ديمة اورشو ... عندما الله يتجسد بصوت

[اممي]

قبل كلشي بدي اعتذر من صاحبة العمل لان راح نزل السيدي بالاخوية وعندي رجاء من كل الي راح يعجبن هالصوت ان يشترو السيدي حتي لو صارت الاغاني معن لاني بومن ان هيك اعمال لازم تتشجع
العمل هوه عبارة عن عشر اغاني واسم العمل قصائد مغنات وهوه نتاج جهود غزوان زركلي علي البيانو وصوت ديمة اورشو وبيجسد عشر قصائد بصوت مونو
الرهيب بالمقاطع ان انت بعد فترة بتحس ان صوت هالانسانة صار عبارة عن مجموعة الات موسيقية عم تطلع بكل الطبقات وبتنزل لدرجة اني صرت عيد كل مقطع اكثر من مرة وحلق مع هالكلمات
بتمنى لارواحكن ان تستمتع بهالصوت لان بالفعل هبة الاهيه
ملاحظة: السيدي بتلاقوه بمحلاة القيمرية بباب توما ومع كتيب بكل الاغاني مع الكلمات

اول ترك راح يكون ...
انا من هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[اممي]

حابب القصائد تكون مرفقة بالاغاني ياريت الشباب يساعدوني بالكتابة

احكي للعالم (نفس هالغنية عنتها الرائعة ريم بنا بس حسيت الها غير طعم مع ديمة)


كنا ما اجمل ماكنا يابنت الجارة وياحنا
كنا فلماذا اعيننا صارت بالغربة مجبولة
ولماذا صارت ايدينا بحبال اللعنة مكبولة


حنا لا اذكر قسماتك لكني اجهد كي اذكر
في قلبي ذكرى خطواتك ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[yousefafisa]

يعني على قد ما حكيتي عن هالسيدي و هن ديمة
عم استنا بس يخلص التنزيل حتى اسمع مقطع من الغنية بس مو اكتر
وبكل الاحوال رايح اشتري السيدي لان اكيد اذا عذوقك حلو كتير
شكرا كتير الك

[اممي]

كاتب النص الأصلي : yousefafisa

يعني على قد ما حكيتي عن هالسيدي و هن ديمة
عم استنا بس يخلص التنزيل حتى اسمع مقطع من الغنية بس مو اكتر
وبكل الاحوال رايح اشتري السيدي لان اكيد اذا عذوقك حلو كتير
شكرا كتير الك

الله يسلمك وانشالله يعجبك لاني بعرف شو يعني تنزيل غنية عالنت السوري

[باشق مجروح]

رح امتنع عن التنزيل لغاية الحصول على نسخة لغرض تشجيع العمل وكل من ساهم فيه.
وأتعابهون . ما رح كون شريك بجريمة سرقة الكترونية لأنو لو صار عندي العمل ع الجهاز ممكن يخطرلي ما اشتريه . بس هيك رح يضل ببالي لـ سافر الاسم والعمل وبدفع وانا مرتاح .

[اممي]

كاتب النص الأصلي : باشق مجروح

رح امتنع عن التنزيل لغاية الحصول على نسخة لغرض تشجيع العمل وكل من ساهم فيه.
وأتعابهون . ما رح كون شريك بجريمة سرقة الكترونية لأنو لو صار عندي العمل ع الجهاز ممكن يخطرلي ما اشتريه . بس هيك رح يضل ببالي لـ سافر الاسم والعمل وبدفع وانا مرتاح .

هلق انا فكرت كتير قبل ما نزل العمل ومو ناوي نزل كل يعني شي متل الديمو راح ينفع العمل اكثر مما يضروا
بنفس الوقت انا كنت شاري السيدي منسوخ وبعد ما سمعت نزلت علي باب توما واشتريت الاصلي
هلق صراحة 200 ليرة ماراح تكسر حدا وبنفس الوقت راح يكون تشجيع لهالناس الي تعبت ليطلع هيك عمل ليدفعن ينتج اعمال تانية

[ارسلان]

أممي شوقتنا للصلاة

متابع بشغف

ولا اترك قبل يتحمل

[اممي]

للي استمع للاغاني ياريت يعطينا راي لاني حاسس بس انا متاثر بهالصوت

[samsoum]

كاتب النص الأصلي : اممي

للي استمع للاغاني ياريت يعطينا راي لاني حاسس بس انا متاثر بهالصوت

بدون ما نسمع بقلك انو معك حق... ديمة أورشو من أهم الاصوات الرائعة في سوريا، وأكيد سيكون لها شأن كبير في عالم الغناء
بالمناسبة لمن لايعرفها هي خريجة المعهد العالي للموسيقا قسم الغناء.. وشاركت بغناء الكثير من شارات المسلسلات السورية ، ومنها مسلسل بقعة ضوء.
شكرا أممي يا أبو الذوق

[اممي]

كاتب النص الأصلي : samsoum

بدون ما نسمع بقلك انو معك حق... ديمة أورشو من أهم الاصوات الرائعة في سوريا، وأكيد سيكون لها شأن كبير في عالم الغناء
بالمناسبة لمن لايعرفها هي خريجة المعهد العالي للموسيقا قسم الغناء.. وشاركت بغناء الكثير من شارات المسلسلات السورية ، ومنها مسلسل بقعة ضوء.
شكرا أممي يا أبو الذوق

وحاليا عم تعمل دكتوراه في الموسيقى ببوسطن وغزوان زركلي هوه دكتور للموسيقي احد جامعات المانيا
باتمناه ان تسمعوا الغنيتين وخصوصا احكي للعالم لان بالفعل طالع صوتها خيالي
عالهامش :شو هالغيبة ياسمسوم عنجد اشتقنالك

[samsoum]

كاتب النص الأصلي : اممي

وحاليا عم تعمل دكتوراه في الموسيقى ببوسطن وغزوان زركلي هوه دكتور للموسيقي احد جامعات المانيا
باتمناه ان تسمعوا الغنيتين وخصوصا احكي للعالم لان بالفعل طالع صوتها خيالي
عالهامش :شو هالغيبة ياسمسوم عنجد اشتقنالك

شكرا على اضافة المعلومات..بس فيها غلاظة اذا طلبت منك تنزل الاغنيتين بمرفقات عادية.. لأنو عندي يبدو غير باقي الناس.. مافي اي مشكلة بالمرفقات وانما المشكلة احيانا بالروابط.. يعني الروابط اللي حاططها ما عم تفتح عندي.. ومشكور سلف.
وانا والله بين الايادي.. عم طل كل مابيكون في عندي شوية وقت.. تشتقلك العافية يارب

[بـحــر]

حملت الغنيتين .. يمكن تكون حلوة أو رائعة مابعرف بس مارح أقدر اعطي رأي بشي أنا مابفهم في .. ما بسمع هيك نوع من الموسيقا ... فيا شي تقيل ... عم بتصعب الجملة وقت بتطلعها من صوتها مابعرف حسيت انو إجهاد بتطليع الجملة الموسيقية ...

بحب فيروز بس ..

على كلن تسلم كتير و شكرا

[ارسلان]

فعلا تستحق هذا الاحتفاء والحفاوة صوتها رائع جدا وحريري

[اممي]

احكي للعالم

احكي للعالم احكيلك
عن بيت كسروا قنديله
عن فاس قتلت زنبقة
وحريق اودى بجديلة
احكي للعالم احكيلك

يابنت الجار المنسية
الدمية عندي محمية
الدمية عندي فتعالي في باص الريح الشرقية

حنا لا اذكر قسماتك لكني اشقى كي اذكر
في قلبي ذكرى خطواتك عصفور يدرج او ينقر


كنا ما اجمل ماكنا...
يابنت الجارة وياحنا
كنا فلماذا اعيننا صارت بالغربة مجبولة
ولماذا صارت ايدينا بحبال اللعنة مجدولة؟

احكي للعالم احكيلك ...

[Reemi]

طيب يا الله انا لا عم يفتحو عندو ولا ينزلو ولا شي .. ع كل الاحوال رح خلي سارا تشتريلي اياه

[اممي]

كاتب النص الأصلي : Reemi

طيب يا الله انا لا عم يفتحو عندو ولا ينزلو ولا شي .. ع كل الاحوال رح خلي سارا تشتريلي اياه

طيب حبيتي ريمي انا حاطو علي رابط خارجي ياريت حدا يبعتلي عالخاص موقع ثاني معتمد منشان نزل هالتركات
يعني هالاحكي للعالم راح تطلع من راسي عم تنخر صارلها 4 ايام

[Reemi]

نزلون عالفور شيرد

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[اممي]

احكي للعالم


(هاد غيرنا الرابط ..يسلمن ريمي)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -