ضوي يا قمر [الأرشيـــــف] - صفحة 2

عرض كامل الموضوع : ضوي يا قمر

صفحات : 1 [2] 3

achelious

11/09/2008, 20:55

وائل الياسمينة يلي قدمنالك ياها لمين ممكن تهديها؟
الياسمينة بتعنيلي الحب الصادق, بهديها لأي حدا بشعر تجاهو بشعور صادق..:D

رجل من ورق

11/09/2008, 20:57

كتار هني اللي بتشعر تجاهون بشعور صادق؟

achelious

11/09/2008, 21:01

كتار هني اللي بتشعر تجاهون بشعور صادق؟
أي كتار, أنا مشاعري صادقة دايما, لهيك مابستخدم الياسمين للمجاملات..

رجل من ورق

11/09/2008, 21:06

بصورتك الرمزية والشخصية فيه حس التمرد والثورة
وبحديث بينا سابق قلتلي انو الصورة بتعكس كتير منك
وائل متمرد على شو؟ ولشو متمرد؟

achelious

11/09/2008, 21:20

بصورتك الرمزية والشخصية فيه حس التمرد والثورة
وبحديث بينا سابق قلتلي انو الصورة بتعكس كتير منك
وائل متمرد على شو؟ ولشو متمرد؟
التمرد عالظلم..:lol: وللحب..
سبق وقلتلك في حرية..

رجل من ورق

11/09/2008, 21:26

achelious

11/09/2008, 21:40

ماجدة الرومي في قصيدة للكبير محمود درويش تقول:

احلم بالزنابق البيضاء بغصن زيتون
بطائر يعانق الصباح فوق غصن ليمون
اريد قلبا طيبا لا حشو بندقة
اريد يوما مشرقا لا لحظة انتصار مجنونة دموية
اريد طفلا باسما يضحك للنهار لا قطعة في الالة الحربية
جئت لاحيا مطلع الشموس لا مغربها

احلم بالزنابق البيضاء
بشارع مغرد بمنزل مضاء

قديش بتشوف شباب اليوم عم تتمرد وقديه الزنابق البيضاء اللي عم تحلم فيها ماجدة الرومي ومحمود درويش
رح تنطر ليتحقق هالتمرد؟
يعني أنا ماني شايف اللي عم تحلم فيه ماجدة الرومي ومحمود درويش فيه تمرد.. شايف فيه سلام
كل منهما يطلبه في بقعة من العالم العربي..
وبرأيي المتواضع سلام واسرائيل كالزيت والماء!
وشباب اليوم أنا واحد منن.. وعم تقرا رأيي بصراحة.. شباب اليوم وأنا منن تبحث عن الاستقرار..
أما تمردها.. ففيك تعمل جولة بأخوية لتشوف بعينك رفضا للواقع..
تحياتي إلهن جميعا,:D

رجل من ورق

11/09/2008, 21:47

رجل من ورق

11/09/2008, 21:49

خليني هلق بالسلام و اسرائيل
قلت انو مثل الزيت والماء
بتتصور انو ما ممكن يجي يوم يكون فيه سلام؟
وبرايك شو اللي مخلي السوريين يتفاوضوا مع اسرائيل ؟

achelious

11/09/2008, 22:02

رح ارجع لموضوع السلام بعد شوي
بس بالاول خلينا بموضوع التمرد

ياس من كم يوم نزل موضوع بالمنبر اسمه عنفوان وكان عم يقول انو بوقت شباب العرشين اللي لازم تاكل الارض بطموحاتها واحلامها عم تحكي بعقلية ابن السبعين اللي عم يقلك حاجتي لقمة هالخبز
هدول يللي بقصدون

اما شباب الاخوية الهون كلام تاني
ليش شباب أخوية مو من هالشباب!!.. هني نفسن المقصودين.. بدليل إنو ياس نزل موضوعه بالأخوية.. وإلون..
أنا بتعجبني أراء ياس.. بل فيني روح لأبعد من هيك وقلك إنها بتناسبني .. لاحظ إنو عم يقول اللي قلتلك ياه.. البحث عن الاستقرار.. وهي مانا عقلية السبعين.. هو بيقصد الحماسة عند الشباب..
وطبيعي ماحدا يتحمس لشي مالو أفق!.. لمحتلك عن رفض الشباب للواقع.. وهدا شي كتير منيح وصحي..
لأنو نبض, وغالبا قصد ياس شحذ الهمم!.. لاحظ العنوان.. عم ينفض حماسة..

رجل من ورق

11/09/2008, 22:09

لحظة لحظة لحظة
يمكن صار في شوي ماس بالقصة
من الواضح انو شباب الاخوية( يعني شبابها وبناتها) عندون باكثريتون افق واضح وتحرر كبير ورافضين الواقع
وهالشي لا لبس فيه ويمكن اكبر دليل وجودك الليلة معنا

بس برجع بقول انو في نسبة عالية كتير من الشباب كمان بعدا بعقلية السبعين وموجودي وفيك تشوفا وين ما بدك

achelious

11/09/2008, 22:12

خليني هلق بالسلام و اسرائيل
قلت انو مثل الزيت والماء
بتتصور انو ما ممكن يجي يوم يكون فيه سلام؟
وبرايك شو اللي مخلي السوريين يتفاوضوا مع اسرائيل ؟
مافي منطق للسلام مع اسرائيل غير منطق القوة!
مابعرف إذا ممكن يجي.. دبلوماسيا.. اسرائيل طرف مراوغ.. عم يبيع ويشتري بالقصة!
يعني لا يخفى على أحد -وقد أعلنت اسرائيل هالشي بأكتر من مناسبة-
إنو السلام مع سورية بالنسبة لاسرائيل تمن فك التحالف مع إيران.. أي وسيلة وليس غاية

*أما اللي مخلي السوريين يتفاوضوا مع اسرائيل.. هو لارجاع الحقوق بالطرق الدبلوماسية!

رجل من ورق

11/09/2008, 22:16

مافي منطق للسلام مع اسرائيل غير منطق القوة!

يعني انت من انصار مبدا ما اخذ بالقوة لا يسترد الا بالقوة ؟

achelious

11/09/2008, 22:20

يعني انت من انصار مبدا ما اخذ بالقوة لا يسترد الا بالقوة ؟
أنا هدا اللي شايفو.. وبنفس الوقت ماني شايف إنو ممكن!
بس أنا اللي قصدتو هو "قوة اسرائيل"..

رجل من ورق

11/09/2008, 22:23

فيك توضح اكتر؟

achelious

11/09/2008, 23:23

فيك توضح اكتر؟
اي طبعا!..مابني على باطل فهو باطل:lol:
أنا اللي قصدتو إنو أساس وجود اسرائيل.. مانو منطقي!
وعم يتم التفاوض معا على أساس الأمر الواقع!..

رجل من ورق

12/09/2008, 12:20

طب برايك الحل الافضل هو فتح الجبهة والمقاومة مثل الجنوب اللبناني او التفاوض متل مصر مثلا؟

achelious

12/09/2008, 12:46

طب برايك الحل الافضل هو فتح الجبهة والمقاومة مثل الجنوب اللبناني او التفاوض متل مصر مثلا؟
برأيي مافي حل!! لأنو الحل بإيد اسرائيل واسرائيل لا يمكن تكون جزء من حل لأنو هي أصل المشكل.
أما قتح الجبهة السورية فهو غير ممكن!.. لاختلال موازين القوى..
و التفاوض متل مصر.. هو المطروح..
ما السادات فك التحالف مع سورية تمن للسلام.. وطلع مصر برا الصراع..

رجل من ورق

12/09/2008, 13:01

برايك في حال التفاوض والسلام مع اسرائيل
قديه ممكن هالشي يحسن من فرص الفلسطينيين لحل قضيتهم
وكيف بتتصور الحل الامثل للقضية الفلسطينية؟

achelious

12/09/2008, 22:20

برايك في حال التفاوض والسلام مع اسرائيل
قديه ممكن هالشي يحسن من فرص الفلسطينيين لحل قضيتهم
وكيف بتتصور الحل الامثل للقضية الفلسطينية؟
قد ماحسن اتفاق اوسلو من وضعن!
*ماعندي أي تصور لحل!
مايجري بفلسطين من قتل منظم لشعب..
بيوضحلك تصور اسرائيل للحل الأمثل!..
الحل بيفرضه القوي ولا يملكه الضعيف..

رجل من ورق

13/09/2008, 20:46

وائل قبل ما يستلم زيد فقرته والله يعينك من هلق ( عم بمزح) اساسا لولا زيد ما بعرف شو كان صار
المهم سيدي
من ديموزي وصلت هالاسئلة

1- ما هي خلفيتك الدينية (أيام الطفولة و المدرسة، الخ)؟

2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)

3- ما هو موقفك من مسألة
أ) الاجهاض
ب) الابحاث العلمية بخصوص التناسخ
ج) موانع الحمل
د) الجنس خارج اطار الزواج

4- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)

5- إلام تعزو أفكارك الدينية/الفلسفية و النتائج التي توصلت إليها؟

6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟

7- هل أنت على نفس الدين/الفلسفة التي وُلدت عليها؟
اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟

8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.

9- سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.

10- هل تجد أفكارا جيدة او بناءة في دين او فلسفة مغايرة و مناقضة لك؟
مثال: اذا كانت ملحد، فهل هناك عبارة او فكرة في الانجيل او القران تعجبك؟
و اذا كنت دينيا فهل تجد فكرة او عبارة إلحادية او علمانية تعجبك؟ الخ.

11- كيف تصف موقفك السياسي؟

12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟

13- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟

14- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.

15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟

16- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟

17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.

18- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟

achelious

14/09/2008, 00:09

وائل قبل ما يستلم زيد فقرته والله يعينك من هلق ( عم بمزح) اساسا لولا زيد ما بعرف شو كان صار
المهم سيدي
من ديموزي وصلت هالاسئلة

1- ما هي خلفيتك الدينية (أيام الطفولة و المدرسة، الخ)؟

الاسلام هو خلفيتي الدينية منذ أيام الطفولة -بالرغم مما تثيره هالكلمه من خواطر خاطئة أحيانا-

2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)

لا, الأخلاق هي قانوني الشخصي..-اي انا بعتقد بوحدة الأخلاق وبتبناه وماعندي تفصيلات خاصة للأخلاق-
لأنو وقت بدي اعمل شي غير أخلاقي بزيح الأخلاق عجنب عادة!

3- ما هو موقفك من مسألة
أ) الاجهاض
ب) الابحاث العلمية بخصوص التناسخ
ج) موانع الحمل
د) الجنس خارج اطار الزواج

أ- الإجهاض جريمة قتل..
ب-التناسخ؟!!.. إذا بتقصد الاستنساخ.. فهو تطور علمي.. متل الديناميت.. استخدامه المفيد أو العاطل راجع للإنسان.. شأنه شأن كل تطور على الأقل!

4- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)
:lol:هلئ أنا مابحب لعبة الأسماء..
سميني روحاني!.. ;)

5- إلام تعزو أفكارك الدينية/الفلسفية و النتائج التي توصلت إليها؟

إلى الفطرة!. الوسط اللي أنا عايش فيه.. بقصد أهلي.. أسرتي بالدرجة الأولى بعدين عائلتي بمفهوم العائلة..
ماكان إلون الفضل بعدم التأثير عليي بأفكارن فحسب.. بل بانفتاحن لمناقشتي بأي فكرة أو حدث تاريخي,
دينيا أو فلسفيا..////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟

طبعا, مررت بمرحلة يقين! أكتر مو شك.. أو الشك لليقين. من ناحية الوجود هاجس الإنسان, ومن ناحية نحن عايشين بمنطقة بتحرضك تقرا التاريخ.. من هون بتبلش تتشعب القصص وتتنوع.. يعني فيك تقول أنا راجعت كل مافي ذاكرتي من أفكار و أحداث ودققتا وكبيت 90% بالبداية ورجعت بلشت من جديد لأعرف وين الله حاططني!.
وطبعا بنيت منظومة للتفكير.. بترشح كل شي بسمعو أو بقراه.. وبتحط كل شي بفوت بمحلو..

7- هل أنت على نفس الدين/الفلسفة التي وُلدت عليها؟

قلتلك اي, بس على نظافة.. سبق وذكرت ليش..

اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟

سعادة وارتياح..

8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.

مافي كتاب بيعطيك طريقة تفكير.. لكل ماقرأت فضل بتكوين أفكاري وبلورتها.. كل بموضوعة وطبعا بنسب..

9- سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.

بالواقع كل الشخصيات اللي عرفناهم أو قرينا عنن بأثرو.. بما فيهم الأشخاص العاديين أو الغير معرفين..
فما بعتقد في أهم..

10- هل تجد أفكارا جيدة او بناءة في دين او فلسفة مغايرة و مناقضة لك؟
مثال: اذا كانت ملحد، فهل هناك عبارة او فكرة في الانجيل او القران تعجبك؟
و اذا كنت دينيا فهل تجد فكرة او عبارة إلحادية او علمانية تعجبك؟ الخ.

لا يخلو الأمر.. إذا دققت النظر بتلاقي كل الفلسفات.. بتشترك بالأخلاق والدعوة إلى الأخلاق مع شغلات تانية..
بتبقى هون شغلة الأخلاق متل الجزرة!...

11- كيف تصف موقفك السياسي؟

لا موقف سياسي لي!!..أنا مع الأخلاق.. والضمير أينما وجد!

12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟

لم يحصل, وإن حصل فما حاجتي للإعلان إن كنت سأتصرف وفقا لمعتقداتي!
بشوف الدعاية والباطن شغلات متناقضة!! ولا شو؟!

13- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟

لا

14- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.

جزئيا

15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟

بداية جديدة,نعم
عالهامش//ذكرتني ببقعة ضوء "راحة":lol:

16- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟

بشوفو بكل شي بس مانو شي!..

17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.
:lol:سبق وجاويتك

18- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟

أشغل وظيفة طالب, وآمل إنو غيرها لأي شي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

suryoyo

14/09/2008, 02:22

achelious

14/09/2008, 02:49

اهلين وائل ...

نرحب بيك من جديد و نقلك ... استمعنا بالجزء الاول ...

نبلش بالفقرة الجديدة ..... أدب و فن

هل تحب ان تقرا ادب معين ؟ او تقرا لكاتب معين ؟؟ او تحب تقرا متفرق اعتمادا على جمالية النص ؟؟

و من اكثر كاتب تحسه قريب الى نفسك ؟؟

و هل ممكن يأثر فكر الكاتب فيك في حال انعجبت بالنص ؟؟
أهلا بيك زيد..
زمرة الأدب العالمي أكتر ما يشدني.. فبالتأكيد بقرا لكتاب مختلفين..
أما بالنسبة للقرب من نفسي فأنا بحترمهم جميعا.. ولكني ماعرفتن شخصيا لحدد قربن من نفسي!
أنا عشت مع الشخصيات اللي كتبوا عنا..
فيني قلك شخصية "الكابتن ريت بتلر" برواية ذهب مع الريح لمرغريت ميتشل -الله يرحما- كانت الأقرب لنفسي..

طبعا بيأثر.. بعاطفة أو فكرة جديدة! ماانت بتحكم عالنص من خلال درجة تأثيره عليك..
:D

suryoyo

14/09/2008, 03:10

بين الادب الروسي و بين الادب الفرنسي ..

أيهو تفضل ؟؟؟

achelious

14/09/2008, 03:45

بين الادب الروسي و بين الادب الفرنسي ..

أيهو تفضل ؟؟؟
بالأدب والفن لا فضل لأحد على أحد,
لأنو تجربة انسانية بيشارك فيها الجميع.. لهيك مافيني فضل لأنو التنين إلون فضل عليي..
أجد الأدباء الروس نفسانيين.. أما الفرنسيين أكثر شاعرية!

suryoyo

14/09/2008, 03:50

نطلب منك تحطلنا قصة قصيرة من اختيارك و نتناقش فيها ...

achelious

14/09/2008, 20:03

نطلب منك تحطلنا قصة قصيرة من اختيارك و نتناقش فيها ...

تفضل خيي بو سارة.. بالرغم من إنو طلبك بحطنا بجو أكاديمي شوي مكانو قسم القصة, اخترتلك هالقصة بقلم The morning
كانت تجلس الى طرف الرصيف منحنيه كـكعه العيد و تسند رأسها لمثقل فكرا الى عامود كتب عليه " خـطر الموت " لكنّ ام حسـان لم تكن من الذين يهتمّون لهذه العبارات فلا خطر اكثر من خطر الحرب و لا موت اكثر من موت الحرب . كـانت الحرب قد وشمت على زنود ام حسّان عدد من القبل و العديد من الزكريات البارزه .
الى جانبها كانت تجلس كل عصافير السماء المتعبه و التي تتدافع كجماعه تقصد قوتها هربا من الطوفان فهناك كان الخباز يقف صباحا و قد ترك للعصافير غدائهم المعتاد .. لم تكن العصافير و الحمائم تخشى ام حسّان فلقد اعتادو على رائحته ملابسها السوداء الواسعه المفعمه تعبا و فقرا و اعتادو على اصابيعها التسعه السمراء تحملهم , تلاعبهم و في بعض الاحيان تكلمهم , و انهم على اغلب الظن اعتادو على احاديثها , فهي لا تلجأ عاده الى تغيرها . تتكلّم عن الله و ابنها و الوطن , و بعد الانتهاء من الحديث عن الوطن تبدأ مجددا بالحديث عن الله . و في بعض الاحيان فقد تتحدّث عن شيئ اخر كما حدث اليوم , فإن حديث ام حسـّان اليوم كان يحتوي على الكثير من الرموز و الاشارات الجديده تحدثت عن شيئ يدعى الحب و ابا حسّان فاليوم كان الذكرى العشرون على وافته و ارادت امّ حسّان ان تخرج بحثا عنه كما هي عادتها في كل سـنه لكنها في هذه المرّه قررت ان تؤمن انّ ابا حسّان لم يكن بعائد اليها و بدأت تسب و تشتم عندما قال لها الخبّاز صبحي انها يجب ان لا تفكّر فيه مجددا لانّه الان في الجنّه يقضي وقته مع حوريه اجمل منها و لا يفكر فيها و لا في مشاكلها و همومها التي هي حتّى اليوم تكتبها على دفتر صغير سود تخبّئه في صدرها لتخبر ابا حسّان بكل ما حصل معها في غيابه .. لم تكن امّ حسان تثق بان ابا حسّان سيقرب امرأه اخرى حتى و ان كانت اجمل منها و ذات شعر ذهبي و روائح و مساحيق من التي يبيعونها ليجعلو من النساء يظهرن كالدمى . كانت في الكثير من الاحيان تتسائل ان كانت هي جميله حقا .. و احيانا اخرى تحاوّل ان تتزكر تفاصيل وجهها منذ اخر مرّه نظرت الى المرأه فيها قبل ان يخرج حـسّان , هي تزكر جيدا تفاصيل ذلك اليوم فقد كان يوم اثنين و كانت الساعه قد قاربت الرابعه عندما دخل عليها و طلب اليها ان تقوم بضبّ كل احتياجاته في صندوق محكم الاغلاق لانّه سيخرج و لن يعود قبل عدد مطوّل من الايام , تزكر تماما عرقه الساخن و لهاثه المنقطع كأزرار قميصه و عيونه تحاول الّا تخبرها الحقيقه و اخيرا قبلته على جبينها .. كانت امّ حسّان تعلم انه لم يكن بعائد اليها فتلك القبله كانت تشبه القبل الاخيره على جباه كل الامهات في تاريخها ..

رجل من ورق

14/09/2008, 20:51

رح كون كتير غليظ واتدخل واسال انو شو بتلاقي بالقصة ؟

achelious

15/09/2008, 00:09

رح كون كتير غليظ واتدخل واسال انو شو بتلاقي بالقصة ؟
بقعة ضوء...:larg:

suryoyo

15/09/2008, 18:16

مثل ما اتفقنا ... انو نتكلم على المضمون ...

من خلال قراءتنا للمقطع ... نشوف بساطة ام حسان ... بساطة واضحة الكلام مع الحمام و انتظار ابو حسان ...

- هل تتوقع انو الكاتبة بالغت في تصوير معاناة هذه الشخصية ؟؟

- هل تشوف انو شخصية أم حسان متمردة نوعا على الواقع من خلال انتظار ابو حسان ... او تشوفها من شدة المعاناة .. صار نوع من الغشاوة في التفكير ؟

-شفنا فيها .. انها تتحدث مع العصافير عن الله و ابنها و الوطن ..
لو كنت بمكان ام حسان كان يظل فيك حب الوطن ؟؟

- هل تتوقع انو ام حسان شخصية حقيقية متصلة بواقع الكاتبة ؟؟

سلامات

achelious

17/09/2008, 04:22

مثل ما اتفقنا ... انو نتكلم على المضمون ...

من خلال قراءتنا للمقطع ... نشوف بساطة ام حسان ... بساطة واضحة الكلام مع الحمام و انتظار ابو حسان ...

الحقيقة ام حسان مانا بسيطة أبدا! ام حسان انسان اخدت منو الحياة أغلى مايملك وأورثته خوف من مستقبل مجهول.. فحكيا مع الحمام عن الوجع أشبه بالبوح بالمواضيع التي تخشى إثارتا والإعلان عنها..
لاحظ إنو المواضيع هي الله والوطن وابنا وزوجها اللي راح نتيجة أفكاره بالنسبة للوطن, فهي كلها مواضيع
"خطوط حمراء" في البلدان النامية!
بالتالي فهي ليست انسان بسيط أو ساذج بانتظاره ابو حسان,, هي صورة الأمل
اللي لولاه الانسان مابعيش.. هدا نجاح بالتصوير

- هل تتوقع انو الكاتبة بالغت في تصوير معاناة هذه الشخصية ؟؟
أبدا, ام -باصابع تسعة- تعاني الفقر المدقع و الأمل الكاذب والحلم الفاشل والابن "الاناني" والوطن المفقود..
إلى أين برأيك يودي أحد هذه الأمور؟! جرب حط حالك محلها.. لشوف مين بدك تحاكي:lol:

- هل تشوف انو شخصية أم حسان متمردة نوعا على الواقع من خلال انتظار ابو حسان ... او تشوفها من شدة المعاناة .. صار نوع من الغشاوة في التفكير ؟
أبدا, الشعور بالرفض موجود بالنسبة للواقع التعس.. فيك تشوفو بصورة الأمل.. أما غشاوة بالتفكير ماشفت!!
إذا قصدك عن حلما.. فمن الطبيعي إنو يعيش الإنسان الأحلام.. هذا يحدث كل يوم..

-شفنا فيها .. انها تتحدث مع العصافير عن الله و ابنها و الوطن ..
لو كنت بمكان ام حسان كان يظل فيك حب الوطن ؟؟
طبعا, عرف بيرناردشو الوطنية بإنها الشعور بإنو بلدك هو أسمى البلدان فقد لإنك تنتمي له-
فصعب الانسان ينسلخ عن وطنه بمعنى أخر صعب يطلع الوطن من جوا لأنو بيبرد! صعب جدا يعيش بلا انتماء!

- هل تتوقع انو ام حسان شخصية حقيقية متصلة بواقع الكاتبة ؟؟
لا شك إنو كل مانكتبه في شيء منا, ولكن من محدودية الأمر إنو نحط كل كاتب محل البطل بروايته!
كتب تشيكوف مثلا الكثير من المشاهدات على شكل قصص هل شاهد بعضها كما روى؟! لا نعلم
ولكنه بالتأكيد عاش البعض الأخر بطرق مختلفة, هنا تأتي وظيفة الخيال الأداة الرئيسية في كل كتابة..

وكاتبتنا ما بينقصا الخيال إطلاقا,كان جلي بالصور اللي شافا كل مين قرا ام حسان, بهنيها من كل قلبي
على موهبتا بالرسم
بالنهاية أنا كان فيني جاوبك بمتل.. "كل إناء بما فيه ينضح" بس حبيت أتوسع ولنو.. مشان الالتباس!!
ماحدا يفهم اللي أنا بدي عكسو من المتل
سلامات[/quote]
تحياتي إلك,
وشكرا للأسئلة الحلوة:D

suryoyo

18/09/2008, 16:03

كثير استمتعنا بفقرة أدب و فن معك ...

و رح نبدي معك بفقرة الموسيقى مع طارق ........... :D

رجل من ورق

18/09/2008, 16:33

وائل بدي قدملك 5 كتب بدي منك تختار منون

كزهر اللوز او ابعد محمود درويش (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

قناديل اشبيلية لعبد السلام عجيلي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ليون الافريقي لامين معلوف (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

سيدة الفجر اليخاندرو كاسونا

مجموعة قصص لالبرتو مورافيا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

كمان بدي اهديك 5 البومات بدي منك تختار الاقرب بينون لقلبك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

معلومات اكيدة لطيفة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ولا كيف للست فيروز

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رقص النار لنديم محسن

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

علم قلبي الفراق لجورج وسوف

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هالاسمر اللون للينا شماميان

رجل من ورق

18/09/2008, 16:36

وائل بدي منك تكتب هالوصية
غابي بعد ما تكتبمساحتك بدي منك تكتب الوصية اللي هون

انا العضو .................. انتسبت لاخوية في ..................... وعدد مشاركاتي حتى اللحظة هو ......................

أوصي والدي ب.......................
أوصي والدتي ب....................
أوصي أشقائي ب..................
أوصي مدرسي في المدرسة الابتدائية ب.......................
أوصي رفاق الدراسة ب..............................
أوصي اساتذتي ب............................
أوصي اقرب اصدقائي ب......................
اوصي مشرفي الاخوية ب.......................
اوصي الحكيم حسام ب.........................
اوصي مارسيل ( بترفلاي) ب...........................
اوصي ياس ب........................
اوصي ريمي ب....................
اوصي اممي ب....................
اوصي السيد وزير التعليم العالي ب.................
اوصي السيد محمد ناجي العطري رئيس الوزراء في الحكومة السورية ب...................
اوصي فخامة الدكتور بشار الاسد رئيس الجمهورية العربية السورية ب.........................
اوصي السيد عمرو موسى الامين العام لجامعة الدول العربية ب...........................
اوصي ان يصلى علي ( وفق العقيدة الدينية في ..............................
اوصي ان ادفن في ........................
اوصي ان احتفظ في قبري ب............................
اوصي ان لا يحضر جنازتي العضو .............................
اوصي بالتبرع بكل مال املكه الى .............................
اوصي بالتبرع بكل الكتب التي املك الى ......................
اعتذر الى الاشخاص ................................................. لاني وجهت اساءة لهم يوما ما
اتقدم بكل الشكر في حياتي الى..............................
اوصي ان يتابع تنفيذ وصيتي بعد موتي ...........................
اعترف لمقدمي البرنامج زيد وطارق بشئ لم اقله من قبل وهو ...............................

رجل من ورق

18/09/2008, 16:38

فقرة مساحة حرة مع زيد بالانتظار

achelious

19/09/2008, 03:02

achelious

19/09/2008, 03:38

انا العضو achelious انتسبت لاخوية في أحد أيام شهر تشرين أول من العام 2006 وعدد مشاركاتي حتى اللحظة هو 994مشاركة

اعترف لمقدمي البرنامج زيد وطارق بشئ لم اقله من قبل وهو أني لم أجد مااكتبه في هذه الوصية

suryoyo

19/09/2008, 03:46

achelious

19/09/2008, 04:47

يا سيدي ... حلوة وصيتك :lol:

وائل ...... وصلنا فقرة .... مساحة حرة

فيك تعبر عن أي شي يجي ببالك او توجه رسالة معينة لايهو الكان .... او تحط اغنية او صورة ...

يعني الك كل الحرية ...

المساحة الك :D
شكرا إلك زيد:D
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني كل قعدة فيها مساحة من الحرية بتكون حاضرة فيها كاسة المتة,-مشروب القعدات الخاصة:lol:-
يعني إذا شي رفيق مشتقلنا وحابب نقعد قعدة صفا.. بيقلنا حولو عكاسة متة..
حول انت وطارق نشربلنا كاسة متة.. ونقضيها عثرثرة.. بس البزر مابفوت البيت:lol:

رجل من ورق

19/09/2008, 12:13

يلا جاييين بسرعة
وائل بدي اشكرك كتير على الليالي اللي قضيناها معك وكتير انبسطنا معك
حسيناك ضيف بغرفنا وعم ندردش معك وكانت اقامتك بتجنن
وعد مني ومن زيد انو نجيك قريبا ونقضيها متة وثرثرة
وياسيدي بلا البزر
نورتنا واهلا وسهلا فيك

علاء= ليون هارت= التائه في النور هو ضيفنا وبانتظاره نحنا

رجل من ورق

21/09/2008, 16:03

لظرف طرء معنا رح نضطر ناجل علاء للحلقة القادمة
زيد عنده ضيف رح يكون معنا بعد شوي

suryoyo

21/09/2008, 16:29

نرحب بعضو عزيز كثير علينا ... هو أحمد ....

نرحب بيك أحمد ..... و نتمنى تصير حلقة رائعة بوجودك معنا و بوجودنا نحنا اكيد :lol:

..AHMAD

21/09/2008, 16:38

والله زمان ها :lol:

اي على عيني زيد .. ومية هلا فيك

لنجيب شي هراوة ... كـ وسيلة اقناع :gem:

عراسي يبا

رجل من ورق

21/09/2008, 17:06

اهلين احمد البيت بيتك
بعتذر اني شارك بالحوار لظرف بيمنعني
بتمنى تقضي وقت كويس وزيد ما بيقصر :D

suryoyo

22/09/2008, 01:49

يا سيدي ما تحتاج لا سلاح ابيض و لا احمر ... :lol:

تعال انت و قلمك ... و الك بوسة على الخد :D

لو نشوف الاخبار اليوم ....

نشوف محورين رئيسيين ...

استقالة اولمرت و انتخابات حزب كاديما في الدولة العبرية و ليفني رح تشكل الوزارة بعد تغلبها على موفاز ...

استقالة الرئيس مشرف و وصول زرداري الى الرئاسة .. في الباكستان

انتخابات اميركا المقبلة بين اوباما و ماكين

اتفاق على تشكيل حكومة وحدة وطنية في زمبابوي ... بعد تعنت موكابي لفترة طويلة

و المحور الثاني ...

أزمة حادة في الاقتصاد الامريكي ... و ازمات اخرى في الاسواق العالمية في اوربا و آسيا

تقلب اسعار النفط المستمر ...

مجاعات خطيرة في القرن الافريقي ...

نريد منك تعلق على الاخبار اللي تعجبك انت .. و بنفس الوقت نريدك تكون ((العين الثالثة)) على الاخبار اللي تعلق عليها و تحكي عن تأثير هذه التغييرات على الشرق الاوسط ...

suryoyo

22/09/2008, 02:18

قبل ما تجاوبنا .....

اريد اقول انه وصلتنا من احدى المتابعات لحلقتك .. في رسالة اعجاب شديدة حتى قبل ما تجاوب ....

مين تتوقع ؟؟ :lol:

هاموش (كما علمنا غابي) :lol:

اللي عندو اي سؤال لضيفنا العزيز أحمد ... يبعثه بأسرع وقت ... حتى يندرج ضمن الحلقة بشكل طبيعي !

و اعذرونا جميعا من اسئلة الحلقات السابقة ... :D

..AHMAD

24/09/2008, 12:57

أولا : تسبي ليفني
لمن لا يعلم الكثير عن ليفني ذات الأصل البولندي وابنة ضابط العمليات الأول في منظمة الايتسل الصهيونية وامها ليست أقل شأناً من والدها.
ليفني في سن ال 16 على ما اعتقد كانت من أول المتظاهرين ضد وزير الخارجية هنري كسنجر .. عند انسحاب اسرائيل من الجولان وسيناء.
وليفني أيضاً كانت من أكبر مؤيدي رئيس الوزراء الاسرائيلي " مناحيم بيغن.
قبل 30 عاماً من الآن انضمت ليفني إلى الموساد
اسم ليفني مرتبط ارتباط وثيق باغتيال المسؤول في منظمة التحرير الفلسطينية " مأمون مريش
تحت ظل آرييل شارون منذ 7 أعوام ... ليفني تسلمت وزيرة التنمية الاقليمية ثم وزيرة للعدل
حتى عند انسحاب شارون وتشكيله حزب كاديما .. كانت ليفني أول المرافقين له
هنا انا لست بصدد سرد سيرة ليفني الذاتية .. او قص سيرة حياتها
إنما هنا أود أن نتذكر سويةً وكما هو معروف ... لن نجد مسؤولاً يندرج في سلم المناصب في دولة إسرائيل لم تتلطخ يداه بالدماء، إن لم يكن من خلال الموساد، فهو أكيد أنه من خلال قوات الجيش. تسيبي ليفني .. رئيسة حزب كاديما .. ومرشحة رئاسة الوزراء هي ليست باستثناء لهذه القاعدة وفقا لمسيرتها المشرفة في التاريخ الإسرائيلي
أي في النهاية ... لن أفرح لاستلامها المنصب الجديد ... ولن أحزن على أولمرت لتنحيه عن الكرسي
فـ كلاهما مرّ ... والله ينجينا من الآت
ثانياً : أوباما وماكين
لا أعتقد أنه يهمني أو يهم أي سوري أو عربي أو شرق أوسطي ليس لديه أدنى اهتمام بأمريكا داخلياً بما سيفعل أوباما أو ماكين داخلياً على مستوى أمريكا
إنما اللذي يهمني هنا .. ماهية مشاريعهم تجاه الشرق الأوسط .. بالرغم على تحفظي على أي تدخل أمريكي وغير أمريكي في شأن أي دولة شرق أوسطية .. لكن طالما نشرات الأخبار تحشونا بهم .. فـ مضطرون لإبداء رأينا في هذا المحور ... محور أوباما وماكين والشرق الأوسط
بالنسبة لي أظن أن تركيز كل منهما على الشرق الأوسط يرتكز على ثلاثة محاور رئيسية هي : العراق ، إيران ، فلسطين
فيما يتعلق بالعراق أوباما يعد بسحب قواته من العراق خلال السنة الأولى من توليه الحكم وماكين لا يعد إلا بأنه ليس لديه استعداد لسحب القوات من العراق قبل خمس سنوات من توليه الرئاسة بالاضافة لإصراره على النجاح الباهر للاحتلال الأمريكي للعراق وتأكيده لتعزيز أمريكي في أفغانستان
فيما يخص إيران يتفق الاثنان على مدى خطر إيران على الشرق الأوسط لكن الاختلاف بينهما ... أوباما يحاول اللجوء إلى طريقة سلمية لحل هذه الأزمة بعقد اجتماع سريع مع أحمدي نجاد .. بينما ماكين يشدد على فرض عقوبات اقتصادية ومالية وسياسية أقسى على إيران .. وفي حال عدم الجدوى ربما سيضطر لاستخدام القوة العسكرية مجددا لردع إيران عن امتلاكها عن سلاح نووي
وبالنسبة للقضية الفلسطينية كلاهما يتفق على أهمية وجود إسرائيل ودعمهم لها كما ان الفرق أيضا .. أن ماكين يرفض الاعتراف بالدولة الفلسطينية ويريد أن تقام الدولة الفلسطينية على أرض الأردن بينما أوباما لا يمانع وجود دولتين على أرض واحدة
كنظرة عامة يبدو لي ( على أدنى تقدير ) أن اوباما سيكون خياراً أسلم من ماكين .. لكن هذا لا يعني أنه الخيار الأفضل .. فكلاهما يسعى لتعزيز هيبة أميريكا من جديد .. ودعم مشترك لإسرائيل . وهذا ما يثير لدي التحفظات على كلاهما

كنت حابب احكي عن محور المجاعة الافريقية .. لكن ضيق الوقت مبارح وقبل مبارح منعني من ذلك بلكي منجيب سيرتو بشي نقطة تانية
بالنسبة لباقي النقاط بالمحورين الاول والتاني ... بعتذر عن الخوض فيها كونو مافي الخلفية الكافية للحديث بهالشي

لا تواخزونا عالتأخير :D

..AHMAD

24/09/2008, 12:59

قبل ما تجاوبنا .....

اريد اقول انه وصلتنا من احدى المتابعات لحلقتك .. في رسالة اعجاب شديدة حتى قبل ما تجاوب ....

مين تتوقع ؟؟ :lol:

من كتر المعجبات ما عاد قدرنا نشغل حاستنا السادسة :lol:
بس يعني ازا حلوة .. قلها الاعجاب متبادل .. ازا مو حلوة .. قلها ما ردلنا خبر :p

suryoyo

24/09/2008, 20:52

سيدي ... نفهم من كلامك ...

انو انت ما تفرق معك .. اذاط طلع اولمرت او ليفني ... موفاز او نتنياهو .. لان الكل متورطين بالارهاب ...

تعتقد تشكيل حكومة جديدة بقايدة تسيبي ليفني ... رح تؤثر على سياسة الدولة العبرية بالداخل و الخارج ؟؟