بس تعليق صغير على سؤال ريم وبرجع للأسئلة بالترتيب... :adal:



خير؟؟؟؟؟ :sly: :sly:
ههههههه بيحسها تقليعة يعني
:p:p:p

ههههههه بيحسها تقليعة يعني
:p:p:p
كل العالم تحكي الا انت ها :lol:

ع راسي زووز ;)

مرحبا فيفا
هلق انا عندي سؤالين
الاول شو بتحب انو نناديلك هون بالمنتدى
التاني ليش قلت انو موضوعك رسالة الى الرئيس كنت ندمان لانك حطيتو

عالهامش: الشباب مو مصدقين لحتى نزلت عالمقلاية لحتى يشتغلو فيك بس قدها ما رح تستوي بسرعة

لك ليش عم تسكت كابي؟؟؟ :sly:

كابي انت سكوت

بـ النسبة لـ فيفا ..

فيفا أنت ليش كل مرا بتجمعنا عـ الماسنجر وبعد ما تقول مرحبا بتختفي ؟




في نوعيين من هالحالة : أول حالة بكون مو أنا يلي جامعكون وبكون مو فاضي حك راسي... تاني حالة بكون مالي خلق حاكي حدا والشباب نازلين حكي بقوم بجمعهون بلهيهن ببعض وبخلع :o

ايش اكتر موقف حرج صار معك ؟أول يوم بالجامعه.. قاعد بالكافتيريا بالجنينة عم اشرب قهوتي بأمان الله.. بتمرق بنت من جنبي متل القمر مدري شو حكيتها "محاولة تطبيق" عطتني ضحكة صفراوية ومشيت.. فتنا عالمحاضرة طلعت هيه الدكتورة تبع المادة... دقينا مرش ومشينا :frown:

ايش الموقف يلي صار معك و مستحيل تنساه ؟مشكلة ببيروت...

شو نوع الأندر وير تبعك ؟بلاها منعاً من ماينفهم شوفة حال ;)


نورت بارليبو... :larg:

مسا الخير فيفا .......

حسب ما شفت من ردودك ومشاركتك الجريئه وبالتحديد تجاه النظام..

برايك نحن كشعب هل نملك البديل المناسب للحكومه والنظام؟؟؟؟؟


أول شي لنحدد عم نحكي عن بديل شو تحديداً.. نحنا عم نحكي عن بديل للفساد والظلم والتفرد بالقرار والسرقة ومص دم الشعب وسلطة مخابراتية قمعية... فأكيد شعبنا بيملك البديل الأحسن... الصعوبة باختيار البديل بتكون لما يكون الوضع الحالي جيد فصعب تلاقي الأحسن... أما لما يكون الوضع الحالي سيئ للغاية أنا قبلان بإنو ننتقل لأي وضع أعلى بدرجة..


هل بتعتقد انه الشباب الي بعمرك اخدو فرصتهون بالحياه كشاب سوري ...له طموحاته وخاصه السياسيه

فرصتي بمجال العمل وكحالة استثنائية أخدتها كاملة بحكم ظروفي العائلية.. أما بالنسبة لأغلب الشباب السوري فهو ما بيقدر ياخد فرصتو على أي صعيد.. للأسف في حرمان رهيب لشبابنا من أساسيات الحياة الكريمة.. الشغل الكريم: حلم.. البيت: حلم.. السيارة: حلم... حرية الرأي : حلم...


انت بتفوت عالمطبخ شي وبتطبخ ولا لأ.....:p


لاء أبداً.. حياتي أكل جاهز.. وبشكل عام مابحب الطبخ غير من ايد إمي..

بتحب النسوان ولا لأ :p

ويلي مايحب النسوان الله يبعتلو عليي.. :yahoo:.... في شب عاقل مابيحب النسوان؟؟


ويسعدو لمساك

ويسعد كل أوقاتك.. :D

ريمي مرة تانيه.. يادي النور يادي الهنا... راجعتي المشرف قبل ماتاخدي دور تاني؟؟ :larg:

لو بايدك تغير شغلات بحالك شو بتغير - (شخصيتك او شكلك)؟



صدقيني مابغير شي لا بشخصيتي ولا بشكلي.. كتير عاجبني حالي... بس بتمنى بطل الدخان مع العلم اني بستمتع فيه ومابعتبرو شي سيئ..


لو بايدك تغير شغلات بحياتك شو بتغير ؟

بتمنى غير دراستي وادرس علوم سياسية...

لو بايدك تغير فييني انا شي شغله شو بتغيير؟

موعد نزلتك على سوريا :x


بحس انو عندك كتيييييييير شغلات بتتحفظ عليها ..وما بتقولها وما بتبينها للعالم وحتى لاصدقائك ..ليش؟

إذا بتقصدي عن الشباب بأخوية يمكن لأنو دائماً عندي الهاجس الأمني يلي كلنا عايشين فيه ... بس بشكل عام بالعكس مع رفقاتي كتير صريح مع احتفاظي بنوع من الخصوصية...

تبقي خلينا نشتقلك :sly:

بونسوار مسيو فادي

عندي كم سؤال ببالي من زمان الك بس خجلان اسألك بس ئلت هلئ الوئت المناسب كونك عبتتئلى


. هل أنتَ إنسان مؤمن بالحياة الأخرى وَ هل هناكَ حياة أخرى ؟


. هل الجنس بالنسبة لمسيو فادي وسيلة ترفيهية للتخلص من ضغوط الحياة

أم وسيلة لاستمرار الحياة

ربما كلاهما بالنسبة لك وَ أيهما تشعر بأنها الأقرب إليك ؟


. هل أنتَ موجود في نفسك أم في غيرك

أي هل أنتَ كـَ أفكار من صنع ِ نفسك أم من صنع ِ غيرك ؟

لاحظ خبرتكَ وَ أفكارك نتيجة جملة من التراكمات المعرفية وَ الأفكار التي اكتسبتها من المُجتمع


. أعطني ثلاث شخصيات عالمية " مفكرين , علماء , قادة " تعتبرها مثالكَ الأعلى ؟


. كيفك وَ كيف الحب بحياتك ؟


:D

ليش اخترت اسم فيفا سيريا حصرا و شو بيعنيلك ؟؟؟

ليش سافرت برات سوريا يعني شغل ولا دراسة و لا نفي و لا .... ؟؟؟؟

اذا اقدرت تطرد احد الاعضاء من اخوية مين بتطرد و ليش ؟؟؟؟

شو شايفك بالمقلاية :o

طيب

شو الشي يلي يلي عملتو ومع الأيام أكتشفت أنها أكتر شغلة عملتها صح

أيمت ناوي تتزوج . وفي حدا بمحيطك في شي من فتاة أحلامك

كم عضو شاكك فيهم أنهم بياعين مازوت بجمهورية موزامبيق :p

شو جنسية أخر بنت تعرفت عليها بدبي :lol:

أيمت بدنا نسهرلنا سهرة بالدومينو :lol:

ياعيني عليك سؤالين خفاف نضاف... مو متل الباقي :sly:

مرحبا فيفا
هلق انا عندي سؤالين
الاول شو بتحب انو نناديلك هون بالمنتدى

مابتفرق.. بس بأخوية بفضل فيفا "بس بينك وبين حالك لفظها بالـ V مو بالـ ف مشان ماصير متل اتحاد الفوتبول " الشباب صحابنا بينادولي فادي متعودين...

التاني ليش قلت انو موضوعك رسالة الى الرئيس كنت ندمان لانك حطيتو

يعني بصراجة لأنو وقت كتبتها كنت متفائل شوي انو في عفو عام عن معتقلي الرأي والضمير وانو في أمل... بس للأسف طلع كلو بطاطا متل العاده والسبب التاني انو ماحدا عم يسمع ولا حدا مهتم شو بدنا...

عالهامش: الشباب مو مصدقين لحتى نزلت عالمقلاية لحتى يشتغلو فيك بس قدها ما رح تستوي بسرعة

لاتاكل هم حبيب لحمي قاسي وبلقى قلي كتير قبل ما استوي...

سلام صديقي :D

لك أهلا بنوار الفرنساوي... بونسوارت صديقي :larg:



بونسوار مسيو فادي

عندي كم سؤال ببالي من زمان الك بس خجلان اسألك بس ئلت هلئ الوئت المناسب كونك عبتتئلى


. هل أنتَ إنسان مؤمن بالحياة الأخرى وَ هل هناكَ حياة أخرى ؟






بالحقيقة هي الأمور مو من المواضيع يلي بتشكلي مشكلة... يعني مابأسس حياتي عليها.. بمعنى اذا في أهلا وسهلا مو عاملين شي بيسيئ لمفهوم الحياة الأخرى.. اذا مافي كمان أهلا وسهلا مو بانيين حياتنا على أساسها وما مناكل مقلب... :larg:




. هل الجنس بالنسبة لمسيو فادي وسيلة ترفيهية للتخلص من ضغوط الحياة

أم وسيلة لاستمرار الحياة

ربما كلاهما بالنسبة لك وَ أيهما تشعر بأنها الأقرب إليك ؟


بصراحة هو وسيلة للتخلص من هموم الحياة... لكن لاتستطيع وصفه بأنه وسيلة ترفيهية بحكم كونه حاجة عاطفية وانسانية قبل كل شيئ... صديقي بوجهة نظري الجنس هو نتيجة لحالة من المشاعر والعواطف هو ليس هدف وليس غريزة....

. هل أنتَ موجود في نفسك أم في غيرك

أي هل أنتَ كـَ أفكار من صنع ِ نفسك أم من صنع ِ غيرك ؟


أنا موجود كلياً ضمن أنا... فكرياً عاطفياً إنسانياً هو أنا... أمارس قناعاتي في هذه الحياة... ليس ليس عندي أشخاص مقدسون لا أنقدهم لمجرد كونهم فلان أو فلان... ليس لي مثل أعل غير قابل لنقاش أفكاره ومبادئه... كل البشر بالنسبة لي قابلين للخطأ والصواب... ويجب علينا الاشارة الى كليهما في كل شخص كائناً من كان..
أحاول الاستفادة من أي فكرة جيدة تمر أمامي من أي أحد وأرفض أي فكرة سيئة من أي طرف جاءت حتى لو كان أبي...


. أعطني ثلاث شخصيات عالمية " مفكرين , علماء , قادة " تعتبرها مثالكَ الأعلى ؟

أتحفظ على توصيف "مثال أعلى" فالمثال الأعلى يجب أن يكون كاملاً وليس هناك من بشر كامل.. لكن سأعطيك ثلاث شخصيات وجب علينا إحترامهم رفع القبعة إجلالاً لهم:

نيلسون مانديلا - بابلو بيكاسو - نابليون بونابارت... مع تحفظاتي الشخصية على نقاط معينة بتاريخ كل منهم مع العلم أنهم من عظماء التاريخ...



. كيفك وَ كيف الحب بحياتك ؟

أنا منيح يا صديقي.. والحب أساس لايجب أن تخلوا منه حياتنا بكل أنواعه.. :hart:




نورت يا نوار :D

أنا حابب بمناسبة المقالي والزيت والبطاطا وجهلك تحية بهالمسا هاد

هلا حبيب وين هالغيبة؟؟

على فكرة صحيح القلي شغال بس مركبين شفاطات ماكنة على كيفك ماعم يبق شي من الريحة :larg:

هلا فادي ...... لا تضوج كلها كم سؤال بسيط :lol:


1. تتصور النقدم الفكري يتناسب طرديا مع التقدم التكنولوجي ؟؟؟


2. هل تعتقد ان بعض اشكال التدين (الشكلي ) هو شكل جديد من اشكال التحزب ؟؟ و اذا كان فعلا تحزب .. هل تتقبل هذه الظاهرة ؟؟


3. هل فكرت يوما .. بشماعر المتدينين من تكتب عن افكارك ؟؟


4. لو صح لك الهجرة الى افريقيا الغربية او الى اميركا اللاتينية .... تروح ؟؟


5. هل تؤيد (اليمين المعتدل) ... يعني المحافظة على التقاليد الخاصة مع الانقتاح المشروط على الآخر ؟؟


6. ما رايك بالحركات الانشطارية اللي تتخلل الحركات السياسية في العالم العربي ..؟؟


7. هل تحب اسمك لو تتمنمى تختار اسم جديد ؟؟



لا تخاف .. الوجبة الجديدة بالطريق :lol:

نسيت السؤال الاخير بالوجبة الاولى !!

8. تتمنى ان تكون نلدت بعائلة متدينة ؟؟ (طبعا متدينة مو متعصبة دينيا ! )

اول شي

كيفك؟
ابو جوزيف ولا ابو وليم
reemi ولا butterfly
الافلام ولا المسلسلات
الحب او الصداقة
فيروز ولا صباح فخري
نانسي ولا اليسا
النجاح القصير المدى ام التقدم البطيء طويل المدى
فلسطين او العراق


كم سؤال تانيين
شو بتعنيلك
اخوية
الام
القمر
الحب

شورأيك ب x52 :oops:

بكفي اليوم

ليش اخترت اسم فيفا سيريا حصرا و شو بيعنيلك ؟؟؟



مو واضح معنى الاسم؟؟ :? يمكن اخترتو من محبتي ببلدي أوهيك شي تقريباً.. فيفا بمعنى تعيش أو تحيا وسيريا يعني سوريا..

ليش سافرت برات سوريا يعني شغل ولا دراسة و لا نفي و لا .... ؟؟؟؟

بلش الموضوع دراسة وبعدين شغل وبحكم وجود أهلي بفترات معينة برات البلد.. موضوع النفي انساه لأنو انا بقضي اكتر من نص السنة بالشام... لهلئ طبعاً باعتبار لسا ما تعبينا :sly:

اذا اقدرت تطرد احد الاعضاء من اخوية مين بتطرد و ليش ؟؟؟؟

ما بفضل اسلوب الاقصاء القصري...

هلا

شو شايفك بالمقلاية :o

طيب




لا تصدق اشاعات :adal:

شو الشي يلي يلي عملتو ومع الأيام أكتشفت أنها أكتر شغلة عملتها صح

قرار تغير مجال شغلنا... بالأول لقيت معارضة من كل الناس يلي حواليي بعدين اتفاجئو بالنتائج..

أيمت ناوي تتزوج . وفي حدا بمحيطك في شي من فتاة أحلامك

الزواج بالنسبة إلي موضوع مرتبط بايجاد الشخص المناسب مو مرتبط بمواعيد أو خطط أو أعراف عامة..

كم عضو شاكك فيهم أنهم بياعين مازوت بجمهورية موزامبيق :p


كتير.. باعتبار أحد سياسات حكومة موزمبيق انو يعملو الشعب كلو بياعين مازوت أو موظفين بالسوق الحرة ;)

شو جنسية أخر بنت تعرفت عليها بدبي :lol:

سورية كانت بسهرة وكنت مو شربان إلا شوي يومها... المهم ما عرفنا نزبط الفلم بحكم الضوجة والعجقة... بس بوسائل خاصة جبنا رقمها وحالياً جاري الاعداد للهجوم المباشر :adal:



أيمت بدنا نسهرلنا سهرة بالدومينو :lol:

إيمت ما بدك بس مايكون يوم خميس مشان العجقة...:larg:


هلا حبيب

سلامات فيفا....... وهي رح الفظها بالV متل ما بدك :p
اي لنبلش

1 اهتماك بسورية واخبارها ما عليه كلام .. بس ليش شغلك ما بسورية ؟؟ برايك وقتها ما بتخدم بلدك اكتر حتى اذا كترت المشاكل؟

2 الهجرة للعمل هي وسيلة لتبرير هجر الوطن ولا فعلا بسبب الحاجة للعمل ؟ وقابل تشتغل شي بتخجل تشتغلو بسورية او اشتغلت هيك قبل ما يصير الك شغلك الخاص؟

3 شو رايك بامراة كانت بغي؟ قادر تتعامل معها من دون النظر لماضيها ؟ (سؤال كان نتيجة نقاش صار معي من فترة مع مجموعة اصحاب!!!)

4 كيف انت ضد الامريكان بالسياسة وبتدعم اقتصادون وبتدخن دخان امريكي .. وين تشجيع الصناعة الوطنبة؟؟؟؟؟
5 هون ما في سؤال بس بقلك ع قبال ما نشوفك مشوي مزبوط :o

سلامات وموفق ووفيق وتوفيق ووفاق وفائق :yahoo:

سؤال واحد بس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو بتعنيلك هي الصورة :o

مرحبا Viva :D

لدي ثلاث أسئلة أرجو الإجابة عليها.


1- ما هي مهنتك؟ وهل هناك ارتباط بين مهنتك وحبك للسياسة واستقصاء الأخبار؟
2- لو كنت مالكا أو رئيسا لقناة الجزيرة فما هو التغيير الذي ستحدثه فيها؟
3- حدد لي أحلى الأماكن في سوريا في الأوقات الآتية:
الفجر - الشروق - الظهر - العصر - الغروب - الليل.


والله ما تستاهل القلي يا Viva :gem: كان بالإمكان يختارون لك مكان أكثر انطلاقا وحرية.

هلا فادي ...... لا تضوج كلها كم سؤال بسيط :lol:



لا أبداً ماضجت بس أول ماشفت اسمك اتشائمت لعلمي انو مارح يكونو كم سؤال بسيط.:p .. اهلا ابو سارة الحبيب...



1. تتصور النقدم الفكري يتناسب طرديا مع التقدم التكنولوجي ؟؟؟

بدايةً يجب الفصل بين نوعين من تأثيرات التقدم التكنولوجي على حياتنا وفكرنا:

النوع الأول تناسب طبعاً بشكل طردي مع هذا التقدم وهو النوع الذي يشمل "المجالات العلمية والتحليلية ومجال الاتصالات " فقد ساهم التقدم التكنلوجي بشكل كبير برفع مستوى العلم والتعامل مع الحياة والتحليل الرياضي لكل ماهو حولنا... ولا ننكر أن التفدم الفكري على هذا الصعيد كان متناسباً طردياً مع التطور التكنولوجي.

أما النوع الثاني الذي تناسب بشكل عكسي مع هذا التقدم "المجالات الثقافية والمجالات الاجتماعية" فقد ساهم التقدم التكنولوجي بشكل كبير بالقضاء على العادات الثقافية "كالقراءة والكتابة والاهتمام بالفنون الراقية...." وقد قطع الكثير من أواصر التواصل الاجتماعي .. على هذه الصعيد كان التقدم الفكري متناسباً عكسياً مع التقدك التكنولوجي.


2. هل تعتقد ان بعض اشكال التدين (الشكلي ) هو شكل جديد من اشكال التحزب ؟؟ و اذا كان فعلا تحزب .. هل تتقبل هذه الظاهرة ؟؟

من الممكن اعتبار بعض حالات التدين "الطارئة" علينا هي نوع من أنواع التجزب لكني أميل الى اعتبارها جهلاً وتخلفاً بشكل أو بأخر... مع العلم أن بعض هذه الحالات مدعومة من أطراف معينة وبشكل واضح بغية خلق المشاكل والاتقسامات الداخلية في هذه البلاد " مع العلم أنني لست ميلاً لنظرية المؤامؤة غالباً" ,اسف لوجود أناس من الذين ينساقون وراء هذه الأشكال من التدين كونهم يشاركون في هذه المؤامرة الدنيئة بجهل مطلق...


3. هل فكرت يوما .. بشماعر المتدينين من تكتب عن افكارك ؟؟


هل فكروا هم بمدى اسهامهم في تدمير مجتماعتنا قبل أن يمارسون تعصبهم وجهلهم وتخلفهم؟؟ طبعاً أتكلم هنا عن التعصب الديني

4. لو صح لك الهجرة الى افريقيا الغربية او الى اميركا اللاتينية .... تروح ؟؟

لا أبداً فأنا مقتنع بظرفي الحالي بشكل كامل ولو خيرت بأي ظرف أخر لا أميل لتغيره.



5. هل تؤيد (اليمين المعتدل) ... يعني المحافظة على التقاليد الخاصة مع الانقتاح المشروط على الآخر ؟؟

لدي مشكلة مع اليمين واليار في منطقتنا وضحتهع في ردي لياس... بشكل عام أؤيد الانفتاح المطلق على الأخر طالما أن الأخر منفتح ومتقبل لرأي ومبادئي وقيمي ولا يستعمل منطق اقصائي او متعصب.


6. ما رايك بالحركات الانشطارية اللي تتخلل الحركات السياسية في العالم العربي ..؟؟

كنت أتمن أن تسمي حركات معينة... فلا أستطيع أن أصف كل الحالات وشملها بتقييم واحد.

7. هل تحب اسمك لو تتمنمى تختار اسم جديد ؟؟

لاء بحب اسمي كتير...



لا تخاف .. الوجبة الجديدة بالطريق :lol:

نورت يا بوسارة بس رحمني شوي :cry:

لا سلام ولا كلام
بسأل سؤال بترد من دون كتر حكي (هاد تحقيق رسمي)

اسمك وعمرك ووين عايش ؟

شو هو وضعك العائلي (متزوج - خاطب - عاشق - غير ذلك) ؟

اديش راتبك ؟

بتكذب كتير ؟ بتخرج كتير ؟ بتشرب كتير ؟

لنا عودة

محمد شو هالاسئلة هي يا اخي؟؟ ليش الاحراج؟؟ قال بتشرب كتير قال ....:jakoush: سالو عن الحشيش وبس :pos:

عزيزتي انا ما كنت بدي حطو اول واحد بس نص أخوية ما قبلت تنحط بيخافو مع انو بستخدم زيت أونا
مقرمش من برا و طري و لذيذ من جوا :larg:

يعني Viva حمل مهمة نص أخوية والله بأسه شديد ما ينخاف عليه. :adal:
عاد استخدمت زيت أونا وإلا مازولا أخرتها إنتوا اللي راح تتقرمشوا وهو اللي راح يبقى طري ولذيذ من جوا :sosweet: لأنه يستخدم مواد حافظة عالية الجودة.

VIVA SYRIA أنا صرلي فترة معكون بالأخوية وما بعرفك منيح بس حبيت أعرف كم شغلة إذا ما فيها إزعاج :D
1- شو هية أفضل هدية بتحب أنو تحصل عليها شي حدا بتعرفوا ؟
2- كيف قضيت فترة المراهقة ؟ يعني الفترة مراهقة كيف عشتا ؟
3- كم مرة حبيت بحياتك حب صادق " صادق بكل معنى الكلمة" ؟ و هل كان من طرف واحد ؟
4- مين أكتر عضو بتحكي معو على الشات ؟و مين أكتر عضو ما بتحب تناقش معو ؟
5- كيف صرت مهندس ؟ وهل الهندسة أنت بتحبا " يعني أنت قررت أنو تكون مهندس ولا دوافع تانية " ؟

هامش : أنا بعتذر على أية أسئلة شخصية مالي علاقة فيها والجواب بيعود إلك. :D

فادى ...كم سؤال ع السريع

1-هل انت قناص ماهر ....بتجيد اطلاق الرصاص؟

2_ هل بتؤمن بمقولة نيتشه (ان الكلمات الاكثر هدوءا هى التى تستدرج قدوم الاعصار ,,وان كلمات تتقدم على ارجل حمام لهى التى توجه العالم)

ولا شو فلسفتك فى ابداءك للاراء ل مناصرة قضاياك

3_ ما جوبتنى ع السؤال القديم ,,هل بتؤمن بمقولة ليديز فيرست ولا لأ....ولو بتؤمن بيها ...هل هذا فقط مجاملة للجنس الناعم ولا يقين داخلى
واذا ما بتؤمن وبتوقع هيك (( ليش ذكورى يا عمى ))

4- ما بتسمع الا اغانى وطنية ....متأكد؟؟
يعنى لما تقع فى الحب الله يوقعك فيه شو بتسمع اوبريت لفاجنر مثلا؟

اممممممممم مرحبا فادي ,,,

انا اسئلتي خفيفة لطيفة ,,,

اول سؤال,,,, هلأ لو ما كانت جنسيتك سورية شو بتحب تكون ,,,,سواءا جنسية عربية او اجنبية ,,,,

وتاني سؤال ,,, شو اكتر شي بتحبو بحالك ؟؟؟
والتالت ,,,, شو خلاك ترجع على اخوية بعد ما كنت مقرر انك تتركها,,,,(هاد السؤال اذا مش حابب تجاوب عليه ممكن )

والرابع ,,,,شو بدك من هالدنيا ؟؟

والخامس مأجل الى وقت اخر ,,,,

موفق وبالتوفيق وموفوق ,,,,:lol:

طيب بس سؤالين ما في داعي للعجقة
شي مرة دايقتك برد او موضوع ؟
مرة حبيت "حب يعني وحقيقي " على النت ؟؟
فيك ما تجاوب اكيد

نسيت السؤال الاخير بالوجبة الاولى !!

8. تتمنى ان تكون نلدت بعائلة متدينة ؟؟ (طبعا متدينة مو متعصبة دينيا ! )

لاء طبعاً... مقتنع تماماً بنتربيتي وتحديداً دينياً..

اول شي

كيفك؟



أنا منيح انت كيفك؟

رح يكون الجواب سريع كمان:



ابو جوزيف ولا ابو وليمالتنين غالين..

reemi ولا butterflyريم نتيجة انو مافي علاقة شخصية بيني وبين بترفلاي.

الافلام ولا المسلسلاتالأفلام

الحب او الصداقةالحب..

فيروز ولا صباح فخريفيروز....

نانسي ولا اليسانانسي مع اعجابي بأغاني اليسا وصوتها..

النجاح القصير المدى ام التقدم البطيء طويل المدىصغة السؤال تحتاج ال تعديل.. قصدك نجاح قصير المدى المحدود الوقت؟؟ او قصدك حرق المراحل والنجاح بسرعة؟؟ اذا كان الاحتمال الاول فبختار التقدم المدروس بخطوات ثابته أما اذا قصدك عالتاني فأكيد بختارو يلي هو حرق المراحل..

فلسطين او العراققلسطين لأنها تبقى قضية المنطفة المحورية.. مع تعاطفي الكامل مع الشعب العراقي


كم سؤال تانيين
شو بتعنيلك
اخويةجاوبت سابقاً

الاممابدي كون كتير أفلاطوني بردي.. بس أمي بالنسبة إلي أغلى شي بحياتي..

القمركوكب من المجرة يعكس ضوء الشمس علينا ويلهم العشاق... وأحد رموز جمال الطبيعة

الحب إحساس لايمكننا الحياة دونه..

شورأيك ب x52 :oops:
صديقي صدقني مافيني أعطي رأي فيك على اعتبار مافي علاقة شخصية بيناتنا.. بس بأخوية بحسك شب ظريف


هلا :D

سلامات فيفا....... وهي رح الفظها بالV متل ما بدك :p
اي لنبلش


سلامات ومرحبات وبنسوارات.. بلشنا :larg:


1 اهتماك بسورية واخبارها ما عليه كلام .. بس ليش شغلك ما بسورية ؟؟ برايك وقتها ما بتخدم بلدك اكتر حتى اذا كترت المشاكل؟

شغلي بسوريا وبراتها.. عندي شغل مستمر بسوريا ومتل ماقلت 10 مرات.. اكتر من نص السنة بقضيه بالشام..


2 الهجرة للعمل هي وسيلة لتبرير هجر الوطن ولا فعلا بسبب الحاجة للعمل ؟ وقابل تشتغل شي بتخجل تشتغلو بسورية او اشتغلت هيك قبل ما يصير الك شغلك الخاص؟


كمان وضحت هي النقطه قبل... أنا ظرفي كان استثنائي بحيث انو بلشت فوراً بشغلي الخاص بحكم ظرف عائلي معين.. وللمرة الـ11 أنا لا أعتبر مهاجر من سوريا... بالشكل العام أنا مع مقولة انو الشغل موعيب شو ماكان لأنو الحياة بحاجة لكل أنواع العمل مشان تستمر.. تخيلي العالم كلو أصحاب شركات؟؟ لمين بدوهون يقدمو خدمات؟؟ تخيليه كلو دكاترة!!! مين بدهون يعالجو؟

3 شو رايك بامراة كانت بغي؟ قادر تتعامل معها من دون النظر لماضيها ؟ (سؤال كان نتيجة نقاش صار معي من فترة مع مجموعة اصحاب!!!)

بتعامل معها دون أي تحفظات بغض النضر عن تاريخها.. بحكم انو اي انسان معرض انو يمر بظرف من نوع خاص

4 كيف انت ضد الامريكان بالسياسة وبتدعم اقتصادون وبتدخن دخان امريكي .. وين تشجيع الصناعة الوطنبة؟؟؟؟؟

بس يعملو دخان سوري محترم ببدل عليه فوراً.. بس يعملو سيارة سورية محترمه ببدل هليها فوراً.. لا نستطيع مقاطعة العالم كوننا متخلفين صناعياً واقتصادياً.. غلطنا مو غلطهون.

سلامات وموفق ووفيق وتوفيق ووفاق وفائق :yahoo:
ماحدا بدو يقلي مين هدول؟:sly:

سؤال واحد بس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو بتعنيلك هي الصورة :o

إجدى معجزات الدين السعدوي :larg:

مرحبا Viva :D

لدي ثلاث أسئلة أرجو الإجابة عليها.


هلا مشاعر وشكراً انك قللتيلي عدد الأسئلة :D



1- ما هي مهنتك؟ وهل هناك ارتباط بين مهنتك وحبك للسياسة واستقصاء الأخبار؟دراستي الهندسة ومخنتي بنفش المجال.. بس كنت بتمنى لو إنب درست العلوم السياسية...

2- لو كنت مالكا أو رئيسا لقناة الجزيرة فما هو التغيير الذي ستحدثه فيها؟بعزلها عن توجهات حكومة قطر.. يلي أفقدتها بعض المصداقية بنقل بعض الأخبار .

3- حدد لي أحلى الأماكن في سوريا في الأوقات الآتية:
الفجر - الشروق - الظهر - العصر - الغروب - الليل.
الفجر : الزبداني وبلودان... الشروق شط اللادقية... الطهر: بيتنا ... العصر: الجيمني عالغدا... الغروب :قاسيون
الليل: الشام القديمة

والله ما تستاهل القلي يا Viva :gem: كان بالإمكان يختارون لك مكان أكثر انطلاقا وحرية.والله ياعيني ما حدا رأيي بالموضوع.. فقت من النوم لقيت الشباب حاطيني بالمقلايو ونازلين...:adal:

بيحقلي اقلي حالي واسأل حالي سؤال :

وشم الجمال ولا Matya

وشم الجمال

VIVA SYRIA أنا صرلي فترة معكون بالأخوية وما بعرفك منيح بس حبيت أعرف كم شغلة إذا ما فيها إزعاج

بالعكس وأهلا وسهلا فيك :D


1- شو هية أفضل هدية بتحب أنو تحصل عليها شي حدا بتعرفوا ؟
أنا بحب إهدي ساعات اذا قصدك شو بحب إهدي.. بحسها هدية مناسبة دائماً ولأي مناسبة..

2- كيف قضيت فترة المراهقة ؟ يعني الفترة مراهقة كيف عشتا ؟
كنت طايش شوي وأزعر... متل كل المراهقين طلعات وفوتات وتشفيط وهالقصص..

3- كم مرة حبيت بحياتك حب صادق " صادق بكل معنى الكلمة" ؟ و هل كان من طرف واحد ؟
مرة وحدة وكان حب متبادل واستمر 54 سنين

4- مين أكتر عضو بتحكي معو على الشات ؟و مين أكتر عضو ما بتحب تناقش معو ؟
كتار والله ياصديقي والأعضاء يلي بحب ناقشهون ذكرتهون قبل...

5- كيف صرت مهندس ؟ وهل الهندسة أنت بتحبا " يعني أنت قررت أنو تكون مهندس ولا دوافع تانية " ؟

أنا يلي قررت الهندسة وبحبها مع العلم اني بعدين غيرت نوع اختصاصي الهندسي..

هامش : أنا بعتذر على أية أسئلة شخصية مالي علاقة فيها والجواب بيعود إلك. :D

أسئلتك حلوة ونورت

فادى ...كم سؤال ع السريع

1-هل انت قناص ماهر ....بتجيد اطلاق الرصاص؟



اذا قصدك المعنى الحرفي للكلمة نعم أجيد اطلاق الرصاص وأملك عدة أنواع سلاح وبحب الصيد... اذا قصدك قناص بمعن قنص الفرص بالحياة كمان بتخيل حالي من النوع يلي يجيد استغلال الظرف المحيط دون الإساءة لمن حوله..


2_ هل بتؤمن بمقولة نيتشه (ان الكلمات الاكثر هدوءا هى التى تستدرج قدوم الاعصار ,,وان كلمات تتقدم على ارجل حمام لهى التى توجه العالم)

ولا شو فلسفتك فى ابداءك للاراء ل مناصرة قضاياك



بأمن فيها 100%.. مع العلم أن العكس جائز ببعض الأحيان... مع العلم انو انا بفضل الطريقة المباشرة ةالصريحة.. مشان هيك أحياناً بينوصف كلامي بالقسوة

3_ ما جوبتنى ع السؤال القديم ,,هل بتؤمن بمقولة ليديز فيرست ولا لأ....ولو بتؤمن بيها ...هل هذا فقط مجاملة للجنس الناعم ولا يقين داخلى
واذا ما بتؤمن وبتوقع هيك (( ليش ذكورى يا عمى ))

أؤمن بها في بعض المواقف التي تحتم على الرجل احترام رقة الأنثى.. لكنها ليست قاعدو ولاتستطيعين وصفها بالذكورية.. كتير أحياناً بعامل البنت والشب على قدم المساواة اذا كانو بظرف عمل أو نقاش.. بحكم المساواة الكاملة التي أؤمن بها والتي هي نقيض الذكورية.



4- ما بتسمع الا اغانى وطنية ....متأكد؟؟
يعنى لما تقع فى الحب الله يوقعك فيه شو بتسمع اوبريت لفاجنر مثلا؟


بتخيل هاد السؤال والجواب مصدره مقابلة فونيكس بيرد وسوريويو.. للتوضيح أنا ماقلت لني لا أسمع الا الأغاني الوطنية بس الخمس أغاني يلي اخترتها كانت أغاني وطني لنساء حصراً.. وذلك بسبب طبيعة النقاش يلي كانت سياسية واجتماعية محورها حقوق المرأة...

بس لو طلعتي للجواب يلي قبلو كنتي شفتي اني كاتب اني بسمع كل شي وبيهمني الغنية أكتر من صاحبها.. وحددت أسماء اليسا وعمرو دياب وسيلين ديون وياني..

هلا اسبيرانزا

لا سلام ولا كلام
بسأل سؤال بترد من دون كتر حكي (هاد تحقيق رسمي)

اسمك وعمرك ووين عايش ؟


حبيت بس وصلك شكر من المخابرات الجوية على هالسؤال... صدقني خدمتهون فيه :o

شو هو وضعك العائلي (متزوج - خاطب - عاشق - غير ذلك) ؟


حالياً عازب.. اذا حواليك شي وحدة حلوة لاتنسانا :oops:

اديش راتبك ؟

مالي راتب محدد.. ايرادي من شغلي جيد جداً :larg:

بتكذب كتير ؟ بتخرج كتير ؟ بتشرب كتير ؟

ما بكذب كتير .. اي بطلع كتير وبسافر كتير... لاء بشرب بوقت الشرب العشايات والسهرات والمناسبات..

لنا عودة

خلينا نشتقلك حموده :sly:

اممممممممم مرحبا فادي ,,,

انا اسئلتي خفيفة لطيفة ,,,



أهلا خيي .. انت كلك لطيف :D

اول سؤال,,,, هلأ لو ما كانت جنسيتك سورية شو بتحب تكون ,,,,سواءا جنسية عربية او اجنبية ,,,,

مابتخيل حالي إلا سوري... مع العلم أني أحمل جواز سفر أخر غير السوري بس هو مجرد طريقة لتسهيل السفر بالنسبة إلي.. بس وطني الوحيد هو سوريا

وتاني سؤال ,,, شو اكتر شي بتحبو بحالك ؟؟؟

قد ماني صارم ولئيم ببعض الأحيان قد ماني طيب وبكم كلمة بينضجك عليي.. :oops:

والتالت ,,,, شو خلاك ترجع على اخوية بعد ما كنت مقرر انك تتركها,,,,(هاد السؤال اذا مش حابب تجاوب عليه ممكن )


أول سبب حسيت انو في رسالة ما وصلتها لسا.. وتاني شي انو القرار كان مبني على عوامل وظروف توضحلي بعدين انها خطأ متل ما كنت مفكرها.. وتالت سبب مونة الشباب.

والرابع ,,,,شو بدك من هالدنيا ؟؟

بشرفي انو ماعدت بحلم بشي شخصي.. أحلامي الحمدلله كلها مشيت منيح... حلمي الويد البقيان اني شوف بلديمن أحسن البلاد بالعالم.

والخامس مأجل الى وقت اخر ,,,,

موفق وبالتوفيق وموفوق ,,,,:lol:

كمان انت مابدك تقلي مين هدول؟؟:?

تسلميلي شو مزوقة سؤالين بيكفي وزياده :D

طيب بس سؤالين ما في داعي للعجقة
شي مرة دايقتك برد او موضوع ؟


لاء أبداً.. بالعكس مرة زعلت عليكي من النقاش مع اشخاص معينين ما مكن توصلي معهون لنتيجة مع العلم انو مافي علاقة شخصية بيناتنا...

مرة حبيت "حب يعني وحقيقي " على النت ؟؟

كتييير.. كل يوم بحبلي شي عشرة :o

هلا فيكي

آخر 4 أسئلة رح اسألهن أنا لحالي:

أسوء ظرف بيمر فيه الانسان: حجز حريتو

أغلى انسان : أمي

بحثي الدائم: عن الحنان مع العلم انو يلي بيعرفني شخصي بيقول عني اني انسان عملي جداً وعواطفي محيدة تماماً عن جياتي


أجمل حالة من حالات الطبيعة: المطر

حبيت بس وصلك شكر من المخابرات الجوية على هالسؤال... صدقني خدمتهون فيه :o

يا مواطن لاشكر على واجب
كلنا في خدمة المخابرات الجوية ولما نحتاج نجيبك رح نجيبك في دقايق
حالياً عازب.. اذا حواليك شي وحدة حلوة لاتنسانا :oops:

عازب قلتلي عازب ( بصراحة مابعرف كيف جاوبت بعد شوي وقلت ما بتكذب كتير، الا اذا هاي من الكذبات القليلة) انت اذا حواليك شي وحدة حلوة ابقى لا تنسى وسيم :o

مالي راتب محدد.. ايرادي من شغلي جيد جداً :larg:

بيتراوح بين كم وكم ؟
ايرادك جيد جدا !!! شيئ ملفت للانتباه ، اها ، هل في مصادر تمويل خارجية بتمولك ؟
خلينا نشتقلك حموده :sly:
وانت لاتغيب علينا بتقاريرك والا رح استضيفك يومين .

يا مواطن لاشكر على واجب
كلنا في خدمة المخابرات الجوية ولما نحتاج نجيبك رح نجيبك في دقايق
.

بس يصحلكون لا تقصرو... :adal:

عازب قلتلي عازب ( بصراحة مابعرف كيف جاوبت بعد شوي وقلت ما بتكذب كتير، الا اذا هاي من الكذبات القليلة) انت اذا حواليك شي وحدة حلوة ابقى لا تنسى وسيم :o

ليش بلا زغرة بتعرف عني اني متزوج أو خاطب أو حابب؟؟ ولا القصة قطع أرزاق والسلام :sly:


بيتراوح بين كم وكم ؟
ايرادك جيد جدا !!! شيئ ملفت للانتباه ، اها ، هل في مصادر تمويل خارجية بتمولك ؟


عن جد صرت منسأل نفس السؤال 4 مرات وماني حابب جاوب... ايرادي بيكفيني لعيش حياة جلوة.. وبالنسبة للتمويل الخارجي لا والله ماعندي... بس انا نشاطي العملي داخلي وخارجي :adal:


وانت لاتغيب علينا بتقاريرك والا رح استضيفك يومين

سيدي مو كتير فارقة.. ماني أحسن من يلي استضافوهون... ويلي إلو عنا شي يجي ياخدو :sly:

أنا خالص يا شباب حاجتي يومين والله هلكت.. شكراُ لك يلي قلوني وبتمنى كون جاوبتهون الأجوبة المناسبة...


العضو يلي اخترتو لينقلى بعدي هو صديقي أحمد:


...Ahmad


اي أبو حميد أنا رح بلش:


1- لو ما كنت بمجال شغلك الحالي بأي مجال بتحب تكون؟

2- مثلك الأعلى "ممكن تحدد 3 شخصيات بـ 3 مجالات مختلفة اذا بتحب"؟

3- شو رأيك بوضع حقوق الإنسان بسوريا؟

4- أكتر 3 أعضاء بتتوافق معهن بالأراء السياسية وأكتر 3 بتختلف معهون؟

5- ليش بتترك موبايلك بالبيت وبتروح عالشغل؟

الله يعينك على هالـ 3 أيام ... قلبي معك

فيفا حبيبي...
اسمحلي بقيت أنا بليز لا تخجلني!!!!

فيفا حبيبي...
اسمحلي بقيت أنا بليز لا تخجلني!!!!

اتفضل صديقي.. استإذنا أحمد خصوصي مشانك...

السّلامُ عليكم ورحمةُ الله وابنِه وروحِه وفيض بركاتِه ونعمه... آمين!

"تبّاً لدهرٍ استأسدتْ فيه الثّعالبُ واستنسرتْ فيه البغاث"، يُقالُ هذا المثل في تقلّب أحوالِ الزّمان، وإنّي أرى أنَّ الإنسانَ ينمو فينمو معه فكرُه ويبلغ به قامةً تثبت رويداً رويداً.
هل تعتبر أنَّ التغيير في حياة البشر نعمة أم نقمة؟! باختصار: هل تجد أنَّ فيفا سيريا بخضوعه لمبدأ النموّ والتغيير قادرٌ على التواصل والرّبط بين الماضي والحاضر؟!
وضمن بوتقة السّؤال الأوّل: هل نموّ الأفكار ونضوجها عندَك يخضع لمقياسٍ معرفيّ أم اختباريّ؟! وإذا كان معيارُك لنموّ فكرِك معرفيّاً، فكيفَ تنظر إلى محدوديّة المعارف؟! وإذا كان اختباريّاً، هل يُمكن لإنسان أن يبني معايير فكريّة على اختبارٍ شخصيّ فرديّ واحد؟!!!

السّؤال الثّاني ينبعثُ من الأوّل: بحكم التغيير الذي تحدّثنا عنه آنفاً، ما هو تقييمك لما يُسمّى بالــ "يقين"؟!
ما معناه أنَّ فيفا ابن سيريا كإنسان ينمو نحو الأفضل (بحسب المنطق) معرفياً واختباريّاً، وهذا يجعل من يقينيّاته اليوم خاضعة لنقدِه الذاتيّ غداً، وغالباً ما تستعمل المطلق في خطابك، فكيفَ يصحّ هذا واليقين نسبيّ والمطلق لا وجود له في عالم البشر؟ ما هي الأسس التي تبني عليها اليقين في كلامِك والمطلق في خطابِك؟!!!!

ما هو دورك الفعليّ في توعية وتنمية مجتمعك وبلدك بحكم كثرة الأسفار والأعمال؟ وإن كانت الإجابة نظريّة، أي أنّك تعتمد على النّظر فيهما وعلى الكلام المكتوب والشفهيّ، فهل يصحّ الشجر دون ثمار؟ هل يصحّ الإيمان دون أعمال؟ وإن كانت الإجابة عمليّة فهلا تبيّن بعضاً مما عندك؟ وإن أردتَ إخفاءَ ذلك فبيّنه بالأمثلة لا أكثر.


أكتفي بثلاثة أسئلة ودمتَ ذخراً لنفسِك وأهلِك وبلدِك... ولنا.

انا ما رح اسئل .. بس حابب ادعي لبوذا .. انو يحاول ينقي زهنو شوي لفادي ..

لانو ومتل ما هو واضح .. انصرع سماه بالاسئلة

تحية . وبعدين

السّلامُ عليكم ورحمةُ الله وابنِه وروحِه وفيض بركاتِه ونعمه... آمين!
"تبّاً لدهرٍ استأسدتْ فيه الثّعالبُ واستنسرتْ فيه البغاث"، يُقالُ هذا المثل في تقلّب أحوالِ الزّمان، وإنّي أرى أنَّ الإنسانَ ينمو فينمو معه فكرُه ويبلغ به قامةً تثبت رويداً رويداً.هل تعتبر أنَّ التغيير في حياة البشر نعمة أم نقمة؟! باختصار: هل تجد أنَّ فيفا سيريا بخضوعه لمبدأ النموّ والتغيير قادرٌ على التواصل والرّبط بين الماضي والحاضر؟!وضمن بوتقة السّؤال الأوّل: هل نموّ الأفكار ونضوجها عندَك يخضع لمقياسٍ معرفيّ أم اختباريّ؟! وإذا كان معيارُك لنموّ فكرِك معرفيّاً، فكيفَ تنظر إلى محدوديّة المعارف؟! وإذا كان اختباريّاً، هل يُمكن لإنسان أن يبني معايير فكريّة على اختبارٍ شخصيّ فرديّ واحد؟!!!

أهلاً بقرصان ابن عرسان... أما بعد:

بداية مسألة التغيير هي مسألة نسبية بحياة الأفراد.. فمهوم التغيير بحد ذاته يعتمد على الشخص وإدراكه وطبيعته وشخصيته...

من حيث المبدأ لا أعتقد أن هناك أحد يعترض على التغيير نحو الأفضل.. لكنني شخصياً أعتمد التغيير عند الضرورة لا التغيير لمجرد التغيير..
التغيير بناءً على التجارب والإختبارات هو التغيير المنطقي في مرحلة سننا.. بحكم أن قطعنا مرحلة التعلم الأكاديمي لأساسيات الحياة... أما حول موضوع كيف من الممكن أن أبني معايير فكرية على تجربة الفردية.. فأنا هنا لا أتحدث عن تعميم تجاربي على البشر.. بل أتحدث عن ‘عتماد تجاربي أساساً لحياتي المستقبلية مع تقبل أي ظروف استثنائية مستجده.. مع العلم أني أتحفظ على وصفك لهذه التجارب بالمعايير الفكرية.. هي معايير انسانية خاصة بكل إنسان..


السّؤال الثّاني ينبعثُ من الأوّل: بحكم التغيير الذي تحدّثنا عنه آنفاً، ما هو تقييمك لما يُسمّى بالــ "يقين"؟!ما معناه أنَّ فيفا ابن سيريا كإنسان ينمو نحو الأفضل (بحسب المنطق) معرفياً واختباريّاً، وهذا يجعل من يقينيّاته اليوم خاضعة لنقدِه الذاتيّ غداً، وغالباً ما تستعمل المطلق في خطابك، فكيفَ يصحّ هذا واليقين نسبيّ والمطلق لا وجود له في عالم البشر؟ ما هي الأسس التي تبني عليها اليقين في كلامِك والمطلق في خطابِك؟!!!!

أسس المنطق هي أسس واضحة لايختلف عليها العقلاء... وأسس بناءً المجتمعات الراقية ثابتة راسخة.. قيم الحق والعدالة وإحترام الأخر "الأخر العاقل" هي ما أتحدث عنه وبه...

أستعمل المطلق بتسمية الأشياء عندما تكون النسبة الأخرى شبه متلاشية...



ما هو دورك الفعليّ في توعية وتنمية مجتمعك وبلدك بحكم كثرة الأسفار والأعمال؟ وإن كانت الإجابة نظريّة، أي أنّك تعتمد على النّظر فيهما وعلى الكلام المكتوب والشفهيّ، فهل يصحّ الشجر دون ثمار؟ هل يصحّ الإيمان دون أعمال؟ وإن كانت الإجابة عمليّة فهلا تبيّن بعضاً مما عندك؟ وإن أردتَ إخفاءَ ذلك فبيّنه بالأمثلة لا أكثر.دوري مازلت أناضل حتى أطهره... وكل ما يمكن أن أقدمه أعطيه دون انتظار..
أما عن موضوع الثمار فهي مسألة نسبية أيضاً فقد أجد هذه الثمرة ان اقتنع شخص واحد برأي الذي يدعو إلى الحرية والتحرر.. أما انت فمن الممكن أن لا تجدها ثمرة..

أنا لا أسعى لتغيير البشر... لكني أسعى لكي يكون هؤلاء البشر هم التغيير


أكتفي بثلاثة أسئلة ودمتَ ذخراً لنفسِك وأهلِك وبلدِك... ولنا.

شكراً يا صديقي أسئلتك الثلاثة وقعت علينا وقع الثلاثين سؤالاً...

دمت بكل خير :D

نعود للمشوي الجديد أحمد.. شكراً ميدو على صبرك علينا... :larg:

العضو يلي اخترتو لينقلى بعدي هو صديقي أحمد:


...Ahmad


اي أبو حميد أنا رح بلش:


1- لو ما كنت بمجال شغلك الحالي بأي مجال بتحب تكون؟

2- مثلك الأعلى "ممكن تحدد 3 شخصيات بـ 3 مجالات مختلفة اذا بتحب"؟

3- شو رأيك بوضع حقوق الإنسان بسوريا؟

4- أكتر 3 أعضاء بتتوافق معهن بالأراء السياسية وأكتر 3 بتختلف معهون؟

5- ليش بتترك موبايلك بالبيت وبتروح عالشغل؟

الله يعينك على هالـ 3 أيام ... قلبي معك



اتفضل حموده :D

فيفا حبيبي...
اسمحلي بقيت أنا بليز لا تخجلني!!!!
اي شو هاد

الشغلة سايبة ما بيصير

هالمرة رح اتغاضى :pos: