بعد سهرات مطولة وتحضيرات سرية للغاية بين زيد :jakoush:وبيني وبين عدد من الاعضاء واستكمالا لبرامج
مايسترو / صمت الحواس / الصوت الرائحة والشكل/ نور القمر

ومتل السنة الماضية برمضان حبينا هالسنة نطلق برنامج جديد اسمه ضوي ياقمر

رح تتنوع فقرات البرنامج اللي بستمر الحلقة منه 3 ايام بين زيد وبيني

بيشرفنا انو نستقبل بالحلقة الاولى ابو طوني او غابي او غابرييل

ملاحظة : صرتوا تعرفوا انو الردود ممنوعة
ملاحظة : لارسال الاسئلة يرجى ارسالها برايفت الى suryoyo او souraqia

غابي اهلا وسهلا فيك
قبل ما نبدا باول فقرة معنا اللي هي مع الاخبار بدي
اسالك
شو موقع غابي بالاخوية ولوين رايح فيها؟

وكم سوؤال
1- باحصائية الاعضاء ولا فخر اللي اتعملت بين احمد وبيني اقترح احمد انك تتسمى دينامو الاخوية قديه بتشوف حالك هيك ؟
2- ممكن لو انسمحلك انو تشطب مواضيع الك انو تشطبون شو هني؟

هامييش :

ياريت يكونوا الضيوف جديدين هاي اول شي ..
تاني شي .. ممكن تعطينا فكرة عن فقرات البرنامج؟؟

1- مع الاخبار وهي تعليق على اخبار اليوم بغض النظر اكانت سياسية ام غير ذلك
2- من وحي الجو : حوار عن مواضيع اهتم بها الضيف يعني مثلا مريومة بتحب الموسيقا رح نحكي موسيقا وفن بمواضيع هيي حطتون او شاركت فيهون
3- صوت الروح : نستمع للموسيقا ونهدي كتاب واعمال موسيقية
رح نهدي كتاب لكل ضيف معنا ونعرف عنه ورح نهدي البوم من اللي مرفوعين عنا
4- مساحة حرة: يعبر بها الضيف عما يريد دون ان يتم تعديل اي كلمة

5- قبال الرحيل : سنطلب من الضيف كتابة وصيته قبل الموت
الوصية تتضمن 100 سؤال بعد الموت
6- على الخط: مراجعة لاعمال ومواضيع ضيفنا ومع اسئلة دقيقة حول المواضيع
المواضيع باسالة قصيرة انما تزداد سخونة شوي شوي شوي وتتعلق بشخص العضو الضيف من دون ما نقترب من خصوصياته

ضيفنا الليلة هو غابي والحلقة القادمة هو اخيلوس الضيوف الباقين بدي اتكتم عن اسماؤون







1-

غابي اهلا وسهلا فيك
قبل ما نبدا باول فقرة معنا اللي هي مع الاخبار بدي
اسالك
شو موقع غابي بالاخوية ولوين رايح فيها؟

اهلين طارق وبتشكرك على استضافتك الي بأول الحلقات البرنامج :D

موقع كابي بالأخوية .... اممممم
صراحة ما كتير مفكر بالقصة هي بس بتخيل بالأخوية بحياة كابي بأفضل احوالها حتستمر سنتين اضافيات
بمعنى آخر الاخوية حاليا بالنسبة الي حياة او مكان مرتبط بشكل او بآخر بالحياة الجامعية ومع انتهاء حياتي الجامعية بعتقد الاخوية حتكون " او حتصير " من الماضي الجميل :D

بمعنى آخر الاخوية حاليا بالنسبة الي حياة او مكان مرتبط بشكل او بآخر بالحياة الجامعية ومع انتهاء حياتي الجامعية بعتقد الاخوية حتكون " او حتصير " من الماضي الجميل :D
السبب ليش؟

وكم سوؤال
1- باحصائية الاعضاء ولا فخر اللي اتعملت بين احمد وبيني اقترح احمد انك تتسمى دينامو الاخوية قديه بتشوف حالك هيك ؟
2- ممكن لو انسمحلك انو تشطب مواضيع الك انو تشطبون شو هني؟

بالنسبة للسؤال الاول ... دينامو الأخوية .. انا ما اطلقت على نفسي هاد اللقب وبالتالي انا غير معني بالتبرير او بتقديم العلة في هاد اللقب ... بعتقد ميدو اطلق هاد الشي او اوحي اليه هاد الشي بفترة كنت مارر فيها بالفحوصات .. بفترة كان الفوتة على الأخوية من احدى نقاط الترفيه بالنسبة الي " بسبب غياب الأشخاص اللي بيلعبوا دور الاصدقاء واللي بحب اقضي كل اوقاتي معهم ... غياب دراسي بالطبع " وبفترتها كان الي اكتر من موضوع كبير بنفس الوقت لهيك بالنسبة للوقت اللي فيه احمد ارتقى هاد الشي ممكن كون وافقه على التسمية خصوصا اني " دينمو " بالحياة واعتبر من الاشخاص اللي جدا حركين وجدا في الهم نشاط ملحوظ فيزيائيا :lol:

2- بالنسبة للمواضيع الي بحب اشطبهم في اكتر من موضوع بالنسبة الي اكترهم موضوع بالبريد مش فاكر اسمه بس سبب لي اكتر من حساسية " انتهت حاليا والحمد لسعدو على هالقصة "
اضافة لوجود موضوع اسمه " هواياتي .. اكل الهوا "
وموضوع تاني اسمه " هواية اخرى واخرى "
هدول اكتر المواضيع اللي فاكر باسمهم واكتر المواضيع اللي فعليا بعتبرهم نقطة سود بسجلي الشخصي .

السبب ليش؟
يمكن واقعي الحالي كوني هلق " عاطولي باطولي " بدون عمل او التزام فعلي وجدّي
بيسمح لي كون بالاخوية الشي اللي بده يغيب مع انتهاء الجامعة بشكل اكيد

وبتقدر تلاحظ بكل بساطة انه فترة نشاطي بالأخوية حاليا مرتبطة بشكل كتير وثيق مع واقعي الجامعي ووضعي الدراسي والمراحل اللي بمر فيها يعني الفترة اللي بكون فيها مزروك بالجامعة ما بفوت على الاخوية كل اسبوع مرة .. وبالفترة اللي بكون فيها مارر بملل او فترو دراسي " مافي مشاريع مافي حلقات بحث مافي امتحانات عملية "بكون ملفي الشخصي اخر شغل الشباب بالكتير من ساعة مضت

بناء على واقعي الحالي المرتبط بالجامعة بشكل اساسي بتوقع واقع العمل حيكون اكبر اسباب اعتزالي الاخوية :lol:

غابي سهرتنا الليلة بالفقرة الاولى رح تكون بفقرة مع الاخبار :
رح نستعرض اخبار اليوم اللي اخدناها من موقع صحيفة الحياة


اسدال الستار على تقاليد الزواج في مصر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ارتفاع نسبة الطلاق بين العراقيين بسبب الهاتف النقال (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مهرجان جدة السينمائي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

الجاز في دمشق جارا لصلاح الدين (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

4 مقالات :cry:
شو بدي لحق اقرا لحتى الحق :cry:

على كلٍ
فين الاسئلة ؟!

بدي منك تقرا الاخبار لنبدا نعقب على كل خبر منهون

انا بانتظار اسئلتك حتى نمشي بالمقالات الواحد ورا التاني :D

رح ابدا معك من اخر خبر وهو مهرجان الجاز

حضرت المهرجحان اللي صار بحلب جزء منه؟

قديه اليوم بتشوف انو الموسيقا لساتا بالنسبة للشعب السوري هي كماليات او شي ثقافي لازم ينحضر ؟

على التوالي استضافت القلعة بدمشق ليالي موسيقة العالم / تحية الى نزار/ زياد الرحباني/ مهرجان الجاز

الكل اجمع على القوة بالحدث انما الكل حس انو في شي ناقص

عموما وين النقص اللي بتشوفه بمهرجاناتنا السورية؟

رح ابدا معك من اخر خبر وهو مهرجان الجاز

حضرت المهرجحان اللي صار بحلب جزء منه؟للاسف كنت مسافر باغلبية فترة المهرجان لكن كان الي الشرف اني الحق آخر فقرتين منه اللي صارت وحدة منهم قدام القلعة والتانية بخان الشونة والشي اللي لاحظته ضعف كتير كبير من ناحية الاقبال الجماهيري .. منحكي بالقصة بالتفصيل بعد شوي


قديه اليوم بتشوف انو الموسيقا لساتا بالنسبة للشعب السوري هي كماليات او شي ثقافي لازم ينحضر ؟

على التوالي استضافت القلعة بدمشق ليالي موسيقة العالم / تحية الى نزار/ زياد الرحباني/ مهرجان الجاز

الكل اجمع على القوة بالحدث انما الكل حس انو في شي ناقص

عموما وين النقص اللي بتشوفه بمهرجاناتنا السورية؟
أول شي لازم يكون واضح انو أنا بأيد أي مهرجان فني راقي... بغض النظر عن نوع الموسيقى المقدمه أو الفنانين الموجودين... بس لازم نوضح كم نقطه بهالمجال حتى نحط ايدنا على الجرح "متل مابيقولو"

تاني شي في تقصير حكومي واضح بدعم الأعمال الفنية الشبابية يلي كتير منها عم يكون مميز بشكل كبير
ما بقصد انها بتعرقل سير او تنظيم متل هيك امور لكنها ما بتدعم بالشكل الكافي او بالشكل المتوقع منها مقارنة مع بقية الدول او مقارنة مع الحد المتوقع والمطلوب من كيان شامل متل الحكومة

من جهة تانيه للأسف جمهورنا بشكل عام وحيلنا بشكل خاص " بحسب تسمية جدي الله يطول لي بعمره "
تعود على نمط معين من الأغاني والموسيقى...يلي هي اما عالدبكة والهوارة بحكم تراثنا...يا أما الميتال والراب بحكم الانفتاح الثقافي على الغرب والعولمة

اذا انتقلنا لموضوع المهرجانات الأخيرة مافينا ننكر انو هالمهرجانات كانت نقلة كبيرة ومهمة...بس للأسف كان في خلل كبير بعدة أماكن.. خلينا نفرض حسن النية ونعتبر هالخلل يلي صار هو بحكم انو هالتجربة بعدها جديدة بسوريا.. واي تجربة جديدة بتبقى معرضة لعوارض الخلل والصعوبات الفنية والتقنية والتنظيمية فمن جهة الدعاية كانت جدا ضعيفة ... ما بعرف على مين بيوقع الحق او مبين بيتحمل المسؤولية بهي القصة ... بس من منطلق تفائلي بحت بقول كل مين بيتعلم من اخطائه ومش عيب واحد يخطا الأهم انه يتعلم من اخطائه شخصيا بتمنى نكون تعلمنا من اخطائنا .

أبو طوني راضي اليوم عن احتفالية دمشق عاصمة الثقافة العربية؟

أبو طوني راضي اليوم عن احتفالية دمشق عاصمة الثقافة العربية؟
كوني عايش بعيدا عن اجواء الشام وبعيدا عن الاجواء الرئسية بالاحتفالية .. يمكن يكون راي عشوائي شوي ... معمم شوي وغير مخصص بالتفاصيل اللي مرت على الاحتفالية بشكل اساسي ... يعني لو كان الحكي على ايام حلب عاصمة للثقافة الاسلامية كام ممكن انشرح اكتر بالحديث واكتب اكتر عن القصة

بخصوص الشام راضي ام مش راضي هاي صعب حددها لان بتدخل كتير عوامل بهي القصة
انا بحكي لك رأي وانت استنتج اذا انا راضي ام مش راضي
بالنسبة االي شخصيا انا ماشفت فعاليات احتفالية بقد ما شفت شوية " احتفالات " ما بنكر ان البعض منها كان مميز ومعبر لكن جزء منها كان عبارة عن " تسالي "
بمعنى تاني ماشفنا تكريس لواقع دمشق كعاصمة الثقافة العربية على الأرض... بمعنى ماشفنا تركيز على نشر معاني هالإحتفالية من نشر للثقافة ودعم المثقفين والمفكرين والأعمال الثقافية..بقد ما شفنا الاهتمام بال " احتفالات " مع تهميش فكرة " الثقافة " اللي هية نظريا لازم تكون اهم واسمى اهداف الفعالية يعني كنا منتمنى لو بهالمناسبة تم انتاج كم فيلم سوري ضخم... أو تم طبع ونشر كم ديوان شعري مهم... باختصار تكريس للثقافة على أرض الواقع... حملات توعية من نوع او من آخر بتصب بمجال الثقافة ... هاد يلي ماشفناه

فكانت اشبه بالاحتفالات بعيدا عن المحور الاساسي " عاصمة الثقافة العربية " واللي يفترض يكون الشي اللي عبدور حوله جميع الاحتفالات

برجع بقول لك اني بعيد كل البعد عن الواقع الدمشقي وعن الفعاليات على ارض الواقع
قد يكون في شي من اللي انا اعتبرته نواقص
لكن حتى لو في فعليا من هي الفعاليات " اللي اعتبرتها نواقص " منقدر نستنتج انه في نقص من ناحية الترويج ومن ناحية الدعاية " بكل بساطة انا قاعد على 400 كيلو متر وما سمعت بأي شي فاذا ما كان في معناها في نقص اساسي بالفعاليات واذا كان في معناها في نقص بالاعلان "

نظرا لضيق الوقت بدي اضطر انهي فقرتي وانقل فقرة من وحي الجو لزيد اللي بيجي دوره هلق لنحكي عن موضوع الفن العاري
لارجع واهديك مجموعة من الكتب والموسيقى

حتى هون بده يشتغل التقنين على حسابي :lol:
على كلٍ بانتظار سيد ابو سارة لنشوف على شو بدكم تستفسروا بالفن العاري :larg:

مرحبا بو طوني و متأسف على التأخير ...

يمكن صار كثير نقاش في أخوية عن هذا الموضوع ..


* ما هي نظرتك للفن و هل تعتقد انت عندك موهبة ؟؟

* هل تؤمن بالفن العاري له (رسالة) ... كسائر الفنون ؟؟

* تعتقد انه حوى بعض الاعمال غير الجيدة نوعا ما و على اساس تقيّم جودة العمل ؟؟


* تعتقد ممكن في العالم العربي ينقبل هذا الفن كفن له رسالة ؟؟

مرحبا بو طوني و متأسف على التأخير ... اهلين زيد .. وعلى قولة المتل ان تصل متأخرا .... بتعرف البقية :lol:

يمكن صار كثير نقاش في أخوية عن هذا الموضوع ..

انا بشوف العكس ما صار بالأخوية ابدا نقاش حول هاد الموضوع اللي صار اقرب ما يمكن لصراع الديوك
كان كل شخص فيه عبحاول يعلّم على التاني ويركب نقطة على مبدا ( 1 - 0 ) وعلى الأقل لو كان صار شي اسمه نقاش كنا طلعنا بشي اسمه نتيجة وبعتقد ولا مرة صار وحكينا بالقصة الا وانتهت القضية بموضوع مغلق لهيك انا شخصيا كتير بتشكرك على فتح باب المجال للحديث او بالأحرى لسماع راي شخص نزّل بيوم من الايام موضوع بالاخوية اسمه " الفن العاري " :D


* ما هي نظرتك للفن و هل تعتقد انت عندك موهبة ؟؟ اول جزء من السؤال اذا بدي ابدا فيه بيلزمني ساعات وساعات بعكس الجزء الثاني منه " هل عندك موهبة (( فنية )) " اللي جوابه بينحصر ب
" لا ما عندي اية مواهب فنية واضحة بمجال الرسم والتصوير وتوابعهما "
فكون ما عندي اي قدرة او ما عندي اي موهبة فنية ... هاد يمكن يعتبر نقطة سودا عليّ نقطة ما بتخولني احكي كتير عن الفن كشخص ذو خبرة او كشخص من اهل ال " كار "
لكن كشخص ابو طوني كتير عندي اهتمامات بمعنى الاهتمام الكامل بشي اسمه فن او بالأخرى بشي اسمه " لوحات وتماثيل "على وجه الخصوص
كابي بحب الفن كابي بقدر الفن كابي بيستمتع بالوقت اللي عبيقضيه عبتأمل الأعمال الفنية
هاد بالنسبة لشو هوي الفن بالنسبة لكابي
اما شو هوي الفن بنظري ، الشخص الفنان هوي كل شخص قادر على انه يمتّع العالم بالشي اللي عبيعمله بحياته ، هوي كل شخص عنده لمسة الابداع بجسدها على ارض الواقع من خلال شيء ملموس او لوحة مرئية

بنظري كلمة فنان غير محصورة بشخصية الرسام او النحات بذكر بهاد الخصوص شعار لفريق الجلاء منقول فيه لميشو معدنلي " ميشو فنان مدوخ اهل الشام " :lol:
الشي اللي بدي اقوله انه الفن عبارة عن لمسة ، عبارة عن ابداع عبارة عن رقي
والفن بمجال الرسم والتصوير بنظري من اجمل الفنون اللي ممكن الواحد يتأمل فيها ويقدّر جماليتا وتفاصيلا .

* هل تؤمن بالفن العاري له (رسالة) ... كسائر الفنون ؟؟كون الفن العاري بحد ذاته " فن " فهو بالتالي شي راقي بيحمل معاني وافكار رائعة وعميقة وبالتالي رسالته هية نفسا راسلة الفن بدون وجود اي اختلاف بيناتن

اما كونه " كسائر الفنون " انا شخصيا بشوفه يفوق بقية الفنون باشواط بنواحي .. وبنفس الوقت بيتخلف عليها باشواط بنواحي تانية ..
اللي بيتطلع على الافكار المعبر عنها عن طريق الجسد واللي بتم تمثيلها باعمال فنية فيه يعرف انا شو بقصد
كانسان بتابع للفن ، كتير من الاوقات بتحس بمعاناة الفنان او بالاحرى بجهود خارقة باذلها الفنان لمحاولة ايصال فكرة او محاولة تجسيد واقع بالوقت اللي ممكن فيه الجسد بكينونته يعبر عن الفكرة بكل بساطة وعفوية
وموضوع الفن العاري اللي انا عاملة كان هدفه توضيح هي الفكرة واظهار فكرة ان الجسد العاري مش بس اعضاء تناسلية الجسد اكتر بكتير من " الجنس " لكن للاسف دائما منأسقط من الاعمال الفنية اللي بتندرج تحت هاد المجال تفاصيلها الواضحة وافكارها المراد التعبير عنها ومنبحث عن الاعضاء التناسلية وبالتالي منفقد جزء كتير كبير او بالاحرى منفقد كل الهدف اللي من اجله تم خلق الفن العاري .


* تعتقد انه حوى بعض الاعمال غير الجيدة نوعا ما و على اساس تقيّم جودة العمل ؟؟
بالتأكيد حوى اعمال غير جيدة
باحد المقالات اللي انا ناقلها من باب التثقيف بموضوع الفن العاري كانت بتحكي عن شو هوية مفهوم الفن العاري ، كان في جملة معناها كالتالي :

كتير من الاحيان بيصعب على اكبر الفنانين التجرد من العري والاهتمام بالفن

فالفن العاري بحد ذاته كفكرة للتعبير مش سهل انك تستخدمه للتعبير عن فكرتك الا اذا كنت واصل لمراحل كتير متقدمة وكتير متطورة من الاحتراف الفني ، لمرحلة بتخليك تقدر تتجرد من العري وتهتم فيه بمعاني الفن الاساسية
لهيك كفن عاري انا بشوف ما كل واحد بيقدر يقدم اعمال جيدة بهاد المجال

لهيك في مجموعة من الاعمال انا كابو طوني ما كتير بقدرها لأن بحس فيها استهلاك للعري على حساب الفن الشي اللي ممكن يندرج بشكل " فن رديء "

كمان ما بدنا ننسى انه باعتباره فن كبقية الفنون فيه الشي الحلو والمعبر بطرق مميزة وفيه الشي السطحي المعبر عنه بطريقة تقليدية سخيفة
وبالتالي بالتاكيد في كتير اعمال سخيفة ودون المستوى مُقدمة تحت اطار الفن العاري تماما متل بقية الفنون التصويرية اللي بتلاقي فيها اعمال دون المستوى المطلوب .


* تعتقد ممكن في العالم العربي ينقبل هذا الفن كفن له رسالة ؟؟آخ يا ابو سارة .. حطيت ايدك على الجرح
انا شخصيا كتير متشائم من هي النقطة
بعيد عن الفن
الانسان العربي لازمه اعادة تأهيل بكتير من القصص اولها الجسد ومكانة الجسد بيجي بعدا تقديره للفن
برأي الانسان العربي عنده كتير نقص وكتير فراغات بموضوع الجسد بحد ذاته كجسد هي اذا اهملنا فكرة تقدير الفن كفن واعطاء مكانة للفنانين وبكل بساطة بتقدر تلاقي كيف انه اجتماعيا الفنان يعتبر من اسؤا المهن اللي ممكن واحد يزاولها " على قولة اهلي الفن والرياضة شغلتين باوروبا من اعظم المجالات ببلدنا ما بتطعمي خبرة "

فعربيا
لازم بالاول يكون الانسان مؤهل لتقبل الفن ورسالة الفن بشكل عام حتى يقدر يتقبل الفن العاري ورسالته بشكل خلص .

فجوابي : لا عربيا مش قادرين يتقبوا هذا الفن لا كفن ولا كرسالة طالما عبتم ادراج اعماله تحت باب " المواد الجنسية " وادراج رواده تحت باب " قليلين الحيى والفاسقين "
وببعض الدول العربية عبيدرجوا رواده وعظمائه تحت باب الكفرة :pos:

اي اخينا ابو طوني..

تقول ..

كون الفن العاري بحد ذاته " فن " فهو بالتالي شي راقي بيحمل معاني وافكار رائعة وعميقة وبالتالي رسالته هية نفسا راسلة الفن بدون وجود اي اختلاف بيناتن

اما كونه " كسائر الفنون " انا شخصيا بشوفه يفوق بقية الفنون باشواط بنواحي .. وبنفس الوقت بيتخلف عليها باشواط بنواحي تانية ..
اللي بيتطلع على الافكار المعبر عنها عن طريق الجسد واللي بتم تمثيلها باعمال فنية فيه يعرف انا شو بقصد
كانسان بتابع للفن ، كتير من الاوقات بتحس بمعاناة الفنان او بالاحرى بجهود خارقة باذلها الفنان لمحاولة ايصال فكرة او محاولة تجسيد واقع بالوقت اللي ممكن فيه الجسد بكينونته يعبر عن الفكرة بكل بساطة وعفوية
وموضوع الفن العاري اللي انا عاملة كان هدفه توضيح هي الفكرة واظهار فكرة ان الجسد العاري مش بس اعضاء تناسلية الجسد اكتر بكتير من " الجنس " لكن للاسف دائما منأسقط من الاعمال الفنية اللي بتندرج تحت هاد المجال تفاصيلها الواضحة وافكارها المراد التعبير عنها ومنبحث عن الاعضاء التناسلية وبالتالي منفقد جزء كتير كبير او بالاحرى منفقد كل الهدف اللي من اجله تم خلق الفن العاري .



يعني لازم يصير تقييم فني كبير للعمل ... حتى ما يصير التركيز فقط على الاعضاء الداخلية ...

تقصد لازم يكون التركيز على الجسد ككل ... على القطعة الفنية بشكل عام ... لو ممكن نشوف جوانب خفية بالعمل ؟؟


تعتقد السحر بهذا الفن ... التفصايل الدقيقة لكل شي ؟؟



ممكن تشوفو معبر اكثر من الفن السوريالي ؟؟

يعني لازم يصير تقييم فني كبير للعمل ... حتى ما يصير التركيز فقط على الاعضاء الداخلية ...


تقصد لازم يكون التركيز على الجسد ككل ... على القطعة الفنية بشكل عام ... لو ممكن نشوف جوانب خفية بالعمل ؟؟
مش بس القصة بالعمل الفني هاد
القاعدة بكل عمل انك تحاول تشوف العمل باي نقطة عبيلمسيك وبجهة تانية تحاول تعرف شو الهدف من العمل وشو بريد الفنان اللي انشأ العمل يوصّل لك رسالة عن طريق العمل .
وانا شخصيا بشوف القصة ما بدها رموز ومعادلات القصة عبارة عن شعور او احساس او فكرة بحاول فيها الفنان يتواصل معك عن طريق العمل ويقدم لك الشي اللي هوي عبيشعر فيه .. لهيك في فنانين باطلقوا عليهم صفة " الاحساس الصادق " لان كلما كان فكرته قوية وكلما كانت مشاعرة قوية بتتبلور وبتتجسد بالعمل اللي بقدم لك اياه بالنهاية .
تعتقد السحر بهذا الفن ... التفصايل الدقيقة لكل شي ؟؟ السحر بيكمن بعدة نقط
اولها التفاصيل الدقيقة جدا لأي انثناء او اي ظل او اي تجعيد في الجسد ممكن يعطيك لمحة عامة عن جمالية العمل وعن قدرة عن ايصال الفكرة
اكتر الاعمال اللي بتتارسخ بالذهن هوي العمل اللي قدمه اللامنتمي اللي بحب استغل الفرصة واتشكره على الدعم الكتير كبير للموضوع ... شخصيا حبيت اكتر شي بالموضوع مشاركاته حتى وقت كان عبيكتب بالموضوع انا وقفت عن الكتابة فيه املا انه يستمر بالكتابة لأن جدا استمتعت بالمشاركات اللي قدمها بالموضوع
المهم
فينك تشوف هاد العمل " كمثال عن الجزئيات في التفاصيل البسيطة والمذهلة بنفس الوقت "



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فينك تلاحظ الجزئية الصغيرة اللي انا كتير اعجبت فيها ولازات سبب اعجابي الكبير بالمنحوتة " بغض النظر عن الفكرة اللي بتمثلها واللي هية عبارة عن اسطورة وبعتقد معروف ميل ابو طوني للاساطير وعشقه الها لكن بغض النظر عن الفكرة الاسطورية مصدر اعجابي باللوحة بيتمثل بالتلامس اللي صاير بين اليد والفخد بيعطيك طابع الحياة الحالية .. بتحس التمثال عبيحكي معك بتحسه عبينبض بالحياة ... من مجرد صورة عبينتقل النا كل هاي المشاعر .. فكيف اذا شفته بشكل مباشر .. بعتقد بدي اتبسمر بأرضي لساعات .

واذا بدي احكيك بصورة اكبر شوي واطلع من الجزئيات واخصص بالحكي الصورة المنقولة بشكل عام
بعتقد بدي جيب لك الموضوع كاملا كشاهد او كمثال للفكرة اللي بدي وصلا
لأن بالاخير كل عمل او كل انجاز فني هوي عبارة عن عمل متكامل بجزيئاته الملتحمة مع بعضا لتشكيل الصورة النهائية اللي بكون الفنان مسبقا اعدا حتى يستقبلها الانسان الواقف قدام العمل المنجز .

ممكن تشوفو معبر اكثر من الفن السورياليشخصيا ما كتير بحب فكرة السوريالي كتير لأن ما بحب القصص المعقدة بهدف " التعقيد "
تمثيل فكرة بمثال او برمز كتير شي رائع
لكن محاولة تسخير الفكرة والتلاعب فيها فقط لمجرد محاولة التعبير عنها برمز ما كتير شخصيا بستهضم المحاولات المشابهة

لهيك فيني قول لك : نعم بشوفو اكتر قدرة على التعبير كونه بتم فيه تسخير الجسد للتعبير عن الفكرة وليس تسخير الفكرة لاستخدام الجسد فالجسد بالفن العاري هوي مين بيخدم الفكرة " باعتباره رمز من الرموز " مع انه فيني بكتير من الاحيان نأدرج الفن العاري كاحد اصناف او كاحد امتدادات الفن السوريالي لكن بيبقى في اله طابعه الخاص الطابع النادر اللي بيتميز فيه كفن مستقل ومييز ومعبر بنفس الوقت .

اي ابو طوني .. شوي متابعتي كانت مو منتظمة !


اريد منك نجيب عمل آخر غير هذا التمثال يكون قييرب الى نفسك .. و تحكيلنا عنو فنيا .. و عمل آخر تعتبرو فيه نوع من الرخص .. اذا في مجال


و رح نتناقش على اساس ختيارك و شرحك ...

اي ابو طوني .. شوي متابعتي كانت مو منتظمة !لا لا منتظمة بس كنا عمنتحركشك يا زلمة :sly: ليش هيك صاير عصبي :lol:

اريد منك نجيب عمل آخر غير هذا التمثال يكون قييرب الى نفسك .. و تحكيلنا عنو فنيا ..من ناحية العمل اللي انا بحبه هوي لوحة لمايكل آنجلو بكنيسة سيستيان Sistine واللي على فكرة من بعدا انزلق عربيا لقب " الكافر " بمايكل آنجلو كونه صوّر الذات الإلهية عن طريق لوحة :lol:

اللوحة عنوانها خلق آدام The Creation of Adam

تحكيلنا عنو فنيا
فنيا
ما بعتقد من حقي احلل عمل عظيم متل هاد لأن مؤهلات وثقافتي الفنية ما بتخولني قدم لك تقرير او تحليل لاي عمل فكيف اذا كان لاحد اعظم الفنانين بالتاريخ :lol:

بس بقدر احكي لك على الشي اللي بحسه وقت بتأمل باللوحة لفترة طويلة
بالنهاية بتنسى فكرة التعري كعري للجسد وبتبدا بتهتم بالتفاصيل اللي بتحس انه مايكل عبحاول يوجهك الها متل التفاصيل بين الايادي اللي بسحها من اهم التفاصيل باللوحة كونا مذكورة بالمنتصف بهدف الاشارة اليها وبالتحديد الجزئية هي
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)



شخصيا كتير بشدني هاد المقطع من اللوحة وكتير بيعني لي على المستوى الشخصي ويمكن تستغرب اذا قلت لك .. بس صدقا .. بشعر بالتفائل وقت براقب هي الجزئية ... على المستوى الشخصي بحس هاد المفهوم بالعلاقة بين الله والانسان التلامس الغير حسي الغير مباشر او الغير متكامل بيعطيني طمأنينة بلحظة من اللحظات انه في شخص مادد لي ايده وعبينتظرني اقرب منه اكتر شوي ..

يمكن تستغرب انه شو الفكرة من التعري مادام التركيز على جزئية خارج نطاق الجسد العاري
انا هاد اللي بدي اوصله
الفن العاري او ال Nudity art بشكل خاص ما بيعتمد على الجسد العاري بشكل جسد عاري متل ما هوي انما بيستعين فيه بشكل عفوي للتعبير ولايصال الفكرة .


واكبر مثال على الاستعانة بالجسد للتعبير عن المفاهيم الصعبة واللي سبق قلته انه الفن العاري ممكن يستسهل العملية بالوقت للي فيه بتكون عملية شبه مستحيلة بالنسبة لبقية المجالات هوي العمل
التالي والي عنوانه tomb of Giuliano de' Medici واللي هوي عبارة عن قبر " متل ما هوي واضح من اسمه "

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



وبالتحديد القسم اليساري منه اللي اسمه Night واللي فيه بحسب تقديري الشخصي قدر مايكل يقدم فيه اكتر ما يمكن عمل فعلي وملموس لليل وتفاصيله .. بتقدر تشوف بعيد عن الجسد في كتير من التفاصيل المهمة متل البومة تحت الرجل او القناع تحت اليد
بالنهاية الجسد العاري كان اطار قدم فيه مايكل فكرة كتير مميزة وصعب بالشكل العادي تقدر تعبر او تقدر توصف " الليل " بلوحة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////





و عمل آخر تعتبرو فيه نوع من الرخص .. اذا في مجال


و رح نتناقش على اساس ختيارك و شرحك ...


القصة بترجع نسبية
شخصيا ما كتير بحبز التصوير الفوتوغرافي بالموضوع هاد وبعتبره محدود بشكل طبيعي
يعني التصوير العاري كتصوير فوتوغرافي محاط بتسمية الصور الجنسية لهيك الشي المبدع من التصوير هوي اللي بيقدر يخرج من خارج النطاق الجنسي اللي هوي بنظري محدود فيه بشكل مسبق وطبيعي كون صعب المصور يقدر يعطي التلاميح والتركيز على الجزئيات المهمة بالعمل بعكس الرسام او النحات اللي ممكن يخلق التفاصيل اللي بريد يأظرها
مع هاد الشي مش حابب جيب لك صورة " فوتوغراق " كمثال لان الراي السابق راي شخصي يمكن كتير من العالم يخالفوني عليه

شخصيا :
بصنف الاعمال اللي بتحاول ترسم جسد الانثى او الرجل بطريقة شهوانية او بطريقة تهدف لاثارة مجموعة من المشاعر .. بصنف النوع السابق بالفن الرخيص او الفن الردئ

مثال عن هاد الحكي الصورة التالية

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// s440E6svSfuwYl2mY2HotkFosdNWOyAAl4Hw/item

بشكل شخصي
ما حسيت في تفاصيل مهمة او في تفاصيل عظيمة او هادفة يراد الاشار اليها باستثناء الجسد اللي تٌمّد تصويره بشكل شهواني وبالتالي بوجهة نظري العمل السابق عمل " رخيص " لأن ما قدر يخرج خارج اطار الجسد وشهوانيته .

صراحة ..

فعلا الأعمال اللي انت جايبها مثيرة للاهتمام ... و كثير سعدت بهذا الحوار الهادئ اللي قلما نشوفو بمواضيع ساخنة ..


كان بودي نتبحر أكثر عن الموضوع .... بس وقت البرنامج ما يسمحلنا :lol: و المشاهدين يريدوا فقرة جديدة !!!



اعزائنا .... بعد الفاصل .... رح نبدي فقرة موسيقية بامتياز :lol:

صراحة ..

فعلا الأعمال اللي انت جايبها مثيرة للاهتمام ... و كثير سعدت بهذا الحوار الهادئ اللي قلما نشوفو بمواضيع ساخنة ..


كان بودي نتبحر أكثر عن الموضوع .... بس وقت البرنامج ما يسمحلنا :lol: و المشاهدين يريدوا فقرة جديدة !!!

شخصيا من زمان كنت منتظر فرصة مواتية حتى احكي فيها عن الموضوع هاد
وللاسف متل ما قلت لك كتير من الاوقات انفتح الموضوع لكن ولا مرة كان الموضوع بهدف " النقاش "
لهيك بحب اتشكرك كتير كتير كتير لأنك خلقت لي فرصة اقدر فيها احكي عن شي بقلبي من زمان وحابب احكيه
بتشكرك بو سارة :D




اعزائنا .... بعد الفاصل .... رح نبدي فقرة موسيقية بامتياز :lol:

وانا بانتظار شوف شو محضرين لي فقرات جديدة :oops:

غابي العزيز برنامجنا قرر يهديك احد الكتب الخمسة اللي رح قدمون الك

الثلج يأتي من النافذة حنا مينا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

كوشة لزكريا تامر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


دعاء الكروان لطه حسين (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أشهد عكس الريح لغادة السمان (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مجوعة قصص قصيرة لنجيب محفوظ (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)



وكمان حبينا نهديك واحد ومن5 البومات موسيقية هني


مزاج لاميمة خليل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مداعبة لمارسيل خليفة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

قطار الشرق لريما خشيش (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

امراة خطيرة شربل روحانا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أعمال لعازار حبيب (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مع الشكر للي رفعوا الاعمال

بدي منك تخبرني شو اللي بيعنيك باللي اخترتون

غابي العزيز برنامجنا قرر يهديك احد الكتب الخمسة اللي رح قدمون الك في متل بقول لك " اذا بدك تحيره .. خيره "
انا هاد اللي صار فيني احترت بالغنية واحترت بالكتاب وبنفس الوقت اكتأبت لأن حسيت حالي صار لي زمان مش قريان رواية بمعنى الرواية .. :cry: لهيك صار معي اكتئاب باختيار الكتاب وعملية الاختيار كانت بناء على التعريف اللي تم وضعه من قبل الشخص اللي حط الكتاب .. فيمكن تكون صورة غير صحيحة كوني مش قريان ولا واحد من هدول الكتب :jakoush:

بس هاد اللي طلع معي :
الثلج يأتي من النافذة حنا مينا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
مع كل عظمة حنا مينا / الا انه فكرة الوصف بحد ذاتها ما كتير بتستهويني يعني كلما بقرا كتاب لحنا مينا بعمل لي رقدة بين كل صفحة والتانية :lol: لهيك ما بدي اختار حنا مينا ولشغلة تانية :
مع انه كموضوع كتير مهتم بالافكار اللي اتطرق الها فيه

كمشكلة الهروب من ساحة المواجهة والنضال في المنفى بعيدا عن الوطن ، الغربة والانتماء ، علاقة المثقف بالعامل البسيط ، قضية المرأة والموقف منها ، الصراعات الطبقية أبعادها وأعماقها. طبعا اذا استثنينا فكرة " الغربة " لاني مش عايش هاي التجربة فبحسها بعيدة عني هي النقطة بالتحديد .


كوشة لزكريا تامر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
( عباد الله - النمور في اليوم العاشر - رندا - الملك: " الخطر -السجون الخاوية - حين يسكر الفقراء - الانتصار "
أسبوع طويل ممل :" العالم ضالة المؤمن - تفرجوا على آخر موضة - هدايا شعبية لأميركا - الأعمى مبصراً - الصحافة المنقرضة " ) كتير شدتني افكاره وكتير شدتني المحاور اللي بيتناولها لهيك اخترته كاهداء :lol:

دعاء الكروان لطه حسين (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أشهد عكس الريح لغادة السمان (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مجوعة قصص قصيرة لنجيب محفوظ (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

الاعمال السابقة مش قريانها وبنفس الوقت ما شفت اي شرح عليها لهيك ما فيني قر باذا كانت بتستهويني او لا
الشي اللي خلاني احصر خياراتي بين اول كتابين واختياري لكتاب كوشة



مزاج لاميمة خليل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مداعبة لمارسيل خليفة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

قطار الشرق لريما خشيش (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

امراة خطيرة شربل روحانا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أعمال لعازار حبيب (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)بالأول كنت محتار بين مزاج وبين خطيرة لان الالبومين كتير بيعحبوني مع افضلية لمزاح لأن فيه غنية (( لشو التغيير )) كتير كتير بحبا وكتير بتعني لي وكتير بحب اسمعا خصوصا الجزء الأخير تبع " ان شاء الله التغيير "
لكن
مع وجود عازار حبيب ما بعتقد في عندي خيارات لأن عازار بعشق اغانية وعلى قولة المتل " شاف حبابه .. نسي صحابه " فاكيد بدي اختار عازار حبيب

عازار حبيب من الفنانين اللي انظلموا فنيا بتشوف هيك؟

عازار حبيب من الفنانين اللي انظلموا فنيا بتشوف هيك؟
كلمة ظلم بتجي خفيفة الوطئ للشي اللي صار اله
بيكفي انه توقى وما صار اله اي حدث وما اخد اي ضجة اعلاميا
بحسب نظرتي
الاعلام والفضائيات بتحب تقدم للمشاهد الشي اللي المشاهد بحب يشوفه
وبتحب تنقل له الخبر اللي بحب يسمعه

على نطاق الشعب
للاسف الشديد خبر نفخ صدر هيفا وهبي بياخد اهمية اكتر بكتير من خبر وفاة شخص عملاق وعظيم متل عازار حبيب .. برجع بكرر للأسف الشديد ..

فجوابي نعم عازار حبيب من العمالقة اللي ما اخدت حقها لا من ناحية الشعب كانتشار اغاني ولا من ناحية الاعلام كدعاية وترويج ...فقط لأنه غير مطابق للمواصفات اللي بيطلبها الشعب العربي ... وانت ادرى بالمواصفات :lol:

يا رايح عضيغتنا

عاجبين الليل

شو قولك فينا نرجع

وغيرون كتير من روائع عازار حبيب
غابي شو بيعبجك اكتر شي باعمال عازار ؟
واليوم لو قلتلك ابعت رسالة لعازار شو بتقله ؟

ع جبين الليل
بقلم : شكران مرتجى
قد يقولون أن الفنان عازار حبيب ذلك الفنان الحساس الرقيق الدافئ أخضر العينين مات بسكتة قلبية او جلطة ولكنني أعلم أنه مات قهراً وحزناً على الماضي الجميل وهذا الزمن.......
الذي أصبح كل من قال آه بالحمّام مطرباً
عرفته في لقاء في برنامجي الإذاعي star fm على سورية الغد .
وكان يشبه أغانيه رقيق قريب دافئ ساحر يومها تكلم وغنى وبكى نعم بكى وأبكى كل الأستديو عندما اتصل شاب عمره 15 عام وقال له بأنه يسمعه كل يوم وباح عازار بأنه يلهث وراء شركات الإنتاج ليقدم cd قبل أن يموت .
ومات عازار ومات قبله حلمه.
أنا من عشاق عازار كالكثيرين من أبناء جيلي عندما أسمع أغانيه أسافر الى عالم جميل ملون مليء بالجمال والحب والصدق والدفء.
بس اليوم اللي كان يسفرني صحاني على عالم رمادي بلا طعم أو لون.
آخر مرة شفت عازار برمضان بالأردن وكان عم يغني بخيمة رمضانية.. نعم خيمة وكان يقطع أميال وهو صابر وراضي......
وفي أحد الليالي أثناء ذهابه للعمل تهجم عليه أحدهم بحجة أنه كسر عليه بالسياره وضربه اتوجع عازار بس مو من الضرب من الأسى لأنو هالجاهل ماعرفه ماعرف إنو واقف جنب فنان كبير عشاقه ملايين.
شفت بعيونه الوجع وتخيلوا قال الله يسامحوا.
كنت عم انتظر 28/12 لقله عقبال مليون سنة عطاء وفن جميل وتخلينا نحلم بس.......قدر الله وماشاء فعل .
ستبقى معنا عازار بأغانيك وفنك وتعازيي الحاره لزوجتك وصديقك إلياس ناصر ولكل عشاقك وأنا منهم

شكران مرتجى

غابي شو بيعبجك اكتر شي باعمال عازار ؟
في شي بشدني بصوته .. اعماله بالنسبة الي مستوى مغاير لبقية الاعمال اللي بين ايدينا
حنية صوته لحالها كافية اني حب اغانيه .. معاني الكلمات اللي عبغنيها والرقي اللي فيها لحالة اني وقف احترام اله ... اغانيه عبارة عن اعمال متكاملة .. يمكن صوته مش احلى صوت بالبشرية .. بس مع الكلمات واللحان اللي اختارها ... واحساسه اللي ضافه للكلمات والموسيقى .. بتخليني اعشق شخص اسمه " عازار حبيب "


واليوم لو قلتلك ابعت رسالة لعازار شو بتقله ؟

لو بدي ابعت رسالة شو بدي قول له ...
ما كتير بحب اكتر حكي " على غير عادة طبعا "

بتشكرك من كل قلبي على كل شي قدمته .. على كل كلمة غنيتها ... على كل سطر سمعته بصوتك.. على كل لحظة عيشتني ياها ... بتشكرك على كل شي :D

غابي
عازار متل ما قلت من الفنانين اللي اتظلموا وجيل هيديك الفترة تعرض لظلم كبير
بيكفي كيف ورد خبر وفاته مقارنة بخبر حادث هيفا

اللي بدي ياه منك هلق هوي انك تختار من اعمال عازار 5 اغاني بتحسون انو هودي هني يللي وقت بسمعون بصير بدني تانية

غابي
عازار متل ما قلت من الفنانين اللي اتظلموا وجيل هيديك الفترة تعرض لظلم كبير
بيكفي كيف ورد خبر وفاته مقارنة بخبر حادث هيفا

اللي بدي ياه منك هلق هوي انك تختار من اعمال عازار 5 اغاني بتحسون انو هودي هني يللي وقت بسمعون بصير بدني تانية

في غنية لعازار ودليدا رحمة " من مين بدي اسرقك " كتير بحبا لكن ما بدي حطها بين الخمسة اللي بدي اختارن

ترتيب الاغاني بحسب محبتي الها
1- كل اللي صاير
2- ضيعتنا
3- عجبين الليل
4- حكواتي
5- عبلملم حناني

بس قللتن شوي :cry:
في لسع كتير اغاني .. احلى السيدات .. دولابك ..... من اي ملاك

يعني كنت بحبحهم شوي 5 شو بدا تكفي لتكفي :sick:

غابي خلصت فقرة الموسيقى بعد البريك فقرة مساحة حرة
مع زيد

معكم انا على الخط ومنتظر تفاصيل الفقرة التالية :D

كابي .. . هي المساحة حرة الك ...

ممكن تكتب او تعلّق على موضوع معين ........

ممكن ترفق صورة او لوحة او أغنية تأثر فبك



يعني الك كامل الحرية .......






















المساحة الك

حج غابي
الضيف اللي وراك عم يستنى

غابي بعد ما تكتبمساحتك بدي منك تكتب الوصية اللي هون

انا العضو .................. انتسبت لاخوية في ..................... وعدد مشاركاتي حتى اللحظة هو ......................

أوصي والدي ب.......................
أوصي والدتي ب....................
أوصي أشقائي ب..................
أوصي مدرسي في المدرسة الابتدائية ب.......................
أوصي رفاق الدراسة ب..............................
أوصي اساتذتي ب............................
أوصي اقرب اصدقائي ب......................
اوصي مشرفي الاخوية ب.......................
اوصي الحكيم حسام ب.........................
اوصي ساندرا ب...........................
اوصي احمد ب........................
اوصي هاني داغر ب....................
اوصي اللامنتمي ب....................
اوصي السيد محافظ حلب ب.................
اوصي السيد محمد ناجي العطري رئيس الوزراء في الحكومة السورية ب...................
اوصي الوزير ..................... ب....................
اوصي فخامة الدكتور بشار الاسد رئيس الجمهورية العربية السورية ب.........................
اوصي السيد عمرو موسى الامين العام لجامعة الدول العربية ب...........................
اوصي ان يصلى علي ( وفق العقيدة الدينية في ..............................
اوصي ان ادفن في ........................
اوصي ان احتفظ في قبري ب............................
اوصي ان لا يحضر جنازتي العضو .............................
اوصي بالتبرع بكل مال املكه الى .............................
اوصي بالتبرع بكل الكتب التي املك الى ......................
اعتذر الى الاشخاص ................................................. لاني وجهت اساءة لهم يوما ما
اتقدم بكل الشكر في حياتي الى..............................
اوصي ان يتابع تنفيذ وصيتي بعد موتي ...........................
اعترف لمقدمي البرنامج زيد وطارق بشئ لم اقله من قبل وهو ...............................

صار لي بوم كامل ما عبعرف شو بدي اكتب وعبعاني بمعرفة على شو بدي اكتب
فكرة انك تحكي " بحرية " فعلا فكرة جديدة علي :lol:

بالبداية فكرت انه شو ممكن يكون الشي اللي بحب قوله
تخيلت حالي واقف قدام عالم وبدي احكي او القي فيهم محاضرة او شي موعظة
شو حيكون الموضع ؟!
في شي موضوع بباللي احكي عنه ؟!

بالأول حسيت انه مافي شي بدي احكيه
بس بعد سهرة حسيت انه في عندي حكي كتير
حكي باكتر من نقطة ... باكتر من محور بأكتر من مجال

ما عبعرف من فين بدي ابدا وكيف بدي اعرض المشكلة او شو هية المشكلة اللي بدي احكي فيها بس اللي بعرفه انه هلق عبدور بارسي اكتر من نقطة .. او اكتر من صورة .. صورة انسان هلق قاعد ورا الكومبيوتر ... كان قبل نص ساعة على وشك يعلق مع نص البشرية كونه ماشي بالطريق وعبياكل بشهر بقوم فيه احدى الاديان بطقوس معنية متعلقة بالصيام
او حتى بالوضع العادي ببقية السنة ليش كلما بتعرف على شخص اول سؤال بيسالني ياه " مسيحي انت شي ؟! "

ليش ما يكون بلدي علماني .. ليش ما يكون بلدي ماشي فعليا على " الدين لله والوطن للجميع "
امتى حنفهم هي النقطة ؟!

رجعت شوي لنفس التمشاية اللي كنت فيها مع البنت اللي بحبا وتذكرت وقت كنت ماشي بالطريق وكان بدي اعلق مع 3 شباب نشح قاعدين على الرصيف
ليش ما كل العالم تهتم بذاتا بس ! ؟! ليش حتى يتم التحرش بعالم ماشين بالطريق ما تعرضوا لك او ما اساؤا اليك " الا اذا اعتبرت المشي بالطريق عيب او اهانة " لي شحتى يتم النظر لانثى على انها عورة يجب سترا وكلما واحد مشي مع بنت بعاني من المجتمع التخلف اللي بياكل البنت اكل بعيونه وفي حال سنحت له الفرصة بمد ايدا " عبحاول يغمس باصابيه الأكل ... "

ليش بئتي بتعاني من كافة اشكال التلوث " بيئي .. سمعي بصري ... صوتي ... "
ليش صايرة الهجرة حلم واللي بلحق حاله بالسفر بقولوا له حلال على ربك " نفدت بريشك "
ليش وليش وليش ... ومافي ولا جواب وبعتقد ما بدي شوف جواب

الشي اللوحيد اللي انا بعرفه واللي انا متأكد منه اني بحب الاخوية
بعدني بنفس النقطة وما انتقلت لمحور تاني
انا كتير بحب الأخوية لأنها بتأمن لي مجتمع متعدد الابعاد بيحمل نماذج مختلفة ومتنوعة ممكن اقدر اطلع على آرائها واعرف وجهة نظرها ... بالوقت اللي فيه على ارض الواقع شبه مستحيل تعمل متل هيك " شلة حوار " الأخوية بتقدم لك شلة متجددة ومن كافة الالوان والاطياف
سبب حبي للأخوية هوي انها المنبر " مش بس قسم المنبر " اللي بقدر فيه احكي مع قاعدة شعبية متنوعة الامتدادات والانتماءات

بعد تمعني يعني اكتشفت انه كل شي ببال كابي كانسان من افكار وقيم ومن وجهات نظر جميع الاشيا السابقة مدونة بالأخوية ومعبر عن رأي فيها ... بالأخير بالنسبة الي الأخوية هية الزاوية او السماحة الحرة اللي ممكن اكتب فيها .. او بالأحرى عبكتب فيها ... ومش بس القسم الصغير اللي انت يا بو سارة حددت لي ياه فاذا بدك تسمع راي الكامل بكافة الصور .. الأغاني .. المواضيع .. المقالات .. في عندك 3900 مشاركة بتقدر تاخدن وتلحشهم بالزاوية اللي انت حددت لي ياها :D

بانتظار الفقرة الاخيرة

حج غابي
الضيف اللي وراك عم يستنىشبنا طارق طول لي بالك ما عبشتري خبز انا :yahoo:
غابي بعد ما تكتبمساحتك بدي منك تكتب الوصية اللي هون وصلنا على الوصية :sick:


انا العضو Abu ToNi المدعو سابقا ب gabriel انتسبت لاخوية في 30/03/2006 وعدد مشاركاتي حتى اللحظة هو 3900 مشاركة

أوصي والدي بيدير باله على حاله ويخفف من السيكارة
أوصي والدتي ب اتطول بالها علي وكلمة حلوة من فترة والتانية بترفع كتير من معنويات ولادك
أوصي أشقائي ب ينبسطوا بحياتون ويعشوا احلى ايام عمرن وما يسألوا لا على العالم ولا على شي طالما هنن مبسوطين .. وانا عندي قناعة انهم عبيتخذوا القرارات الصحيحة ... فبوصيهم يمشوا بطريقون ويحققوا كل احلامن ويرفعوا لنا راس العيلة متل ما تعودنا يعملوا
أوصي مدرّستي في المدرسة الابتدائية ب انهم يفتخروا فيني ويرفعوا راسن فيني بعد مماتي متل ما انا بفتخر فين وبرفع راسي وقت بيمرق اسمن وبقول بكل فخر " كانت مدرستي بالابتدائي "
أوصي رفاق الدراسة ب يحاولوا يخترعوا آلة الزمن ... ويشدوا على حالن بالدراسة .. ويفكروا اكتر بمستقبلن لان وضعن الحالي مبهدل ومن عندي بالسما :o شايف كل واحد عبعضعض على اصابيعه من الندم .. ما صار شي .. ارجعوا للدرس ورجعوا تعلموا لغات وعلوم والحياة طويلة قدامكم .. مافي احلى من العلم .. حاولوا تتمسكوا فيه وما ترجعوا تغلطوا نفس اغلاطكم ..
أوصي اساتذتي ب الله يخليكم .. الله يخليكم لا تقولوا عني كنت مشاغب وتسبوني بعترف اني كنت مشاغب كتير وبعتذر من كل استاذ زعجته بالثانوي والاعدادي.. حتى لو علقت معكم .. حتى لو قللت ادب معكم باحدى المواقف ... بس هداك كابي ابن الاعدادي والثانوي اللي كان عبيحكي .. كابي الحالي هوي انسان بيحترم كل شخص علمه معلومة .. كل شخص حببه بعلم من العلوم ... بتمنى تشوفيني متل ما انا مو متل ما كنت :sick: وبعرف هلق انا بدنية الحق وراح الوقت علي .. رجعوا لصفحات الاخوية وعرفوا مين انا او اسالوا اقرب مركز سيرتيل عني :p
أوصي اقرب اصدقائي ب متأخر يا حبيب حضرتي متت وبعدك ما بيّنت ؟! يا ريتني التقيت فيك بحياتي ..
اوصي مشرفي الاخوية ب يحافظوا على اخويتنا لانها مش مجرد موقغ .. الأخوية من زمان طلعت من لقب موقع وصارت مجتمع ... وهاد المجتمع امانة برقبتكم ... خليكم متل ماني شايفكم .. قد الحمل
اوصي الحكيم حسام ب اهلين دكتور حسام خيو بعد ما تحللنا مشكلة المرفقات بطلب منك تعدل لي توقيعي وتعمل لي ياه .. شايفك بس عايفك .. اخيرتك جاي لعندي ...
اوصي ساندرا ب ام السوس لا تزعلي ولا تعصبي اهلك انا متأكد انهم مشتاقين لك وكتير بحبوكي وكتير فخورين فيكي " بتوقع بنت متلك متعلمة وفهمانة ومثقفة يكونوا اهلا فخورين فيها " يمكن اوقات منعصب ومنتدايق بس بالأخير الحياة بتمضى وبكرا بيتغير كل شي وبتتحسري على الايام اللي قضيتيها وانتي متدايقة ... الزعل بروح وبيجي اهم شي الصحة .. بتمنى تبقي متل ما انتي .. ام السوس اللي حبيناها ..:D
اوصي احمد ب تكمل للشباب الطيبة السكروعشرين موضوع اللي تاركن بنص الطريق وواعدهن انك تكلمن وما تنسى السهرات اللي قضيناها مع بعض .. وتحسن من جريدة الأخوية اكتر من هيك .. وتبعت لي نسخة شهرية تحطا على قبري كل 7 بالشهر ..وتبمنع كل موضوع بينزل بالصالون بيحمل خبر وفاتي ...
اوصي هاني داغر ب تبقى متل ما انت هاني داغر اللي بعرفه واللي بعزه وبحبه كتير كتير وتبقى مخلص للانجل تبعك وتخفف ثقة بالعالم .. لأن العالم ما بيستاهلوا كل ثقتك .. ممكن كتير تاكل خوازيق من الضهر من عالم انت مؤمن انهم واقفين لحمياتك ... والله يحيمك هاني ..
اوصي اللامنتمي ب الاستمرار بالنهج اللي هوي ماشي فيه من ناحية التفكير من ناحية التعبير ... بتشكرك على كل موضوع خليتني اقراه بتمعن واستمتاع .. لا تقطع العالم من كتاباتك .. كتاباتك اثر ومعلم هام من معالم اخويتنا الحديثة ... وفي حال ما قدرت شوفك وقت بدك تنزل لحلب " كون الوصية عبتتحقق " بتمنى تقعد انت وصديقنا تذكروني بالخير وتشربوا كاسي بفرح .. اذا بكون بمطعم العندليب بكون الوضع مستحسن اكتر :lol:
اوصي السيد محافظ حلب ب كل فترة والتانية تعمل لك نزلة على البلد وشوف وضع الشحادين اللي فيها .. وحاول شوي تعمل مشاريع لخدمة حلب .. لأن حلب كتير عزيزة على قلبي وما بهون علي شوفها على وضعها الحالي ... الله يخليك دير بالك على حلب ..
اوصي السيد محمد ناجي العطري رئيس الوزراء في الحكومة السورية ب دير بالك على شباب البلد .. وسماع صوت الشبيبة .. كتير من الاوقات بكون الصوت همجي والكل بيحكي مع بعضه .. بس اذا انصتت منيح بدك تسمع آرائنا اللي مبنية على اساس الارتقاء ببلدنا ... بسوريتنا

اوصي وزير الكهربا " مش حفظان اسمه " ب خيو ابوس ايدك ريحنا من قصة قطع الكهربا .. لك اذا بدك مستعد اصمم لك دارات تبريد لمحطات التوليد .. لك مستعد اعمل من حلدي بعد موتي قشاط لعنفة بخارية لتوليد الكهربا بس حللنا القصة وخلينا نشوف الضو بحياتنا على امل نعرف نشوف طريقنا ونعرف الله وين حاطتنا


اوصي فخامة الدكتور بشار الاسد رئيس الجمهورية العربية السورية ب كل السوريين بيحبو بلدون حتى وان اختلفت الطرق... بس بالنهاية لازم كلنا نشارك بصناعة مستقبل سوريا حط ايدك بايد العالم اللي مادين ايدن وقول يا الله ... ورجعلنا سوريا للمكان اللي لازم تكون فيه ... :D
اوصي السيد عمرو موسى الامين العام لجامعة الدول العربية ب دير بالك لا يصير بجامعتك متل ما عملوا بجامعة المأمون :o
اوصي ان يصلى علي ( وفق العقيدة الدينية في كنيسة مارجرجس .. اللي ترعرعت فيها من صغري .. واذا قدرتوا تأمنوا أبونا سامي حلاق للصلاة على روحي بكون ممنون .. لأن صوته لذيذ على الدان ووعظاته مابها شي ظريفة يعني :larg:
اوصي ان ادفن في مقبرة العائلة بين جدي ووالدي اذا مافي بالقصة سئلة
شنو والدي اكتر شخص بيعجبني .. وجدي هوي الانسان الوحيد اللي انا حامل له اسمه وبنفس الوقت الشخص الوحيد اللي ما بعرفه وبنفسي اتعرفه عليه ..
اوصي ان احتفظ في قبري ب(( ما فهمت شو المقصدو بالضبط ))
اوصي ان لا يحضر جنازتي العضو ابو ويلم شنو بتدايق من ريحة الدخان كتير :p
اوصي بالتبرع بكل مال املكه الى الشبيبة الطالبة المسحية بحلب JEC
اوصي بالتبرع بكل الكتب التي املك الى المكتبة الروحية بحلب كوني استفدت منها كتير وحابب فيها بالشي القليل اللي عندي
اعتذر الى الاشخاص المحارب العتيف ... التقرير الجوال ... ماغنوم ... شيماء ... اتار " مو من كل قلبي ها " لاني وجهت اساءة لهم يوما ما
اتقدم بكل الشكر في حياتي الى الاشخاص اللي وقفوا جنبي باصعب المواقف واللي بدونهم ما كنت انا هون .. اللي قعدوا جنبي بالبكلوريا .. سهروا عليّ مشان نام مروّق وفيق مروّق .. اي الشخص اللي بيعرفني اكتر مما بعرف حالي .. اللي بعرفه اكتر مما بعرف حالي ... الي صديقتي الوحيدة ...
اوصي ان يتابع تنفيذ وصيتي بعد موتي ساندرا ... ما بدي اقول ليش ... سر بيني وبينها ;)
اعترف لمقدمي البرنامج زيد وطارق بشئ لم اقله من قبل وهو اني كتير احترت بفقرة المساحة الحرة واستعنت ببعض المواضيع السابقة حتى اقدر جاوب على هال سؤال :oops:

بانتظار الفقرة الاخيرة
يا الله يا الله هانت خيو .. اول مفرق عليسار زكاتك من بعد اذن شواربك :larg:

غابي اب طوني ولو انو اجوبتك بالتقسيط كانت
بس من زيد ومني بدنا نشكرك من كل قلبنا انك كنت معنا
بنتمنالك التوفيق
بدي اشكر كل اللي تابعونا
والفت النظر انو اسئلة الاعضاء الليي وصلتنا عم تتحضر لتكون بالحلقة الاخيرة

اذا فيني سميه متمرد الاخوية فهوي وائل اخيلوس ضيفنا بكرا
انطرونا

ما حبيتا هي تبع التقسيط :jakoush:

انا كتير كنت مبسوط اني شاركت معكم بالحلقة هي
وبحب اتشكرك انت .. طارق .. او نيشان الأخوية متل ما بتحب ننده لك :lol:
ولصديقي بو سارة
على الحوار الممتمع اللي دخلتوا فيه معي ... بتشكركم كتير يعطيكم الف الف الف عافية :D

اهلا وسهلا ونورت الغرفة عمي وائل ضيف السهرة الثانية
مني ومن زيد بدنا نضيفك وردة اهلا وسهلا
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اهلا وسهلا ونورت الغرفة عمي وائل ضيف السهرة الثانية
مني ومن زيد بدنا نضيفك وردة اهلا وسهلا
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
كلك لطف,وتحياتي لزيد:D

وائل الياسمينة يلي قدمنالك ياها لمين ممكن تهديها؟