اريد ان اطرح موضوع على حد كبير من الحساسية والاهمية
وللاسف الشديد ايضاً على حد كبير من التفشي في مجتمعنا العربي...

وهو...استمرار جرائم سلب الحق الأساسي للنساء في الحياة,
متذرعين بعذر المحافظة على ما يسمى"شرف العائلة"
الذي كانت وما زالت الجرائم المرتكبة تحت غطائه إهانةً لمجتمعنا وقيمه،
إهانة لنسائه ورجاله.

اعتقد انة عارٌ على كل إنسان يشعر بقليل من الإنسانية أولاً،
والانتماء لشعبه ومجتمعه ثانياً
أن يبقى ساكتاً صامتاً دون موقفٍ إزاء القتل المتعمد للنساء فقط لكونهن نساءً!


هذا رأيي في الموضوع... ويهمني جداً ان اسمع آرائكم بصددة...

انا برأي الجرائم كيف ماكانت وشو ماكانت منيحة عالأقلية بتخفف كثافة سكانية

جريمة الشرف بالنسبة إلي تخلف ، مابعرف بس في كتيير مع جريمة الشرف وغسل العار الخ ... بس أنا بشوفو تخلف وببلادنا لازم يتحاكم المجرم متلو متل غيرو
عالهامش : كأنك بقلبي ، كنت عم شوف المواضيع وتذكرتك ، وعم أسأل حالي وينها مروى حنا إلها زمان مابينت

انا برأي الجرائم كيف ماكانت وشو ماكانت منيحة عالأقلية بتخفف كثافة سكانية
:shock::shock::shock:
انت عم تحكي عنجد ولا عم تمزحي يعني؟!!!
بعدين شو صايرلك لحتى ناقمة على العالم بهطريقة الفظيعة هاي؟؟؟

جريمة الشرف بالنسبة إلي تخلف ، مابعرف بس في كتيير مع جريمة الشرف وغسل العار الخ ... بس أنا بشوفو تخلف وببلادنا لازم يتحاكم المجرم متلو متل غيرو
عالهامش : كأنك بقلبي ، كنت عم شوف المواضيع وتذكرتك ، وعم أسأل حالي وينها مروى حنا إلها زمان مابينت
وانا معاك...
بس انا بشوف انو المجرم مش بس لازم يتحاكم متلو متل غيرو...
لازم يتعاقب اكتر من غيرو...
لانو متل هيك جرائم اعذارها ومبرراتها اقبح منها...
مشكور على مرورك ابو ريتا...:D

أنا مارح حط رأيي باعتبار مبارح حطيت نفس الموضوع و أرشفو ياس باعتبار رح ينزل ملف كامل عالموضوع و مشان ما نشتت النقاش.. بكل الأحوال يامروه المجرم مجرم بشرف و لابدون شرف :D

لك لا عم امزح بس ان جيتي لحق مو كل مكان ولا كل جريمة شرف هي غير قانونية وغير انسانية يعني بصراحة في بنات عنجد بيستاهل اكتر من القتل بس أنا اكيد ضد انو الي يتخد هالاجراء اهل البنت وضد انو الاخوان واصحاب الدين هن الي يحدد عقاب البنت انا بقول انو لازم يعملو سجن للبنات الي عليهم قضايا اخلاقية وين ماكان

أنا مارح حط رأيي باعتبار مبارح حطيت نفس الموضوع و أرشفو ياس باعتبار رح ينزل ملف كامل عالموضوع و مشان ما نشتت النقاش.. بكل الأحوال يامروه المجرم مجرم بشرف و لابدون شرف :D
بعرف راح ينزل ملف كامل عالموضوع... بس انا قلت ببلش... لانو ما حدا قلي استنى!!!:?

لك لا عم امزح بس ان جيتي لحق مو كل مكان ولا كل جريمة شرف هي غير قانونية وغير انسانية يعني بصراحة في بنات عنجد بيستاهل اكتر من القتل بس أنا اكيد ضد انو الي يتخد هالاجراء اهل البنت وضد انو الاخوان واصحاب الدين هن الي يحدد عقاب البنت انا بقول انو لازم يعملو سجن للبنات الي عليهم قضايا اخلاقية وين ماكان
شو يعني قضايا اخلاقية؟؟؟ ومين بيقرر الي والك شو هيي حدود اخلاقياتنا؟؟؟
في واحد قبل فترة مش طويلة قتل اختو عشان بتدخن...
وفي كمان واحد قتل اختو مشان رفضت الزواج بواحد... ال شو...
مدامها رفضت معناها اكيد هيي بعلاقة تانية... يعني لازم نقتلها...
ومين هني البنات يلي بيستاهلو انو نقتلهن برايك؟؟؟
ممكن انت تقوليلي وحدة مفضوضة الغشاء... ممكن غيرك يقول وحدة بعلاقة حب... ممكن تالت يجي ويقول وحدة بتسهر باليل... الاشي كتير نسبي وبيختلف من واحد للتاني... وعلى هلحالة منصفي نحنا النسوان محلل هدر دمنا من مين ما كان...
عم تسمي جريمة القتل اجراءات وكانها توقيع شي معاملة!!!
وبتقولي انو انت ضد انو يلي ياخدو هيك "اجراءات" يكونو الاهل او جماعات دينية... لكان مين بدك ياخد هاي ال "اجراءات" انت مثلا؟؟؟ او البنت ذاتها؟؟؟ مين يعني؟؟؟
من هون افهم انك ضد الجرائم من الاساس ولا كيف وشو؟؟؟
وكيف انت ضد انو الاهل والاخوان واصحاب الدين يحددو عقوبة البنت... وبنفس الوقت انت مع انو يكون في حدا الي يحدد هاي العقوبة ويسجن البنت الي عندها نقاط حمرا بدفتر اخلاقياتها...
وهون بيرجع السؤال بيطرح نفسو... شو هيي الاخلاقيات؟؟؟
هل هيي اشي مشترك لكل الناس؟؟ او الها معنى بيختلف من واحد لواحد... واذا كانت هلقد مختلفة مين الو الحق يقررها ويحاكم عليها؟؟؟

شو يعني قضايا اخلاقية؟؟؟ ومين بيقرر الي والك شو هيي حدود اخلاقياتنا؟؟؟
في واحد قبل فترة مش طويلة قتل اختو عشان بتدخن...
وفي كمان واحد قتل اختو مشان رفضت الزواج بواحد... ال شو...
مدامها رفضت معناها اكيد هيي بعلاقة تانية... يعني لازم نقتلها...
ومين هني البنات يلي بيستاهلو انو نقتلهن برايك؟؟؟
ممكن انت تقوليلي وحدة مفضوضة الغشاء... ممكن غيرك يقول وحدة بعلاقة حب... ممكن تالت يجي ويقول وحدة بتسهر باليل... الاشي كتير نسبي وبيختلف من واحد للتاني... وعلى هلحالة منصفي نحنا النسوان محلل هدر دمنا من مين ما كان...
عم تسمي جريمة القتل اجراءات وكانها توقيع شي معاملة!!!
وبتقولي انو انت ضد انو يلي ياخدو هيك "اجراءات" يكونو الاهل او جماعات دينية... لكان مين بدك ياخد هاي ال "اجراءات" انت مثلا؟؟؟ او البنت ذاتها؟؟؟ مين يعني؟؟؟
من هون افهم انك ضد الجرائم من الاساس ولا كيف وشو؟؟؟
وكيف انت ضد انو الاهل والاخوان واصحاب الدين يحددو عقوبة البنت... وبنفس الوقت انت مع انو يكون في حدا الي يحدد هاي العقوبة ويسجن البنت الي عندها نقاط حمرا بدفتر اخلاقياتها...
وهون بيرجع السؤال بيطرح نفسو... شو هيي الاخلاقيات؟؟؟
هل هيي اشي مشترك لكل الناس؟؟ او الها معنى بيختلف من واحد لواحد... واذا كانت هلقد مختلفة مين الو الحق يقررها ويحاكم عليها؟؟؟

طولي بالك علي مالك عصبتي حرام انا بريئة والله
ياستي بالنسبة للأخلاقيات معروفة لكل الناس يعني احنا عم نحكي عن ناس بيفهم والي ماسكين المجتمع طبعا الاخلاقيات بالنسبة للناس السوية مو لواحد متعصب جدا وديني على اساس ومابيعرف مين هو الله
يعني قصدي عن البنات الي بيبيعو حالن لأكتر من شخص يعني انا مع انو البنت تكون ملك لحبيبها وحبيبها ملك الها بس مو انو كل ماعن على بالها تروح تنام مع شي واحد
بعدين بالنسبة لجريمة القتل هي جريمة شو ماكانت وهي عمل غير انساني بلا ما نحكي اجراء رغم انو كل الكلام بودي لبعضو بس متل مابيقول الله مابعرف بأني اية مدري الرسول اللي بيحكي انو "العين بالعين والسن بالسن يعني متل ماقتلك رح تقتل "
واخيرا انا ضد انو الأهل واصحاب الدين ان يحددوا عقوبة البنت لأنو رح يكونو منفعلين جدا يعني الأهل حيعتبروا القضية شرف ومابينغسل الا بالدم وكذلك اهل الدين بينما لما يكون جماعة حيادية لابتعرف البنت ولا بتعرف التعصب الديني بيكون حكمها عادل جدا اذا كان في مفهوم بالدنيا اسمو عدل

طولي بالك علي مالك عصبتي حرام انا بريئة والله
ياستي بالنسبة للأخلاقيات معروفة لكل الناس يعني احنا عم نحكي عن ناس بيفهم والي ماسكين المجتمع طبعا الاخلاقيات بالنسبة للناس السوية مو لواحد متعصب جدا وديني على اساس ومابيعرف مين هو الله
يعني قصدي عن البنات الي بيبيعو حالن لأكتر من شخص يعني انا مع انو البنت تكون ملك لحبيبها وحبيبها ملك الها بس مو انو كل ماعن على بالها تروح تنام مع شي واحد
بعدين بالنسبة لجريمة القتل هي جريمة شو ماكانت وهي عمل غير انساني بلا ما نحكي اجراء رغم انو كل الكلام بودي لبعضو بس متل مابيقول الله مابعرف بأني اية مدري الرسول اللي بيحكي انو "العين بالعين والسن بالسن يعني متل ماقتلك رح تقتل "
واخيرا انا ضد انو الأهل واصحاب الدين ان يحددوا عقوبة البنت لأنو رح يكونو منفعلين جدا يعني الأهل حيعتبروا القضية شرف ومابينغسل الا بالدم وكذلك اهل الدين بينما لما يكون جماعة حيادية لابتعرف البنت ولا بتعرف التعصب الديني بيكون حكمها عادل جدا اذا كان في مفهوم بالدنيا اسمو عدل
انا لا معصبة ولا شي...
بس انا مصرة على انو الاخلاقيات هيي نوع من الحدود بيفرضها كل انسان على نفسو...
وابدا مش مقبول عندي انو يجي اي حدا ولو مين ما كان يفرض اخلاقياتو علي...
هلأ انا سالتك شو اخلاقياتك وانت اعطيتيني مثال عن انو البنت ما تكون لاكتر من شب...
بس تصوري انو في نسبة كتير كبيرة من البنات الي عم ينقتلو... عمينقتلو لاسباب ابسط من هيك بكتيييييير...
عم ينقتلو مشان سيكارة... ومشان حبو ... وحتى لو عملو علاقات جنسية... مين الو الحق انو يقتلهن ويسلبهن حياتهن؟؟؟

انا برأي الجرائم كيف ماكانت وشو ماكانت منيحة عالأقلية بتخفف كثافة سكانية

يعني بفهم من حكيك انو غالبية الصبايا هنن ........ مو ملاح وهالولاد هنن ولاد ..... حرام

لك لا تفهموني غلط ياشباب
اول شي سوريانا انا حكيت الجرائم كيف ما كانت ما حكيت انو الجرائم بحق الصبايا ونقطة عالسطر.:frown: لا تزعلني منك

بعدين عزيزتي مروة وانا متلك وأكتر شوي وبقلك انو مافي شي بيوقفني لما يكون في شخص بحبو وبدي ياه يعني مو شقفة ورقة مختوم عليها ومكتوب عليها عقد زواج هي الي بتربطني فيه بس القضية كبيرة نوعا ما يعني كل انسان متل ما انتي حكيتي الو اخلاقياتو وكل انسان عندو الشرف حسب الأخلاقيات الي شايفها يعني لما واحد بيقتل بنتو مشان سيجارة بيكون تفكيروا محدود جدا يعني بيقول انو اليوم قبلات ملتهبة من سيجارة وبكرة الله يعلم لمين القبلات الملتهبة تكون خلينا نخلص من هالبنت قبل ما تعملها
وبتعرفي انا ماسمعت بحياتي عن جرائم شرف قد ما عم بسمع هون انا حاليا عايشة بغزة والحياة هون كتير مغلقة يعني اذا البنت طلعت مع شوفير وكانت لحالها بالسيارة بتكون قصة كبيرة كتير بالنسبة لعيلتها لذلك الله يخليكي مروة لا تذكريني قلبي من الحمض لاوي

مرحبا انا بس بدي قول انو هي الجرايم ما بتجوز يعني حتى الدين ما بيوافق عليها لانو الدين قال قبل ما تتثبت التهمة على اي بنت او شب لازم يكون في على الاقل اربع شهود واذا كانو ثلاثة ما بيتطبق الحد عليهون يعني شلون بدو يشوفون اربع اشخاص بنفس الوقت اذا ما كانو عملينها بنص الشارع وكلون موثوقين يعني مو حيالله واحد قال انا شفتون يعتبر شاهد وبعدين الدين اللي عم يتذرعوا فيو مرتكبي الجرايم ما قلون انو معليش انتو تساوو العقوبة وانما خلاها للقاضي يللي هوي لازم يطبقها

منشان هيك انا بلاقي انها من اصلها مالها قانونية ما دام القانون بيمشي على الشريعة الاسلامية وهاد خطا قانوني كبير ولازم يتعامل معها متلها متل اي جريمة تانية يعني ما بيصير يكون فيها اي تخفيف على القاتل بالحكم

واحد وقد بيصل لهي المرحلة بيسال

هال تصرفات خلقت هاد الشعب

ام هاد الشعب خلق هي التصرفات

فعلا ضعنا بهي القصص والعلاقات الغريبة اللي بتعبر عنها .

يلعن ابو التخلف
وبس

السلام عليكم
:deal: :deal: :deal:

اولا يا ريت تكون للمشاركات فائدة
ما تكون جدل وجدال وسرد كلام؟؟
:jakoush: :jakoush: :jakoush:

الجرائم بحق البنات مو جديدة يعني من الجاهلية كانت انطلاقتها يعني من 1400 سنة
كانو يدفنو البنت وهي حيا؟عشان ما تسببلهم العار والفقر!!!!
:cry: :shock: :? :pos: :x :cry:
اجا الاسلام ومنع هالشي واعطى للمرأة كرامتها وحقوقها وصان شرفها
واذا هي تنازلت عن كرامتها وباعت شرفها
شو يساو اهلها يصفقولها ولا يقولو هي حياتها وهي حرة!! ؟؟ !!

لا اكيد لا مو بس لا كمان نو وي
تكون هي حكمت على حالها بالموت
وعلى اهلها بالعار
والاهل مو ما يقدروا يحملوا هالعار
وينجبروا يقتلوها علشان يخففوا نقمة المجتمع
عليهم
وهون بيصير الحق على البنت مو على الاهل
هي اختارت الموت بس ما تختار مين يقتلها ولا كيف يقتلها؟؟ !! @@
:jakoush: :jakoush: :jakoush: :jakoush:
والبنت الي تحافظ على سمعتها وسمعت اهلها ما في حدا بالعالم يقدر يغبر على كندرتها
؟؟؟@@@@@@@@@@@@!!

واقبلو تحياتي للجميع

:deal: @اميـــــــــــ بكلمتـــــي ـــــــــــــــر@:deal:

يا امير بكلمتك انت افحمتنا ترى ها

بس الخط صغير شوي ياريت تكبرو اسا

اولا يا ريت تكون للمشاركات فائدة
ما تكون جدل وجدال وسرد كلام؟؟


ترى والله كل الحكي اللي سبق حكيك كان اكل هوا وهلق انت خليت الموضوع الو معنى

الجرائم بحق البنات مو جديدة يعني من الجاهلية كانت انطلاقتها يعني من 1400 سنة
كانو يدفنو البنت وهي حيا؟عشان ما تسببلهم العار والفقر!!!!

حسب اللي بعرفو فـ نحنا بالعام 1429 هجري

فـ يعني في خطا تاريخي بكلامك كانو


وهون بيصير الحق على البنت مو على الاهل

يعني البنت بتنقتل و الشب منزه ؟؟
الشب الله مابيتحاسب يعني ؟؟
مو هوي مشترك معاها بالشي اللي واصفو حضرتك بالجريمة؟؟

يعني نفرض انو البنت غلطت وفقدت شرفها
بنقابل الغلط بغلط اكبر منو وبنقتلها
ليش مين نصبها حكام وقضاة على الارض
تركها لربها يحاسبها
مش انت ولا انا يلي بنحكم على غلطة بني ادم
اصلا ربك بيقلك انو بني ادم غير معصوم ومو على اساس ان الله غفور رحيم فكيف الله بيغفر وانت ايها الانسان لا
ولا شو الواحد بيقطع من الدين يلي بدو ياه وبيمشيه على كيفو
اتركو هالبنت بحالها اصلا ما فقدت شرفها لولا انو في مجتمع انتهك شرفها وهي لاتزال عذراء

انت يلي امير بكلمتك...
هلأ فيك تقلي كيف يعني اجا الاسلام واعطى المرأة كرامتها وصان شرفها؟؟؟
يعني شو المعنى... انو النسوان قبل الاسلام كانت بدون شرف مثلاً؟
ولا انو الاسلام بيحافظ على شرف الاهل بانو يحلل قتل البنت؟؟؟
شو يعني شرف؟ وشو هوي مفهوم الشرف برأيك؟؟؟

يعني نفرض انو البنت غلطت وفقدت شرفها
بنقابل الغلط بغلط اكبر منو وبنقتلها
ليش مين نصبها حكام وقضاة على الارض
تركها لربها يحاسبها
مش انت ولا انا يلي بنحكم على غلطة بني ادم
اصلا ربك بيقلك انو بني ادم غير معصوم ومو على اساس ان الله غفور رحيم فكيف الله بيغفر وانت ايها الانسان لا
ولا شو الواحد بيقطع من الدين يلي بدو ياه وبيمشيه على كيفو
اتركو هالبنت بحالها اصلا ما فقدت شرفها لولا انو في مجتمع انتهك شرفها وهي لاتزال عذراء.


ليش ياآنسة بنفسجة مين قلك انو شرف البنت مربوط بفرجها ؟؟
على اساس انتي مثقفة

انت يلي امير بكلمتك...
هلأ فيك تقلي كيف يعني اجا الاسلام واعطى المرأة كرامتها وصان شرفها؟؟؟
يعني شو المعنى... انو النسوان قبل الاسلام كانت بدون شرف مثلاً؟
ولا انو الاسلام بيحافظ على شرف الاهل بانو يحلل قتل البنت؟؟؟
شو يعني شرف؟ وشو هوي مفهوم الشرف برأيك؟؟؟

حتى لو اجينا على تشريع الاسلام فـ الاسلام مابيحكم بقتل المرة

المرأة الزانية والرجل الزاني سواء بالاسلام
اذا كانو متزوجين فالهم عقاب وهوي الموت و اذا عازبين فالهم عقاب تاني

بعدين في شي انا مش عم اقدر افهمو...
يعني هل برايكو اقامة علاقة جنسية هيي جريمة لا تغتفر ومش ممكن يتم غسلها الا بكمان جريمة وهيي قتل البنت؟؟؟
ومين يلي بيحدد هون وين حدود الشرف؟؟؟ مين؟؟؟الاهل او الدين او المجتمع؟؟؟ او انو ممكن يكون اي حدا ما عدا البنت ذاتها؟؟؟


وعفواً سوريانا ما فهمت هاي:
المرأة الزانية والرجل الزاني سواء بالاسلام
اذا كانو متزوجين فالهم عقاب وهوي الموت و اذا عازبين فالهم عقاب تاني


ازا ممكن تفسرلي ياها اكتر...

.


ليش ياآنسة بنفسجة مين قلك انو شرف البنت مربوط بفرجها ؟؟
على اساس انتي مثقفة

ياحبيبي ياصديقي هيدا موضوع تاني
ومين قلك انو بعتبر شرف البنت هيك انا
انت تابعت ردي شي لو تابعت ردي كنت عرفت انو الشرف ما بيعنيلي هيك
اصلا ما فقدت شرفها لولا انو في مجتمع انتهك شرفها وهي لاتزال عذراء
على كل انا مش مثقفة:D

بعدين في شي انا مش عم اقدر افهمو...
يعني هل برايكو اقامة علاقة جنسية هيي جريمة لا تغتفر ومش ممكن يتم غسلها الا بكمان جريمة وهيي قتل البنت؟؟؟
ومين يلي بيحدد هون وين حدود الشرف؟؟؟ مين؟؟؟الاهل او الدين او المجتمع؟؟؟ او انو ممكن يكون اي حدا ما عدا البنت ذاتها؟؟؟

اذا حسب التشريع الاسلامي فانا قلت فوق شو حكمو
اما اذا حسب الهمجية اللي عايشين فيها فـ على الدنيا السلام

بعدين لاتنسي انو البنت مو لازم هيي بس تتعاقب انما الشب كمان

واذا اجينا للتشريع فالشب لازم يكون نصيبو من القتلة قد المرة مرتين لانو نصيبو من الورتة ضعف نصيب المرة , الشغلة مو خيار وفقوس

اذا حسب التشريع الاسلامي فانا قلت فوق شو حكمو
اما اذا حسب الهمجية اللي عايشين فيها فـ على الدنيا السلام

بعدين لاتنسي انو البنت مو لازم هيي بس تتعاقب انما الشب كمان

واذا اجينا للتشريع فالشب لازم يكون نصيبو من القتلة قد المرة مرتين لانو نصيبو من الورتة ضعف نصيب المرة , الشغلة مو خيار وفقوس

هون منرجع لقضية المساواة...
طيب بلا مناخذ الامثلة من الاسلام...
خلونا نحكي عن الشرف... شو يعني شرف...
يعني جد خدوني على قد عقلاتي وقولولي شو يعني شرف...

السلام عليكم
:deal: :deal: :deal:

اولا يا ريت تكون للمشاركات فائدة
ما تكون جدل وجدال وسرد كلام؟؟
:jakoush: :jakoush: :jakoush:

الجرائم بحق البنات مو جديدة يعني من الجاهلية كانت انطلاقتها يعني من 1400 سنة
كانو يدفنو البنت وهي حيا؟عشان ما تسببلهم العار والفقر!!!!
:cry: :shock: :? :pos: :x :cry:
اجا الاسلام ومنع هالشي واعطى للمرأة كرامتها وحقوقها وصان شرفها
واذا هي تنازلت عن كرامتها وباعت شرفها
شو يساو اهلها يصفقولها ولا يقولو هي حياتها وهي حرة!! ؟؟ !!

لا اكيد لا مو بس لا كمان نو وي
تكون هي حكمت على حالها بالموت
وعلى اهلها بالعار
والاهل مو ما يقدروا يحملوا هالعار
وينجبروا يقتلوها علشان يخففوا نقمة المجتمع
عليهم
وهون بيصير الحق على البنت مو على الاهل
هي اختارت الموت بس ما تختار مين يقتلها ولا كيف يقتلها؟؟ !! @@
:jakoush: :jakoush: :jakoush: :jakoush:
والبنت الي تحافظ على سمعتها وسمعت اهلها ما في حدا بالعالم يقدر يغبر على كندرتها
؟؟؟@@@@@@@@@@@@!!

واقبلو تحياتي للجميع

:deal: @اميـــــــــــ بكلمتـــــي ـــــــــــــــر@:deal:


أول شي مع احترامي لإلك بس ماشفت أتفهه من ردك بعمري.. ورح عدلك الأسباب مشان ما كون عم اتجنى عليك:
1- بدك تكون المشاركات فائده مو سرد و كلام؟؟؟؟ شو رأيك أول شي تخفف ألوان و سمايلات لأنو الموضوع جدي و مابدو هالبهدلة يلي مبهدل ردك فيها.. حسيتك بالعيد من كتر مو ملون الرد بس شكلها الألوان متناسبه مع عمرك ياصغير..
2-طريقتك بالرد زكرتني بفيفي عبدو ( لاء مش لاء بس نو وي) جماد شوي و رد متل البشر.. والغريب انك عم تحكي عن الشرف..
3-يلي بدو يقتل اختو لأنو زنت مع شب بتحبو لايزني هو مع بنات الناس.. يعني يلي عم بيتبنو هالفكر بيكون متلك تقريباً شباب cool بالحياة و بس توصل القصة لإختو بيصير رجال.
4- مابفهمكون انتو المصريين.. انت مسموح تحب و اختك ممنوع؟؟ بعدين وين التكليف الإلهي يلي معك مشان تسحب سيفك الشريف و تدبحها
ختاماً:
لن تستطيعو ان تستردو شرفكم المهدور على حساب النساء.. ياأمة ضحكت من جهلها الأمم

يعني مو بس المرة بتتحاسب وانما الرجل كمان

التشريع الاسلامي بيقول انو اذا المرة والزلمي زنوا فـ

قال تعالى:
"الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين" [النور: 20]

وقال تعالى:

واللاتي يأتين الفاحشة من نسائكم فاستشهدوا عليهن أربعة منكم، فإن شهدوا فأمسكوهن في البيوت، حتى يتوفاهن الموت أو يجعل الله لهن سبيلا" [النساء: 15].

طبعا حكم الرجل المتزوج نفس حكم المة المتزوجة

ليش "جرائم الشرف " ..... مو جرائم قتل النساء...؟

نحنا بنفضل تسميتها بجرائم قتل النساء لانو كل ضحاياه من النساء.. عمركن شفتو شي وحده قتلت اخوها بداعي "الشرف" ... اكيد لا ..

مع الاسف هالجرائم اصبحت ظاهره بمجتمعاتنا العربيه ومع الاسف لحد هلا ما فيي ولا احصائيه دقيقه من اي جهة رسميه بخصوص هالجرائم بس الارقام المتوفره حاليا (من دراسه قديمه اجراها الطب الشرعي مع منظمات المانيه مهتمه ):

فلسطين/239/ لبنان/36/ الأردن/23/ سوريا/40/ اليمن/374/ مصر/53/ تركيا/200/ باكستان/1000/ ألمانيا /53/. طبعاً في أعوام مختلفة.

سلب الحق في الحياة وقتل النفس حق غير مشروع ولا لاي شخص بالدنيي ... لا الاب ولا الابن ولا ابن العم ولا اي حد منهون ..كل انسان بالغ عاقل راشد هوي مسؤول عن تصرفاتو وقراراتو وبيأسفنا انو الكثير الكثير من هذه الجرائم بتكون لمجرد انو - الاب او الاخ او ابن العم- شك لمجرد الشك بالبنت بيروح بيقتلها .. طيب هون بنجي نسأل ليش .. اكيد بيقتلها بكل دم بارد لانو المجتمع المتخلف صافف معو وكمان القانون المتخلف اكتر صافف معو وعاطيه عذر مخفف ...

الجمعيات النسائيه من فتره طويله عم تعمل حملات لتغيير مادة قانون العقوبات السوري ( طبعا هالحملات ما بس بسوريا وبكل الوطن العربي تقريبا بس حاليا بنجيب مثال عن القانون السوري)

الماده - 192 - : تعطي المادة 192 عذراً مخففاً في حال ارتكاب الجرم لدافع شريف وتصل العقوبات إلى حبس بسيط جداً وتستعمل في بعض الأحيان كحجة لارتكاب جرائم الشرف ضد النساء في العائلة ويفلت الرجال من العقاب.

الماده -242- : والتي تتعلق بالاستفزاز فهي تخفف العقوبة عن الفاعل التي يرتكب جريمته تحت ثورة غضب شديد وتتحول الجريمة من جناية إلى ضحية وقد تصل عقوبتها الحبس أياماً أو غرامة.

الماده -548-:يستفيد من العذر المحل من فاجأ زوجه أو أحد أصوله أو فروعه أو أخته في جرم الزنا المشهود أو في صلات جنسية فحشاء مع شخص آخر فأقدم على قتلهما أو إيذائهما أو على قتل أو إيذاء أحدهما بغير عمد

خلينا نحكي بهالكم نقطه ومواد القانون ورأيكون بتغييرهون بعدين بننتقل للحديث عن السيداو (اتفاقية القضاء على جميع أشكال التمييز ضد المرأة) ...!

غريب
بالمانيا جرائم الشرف اعلى من سورية
ولك شايفين قديش نحنا متطورين

بس ليكونو هدول الاكراد اللي عايشين هنيك مشوهين صورة المانيا

بتعرفي ريم...
بآخر سنتين, بقريتي لوحدا انتقتلو 5 نساء... وبالسنة الخيرة هون عند عرب الداخل انقتلو اكتر من نصف الدد يلي انت كاتبتية... المعلومات يلي عندك هيي من احصائيات عن حالات تم التبليغ عنها... ويلي للاسف بتشكل بس نسبة ضئيلة من الحالات الحقيقية... صورة الحقيقة ابشع من هيك بكتير...

اجا الاسلام ومنع هالشي واعطى للمرأة كرامتها وحقوقها وصان شرفها


يا خيو ستي السبتعاش ألف كانت عم تنطر الإسلام ليجي و يصون حقوقها ..

إييييييييه يزكرك بالخير يا ستي ..

اولا يا ريت تكون للمشاركات فائدة

ما تكون جدل وجدال وسرد كلام؟؟
:jakoush: :jakoush: :jakoush:

اولا اخوي مين قال لك الاعضاء عندهم مشكلة مع الخط الصغير وعبتكبر بالخط مشان الاعضاء ؟!
انا بحكي عن حالي كتير بواتيني الخط 2 وكتير بينزل على مراقي تمام يعني بروق وقت بشوفه .
الجرائم بحق البنات مو جديدة يعني من الجاهلية كانت انطلاقتها يعني من 1400 سنة
كانو يدفنو البنت وهي حيا؟عشان ما تسببلهم العار والفقر!!!!
:cry: :shock: :? :pos: :x :cry:
طب عذّبت حالك وقريت عن هي الفكرة قبل هاي المرة ؟! وكيف ربطت جريمة قتل الجاهلية بالشي اللي هلق عمنحكيه ؟!
بالجاهلية كان قوة القوم بتعداد الفرنسان والنساء كانت ضعف للقبيلة فكانت القبائل الصغيرة بتعتمد على ان كل السكان فقط يانجبوا ذكور والوجهاء من القرية فقط يسمح لهم الاحتفاظ بالنساء .

لا بالقصة في شرف متل ما انت فهمان ولا في الها ربط بالموضوع فعمليات القتل كانت لعدم اضعاف القبيلة وليس للدافع عن الشرف متل ما هلق عبصير .

وعلى فكرة حتى بالعصر الجاهلي كان غير مستساغ هاد التصرف ( لاحظ من امتى محارب جرائم القتل وليس جرائم الشرف متل ما انت ربطت او متل ما انت موحى لك ) واذا بتحب بحط لك حوادث وابيات شعر هجائية من قبيلة للتانية بسبب قتل النساء وفي بيت كتير كان عاجبني اذا بدك ببحبش لك عنه معناه "لو كانوا فرسانكم ولدانين بالقبيلة عنا كنا قلتناهم وهنن اولاد لان ما بدنا نساء بقبيلتنا "
بس محاولتك الربط بين ( جرائم ) الشرق الحالية و(جرائم ) القتل الدوافعها قبلية بحتة بعيدا تماما عن الشرق للاسف محاولة فاشلة جدا .


اجا الاسلام ومنع هالشي واعطى للمرأة كرامتها وحقوقها وصان شرفها
معك حق صان شرفها وحاول بكافة الاشكال ابعادها عن الذكور بطرق حتى غير معتمدة بالجاهلية
لكن اعطى حقوقها ما كتير بنصحك انك تشد على هي النقطة .
عبعلق على جملتك لأني قرفت اسلوب فكرة تمرير المعلومات بالعبطة متل ما تعودنا انه يصير بالأخوية بكون الحديث عن شي بمرّق لك واحد شي جملة بالعبطة وما حدا بعلق عليها مشان ما يتحول مسار الموضوع .

فانا عبعلق فقط مشان قول لك لاتحاول تمرر بداخل ردودك بعض المعلومات بموضوع لا يمس فيه المعلومات لا من قريب و من بعيد وخلينا نبقى بالموضوع الاصلي .




واذا هي تنازلت عن كرامتها وباعت شرفها

شو يساو اهلها يصفقولها ولا يقولو هي حياتها وهي حرة!! ؟؟ !!

عادة بلون الحكي اللي بدي علق عنه بالاحمر لذلك مشان ما طريقتك قلبت الفكرة هون .
انه الغريب انك بتعرف الحل وعبتسأل ؟!
اي نعم حريتها ومن حقها تحصل عليها .
اكتر من هنالك انهم بحكم انهم مهتمين فيها وبهمهم مصلحتها ممكن يوعوها ممكن ينصحوها ممكن يساعدوها لكن القتل شو بينفع ؟! لا تقول لي من محبتهم الها لأن اللي بحب التاني بيبذل حياته في سبيل حياة التاني فاي حب هاد بيسمح لي اقتل نفس بشرية مشان مصلحتها .

قبل ما تسالني بدي جاوبك
نعم يا صديقي تعيش اختي بطريقة انا ما عبتعجبي وما ازورها واقطع صلتي فيها احسن ما زورها يوميا بالمقبرة .
بس الفكرة بتنبع من نقطة الثقة
لأي مرحلة انا في عندي ثقة باختي وبوثق بالتربية اللي انا وهية نشأت عليها .

بالنسبة الي اختي عايشة حاليا بغير دولة وحيدة وانا عايش ببلدي وبنام وانا كلي ثقة فيها حتى ولا مرة خطر لي افكر هل من الممكن انها تكون عبتهين شرفي( مع تحفظات لأن شرفي غير مربوط بالعالم شرفي مربوط فيني فقط ) او انها بتكون عبتقللي من قيمتي لأني بعرف مين اختي وبعرف مين اهلي وبعرف شو هية التربية اللي خضعت انا الها واللي خضعت اختي الها . وحتى ان اختارت اسلوب حياة انا كنت ضده بالمية مية ما عندي الحق انهي حياتها او اني اقتلها لك حتى اني اضربها فكرة غير مقبولة افضل ما هنالك اني اعاتبها اني انصحها .
بحكم ثقافتي الشرقية ومفهوم العلاقات اكيد بدي اتدايق بس اكيد ما بدي اقتلها او حتى اني اضربها .لأنها كائن كامل العقل ومتل ما انا عندي عقل هية كمان عندها عقل وبتعرف تختار الانسب الها انا علي انا انصحها في حال كانت بحاجة للنصيحة لا اكتر ولا اقل .

الثقة شي ضروري بالقصص المماثلة يا صديقي .


تكون هي حكمت على حالها بالموت
وعلى اهلها بالعار

كيف زبطت معك اول جملة ؟؟



والاهل مو ما يقدروا يحملوا هالعار
وينجبروا يقتلوها علشان يخففوا نقمة المجتمع
عليهم

يلعن ابو المجتمع ويلعن ابو اللي خلفه اذا بدي اخسر اختي مشانه ،

فشر اني امسّ اختي دفاعا عن شيء اسمه شرف لان وقت بدي عاقبها حتى لو كان بكف بكون خسرت بشكل فوري شرفي بعدين مين انا حتى عاقبها !؟ حتى ابي مين هوي حتى يأمر بقتلها ؟! فهمنا نحن عائلتها بس نحن ما النا الحق ننهي لها حياتها .
متل ما قلت لك القصة قصة ثقة ومافي حدا مننا ما بيغلط .
فليش اني ما اسامح الخاطئ واحكم عليه بالموت ؟!

اذا كان الله اللي هوي ما معه ملعبة بيقبل توبة الخاطئ
فليش انا امنع الخاطء من تصحيح خطاه وانهي له حياته ؟!؟!

وهون بيصير الحق على البنت مو على الاهل
هي اختارت الموت بس ما تختار مين يقتلها ولا كيف يقتلها؟؟ !! @@

بفهم منك ان ممنوع الانسان يغلط وان غلط بده يتحمل عقبة اخطائه وبالتالي مشكلته اذا قتلتها على مبدا جنت على نفسها براقش ؟!
انت هيك بتقصد ؟!؟!


والبنت الي تحافظ على سمعتها وسمعت اهلها ما في حدا بالعالم يقدر يغبر على كندرتها

بين كل الاختلافات السابقة انا معك بهي النقطة :deal:

:D

اي نعم حريتها ومن حقها تحصل عليها .
اكتر من هنالك انهم بحكم انهم مهتمين فيها وبهمهم مصلحتها ممكن يوعوها ممكن ينصحوها ممكن يساعدوها لكن القتل شو بينفع ؟! لا تقول لي من محبتهم الها لأن اللي بحب التاني بيبذل حياته في سبيل حياة التاني فاي حب هاد بيسمح لي اقتل نفس بشرية مشان مصلحتها .

يلعن ابو المجتمع ويلعن ابو اللي خلفه اذا بدي اخسر اختي مشانه ،

فشر اني امسّ اختي دفاعا عن شيء اسمه شرف لان وقت بدي عاقبها حتى لو كان بكف بكون خسرت بشكل تلقائي شرفي بعيدن مين انا حتى عاقبها !؟ حتى ابي مين هوي حتى يأمر بقتلها ؟! .

جملتين بيختصرو كل شي...
شكراً غابي:D

بس بدي قول كلمة وحدة او بالاحرى جملة مشهورة عند الجميع

"حريتك تنتهي عندما تبدأ حرية الاخرين"

وهالحكي معناتو انو البنت ما بيحقلها تشتغل داعرة والله وتحط راس اهلها بالارض وما حدا يقلها شي على اساس انو هيي حرة وما حدا دخلو

وكمان معناتو انو الاهل لما بنتون تحب او حتى لما تغلط مع اي شب ما بيحقلون انهن يقضوا على حياتها بحجة انو هنن احرار وما بدون حدا يتعدى على شرف بنتون

بظن هالحكي بيكفي وواضح ومفهوم وما بدو شرح والكل بيوافق عليه

اذا كان الله اللي هوي ما معه ملعبة بيقبل توبة الخاطئ
فليش انا امنع الخاطء من تصحيح خطاه وانهي له حياته ؟!؟!


ليش مابتعرف انو مجتمعنا أحياناً بيتفهمن حتى على الله.. يعني بيضيفو شغلات على الأديان الله ماخطرتلو .. صدقني هدول سبب خراب المجتمع

ليش مابتعرف انو مجتمعنا أحياناً بيتفهمن حتى على الله.. يعني بيضيفو شغلات على الأديان الله ماخطرتلو .. صدقني هدول سبب خراب المجتمع
اي طبعا... هدول مستشارينو ل"اللة"...
بعدين بيناتنا... شو بدو يلحق ليلحق علينا اللة...
ومشان هيك بتجي هاي العالم يلي عاملة حالها فهمانة وبتحددلنا ماهية شرفنا وبتربينا...
والبنات رايحة كيف ما الدنيا شاحطيتها...

مافي حدا بيقبل بأي نوع من أنواع الجرائم وأولهم جرائم الشرف . ولازم نكافحها بالقضاء والأهم بالتوعية الأجتماعية

بس انو انا اللي محيرني انو لما بتسال الشب عن جرائم الشرف بيقلك انو هو ضد وما بعرف شو ومن هالحكي بس لما يلاقي اختو والله مع شي شب بيطلع الدم لراسو وبيروح سافقلك ياها هداك الكف قبل ما يفهم هنن شو عم يساوو وطبعا هي بس بالشارع منشان ما يتشرشحو بس بالبيت بتلاقي الويلات انا طبعا ما عم احكي عن كل الشباب بس عن شريحة كتير كبيرة منهن

يا ريت الشباب يعطونا رايهون بهالحالة لانو هي بداية لارتكاب الجريمة

مافي حدا بيقبل بأي نوع من أنواع الجرائم وأولهم جرائم الشرف . ولازم نكافحها بالقضاء والأهم بالتوعية الأجتماعية
يا عيني عليك...:D

مافي حدا بيقبل بأي نوع من أنواع الجرائم وأولهم جرائم الشرف . ولازم نكافحها بالقضاء والأهم بالتوعية الأجتماعية
:deal::deal::deal::deal::deal:

ومن فترة سنة تقريبا بتذكر صار موضوع بعنوان ( حملة الاخوية لمكافحة جرائم الشرف )

خلونا نقرأ شوي ما بقا نقدر نلحق

:deal::deal::deal::deal::deal:

ومن فترة سنة تقريبا بتذكر صار موضوع بعنوان ( حملة الاخوية لمكافحة جرائم الشرف )
بالطرقات بتشوف حملات كتيرة . أخرها حملة بمناسبة اليوم العالمي للتبرع بالدم . بس مابتشوف هيك حملات لا بالطريق ولا بغيرها

عزيزتي مروى أنو شو سريعة بالموضوع :o لسه ما لحقنا نحكي و3 صفحات !!!
حلو :gem:
معلش بقا لإعتاء الملف متل ما اتفقنا
رح ارجع حط لينك لمقال ناقلتو بالأخوية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بدي اصرعكم بهالمقال بكل موضوع بيحكي عن الشرف :p
والي رجعة بعدين لأن هلا مشغولة بعيد الموسيقى :cool:

تحياتي لكل مين رح يوقف معنا ضد جرائم الاستشراف :D

الجرم يوجب عليه القصاص
وجهل المجتمع يوجب عليه القصاص
أي هناك عادات متوارثة وسيئة
يجب أن نلغيها من حياتنا
ولو تدريجيا
لكن يجب ولا نستعمل س سوف

بالطرقات بتشوف حملات كتيرة . أخرها حملة بمناسبة اليوم العالمي للتبرع بالدم . بس مابتشوف هيك حملات لا بالطريق ولا بغيرها
التوعية الاجتماعية مسؤولية كل واحد فينا...
وانا بلشت موضوعي رافعة شعارات ضد هيك جرائم...
لاني بآمن انو هيك حملات ممكن تبلش من هون...

عزيزتي مروى أنو شو سريعة بالموضوع :o لسه ما لحقنا نحكي و3 صفحات !!!
حلو :gem:
معلش بقا لإعتاء الملف متل ما اتفقنا
رح ارجع حط لينك لمقال ناقلتو بالأخوية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بدي اصرعكم بهالمقال بكل موضوع بيحكي عن الشرف :p
والي رجعة بعدين لأن هلا مشغولة بعيد الموسيقى :cool:

تحياتي لكل مين رح يوقف معنا ضد جرائم الاستشراف :D
شكرا ساندرا...
بس اللة يخليكي فضيلي حالك شوي لانو بعدنا بالبداية بس
واكيد انا بحاجة لوجودك هون...:D

من رايي

ان كل انسان بيغلط احنا مش ملايكه

ممكن بلحظة ضعف+شيطان= غلط

بس مش معناه ان كل اللى يغلط ينقتل
صحيح احنا شرقيين وعنا عادات وتقاليد بس انا ضد القتل بدون وجه حق مين اللى اعطى الحق لانسان انه يهدر او يسلب حياة بنى ادم
وبعدين ربنا بيقبل التوبه
فى عادات كتير وحاجات كتير عندنا لازم تتتغير:jakoush:

العنف والجرائم المرتكبة ضد المرأة...
وصمة عار في سجل الانسانية...

ولكم اصدقائي واعزائي...
دور هام جداً في خلق جو يحد من هذة الظواهر...
"فالمفارقة ولدت من الصراع بين الصرخة الانسانية والصمت غير المنطقي للعالم" (ألبر كامي)