حصة دينية .....
وبتلاقيهون برا بالباحة مجتمعين وقت الحصة الدينية ( حوالي 12 كانو )
هلأ انو لو بصير ضمن المنهاج الدراسي كمان تعليم عن الدين اليهودي .....
لانو كتير ناس بتجهل شو هو الدين اليهودي وبيسمعو قصص متداولة بالشارع .....
طبعا قصص كتير بتكون من نسج خيال اصحابها ( وشوف الكره يللي بصير والحقد يللي بيربى )
انتو شو رايكون ؟

ما بتظبط يا صاحبي
رح تتسيس الأمور و تتحور الى ما يريدون
كما دائما

[Nirvana]

كاتب النص الأصلي : COSTA

هلأ في شغلة مشان التعليم
المدراس لما بتدرس الدين لازم تدرسو من ناحية دراسة فقط ... مو تبشير
لانو لازم الواحد يعرف الدين شو هو .... بس الطريقة يللي بدو يدرس فيها الدين لازم تكون مبسطة ولاجل التدريس وليس لاجل تعلمو دينو للطالب ....

انتو شو رايكون ؟

الدين .. ليس علما بل غيبا ..

لذا يجب ان لا يدرس بأي شكل من أشكالو ..


شو رأيك؟

[Reemi]

هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية

لا مو ضروري تدريس الدين بالمدرسه ..بالنسبه الي لو حصة الديانه بيحولوها لشي حصة علوم او رياضيات بكون افيد من الدين .. وخصوصي انو تدريس الدين يعني غسيل دماغ والاطفال غير قادرين يستوعبو هالقصص هيدي .. وفي كتير اخطاء شائعه بتنقال للاولاد بالمدرسه وبترسخ بعقلهن وحلها اذا بتحلها.. (بتذكر مره اختي صارت تبكي بالليل قال شي المعلمه قايلتلهن عن الجن ومدري شو وهيي صف رابع..طبعا امي راحت عالمدرسه ونتفتها بهدله بتسولها حياتها)

ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

بدمشق ما بعرف ... بس فيني قول عن جبله واللاذقيه انو وجودهن خفيف ويكاد لا يذكر ....

من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

كل الخوف عالجيل القادم .. جيل هيفا والاي بود ... جيل الفيس بوك وتامر حسني ... الجيل القادم بيتحكم فيه هالمحتمع والمحطات الفضائيه السخيفي.. وللاسف قابلين بشده للتأثر بالمد الاسلامي وخصوصي اذا كانت الدروس بتنعطى من معلمي او استاذ فهالحكي بياخدوه متل كانو مننزل ولا مجال للغلط فيه..وبنرجع حلها اذا بتحلها .

شكرا كهربجي...

[ASH]

كاتب النص الأصلي : كهربجي

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

برأي ضروري التعريف بالدني مو تدريس الدين بشكل مستفيض ، وذالك للبعد الفكري يلي بيختلف من واحد للتاني "كلا حسب تربيتو وعقيدتو بالبيت" يعني حتى بالمدرسه لنقول في اسلام اي في اختلاف طوائف وهاد بيعمل اظراب بالفكر عند الولد ..

و المدارس مو وظيفتها التعليم الديني بشكل مباشر بس ممكن يكون بطريقه تعريفيه بدون الدخول بالعمق الديني.

الاصرار على اساس هنه هيك عم يأسسو الولد على العقائد الصحيحه بس للاسف كل كتاب ديني بالمدارس بيخدم طائفه معينه يعني بيخدم مصلحه ما بيخدم الفكر

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

الاسلامين بدمشق ، ولله يا صاحبي ما بعرف شو سيطرتهم بس لو بتلاحظ معظم الاسلامين يلي بدمشق بالمعظم هنه مو شوام او من البلد بحد ذاتها ، بس وجود مدارس دينيه تعليميه بتجذب الناس من خارج دمشق و من خارج سوريا كمان ، وهاد الشي انا بشوفوا عم يأثر بالبنيه بشكل عام لانو هيك عم نزيد التشدد لعالم هنه اصلن من خارج نطاقنا كمدينه

ومشان العلمانين و الوهابين و السلفيه ما بتوقع سوريا بيوم لح تكون ملاذ لهيك حركات متل الوهابيه يلي بعتبرها تكفيريه بسبب افكارها المختله ن و السلفيه شبه نقرضو ، و كعلمانيه لو بتلاحظ الاتجاه الاكبر هلا بين الشعب ككل لانو تصير الدوله علمانيه بفصل الدين عن الدوله تمام

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

ببساطه يا اخي لهل سؤال انا براي يلي بيشجع هل شي هنه الحركات الاصوليه متل الاخوان يلي همهم يرجعو يكونو قوه بسوريا كيف ما كان ، و طبعا القاعده الله يطول بعمرها مو مقصره بهل مجال ، و يلي ملاحظو وجود بعض التطرف ما كانت موجوده عنى من قبل و السبب مو ضعف الوزاره بقصد ماهل شي صاير تحت غطاء الدين ، يلي بطلنا نميزو من دين او ارهاب ، و التمويل بنجي للتمويل اخي اي جماعه فيها تعصب فيها تمويل خارجي ممكن نحكي السعوديه للجماعات المتشدده و السبب اكيد مو حبا فيهم بقدر ما بدها تزعزع الامن ، او لنقول من امريكا و السبب اضعاف الكيان من الداخل

هاد راي بأيجاز و يسلمو للطرح المميز

[ayhamm26]

كاتب النص الأصلي : كهربجي

مرحبا أخوية..

في سؤال عندي بعتبرو مهم كتير، ألا وهو التعليم الديني...

من سنتين قررت وزارة االتربية تحول ساعة في الأسبوع (حصة) من التربية الدينية لصالح التربية الفنية، المشكلة الأساسية كانت أنو أئمة الجوامع والناس المتدينين بشكل عام قابلوا الموضوع بغضب عارم!

هلق معروف للكل أئمة الجوامع تحت أي راية بيشتغلوا، وكم حدا بيقرا الخطب قبل ما تنقال... ومع هيك كان الخطاب هجومي وعصبي تجاه وزارة التربية..ز

هذا يؤدي لسؤالين... تلاتة

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

هالموضوع بيسلط الضوء على طريقة تعامل الدولة في سوريا مع الدين
هلق السؤال التاني هل بدأ يرخى الحبل للسلفيين والوهابيين فهو مظبوط نوعا ما لسبب واضح وهو انو للنظام مصالح كتير بهالشي ومثال ابو القعقاع بحلب واضح هدا الرجل كان يوقف بسوريا هه مو بافغانستان وهو متكي على كلاشنكوف وعم يضحك على هالعالم بخطب حماسية وجهادية وطبعا هالشي كان اكيد كلو بالتنسيق مع الامن لانو متل ما هو معلوم بسوريا الواحد بينمسك على شغلات اصغر من هيك بكتير

اما شو مستفيد النظام فكتير اولا اظهار هالصورة للعالم الخارجي يعني سوريا مليانة هيك وحوش دقون وكلابيات قصيرة ونقاب يعني احسن شي يبقى النظام لانو الوحيد اللي بيقدر يظبط الوضع والا بتصير سوريا متل افغانستان وعندكن مثال تاني هون وهو ترك الرعاع يحرقوا السفارة الدانماركية باسم الاسلام

ولاتنسوا كمان قصة محاربة الارهاب يعني مسرحيات الهجوم على السفارة الامريكية لسا ما نسيناها

ومن الشغلات اللي بيستفيد منها النظام كمان كشف الشباب اللي عندن استعداد للجهاد والشباب اللي خلون يروحوا على العراق السوريين والعرب اللي رجع منن طيب تم اعتقالو

اما سؤالك الثالث عن من يتحكم بالجيل القادم فللاسف الجيل القادم رح يكون مرتع للتطرف لانو عادة المفروض انو المؤسسة الدينية الممثلة بائمة المساجد وغيرن هي المسؤولة عن توصيل الدين للاجيال وهي المؤسسة كانت عادة مستقلة وبعيدة عن السياسة بس للاسف بسوريا ما في شي مستقل لا قضاء ولا صحافة ولا شي فتحول ائمة المساجد لمخبرين هدفن الوحيد مراقبة الناس بالمساجد وفقدت هالمؤسسة اي احترام بين الجيل الجديد

يعني الدين في سوريا اكل نصيبو من التخريب متل كل نواحي الحياة التانية

[باشق مجروح]

هاي
التعليم الديني مع الكوكتيل الطائفي الموجود مو ضروري على الاطلاق..واللي معارض يئلي شو استفاد من هالتعليم بهالسنين الطوال
أما ضعف رقابة الدولة ....ما بتخيل الموضوع وصل لهالمرحلة الدولة عندها خطوط حمرا مستحيل تسمح للمتطرفين اجتيازها
وكل فترة بتقوم الدولة مشكورة بعزل وطرد بعض الأئمة المحرضين على الفكر المنحرف (الوهابية و السلفية)
اطمنو نحنا بألف خير وهالمد المتطرف انشالله بعيد عنا رغم قناعتي بصعوبة المهمة باقتلاع الخلايا النائمة من المتشددين...
وتحية لكاتب الموضوع
تحية للدولة القائمة على أمن المواطن...

[التقرير الجوال]

كاتب النص الأصلي : كهربجي

مرحبا أخوية..

في سؤال عندي بعتبرو مهم كتير، ألا وهو التعليم الديني...

من سنتين قررت وزارة االتربية تحول ساعة في الأسبوع (حصة) من التربية الدينية لصالح التربية الفنية، المشكلة الأساسية كانت أنو أئمة الجوامع والناس المتدينين بشكل عام قابلوا الموضوع بغضب عارم!

هلق معروف للكل أئمة الجوامع تحت أي راية بيشتغلوا، وكم حدا بيقرا الخطب قبل ما تنقال... ومع هيك كان الخطاب هجومي وعصبي تجاه وزارة التربية..ز

هذا يؤدي لسؤالين... تلاتة

1-هل من الضروري أن يدرس الدين في المدارس؟ هل وظيفة المدارس هي التربية الدينية؟ ولماذا هذا الإصرار على التربية الدينية؟

2-ما مدى السيطرة على الإسلاميين في دمشق؟ هل بدأ الحبل يرخى للسلفيين والوهابيين على حساب العلمانيين؟ أم أنهم تخلصوا من الحبل بالقوة؟؟

3- من يتحكم بالجيل القادم؟ وسط ضعف وزارة التربية والمناهج، المد الإسلامي، وقوة وتمويل المتعصبين من كل الجهات(خارجية وداخلية)؟

التعليم الديني من اهم الاساسيات يلّي الاهل لازم بيبلشو فيها مع الاطفال, و المدارس بتكمل
التعليم الديني بيغرس بقلوب الناس و افكارهم معتقدات و افكار بيصير الانسان فيها له منحى و وجهه بالحياه بيصير صعب او من المستحيل بيغيرها.... يعني متل ما الهندوسي مبسوط بمعتقداته و صعب بيتحول عنها او بيغيرها لديانه اخرى.
و لا تقولولي الموضوع مو مهم.....! لنه اليهود ما وصلو لهيك مواصيل إلا بسبب المعتقد الديني, يعني بيكون في عندك هدف موجه بحياتك... و إلا بدكن الناس كلها بتكون علماء و مبتكرين " طيب مو غلط, روج ابتكر متل الغرب بس خلّي في عندك معتقد ديني بيربطك باللاهوت و شريعه الله في عباده".
يعني الين بيعلم الرأفه.. الرحمه..مكارم الاخلاق..قراره النفس.. التعامل الحسن مع الناس و عدم ظلمهم.
العلمانيه بتنفذ هالشي فهاد لسبب واحد و انه اخدو من الدين بعضه و تركو الغير مناسب.
تركيا اسلاميه....صح.؟
ليش فاز الحزب الاسلامي و اخد اكتر الاصوات.!
النفوس ضاثعه من دون المعتقد الديني الذي يجب على الاهالي و من ثم المعلمين ترسيحها بأفكار النشأ
أما النفس البشريه فمعرف عنها الظلال و الزيغ.. اما القوانين و الروابط لضبط العلاقات البشريه فهي بكل سهوله مأخوذه من المعتقد الديني.