اي اي هي خطة مشان يأنبك ضميرك وتحزفي أسئلتك :pos:

صحيح سمعت انك بعدك عم تدبكي لهلأ.. عن جد؟ :larg:

ما مشي الحال..ضميري للحظة حاول يأنبني بس الافكار الشريرة غلبت :gem:

اي اي والله من كتر الدبك استويت.. بدي استأجر حدا يدبك عني :lol:...لك يسلمو يسلمووووووووووو

ما مشي الحال..ضميري للحظة حاول يأنبني بس الافكار الشريرة غلبت :gem:

اي اي والله من كتر الدبك استويت.. بدي استأجر حدا يدبك عني :lol:...لك يسلمو يسلمووووووووووو

هلأ الخطه الجديدة اني ضل عم احكي أنا وياكي مشان تجي ريم ماعد تلاقي الأسئلة... بقا بتريح حالها وبتقول من العجقه ماعم لاقي الأسئلة...

شو رأيك بالخطه؟ :larg:

مع الاسف بحب بلغك انو خطتك فاشلة..:lol:

هلأ ريمي بتجي بترئعنا بهدلة عالسبام وبتجاوب الاسئلة وما بنكسب الا البهدلة من هالخطة :cry:

مع الاسف بحب بلغك انو خطتك فاشلة..:lol:

هلأ ريمي بتجي بترئعنا بهدلة عالسبام وبتجاوب الاسئلة وما بنكسب الا البهدلة من هالخطة :cry:

ممممممممم.... مابتعملها :larg:

ممممممممم.... مابتعملها :larg:

اي جرب لحالك انا مو مأكدة...:lol:

سؤال عالهامش مشان اضمن حالي ما اتبهدل :p

ريمي....
شو رأيك بأيام الجامعة؟
بتخطر ببالك نرجعلا؟
شو كان احلى شي بالجامعة؟
شو اكتر موقف بتتزكريه من مغامراتنا فيها؟
ازا هلأ خيروكي بشغل متيح او رجعة للجامعة شو بتختاري؟

هلأ كنت محتارة بين 3 لزت حدا منن..بس بعد عمل قرعة (غير عشوائية) وقع القرار على ريمي

تفضلي عالساحة..وتوصولنا فيها امانة

أنا بفرجيكي ..بنتلاقى :sly:


شي بتندم انك قلتو

في شغلات قلتها لاشخاص معينين ما كان لازم قولها..لخالتي مثلا:p

شي بتندم انك ساويتو

ولا شي

كلمة بتحب تسمعا

ما أغلاكي:oops:

شخص بتتمنى تشوفو اسا ما شفتو (من اخوية)

ghazool

شخص بتتمنى تشوفو(شاعر...كاتب..رئيس...)

عمر الفرا..لسا ما صحلي احضرو ولا مره ..ولا شوفو .. :cry:

غنية بتحبا

حاليا حابي هالغني كتير ...

calling-Geri halliwell

غنية بتكرها

نقي اي شي لحماده هلال .

موقف حلو ما بتنساه

في كتير مواقف حلوي بحياتي ... لقائي بحضرتك مثلا:pos:

موقف بشع مابتنساه

موقف صار بعزا جدي ..

موقف محرج صار معك

مممم ماعم اتذكر ..ساعديني :?

بلد بتتمنى تزوره

المكسيك ..

بلد بتتمنى تعيش فيه

سوريا

شي بتتمنى تغيروبشخصيتك

العصبيه

شي بتتمنى تغيروبشكلك

ولا شي.

شي بتحبوبشخصيتك

الثقة بالنفس :larg:

شي بتحبوبشكلك
ضحكتي :lol:-شعراتي :fmiror:

شي ناقصك

ولا شي


بهمك رأي الناس فيك؟

تقريبا

بتحب حياتك؟

كتير..

عندك سر خطير مخبى بحياتكك ما حدابيعرفو؟

لا

بتئدرتسامح حدا غلط كتير بحقك؟

بقدر سامح ع اي شي ما عدا الكذب .


الحب

سر الحياة

الله

قوة روحانيه

الحزن

ضروري بحياتنا.. بيفيق فينا شغلات مخبايه

الوطن

امان

الحياة

سلسله حلقات ..

الموت

بداية لحياة جديده بمكان جديد

الفقر

بيخليكي تلعني الدنيا وحالك بالنهار مية مره

البخل

عاده غير صحيه ..

اخوية

مجتمع افتراضي


الوداع

ضروري احيانا وكتير


الظلم

انك تكوني مظلومه هاد احقر موقف ممكن ينحط فيه الانسان ..وانك تكوني ظالمه فانتي جردتي حالك من الانسانيه.

وين وكيف بتشوف حالك بعد 10سنين؟

وين ما بعرف ..
بس اتوقع اني لازم كون بشغل منيح .. وحياة مريحه .. وعيله بنحسد عليها


حاولي ما تفرجيني وجهك من هون لشهر :pos:

ازا لا سمح الله كان الاشخاص هدول راح يموتو بكرا ومعك اخر فرصة تحكيلن شي..شو بتقليلن؟
وممنوع تحطي لا تعليق او اي شي مشابه الو..لازم توجهي رسالة..لانه بكرا ازا مات لا سمح الله بتندميانتي بالذات بتعرفي حساسية هالقصة بالنسبه الي.. ما كان لازم تسالي هيك سؤال ..لو عكستيها كان احسن ..

امكانا اسفه ع كل الجرح الي بيوم من الايام يمكن كون سببتلك اياه بقصد او لا .. انتي اغلى انسان عليي وانتي بتعرفي..

ابوكيبعتذر اذا بيوم من الايام بينتلك شي عكس الي بقصدو..كنت قاسية عليك بفتره او بلحظة..بس انا بلاك ولا شي.

ميسيقبرني ربك ما احلاكي .. اسفي عن كل التعصيبات ..

اناكنتي دايما الكتف المستقبل لريمي بالسراء والضراء..غيابك فراغ كبير ما حد بيعبيه..

فاديالله يسامحك رح تروح وتتركني .. بعد ما صرت عندي كل شي ..وقف بنروح سوى

مضر انت اغبا شخص شفتو بحياتي


ياسينلو ما حملت القصص اكتر ما بتستاهل ما كنت وصلت لهون .. بكرا بنلتقي فوق

سامرابن العم .. رح قوم بواجبك ما تخاف :p
هانيانت كمان رح قوم بواجبك لا تخاف
مرامام شريك...ضيعانك :cry:
ريتاكنت قلك ديري بالك عحالك ما كنتي تردي :cry:

Reemi تقبر قلبي ما احلاها

marioma alghzayalaام شريك .. اطيب قلب بالدنيا .. بتخليي عندك امل انو بعد في قلوب صافيه بهالدنيا ..

hanny dagherابو الهن..طيوب ماشي الحال ..بس بحسو احيانا مضيع جحشة خالتو

laylaللوش .. صديقتي العزيزه .. مجنووووونه

sezarابو السيز ... اهم شي مفتح عيونو تمام

sweetbabyصغنونه دلوعه .. لسا تماما ما عرفاني شو بدا .. بس طيوبه كتير


maged-syrianاختلفنا من قبل ...بس ما بكنلو اي عداء :D

butterflyمرسيل يا مرسيل.. كانت تقلك سارا شغلات ما كنتي تردي عليها .. ضلي متذكرتيون ..


وشم الجمالمؤخرا علاقتنا قوية .. حساسه كتير بتنفعل بسرعه ..بتحمل القصص احيانا زياده .. بتثور بدقائق وبتهدا بدقائق..

فسحة املبيكتب حلو .. خواطرو متابعتا :D

Hashtnashtابو نهلى .. وردة حمص ..وزينة شبابها ...ونو سموكينغ افتر توداي اب نهلى :larg:..عقبال ما نشوفك عم تشرب متي :p

P A Zٍابني الصغير...الله يحميه .

yass
صديقي ..وبحترمو جداً

كهربجيرفيق:nirvana:


SABEلو كنت عم تدرس علم ذرة كنت لاقيت وقت فاضي اكتر من هيك .. الله يوفقك

HUSحاسي صار في ضرورة ترجع ع اخوية.

Barlebظريف .. ظررريييف:nirvana:

باشق مجروحابن العم ... قلبو عالكل .. :D

the lightالي بيشوف حسان عالحقيقه ما بيقول انو هاد نفسو باخوية..مريح جدا جنتل جدا .. ويمكن ما تصدقو بس مرح جدا :ghazool:


سرسورةاختي ... واختي ... واختي...واختي :fheart:

محمد ابراهيمرجل الاقتصاد الاول باخوية .. اول شخص تعرفت عليه باخوية ..

Governmentرفيق الدبكه هاد :dabeek:


صياد الطيوراخي مازن ... الله يوفقو .. هوي وعيلتو ...ابو حيدر الغالي

رجل من ورقلو ما هالستين الف عله بس


the morningلو بيسألوني كيف بتمنا تكون اختي بقلهن متل شوش ..


handsomeالله يبسطو اكتر ما هوي مبسوط ... بس لو ما بيشجع المانيا .. :jakoush:


LiOnHeArTنهفه هالشب .. حباب ومهضوم ...وعم يعطيني تواصي هالايام كتير :p

yamen_hيموني .. يمون متل اخي الصغير .. طيب القلب لابعد الدرجات..بس الحظ مكس معو هالايام ...ولا يهمك يا يامن الا ما تفرج بيجي يوم وبتنفرج...ومدمن نسكافيه ماي كب

suryoyoمحترم جدا جدا جدا جدا ...

بنفسجة :لموشه بنت العم ...رب الكفونه :gem:
M.E.e.R.Oميرو الصغير بيضل مبسوط ويضحك..شفتو بسوريا .. القعده معو بضحكك غصب عن .. خليك هيييك

BL@CKكان شي وصار شي .. تغير 180%

MadMaxابن العم ..من فتره صار سوء تفاهم ..عمل كم تصرف ما حبيتون :pos:...هالايام عقلان ..رجع تذكر اني بنت عمو الغاليه :fwink:


أمرأة من ورقمشتاقين لوجودك معنا كتير

Roaaرورو يا رورو ..هالبنت ما فيي منها بنوب ... بنوب بنوب..كفو كتير وحبابه كتير .(المستشاره التجميليه لألي:p-بطالعلها روحها يا حرام )... الله يحميها بتستاهل كل خير.

مايا*رايقه جدا ...بتنحسد :D


fofo besset syriaقطعة من قلبي هيي بتعرف تماما :cy:

Abu Guzefبداية كان عضو متعب كتير... بس هلا اكتشفت .. انو شب رايق وحباب كتير .. وكان مخبيي مواهب عظيمية..محترم جدا علاء ...الله يوفقو..

الموسيقار,ابن العم الغالي كتييير ...الي بيقلبو بدو يقولو ولو ع قطع رقبتو ..كبيييير:larg:

ظل جيفاراوعدتو بشغله وما صحلي جبلو اياها .. خجلانه منو كتير كتير :oops:


Rawبعد ما اتزوج غطسسس...الله يهنيهون

طفولهاحيانا ما بفهم عليها شو بدها .. حساسه كتير

يمانالله يحميه ويرد عنو .. اهم شي انو شاطر بدراستو ..كنت نصحتو قبل لا يجي عالاردن ما رد عليي..ليكو عم ياكل اصابيعو ندامه ..

MaTyAبنت العم الغاليه .. بتذكرني باختي ..بحس مستقبل اختي متل ماتيا :lol:

Sandraالله يصلحك


zenيا لطيف قديش آكل تعصيبات مني :x

AHMADللاسف..عم اتفاجئ فيه

اللامنتمي حتى الحزن عندو الو طعم تاني عندو ...الله يحميه

قرصان الادرياتيك :طول عمرو بيصلح أخطاء للعالم ....بس شفيت غليلي ..وصلحتلو خطأ و أخيرا :gem:

boy friendلو يلتفت لدروسو بس.. ع كل الاحوال مهددتو تهديد لا رجعة فيه :pos:..شب بيجنن..وصغنوط بيسلي وحباب

marwa hannaبحترما جدا ..وبعزها كتير ..

ooopssدموش .. لما ما بتناقر انا واياها بحس شي ناقص ..مشتاقتلها :fk:


YaSerمحترم كتير ..التعامل معو سهل ومريح :D


شوط يا قمر :حامي حمى حمص الأبيه ..يعيش يعيش :adal:


viva syriaفيفا العضو باخوية ... لئيم وما بيسكت لحد ردودو استفزازيه احيانا بيكون متقصدها ..مواضيعو حلوة...لو بيرجع يكتب بالمنبر صار لازم يرجع...
الشخص خارج اخوية .. مختلف وكتير ... اب واخ وصديق ورفيق وحبيب وكتف وكيف ما التفت بلاقيه ... حنون كتير:oops:

Abu Williamشب محترم كتير وكفوو

Abu ToNiغابي ...صرح من صروح اخوية ...كان عندو موضوع اغاني لبنانيه محد كان معبرو غيري وقتها :p...بحترمو جدا لغابي جدا جدا جدا ...!

رمرش رمرش رمرش استلمي

:jakoush:

عمرك؟
22
مهنتك؟
بشتغل بمنظمة لحقوق المرأه..وتغيير مفهوم العنف بالمجتمع
حالتك الاجتماعية؟
مرتبطه:sosweet:
بتدخن؟
لا بس بأركل..


بتشرب؟

اي .. عالغدا ع سهره بشي مناسبه ...
ازا اي من ايمت
من زمان:?

واديش؟

حسب القعده والسهره:nirvana:

انت ليش هيك؟؟؟
ما عم اقدر كون منيحه اكتر من هيك

شو اكتر غنية بتحبا؟؟ وليش؟؟؟
اغنية اصاله ...يا واقف عهالبوابه ناطر الكذابه ..شمتو فينا كل العالم شمتو فينا صحابي..كل يوم بتقول اليوم رح توفي بوعدا اليوم ..:jakoush:
مين مطربك المفضل؟؟
فيروز
.شو المواضيع اللي تقراها بالمنتدى
بقرا كل المواضيع تقريباً

شو الصفات اللي بتكرهها بالانسان

الكذب والبخل

والصفات اللي بتحبها

الوفاء
شو حكمتك بالحياة
ما فيي حكمه معينه ..

شو هيي صفات امراة احلامك

ما عندي حلم بمرا للصراحه يعني:lol:

بس فارس الاحلام : صرت ملاقيتو .:oops:. وما خرج اقعد قلك الصفات ..بخاف من العين :p

اذا ربحت مليون دولار, شو بتعمل فيها؟؟
بشيل مبلغ بتبرع فيه ..والباقي بصرفهن :fnail:

انت سعيد بحياتك وليش

اي ..لاكتر من سبب.

.اذا فشلت بتحقيق حلمك شو رح تكون ردت فعلك؟

بضل حاول لاوصل
وشو هي اكتر مادة بتكرها و كمان ليش؟

الرياضيات :pos:
هل بتامن بالابراج ؟ و علل جوابك

اكيد ما بأمن ..بس بحب اقراهن للتسالي
هل بتامن بالقدر؟ علل جوابك
بنجبر احيانا
هل بتامن بالسحر و المشعوذين؟ علل جوابك
اكيد لا..استخفاف بعقول البشر

عرفلي البيروقراطية والديكتاتورية

البيروقراطية هي مفهوم يستخدم في علم الاجتماع والعلوم السياسية يشير إلى تطبيق القوانين بالقوة في المجتمعات المنظمة. وتعتمد هذه الانظمة على الاجراءات الموحدة وتوزيع المسؤوليات بطريقة هرمية والعلاقات الشخصية. وهنالك العديد من الامثلة على البيروقراطية المستخدمة يومياً: الحكومات، القوات المسلحة، الشركات، المستشفيات، المحاكم، والمدارس. يعود اصل كلمة البيروقراطية Bureaucracy إلى كلمة مكتب bureau المستخدمة في بداية القرن الثامن عشر ليس للتعبير عن كلمة مكتب للكتابة فقط بل للتعبير عن الشركة، واماكن العمل. و كلمة cracy وهي مشتقه من الأصل الإغريقي Kratia ومعناها The Strong أي القوه والكلمة في مجموعها تعني قوه المكتب أو سلطه المكتب... من ويكيبيديا طبعاً.


أما الديكتاتورية: بتعريف بسيط هي مشكلة أنظمة الحكم بعالمنا العربي...

شو اكتر شي بيعصبك؟

حد يناديلي اكتر من مره وكون سمعانتو من المره الاولى :x
شو اكتر شي بيفرحك؟
شوف اختي مبسوطه
شو رايك بقضية الشرق الاوسط؟

قضيه عويصه .. وبعمرها ما رح تنحل .. طول ما حكامنا عم يفكرو بهالطريقة

شلون تعرفت على أخوية ..؟
google
شو هدفك بالحياة ...؟
شغل منيح .. كمل دراستي .. وبيت دافي


كم اخ و اخت عندك؟
بس وحده
مين من اخواتك هوي المفضل عندك وليش؟
هيي نفسا باعتبار مافي غيرها
شو هوي فيلمك المفضل وليش؟
ما عم اتذكر فيلم محدد هلاء:?

مين ممثلك المفضل وليش؟
ريتشارد غير:oops:... تمثيله رائع ..بيلبس الدور لبس ...وانو هيك هيبه يعني..وشعراتو الشايبيين:oops:
شو اكتر شي بتحبو بالحياة وليش؟

الحياة بحد ذاتها متعه


شو أكتر معادلة كيمياء حفظتها بحياتك؟
:cry:
شو أحلى قصيدة مرقت معك؟
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو درس العلوم المفضل يلي حفظتو؟

دورة حياة الماء ... :yahoo:
شو حدود سوريا الجغرافية؟
القرداحه :b7bak:
شو طبيعة لبسك : سبور -فنكي -رسمي ؟
سبور...
شو اكتر موقف محرج صار معك؟
سألوني فوق وما تذكرت ..
بتعتبر حالك ن الناس ياللي بيحكو كتير؟
لا ..
شو اكتر اسم بتحب للشب وللبنت؟

للشب بحب اسم أوس ..
وللبنت بحب اسم ندى -بس ما بتخيل سمي بنتي ندى -

مين قضوتك بالحياة ؟
مافي حد معين ..بس الى حد ما أمي
شو رأيك بالطفولة و الولاد ؟

حلوين..بس لا ينجلقو ..
مين أعز شخص على قلبك و ليش ؟
أمي ..
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟

بشبك ايديهن ببعض وبطالعهن..وبزت حالي..
شو أحلا أيام حياتك؟
صف العاشر :lol:..وايام الجامعه..وراس السنه الماضي:dabeek:
شو الحياه بالنسبه إليك؟

لعبة ... بدك مين يعرف يلعبها
شو بنظرك بياثر اكتر دموع الفرح أم بسمة الفرح؟
دموع الفرح
شوالشي الذي تتمنى أن يرجع؟
مافي شي معين
موقف صار لك ولا تقدر تنساه؟
ما عم اتذكر مواقف :cry:
شو أفضل لديك بمراحل النمو هل هو الطفوله ام المراهقه ام الشباب أم الشيب؟
الشباب
زيت المقلاية عم يحرقك شي؟

يعدمني فوفو انا :jakoush:

انت كمان رح قوم بواجبك لا تخاف هادا الشي ايجابي او سلبي (سمايلي مبحلق ) قلتيلي مضيع جحشة خالتو مهيك اي شو علي وانا كنت مفكرك بتعرفيني منيح (سمايلي بوز )

ريم لا تهربي من سؤالي :jakoush:

اسم عضو او عضوة بيعجبك (الاسم المستعار):

hashtnasht

اسم عضو او عضوة بيعجبك(من الاسماء الحقيقة) من يللي بتعرفي اسماءهن:
ري مي

اسم عضو او عضوة بتكرهيه(اسم مستعار):

ما في
اسم عضو او عضوة بتكرهيه ( من الاسماء الحقيقية) من يللي بتعرفي اسماءهن:
ما فيي


بتشتغلي بالبيت؟بتشتغلي كتير ولا هيكي شوي ؟ فينا نعتبرك ست بيت مثلا ولا لاء؟..
بشتغل شوي .. بجلي الجليات ...واحيانا قليله بمسح الغبره ... وما فيكي تعتبريني ست بيت ... لاني اتكاليه ع امي .. بس لما امي بتسافر بمشي البيت عالليره 8)

شو الشغلة يللي بتحبي تشتغليها ؟شو الشغلة يللي ما بتحبي تشتغليها؟

بحب اجلي (وقت بيكون جاي عبالي مو وقت امي بتنق)... وما بحب قطع بقدونس(هوي بعمري ما كتيتو يعني بس مجرد الفكره مزعجه)




شغلة بتتمني تتوليها وتشتغلي فيها:

عم اشتغل ما في داعي اتمنى
شغلة ما بطيقي ولا بتتخيلي نفسك عم تشتغليها بيوم من الايام الا اذا دعيتك الحاجة لهالشي

اني اشتغل نظف بيوت :cry:

مرام ام شريك...ضيعانك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



ليش ؟؟ :shock:

حبك لفادي هو اول حب بحياتك ولا مقطعة السمكة و ديلها ؟؟

بس

لاء مانو اول حب ... بس اكيد ماني مقطعه السمكة وديلها ... :sly:

قدامك صفات.. بدي كل صفة تلائميها لعضو او عضوة..يعني هالصفة مين بتناسب من الاعضاء (برايك): العصبية:صياد الطيور

العند ( تناحة ):Reemi:angel:

صفة الجاذبية ، يعني بيجذب ، بيلفت:The Light

حباب او حبابة (بينحب يعني):Matya
مميز او مميزة:عنا كتير اعضاء مميزين
مثقف او مثقفة:الحمد لله بأخوية كتار ..
مهضوم او مهضومة..خفيف دم يعني:شوط يا قمر:lol:

محترم او محترمة: yass
نقاق او نقاقة:oopssبس بتجنن نقاقه بالمزح طبعا
جدي او جدية:قرصان :cold:
هادئ او هادئة:اللامنتمي
مشاغب او مشاغبة ، يعني اصحاب مشاكل بكل موضوع بيفوتوه:whiterose
صادق او صادقة:marioma
متواضع او متواضعة:
حنون او حنونة :فيفا سيريا:oops:
صاحب هيبة او صاحبة هيبة - يعني بتحسي في رهبة وهيبة بوجودو او وجودها:كريم الله يفك اسرو

ليش ؟؟ :shock:
عم يقلك السؤال بدك تموتي شو بتحبي قلك ما ضيعانك يعني :shock:

بنت العم الغاليه .. بتذكرني باختي ..بحس مستقبل اختي متل ماتيا :lol:



حباب او حبابة (بينحب يعني):
Matya


حيااااااااتي انتي ..
بس يعني بهالحكيات الحلوين عني حسيت اني رح بخجل من حالي ادا بكملك اسئلة وقلي :oops:

فا قررت انو بس ادا اقتضى الامر وخف عنك القلي بسألك اما ادا كان عليك ضغط اسئلة فـ ما بسألك

كفو بنت العم؟ :larg:

*بالنسبة لتقمص شخصية الاخر .. برايك من اين ينبع ,.. يعني من جهل..الخ..؟!

ضعف بالشخصيه .+.قلة ثقة بالنفس ..!

ما بيمنع يكون عند الانسان حد يقتدي فيه ... بس يضل محافظ ع شخصيتو وكيانو المستقل.

*برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ...

طبعاً لاء .. الحب عاطفه ومشاعر ما ممكن ابدا التشارك فيها ..

*الحب عبر الانترنت.. الى اي مدى تؤمنين بـ وجود هذا الحب؟!!

الانترنت وسيلة تواصل بتتكون منها صداقات كتيره منها ممكن تستمر وتصير صداقتكن ابعد من الالكترون ومنها الي ما بيستمر .. ومنها الي بيطور وبصير حالة حب ... وقت بيجيكي احساس الحب ما في قوة بالكون بتقدر توقفو سواء تعرفتي عهالشخص بالشارع او بالشغل او بالمطار او عالانترنت او عالتلفون ..

* بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!!
و هل برايك سيستمر هذا الزواج ام ينتهي بالفشل؟! وَ عللي بحياتك .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اساس الزواج هوي التفاهم والثقه والحب ... هالشغلات التلاته غير مربوطين بوسيلة التعارف .. أبداً

في عالم شافو بعض ع ارض الواقع وحبو بعض سنين وتزوجو وقدرو ينجحو وعالم متلن تماما ما قدرو ينجحو
وفي عالم اشتغلو مع بعض وحبو بعض وتزوجو وفشلو وفي حالات تانيه مشابهه الهن استمرت

علاقات النت متلهن بالضبط .. قد تنجح وتستمر وقد لا تنجح ..
بالنهاية كل تجربه الها مقياس خاص فيها ..


* لمين بتقولي من الاخوية (ادا في حدا ينقلو )- يعني شخص بدك توصفي بـ قول من هالاقوال :


أ- "وما خاطبتُ جاهلاً الا وغلبني".

يش يش
ب- " ولا خير في ودّ امرئ متملق حلو اللسان وقلبه يتلهبُ".

بيعرف حالو تماماً
جـ-"ولا خير في ودّ امرئ متلون اذا الريح مالت مال حيث تميلُ".

احتراماً لما كان ما رح قول ..

د- الكذب عندك صنعة.
ما في حد

* بدي توصفي صوت او اغاني او موسيقى : أ- فيروز.
الصوت الي بيطلع من روحك من اعماقك ..بتغنيلك بتحملك وبتساعدك... اذا ما سمعت فيروز الصبح نهاري ما ممكن يستمر طبيعي.

ب- زياد الرحباني.

جامع ابداع آل الرحباني ... يوم حفلتو كان يوم من العمر متل الحلم
ج-شربل روحانا.

خطييير:larg:
د- ميادة بسيلس.

للاسف ما اخدت حقها كتير ..صوت رائع..
هـ- لينا شاماميان.

صوت ملائكي ... بس اسمع منها اغنية يا مسافره بصير ابكي
و- مريومة الغزيالة(كـ فنانة بتغني مو كـ مشرفة بالاخوية) .

موهوبه ..خامه ممتازه ...عليها كل طرقة اووووف بتهز جبال ...الها مستقبل

حرام معلمتي :oops:

رمروووم...


انو بس هسؤال...
بس اجي (عن قريب) استقر بالاردن.... رح توفي بوعدك وتعطيني غرفه عندك؟ :p

رمروووم...


انو بس هسؤال...
بس اجي (عن قريب) استقر بالاردن.... رح توفي بوعدك وتعطيني غرفه عندك؟ :p
كنا بفنجان قهوة .. صرتي بدك تستقري :?..ما كون عزمتك ع غدا شو كنتي عملتي:p

رح جاوب الاسئله هدول وبعدين ارجع لاسئله طارق..لانو الحمد لله قايم بالواجب:cry:


ريمي....
شو رأيك بأيام الجامعة؟
احلى ايام عمري..:yahoo:
بتخطر ببالك نرجعلا؟
يا رييييييييت:cry:
شو كان احلى شي بالجامعة؟

فوق المالية :lol:
شو اكتر موقف بتتزكريه من مغامراتنا فيها؟

يوم رحنا ع عمان مول ورجعنا :o
ازا هلأ خيروكي بشغل متيح او رجعة للجامعة شو بتختاري؟

طبعا برجع عالجامعه :yahoo:

ل
ام الريم .. سؤال ع الماشي .. رجعو مسجاتك؟ :p

لا...:cry:


ما دام جيت وجيت سؤال عالماشي..لو انا ادامك هلأ شو بتساوي فيني؟



بقوصك :zen:


حسب توقعك..لو كنتي قدامي باللحظة يللي فيها التبس فهمك :frown: لـ جملة كنت كاتبتها برسونل مسج ..
وقتها لما فكرتي شي وانا قصدي شي تاني .. بتتوقعي لو قدامي .. شو كنت رح بعمل فيكي على هالغلطة؟؟
:lol: يلعنو هداك اليوم ... لوهلة كانت رح تجيني الجلطه منك

يا ستي كنتي ممممم كنتي ما لحقتي عملتي فيني شي..لانو من وهل الصدمه بالشي الي قلتلك اياه كنت انجلطتي ومتي:p

كنا بفنجان قهوة .. صرتي بدك تستقري :?..ما كون عزمتك ع غدا شو كنتي عملتي:p

كنت احتليت البيت :lol:
وهاد بدل ما تقولي البيت بيتكون :pos:

كتبت شي خمس اسئله و اكلهم السرفر :o ..

السؤال الاهم منهم : شوش شو ا كتر غنيه بتحبها ؟

السؤال الاهم منهم : شوش شو ا كتر غنيه بتحبها ؟

اواخر الشتا
:flover:
كنا باواخر الشتا قبل اللي فات
زي اليومين دول عشنا مع بعض حكايات
انا كنت لما احب اتونس معاه
انا كنت باخذ بعضي ورحلوا من سكات
والناس بعز البرد يجرو يستخبو
وانا كنت بجري و اخبي نفسي اوام في قلبو
و لحد لما الليل يليل بابقا جنبو
:fheart:

اواخر الشتا

:flover:
;-) ;-)

ريمو ...

لمين بتقولي :

حل عني ..
ماني طايقتك
تضرب شو اجدب
بحبك كتير
ودعتك بس ما نسيتك
عيونك حلوين
ضحكتك بتجنن
شعراتك كول
لك بتقرّف


ازا قالولك اكتبي رسالة لحدا مين عيلتك ... لمين بتكون وليش؟

شوبيعنيلك عمو الكمبيوتر ||؟؟

انتي متدايقة مني شي؟؟؟

شو القاسم المشترك بينك وبين : + صفة سلبية فيهن .. يعني شي بدايقك بشخصيتن

مراموش = شوش + مرام

ريتا

اوووبس

فيفا سيريا

وشم الجمال

ماتيا

فوفو

يمان


هنهنات


سرسر

ياسين

حسان = ذا ضو

سامر

يامن



لو ما كان اسمك ريم .. شو كنتي بتتمني يكون ؟؟؟

شو رح تسمي ولادك؟؟ وكم واحد رح يكونوا؟؟

عرّفيلي الحب ب اربع كلمات ..

اممممممممم

غليظة انا مو ؟؟

اي اي بعرف ... ورح اتقوص .. فدائيي ...:lol:

ريمي يا ريمي ....

بعرف انك بتدرسي عنا بس بأي جامعة ؟؟
وشو تخصصك(بالزبط)..؟؟
هدول سؤالين هلأخاطرين ببالي بس يجي شي تاني ببقى بسأل...:oops:
موفقة خالتو ...:D

ريمي هون؟
يعني نلبس سترة واقية من الرصاص هي اولا ونتخبى هي ثانيا
ونبعتلك كم سؤال هي ثالثا

مين عزمك انت :cry:

شو العلاقة بين ريمي والفراولة؟

علاقة تاريخيه مليئة بالحب والعاطفي..الفريز سر الحياة :sosweet:

بسنة 2020

مريومة وين بتكون ؟
عندا حفلة للجالية السوريه بأمريكا ..والتيكت بتجيبو بطلوع الروح

هاني داغر وين بيكون؟
عم يستعد لحفلة مريوم

ميشيل عون وين بيكون؟
بيجوز يكون مات
روبي وين بتكون؟
ببيتها
عاصمة الثقافة العربية مين بتكون؟
دمشق
مشرف الصالون مين بيكون ؟
ابنها لبنفسجه :p
مين بايخد كاس العالم ؟
البرازيل:gem:

هلق اجينا للجد
1- رحيل صبا هالسنة شو غير بريم ؟

رحيل صبا جرح ما رح يطيب...غصه بالقلب ما رح اقدر اتفاداها .. بعد رحيل صبا صار عندي فرط حساسية اتجاه الموت - الي حاولت اشفي حالو من اربع سنين بعد وفاة جدي تعذبت كتير وقدرت اتعفى بس بعدين للأسف اجت فاجعت صبا- رجعتني لتحت الصفر .. معد اقدر زعل حدا ابداً .. صار عندي الموت هاجس اذا حد غاب شي ساعه او دقيت لحد ما رد فورا بكون خفت اني خسرتو .. الشعور بيعذب جدا ما فيك تعيش حياتك بشكل طبيعي بس تصير بحالتي .. اذا امي بتزعل مني شوي بموت ..اذا بيمر كم يوم ما بسمع خبر عن ابي بتعذب.. اذا بتصير الساعه 8 الصبح ولسا فرح ما داقتلي بيكون صار قلبي عالارض..اذا بدق لفادي وما بيرد او بيطول ليرد بتكون فرطت اعصابي ..

الله يسامحك...ورده لروحها :D

2- شو الاحساس يلي ريم فاقدته وبتتمنى يرجع ؟

النيرد:lol:...جاي عبالي ارجع ريمي الشطورة بالجامعه الي بتقعد بالمقعد الاولى والدكاتره بيحبوها :p
3-شو عطيتك الاردن وما عطيتك ياه الضيعة ؟
اكيد حياتي بالاردن قدمتلي كتير شغلات كانت الضيعه عاجزه تقدملي اياهن .. صعب تختصرهن بكلمه وكلمتين ..
4-قديه بتقيمي نسبة ثقافتك؟

لسا ع طريق الثقافه
5-بتحس حالك مقصرة بالاخوية ؟
طبعاً
6-سؤال طرحه مرة نيشان : لو انو في عصا سحرية اسما بدي اخفي ريمي
مين بتعتقدي انو اسرع شخص بيستعملا وبيخفيها ؟

ما اعتقد اني عاملي شي لاي حدا بيستدعي انو يخفيني .. ما اتوقع
7-ايمتى بيجي اليوم يلي رح تقول فيه ريم انو حاجة ما بقى فيني اعطي شي جديد للاخوية؟
ما بعرف ايمت..بس وقت بحس اني عم قصر بمسؤولياتي وباقسامي واني معد قادره كمل اكيد رح زيح الطريق لغير ..-قد يكون مو مطول كتير وقد يكون مطول-

8-بموضوع 60 دقيقة قبل الاعدام كانت اختيارك انو:

لو طلبت منك تكتبي هالرسالة شو بتقولي فيها
ما بقدر اكتب الرساله ..بس ممكن اني قول اسماء الاشخاص

9-بمسرحية يعيش يعيش تخبئ هيفا الامبراطور الهارب من الانقلابيين وتخبره انها مستعدة لتخبئ الانقلابيين
يا ترى ريمي مكان هيفا بتاخد موقف ولا بتبقى عالحياد بهيك ازمات سياسية كبيرة

ماني حضرانه المسرحيه وما بعرف شو كان الموقف فلهيك ما فيني جاوب

10-اخر مرة ريم بكيت فيها ايمتى؟

اول امبارح بالليل

11-رح حطلك 7 تواقيع ل7 اعضاء وبدي منك رايك بالكلمات

لأننا نتقن الصمت...
حملونا وزر النوايا...

غادة السمان

دائما سكوتك بيعطي الفرصه للطرف المقبل التأويل حسب ما بيرغب ..وبالعاده بيكون بيرغب عكس ما انت بدك


الفلسفة هي مسافة الامان بيننا وبين الموت
جيل دولوز

في حد كنت اعرفو كان يستعمل الفلسفه وسيلة الامان بين كل شي

لطالما دفعت بي حاجتي الى الحنان الى التماسه عند أشخاص كانوا يحاولون تدميري
فان كوخ

الشعور بالوحده والجوع للحنان كفيل بانو يخليك شخص تاني وتتحمل شغلات ما كنت تتخيل انك بتقدر عليها

يجددنا الحب من أشياء لا وجود لها ويميتنا من حيث يحيينا
أدونيس

الحب بيفجر فيك طاقات ما كنت تتخيل انها عندك ..وبنفس الوقت بيخليك تتنازل عن شغلات ما كنت متوقع تساوم عليها بيوم من الايام.
لا !
لن تحطم الخيبات عزمي
لن ترهق الجراح طموحي
بالرغم من الحواجز
سأطير نحو الذرى
وستلمس أصابعي الشمس
فتصبح أناملي ينابيع دفء... وجداول أمل
ينهل منها العابرون

كوليت خوري


ريمي..مؤخراً :gem:
الخوف وحده هو الذي يجعلك أقرب للحيوانات منكم إلى البشر...
خوفكم من تقييم الآخرين لكم هو الذي يضطركم إلى أن تظهروا بكل الوجوه ما عدا وجهكم الحقيقي محمد الماغوط



في كم حدا معنا هون ...بتمني كتير يقروها منيييييييح .. ويعرفوا انو اذا ما كنت أنت بعمرك ما حتقدر تكون شي!

ما أتعس المرأة التي تستيقظ في غفلة الشبيبة , فتجد ذاتها في منزل رجل يغمرها بأمواله و عطاياه , و يسربلها بالتكريم و المؤانسة و لكنه لا يقدر أن يلامس قلبها بشعلة الحب المحيية ,
و لا يستطيع أن يشبع روحها من الخمرة السماوية .
التي يسكبها الله من عيني الرجل في قلب الإمرأة
جبران خليل جبران

كل مصاري الدنيا وكل رفاهية الحياة ما بتساوي لحظة حب ... ما بتساوي دقة قلب بلهفه ودمعة فرح وحزن .. كل شي فاني المهم القلب


تعبتك؟
والله مفتوحة قريحتي عالاسئلة
مفتوحه قريحتك وانا شو ذنبي :jakoush:

12-ضد او مع

زواج المثليين

مع


الام العزباء
مع


المحكمة الدولية لقتلة الرئيس رفيق الحريري
مع


تعاطي الفنان الشأن السياسي

ما بفضل ..بس حرية شخصية

ان تشن سوريا حرب على اسرائيل لاتسرجاع الجولان
ضد

- لو كنتي مكان هؤلاء الاشخاص شو بتعملي

غادة السمان
بكتب باليوم 24 ساعه ...

سمير جعجع

بوافق ع كل شروط سليمان فرنجيه بالاجتماع الي بدو يصير عن قريب

ياسر عرفات

الله يرحمو..بيكون عم يدق كاسو مع الحكيم حبش هلا :nirvana:

نيكول كيدمان

:oops:يا ريت كون محلها

فيكتوريا بيكهام

بطلقو لبيكهام :jakoush:

صدام حسين

الله يرحمو..

yass

باخد اجازة من الانترنت والكمبيوتر شي اسبوع ... وبرجع Fresh:nirvana:

pazz

ما بعمل شي...بستمر بحاتي بشكل طبيعي وما بخجل من شي ابدا .. هاد حقو الطبيعي :ohyeah:

-في حال لا سمح الله وبعيد الشر عنك وعن كل الناس اعتقلوكي وتحقق معك وطلب منك الاعتراف عن اعضاء معك بالاخوية بتعرفيهون منيح وتعرضتي للتعذيب
لاي حد ممكن تبقي عم تحتملي التعذيب كرمال اشخاص بتعرفيهون افتراضيا بس ما شفتيهون شخصيا ؟

بيعتقلو واحد متلك 8-)

15-شخصية ريمي الكرتونية القديمة قديه بتشبه ريمي ؟

اكيد بتشبهها ...وفي منها ..بس الانسان بيتغير وبيكبر ... ووقت زمان مو متل هلا وبكرا مش متل امبارح

16- بكلمات بسيطة بدي اعرف بمفهوم ريمي من هو الله

قوة روحانيه اكبر من اي شي عم ينحط بظهرو

17- شو هوي الخط يعني الموضوع او الحديث يلي عنده ريم بتقول انو لا هيدا خط احمر وما بدي احكي فيه ؟

ما في .. عندي استعداد ناقش بكل شي ..(سمايلي اوبن مايند)

18- لو طلبت منك وكالة الفضاء انو تطلعي سياحة فضائية ومعك شخص وحيد مين ممكن تختاري ؟

بدك تورطني..ان قلت فرح بيزعل فادي وان قلت فادي بتزعل فرح..حاكم هني الاتنين عم يشدو شعر بعض هالايام :lol:

باخد اختي ميوشكا :fchem:

19-لمين بتقولي اليوم اشتقتلك
لستي :fsad:

20- رح قلك انو خليتني ارجع اكتب واسال اكتر واكتر وناطر تنوريك للمقلاية

اهلا وسهلا:pos:

رجل من ورق

ريمي :fglasses:

بسنة 2020 مين بياخد كاس العالم؟ مونديال يعني ..

ليش بالـ 2020 في مونديال اصلاً :jakoush:

لاء وريم بتجاوب من كل عقلها انو البرازيل :o

-----------

اختك ميوشكا .. بذكرك فيها ما؟ حتى دلعها قريب من الدلع الحديث الي :larg:

ريمي يا ريمي ....

بعرف انك بتدرسي عنا بس بأي جامعة ؟؟
وشو تخصصك(بالزبط)..؟؟
هدول سؤالين هلأخاطرين ببالي بس يجي شي تاني ببقى بسأل...:oops:
موفقة خالتو ...:D

تخرجت من سنه ...

من جامعة فيلادلفيا ..

تخصص: Management of Business Networking Systems

اي ايمت ما اجى رح تاخدو البرازيل :gem::sly:

بسنة 2020 مين بياخد كاس العالم؟ مونديال يعني ..

ليش بالـ 2020 في مونديال اصلاً :jakoush:

تخرجت من سنه ...
كل فكري لسى بتدرسي...:?

سؤال هلأ خطر ببالي... (بالمحاضرة)....
مين صاحب موضوع المقلاية ؟؟
وليش انعملت المقلاية ؟؟

:p

رمرش رماريش

بتلعبي شطرنج؟

ادا اي

بتعرفي منيح؟ منيح منيح؟

و ادا حدا بيتحداكي بلعبة شطرنج بتقبلي؟

وحتى لو عن شرط؟

كم مرة خسرتي؟ وكم مرة ربحتي؟ وكيف ربحتي ( تشيك ميت ولا الطريقة التانية)؟

...

انتي عنك بتعتبري حالك :

حساسة:
عصبية (بشكل دائم ومفرط ولا نادر وبسيط):
بتصبري:
قادرة تحملي هموم غيرك:
قادرة تساعدي بالحالات النفسية ولا صعبة (مش لعدم رغبة انما بقصد صعبة من حيث انو مش كل حدا بيقدر يساعد بالحالات النفسية حتى لو حابب يساعد ) .. بقا انتي وين موقعك بهالشي:
بتسامحي بسهولة ودغري ولا صعب وبيحتاج وقت:
بتنحبي .. يعني بتلاحظي انو لما بتحكي مع حدا دغري عم يصير في تفاعل وعم يحبو صحبتك:

----

رمرش رماريش

بتلعبي شطرنج؟


...

لا:sanfoor:

في تفكير .. انو الزواج لازم .. حتى لو كان الزلمي مش زلمي .. وانو في واقع اهالي يمكن بنشوفهن بالتلفزيون كـ وثائقي .. او سمعنا عنهن بقصص او يمكن البعض لمس هالواقع ..انو الاهالي بيزوجوا بناتهن لـ اي حدا ممكن يتقدملن .. لتفكير انو بيضل احلى من انها تبقى بالبيت ..

انتِ كـ بنت ، انسانة ، كيف بتنظري لهيك تفكير .. وبرايك هيك تفكير ناجم عن شو؟!

+

بتقليلي من هون من الاخوية .. مين اكتر شي دعمك او دعمتك بحياتك .. بعملك .. ساعدك او ساعدتك ..
وادا بنقلك وجهي كلمة .. او رسالة .. لهالحدا .. شو بتقولي ..

* ادا في غير فرح ..

ندمانة ع شي بحياتك بشكل عام؟

ندمانة ع شي بشكل خاص بالاخوية..متل تصرف..كلمة..جملة..رد .. قلتيه
يمكن فيه غلطتي بحق حدا؟ جرحتي حدا؟ دايقتي حدا؟

------

لو مثلاً .. حدا ساء فهمو متل ما ساء فهمك للبرسونل مسج بهداك اليوم ..
يعني بمعنى لو كنتي محلي .. بوقتها .. شو كان بتعملي على سوء هالفهم من يللي قدامك ؟ :p

ماتيا عم تلعبي بعداد عمرك انتي :lol:

ريموشة ..

رح بسألك سؤال سألو زيد لـ نوار .. بيقول :(ادا مش هوي ذاتو بكون استوحيتو منو):

لو اندق باب بيتك .. وقلتي مين .. شو رح تكون ردة فعلك ادا انقلك انا :

ماتيا :oايلي شو بتعملي :lol:
لمى
مروة حنا
سراب
شوش
مريوم

وبس :larg:

ماتيا عم تلعبي بعداد عمرك انتي :lol:

هههه لا ما تخافي .. عملت حسابي :lol: ع علمي رح تنقفل المقلاية بعدها :gem:

لا:sanfoor:




:frown: طيب شو بتعرفي :pos:

.
.

رمرش رمرش :

بدي تقيمي حسب احساسك محبة هالاشخاص الك من 1 لـ 10 .. وتقليلي اديه بتحسي :

انا بحبك؟
مرام بتحبك؟
شوش بتحبك؟
ريتا ..
مرسيل ..
فرح
امير
سامر
ياس
اوبس
بلاك ايريز
وسيم
ساندرا
احمد
زين
يامن
يمان
مروة حنا
سراب
رامي
..

محبة اخوية :p اديه بتقيمي (حسب احساسك)محبة كل حدا من الاشخاص فوء لالك ..

من 1 لـ 10 .. 1 قليل .. 10 كتير .. :p

رمرووووووووم بالمقلاية ..... :lol:


1. باعتبارك في جمعية للدفاع عن حقوق المرأة ..

اذا شفتي بنت تعرفيها او ما تعرفيها رح تتزوج غصب .. تساعديها بالهرب ؟


2. تحبي الادب ؟؟

اذا اي ؟؟ احكيلنا على اكثر كتاب او روابة أدبية أثرت في ...

- ريم المراهقة

- ريم الطالبة الجامعية

- ريم اليوم



3. احكيلنا عن مدى اعجابك او عدم تقبلك ل ,,

جورج وسوف

كاظم الساهر

أصالة نصري

عاصي الحلاني

وفيق حبيب

محمد عبدة



4. رأيك بالامثال التالية

- رجعت ريما ( و يقال حليمة ) لعادتها القديمة

- حاسب صديقك يوم بيوم حتى ما تخسرو دوم

- اسمو بالحصاد ومنجلو مكسور

- ابويي ما يقدر على أمي .. ابويي بس يقدر عليّي :lol:

- امشي شهر و لا تعبر نهر



اذا تحتاجي ترجمة انا جاهز !




لا تخافي ... الوجبة الجديدة قادمة :larg:

يعني فعلا ما حلوة انو ما اسئل ولا سؤال

1- ريم شو بتشوفي الأخوية لوين لح تكمل معقول تصير الأخوية مو بس موقع انترنيتي؟

2- ريم المواقع المشابهة لأخوية ما نجحت شو سر اكسير خلو الاخوية يلي اذا حدا دائو مالح يئدر بسهولة يترك؟

3- شو رئيك بالتعامل بفوقية ؟ (( و انو شو يابا انا ابن الست و انت ابن الجارية ))

4- ذوي الاحتيجات الخاصة بتخافي منون ؟

5- لو انطلب منك او انجبرتي تعيشي بدولة مغلقة متل السعودية كمثال شو بتعملي ؟


تعليقك على كم شغلة


الانترنت

الميكرو

سرطان الثدي

العنف المنزلي

التحجر العقلي


السواقة


و بس ما تئلت كتير

بدك اطلع من راسك وحياتك؟


افهم انو السكون علامة الرضا :x:x:x
:p


في كتير مواقف حلوي بحياتي ... لقائي بحضرتك مثلا:pos:

والله خجلتيني وقليل ما اخجل :oops:

:gem::gem:



مممم ماعم اتذكر ..ساعديني :?


اي انا الي بساعدك...موقف ابراهيم علان ولو...معقول تنسي البهدلة والضحك الي ضحكناه وانو بقينا سنتين من بعدا نهرب منو للزلمة :lol::lol:



كنتي دايما الكتف المستقبل لريمي بالسراء والضراء..غيابك فراغ كبير ما حد بيعبيه..

ما تخافي ما راح غيب وخلصك مني بهالسهولة :lol:
مشان ما تروحي عكتف غيري :pos::pos:



بشيل مبلغ بتبرع فيه ..والباقي بصرفهن :fnail:

لك العمى ئولي بتزكر هالمخلوئة الي اسما فوفو :jakoush:
لك انا فكرت فيكي قبل صيدليتي ..:jakoush::jakoush:


كنت بدي اسأل بس حسبتا انو انا بكرا بدي شوفك بقا خفت وغيرت رأيي :lol:

كنت بدي اسأل بس حسبتا انو انا بكرا بدي شوفك بقا خفت وغيرت رأيي :lol:



أنا عم احلم ليل نهار ليل نهار.... :larg:

قلتيلي بكرا بدك تشوفيها... عيني خير :sly:

أنا عم احلم ليل نهار ليل نهار.... :larg:
قلتيلي بكرا بدك تشوفيها... عيني خير :sly:

رايحين بكرا في مهمة انسانية بحتة جدا...تعا معنا :lol:

سؤال من وحي هالتعليق...ريمي ازا بكرا ونحنا هنيك اجاكي ولد وقلك بدي اسألك ليش انا من بين كل هالعالم صار معي هيك....شو ممكن تجاوبيه
(عم اسألك لأني خايفة من هالموقف:cry:)


رحيل صبا جرح ما رح يطيب...غصه بالقلب ما رح اقدر اتفاداها .. بعد رحيل صبا صار عندي فرط حساسية اتجاه الموت - الي حاولت اشفي حالو من اربع سنين بعد وفاة جدي تعذبت كتير وقدرت اتعفى بس بعدين للأسف اجت فاجعت صبا- رجعتني لتحت الصفر .. معد اقدر زعل حدا ابداً .. صار عندي الموت هاجس اذا حد غاب شي ساعه او دقيت لحد ما رد فورا بكون خفت اني خسرتو .. الشعور بيعذب جدا ما فيك تعيش حياتك بشكل طبيعي بس تصير بحالتي .. اذا امي بتزعل مني شوي بموت ..اذا بيمر كم يوم ما بسمع خبر عن ابي بتعذب.. اذا بتصير الساعه 8 الصبح ولسا فرح ما داقتلي بيكون صار قلبي عالارض..اذا بدق لفادي وما بيرد او بيطول ليرد بتكون فرطت اعصابي ..

الله يسامحك...ورده لروحها :D


يا الهي هالسؤال شو فتح مواجع...
هون لازم اعترفلا لريم بشي مخبيتو عنها..انو انا وقت وفاة صبا كنت احكي معا وواسيها وقلا كوني قوية وما بصير هالجدبنة وبهدلا....بس كنت اول ما سكر الخط ابكي عهالوردة الي دبلت وقول لحالي انو ما طبيعي الظلم الي بهالدنيا لحتى هالبنت الي اسا ما شافت شي تموت...متل ما هلأ بكاني هالسؤال وهالجواب...تضربو :cry::cry:

فعلا وفاة صبا رجعتلنا زكريات وخوف كنا عم نتناساه...وعتنا انو مافي شي بالعالم بيستاهل تزعل حدا منك حتى لو كنت بتكرهو لانه ممكن هالكلمة تكون اخر كلمة تحكيله اياها

وردة لروحا :D

وبعتزر انو ما سألت هالمرة واتدخلت بمقلاية ريم :cry:

وبعتزر انو ما سألت هالمرة واتدخلت بمقلاية ريم :cry:

ها :?

هي وقفت على هالتدخل ست فرح؟؟ صرلك من أول المقلاية وانتي ما سكتتي... وقفت على هي... ماعرفتك وانتي عم تعتذري :larg:

ها..سؤال .. سؤال رمرومة ئلبي :oops:

انتي وفرح معرفة نت لما من صغر متربيين سوا وهيك؟:p

ادا نت .. وصفيلنا كيف كان اللقاء الاول ؟:larg:

+

انتي قابلتي كتار من الاخوية..اي اكتر لقاء حبيتيه..اكتر اكتر واحد .. بتحسي انو ريتو يتكرر كتير ..

+

خبريني .. كيف طلعت طبخة اليوم؟ وتذكرتي شو امك قالتلك تجيبي غراض لما لا؟ :p

هي وقفت على هالتدخل ست فرح؟؟ صرلك من أول المقلاية وانتي ما سكتتي... وقفت على هي... ماعرفتك وانتي عم تعتذري :larg:

خليك محضر خير ..:jakoush:
كنت بدي اتنازلك عن الرحلةالي احتارت ريمي بيني وبينك فيها بس يطلت هلأ :pos::pos:
انا عم خفف عن ريم اسئلة انو العالم بلتهو بالحديث وبينسو ريم...لك مو هاي كانت خطتك :cry:
:lol:


انتي وفرح معرفة نت لما من صغر متربيين سوا وهيك؟:p
:p

بصير جاوب انا :lol:

بصير جاوب انا :lol:

بس نرجع لمقلايتك :lol: