sorry it took me too long to answer the questions.... i'm in school now.. so i'll finish the questions in four hrs.. and then mnzt 7da tany... sorry guys
لا ولو خدي راحتك انتي...المقلاية كلها ع حسابك :larg: قال ما بتعرفني قال :pos: اي بسيطة بس انو معك حق نحنا ما منعرف بعض :? بس مو مشكلة الله كريم و منتعرف ما في مشكلة مو انتي من حومص ... اصبح نحنا اخوات بالحمصنة الحمصية :lol: و حمصن عليها تنجلي... حمص الجروح تدمل (مع شدة عالميم ) :larg:

boy friend:هممم بسمع عنوو انو حباب وطيوب.. بس عمل معي موقف خلاني ماممكن اتقبل صداقتوهممممم كلو كذب لا تصدقي :lol:

انت شو شفتي احكمي لا يهمك حكي العالم

ممم لا ماكتير.. فورا بفجر...

باين

باك انا ام الرور :larg:


اي بما انك مبسوطة وبما انو ما عم لاقي المقلاية القديمة

رح اسئلك طرطيق يعني مقبلات

شو صار بالسيارة يلي بدك تجيبيا غيرتي رأيك ولا مصرة

لا لا معد بدي غير سيارتي....

مسا الخير...

مسا النور كان في سؤال عن تعريف البيروقراطيّة والديكتاتوريّة وحبّيتِ تعَرْفيُن عن طريق مثال أو مثالين من الأخويّة بعدين عدلتِ عن الفكرة. هلا إذا ممكن تعطي الأمثلة وإذا لأ ممكن تعطي السبب يللي خلاكي تعدلي عن الجواب؟!

ممم لا ماممكن... وغيرت رايي مشان ماانفهم غلط.. وما يصير مشاكل كتير مبيّن من خلال الأجوبة أنّك تهتمّي جداً أو تعطي ثقل وأمل كبير بالمستقبل، وهالشي دليل على شخصيّة بتشوف حالا ناجحة بنسبة كبيرة بحياتا العمليّة أو الاجتماعيّة... إلخ. ممكن تحكيلنا عن كام دعامة تستند ألن هالشخصيّة المتفائلة بهيك نظرة؟! ويا ريت مع أمثلة عمليّة!

هممم اي انا جدا متفائلة بالمستقبل....ممم الدعائم اللي مستندة عليون.. هيي ايماني بارادتي انو لما بدي شي بوصلو ولما بحط ببالي شي وبشتغل عليه بوصلو... وانا عم اشتغل وخطواتي مدروسة.. وكلها لحد هلا ثابتة... وعم تعطي نتيجة.. فانو حاليا المستقبل بالنسبة لالي رياضيات 1+1=2 وانا مأمنة فيه..

وشي تاني في مين عم بيشجعني ومقويني بهالمنطلق... هيك فهمت السؤال يللي بيتطلع عأجوبتك بيلحظ شغلتين: بتستعملي كتير وبعدين بتجاوبي فشو ألو معنى؟! والشغلة التانية أنّك بتردّدي كتير "مممم" أو "هممم" قبل الإجابة، فهل هيّ دلالة تردّد أم تفكير؟! وإذا كانت تفكير فليش الــ "مممم"؟!


مممم اي بستخدم الجاكوش.. وقت بكون ممتعضة من شي شغلة.. انو هيك شغلة ماعجبتني بقضي عليها بالجاكوش... ومشان ال مممم.. اي هي عبارة عن تفكير.. انو عم فكر بالشي اللي بدي قولو.. وليش ال مممم هي عبارة عن عادة بالكتابة ع الكمبيوتر مااكتر....

آخر شي تحيّة و مية هلا نورت

وهي خلصت الاسئلة.. وجاوبت عليون كلون...
فهلا بسلم المقلاية لحبيبة قلبي اللي بتحبني كتييييييييييييييير


فروووووح fofo besset syria...


سلام

لا ولو خدي راحتك انتي...المقلاية كلها ع حسابك :larg: قال ما بتعرفني قال :pos: اي بسيطة بس انو معك حق نحنا ما منعرف بعض :? بس مو مشكلة الله كريم و منتعرف ما في مشكلة مو انتي من حومص ... اصبح نحنا اخوات بالحمصنة الحمصية :lol: و حمصن عليها تنجلي... حمص الجروح تدمل (مع شدة عالميم ) :larg:
اي اي منتعرف...:D واحلى حومص بتجمعنا
هممممم كلو كذب لا تصدقي :lol:

انت شو شفتي احكمي لا يهمك حكي العالم



باين
لو بدي احكي شو شفت مصيبة خلينا ع شو قايلة احسن:p

لو بدي احكي شو شفت مصيبة خلينا ع شو قايلة احسن

خيتو انا عندي مخالفات كتير مو ناقصني لا تستفزيني :lol: ( هالضحكة مجرد قناح لتلطيف الجو ) :p

اي حجة ريتا مبروك التخرج من المقلاية

وهلئ منستقبل الحجة فرح

و بيسلم عليكي حسون وبيقلك ستلمي

هي سؤال المعهود تبع الأعضاء ما غيرو

قولي الله

Reemi
marioma alghzayala
hanny dagher
layla
sezar
sweetbaby
maged-syrian
butterfly
وشم الجمال
Hashtnasht
P A Zٍ
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
Government
صياد الطيور
phoenixbird
the morrning
COSTA
handsome
abosleman
LiOnHeArT
yamen_h
suryoyo:
بنفسجة :
M.E.e.R.O:
Sarita:
Fernanda:
sona78:
BL@CK
MadMax
وائل76
أمرأة من ورق
Roaa
مايا*
ليندا
fofo besset syria
Abu Guzef
الموسيقار,
ظل جيفارا
Nirvana
Raw
طفوله
يمان
matya
was616im
Sandra
cuty
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
مايسترو:
whiterose:
YaSer:
سوا ربينا :
القلب الدافيء:
شوط يا قمر :
achelious:
viva syria
*Marwa*
asakli
أممي
Abu William
Urhoy .
wild_angel
Selav1
THE PUNISHER
Abu ToNi
مشاعر
فسحة امل
روعة1
amey

alright, jayeh ana mnshan 2om bl wajeb m3 besset syria..
bs hla2 ana kman bl school,, so taraqbo s2altna, i mean as2ltna..

:p

فهلا بسلم المقلاية لحبيبة قلبي اللي بتحبني كتييييييييييييييير

فروووووح fofo besset syria...



رريتاااااااااا بالوقت الحالي بدي قوصك انااااااااا :x:x
:p


وهلئ منستقبل الحجة فرح


مين فرح! :p


و بيسلم عليكي حسون وبيقلك ستلمي


\سلملي عليه وقلو منك لله يا ظالم :jakoush:



Reemi

ريمي باختصار اختي...وقفت جنبي وتحملت مني كتير..دعمتني بكلشي..دايما كانتا معي عالحلوة والمرة..بحبا كتير..ريمي الملاك بحياتي
(بكفي بلا ما تبلش الغيرة) :p


marioma alghzayala

مريووووووووووووووووم حبيبة ئلبي..بتجنن هالصبية.احلى صبية بالعالم..ما شفت بمتل طيبة قلبا


hanny dagher

هاني يا هاني...هاني مافي منو..الله ينولو الي ببالو وشوفك دايما مروق ومبسوط


layla

مافي كتير بيني وبينا حكي..حبابة :D


sezar

من عضام الرقبة...ابن العم..شو بدي احكي اكتر من هيك


sweetbaby

ريتاااااااااااا كانت حبابة بس حاليا بعد ما لحشتني بالمقلاية ابدا مو وقتو لهالسؤال بنوب :p
رتروت حبيبة ئلبي..بخاف عليها كانا اختي الصغيرة..بحبا كتير


maged-syrian

ما بعرفو


butterfly

ميمو...حبابة..طيوبة..مثقفتنا ومرجعنا بالمكتبة بأخوية :gem:


وشم الجمال

مافي بيناتنا حكي ما بعرفا

Hashtnasht

كمان مافي بيناتنا حكي..بس بسمع انو زوء كتير


P A Zٍ

مين؟:shock:


yass

ما بعرف..كان بيناتنا خلاف قديم وهلأ انحل وحاليا عاجبتني روايتو كتير...اكتر من هيك ما بعرف عنو لياسين..الله يوفق الجميع


كهربجي
راديا
SABE

ما بيناتنا حكي


HUS

جنتل كتير واكابر كتير...حكيمنا مافي منو...احلى شي عملو اخوية :gem::gem:


Barleb
باشق مجروح
the light

ما بعرفن كتير ما فيني اعطي رأيي

سرسورة

سرسر الغالية..بتجنن بكل معنى الكلمة..رايقة لابعد الحدود :D

محمد ابراهيم

حكيانة معو مرة او مرتين يمكن ما بعرف

Government
مممممممممممممم يعدمني هالسؤال شو سئيل بدو عصر مخ ليطلع الواحد بالافكار :x
حسون هيك مدري كيف..حباب جدا :lol:


صياد الطيور
phoenixbird
the morrning
COSTA
handsome
abosleman
LiOnHeArT
yamen_h
suryoyo:
بنفسجة :
M.E.e.R.O:
Sarita:
Fernanda:
sona78

كل هالطحشة ما بعرفن منيح لحد انه احكي رأيي

نعود بعد قليل للباقي..تعبت :cry:

بنكمل


BL@CK

عبد يا عبد..حباب كتير ومزوق بس مدري شو صايرلو مختفي :jakoush:


MadMax

ابن العم الغالي...زوء واكابر كومايات ومافي منو ابو سمرة الغالي...من اقرب الناس الي بأخوية..الله يحميك


Roaa

روورو بتجنن..الله يحميك...دلوعة الكل :D


مايا*
ليندا

ما بعرفن منيح


fofo besset syria

مافي متلا هالبنت...روعة روعة الله يحميها ويخليلكن اياها :p


Abu Guzef

علاء ونا ادراكم ما علاء...اد ما احكي ما بكفي...علاء هيك مدري كيف بحسو كتير قريب عليي...خيي الصغير..بحس لازم ضل اتطمن عليه ودير بالي عليه...بحبو جدا جدا :D

الموسيقار
زوء كتير :D


ظل جيفارا
Nirvana
Raw
طفوله

ما بعرفن منيح


يمان

يمون...يمون بيعرف غلاته..يمان ملاك ماشي عالارض..الله يحميك ويخليلي اياك يا حأ..بيفهمني عالطاير دايما...:D


matya
was616im
Sandra
cuty
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
مايسترو:
whiterose:
YaSer:
سوا ربينا :
القلب الدافيء:
شوط يا قمر :
achelious:

ما بعرفن كتير


viva syria

يييي هاد فادي!!!...لك بكفي بكفي انو ريم مبسوطة معو لفادي لحتى يكون فادي من اعظم العالم بالدنيي بالنسبة الي...
دير بالك عليها للمرة المليون :lol:
شب فهمان ورايق واكابر من معرفتي فيه لهلأ..بس لو يهدي اعصابو وما يعصب عالامور الفاضية الي ما الا طعمة..;)...كنت لومو لأنه غامض بس مؤخرا اكتشفت انو لازم الواحد يكون غامض مع العالم احسن بكتير ;);)


*Marwa*
asakli
أممي

ما بعرفن منيح


Abu William

من زمان ما حكيت معو..بحترمو كتير


Urhoy .
wild_angel
Selav1
THE PUNISHER
Abu ToNi

ما بعرفن


فيه كتير عالم ما حكيت رأيي فيهن..يمكن حاكية معن مرة او مرتين ومافي حكي كتير بيناتنا بقا ما فيني اعطي رأيي بحدا ما بعرفو منيح..بعتزر :D
كمان في اراء فضلت ما احكيها او عالم حكيت رأيي بشكل مختصر عنن مسان ما تتفسر كاسباب شخصية

alright, jayeh ana mnshan 2om bl wajeb m3 besset syria..
bs hla2 ana kman bl school,, so taraqbo s2altna, i mean as2ltna..
:p

بتنوري مقلايتنا العظيمة....يا هلا :D

مين؟:shock:


فرح .. PAZ = Syrian Gay

رامي يعني :D

راجعينلك بالاسئلة.. انتي صديقة بنت العم ريمي..يعني بدنا ندللك :p

مرحبا فرح .. كيفك ؟ .. تعبانة لما مبسوطة بالمقلاية؟ ..
معليه نزدلك كمية الاسئلة..باعتبارك رفيقة رفيقتنا ريم ؟ :fwink:

اسم عضو او عضوة بيعجبك (الاسم المستعار):
اسم عضو او عضوة بيعجبك(من الاسماء الحقيقة) من يللي بتعرفي اسماءهن:

اسم عضو او عضوة بتكرهيه(اسم مستعار):
اسم عضو او عضوة بتكرهيه ( من الاسماء الحقيقية) من يللي بتعرفي اسماءهن:

طبعًا بمعزل عن اذا بتحبي اصحاب هالاسماء او بتكرهيهن.

+

بتشتغلي بالبيت؟بتشتغلي كتير ولا هيكي شوي ؟ فينا نعتبرك ست بيت مثلا ولا لاء؟..
شو الشغلة يللي بتحبي تشتغليها ؟شو الشغلة يللي ما بتحبي تشتغليها؟


+

بشكل عام - العمل خارج المنزل:
شغلة بتتمني تتوليها وتشتغلي فيها:
شغلة ما بطيقي ولا بتتخيلي نفسك عم تشتغليها بيوم من الايام الا اذا دعيتك الحاجة لهالشي

لسّة في >>>

قدامك صفات.. بدي كل صفة تلائميها لعضو او عضوة..يعني هالصفة مين بتناسب من الاعضاء (برايك):

العصبية:
العند ( تناحة ):
صفة الجاذبية ، يعني بيجذب ، بيلفت:
حباب او حبابة (بينحب يعني):
مميز او مميزة:
مثقف او مثقفة:
مهضوم او مهضومة..خفيف دم يعني:
محترم او محترمة:
( طبعًا عند ذكر اسم لا يعني انو غيرو مش محترمين..لكن لما بتسمعي باحترام مين دغري بيخطرلك)
نقاق او نقاقة:
جدي او جدية:
هادئ او هادئة:
مشاغب او مشاغبة ، يعني اصحاب مشاكل بكل موضوع بيفوتوه:
صادق او صادقة:
صاحب هيبة او صاحبة هيبة - يعني بتحسي في رهبة وهيبة بوجودو او وجودها:


لسّة في >>>

*بالنسبة لتقمص شخصية الاخر .. برايك من اين ينبع ,.. يعني من جهل..الخ..؟!

*برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ...

*الحب عبر الانترنت.. الى اي مدى تؤمنين بـ وجود هذا الحب؟!!

* بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!!
و هل برايك سيستمر هذا الزواج ام ينتهي بالفشل؟! وَ عللي بحياتك .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


* لمين بتقولي من الاخوية (ادا في حدا ينقلو )- يعني شخص بدك توصفي بـ قول من هالاقوال :


أ- "وما خاطبتُ جاهلاً الا وغلبني".

ب- " ولا خير في ودّ امرئ متملق حلو اللسان وقلبه يتلهبُ".

جـ-"ولا خير في ودّ امرئ متلون اذا الريح مالت مال حيث تميلُ".

د- الكذب عندك صنعة.

* بدي توصفي صوت او اغاني او موسيقى :

أ- فيروز.
ب- زياد الرحباني.
ج-شربل روحانا.
د- ميادة بسيلس.
هـ- لينا شاماميان.
و- مريومة الغزيالة(كـ فنانة بتغني مو كـ مشرفة بالاخوية) .


بنكمل بعدين >>>

فرح .. PAZ = Syrian Gay
رامي يعني :D

لك العمى كيف نسيتو لرامي..لك صحي وينو رامي اشتئتلو انااااااااااااا :cry:


راجعينلك بالاسئلة.. انتي صديقة بنت العم ريمي..يعني بدنا ندللك :p

يا ويلااااااااااااااااااااه شو بتعزيا للايمي لتدلليني كل هالدلال :p

مرحبا فرح .. كيفك ؟ .. تعبانة لما مبسوطة بالمقلاية؟ ..
يا هلا...غير شكل منيحة...لهلأ مبسوطة :lol:



معليه نزدلك كمية الاسئلة..باعتبارك رفيقة رفيقتنا ريم ؟ :fwink:

خدي راحتك..تكرمي انتي وريمي :lol:


اسم عضو او عضوة بيعجبك (الاسم المستعار):

مادماكس


اسم عضو او عضوة بيعجبك(من الاسماء الحقيقة) من يللي بتعرفي اسماءهن:

يمان


اسم عضو او عضوة بتكرهيه(اسم مستعار):

مافي شي بكرهو..انو عادي..رجل من ورق..ما بعرف ما بحبو للاسم بحسو مو راكب عبعضو


اسم عضو او عضوة بتكرهيه ( من الاسماء الحقيقية) من يللي بتعرفي اسماءهن:

ممممممممممممم مافي...


طبعًا بمعزل عن اذا بتحبي اصحاب هالاسماء او بتكرهيهن.

اكيد


بتشتغلي بالبيت؟بتشتغلي كتير ولا هيكي شوي ؟ فينا نعتبرك ست بيت مثلا ولا لاء؟..

بشتغل حسب المراق..يعني الواجب الوحيد الي عليي بالبيت هوة الجلي...غيرو حسب المراق ازا جاي عبالي بساوي..مو جاي عبالي ماما الله يخليلي اياها بتساويه :p
اي فيكي تعتبريني ست بيت بس مع وقف التنفيذ :lol:



شو الشغلة يللي بتحبي تشتغليها ؟شو الشغلة يللي ما بتحبي تشتغليها؟

بحب اتعلم الطبخ بس انو مافي وقت
ما بحب طوي الغسيل :jakoush:



شغلة بتتمني تتوليها وتشتغلي فيها:

انو افتح صيدلية لالي


شغلة ما بطيقي ولا بتتخيلي نفسك عم تشتغليها بيوم من الايام الا اذا دعيتك الحاجة لهالشي

ما بعرف..ممكن شي الو علاقة ببرمجة الكمبيوتر وهاي الاشيا لأنه بعمري ما فهمت شي منا :shock:


لسّة في >>>

:cry:



العصبية:

فادي (فيفا سيريا)


العند ( تناحة ):

ريمي


صفة الجاذبية ، يعني بيجذب ، بيلفت:

مريومة


حباب او حبابة (بينحب يعني):

يمان


مميز او مميزة:

ما بعرف من اي ناحية...ما خطر ببالي حدا


مثقف او مثقفة:

ميمو وعبد


مهضوم او مهضومة..خفيف دم يعني:

يمان


محترم او محترمة:

سامر(مادماكس),هاني


نقاق او نقاقة:

ريمي بجدارة :lol:


جدي او جدية:

ممممممممممم الحكيم :lol:


هادئ او هادئة:

رؤى


مشاغب او مشاغبة ، يعني اصحاب مشاكل بكل موضوع بيفوتوه:

علاء...مدري ليش بس هوة خطر ببالي :lol:


صادق او صادقة:

مجود


صاحب هيبة او صاحبة هيبة - يعني بتحسي في رهبة وهيبة بوجودو او وجودها:

ما بعرف...ما ببالي حدا

الواجب الوحيد الي عليي بالبيت هوة الجلي...

علاء...مدري ليش بس هوة خطر ببالي :lol:


ايواه..بتجلي لانك بتحبي الجلي ولا لانو واجب عليكي هالشغلة يعني؟

و .. مين علاء؟ اي واحد يعني..في كتير علاء هون

انو افتح صيدلية لالي




اي ان شاء الله يارب عن قريب....بس بنجي ندرب عندك ماهيك :p

انا ماحابه تعبك بأسألتي بس رح قلك شي :oops:


فر ح ......:oops: بحبــــــــــــــــــــــ ـــــك :sosweet:

يخليلنا ياكي :D

انا ماحابه تعبك بأسألتي بس رح قلك شي :oops:


اي ع فكرة كنت عم قلها تسألك .. قام بتقلي بتحبك وما بدها تعزبك :p

فـ انا رح عزبك؟ بتسمحيلي؟:p
هي ع قد غلاوة ريمي .. و باعتبار انتي من الناس يللي بحبهن بدون ما اعرفهن :fwink:

فا منورة المقلاية :gem:

و ... سؤال/

بتلعبي شطرنج؟

ادا اي

بتعرفي منيح؟ منيح منيح؟

و ادا حدا بيتحداكي بلعبة شطرنج بتقبلي؟

وحتى لو عن شرط؟

كم مرة خسرتي؟ وكم مرة ربحتي؟ وكيف ربحتي ( تشيك ميت ولا الطريقة التانية)؟

...

يا رب تكوني بتلعبي شطرنج..لانو لو لا..بتنفدي من الاسئلة عن كم مرة ربحتي شطرنج وهيك :p

...

يا رب تكوني بتلعبي شطرنج..لانو لو لا..بتنفدي من الاسئلة عن كم مرة ربحتي شطرنج وهيك :p

شو قصتك مع الشطرنج:shock:...كل دقيقة شطرنج شطرنج اه شو قصتك :jakoush:

لاتعزبيا كتييييييييييييييييييييييي ر ها :p

اسا من شوي عم قلا لريم ما احلا المقلاية رواق هالمرة :p



بالنسبة لتقمص شخصية الاخر .. برايك من اين ينبع ,.. يعني من جهل..الخ..؟!

بعتئد من نقص بشخصية المتقمص وعدم ثقتو بحالو...
ما بعتقد الا دخل بالجهل او شي تاني...مجرد تعويض لنقص جواتو


*برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ...

هاد بعتمد عالشخص...
بالنسبة الي بعتقد لأ...لازم القلب يشفى من الحب الاول تماما قبل ما يئدر يستوعب حب جديد...
لانه بالحب الحقيقي الحبيب بيحتل القلب كامل بقا مافي مكان لحدا تاني جنبو


*الحب عبر الانترنت.. الى اي مدى تؤمنين بـ وجود هذا الحب؟!!

فاشل ازا استمر عالنت وعن بعد...يعني ممكن يبلش استلطاف عالنت...بس ازا تطور وتحول للقاء ممكن كتير انو ينجح ليش لأ!!!!


* بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!!

ما بيفرق متل ما حكيت فوق :lol:


و هل برايك سيستمر هذا الزواج ام ينتهي بالفشل؟! وَ عللي بحياتك .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صعب علل بحياتي لانتي ما مريت بهيك شي..بس ازا بدك بعللك بحياة غيري :p:p
ممكن يستمؤ وممكن يفشل متل اي علاقة تانية..




* لمين بتقولي من الاخوية (ادا في حدا ينقلو )- يعني شخص بدك توصفي بـ قول من هالاقوال :

يا ويلاااااااااااااااااه عهالسؤال :lol:


أ- "وما خاطبتُ جاهلاً الا وغلبني".

مو لحدا لأنه من شوفو جاهل بختصرو...


ب- " ولا خير في ودّ امرئ متملق حلو اللسان وقلبه يتلهبُ".

يمكن صعب سميه..بس بعتقد بيعرف حالو..بيناتنا خلاف...بقلو ما حلوة المجاملة والحكي من ورا ضهري..احكي بوشي بكون احسن :x



د- الكذب عندك صنعة.

مافي حدا



أ- فيروز. :

صوت ملائكي...غنياتا معجزات..ربيت مع صوتا وكبرت على اغانيها..صارلي 23 سنة بسمعا ولهلأ بسمع اغانيها كأني بسمعن لاول مرة...
بحسا بتغني الي..الي لحالي...نفس الغنية بسمعا كل يوم وكل يوم بكون الا معنى جديد


ب- زياد الرحباني.

فرخ البط عوام :lol:



د- ميادة بسيلس.
هـ- لينا شاماميان.

اصوات بتاخدني لعالم تاني..اصوات من عالم تاني



و- مريومة الغزيالة(كـ فنانة بتغني مو كـ مشرفة بالاخوية) .


طؤبرني فنانة المستقبل .. :gem:


بنكمل بعدين >>>


بتنوري :cry:
:D:D

اسا من شوي عم قلا لريم ما احلا المقلاية رواق هالمرة :p


اي هي قبل ما اجي :p


هـ- لينا شاماميان.و- مريومة الغزيالة(كـ فنانة بتغني مو كـ مشرفة بالاخوية) .


ليه ما عطيتي رايك؟:?


بتنوري :cry:
:D:D


والله؟:oops: شكرًا .. لكان راجعتلك :lol:

--------------------------------------

شو قصة الداتا بيس؟ كان رح يخربوا علينا هالمقلايةالحلوة :jakoush:

* هامش.. لا تنسيلي ولا سؤال اي؟:cry::p

عم جاوبن للمرة التانية من ورا الداتا بيس :x:x:x


ايواه..بتجلي لانك بتحبي الجلي ولا لانو واجب عليكي هالشغلة يعني؟

و .. مين علاء؟ اي واحد يعني..في كتير علاء هون
ما بعرف ازا بحبو او لأ..انو خلص صار واجب تعودت عليه..بس انو بالشتوية اكيد ما بحبووووووووووو :lol:

علاء هوة ابو جوزيف..انو انا عم جاوب عأساس انتو فاهمين مين ئصدي :p

انا ماحابه تعبك بأسألتي بس رح قلك شي :oops:
فر ح ......:oops: بحبــــــــــــــــــــــ ـــــك :sosweet:
يخليلنا ياكي :D

لك تئبشيني حبيبة ئلبي بسومة...
لك مشتاقتلك وبحبك انا كتير كتير
:D:D


اي ع فكرة كنت عم قلها تسألك .. قام بتقلي بتحبك وما بدها تعزبك :p

هههههههه ما انتي مكفية وموفية :lol:


فـ انا رح عزبك؟ بتسمحيلي؟:p

عزبيني اد ما بدك...خدي راحتك :D

هي ع قد غلاوة ريمي .. و باعتبار انتي من الناس يللي بحبهن بدون ما اعرفهن :fwink:

لك تسلميلي يا رب


بتلعبي شطرنج؟


انو مرات..مع اخي الصغير او ابي وبلعب تسلاية بقا ما فيني قول اني بلعب لانو دايما بخسر :p


بتعرفي منيح؟ منيح منيح؟


نو نو مو منيح بنوب:lol:


و ادا حدا بيتحداكي بلعبة شطرنج بتقبلي؟

لا بلا ما انشمس :lol:


وحتى لو عن شرط؟


اكييييييييييييد لأ


كم مرة خسرتي؟ وكم مرة ربحتي؟ وكيف ربحتي ( تشيك ميت ولا الطريقة التانية)؟

دايما بخسر:gem:



يا رب تكوني بتلعبي شطرنج..لانو لو لا..بتنفدي من الاسئلة عن كم مرة ربحتي شطرنج وهيك :p

مشي الحال جاوبتن :clap: بس شو قصة الشطرنج؟ :shock:



لاتعزبيا كتييييييييييييييييييييييي ر ها :p

هية ماتيا عم تستغل انو مافي حدا هلأ يسأل..اسا العالم ما اجتلئو اني هون :p
خدي راحتك ما مشكلة



صار خربطة بسؤال الرأي هلأ برجعلو بزبطو..تكرمي :D



والله؟:oops: شكرًا .. لكان راجعتلك :lol:
:cry::cry:
اهلا وسهلا :lol:

طيب بتلعبي بلياردو؟:lol::p

هلاء ادا بدي اسالك عن كل لعبة.. ما بتعودي تخلصي :p لهيك ما بسألك عن هالاسئلة

بسألك شي تاني :

انتي عنك بتعتبري حالك :

حساسة:
عصبية (بشكل دائم ومفرط ولا نادر وبسيط):
بتصبري:
قادرة تحملي هموم غيرك:
قادرة تساعدي بالحالات النفسية ولا صعبة (مش لعدم رغبة انما بقصد صعبة من حيث انو مش كل حدا بيقدر يساعد بالحالات النفسية حتى لو حابب يساعد ) .. بقا انتي وين موقعك بهالشي:
بتسامحي بسهولة ودغري ولا صعب وبيحتاج وقت:
بتنحبي .. يعني بتلاحظي انو لما بتحكي مع حدا دغري عم يصير في تفاعل وعم يحبو صحبتك:

----

نهار حلو بمقلايتك ع فكرة .. :gem:

ها قد حان حان الوقت لاسالك يا فرووحة

اول شي بونسوار ...كيفك؟؟ ان شالله مو معزبينك بالاسئلة؟

ماشي، منبلش بالاسئلة:

ماهو الشي الذي يجعلك تصل إلى أقصى درجات الغضب . ؟

مع من تحبي أن تقضي وقتك ؟

بيت شعر تردديه؟

أحلى شهور السنة ؟

أحب أسماء الأولاد لديكِ؟

أحب أسماء البنات لديكِ؟

أجمل ورده تهديها لمن ؟

ما رأيكِ في الحياة و رسالتكِ لها؟

أفضل مرحلة مررتِ بها ؟

أيهما أجمل أيام الماضي أم الحاضر؟

الأكلة المفضلة ؟

حقيبة اسرارك عند من تودعها؟

احد علماء النفس قال ذات مرة : أنه باستطاعة الانسان العيش من دون اصدقاء ..ماذا تري أنتِ ؟

متى يعاندك النسيان ؟

متى يقسو قلبك ؟

في زمن البحث عن المادة ،عن ماذا تبحثي أنتِ؟


العضو المناسب للقب ..
عضو عنيد ..

عضو دلوع ..

عضو طيب ..

عضو مجرم ..

عضو دمو تقيل

عضو دمو خفيف ..

عضو المنتدى بدونو ولا شي ..

عضو على نياتو..

عضو غامض ..

عضو تحسيه زغيير ..

عضو حساس ..

عضو شاعر ..

عضو مواضيعو حلوة...

عضو ردودو حلوة...

عضو رقيق ..

دوله ما زرتيها وبدك تزوريها؟

رسالة عتاب لمن تعطيها ؟

رسالة شكر لمن تهديها ؟

رسالة تهديد لمن تعطيها ؟

رسالة توبيخ لمن تعطيها ؟

هواياتك المفضلة ؟


خمسة أعضاء بالمنتدى تحسيهم قريبين منك؟

رايحة لرحلة بحرية مين بتاخدي معك من الاعضاء؟؟<<>عضو واحد بس





الي رجعة :o

سؤال زغيـــر هالأد

قرب عرسك أم لأ؟؟؟ و لا ننطر الدعوه بعد شي سنه أو سنتين :larg:

أو ازا في مشروح زواج أو خطبه واللزي منو ؟؟
:D

طيب بتلعبي بلياردو؟:lol::p


ههههههه لا دخيلك خليكي بالشطرنج :lol:



حساسة:

كتير


عصبية (بشكل دائم ومفرط ولا نادر وبسيط):

بشكل مفرط بس ما ببين عليي الا نادرا لما يطفح الكيل..


بتصبري:

اي بس مو كتير


قادرة تحملي هموم غيرك:

اي...اصلا حاملة كل هموم غيري لانسى همومي :lol:


قادرة تساعدي بالحالات النفسية ولا صعبة (مش لعدم رغبة انما بقصد صعبة من حيث انو مش كل حدا بيقدر يساعد بالحالات النفسية حتى لو حابب يساعد ) .. بقا انتي وين موقعك بهالشي:

ما بعرف بدك تسألي حدا حاولت ساعدو..بس اجمالا اي بساعد كتير وبدعم كتير


بتسامحي بسهولة ودغري ولا صعب وبيحتاج وقت:

حسب عشو بدي سامح ومين بدي سامح..فيه عالم زنوبن وغلطن مغفور عندي شو ما ساوو
في عالم ممكن سامحن بعد ما تمر فترة عالقصة (انو انا بعصب وبزعل بوقتا بعدين حتى لو غلطان معي الشخص ممكن روح انا صالحو)
في عالم ما بسامحن بنوب :jakoush:


بتنحبي .. يعني بتلاحظي انو لما بتحكي مع حدا دغري عم يصير في تفاعل وعم يحبو صحبتك

اي اي ائبر ئلب حالي بنحب بنحب كتير :lol:


نهار حلو بمقلايتك ع فكرة .. :gem:

ميرسي حبوبتي :D
ابئي زورينا بأسئلة اخرى :lol:

منجي للشطر التاني من الاسئلة :
ما هى اكلتك المفضلة؟:eat:

هل انتِ كتومة فى اسرارك ام تبوحين بها؟

وصفيلنا حالك بسطرين:

متى تصبحين حزينة ومتى تصبحين سعيدة؟

لو يوجد لديك اربع وردات لمن تهديهم ؟

هل انتِ من محبين الحياه ؟ولماذا؟

من هو مثلك الاعلى فى الحياه؟

ماهو اكبر حلم ممكن تحلميه؟وماذا فعلتِ حتى تحققيه؟


وبس خلصنا اسئلة :detec:

ها قد حان حان الوقت لاسالك يا فرووحة

اهلا وسهلا


اول شي بونسوار ...كيفك؟؟ ان شالله مو معزبينك بالاسئلة؟


بونسوارين...لهلأ تمام ماشي الحال



ماهو الشي الذي يجعلك تصل إلى أقصى درجات الغضب . ؟

الغباء والعناد الي بلا طعمة ...وانو حدا يعصب عليي بدون ما كون مساويتلو شي :jakoush:


مع من تحبي أن تقضي وقتك ؟

مع اهلي


بيت شعر تردديه؟

وما كل ما يتمنى المرء يدركه تجري الرياح بما لا تشتهي السفن ...


أحلى شهور السنة ؟

شهر ايلول:gem:



أحب أسماء الأولاد لديكِ؟

باسل,عمرو.طارق


أحب أسماء البنات لديكِ؟

لاميتا,ريم,سيمازا


أجمل ورده تهديها لمن ؟

لامي


ما رأيكِ في الحياة و رسالتكِ لها؟

الحياة اوتوستراد مليان حواجز..وكل واحد وشطارتو



أفضل مرحلة مررتِ بها ؟

الطفولة وعمر ال 20 :lol:


أيهما أجمل أيام الماضي أم الحاضر؟

المستقبل احلى منن تنيناتن


الأكلة المفضلة ؟

سبانخ...واكلة شركسية اسما شيبس وباستا


حقيبة اسرارك عند من تودعها؟

ريمي


احد علماء النفس قال ذات مرة : أنه باستطاعة الانسان العيش من دون اصدقاء ..ماذا تري أنتِ ؟

بقول انه هالزلمة اكيد طاقق مخو..ما ممكن حدا يعيش بدون اصدقاء :jakoush::jakoush:


متى يعاندك النسيان ؟

دايما :cry:


متى يقسو قلبك ؟

من جديد :p


في زمن البحث عن المادة ،عن ماذا تبحثي أنتِ؟

عن المشاعر الصادقة والراحة



العضو المناسب للقب ..

في اشيا جاوبتا ما راح كررا :D


عضو طيب ..

كتار..بسومة,يمان,هاني,مرام,ر يتا,ريمي......


عضو مجرم ..

انت...من ورا هالاسئلة :lol:


عضو دمو تقيل

ما حدا...مين انا لاحكم عحدا انو دمو تقيل!


عضو دمو خفيف ..

يمان وبجدارة


عضو المنتدى بدونو ولا شي ..

مافي حدا..المنتدى مو عضو واحد وبس


عضو على نياتو..

هههههه حبيتا عنياتو...انا يمكن :p


عضو غامض ..

هههه يا حزركن مين ؟ :p


عضو تحسيه زغيير ..

زغير عمرا يعني؟
رؤى..بحسا هيك من كتر مو طيوبة ودلوعة بحسا اطفولة اخوية المدللة

الباقي ما خطر ببالي حدا بقى ما جاوبتن..:D


دوله ما زرتيها وبدك تزوريها؟

القفقاس


رسالة عتاب لمن تعطيها ؟

رسالة شكر لمن تهديها ؟

رسالة تهديد لمن تعطيها ؟

رسالة توبيخ لمن تعطيها ؟

ما فهمت لحدا من اخوية او لأي حدا؟؟؟؟؟
ببئى برجعلن بس تجاوبوني :D


هواياتك المفضلة ؟

القراءة..
انو اتصفن بالعالم وحاول اكتشفن بدون ما احكي معن..


خمسة أعضاء بالمنتدى تحسيهم قريبين منك؟

ريمي,يمان,علاء ابو جوزيف,هاني,سامر


رايحة لرحلة بحرية مين بتاخدي معك من الاعضاء؟؟<<>عضو واحد بس

اكيييييييييييييييييد ريمي :lol:



الي رجعة :o

يا هلا :D

سؤال زغيـــر هالأد
قرب عرسك أم لأ؟؟؟ و لا ننطر الدعوه بعد شي سنه أو سنتين :larg:
أو ازا في مشروح زواج أو خطبه واللزي منو ؟؟
:D

لا والف لا...حاليا مافي مشروع شي ابدا..اسا بكير عشو مستعجلة تخلصي مني :p

رسالة عتاب لمن تعطيها ؟

رسالة شكر لمن تهديها ؟

رسالة تهديد لمن تعطيها ؟

رسالة توبيخ لمن تعطيها ؟ ما فهمت لحدا من اخوية او لأي حدا؟؟؟؟؟
ببئى برجعلن بس تجاوبوني :D
مش ضروري لحدا من الاخوية
يعني ناس تعرفيهن ..رفقات...:D

هل انتِ كتومة فى اسرارك ام تبوحين بها؟


كتومة جدا :shurup:


وصفيلنا حالك بسطرين:


انااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااااااا
انااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااااااا فرح
:o


متى تصبحين حزينة ومتى تصبحين سعيدة؟

قليل كتير ما كون حزينة..اجمالا بعتبر الحزن شي لازم نحتفظ فيه النا وللقريبين منا وما الكل يعرف فيه...بقا قليل ما العالم يشوفوني حزينة
حاليا بكون سعيدة لما لاقي الي حوليي مبسوطين


لو يوجد لديك اربع وردات لمن تهديهم ؟

وحدة لامي
وحدة لابي
وحدة بالنص لاخواني التنين
وحدة لريمي


هل انتِ من محبين الحياه ؟ولماذا؟

ااكييييييييييد
لانه حبينا او ما حبيناها مضطرين نعيشا


من هو مثلك الاعلى فى الحياه؟

ما حدا...مافي حدا كامل ليكون مثلي الاعلى...
بس انو كشخص بيعطيني الالهام..جدي الله يرحمو...بتمنى كون متلو


ماهو اكبر حلم ممكن تحلميه؟وماذا فعلتِ حتى تحققيه؟

بحلم بشغلتين...
بصيدلية لالي تكون نتيجة 5 سنين من دراستي وشغلي وتعبي وتجيبلي دخل منيح اقدر عوض فيه عن اهلي الي تعبوه كرمالي...لهلأ عم اسعى لحققو
التاني انو كون عيلة صغيرة وحلوة..اسا ما بلشت حققو :lol:

رسالة عتاب لمن تعطيها ؟

رسالة شكر لمن تهديها ؟

رسالة تهديد لمن تعطيها ؟

رسالة توبيخ لمن تعطيها ؟ ما فهمت لحدا من اخوية او لأي حدا؟؟؟؟؟
ببئى برجعلن بس تجاوبوني :Dمش ضروري لحدا من الاخوية
يعني ناس تعرفيهن ..رفقات...:D

رسالة عتاب لمن تعطيها ؟
للي خزلني :cry:


رسالة شكر لمن تهديها ؟
لامي وابي :D

رسالة تهديد لمن تعطيها ؟
ما حدا

رسالة توبيخ لمن تعطيها ؟
لخالتي

أحب أسماء الأولاد لديكِ؟
باسل عمرو طارق


بتفهم الصبية:gem:

بتفهم الصبية:gem:
بالفعل .... :p



اسم عضو او عضوة بتكرهيه(اسم مستعار):

رجل من ورق..ما بعرف ما بحبو للاسم بحسو مو راكب عبعضو

بناء على طلب ريتا خانم :x بجاوب اسئلتا المعتادة ..ولييييييييييي:cry:

بس انو اديه انا بدي ضل بالمقلاية؟هلق وانا عم جيب اسئلة ريتا كأنو شفت اسبوع؟ :cry::cry::cry:


عمرك؟

23

مهنتك؟

صيدلانية

حالتك الاجتماعية؟

عازبة


بتدخن؟
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
ازا اي من ايمت
واديش؟
وشو اكتر نوع بتحبه

كلن لأ


انت ليش هيك؟؟؟

هيك مراق ;)


شو اكتر غنية بتحبا؟؟ وليش؟؟؟

how am i supposed to live without you
هيك ما بعرف


مين مطربك المفضل؟؟

فيروز اكيد


.شو المواضيع اللي تقراها بالمنتدى

مافي شي محدد الي بشدني بقراه


شو الصفات اللي بتكرهها بالانسان

الغباء,النفاق,الكزب,تمسيح الجوخ


والصفات اللي بتحبها

الطيبة,الوفا


شو حكمتك بالحياة

ازا جنو ربعك عقلك ما بينفعك :lol:


شو هيي صفات رجل احلامك

انو يكون..رجل احلامي
رجال بكل ما تحمله الكلمة من معنى


اذا ربحت مليون دولار, شو بتعمل فيها؟؟

مممممم اول شي بفتح صيدلية..بفتح شي مشروع لاخي ولريم (بما انن التنين كمبيوتر بحملن جميلة سوا:p)تاني شي بشيل مبلغ لاهلي ولدراسة اخي الصغير وبنزل عالسوق بالباقي :lol:


انت سعيد بحياتك وليش

اي...لانه مافي شي ناقصني


.اذا فشلت بتحقيق حلمك شو رح تكون ردت فعلك؟

برجع ببلش من اول وجديد مو مشكلة..اخرتو يتحقق


وشو هي اكتر مادة بتكرها و كمان ليش؟

رياضياااااااااااااااااااا اااااااااااات :jakoush:


هل بتامن بالابراج ؟ و علل جوابك

لا ما بامن بس انو ازا لقيتن ادامي بتسلى فيهن


هل بتامن بالقدر؟ علل جوابك

اي..ما بعرف ليش بامن وخلص


هل بتامن بالسحر و المشعوذين؟ علل جوابك

اكيد لا...حكي فاضي


عرفلي البيروقراطية والديكتاتورية

ما الي مصلحة :shock:


شو اكتر شي بيعصبك؟

جاوبتو من قبل


شو اكتر شي بيفرحك؟

ضحكة اخي الصغير


شو رايك بقضية الشرق الاوسط؟

صارت قضايا :lol:


شلون تعرفت على أخوية ..؟

من ريمي...صرعتني فيها :jakoush:


كم اخ و اخت عندك؟

اخين..ولا اخت


مين من اخواتك هوي المفضل عندك وليش؟

تنيناتن متل بعضن...يمكن الاخير اقرب الي لأنه ربينا سوا ولأنه بحسو سند لالي يئبر ئلبي
الصغير بحس حالي متل امو..بحبو وبخاف عليه وبدللو


شو هوي فيلمك المفضل وليش؟

A walk to remember
شوفيه لتعرفي :lol:


مين ممثلك المفضل وليش؟

ما حدا


شو اكتر شي بتحبو بالحياة وليش؟

بحب حالي :p


شو ناوي تدرس؟

درست وخلصت :lol:


شو أكتر معادلة كيمياء حفظتها بحياتك؟

بالمدرسة عمري ما حفظت شي..بالجامعة ريمي الله يخليلي اياها كانت تحفظني اياهن بطرق ملتوية :p

شو أحلى قصيدة مرقت معك؟


الى رجل نزار قباني


شو طبيعة لبسك : سبور -فنكي -رسمي ؟

سبور..ومن جديد رسمي شوي مرات


شو اكتر موقف محرج صار معك؟

كتييييييييييييييييييييييي ير شو بدي عد لعد :lol:


بتعتبر حالك ن الناس ياللي بيحكو كتير؟

حسب الوضع بس اجمالا اي :p


شو رأيك بالطفولة و الولاد ؟

احلى شي بالدنيي


مين أعز شخص على قلبك و ليش ؟

امي...تحملتني كتير :lol:


إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟

قبل سنة تقريبا جاوبت انو بزت حالي مع التنين..÷لأ بجاوب الي من عيلتي..لاسباب خاصة فهمتا متأخرة :lol:


شو أحلا أيام حياتك؟

الايام الجاية


شو الحياه بالنسبه إليك؟

اوتوستراد


شو بنظرك بياثر اكتر دموع الفرح أم بسمة الفرح؟

دموع الفرح


شوالشي الذي تتمنى أن يرجع؟

جدي الله يرحمو


موقف صار لك ولا تقدر تنساه؟

بفضل اتناساه وما احكيه :cry:


شو أفضل لديك بمراحل النمو هل هو الطفوله ام المراهقه ام الشباب أم الشيب؟

الطفولة والشباب


زيت المقلاية عم يحرقك شي؟

مممممم لهلأ عادي :lol:

الله يسامحك يا ريتاااااااااااااااااااااا اااااااا:cry:

بالفعل .... :p

:lol:
انو يا زلمة وصلت للمقلاية ووصلت سلم علينا قبل ما تروح :x:x

مسا الخير فروح(كيف وانا اعرف اسمك ..على اساس ذكي..:p)
اسئلتي خفيفة ظريفة وهيك يعني ...

شو بتعملي هلأ؟؟
كيف حالتك وانتي عمر تنقلي؟؟
شو نوع الزيت او السمنة اللي بتحبي تنقلي فيها ؟؟:o
كم مرة حبيتي ؟؟وهلأ بتحبي ولا لأ؟
شو الالوان اللي بتحبي تلبسيها اكتر شي ؟؟
كيف هالدنيا معك ؟؟وكيفك انتي معها ؟

سؤال فني زغير ....كيفني انا معك بالاسئلة .؟؟:oops:

موفقة بالقلي....:D

طيب بما انو :

ابئي زورينا بأسئلة اخرى :lol:

و :


اول شي بونسوار ...كيفك؟؟ ان شالله مو معزبينك بالاسئلة؟

بونسوارين...لهلأ تمام ماشي الحال

يعني .. لسة ما تعذبتي؟:frown:وطلبتي ارجع زورك؟ :p

فا بهالرد بكتفي بـ سؤال:

شو كان شعورك لما شفتيني طلعت من الاخوية .. قبل ساعتين..يعني باللحظة يللي كنت فيها عم ضل اسألك؟ :p

---------

معنا 3 ايام نضل نسألك .. :o

:lol:
انو يا زلمة وصلت للمقلاية ووصلت سلم علينا قبل ما تروح :x:x
أنو قلت بفرد مرة منسألك شي سؤال صُميدعي .... بس لسا ما طلع معي :sick:






سلام فوفووووو :D

حاج تحكي عني ولي ..لعما لسا ماسكي بسيرتي وماشيي ... لا تاخديني ع جزيره ولاشي ما بدي روح معك انا اصلا ..

قال انا العند والتناحه قال ... اي الله وكيلكن انا الين من راسي مافي ..

فرح:
شو موقفك من القضاء بسوريا ؟

اي الله وكيلكن انا الين من راسي مافي ..
والله ..؟



عم تحكي عن راسك .. ولا عن راس حدا تاني ..؟؟ :p

:pos:انتو شو بعرفكن اصلا .. كل واحد ادرى براسو :sly:

آي شكون ياخيتي فرح شفتوكي بالمقلايه

خيتو شي كم سؤال:

- متابعة روايتي بشكل يخوفني (يخوفني لأنو صارت الشغلة صعبة اني اكتب بدون ما أخاف ما أكون قد الشي المنتظر مني.. ذاتا في فصل مكتوب من يومين و ما مسترجي انشرو و بدي اعمل تنقيحات عليه و هيك قصص)..

فانو شو شدك بالفصول الأولى مشان تكملي قراءتها؟ (لا تحكيلون تفاصيل مشان يروحو يقروها:pos:) .. هيك قصدي لمحة عن الشي اللي شدك


- فتوة و للا يقظة؟ ( و مافي حياد هون :pos:)


- ليش الديرية يغارو من أهل الرقة :pos:


أي و بس, قد أعود و قد أرجع.. حسب الوضع

مشاغب لكان :larg:

اي وانا بحبك كمان وبما انو انا كمان فـ


ستلقي هدول


هات لنشوف عطيني رأيك بالتالي :
-----------------
الحيوان

الجراثيم

الإنسان

الله


-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين


شو سيارتك

وكم حادث سويت

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوكي هدول راجعلك

رجعت

مقارناتتت.
‏
شاي أخضر ولا أحمر‏

قهوة ولا نسكافه

ميلو ولا كاكاو

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون ولا لوكي

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي :?

لاب توب ولا كمبيوتر مكتب

نوكيا ولا سوني اركسون

كيا ولا هونداي

فورد ولا جمس

سبور ولا رسمي

باريس ولا روما

سوفييت ولا أمريكا




انا مساويلك شي؟:?
انت بتكرهني شي؟
ليش آخر مرة تخانقنا؟
‏
شو بتقرأ أكتر شي بأخوية
‏
وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين

هل صحيح هالحكي التالي :

إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
‏
شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش
وكيف يتم تمييز النظامي عن المروكب

إزا شي يوم ندق باب بيتك وقلت مين ونقال انا علاء شو بتكون ردة فعلك

بداية:
هل انتي راضية عن نفسك..؟؟
_________
_احلى طرفة صارت معك..؟؟
_مين اقرب الناس من بسة سوريا..؟؟ و ازا هل المقرب الك جرحك بيوم من الايام,, بتسامحي بسهولة.؟
_اديش المكان او المجموعة المحيطة فيكي بكون الون تأثير على قراراتك بالحياة العادية..؟؟
_شي مرة غلطتي مع اي حدا و حاولتي تقنعي حالك انو انت ما غلطتي..؟؟ و بعد هيك حسيتي انو لازم تعتزري بس ما قدرتي تعمل هل الشي و حسيتي حالك اكبر من انو تعتذري..؟؟
_ كانت احدى اجاباتك انك صيدلانية.. فشو بتعنيلك مهنتك..؟؟
______________
_اخوية شو قدمتلك؟
_لو بيوم من الايام اخوية تسكرت.. شو بتتكون ردة فعلك..؟؟
_انتي شو بتحسي انو لازم يتغير بأخوية..؟؟
_مشاركة بمنتديات غير اخوية :p ؟؟
______________
_بتأيدي النقاش بين الاديان..؟؟
_بتأيدي عقوبة الاعدام..؟؟
_شو رأيك بتعدد الزوجات..؟؟
_شو هي نظرتك للرجل اللي بيرقص..؟؟
_برأيك شو المشاكل اللي ممكن تواجه البنت :
كــ طالبة
كــ زوجة
كــ أم
_ ممكن انو تكذبي ع اي حدا تفاديا لوقوع اي مشكلة..؟؟ ولا انو ما ممكن تكذبي لو شو ما صار..؟؟
_____________
رتبي هدول من الاكتر اهمية :
الصداقة,العائلة,الحب,المال, المستقبل
_____________
_شو اكتر اكلة بتحبيها..؟
_و اكتر اكلة بتكرهيها..؟
_لونك المفضل..؟؟
_الممثلة و الممثل المفضل عندك..؟؟
_اني بتفضلي اكتر المسلسلات المصرية ولا السوريية..؟؟
_طيب برأيك.. ليش المسلسلات السوريية ناجحة بــ اغلب احيانها..؟؟
_شو تعليقك ع الطرب (بهل الزمان) هلأ بشكل عام..؟؟
_____________
_بتحبي انك تحضري افلام اجنبي..؟؟
_و اي نوع من الافلام بتحبي..؟؟
_____________

و بظن هيك بكفي.. جدا جزيلا..


يلا سلام..:oops:

ادا ما بتجي خلال 3 ساعات تجاوبي .. بدي زيد عدد الاسئلة :p

.بفتح شي مشروع لاخي ولريم (بما انن التنين كمبيوتر بحملن جميلة سوا:p)


طيب افتحيلي انا معهن..انا كمان كمبيوتر...وبتكسبي اجر فيي....:cry:






تنيناتن متل بعضن...يمكن الاخير اقرب الي لأنه ربينا سوا ولأنه بحسو سند لالي يئبر ئلبي
الصغير بحس حالي متل امو..بحبو وبخاف عليه وبدللو





ادني حكتني وقالتلي شروح شوف مين جايب سيرة اسمك بالمقلوب....:larg:

مسا الخير فروح(كيف وانا اعرف اسمك ..على اساس ذكي..:p)

انو ما طبيعي زكائك خارق :lol:


شو بتعملي هلأ؟؟

عم جاوب عالمقلاية :p


كيف حالتك وانتي عمر تنقلي؟؟

عادي رواق..بس شوي شوب


شو نوع الزيت او السمنة اللي بتحبي تنقلي فيها ؟؟:o

كلو متل بعضو بس بلاها السمنة :cry:


كم مرة حبيتي ؟؟وهلأ بتحبي ولا لأ؟

مرة وحاليا بحب حالي وبس :p


شو الالوان اللي بتحبي تلبسيها اكتر شي ؟؟

الازرق التركواز والاسود والاحمر


كيف هالدنيا معك ؟؟وكيفك انتي معها ؟

تمام..مروقين


سؤال فني زغير ....كيفني انا معك بالاسئلة .؟؟:oops:

ابقى عيدا :jakoush:



يعني .. لسة ما تعذبتي؟:frown:وطلبتي ارجع زورك؟ :p

لك كنت عم جاملك يا بنت...ما صدقتي قلك تعي ئام رجعتي :jakoush:
:p


شو كان شعورك لما شفتيني طلعت من الاخوية .. قبل ساعتين..يعني باللحظة يللي كنت فيها عم ضل اسألك؟

حسيت بفراااااااااااااااااااااا ااااااه فظيع :p


أنو قلت بفرد مرة منسألك شي سؤال صُميدعي .... بس لسا ما طلع معي :sick:


اي عمهلك ابو سمرا..معك لبكرا المسا :lol: