هيك انا خلصت مقلايتي

و بيبسطني جدا .. :p

زت *Marwa* بالمقلاية ..

فأنو مروى .. تتهني :lol:

مروة رح تنقلي... يا مرحبا يا مرحبا... :p
اي مروة
عندي سؤال كتير محيرني
ودائما كنت اخجل اسألك يا
وهلأ رح استغل الفرصة مشان تجاوبيني علية...

من فترة
كنتي كاتبة بتوقيعك الشهادتين بس بالعبري...
بقى سؤالي هو ليش؟؟؟
يعني ازا بقعد بحللها
بيطلع معي جواب متعدد الاحتمالات...
وانت اكيد رح تجاوبيني وتختصري عليي وجعة هراس ما؟؟؟

:D

هيك انا خلصت مقلايتي

و بيبسطني جدا .. :p

زت *Marwa* بالمقلاية ..

فأنو مروى .. تتهني :lol:

حـسـبي الله ونـعـم الوكيـل :cry:


مروة رح تنقلي... يا مرحبا يا مرحبا... :p
اي مروة
عندي سؤال كتير محيرني
ودائما كنت اخجل اسألك يا
وهلأ رح استغل الفرصة مشان تجاوبيني علية...

من فترة
كنتي كاتبة بتوقيعك الشهادتين بس بالعبري...
بقى سؤالي هو ليش؟؟؟
يعني ازا بقعد بحللها
بيطلع معي جواب متعدد الاحتمالات...
وانت اكيد رح تجاوبيني وتختصري عليي وجعة هراس ما؟؟؟

:D

أهلين مروة.. انو قصدك ليش تحديدا كتبتها بالعبري؟..او ليش بشكل عام.. اسا بالنسبة لكتابة الشهادتين بشكل عام..فهو كيف بدي اشرحلك..انو هيك بتعرفي في فصول بالسنة شي ربيع شي خريف وهيك..نفس الاشي بحس بالنسبة لايماني والتعبير عنه.. انو في ايام بحس بطاقة ايمانية وروحانية كتير كبيرة وبيجي عبالي احكي لكل العالم اني مؤمنة..وايام بكون في خريف ..وايام صيف مقحط صحرا يعني :lol:

بالنسبة لكتابتي الجملة بالعبراني..فـ صراحة ما بعرف السبب الاساسي والحقيقي ليش..بس هيك استغلال للغة العبرية لشي مفيد يعبر عن هويتي!!..حاج يضلوا يقولولنا متعبرنين..و حتى لما حدا يسألني شو اللي كاتبتيه بالعبراني يبقى يعرف اني كاتبة اشي يعبر عن هويتي مش اشي يعبر عن خضوعي وخنوعي للوضع اللي احنا فيه ..

أهــلا مروووووش :D

احم احم ... بما انو صارت الشغلة فيها مروووش بالمقلاية ... بظن انو الطباخين لازم يزيدو النار ... النار الهادية مابتنفع ...
ماني شاطر كتير بالأسئلة ...



حكينا من قبل عن ال soulmates في حدا من الموجودين بأخوية بتعتبريهن هيك ؟


بتتوقعي ممكن نلتقى خلال حياتنا الحالية ؟؟


مرتاحة بعيشتك وبالمجتمع اللي عايشة فيه ؟؟


فرضي انو البحر اللي بيبين من شباكك ... نشف ... شو بتعملي ؟؟

درستي اليوم شي وللا تلهيتي كالعادة ؟؟ :x



ما بعرف اسئلتي يمكن طلعت سطحية ... حيزبردقونية ... اللي هوي ...

هاد اللي طلع معي ...

بس يا جماعة اقلوها مزبوط ل مرووشي ... هاي من طرفي ها ... :larg:

اوه مروى .. اي يا عمي .. مدري ليه طلع عبالي اسألك .. علمًا انو البقية يمكن بس احمد سألتو سؤال

بس يلا .. باعتبار انو غيري ما اكتفو بـ 5 اسئلة.. فـ النا متلنا متلون.. باطل

لذلك يعني .. اعتبري هالرد ترحيب فيكِ بالمقلاية .. وجهزيلي حالك لانو اشتقت لاسئلتي يللي حطيتهون بالمقلاية 5

اوه مروى .. اي يا عمي .. مدري ليه طلع عبالي اسألك .. علمًا انو البقية يمكن بس احمد سألتو سؤال

بس يلا .. باعتبار انو غيري ما اكتفو بـ 5 اسئلة.. فـ النا متلنا متلون.. باطل

لذلك يعني .. اعتبري هالرد ترحيب فيكِ بالمقلاية .. وجهزيلي حالك لانو اشتقت لاسئلتي يللي حطيتهون بالمقلاية 5
أنا شرحها لـ ميتيوشا
:p:p:p:p

انو قصدك ليش تحديدا كتبتها بالعبري؟..او ليش بشكل عام..
أهــلا مروووووش :D
انو اكيد سؤالي كان ليش بالعبري لانو بالنسبة الي انو اي حدا مؤمن شي كتير طبيعي انو يكتب الشهادتين بتوقيعو... يعني مانها شغلة غريبة....
بس بالنسبة لكتابتهن بالعبرية كتير استغربت لانو بعتبرهن شغلتين متناقضتين...
على كل حال هلأ فهمت قصدك :D

باشق مجروح : بما انو غايب .. وبما انو الكلام اللي رح يطلع مني ما رح يكون لطيف .. رح احتفظ برأيي لنفسي


وهلأ رجع الغايب وحابب يعرف رأيك حتى لو كان مو لطيف .

اول شي مروة نورتي المقلاية والغاز وكل تبعاتو كمان....حلوة تنقاية ام السوس ورح نبلش فيكي ولا للرحمة

شو بدي اسألك خليني اول شي بكم سؤال تقليديات

شو اسم كاتبكـ المفضل؟
بتحبي الشعر ؟؟ لمين بتقري؟؟
شو رأيك بالحب؟؟؟
شو رأيك بالسلام؟؟؟
عمرك حسيتي بالظلم؟؟؟ وشو الموقف؟؟
شو طموحكـ في الحياة؟
شو بتعنيلك السياسة؟؟

بشو بتوصفي علاقتك بالاخوية؟؟؟
هل بتعتبري الوضع بالبلدان العربية حاليا على شفا جرف هار؟؟؟
الاغتصاب ... شو الشعور اللي بتخلقو هاي الكلمة بأعماقك؟؟؟
هل تؤمني بالسلام بشكل عام؟
وشو حل القضية الفلسطينية برأيك؟؟؟
شو قمة الصدمة عندك؟؟؟
شو موقع سوسو من الإعراب يعني انت وين وصلتي ؟؟؟
شو الشي اللي ما فيك تستغني عنو؟؟؟أساسي بحياتك؟؟؟
جربتي الخيانة؟؟؟ عمرو حدا خانك وعمرك خنتي حدا ؟؟ وشو تعريف الخيانة بالنسبة الك؟
شو لونك المفضل ... غنيتك المفضلة؟؟؟
بلد نفسك تزوريها؟؟
حدا باخوية نفسك تقوليلو شي معين...
مين العضو يللي اعجبك كتير تفكيرو ونقاشو
اكتر عضو حبيتيه
شو بيعنيلك الشهيد؟؟؟
لما تشوفي الوضع والحصار بغزة شو بتقولي بنفسك؟
فلسطين احكيلي عنها بسطر.
يحيى عياش ... شو بيعنيلك؟؟؟
شو رأيك بنزار قباني... مظفر النواب... محمود درويش... فدوى طوقان...
بتقري شعر جاهلي....
شو أبشع منظر شفتيه بالانتفاضة ... يعني اسرائيلي ...
شو أبعد شي ممكن يوصلو خيالك؟
بتحبي القهوة؟؟؟
عمرك كتبتي شي خاطرة ادبية؟
بتحبي الادب؟
شو نقطة ضعفك؟
شو نقطة قوتك؟
كلمة بتوجهيها لكريم

اذا حابة ارجع خبريني بتعرفي مو حلو نتقل العيار كتير كرمال تضلي تحبيني:oops:

اسئلتي هي :: يعني كلو كم سؤال.. ما تخافي.. بدي تكوني ريلاكس .. اي هدّيلي اعصابك :lol:
حذفنالك 5 اسئلة منهن سؤال الزهد .. يللي كل ما اسأل حدا يقلي شو قصدك ..
هو كنت بدي احذفلك اسئلة الزواج بالبريد .. بس كتار لهيك قلت خليهن :p

يلا عيشي بهالنعمة..:pos:


*بدايةً تعريف الزواج بالبريد المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..فـ بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..

من هنا:::

1)شو رايك بـ (الزواج بالبريد المضمون)؟!

2)بدي توصفيلي يا حجّة ذوي هذه العقلية(عقلية الزواج بالبريد المضمون)؟

3)حسب رايك ما هي اسباب و تداعيات هذه الخطوة؟!

--------------------

4)بالنسبة لتقمص شخصية الاخر .. برايك من اين ينبع ,.. يعني من جهل..الخ..؟!

5)برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ...
6)الحب عبر الانترنت.. الى اي مدى تؤمنين بـ وجود هذا الحب؟!!

7) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!!

8 )بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!!

9) لمين بتقولي من الاخوية (ادا في حدا ينقلو )
(يعني كأنك بحوار مع شخص بتقومي بدك توصفيه فبتقليلو قول من هالاقوال) ::


أ- "وما خاطبتُ جاهلاً الا وغلبني".

ب- " ولا خير في ودّ امرئ متملق حلو اللسان وقلبه يتلهبُ".

جـ-"ولا خير في ودّ امرئ متلون اذا الريح مالت مال حيث تميلُ".

د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا".

هـ- وقد سقط ما تبقى من ورقة توت لم يعد دونها شئ مستور، على مين بتحسي انها بتنطبق:

و- الكذب عندك صنعة:



10)كلمة بتوصفي هؤلاء او يعني بتوصفي اصواتهن او اغانيهن
( كلمة وحدة وبس .. او كلمتين .. يلا بعطيكي امكانية 3 كلمات..وحسك عينك بالزيادة):

أ- فيروز.
ب- زياد الرحباني.
ج-شربل روحانا.
د- ميادة بسيلس.
هـ- لينا شاماميان.


والسلاااااااااااااااااام
:larg:

ميتيشيا
ما بتعرفي انو التخدين ممنوع للضغار
:jakoush:
قال مسكتها قدامي ولا عبالها
:frown:

اذا بشوف كلمة وحدة سبام يا ويلكون :jakoush:

يا جماعة ليش مستحيين ... مدو ايدكن ... زيدولنا هالنار والحطب ...

:clap:

مروة الحياة شو بتعنيلك؟
الرغبة والحب ...بمعنى الجنس هل هوي اساسي بالحب؟
الموت بتخافي منو وشو فلسفتو بالنسبة الك؟
متى رح تكبري وتخلصينا من همك؟
اخوية ومروة اوصفيلنا علاقتهن ببعض؟

حاجة ما هيك رح خلي متسع لغيري ورح اشتاق لحرقك:lol:

مروة الحياة شو بتعنيلك؟
الرغبة والحب ...بمعنى الجنس هل هوي اساسي بالحب؟
الموت بتخافي منو وشو فلسفتو بالنسبة الك؟
متى رح تكبري وتخلصينا من همك؟
اخوية ومروة اوصفيلنا علاقتهن ببعض؟

حاجة ما هيك رح خلي متسع لغيري ورح اشتاق لحرقك:lol:
:shock::shock::shock::shock::shock:
يامن قال قوي نار ما تخليها تفحم
:frown:
بيجي دورك وبفرجيكي
:jakoush:

زين زين فيك لسا تعمل سبام اكتر من هيك هااا

زين زين فيك لسا تعمل سبام اكتر من هيك هااا
و الله قلتلهن يا ويلو اللي بيعمل سبام بس ما ردو

بس لو كان لوني اخضر زيرقوني

احم احم ... بما انو صارت الشغلة فيها مروووش بالمقلاية ... بظن انو الطباخين لازم يزيدو النار ... النار الهادية مابتنفع ...
ماني شاطر كتير بالأسئلة ...

اوك دبّارك عندي ...:pos:


حكينا من قبل عن ال soulmates في حدا من الموجودين بأخوية بتعتبريهن هيك ؟ اه في اعضاء بتشابه انا وياهن بكتير صفات واذواق وهيك..منهن انتا وسـعاد :D


بتتوقعي ممكن نلتقى خلال حياتنا الحالية ؟؟ اه..هية النسبة ضئيلة..بس نـعـم!


مرتاحة بعيشتك وبالمجتمع اللي عايشة فيه ؟؟ اه..شوف احيان بحس حالي زهقانة ومتدايقة وبصير العن اليوم اللي جيت فيه..بس لما بكون رايقة وذهني ولفكيري صافي لأ اكيد بكون راضية ومرتاحة..


فرضي انو البحر اللي بيبين من شباكك ... نشف ... شو بتعملي ؟؟ ببالغـش..بس جد بقدرش اعيش بدون ما اشوف البـحر كل يوم واشم ريحتو!..هاي شغلة صارت موجودة بدمي!!..

درستي اليوم شي وللا تلهيتي كالعادة ؟؟ :x
:oops: ..امبلا درست..شوي :oops:



ما بعرف اسئلتي يمكن طلعت سطحية ... حيزبردقونية ... اللي هوي ...

هاد اللي طلع معي ...

بس يا جماعة اقلوها مزبوط ل مرووشي ... هاي من طرفي ها ... :larg:
ولا يهمك يمون بيك..حسابك بعدين..ما منقصر فيك ولو ..انتظرونا :lol:


اوه مروى .. اي يا عمي .. مدري ليه طلع عبالي اسألك .. علمًا انو البقية يمكن بس احمد سألتو سؤال

بس يلا .. باعتبار انو غيري ما اكتفو بـ 5 اسئلة.. فـ النا متلنا متلون.. باطل

لذلك يعني .. اعتبري هالرد ترحيب فيكِ بالمقلاية .. وجهزيلي حالك لانو اشتقت لاسئلتي يللي حطيتهون بالمقلاية 5
مدري ليه؟ :cry: .. قال ما بتعرف يعني..

وكمان اشتقتي لهدلاك الاسئلة :sick: ..تشتقلك العافية يا رب :cry:


أنا شرحها لـ ميتيوشا
:p:p:p:p

ميتوتشا؟ ..شو هاد عم تدلع كاتيوشا شي؟ :o

أهلا أهلا أب جعفر ..



_____

يخرب عقلكو ليش هيك كلكو التميتوا عليي :cry:

مروى هاتي لشوف جاوبي على هالاسئلة :

1- شو رأيك باللي بتمنح جسدها للي بتحبو ؟ وهل ممكن تعملي هيك شي ؟
2- شو رأيك بممارسة الجنس مع اخرين بعد الزواج لو كان احد الزوجين ضعيف جنسياً او غير مشبع ؟
3- شو رأيك بما يلي :
تغيير الدين
المثلية الجنسية
القتل الرحيم
الاعدام
الاستنساخ
الدراما التركية
4 - العلمانية كنظام حاكم يحيد الدين ويحكم حكم مدني على اساس المواطنة هل بتحققلك رغبتك او بتحسي انها بتضيق عليكي الخناق ؟
5 - هل بتتعاملي مع الناس على اساس انطباع مسبق من الشكل او اللبس او الانتماء الديني او ما شابه ؟

وبيكفيكي :gem:

بما أنو أكت بهدلو منشان السبام راح اسئلك يا مروى أسئلة أحرق حريشك فيها
1- مين سماكي مروى ةاسمك بتحبي واذا قالولك غيري شو الاسم اللي بتختاري بدالو ؟
2- ميتوشة ميتا ماتيا ماتي كلها وجة لعملة واحدة وهي matya هالمخلوئة كيف بتنظريلها ما بتحسيها غليظة شوي ؟:p:p:p:p:oادعولي اليوم نام ببيت البابا الماما :sosweet:ميتوشة:sosweet:
3- أكدذ واحد بالأخوية شو بتوجيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟
4- لو قالولك عملي عملية استشهادية بتقبلي ؟
5 - شو نظرتك للإسرائيليين ولو بيوم ظبطت قصة الدولتين بتخيلي حالك تحبيون ؟
6- شو بتوجهي كلمة ل الشهيدة إيمان حجوووو؟
وعقبال التحريرررررررر قريباً
وثانكيووووووو
:D

2- ميتوشة ميتا ماتيا ماتي كلها وجة لعملة واحدة وهي matya هالمخلوئة كيف بتنظريلها ما بتحسيها غليظة شوي ؟


هههههههه هوي انا بيهمني انك بذات نفسك قلتلي ماظرفني :p

.
.

ع كلٍّ .. مروى .. بخصوص سؤالي الك عن لمين بتقولي العبارات والاقوال ..
فـ بعطيكِ حرية الاجابة.. او التسمية .. يعني ما بدي قلك لازم تسمّي .. لك حرية الاجابة

ما بتحسيها غليظة شوي

اي كتير :pos:

مروى هنا ... يا اهلا يا اهلا
خيتو انا ماني شاطر بالاسئلة بنوب بس رح حاول فكرلك بشي كم سؤال يعني
صرلنا زمان ما حكينا مسينجر مو هيك؟؟ ليش؟؟ :?
حكيلي وضعك الدراسي بالتفصيل مع العلامات :pos:

ليش انتي هيك؟؟ :shock:
ليس انا هيك؟؟ :?
شو اكتر شي بتكرهي بالكيمياء ؟؟

بعدين بفكر و برجعلك

اي كتير :pos:
يحيا العدل
:gem::gem::gem::gem::gem::gem:
والله متوشة مو غليظة
كتير ظريفة
وانا بحبها كتيرررررررررررررررررر
:D:D:D:D:D:sosweet:
كل هاد تحت الضغط هه
:frown:
منشان ما يعتبروا سبام سؤال لمروى

6- مين أكتر مشرف بتحبي ومين اكتر واحد ما بتطيقي وحسام الحكميم شيت الأخوية كيف بتخيلي:shock:

وشم الجمـال :


شو اسم كاتبكـ المفضل؟ من هالناحية وبكتير مجالات تانية كمان صعب انو احدد مين هو المفضل والرقم واحد لأنو بكونوا اكتر من شخص..ازا بدك قصص بشكل عام كتير بحب توفيق الحكيم لأنو في بقصصو حوارات وهيك بقعد مثّل :lol: ..ازا بدك قصص تحقيق وبوليسية وتشويق عندك اجاثا كريستي..ازا قصص حب وغرام ومن هالشي.. لأ ما في حدا معين :lol:

بتحبي الشعر ؟؟ لمين بتقري؟؟ آه بحب الشـعر..اكيد الكل بحب نزار قباني ومحمود درويش..لكن كمان كتير كتير بحب احمـد مطـر.

شو رأيك بالحب؟؟؟ من أسمى وأنقى الاشيا بالعالم..وهوي من الاشيا اللي كمان عم تتحارب لحتى برائتها!

شو رأيك بالسلام؟؟؟ اييه والله صدقت ام السوس لما قالت حلـم بعييييييييد!

عمرك حسيتي بالظلم؟؟؟ وشو الموقف؟؟ يعني هني مش كتار المواقف ..ولما عم اتزكرهن اسا عم اضحك..لأنو كان تفكيري بوقتها نوعا ما طفولي..يعني مجرد انو انا اكبر بنت وانا اللي عليي المسؤولية كنت حسو ظلم!..بس لأ ظلم كلمة كبيرة وبشعة..وما بعتقد اني مريت حقيقة بهيك شي!

شو طموحكـ في الحياة؟ اني أقـدر أساعد الناس وأسعدهن..واني اكون قدوة ولو لواحد من هالناس بالعالم!

شو بتعنيلك السياسة؟؟ مصالح ولعبة قذرة!

بشو بتوصفي علاقتك بالاخوية؟؟؟ اممم ما رح بالغ..بس بالفترة الاخيرة صرت حس انو في اواصر وروباط بتجمعني فيها اكتر بكتير من قبل..أقل شي بقدر اقول في بيناتنا علاقة حب :oops:

هل بتعتبري الوضع بالبلدان العربية حاليا على شفا جرف هار؟؟؟هوي الوضع بالعالم كلو بشكل عام والوضع العربي بشكل خاص على حافة الهاوية بس احيانا بفكر انو يمكن من الهاوية نصنع معجزة ونقوم من جديد!!..يا رب!

الاغتصاب ... شو الشعور اللي بتخلقو هاي الكلمة بأعماقك؟؟؟ إشمئزاز وغثيان!

هل تؤمني بالسلام بشكل عام؟ آه مرات!!

وشو حل القضية الفلسطينية برأيك؟؟؟شـو حلها؟..انو نتصرف بذكاء ..انو يكون في النا رؤية بعيدة المدى لافعالنا ونتائجها..انو نكون ايد وحدة..انو نحب وطننا متل ما منحب حالنا..

شو قمة الصدمة عندك؟؟؟ لما بتكوني بانية آمـال ومآمنة فيها كتير وبطلت مجرد احلام بل صارت الك واقع وبالاخير تكتشفي انو مش بس حلم بل وهم..يعني خدي على سبيل المثال قصة حب تكوني مفكرة انو اللي قبالك بيبادلك الشعور وهيك كلماتو وتصرفاتو بتوحي..بعدين بيطلع..عم يتسلى :shock:..اي والله بقصف عمرو :lol:

شو موقع سوسو من الإعراب يعني انت وين وصلتي ؟؟؟ مين هاي سوسو؟ :p

شو الشي اللي ما فيك تستغني عنو؟؟؟أساسي بحياتك؟؟؟ إمـي ..هلأ إمـي مش شي بعرف..بس انو حاولت ادور على اشي مادي ومحسوس اشي يعني غرض بس فش! كلو وقت الجد والاصرار منستغني عنو..بس امي بتخيلش حياتي ثواني بدونها..الله يخليلي ياها ويحميها :hart:

جربتي الخيانة؟؟؟ عمرو حدا خانك وعمرك خنتي حدا ؟؟ وشو تعريف الخيانة بالنسبة الك؟ لأ ما جربت الخيانة..لانو مش مستعدة خون حدا..ولانو ما حدا خانني..والخيانة شي بشع بشع كتير..ممكن اسامح الخيانة بس ما ممكن انسى واكيد رح تضلها معلقة ومأثرة فيي..

شو لونك المفضل ... غنيتك المفضلة؟؟؟ اللون المفضل ليلكي..اغنية مفضلة امم كمان هاي من الاشيا اللي صعب اقول انها وحدة ووحيدة مفضلة..لكن بشكل عام كلشي بتغنيه فيروز هوي الافضل والمفضل..

بلد نفسك تزوريها؟؟ فـرنـسا.. ومن زمااااان!

حدا باخوية نفسك تقوليلو شي معين... فش حدا معين.. بس لكل واحد متفزلك ومفكر حالو شي ما في بعدو..بقوللو خليك ع الارض لا تعلى كتير ما في طاير علّى وإلا وقع بكير :p

مين العضو يللي اعجبك كتير تفكيرو ونقاشو .. مين يا مروة مين..والله في كتير مزعجين..في منهن بييجوا وبروحوا وفي منهن مش دايما بزعجوا بس ممكن يزعجوا وقت يكونوا طفرانين..منهن قرصان الأدرياتيك..شفتلو حوار مؤخرا شكلو كان كتير معصب وما عجبني أبدا!

اكتر عضو حبيتيه تقبر قلبي..ام السوس Black_iris :sosweet:

شو بيعنيلك الشهيد؟؟؟انـسـان عاش بكرامة ومات بكرامة ورح يقابل الله براس مرفوع وقامة منتصبة..

لما تشوفي الوضع والحصار بغزة شو بتقولي بنفسك؟ بصير فكر انو احنا ليش هلقد مكروهين؟..انو بشو ناقصين عن باقي الناس؟!

فلسطين احكيلي عنها بسطر.. فلـسـطين هية الوطن اللي انا اخترتو يكون وطني مش اللي خلقت فيه وانجبرت عليه..فلسطين هية امي وارضي وحياتي..بحبها :cry:

يحيى عياش ... شو بيعنيلك؟؟؟ عبـقري لا يتكرر!

شو رأيك بنزار قباني... مظفر النواب... محمود درويش... فدوى طوقان...
نزار قباني..بيحملني لعالم تاني جدا جميل بيحسسني بروعة المرأة والانوثة.. مظفر النواب ما كتير قريانيتلو :oops: .. محمود درويش الوطن بقصيدة.. فدوى طوقان..الفلسطينية اللي بتنحب!

بتقري شعر جاهلي.... مرات! يعني ع ايام المدرسة..بس بحبو يعني..


شو أبشع منظر شفتيه بالانتفاضة ... يعني اسرائيلي ... كان في ولد زغير وكان في جندي اسرائيلي وزالولد ما كانش حدا حواليه غير الجندي والفراغ..فا صار الحندي يطّلع حواليه ازا في حدا شايفو بعدين طخ الولد..مع انو الولد كان مرمي عالارض وما كان مشكلو اي خطر..بس هيك في ناس الوحشية بدمهن :cry:

شو أبعد شي ممكن يوصلو خيالك؟ بقطع حدود وحواجز..وممكن اتخيل اني مع شخص كتير بعيد عني وما في أمل كون معو..بس خيالي ممكن يوصل لهيك مرحلة ويعيشني أحلى لحظات!

بتحبي القهوة؟؟؟ مرات..

عمرك كتبتي شي خاطرة ادبية؟ هيك خربوشة على قدي..

بتحبي الادب؟ اه..

شو نقطة ضعفك؟ فرط الحساسية..انو من كلشي ممكن انجرح ..وابكي!

شو نقطة قوتك؟ احيانا بتكون نفسها نقطة ضعفي..واحيانا بتكون تأقلمي مع كل الناس يعني بحس اني بفهم العالم..

كلمة بتوجهيها لكريم .. الله يكون مـعـك ويفك محنتك..ويرجعك سالم لأهلك ووطنك اللي محتاجينك وبحبوك كتير.. مش بس انتي بتحب الوطن ..الوطن كمان كتير بحبك..:D


وشم الجمال حبابة انتي لا تكتري أسئلة :lol:

شو موقع مروة من الاعراب:pos:

ما رح اسأل مرة تانية :jakoush:

اسئلتي هي :: يعني كلو كم سؤال.. ما تخافي.. بدي تكوني ريلاكس .. اي هدّيلي اعصابك :lol:
حذفنالك 5 اسئلة منهن سؤال الزهد .. يللي كل ما اسأل حدا يقلي شو قصدك ..
هو كنت بدي احذفلك اسئلة الزواج بالبريد .. بس كتار لهيك قلت خليهن :p

يلا عيشي بهالنعمة..:pos:


*بدايةً تعريف الزواج بالبريد المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..فـ بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..

من هنا:::

1)شو رايك بـ (الزواج بالبريد المضمون)؟! استحقار لكرامة وقيمة الانسان.

2)بدي توصفيلي يا حجّة ذوي هذه العقلية(عقلية الزواج بالبريد المضمون)؟ عندهن عقل أصلا؟..عقل غبي كتير يعني.. هوي الله والعليم ازا منفتح راسهن ما منلاقي عقل اصلا..او يمكن عقل بأدي بس الوظائف الجسمانية اما تفكير وهيك اكيد لا :lol:

3)حسب رايك ما هي اسباب و تداعيات هذه الخطوة؟! أكيد جهل وفقر..وهني مفكرين يعني انو لما ياخدوا هالمبلغ رح يعيشوا بنعيم..وانا براهن انو رح يصرفوا عالهبل..لانو اللي تصرف نتيجة قلة المصاري بهالشكل اكيد ما رح يتصرف بوجودها ووفرتها بشكل احسن!

--------------------

4)بالنسبة لتقمص شخصية الاخر .. برايك من اين ينبع ,.. يعني من جهل..الخ..؟! جهـل ممكن..وممكن اكيد من نقص جوات البنآدم فبصير يتشبه ويتقمص ويقلد!

5)برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ... مرات :oops:

6)الحب عبر الانترنت.. الى اي مدى تؤمنين بـ وجود هذا الحب؟!! 80 بالمية ..انو في أمـل..مش انو بالمرة!

7) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!!

لأ في أمل تستمر..لأنهن بعتقد كانوا كتير صادقين مع بعض اثناء التعارف..وبعدين الحديث عبر الانترنت بيتميز عن الواقع انو بتحس فيو جرأة اكتر وبتقدر تعبر عن حالك بالكاتبة بشكل اوضح .. فا ازا كانوا صادقين وتكللت العلاقة بالزواج معناها في أمل كبير يستمروا..


8 )بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!! هوي انا بفضل التاني اكتر بس ما بلغي الاول..


9) لمين بتقولي من الاخوية (ادا في حدا ينقلو )
(يعني كأنك بحوار مع شخص بتقومي بدك توصفيه فبتقليلو قول من هالاقوال) ::


أ- "وما خاطبتُ جاهلاً الا وغلبني". للمتعصب واللي ما بسمع غير نفسو

ب- " ولا خير في ودّ امرئ متملق حلو اللسان وقلبه يتلهبُ". للمتفزلكين ومسّاحي الجوخ..وما أكثرهم يا بنيتي :lol:

جـ-"ولا خير في ودّ امرئ متلون اذا الريح مالت مال حيث تميلُ". اي ل ياللي بيتصنعوا وازا مشي التيار شمال بيمشوا شمال يمين بيمشوا يمين حتى لو ضد قناعاتهن ومبادئهن!

د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا". شو يعني هاي عم بمدح فيها صديق ولا شو :lol:

هـ- وقد سقط ما تبقى من ورقة توت لم يعد دونها شئ مستور، على مين بتحسي انها بتنطبق: لأ فش حدا بعينو..لأنو اللي كنت مفكرة عنو صفة معينة مع الايام اثبتلي وجود الصفة ان كانت صفة سلبية او ايجابية..

و- الكذب عندك صنعة: يحرق حريشو هههههه ..مش رح قول



10)كلمة بتوصفي هؤلاء او يعني بتوصفي اصواتهن او اغانيهن
( كلمة وحدة وبس .. او كلمتين .. يلا بعطيكي امكانية 3 كلمات..وحسك عينك بالزيادة):

أ- فيروز. حضارة الغناء السرمدية (كيفني معك عم فوت عالمصطلحات الحامية ها :lol:)

ب- زياد الرحباني. أسطورة وعبقرية.

ج-شربل روحانا. سمعت فيه :oops:

د- ميادة بسيلس. اي بحب صوتها..:oops:

هـ- لينا شاماميان. والله هاد الاسم مارق عليي أكيد سمعت لهدول اللي مارقين علي شي بس ما بيكفي لأعبر عنهن صح!


والسلاااااااااااااااااام
:larg:




الله مـعـك ..تروحي وترجعي بالسلامة..:lol:

مين العضو يللي اعجبك كتير تفكيرو ونقاشو .. مين يا مروة مين..والله في كتير مزعجين..في منهن بييجوا وبروحوا وفي منهن مش دايما بزعجوا بس ممكن يزعجوا وقت يكونوا طفرانين..منهن قرصان الأدرياتيك..شفتلو حوار مؤخرا شكلو كان كتير معصب وما عجبني أبدا!
إي والله يا مروة... كنت معصّب... تضرب يا قرصان يا غبي لمّا بتزعج البشر!
بس بصراحة عصّبت لأن كنت قلّو تيس يقلّي "احلبو"...!!!
عكل حال بعتذر منّك ومنّو. لأن الهيئة في كتير ناس انزعجت منّي وهالشي مانو لطيف...
عالهامش: السؤال كان يقول أنّو مين أكتر عضو عجبك تفكيرو ونقاشو؟! وما بظنّ كون أنا فلهيك لسّا ما جاوبتِ عالسؤال :p. هاتِ نورينا وجاوبي أختك بالأنوثة وشومة الحلا!

مروة الحياة شو بتعنيلك؟ أحيانا حلم حلو..وإلا ما ييجي يوم ونفيق منو ..بالقبر يعني :lol:..وأحيانا بتكون هم اي والله هم ونفسي ينزاح!

الرغبة والحب ...بمعنى الجنس هل هوي اساسي بالحب؟ لأ مش دايما..شوفي هو بالنهاية اكيد رح توصلي لمرحلة ويصير أساسي..فيعني تجوزوا وخلص :oops:

الموت بتخافي منو وشو فلسفتو بالنسبة الك؟ بالرغم من اني بحاول اعمل كتير اشيا منيحة وهيك مشان اولا الانسانية وانو شغلة منيحة للعالم تانيا انو اموت وانا مرتاحة نوعا ما انو رح اقابل ربي بعمل جيد..بس مع هيك بضل خايفة منو..هوي الموت حياة تانية وهاي فلسفة معروفة من زمان وموجودة :D

متى رح تكبري وتخلصينا من همك؟ شو هـاد ليش كلكو بدكو تخلصوا مني..:cry:

اخوية ومروة اوصفيلنا علاقتهن ببعض؟ قلت من قبل علاقة حب :sosweet:

حاجة ما هيك رح خلي متسع لغيري ورح اشتاق لحرقك:lol:
يا حبيبتي..حبيت كتير الجملة الاخيرة..تقبري قلبي :sosweet:


مروى هاتي لشوف جاوبي على هالاسئلة :

1- شو رأيك باللي بتمنح جسدها للي بتحبو ؟ وهل ممكن تعملي هيك شي ؟
والله ازا هي مقتنعة باللي عم تعملو وحاسة انو هاي من مبادئها وقناعاتها وازا كانت بمجتمع متحرر جنسيا وهيك..فما بقدر قول غير الله يوفقها :lol:..أنا شخصيا قناعاتي ومبادئي الدينية والبشرية والاجتماعية وكلشي بالعالم بتمنعني من هالشي وعن اقتناع ..

2- شو رأيك بممارسة الجنس مع اخرين بعد الزواج لو كان احد الزوجين ضعيف جنسياً او غير مشبع ؟ يه يه يه..يعني الاولى بتضل الطف من هاي..لأ طبعا..هاي خيانة ..حتى لو ضعيف ما انا تجوزتو عن حب (المفروض يعني :sosweet: ) فا اكيد لازم اوقف حدو واستحمل!

3- شو رأيك بما يلي :
تغيير الدين : حرية شخصية.

المثلية الجنسية : ما بقدر احكم عليهن..شخصيا بعرف ناس مثليين وكتير ناس اوادم وعلى راسي وعيني..

القتل الرحيم : ضد!

الاعدام : كمان ضد!..الا بعض الحالات اللي بكون فيها مجرم متوحش حيوان حقير اللي على خشبة الاعدام يعني :x

الاستنساخ : لشو هالهبل؟!

الدراما التركية : هههههههههه ..بشرفك يا زلمة؟..مش عم يستخفوا بعقولنا؟!

4 - العلمانية كنظام حاكم يحيد الدين ويحكم حكم مدني على اساس المواطنة هل بتحققلك رغبتك او بتحسي انها بتضيق عليكي الخناق ؟
حسب كيف هالنظام..ازا كان متل نظام تركيا طبعا ضد..ازا كان نظام رح يضمنلي أؤدي شعائري وبنفس الوقت كل واحد بحالو فانا صراحة يعني مش ضد الفكرة أبدا..

5 - هل بتتعاملي مع الناس على اساس انطباع مسبق من الشكل او اللبس او الانتماء الديني او ما شابه ؟

هوي الشكل الخارجي اول انطباع بياخدو الانسان بشكل عام وطبيعي فطري..لكن ما بفضل هاي الطريقة بالحكم والتعامل..بالنهاية الشخصية هية وحدها اللي بتحكم علاقتي بالشخص!

وبيكفيكي :gem:

اه والله بكفيني :sick:...يسلمو مصطفى..:cry:

إي والله يا مروة... كنت معصّب... تضرب يا قرصان يا غبي لمّا بتزعج البشر!
بس بصراحة عصّبت لأن كنت قلّو تيس يقلّي "احلبو"...!!!
عكل حال بعتذر منّك ومنّو. لأن الهيئة في كتير ناس انزعجت منّي وهالشي مانو لطيف...
عالهامش: السؤال كان يقول أنّو مين أكتر عضو عجبك تفكيرو ونقاشو؟! وما بظنّ كون أنا فلهيك لسّا ما جاوبتِ عالسؤال :p. هاتِ نورينا وجاوبي أختك بالأنوثة وشومة الحلا!

هههههههههههههه العمى كيف شفتها انا مين اكتر عضو أزعجك بطريقة نقاشو؟ :oops:

يخرب عقلي..رحت عالسلبي طوّالي :lol:

هلأ اكتر شخص بيعجبني طريقة حوارو ونقاشو وهيك..هو ياسين..بحسو فهمان ورايق :D

بالنسبة للجواب اللي قلتو عن الازعاج..فا انتي بشكل عام غير مزعج بالعكس بحب طريقتك بالحكي والرد..بس الحوار اللي قريتو مؤخرا يمكن شوي استفزني ..

بما أنو أكت بهدلو منشان السبام راح اسئلك يا مروى أسئلة أحرق حريشك فيها
تحرق حريشي..مش لتعرف تدلع بالاول قال متوتشا..:o ..يخرب عقلك كل ما بقرا الاسم بفرط!

1- مين سماكي مروى ةاسمك بتحبي واذا قالولك غيري شو الاسم اللي بتختاري بدالو ؟
امي سمتني مروة..زمان ما كتير كنت حبو..بس يوم ورا يوم اكتشفت انو بلبقلي كتير..و اليوم بحبو كتيير :sosweet:..ازا مش مروة بحب اسم ريمي او ريماز

2- ميتوشة ميتا ماتيا ماتي كلها وجة لعملة واحدة وهي matya هالمخلوئة كيف بتنظريلها ما بتحسيها غليظة شوي ؟:p:p:p:p:oادعولي اليوم نام ببيت البابا الماما :sosweet:ميتوشة:sosweet:
كاتيوشا..قصدي ميتوشا بتنحب صحيح بتتغالظ وبتجاكر بس بتنحب :lol:

3- أكدذ واحد بالأخوية شو بتوجيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟ ازا انتي فاهم اشي من اللي كاتبو انا فاهمة.. :shock:

4- لو قالولك عملي عملية استشهادية بتقبلي ؟ احـم :oops: ..بصراحة؟ ..لأ :cry:

5 - شو نظرتك للإسرائيليين ولو بيوم ظبطت قصة الدولتين بتخيلي حالك تحبيون ؟ شعب ... خليها لربك..ما بعرف ازا بتزبط القصة..شوف بشكل عام انا مع السلام ازا بدو يريحنا من اراقة الدماء والوحشية..والدماء بس ما بعرف ازا بتزبط!!

6- شو بتوجهي كلمة ل الشهيدة إيمان حجوووو؟ إنتي مـلاك..انتي انسانة يمكن ما عشتي تتشوفي وتعملي لوطنك..بس صدقيني عملتي كتير..:D

وعقبال التحريرررررررر قريباً
وثانكيووووووو
:D
يسلمو زين..:gem:

مروى هنا ... يا اهلا يا اهلا
خيتو انا ماني شاطر بالاسئلة بنوب بس رح حاول فكرلك بشي كم سؤال يعني
أهلا اهلا ويسو..

صرلنا زمان ما حكينا مسينجر مو هيك؟؟ ليش؟؟ :? قال ع اساس انتي بتفوت :? ..ولا لتكون بتفوت وعامللي بلوك:shock:..انا بفرجيك :pos:

حكيلي وضعك الدراسي بالتفصيل مع العلامات :pos: لك هاي السنة خلصنا صف زفت 12 وبعد ما طلعوا الشهادات بالعكس أخروهن اكتر هالسنة..يلا بردو احسن :lol:

ليش انتي هيك؟؟ :shock: هـيـك أزى :p

ليس انا هيك؟؟ :? احـم..:oops: ..إسأل حالـك :lol:

شو اكتر شي بتكرهي بالكيمياء ؟؟ الاستاز اللي بعلمو :lol:

بعدين بفكر و برجعلك
لا لا كفيت ووفيت..فش حاجة ترجع ويسويس..وصلت امواج المحبة..يا اخي المحبة بالقلب شو بدك بالرجعة :lol:

منشان ما يعتبروا سبام سؤال لمروى

6- مين أكتر مشرف بتحبي ومين اكتر واحد ما بتطيقي وحسام الحكميم شيت الأخوية كيف بتخيلي:shock:

اي انتي وياهن بتسبّم وحضرتي باكل هوا أسئلة :frown:...

أكتر مشرف بحبو؟.. والله كتير اللي بحبهن وهيك..بس رح قول يـامـن مشرف الموسيقى :gem:

أكتر مشرف ما بطيقو؟!..فش حدا معين..يعني لحد اسا مناح معي..الله يستر بعدين :lol:

حسام الحكيم..بتخيل يمكن هيك طويل أشقر .. لك شو بدك اكزب عليك يعني؟ :oops: ..انا سمعت انو اشقر..بقى يعني التخيلات ما رح تزبط :lol:

شو موقع مروة من الاعراب:pos:

ما رح اسأل مرة تانية :jakoush:

موقعي من الاعراب؟.. امم لساتني بأول الطريق وعم احاول إيني الموقع حتى يكون ثابت.. ما يتزحزح..مش كل يومين موقع شكل!!

لك ليش هيك زعلتي وعم تدقي بالشاكوش ..اما حلوة وانتي معصبة :lol:



_________

انو بحياة الله يمكن انا حطمت الرقم القياسي..يعني ما شاء الله عني..اللهم لا حسد ع حالي :o..جاوبت الاسئلة هيك فرد مرة..


بس جماعة خفوها علينا طيب؟..


انو والله انهريت :cry:

بما انو الست مروة فاضية اشغال فهاد بعطيني الحق انو رجعها لانو مو منطقي بالمقلاية وماخدة فترة راحة
مو كل يوم فينا نقلي

خديلك هالمجموعة

هالأغاني شو يتشعري لما تسمعيها...

الأطلال
أغدا ألقاك
سيرة الحب
قارئة الفنجان
رسالة من تحت الماء
زي الهوى
أحن
تحية طيبة يا والدي الطيب
كان في طفل صغير عم يلعب بالحارة
انا وليلى
فوق النخل
كلمات
يا رايح صوب بلادي
وطني(سامي كلارك)
عصفور طل من الشباك


لمين بتهدي هالاغاني
خدني معك
بعدك على بالي
ضمني على صدرك
سلامتك من الاه
انا بعشقك
الأماكن
مستني مني ايه
الحب والوفاء
أناديكم
كن صديقي
أين ستهربون
اغضب

بما انو الست مروة فاضية اشغال فهاد بعطيني الحق انو رجعها لانو مو منطقي بالمقلاية وماخدة فترة راحة
مو كل يوم فينا نقلي

وحياة إمـي مش فاضية..انتو ليش مستقصدينّي :cry:

خديلك هالمجموعة

هالأغاني شو يتشعري لما تسمعيها...

الأطلال : شو هاي ؟ يمكن لأم كلثوم صح؟ اه ولا مرة سمعتها :lol: ..بس قريت الشعر كلمات حلوة وقوية.

أغدا ألقاك : كمان لأم كلثوم؟ ..هية بتنحب ام كلثوم بتنحب :lol:

سيرة الحب :اه هاي تحديدابطير لما بسمعهاااااا ..انو بحبها بحبها فوق الخيال :oops:

قارئة الفنجان : لعبد الحليم حافظ؟ صح؟ بشكل عام بحب اغانيه بس هاي لأ ما بعرف ليه!

رسالة من تحت الماء: ولا تحت الماء ولا فوق الماء..بعرفهاش بصراحة!

زي الهوى :بتجنن ..بحبها..هو يعني ما بطيرني بس حلوة كتير

أحن : الى خبز امي؟ :cry: بموت لما بسمع هالاغنية انو كل مشاعر العالم وكل الاحساسيس بتدب فيي علاقتي بهالاغنية جدا مميزة :cry:

تحية طيبة يا والدي الطيب: هوي ابوي بستاهل تحية ..اما الاغنية ما سمعتهاش ولا مرة!

كان في طفل صغير عم يلعب بالحارة : حنين للطفولة..والبراءة!

انا وليلى : كل شي من كاظم بجنن وبعيشني بعالم تاني :oops:

فوق النخل : بتطربني!

كلمات : ماجـدة..كلمات بتسحرني جد بحس اني عايشة هالحالة!

يا رايح صوب بلادي: بس اسمع هالاغنية بخاف ييجي يوم واتغرب :cry:

وطني(سامي كلارك) : بحس بالوطن والانتماء..

عصفور طل من الشباك: بألم ومعاناة الشعب العربي ..



لمين بتهدي هالاغاني

خدني معك : بصراحة الإيمـان الثابت والدائم!!..بتمنى ياخدني معو واقضي كل عمري معو..بدون ما يتزعزع او احس اني رح افقدو شي يوم!

بعدك على بالي : ذكريات المراهقة والطفولة وكل شي راح :oops:

ضمني على صدرك: تيتا :sosweet:

سلامتك من الاه: إمـي:sosweet:

انا بعشقك: الي :lol:

الأماكن: خالتو :cry:

مستني مني ايه:ما بعرف كلمات الاغنية بس من العنوان بهديها لـ ياللي مفكر اني رح ضل حبو رغم كلشي!!

الحب والوفاء: هوي ذهب خلص :lol:

أناديكم: للشعب الفلسطيني :cry:

كن صديقي :لأحدهم..زمان كنا اصدقاء واسا ما عاد ينفع! مدري ليش!

أين ستهربون : للعـدو..

اغضب : ما بعرفها!



شوفوا انا اسا طالعة من الاخوية ..ازا برجع بلاقي حدا فيكو حاطط اسئلة..رح اغضب عليه :cry::cry:

سؤال واحد

مين أخر نهفة صارت معك :larg:

وحياتا لإمك ما رح عود أسألكـ حسستيني اني وحدة ما بتحس ع دمها...


الله يسامح كل من قواني عليكي:cry:

اي مروى ... كنت رح اشارك بقلي black_iris ... جيت لقيتك انتي بالجو !!!



اسئلتي خفيفة لطيفة و تجنن :larg:



اول شي .. كم ساعة في اليوم / الاسبوع تقضين في متابعة ..

1. التلفزيون
2. الدراسة
3. القراءات الأدبية
4. التسوق
5. الراديو
6. زيارات اجتماعية


ثاني شي ... ما هو توجهك الفكري ... تحفظ .. انفتاح . .. معتدل (مع ذكر المستوى .. كثيرا - قليلا )


ثالث شي ... اذا شفتي نفسك داخل متاهة ... مين اول واحد يجي ببالك ؟


رابع شي ... اذا في صارت لك مواقف مو حلوة و متعددة في نفس اليوم ... ترجعي للبيت على اساس انه هذا اليوم غير مناسب للطلعة ؟؟



خامس شي .. اذا حبيتي شخص ساكن بمدينة أخرى ... مستعدة تتركي اهلك و تعيشي بغير مدينة او بغير مجتمع على الاقل ؟؟



سادس شي ... اذا تم منع كتب انتي تحبيها او تحبي تقرايها ... تدوري على هذه الكتب حتى لو كانت ممنوعة؟



كافي عليكي .. :lol:

Marwa مرحبا..
الك وحشة :D
وينك هالأيام؟
غيرت أخوية بطريقة تفكيرك او لأ وكيف ؟؟
حلم كان نفسك يتحقق وفات المعاد ؟
متى بتحسي انو لازم تصرخي ؟
انت بالعادة هادية او بالعكس ؟؟!
بتحبي الشاي؟

وينو سؤال راكون بالاعضاء شي حد يعمل معروف ينسخو

رأيك بهالأعضاء ..


Gazita
Reemi
marioma alghzayala
hanny dagher
layla
sezar
sweetbaby
maged-syrian (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
butterfly
وشم الجمال
Hashtnasht
ٍٍٍSyrian Gay
yass
كهربجي
راديا
SABE
HUS
Barleb
باشق مجروح (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
the light
سرسورة
محمد ابراهيم
Government
صياد الطيور
phoenixbird (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
the morrning
COSTA
handsome
abosleman
LiOnHeArT
yamen_h
suryoyo:
بنفسجة :
M.E.e.R.O:
Sarita:
Fernanda:
sona78:
BL@CK
MadMax
وائل76
أمرأة من ورق
Roaa
مايا*
ليندا
fofo besset syria
Abu Guzef
الموسيقار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////),
ظل جيفارا
Nirvana
Raw
طفوله
يمان
was616im
Sandra
cuty
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
مايسترو:
whiterose:
YaSer:
سوا ربينا :
القلب الدافيء:
شوط يا قمر :
achelious:
viva syria
asakli

سؤال واحد

مين أخر نهفة صارت معك :larg:

اول شي بتشكرك انو سؤال واحد..شكلك حاسس بمعاناتي:cry:..الله يخليك لعيلتك يا رب

آخـر نهفة صارت مـعـي..والله صراحة ما عم يستحضرني شي..يمكن من كتر النهفات!..بس لأ جد زمان ما صار موقف جد بيستاهل أسميه نهفة :lol:

شوف لأني ما جاوبت على سؤالك بشكل وافي وكافي..مسموحلك تسأل كمان سؤال..


_______________
يبعتلي حمّى وداء الكَلَب شو حنونة :oops:


وحياتا لإمك ما رح عود أسألكـ حسستيني اني وحدة ما بتحس ع دمها...


الله يسامح كل من قواني عليكي:cry:

لك لا ما تحسسيني بالذنب هيك..انا بعرف انهن حرضوكي بعرف..الله ع الظالم :cry:

اي مروى ... كنت رح اشارك بقلي black_iris ... جيت لقيتك انتي بالجو !!!



اسئلتي خفيفة لطيفة و تجنن :larg:



اول شي .. كم ساعة في اليوم / الاسبوع تقضين في متابعة ..

1. التلفزيون :في اليوم..آخر فترة صرت بالكاد اقعد عليه عليه ساعة!

2. الدراسة : عم حاول ادرس 3-4 ساعات باليوم مش عم تزبط!

3. القراءات الأدبية : بالاسبوع بخصصلها شي ساعتين .. بعرف انو الوضع مخجل :oops:

4. التسوق : ما بحبووووووو..يا ريت لو بقدر اشتري كلشي بدون ما اتسوق وفوت عالمحلات واقعد اقيس واتشحر بس لما بروح اتسوق باخد وقت كبير بشكل عام!

5. الراديو :شو هاد؟ لأ ابدا شيلة يعني!

6. زيارات اجتماعية : مش كتير..مقصرة من هالناحية وانا انسانة بحب البيت كتير!


ثاني شي ... ما هو توجهك الفكري ... تحفظ .. انفتاح . .. معتدل (مع ذكر المستوى .. كثيرا - قليلا )

معتدل ..بحاول انو يكون معتدل قدر الامكان..بس ما بعرف بالنهاية هالشي بتحدده الناس!

ثالث شي ... اذا شفتي نفسك داخل متاهة ... مين اول واحد يجي ببالك ؟

هوي الله بنفعش نقول عنو واحد..بس بالفعل هو اول شي بخطرلي وبلجألو..

رابع شي ... اذا في صارت لك مواقف مو حلوة و متعددة في نفس اليوم ... ترجعي للبيت على اساس انه هذا اليوم غير مناسب للطلعة ؟؟

يعني كنت طالعة وصارت المواقف هل برجع بنص الطريق وببطل بدي اروح؟..حسب قديش هالمواقف بشعة..بس بشكل عام انا عندي طولة روح..بعدين يا اخي خربانة خربانة من اولها خلينا نكملها ع المزبوط!


خامس شي .. اذا حبيتي شخص ساكن بمدينة أخرى ... مستعدة تتركي اهلك و تعيشي بغير مدينة او بغير مجتمع على الاقل ؟؟

طالما هالمدينة او القرية بفلسطين أي نـعـم ما عندي مانع :gem:


سادس شي ... اذا تم منع كتب انتي تحبيها او تحبي تقرايها ... تدوري على هذه الكتب حتى لو كانت ممنوعة؟

اه..

كافي عليكي .. :lol:

تسلملي شو مزوق اه والله كافي :D

Marwa مرحبا..
الك وحشة :D
1) وينك هالأيام؟
2) غيرت أخوية بطريقة تفكيرك او لأ وكيف ؟؟
3) حلم كان نفسك يتحقق وفات المعاد ؟
4) متى بتحسي انو لازم تصرخي ؟
5) انت بالعادة هادية او بالعكس ؟؟!
6) بتحبي الشاي؟
أهلا لموش والله وانتي كمان الك وحشة كبيرة :D

1) والله بالبيت.. وبالبلد..وهون وهناك..بس اغلب وقتي بالبيت!

2) بصراحة اه غيرت..حاسة انو صرت معتدلة اكتر بافكاري وارائي ..انو تعرفت على انماط شخصيات وافكار جديدة..صرت اتقبل الناس اكتر..وهيك..

3) لحد اسا ما فات الميعاد..بس كلشي بوقتو حلو!

4) لما بشوف ظلم اونتهاك للانسانية والبشر ..وناس بتطلع ع حساب ناس!

5) امم بالعادة؟ .. هوي شوفي انا مزاجية يعني في ايام بتكون حالة هدوء وصمت غريبين..وايام جنون ومرح وهبل..بس انا بحب الهدوء..

6) مش كتير :lol:


وينو سؤال راكون بالاعضاء شي حد يعمل معروف ينسخو

هوي هاد اللي كان ناقص فعلا.. انا حاسة من زمان انها مؤامرة :lol:

يبعتلي حمّى وداء الكَلَب شو حنونة :oops:

طيب سؤال تاني :larg:

من وين عم تجيبي كل هالحكي :shock:

من طول عمري بشوفك تقيلة . وكلماتك بالقطارة :pos:

أول مرة بكتشف أنك شاطرة بالردح :lol:

وسؤال تالت :larg:

من وين أنتي بالأصل ;)

اي انتي وياهن بتسبّم وحضرتي باكل هوا أسئلة :frown:...

أكتر مشرف بحبو؟.. والله كتير اللي بحبهن وهيك..بس رح قول يـامـن مشرف الموسيقى :gem:

أكتر مشرف ما بطيقو؟!..فش حدا معين..يعني لحد اسا مناح معي..الله يستر بعدين :lol:

حسام الحكيم..بتخيل يمكن هيك طويل أشقر .. لك شو بدك اكزب عليك يعني؟ :oops: ..انا سمعت انو اشقر..بقى يعني التخيلات ما رح تزبط :lol:
:shock::shock::shock::shock::shock::shock::shock:
ايمتا صار أشقر الحيكم
صار أشقر وانا ما عرفت الله يسمعنا الأخبار الطيبة
بس انا بعرف انو اللي بيروح على البرازيل وبيرقص سامبا مع البرازيليات بيصير أسمر
:p:p:p:p:p:p
ومنشان السؤال اللي ما فهمتي
:frown::frown::frown:
:frown:
أكذب واحد بالأخوية شو بتوجهيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟
جاوبي لشوف
:o

طيب سؤال تاني :larg:



من وين عم تجيبي كل هالحكي :shock:

من طول عمري بشوفك تقيلة . وكلماتك بالقطارة :pos:

أول مرة بكتشف أنك شاطرة بالردح :lol:

وسؤال تالت :larg:


من وين أنتي بالأصل ;)


ردح الله يسامحك :pos:.. لأ شوف انا لما حدا ببلش يسأل ويحكي وهيك انا ما بقدر ما اعبرلو بالزبط شو بفكر..فـ بطلع معي محطة اذاعة فاهم كيف..:lol:

ومن وين بالأصل يعني:? .. من فلسطين..وعايشة بفلسطين..ولا بدك اسم المنطقة كمان..يا سيدي حـيـفا الشـمال :sosweet:

:shock::shock::shock::shock::shock::shock::shock:
ايمتا صار أشقر الحيكم
صار أشقر وانا ما عرفت الله يسمعنا الأخبار الطيبة
بس انا بعرف انو اللي بيروح على البرازيل وبيرقص سامبا مع البرازيليات بيصير أسمر
:p:p:p:p:p:p
ومنشان السؤال اللي ما فهمتي
:frown::frown::frown:
:frown:
أكذب واحد بالأخوية شو بتوجهيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟
جاوبي لشوف
:o

لك انا مش متزكري ..هوي يمكن اللي حكت عنو كانت مفكرتو اشقر طلع اسمر..يا اما بالعكس..يعني هوي يا اشقر يا اسمر :lol: فما بتنفع التخيلات فهمت كيف :p

اكـذب واحد بالاخوية..ما رح قول منه..وبلا لئامة زين :lol: ..بس بقوللو متل ما بقول لأي كزاب بالعالم
"انو ما بتستحي ع حالك؟ جد والله :? صار طولك اكيد فوق المتر يعني على اقل تقدير:shock: ..فما بتستحي يا عيب الشوم :frown:"

شو مشان سؤالي :oops:

شو مشان سؤالي :oops:

ولو عساقلي اول مرة بتفوتي ع المقلاية اكيد ما بنطنشك..الله يصلحك بس :cry:

بس اسا مجبورة اطلع..ببقى بجاوب عليه بعدين..انتظرونا. :lol:

منك لله ياللي كنت السبب :cry:

مروش يا مروش ....
انا اسألتي كالعادة خفيفة ولطيفة وبتنشرب مع المي الباردة ...:?
اجب عمايلي ...

الاول:: شو رأيك بالابراج ؟؟ وهل بتأمني فيها؟؟؟ وهل عمر وصار وقرأتي برجك وطلع كل الكلام المكتوب بيتطابق معك؟؟

التاني :: شو بتحبي اكتر شي بالرجل؟؟؟

التالت:: بتحبي حالك؟؟
الرابع:: شو اكتر شي بتحبيه بحالك واكتر شي بتكرهيه؟؟

الخامس :: (استثنائي السؤال:o) شو كنتي عم تعملي اليوم ع الساعة 4 ونص و 3 دقايق و12 ثانية ..بالزبط ؟؟؟:p