استحضرني مقطع من كتاب النبي .... للأديب الرائع جبران خليل جبران ...



اذا جاء أحدكم بالزوجة الخائنة الى المحاكمة، فليزن اولا قلب زوجها بالموازين، و ليقس نفسه بالمقاييس.

و كل من شاء ان يلطم المجرم بيمينه يجدر ان ينظر ببصيرة ذهنه الى روح من وقع الجرم عليه.

و ان رغب احدكم في ان يضع الفأس على اصل الشجرة الشريرة بإسم العدالة فلينظر اولا الى اعماق جذورها.

و هو لا شك واجد في ان جذور الشجرة الشريرة و جذور الصالحة و غير المثمرة متشابكة معا في قلب الارض الصامت.

اما انتم ايها القضاة الذين يردون الكل ابرارا، فأي نوع من الاحكام تصدرون على الرجل الامين بجسده السارق بروحه ؟

أم أي عقاب تنزلون بذلك الذي يقتل الجسد مرة و لكن الناس يقتلون روحه الف مرة ؟

و كيف تطاردون الرجل الذي مع انه خدّاع ظالم بأعماله، فهو مُوجَع القلب ، ذليل، مهان بروحه ؟
.
.
.
.

و انتم ايها الراغبون بسبر غور العدالة، كيف تقدرون أن تدركوا كنهها إن لم تنظروا الى جميع الاعمال بعين اليقظة في النور الكامل ؟

واما انا فتذكرت قول السيد المسيح عن المرأة الزانية,
............ من كان منكم بلا خطيّة فليرمها اولا بحجر. (يوحنا, الاصحاح الثامن)
suryoyo شكرا لحضورك المميز:D

أنا تذكرت اقوال السيد المسيح له المجد ... كلها


برأيي .. لازم نتحاور بالروح لا بالجسد ... حتى نطور افكارنا و مجتمعنا



لازم نشوف اهلها .. لان هم مسؤولين عنها بشكل او بآخر

و اللي بدل ما يحتضنوها .... يحاولون يأذوها غسلا للعار ... !! متناسن هم احد الاسباب

لازم ينسئل المجتمع اللي قد يكون قد ظلمها

و لازم هي تتسائل لانها ظلمت نفسها و اهلها و المجتمع ...


و الحديث يطول :D

وان الروح والجسد هما جزاء لايتجزء من الانسان
ولهيك لازم تحافظ على الروح والجسد

أنا تذكرت اقوال السيد المسيح له المجد ... كلها


برأيي .. لازم نتحاور بالروح لا بالجسد ... حتى نطور افكارنا و مجتمعنا



لازم نشوف اهلها .. لان هم مسؤولين عنها بشكل او بآخر

و اللي بدل ما يحتضنوها .... يحاولون يأذوها غسلا للعار ... !! متناسن هم احد الاسباب

لازم ينسئل المجتمع اللي قد يكون قد ظلمها

و لازم هي تتسائل لانها ظلمت نفسها و اهلها و المجتمع ...


و الحديث يطول :D



وانا موافقة معك... بس عندي ملاحظة صغيرة على هاي الجملة:
لازم هي تتسائل لانها ظلمت نفسها و اهلها و المجتمع ...
انا بعرف انو اذا البنت غلطت بحق حدا فبتكون غلطت بحق حالها ومش بحق اهلها والمجتمع...
خلينا ناخذ مثال بنت غير عذراء...
ممكن يكون في سببين لتفقد البنت عذريتها...
الاول انو هيي تكون على قناعة بالاشي, يعني هيي بتشوف بالعلاقة الجنسية شي طبيعي بيكمل علاقتها مع الجنس الاخر... وازا كانت مقتنعة بهيك فهيدا جسمها وهيي حرة في... ممكن نجادلها ونحاول نقنعها بالعكس بس مش من حق اي كان انو يقرر بانو هون لازم ينوضع حد لحياتها...
والتاني انو تكون البنت انظلمت, يعني حدا غدرها, ضحك عليها, اغتصبها, وكتير حالات بعد...
وكمان بهاي الحالة بتكون البنت كتير انظلمت... واهلها ما صار عليهن شي... فهل يا ترى في حدا الو الحق بانو يجي ويظلمها اكتر من هيك ويحط حد لحياتها؟؟؟

هلأ اكيد هالشغلة زادت عن حدها ولازمها حل ,,,واكيد تخلف لانو بينتج عن عمل بدون تفكير وبدون عقلانية ,,,
وللاسف عنا بالدول العربية بتتحاسب البنت والشب لا ,,,
وبحب قول هالجملة اللي انا بأمن فيها ((كما تدين تدان ))
وهلأ انا قصدي بهالجملة انو اكيد البنت اللي مثلا بتعمل شي غلط وبينتهك شرفها اكيد بيكون في حدا من عيلتها سواءا اخ او اب بيكون عامل نفس الشي مع شي بنت ,,,,
وشكرا مروى على هالموضوع الواقعي واللي بدو حل ,,,,,

هلأ اكيد هالشغلة زادت عن حدها ولازمها حل ,,,واكيد تخلف لانو بينتج عن عمل بدون تفكير وبدون عقلانية ,,,
وللاسف عنا بالدول العربية بتتحاسب البنت والشب لا ,,,
وبحب قول هالجملة اللي انا بأمن فيها ((كما تدين تدان ))
وهلأ انا قصدي بهالجملة انو اكيد البنت اللي مثلا بتعمل شي غلط وبينتهك شرفها اكيد بيكون في حدا من عيلتها سواءا اخ او اب بيكون عامل نفس الشي مع شي بنت ,,,,
وشكرا مروى على هالموضوع الواقعي واللي بدو حل ,,,,,
هوي مش شرط... بس شو يعني بينتهك شرفها؟
يعني بتفقد عذريتها مثلاً؟
وهل شرف البنت مرتبط بغشاء البكارة؟
والبنات يلي بيخلقو بدون غشاء بكارة... بيخلقو بلا شرف؟؟؟

شكرا لمرورك:D

وهل شرف البنت مرتبط بغشاء البكارة؟


سؤال رائع.. صديقتي أمة ضاع شرفها.. حقها ان تفتش على شرف جديد

وأنا عم أقرأ الردود شوي شوي صرت أضحك وبعدين فقعت من الضحك ، لك الجيران غط عاقلبن وإجوا بدهن يعرفوا شو صار، لك سوريانا بشرفي إنك واحد كان ناقصوا للمنتدى ، بعدين ياشباب المشكلة هي من أنفسنا نحنا كشعب بعدين منوصل عاشي اسمو أمة ، تعقيبا عالرد viva syria، بعدين أنا رأي نحط استبيان بالمرة ، انت مع حق الإنسان بقتل اختو أو عرضو أو شرفو تحت حجة جريمة الشرف ولا ضد ، تنشوف آخرة التخلف ...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سؤال رائع.. صديقتي أمة ضاع شرفها.. حقها ان تفتش على شرف جديد
واهون طريق لهذا الشرف هو فرج نساء هذة الامة...

وأنا عم أقرأ الردود شوي شوي صرت أضحك وبعدين فقعت من الضحك ، لك الجيران غط عاقلبن وإجوا بدهن يعرفوا شو صار، لك سوريانا بشرفي إنك واحد كان ناقصوا للمنتدى ، بعدين ياشباب المشكلة هي من أنفسنا نحنا كشعب بعدين منوصل عاشي اسمو أمة ، تعقيبا عالرد viva syria، بعدين أنا رأي نحط استبيان بالمرة ، انت مع حق الإنسان بقتل اختو أو عرضو أو شرفو تحت حجة جريمة الشرف ولا ضد ، تنشوف آخرة التخلف ...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
واللة وفكرتك فكرة يا بو ريتا...
بلكي منشوف اولو للتخلف لانو الهيئة ما لو آخر...

وانا موافقة معك... بس عندي ملاحظة صغيرة على هاي الجملة:
لازم هي تتسائل لانها ظلمت نفسها و اهلها و المجتمع ...
انا بعرف انو اذا البنت غلطت بحق حدا فبتكون غلطت بحق حالها ومش بحق اهلها والمجتمع...
خلينا ناخذ مثال بنت غير عذراء...
ممكن يكون في سببين لتفقد البنت عذريتها...
الاول انو هيي تكون على قناعة بالاشي, يعني هيي بتشوف بالعلاقة الجنسية شي طبيعي بيكمل علاقتها مع الجنس الاخر... وازا كانت مقتنعة بهيك فهيدا جسمها وهيي حرة في... ممكن نجادلها ونحاول نقنعها بالعكس بس مش من حق اي كان انو يقرر بانو هون لازم ينوضع حد لحياتها...
والتاني انو تكون البنت انظلمت, يعني حدا غدرها, ضحك عليها, اغتصبها, وكتير حالات بعد...
وكمان بهاي الحالة بتكون البنت كتير انظلمت... واهلها ما صار عليهن شي... فهل يا ترى في حدا الو الحق بانو يجي ويظلمها اكتر من هيك ويحط حد لحياتها؟؟؟

مروى ...

الولد من يخطأ خطا كبير ... رح يرجع الاثر على كل العائلة ... و كل العائلة رح تتحمل النتيجة ...



و برايي .. بما انه الخطأ ... متعدد الاسباب

فلازم تتعالج كل الاسباب ... و من ضمنها مشكلة البنت نفسها و مشكلة الاهل ..

لان اغلب الاحيان تكون ضحية للضغوطات الداخلية و الاستغلالات الخارجية


القتل هو جريمة ... و اذا بطريقة ما تحايلوا (الاهل) على القانون ... الله موجود و رح يحاسبهم

و لذلك لازم يلتغي هذا القانون ... لانه مجحف


و كثير احيان تكون البنت بريئة ...

وبعض الحالات ... تكون ضحية استغلال من الاهل ....


ارجع و اقول ... اذا البنت أخطأت بشكل او بآخر... لازم الاهل يساعدوها في الحل ... لانهم اهلها

مروى ...

الولد من يخطأ خطا كبير ... رح يرجع الاثر على كل العائلة ... و كل العائلة رح تتحمل النتيجة ...



و برايي .. بما انه الخطأ ... متعدد الاسباب

فلازم تتعالج كل الاسباب ... و من ضمنها مشكلة البنت نفسها و مشكلة الاهل ..

لان اغلب الاحيان تكون ضحية للضغوطات الداخلية و الاستغلالات الخارجية


القتل هو جريمة ... و اذا بطريقة ما تحايلوا (الاهل) على القانون ... الله موجود و رح يحاسبهم

و لذلك لازم يلتغي هذا القانون ... لانه مجحف


و كثير احيان تكون البنت بريئة ...

وبعض الحالات ... تكون ضحية استغلال من الاهل ....


ارجع و اقول ... اذا البنت أخطأت بشكل او بآخر... لازم الاهل يساعدوها في الحل ... لانهم اهلها
اذا هيك معناها نحنا متفقين على معظم النقاط... او على كل النقاط...
تحياتي الك :deal:
وشكراً لمرورك:D

هدا موضوع قانوني.. وانا مع الغاؤه:jakoush:
على الشارع العربي أن يقوم بهذه الخطوة لتطوير المجتمع..
فلا إجازة لأحد بالتدخل في حياة الآخر.. فكيف بوضع حد لحياته بسبب تصرف لم يعجبه!!!
تحت عناوين الشرف والعائلة..
موضوع مهم:D

هدا موضوع قانوني.. وانا مع الغاؤه:jakoush:
على الشارع العربي أن يقوم بهذه الخطوة لتطوير المجتمع..
فلا إجازة لأحد بالتدخل في حياة الآخر.. فكيف بوضع حد لحياته بسبب تصرف لم يعجبه!!!
تحت عناوين الشرف والعائلة..
موضوع مهم:D
وجود شباب متلك بمجتمعنا بيخلينا نتفاءل بالخير...
نحنا ومجتمعنا بحاجة الك...:D

أكيد جرائم الشرف هي جرائم الشرف الكاذب.. جريمة لها مقدار من القرف أكثر بقليل من باقي جرائم القتل حيث يبرر القاتل لنفسه و يبرر له جزء من المجتمع فعلته الشنعاء... و الأمير بكلمته أبو سمايلات بدليل على العقلية المتحجرة التي يجب التخلص منها

لا شك أنها مشكلة من أكبر المشكلات الاجتماعية الموجودة. و حلّها الأساسي يكمن أولا بين المجتمع المدني من حيث التوعية و الترشيد و التربية منذ الصغر ... عدا عن غسل مفهوم الشرف من هذه الجرائم.. و ثانيا بيد الدولة.. حيث أنها بدل تشديد عقوبات القتل و محاربتها ما زالت مستمرة باعطاء المجرم الأسباب المخففة فيخرج من سجنه بعد فترة قصيرة..و كيف سيفهم الناس أن ما فعله خطأ عندما يقوم القاضي باستخدام مصطلح الشرف كمبرر لهذه الجريمة؟!!

ياسين... والاقرف من هذا كلة, وعدا عن ان كل الجرائم المرتكبة تحت اسم ذلك "الشرف الكاذب" يبررها القانون ويعطيها اسباب مخففة... عدا عن هذا كلة...
هنالك جرائم شنعاء ترتكب بحق النساء وبدون اي علاقة للشرف (آخر جريمة كانت على الميراث)... وايضاً هذة الاخرى تحتمي تحت غطاء الشرف وتأخذ المبررات الغير مبررة...
ف الى متى سنستمر بالصمت؟؟؟

صبايا وشباب... بدي مساعدتكون...
بدي اطرح هلأ قضية قانون العقوبات وامكانية تغييرة...

هل انتو مع او ضد؟؟
هل انتو مع انو جرائم الشرف تنال عقوبات مشددة ام مخففة؟؟؟

ازا حدا بيقدر ينزل هون قانون العقوبات السوري لحالات جرائم "الشرف" مشان توثيق الحكي ولانو انا كمان ما بعرفو...
بكون ممنونيتكون ع المساعدة...

وماذا عن انتهاك الشرف ؟؟؟؟ والعرض ؟؟؟؟

شو لو كان لشخص اخت او زوجة ؟؟؟؟ وإجى انسان سافل ومنحط اغتصبها ؟؟
شو لو كان الك زوجة بتحبها وعايش معها حياتك ؟؟؟ وتجي عالبيت شي يم وتلاقيها نايمة مع عشيقها ؟؟

رح تتذكر الانسانية وتسامح وتنسى ؟؟؟؟

وماذا عن انتهاك الشرف ؟؟؟؟ والعرض ؟؟؟؟

شو لو كان لشخص اخت او زوجة ؟؟؟؟ وإجى انسان سافل ومنحط اغتصبها ؟؟
شو لو كان الك زوجة بتحبها وعايش معها حياتك ؟؟؟ وتجي عالبيت شي يم وتلاقيها نايمة مع عشيقها ؟؟

رح تتذكر الانسانية وتسامح وتنسى ؟؟؟؟
هلأ ما ختلفنا انو هادا الشي بيطقق و بيموت بس انو مو انت تنط عليها وتقتلها

يعني في قضاء وفي الله بيحاسبها

صبايا وشباب... بدي مساعدتكون...



بدي اطرح هلأ قضية قانون العقوبات وامكانية تغييرة...

هل انتو مع او ضد؟؟
هل انتو مع انو جرائم الشرف تنال عقوبات مشددة ام مخففة؟؟؟

ازا حدا بيقدر ينزل هون قانون العقوبات السوري لحالات جرائم "الشرف" مشان توثيق الحكي ولانو انا كمان ما بعرفو...

بكون ممنونيتكون ع المساعدة...

..وتشير إحصاءات الأمم المتحدة إلى أن الجرائم التي ترتكب تحت بند "الدفاع عن الشرف" في تزايد مستمر، وأن سورية تحتل المرتبة الخامسة في العالم من حيث معدل جرائم الشرف المرتكبة فيها، والتي تكون ضحاياها عادة من النساء....

يمنح قانون العقوبات السوري من خلال المادتين /548/ و/240/ أحكاماً تخفيفيةً تراعي الحالة النفسية للقاتل، لتتدرج عقوبة القتل في هذه الحالة من درجة البراءة التامة –في حال ثبوت وضعية الزنا-، إلى السجن لمدة ثلاث سنوات – في حالات الاشتباه والقتل على أساس الشائعة-....

نص المادة 240 من قانون العقوبات السوري:
إن العذر المحل يعفي المجرم من كل عقاب. 2 ـ على أنه يمكن أن تنزل به عند
الاقتضاء تدابير الإصلاح وتدابير الاحتراز ما خلا العزلة.

نص المادة 548 من قانون العقوبات السوري:
«يستفيد من العذر المحل من فاجأ زوجه أو أحد أصوله أو فروعه أو اخته في جرم الزنا المشهود أو في صلات جنسية فحشاء مع شخص آخر فأقدم على قتلهما أو ايذائهما أو على قتل أو ايذاء أحدهما بغير عمد»
2 ـ يستفيد مرتكب القتل أو الأذى من العذر المخفف إذا فاجأ زوجه أو أحد
أصوله أو فروعه أو أخته في حالة مريبة مع آخر.

وماذا عن انتهاك الشرف ؟؟؟؟ والعرض ؟؟؟؟

شو لو كان لشخص اخت او زوجة ؟؟؟؟ وإجى انسان سافل ومنحط اغتصبها ؟؟
شو لو كان الك زوجة بتحبها وعايش معها حياتك ؟؟؟ وتجي عالبيت شي يم وتلاقيها نايمة مع عشيقها ؟؟

رح تتذكر الانسانية وتسامح وتنسى ؟؟؟؟
ولنفرض انك اجيت شي يوم ع البيت ولقيت مرتك بتمارس الجنس مع عشيقها....
شو بتساوي يا ترى؟؟؟ بتصير بدك ترد اعتبارك مو؟؟؟ وهل الحل الوحيد لرد الاعتبار هو القتل برأيك؟؟؟فيك كمان اتطلقها وتردو لهل اعتبار... واية فيك كمان تسامح...

بس احنا هون عم نحكي عن حالات الي اغلبيتها الساحقة ما حدا شاف فيها البنت...
المعظم سمعو او شكو...
وحالات كتير كمان ما كانت مشان خيانة او حتى مشان عذرية لانو كل واحد بالدني بيعرّف الشرف ع كيفو وبيربطو بمفاهيم هوي اخترعها...
مثل هيدا يلي ذبح اختو لانها كانت دخن وقال انو مش ندمان على فعلتو الحقيرة لانو بالتدخين اختو مست شرف العيلة...
يعني اي شرف بدو يكون عند واحد بيحكي هل حكي...
طيب ويلي بيقتل اختو مشان ما بدها تعطية حصتها من الميراث؟؟؟
ويلي بيقتلها مشان ما بدها تتجوز على كيفها؟؟؟ ويلي بيقتل بنتو لانها بتحب؟؟؟
احنا هون عم نحكي على شغلة مبدأ والمبدأ ما فيو استثنائيات...
يا نحنا ضد هاي الجرائم يا احنا مع هاي الافعال الشنعاء يلي بتتسجل كنقاط سودا بتاريخنا كعرب وبتضل حاجزيتنا ورا اسوار التخلف ومانعة نا التقدم والتحضر...

الشغلة معقدة شوي يعني نحنا العرب معروفين بعصبيتنا وكيف منتسرع بقراراتنا

واحد بشوف مرتو عم تخونو صعب يسكت

بس في ناحية تانية يعني شي بشع واحد يقتل اختو لانو اتجوزت بسر او لانو كشفها بتحب واحد

او بتحكي مع حدا

يعني بدنا قانون يفصل هدول الشغلتين

يمنح قانون العقوبات السوري من خلال المادتين /548/ و/240/ أحكاماً تخفيفيةً تراعي الحالة النفسية للقاتل، لتتدرج عقوبة القتل في هذه الحالة من درجة البراءة التامة –في حال ثبوت وضعية الزنا-، إلى السجن لمدة ثلاث سنوات – في حالات الاشتباه والقتل على أساس الشائعة-....

شو رايكو بقانون براعي الحالة النفسية للقاتل وبيطالعو براءة...
ما بيحاسبو على اغتصاب روح وانهاء حياة انسان...
وازا الناس راح تبقى محتمية بمثل هيك قوانين معفنة...
معناها كل نساءنا اليوم بخطر...
واي وحدة ممكن تنقتل لمجرد الشك وقاتلها ما يتحاسب...
اي عدل بالدنيا بيقلك انو قاتل ومجرم يطلع براءة او ياخد حكم مخفف...
ليش ما منقبلها ع غير جرائم؟؟؟
مع انو جرائم الشرف ابشع بكتير من غيرها لانو القاتل فيها بيضل يعطي حالو مبررات كاذبة لحتى ما يشعر بالذنب ويندم...
ليش ازا اي شب انقتل بأي قضية كانت ضميرنا بيوجب علينا نطالب بحقو وبمحاكمة قاتلو...
وهذة النساء يلي كل يوم عم تموت؟؟؟
مين بدو يطالب بحقوقها ازا كلنا عملنا حالنا مش شايفين؟؟؟
هاي النساء هني نصف المجتمع ولهيك لازم تنصفوهن...
مشان نعيش بمجتمع ارقى وافضل...




achelious: مشكور كتير على جهودك ومساهمتك معي...:D

الشغلة معقدة شوي يعني نحنا العرب معروفين بعصبيتنا وكيف منتسرع بقراراتنا

واحد بشوف مرتو عم تخونو صعب يسكت

بس في ناحية تانية يعني شي بشع واحد يقتل اختو لانو اتجوزت بسر او لانو كشفها بتحب واحد

او بتحكي مع حدا

يعني بدنا قانون يفصل هدول الشغلتين
روح طالب الدولة وقلهن يا جماعة...
حطولي قانون يسمحلي بحالات معينة اسلب حياة انسانة وما حدا يعاقبني...

روح طالب الدولة وقلهن يا جماعة...
حطولي قانون يسمحلي بحالات معينة اسلب حياة انسانة وما حدا يعاقبني...

اكيد عم تمزحي

اكيد عم تمزحي
متأكد انك جاي تحاور ؟

هون منرجع لقضية المساواة...
طيب بلا مناخذ الامثلة من الاسلام...
خلونا نحكي عن الشرف... شو يعني شرف...
يعني جد خدوني على قد عقلاتي وقولولي شو يعني شرف...

لسة ما قريت الردود كاملة بس حبيت اكتب رايي هون

الشرف هو وطني...ارضي....بيتي...امي....ابي ....اهلي
أخلاقي...قيمي ومبادئي
التخلي عن اي شيء منهم يعني انا هيك تخليت عن شرفي

مافي حدا بيقبل بأي نوع من أنواع الجرائم وأولهم جرائم الشرف . ولازم نكافحها بالقضاء والأهم بالتوعية الأجتماعية


بس قبل ما نعالج قضايا جرائم قتل النساء بدافع الشرف
ليش ما نعالج قضية التخلي عن الشرف

وانا موافقة معك... بس عندي ملاحظة صغيرة على هاي الجملة:
لازم هي تتسائل لانها ظلمت نفسها و اهلها و المجتمع ...
انا بعرف انو اذا البنت غلطت بحق حدا فبتكون غلطت بحق حالها ومش بحق اهلها والمجتمع...
خلينا ناخذ مثال بنت غير عذراء...
ممكن يكون في سببين لتفقد البنت عذريتها...
الاول انو هيي تكون على قناعة بالاشي, يعني هيي بتشوف بالعلاقة الجنسية شي طبيعي بيكمل علاقتها مع الجنس الاخر... وازا كانت مقتنعة بهيك فهيدا جسمها وهيي حرة في... ممكن نجادلها ونحاول نقنعها بالعكس بس مش من حق اي كان انو يقرر بانو هون لازم ينوضع حد لحياتها...
والتاني انو تكون البنت انظلمت, يعني حدا غدرها, ضحك عليها, اغتصبها, وكتير حالات بعد...
وكمان بهاي الحالة بتكون البنت كتير انظلمت... واهلها ما صار عليهن شي... فهل يا ترى في حدا الو الحق بانو يجي ويظلمها اكتر من هيك ويحط حد لحياتها؟؟؟


مزبوط كلامك يا مروى هي تكون ظلمت نفسها...بس كمان ظلمت اهلها...لانه كمان اهلها اللي تعبو وهمة يربو فيها.... ما تيجي بالاخير تكافئهم بهيك شي صح؟؟!
اما بالنسبة للاسباب الي كاتبتيها فالسبب التاني ما في عليه كلام لانه في بنات كتير ضحايا لجرائم الاغتصاب وما بدنا احكي فيها لانه الحكي فيها يطول
بس السبب الاول يا مروى....مين حكالك انه بهيك شغلة البنت حرة بجسدها....يعني افهميني....احنا في عنا اشي اسمه دين...وكل الاديان تحرم الزنا وتعتبره من الكبائر
والجسد يا مروى اله علينا حق ما يسير اضيع حالي انا على اساس اني حرة بجسدي...انا حرة فيه لكن اذا سلمته لحدا هيك ((طبعا بدون زواج)) فانا اكون مش حرة...صح ولا لا؟؟

وموضوعك كتير مهم وبتشكرك عليه

اختك عطر البرتقال:D

عطر البرتقال: افرضي.. انو في بنت وحسب قولتك "غلطت" وسلمت جسدها (واسمحيلي ما بقدر قول سلمت شرفها) لشب بتحبو وعن قناعة ذاتية انو الجنس جزء لا يتجزء من حياتها العاطفية... واهلها بيشوفو هشي طبعا غلط...
كيف ممكن انهن يصلحو هاد الغلط برأيك؟؟؟ بانهن يقتلوها مثلا!!!

انا ما بدي اتناقش بشو هيي الحالات يلي فيها البنت بتفقد شرفها... لانو قلت انو "الشرف" هوي مفهوم بيختلف من انسان لآخر...
بس الشي المهم يلي بدي ناقشو هوي الجريمة... شو مبرر هاي الجريمة... وهل في الها اي مبرر؟؟؟
معقولة نضل ساكتين والنساء عم تنقتل لاتفة الاسباب... ويلي في بعض ناس ممكن يشوفو البنلون بيمس بشرفهن ويقتلو البنت مشان لبستو...
القصة قصة مبدأ يا جماعة...
انتو بتوافقو ولا بتعارضو؟؟؟
شفتو قانون العقوبات... حسب رايكو منصف؟؟؟ معقولة يعني؟؟؟

عطر البرتقال: افرضي.. انو في بنت وحسب قولتك "غلطت" وسلمت جسدها (واسمحيلي ما بقدر قول سلمت شرفها) لشب بتحبو وعن قناعة ذاتية انو الجنس جزء لا يتجزء من حياتها العاطفية... واهلها بيشوفو هشي طبعا غلط...
كيف ممكن انهن يصلحو هاد الغلط برأيك؟؟؟ بانهن يقتلوها مثلا!!!

انا ما بدي اتناقش بشو هيي الحالات يلي فيها البنت بتفقد شرفها... لانو قلت انو "الشرف" هوي مفهوم بيختلف من انسان لآخر...
بس الشي المهم يلي بدي ناقشو هوي الجريمة... شو مبرر هاي الجريمة... وهل في الها اي مبرر؟؟؟
معقولة نضل ساكتين والنساء عم تنقتل لاتفة الاسباب... ويلي في بعض ناس ممكن يشوفو البنلون بيمس بشرفهن ويقتلو البنت مشان لبستو...
القصة قصة مبدأ يا جماعة...
انتو بتوافقو ولا بتعارضو؟؟؟
شفتو قانون العقوبات... حسب رايكو منصف؟؟؟ معقولة يعني؟؟؟
عفوا اخت مروة, انا مقدر غيرتك.. بس شو فيكي تعملي؟!!
أكتر شي فيكي تعملي عملتي لما فتحت هالموضوع.. وسجلتي موقفك.. وغيرك سجل..
والحوار بهالموضوع شي جميل.. لأنو الحوار دائما شيء جميل وحضاري.. ولكن
مابحل القصة.. غير تعديل القانون بالبرلمان..:D
تحياتي:D

قال برناردشو"عندما يقوم رجل غبي بفعل مُخجل، يدّعي بأنه واجبه

نزلتو بمشاركتي يا مروى :D


ليش "جرائم الشرف " ..... مو جرائم قتل النساء...؟

نحنا بنفضل تسميتها بجرائم قتل النساء لانو كل ضحاياه من النساء.. عمركن شفتو شي وحده قتلت اخوها بداعي "الشرف" ... اكيد لا ..

مع الاسف هالجرائم اصبحت ظاهره بمجتمعاتنا العربيه ومع الاسف لحد هلا ما فيي ولا احصائيه دقيقه من اي جهة رسميه بخصوص هالجرائم بس الارقام المتوفره حاليا (من دراسه قديمه اجراها الطب الشرعي مع منظمات المانيه مهتمه ):

فلسطين/239/ لبنان/36/ الأردن/23/ سوريا/40/ اليمن/374/ مصر/53/ تركيا/200/ باكستان/1000/ ألمانيا /53/. طبعاً في أعوام مختلفة.

سلب الحق في الحياة وقتل النفس حق غير مشروع ولا لاي شخص بالدنيي ... لا الاب ولا الابن ولا ابن العم ولا اي حد منهون ..كل انسان بالغ عاقل راشد هوي مسؤول عن تصرفاتو وقراراتو وبيأسفنا انو الكثير الكثير من هذه الجرائم بتكون لمجرد انو - الاب او الاخ او ابن العم- شك لمجرد الشك بالبنت بيروح بيقتلها .. طيب هون بنجي نسأل ليش .. اكيد بيقتلها بكل دم بارد لانو المجتمع المتخلف صافف معو وكمان القانون المتخلف اكتر صافف معو وعاطيه عذر مخفف ...

الجمعيات النسائيه من فتره طويله عم تعمل حملات لتغيير مادة قانون العقوبات السوري ( طبعا هالحملات ما بس بسوريا وبكل الوطن العربي تقريبا بس حاليا بنجيب مثال عن القانون السوري)

الماده - 192 - : تعطي المادة 192 عذراً مخففاً في حال ارتكاب الجرم لدافع شريف وتصل العقوبات إلى حبس بسيط جداً وتستعمل في بعض الأحيان كحجة لارتكاب جرائم الشرف ضد النساء في العائلة ويفلت الرجال من العقاب.

الماده -242- : والتي تتعلق بالاستفزاز فهي تخفف العقوبة عن الفاعل التي يرتكب جريمته تحت ثورة غضب شديد وتتحول الجريمة من جناية إلى ضحية وقد تصل عقوبتها الحبس أياماً أو غرامة.

الماده -548-:يستفيد من العذر المحل من فاجأ زوجه أو أحد أصوله أو فروعه أو أخته في جرم الزنا المشهود أو في صلات جنسية فحشاء مع شخص آخر فأقدم على قتلهما أو إيذائهما أو على قتل أو إيذاء أحدهما بغير عمد

خلينا نحكي بهالكم نقطه ومواد القانون ورأيكون بتغييرهون بعدين بننتقل للحديث عن السيداو (اتفاقية القضاء على جميع أشكال التمييز ضد المرأة) ...!



صبايا وشباب... بدي مساعدتكون...
بدي اطرح هلأ قضية قانون العقوبات وامكانية تغييرة...

هل انتو مع او ضد؟؟
هل انتو مع انو جرائم الشرف تنال عقوبات مشددة ام مخففة؟؟؟

ازا حدا بيقدر ينزل هون قانون العقوبات السوري لحالات جرائم "الشرف" مشان توثيق الحكي ولانو انا كمان ما بعرفو...
بكون ممنونيتكون ع المساعدة...

عفوا اخت مروة, انا مقدر غيرتك.. بس شو فيكي تعملي؟!!
أكتر شي فيكي تعملي عملتي لما فتحت هالموضوع.. وسجلتي موقفك.. وغيرك سجل..
والحوار بهالموضوع شي جميل.. لأنو الحوار دائما شيء جميل وحضاري.. ولكن
مابحل القصة.. غير تعديل القانون بالبرلمان..:D
تحياتي:D

قال برناردشو"عندما يقوم رجل غبي بفعل مُخجل، يدّعي بأنه واجبه

مزبوط...
وتغيير القانون في البرلمان... مرتبط بالشريحة المثقفة فينا...
يلي ابداً ما بترضى بهيك وضع مهين لئلنا كلياتنا...
واقل شي فينا نعملو هوي انو نرفع الوعي بمحيطنا...
لحتى دائرة المعارضة لهيك جرائم تتوسع ولحتى يصير الكل يطالب بتغيير القانون...
وفينا بس ممكن تبلش الطريق نحو التغيير...

نزلتو بمشاركتي يا مروى :D
اسفة ريم الهيئة من كتر الردود تلخبطت وما عدت عارفة اللة وين حاططني...

مزبوط...
وتغيير القانون في البرلمان... مرتبط بالشريحة المثقفة فينا...
يلي ابداً ما بترضى بهيك وضع مهين لئلنا كلياتنا...
واقل شي فينا نعملو هوي انو نرفع الوعي بمحيطنا...
لحتى دائرة المعارضة لهيك جرائم تتوسع ولحتى يصير الكل يطالب بتغيير القانون...
وفينا بس ممكن تبلش الطريق نحو التغيير...
الله يقويك..;)

الله يقويك..;)
بقوى بامثالك... كون معي...:D

بقوى بامثالك... كون معي...:D
أنا معك..;) :Dوبصفتي -مشروع- رجل قانون كمان;-)

شغلة اثارت انتباهي بديننا الحنيف

انه الزوج لو شاف مرتبو عم تزني قدامو ... بدو يلف وشو حوالين راسو مية مرة..

يروح يجيب اربع شهود

ليشهدو معه ع الزنا


حتى يقام الحد .. يلي هو الرجم حتى الموت للزاني او الزانية المتزوجة

انا بعرف الموضوع مالو علاقة بالاسلام..

بس انا استشهدت بهالحكي مشان ورجيكم انه انا بالنسبة الي الله هو الاعدل

وحكمو هو افضل شي للبشر .. امرنا نتروى عند هيك حادثة



-ماراح احكي عن البنت يلي نامت مع حبيبها برضاها لانه مابتستاهل احكي عنها -

هلا لما المجتمع والاهل كونو بدن يقتلو البنت الفاقدة بكارتها بالاغتصاب..

معناها اول شي رح تحسو البنت يلي تعرضت للاغتصاب هو الحقد

حقد ع الرجال.. حقد ع المجتمع.. حقد ع القوانين


ليش هي تنطخ لتغسل العار والشب يضل حر طليق

بقلك المجتمع برضو ماعطا للشب فرصة للتفكير

لانو الكل رايح يحكي بهالموضوع بطريقه استفزازية ومحدا رايح يرحم الاهل يلي بنتهم تعرضت لهالحدث الاليم

انا بحط الحق ع المجتمع اولا..

انو المجتمع يلي بدو يحط هيك قانون تعسفي يسمح لللاب او الاخ او العم بقتل البنت بحادثة الشرف

بدو اول شي مايكون فيه نوادي ليلية مثلا..او يسمح باي شي بادي للاختلاط... مثلا

بعدين هلا صارت كزا حادثة .. ازا الاب شاف بنتو قاعدة مع شب بس بروح بطخها وبقول الشرف الشرف

بعدين

برايي هي جريمة اخرى لازم يلي بطخ بنته مشان العار ينطخ برضو

لانو مو هو المخول ليطبق القانون

وكمان الغضب عما ع بصيرتو

فوق ما البنت تعرضت لهالوحشية هي برضو تموت ومحدا يترحم عليها

برايي هالقانون كتير صعب

والله يبعد ولاد الحرام وبنات الحرام عنا يارب


بس انا ضد القتل لغسل العار

شكرا مروى

بس انا ضد القتل لغسل العار
وهون بيت القصيد...
شكراً :D

القتل هو القتل مهما كانت الأسباب
وإذا كان متل ما قال البعض أنو نحن شعب عاطفي ومعروفيني بعصبيتنا فهاد أبداً مو مبرر لهالجرائم
بكل بساطة لما الواحد بيعرف أنو اذا قتل أختو مشان الاستشراف (كلمة شرف مو زابطة) ومارح يتعاقب عقاب قاسي فبيقتلها وبيصير حامي شرف الوطن
اما لما بيعرف أنو في عقاب صارم وقاسي بانتظارو لأنها جريمة قتل بالنهاية
فهون رح يعد للمية قبل ما يقتل ويستشرف علينا

كل من يقتل هو مجرم .. باستثناء حالة " الدفاع عن النفس " ..

بس يعني خطر على بالي سؤال .. ليش في مجتمعنا ما بحاسبوا الشباب على اخطائهم ..!!!

كل من يقتل هو مجرم .. باستثناء حالة " الدفاع عن النفس " ..

بس يعني خطر على بالي سؤال .. ليش في مجتمعنا ما بحاسبوا الشباب على اخطائهم ..!!!

لأنو مجتمع ذكوري وقيمة المراة فيو أقل من الرجل
فطبيعي أخطائها تكون أعظم

القتل هو القتل مهما كانت الأسباب
وإذا كان متل ما قال البعض أنو نحن شعب عاطفي ومعروفيني بعصبيتنا فهاد أبداً مو مبرر لهالجرائم
بكل بساطة لما الواحد بيعرف أنو اذا قتل أختو مشان الاستشراف (كلمة شرف مو زابطة) ومارح يتعاقب عقاب قاسي فبيقتلها وبيصير حامي شرف الوطن
اما لما بيعرف أنو في عقاب صارم وقاسي بانتظارو لأنها جريمة قتل بالنهاية
فهون رح يعد للمية قبل ما يقتل ويستشرف علينا


يعني بالنهاية المسؤولية الكبيرة بتقع على الدولة ودورها في توعية المجتمع...والسؤال ازا احنا منقدر نعمل شي هون...وشو بالزبط دورنا كمجتمع مدني من هيك قضايا...

عطر البرتقال: افرضي.. انو في بنت وحسب قولتك "غلطت" وسلمت جسدها (واسمحيلي ما بقدر قول سلمت شرفها) لشب بتحبو وعن قناعة ذاتية انو الجنس جزء لا يتجزء من حياتها العاطفية... واهلها بيشوفو هشي طبعا غلط...
كيف ممكن انهن يصلحو هاد الغلط برأيك؟؟؟ بانهن يقتلوها مثلا!!!

انا ما بدي اتناقش بشو هيي الحالات يلي فيها البنت بتفقد شرفها... لانو قلت انو "الشرف" هوي مفهوم بيختلف من انسان لآخر...
بس الشي المهم يلي بدي ناقشو هوي الجريمة... شو مبرر هاي الجريمة... وهل في الها اي مبرر؟؟؟
معقولة نضل ساكتين والنساء عم تنقتل لاتفة الاسباب... ويلي في بعض ناس ممكن يشوفو البنلون بيمس بشرفهن ويقتلو البنت مشان لبستو...
القصة قصة مبدأ يا جماعة...
انتو بتوافقو ولا بتعارضو؟؟؟
شفتو قانون العقوبات... حسب رايكو منصف؟؟؟ معقولة يعني؟؟؟


طبعا انا ضد الجريمة هاي....وياما بنات راحو ضحايا وفوق هاد يطلع بالاخير ظلم وما تكون عاملة شي
اكيد هالقضية لازم حد يوقف الها....مش بس الجريمة هاي كمان شغلة انو البنت تتخللى عن شرفها بدافع الحب لازم نعالجها كمان....يعني اي بنت المفروض انها ما تتخلى عن شرفها...واتوقع انك توافقيني بهيك شي
انا ارفض بشدة جريمة قتل النساء بدافع الشرف وضدها بدرجة كبيرة....ويا ريت فينا نعمل شي
وكمان ارفض بشدة انه البنت تكون سهلة وترخص حالها وتسلم شرفها لشخص غير زوجها
وبالنسبة لقانون العقوبات مش منصف....عنا بالاردن كتير بنات ينقتلو كل يوم وبالاردن اكتر نسبة فيها هاي الجريمة
خالي ضابط بالشرطة وكان يحكيلنا شو كان يشوف.....الي يلاقو جثتها بكيس...ولي يلاقو راسها مع ابوها....واكتر شي خلاني اتضايق...انه بنت دهسها اخوها بشاحنة....دهسها اكتر من مرة...وتوقعو شو صار بجسمها
وبالاخير طلعت بريئة.....بعد ما ماتت.....طبعا العقوبة تكون مخففة على الشب لانو شغلة شرف.

هاد الشي حرام ولازم نعمل شي غير الحكي

مرة تانية اشكر على هالموضوع المهم وتقبلي احترامي
اختك عطر البرتقال :D

يعني بالنهاية المسؤولية الكبيرة بتقع على الدولة ودورها في توعية المجتمع...والسؤال ازا احنا منقدر نعمل شي هون...وشو بالزبط دورنا كمجتمع مدني من هيك قضايا...

دورنا كمجتمع مدني يا عزيزتي هو التوعية
صحيح أنها عم تبدا بدائرة صغيرة ...اسرة ، اصدقاء ...منتدى
لكن مع الأيام بتتوسع هالدائرة

هلا ممكن من خلال العمل المنظم انشاء منظمات غير حكومية معنية بتأمين لجوء إنساني عاجل للحالات اللي بتدخل ضمن هذا المجال وفيها خطورة على من تتعرض حياتها للتهديد بالقتل من أي شخص كان بحجة الشرف لإنقاذ حياة كل إمرأة مهددة بهالشي
:D

دورنا كمجتمع مدني يا عزيزتي هو التوعية
صحيح أنها عم تبدا بدائرة صغيرة ...اسرة ، اصدقاء ...منتدى
لكن مع الأيام بتتوسع هالدائرة

سؤال الك آنسة ساندرا انت مستعدة تقعدي مع مجموعة من الشباب وتحكي معهم بهي النقطة ؟! شو برايك حتكون ردة الفعل ؟! ما برايك حيصير ثورة غضب عارمة فيهم لأن بنظرهم عبتهيني شرفهم بمجرد ما تقول لهم _ انتوا غلط ) يعني اللي بده يعمل حملة توعية شقد ما كانت صغيرة لازم يحسب حساب المجتمع هل قادر على تقبل الفكرة ام لا وهل هوي قادر على تقبل ردة فعل المجتمع ام لا .

سؤال الك آنسة ساندرا انت مستعدة تقعدي مع مجموعة من الشباب وتحكي معهم بهي النقطة ؟! شو برايك حتكون ردة الفعل ؟! ما برايك حيصير ثورة غضب عارمة فيهم لأن بنظرهم عبتهيني شرفهم بمجرد ما تقول لهم _ انتوا غلط ) يعني اللي بده يعمل حملة توعية شقد ما كانت صغيرة لازم يحسب حساب المجتمع هل قادر على تقبل الفكرة ام لا وهل هوي قادر على تقبل ردة فعل المجتمع ام لا .

ليش مين قلك إني ما بحكي بهالنقطة وإني مو متخانقة مع كتير ناس من ورا هالشي :p بس للصراحة كنت لاقي دايماً مؤيدين الي بالفكرة ;)
ليك يا كابي رحلة الألف ميل تبدأ بخطوة
أنا ما عم قول أنو بمجرد ما نحن حكينا فرح نغير أكيد هالتغيير اللي عم نطلبو بيحتاج لوقت ووقت كتير
ومتل ما قلت بتبدا بمجموعات صغيرة وبعدها بتتوسع دائرة الناس المهتمين والواعيين لهالقضية
بالنسبة لدرجة تقبل المجتمع لهالفكرة فبعتقد أنها موجودة بشكل أفضل من قبل
على سبيل المثال ...من قبل كان عيب وعار على البنت تروح للجامعة وتدرس ...بس العائلات الغنية أو الارستقراطية كانوا يهتموا بتعليم بناتهن وهلا بأيامنا طلع لوين وصلت المرأة بالتعليم رغم كل الضغوط اللي بتتعرضلها ومن كافة الطبقات الأجتماعية.
وبعتقد نفس الشي لهالقضية ....
وبرأيي نحكي ونوعي الحوالينا أفضل من أننا نقعد بس ننتظر المجتمع ليتغير
لأن لوما كان المجتمع بحاجة لتغيير وتوعية ,,, لما كان في داعي لكل شي عم نحكيه هلا
وعلى قولة كونفوشيوس أن تضيئ شمعة خير من أن تلعن الظلام
:D

سؤال الك آنسة ساندرا انت مستعدة تقعدي مع مجموعة من الشباب وتحكي معهم بهي النقطة ؟! شو برايك حتكون ردة الفعل ؟! ما برايك حيصير ثورة غضب عارمة فيهم لأن بنظرهم عبتهيني شرفهم بمجرد ما تقول لهم _ انتوا غلط ) يعني اللي بده يعمل حملة توعية شقد ما كانت صغيرة لازم يحسب حساب المجتمع هل قادر على تقبل الفكرة ام لا وهل هوي قادر على تقبل ردة فعل المجتمع ام لا .

وشو برأيك الحل غابي؟؟؟بعدين متل ما انت وانا وكلنا منعرف انو اي انسان بحاول يعمل تغيير بيلاقي معارضة كبيرة... فشي كتير طبيعي انو يلي بدو يحكي بهيك موضوع حساس يلقي ثورات غضب... بس وشو يعني؟؟؟ كمان لما كانو يطالبو للمساواة للمرأة قامت الدني والي فيها... بس وضع المرأة بلش يستغير تدريجياً لحتى صار اليوم بكتير احسن... ولهيك انا قلت انو المسؤولية بتوقع هون على الدولة اولا... وعلينا كشريحة معارضة لهيك جرائم في المجتمع ثانياً...

يمكن معكم حق بس على مثال ساندرا تبع الجامعة كان في طبقة او مجموعة راقية بتشجع الفكرة وكان بقية الشعب الفكرة غير مستحبة بالنسبة الهم .

لكن الانسان الفقير كان ينظر للانسان الغني على انه راقي وان الجامعة شي من الرقي وبالتالي الدراسة ممكن انها تدخل او بالأحرى دخلت بالمفهوم الاجتماعي لأن كان في طبقة راقية بنظر الجميع بتمارس هاد التصرف .

لكن بقصة الشرق بشوفوا انه التخلي عن القتل بهي الحالات بكونوا عبصيروا متل الغرب الفاسق وهنن ما بيرضوا على حالهم يتشبهوا بالفاسقين بعكس الانسان الفقير سابقا اللي كان بيحلم انه يتشبه بالغني سواء بالشكل او باللبس او حتى باسلوب الحياة .

انا كلّي امل تموت هي الفكرة لكن لمجتمع حيضل متشبث فيها لان بيعتقد هويته مرتبطة فيه وتميزه عن الفسق والغرب مرتبط بهي العادات اللي ما ممكن يتخلى عنها .