شوية موضوعية معلم دحيل عينك "هاليومين كتير عم طالب بالموضوعية أنا" :



كم فرق بدك مشان عدلك؟؟
بيكفي انو الأول كان في دم 2 مليون عراقي برقبتو والتاني مافي غير تجاوزات أمنية وكلنا مانا موافقين عليها بعهدو... الأول في حلبجة وفلوجة وام المعارك و مليون مجزرة وحرب بفترة حكمو والتاني مافي هيك شي؟؟
الأول غزا الكويت وحارب ايران عشر سنين والتاني لسا ما فتح اي جبهة داخلية أو خارجية "مع العلم إني ضد هالشي بالنسبة لموضوع الجولان"...

من ناحية عدد الضحايا مزبوط هادا الكلام ولكن ما هو السبب؟
لأن الاجرام والارهاب والمقابر الجماعية التي ارتكبها الاسد الاب زرعت رعبا هائلا في نفوس السوريين بحيث انو هلئ مافي سوري يسترجي يعبر عن معاناتو بصوت عالي, اما بالعراق صار في انتفاضات شعبية ضد صدام ادت الى تلك الاعداد الهائلة من القتلى ولو تصير انتفاضة شعبية ضد نظام الاسد هلئ رح يكون التعامل نفسو ونفس الاجرام و الارهاب






يعني هالنوع من الخطاب بيفقد كلامك أي موضوعية أو امكانية حوار باعتبار في اسس بالحوار انت عم تتجاهلا...
شو حكينا غلط




لاء نسبي الموضوع حبيب في تدخلات وتجاوزات وارهاب بتمارسو اجهزة الامن بسوريا ماحدا بيقدر ينكر "غير اذا كان هو او حدا من اهلو مساعد اول بالمخابرات " وهالشي كلنا ضدو... أما انك تشبه وضع النظام بوضع النظام العراقي السابق قهو شي مسيئ وغلط كبير بتعرف ليش؟؟

مو حباً أو دفاعاً عن بشار الأسد وإنما لأنو هالتشبيه بيإدي لإفقاد مطالب الشعب السوري أي مصداقية... ويلي بشبه المعطيات لبعضا بيكون عم يطالب بنفس النتائج وبهالحالة ممكن بدون ما تدري تكون عم تشرع تدخل أجنبي بسوريا بغية تغيير الوضع القائم...

وصدقني بشار الأسد وأجهزة أمنو أرحم بألف مرة من انو اي تغيير بيجي على دبابة أمريكية... بنصحك تقرا الوثيقة التأسيسية لإعلان دمشق على أمل انك تفهم شوي شو نمط التغيير الوطني يلي بتطالب فيه المعارضة الوطنية الشريفة...

اشكرك على وصف بعض ممارسات الامن السوري بالارهاب, بعدين انا ما بتذكر اني طالبت بتدخل اجنبي لتغيير الوضع القائم حاليا, ولكن لا اعتبر ذلك خطا احمراذا رح تضل عائلة الاسد تحكم سوريا للابد ,ولكن هادا اخر خيار ممكن يخطر على بالنا.



مافهمت يعني انت عم تلعب لعبة أوجد القواسم بين بشار الأسد وصدام حسين؟؟ معقول انت مقتنع انو الوضع بسوريا متل الوضع بالعرق قبل الغزو؟؟

لاء أخي الوضع الديموقراطي بسوريا زفت بس الوضع الديموقراطي بالعراق كان دم...

متلما ذكرت لو تصير انتفاضات شعبية بسوريا متل بالعراق رح يكون الوضع دم كمان هون




هوب هوب كلو إلا هي قصة الطائفة.. ياعيتي انت ليش متخيل انو الطائفة العلوية بسوريا بالعة الأرض؟؟ لاء عمي لاء الإنماء الغير المتوازن بسوريا ماشي على كل المحافظات... وكل ضيع محافظات سوريا ناقصها خدمات وسوء الإدارة ماشي على الكل... لك وبالعكس بدي قلك شغلة بشرفي في قرى وضيع "علوية" وضعها أسوء من أيا ضيعة بحلب أو بحمص...

بعدين تعا لقلك مو معنى وجود كم رئيس فرع مخابرات علويين هالشي معناه انو باماشالله العلويين ماسكين الحكم... لاء ياعيني مدير ادارة المخابرات العامة "السني" علي مملوك متلو متل أي رئيس فرع مخابرات وكلون دورون ووجودن وممارساتون القمعية غلط... فرجاءً لاتفقد قضايانا أحقيتها بهالكلام الفاضي...

ومين جاب سيرة الطائفة السنية او العلوية ؟؟؟
انا قلت انو الاتنين اعتمدوا في الحكم الامني على اقربائهم و طائفتهم , يعني قصدي جابوا كم واحد من الطائفة وحطوهن مسؤولين امنيين مشان الثقة يعني مو كل الطائفة.
يعني لاحظ غالبية اقرباء صدام هن مسؤولين بالدولة وفاسدين
وغالبية اقرباء بشار هن مسؤولين بالجيش او الدولة وفاسدين
وكلامك عن الخدمات في محافظات سوريا لا غبار عليه







قصدك النهاية بالاحتلال الامريكي؟؟!!

سر بيناتنا: وحود شخصيات متلك وبتفكيرك هيي يلي بتخلي بعض مرتزقة النظام يحكو على المعارضة السورية الشريفة ويشككوا فيها....

مابعرف اذا عن قصد ولا دون قصد بس انت عم تشتغل لمصلحة قمع شعبك أكتر ماهو مقموع وعم تسيئ لهالشعب أكتر ما النظام عم يسيئ إلو...

أنا شخصياً بفتخر اني معارض لهالنظام وممارساتو الأمنية وقمعو للحريات والفساد المستشري فيه... بس بقول بكل وضوح انو النظام أقرب لإلي ألف مرة من شخصيات بتحمل فكر كفكرك..

بعتذر من صاحب الموضوع والمشاركين فيه على تغيير وجهة النقاش بس هالتوضيح للسيد نهال من زمان كنت حابب وضحلو ياه...

تكون اقرب الي او ابعد هادا شي ما بهمني مع احترامي الكبير لك

برافوووووووووووو
اذا كلامك مظبوط ليش ما بصير انتخابات ديقراطية ومتل ما قال نهال اذا هوة فاز رح نكون معو بس بشرط ما تكون انتخابات مزورة ام ال99.9% .
ياعيني نحنا ما ضد بشار كشخص بس كنهج وسياسة داخلية بالدرجة الأولى ، لأنو بهمنا نعيش ببلد فيو حرية واللي بفوز صحتين ع قلبو مين ماكان.
وهلاء اللي ما بحبو الرئيس صاروا خونة وعملا وامبرياليين :clap::clap::clap::lol::lol:
ضحكتني .
لك اذا عملت استفتاء مين بحب الله ما رح يطلعوا 99.9 ،

ابو الجود اولا مسا الخير:D كل معك انو انتخابات ال 99.99 % هي ضحك عاللحى و بالنسبة لكلامك انو انت ضد بشار كنهج انا ماني ضدك بلي انت شايفو من وجهة نظرك طبعا و يمكن عندك مبرراتك يلي انا ماني مقتنع فيها
بس يلي انا ضدك فيه انت قولتني شي انا ما قلتو انا ما قلت عنك خائن و عميل وامبريالي انا قلت اني بحب بشار الاسد و سألت انتو مين بتحبو

ايهم
هلاء انا صحيح ما بقتنع بنتيجة الانتخبات تبعيت 99.9%
بس كمان بحياتو ما اجى عنصر مخابرات خلاني انا او حدا من معارفي او محيطي و اخدنا اجباري لنصوت
ولا انا شفت او سمعت عن حدا اخدوه شحط عالانتخابات ولا بسيارة محترمة و هو معزز مكرم
اي انتخابات بالعالم تراقب من قبل من منظمات دولية وجهات مستقلة وهي تحدد وقوع تزوير وليس انتي
بعدين انا ما قلت انو بالاستفتاء على ولايتو التانية كان في تزوير , يعني ماكان في حدا غيرو بالواجهة وماحدا بسترجي يقول لأ لأنو الشعب تبعنا شعب جبان مع الاسف ومع ذلك نسبة المشاركة حسب تقارير لم تتجاوز 12%
و الله يا حبيب الشعب مو جبان و النسبة يلي ذكرتها ما الها اي اساس من الصحة تاكد من معلوماتك و خبرنا :jakoush:
وحتى فرضا لو أنو الشعب السوري اختار نعم هل هذا يبرر ان يكون رئيسا الى الابد وبعدين يورث ابنو متلما عمل ابو.
يعني معروف بأي دولة بالعالم انو اي رئيس مهما كان محبوب ما بترشح اكتر من دورتين ورا بعض, فهادا دليل آخر على دكتاتورية عائلة الاسد.

طيب قبل عائلة الاسد كيف كان الوضع ديقراطي و عال العال وكل يومين والتالت انقلاب هي هيي الديمقراطية يلي بتحلم فيها؟
وشغلة انو اعتراضنا على شيء لا ينفي وقوعه والاعتراف به بشكل مرحلي, اذا هيك انا بطالبك انو تعترفي بأنو الجولان جزء من دولة اسرائيل على اعتبار انو هالواقع صارلو 40 سنة وماعم نقدر نغيروا وخلي الفلسطينيين وكل الدول العربية يعترفوا باسرائيل دولة يهودية في المنطقة على اعتبار ان هذا الواقع من 1948 موجود .
نحنا عم نقول انو الرئيس بشار شي واقع من كوننا سوريين وهوي رئيسنا انت بأي صفة عم تطالب بالاعتراف باسرائيل؟

والله يا صديقي ماني شايف اي فرق بينو وبين صدام حسين
صدام حكم العراق لحتى مات وبشار ماشي على هالطريق متل ابو اللي نط من كرسي الحكم للقبر
الاتنين حكموا بلادون بقبضة الامن والمخابرات وكموا الافواه ومنعوا الحريات
الاتنين عائلاتن رموز للفساد الاقتصادي
الاتنين اعتمدوا على اقربائهم وطائفتهم في الحكم الامني للبلد
وطبعا الاتنين هن رؤساء لنفس الحزب الارهابي ( البعث )
وبالاخير نتمنى انو النهاية تكون وحدة كمان:o
ناهل اذا مشكلتك مع بشار الاسد طائفية فهي مشكلة كبيرة ورح خبرك انو لما كانو الروؤساء السابقين لسوريا من الاغلبية السنية شو قدمو لسورية غير الانقلابات و المخابرات و الفقر وغيرو وغيراتو....

أهلين فادي . :D
بس انا قلت انو من وجهة نظري الشخصية الخاصة الرئيس الاسد يشكل امل بالنسبة الي بالتغيير السلمي و هالشي اكيد بمشاركة ابناء سورية الشرفاء . لأنو التغيير غير السلمي كما بيدعيلو الاخ فوق رح يجلب للبلاد فوضى بالتأكيد .
بشوف بشخصو أمل كبير و ماني خجلان من شعوري و احساسي . وما عم بربط ولا انا بصدد توزيع عقود تمليك سوريا لأي عائلة كانت . فقط انا شخص سوري يرى في شخصية الرئيس الاسد املاً في التطوير فيو هالحكي شي بيشكل خطر على الوطن ؟! أو بيدل انو انا مريض نفسي بدي تحليل سلوك و شخصية و عرض على لجنة طبية ؟!
ع فكرة حبي و املي بشخص الرئيس لا تعني الرضا عن كل ما يحدث في سوريا .

و :D




خليني كون صريح معك الرئيس حالياً صرلو مستلم الحكم 10 سنيين والتجاوزات يلي عم تصير بعهدو بالفعل غريبة من إعتقالات وتكميم أفواه وفساد وقمع حريات وقانون طوارئ ومحسوبيات وتدني بمستوى المعيشة وشغلات كتير انا وياك منعرفها...

10 سنين وانا شخصياً ما شفت غير شوية خطوات خجولة وصديقي بتعرف عشر سننين يعني ولايتين ونص لرئيس الجمهورية بالدول المتحضرة ويلي ولاية وحدة بتكون كافية فيها لتطبيق برنامج انتخابي.. فما بالك بعشر سنيين والتغييرات لسا ماحصلت؟؟ يعني كتير هيك

يعني لو شفنا شوية خطوات واضحة جريئة من رفع قانون طوارئ أو محاسبة بعض الأقرباء أو رموز الفساد كنت اقتنعت انو الأمل يكون عندك بهالمستوى... بيبقى رأيك وأنا بحترمو..

و100 وردة

ناهل اذا مشكلتك مع بشار الاسد طائفية فهي مشكلة كبيرة ورح خبرك انو لما كانو الروؤساء السابقين لسوريا من الاغلبية السنية شو قدمو لسورية غير الانقلابات و المخابرات و الفقر وغيرو وغيراتو....

بس بالله سؤال, مين قلك انو انا بنتمي للطائفة السنية؟؟؟
مشان طمنك يا عيني انا ماني سني ولا حتى مسلم

عالقليلة محمد هاشم الاتاسي و القوتلي وغيرن اجو عالحكم عن طريق الانتخابات يعني الشعب وكان حزب البعث الو مقاعد بالبرلمان السوري متلو متل باقي الاحزاب وكان في هامش كبير من الحريات وصحف ومجلات لكل حزب ومظاهرات احتجاجية سلمية وحياة سياسية رائعة كان الشعب عم يعيشها

حافظ الاسد اجا عن طريق انقلاب عسكري
والمخابرات هلئ على اضرب من قبل
والفقر موجود
بقى شو قدملنا البعث الاسدي

بس بالله سؤال, مين قلك انو انا بنتمي للطائفة السنية؟؟؟
مشان طمنك يا عيني انا ماني سني ولا حتى مسلم

عالقليلة محمد هاشم الاتاسي و القوتلي وغيرن اجو عالحكم عن طريق الانتخابات يعني الشعب وكان حزب البعث الو مقاعد بالبرلمان السوري متلو متل باقي الاحزاب وكان في هامش كبير من الحريات وصحف ومجلات لكل حزب ومظاهرات احتجاجية سلمية وحياة سياسية رائعة كان الشعب عم يعيشها

حافظ الاسد اجا عن طريق انقلاب عسكري
والمخابرات هلئ على اضرب من قبل
والفقر موجود
بقى شو قدملنا البعث الاسدي
ناهل انا ما حددت شو انت ولا سألت هالسؤال قلت الروؤساء من الاغلبية السنية........
بالنسبة شو انت ما كتير بيهمني بيهمني وقت اتعامل معك شو بتفكر و بس
وانا رح اسألك سؤال كمان انت بتعتبر انو شكري القوتلي وهاشم التاسي ولا اديب الششكلي وحتى عبد الناصر نفسو ديموقراطيين؟
صح كانت بعض مظاهر بتوحي بالديموقراطية بس ديقراطية عوجا
على الاقل هلأ بزمن المخابرات يلي عم تقول عنها انا بأمن نام وباب بيتي مو مقفول بحسن امشي بالشارع بنص الليل بدون ما خاف من قطاعين الطرق \صح انو موجود بعض الحالات بس هيي حالات استثنائية و مو القاعدة \
الامان بالبلد من اعلى مستويات الامان بالعالم

اذا ما بهمك شو طائفتي , ليش افترضت انو مشكلتي مع بشار طائفية متلما مكتوب تحت
من كلامك تحت واضح جدا انك مفكر انو انا بنتمي للطائفة السنية


ناهل اذا مشكلتك مع بشار الاسد طائفية فهي مشكلة كبيرة ورح خبرك انو لما كانو الروؤساء السابقين لسوريا من الاغلبية السنية شو قدمو لسورية غير الانقلابات و المخابرات و الفقر وغيرو وغيراتو....

بالنسبة لباقي اسئلتك برجع بعدين لانو الساعة صارت 3 وعندي فيقة الساعة 6 الصبح
تصبحوا على خير

أيهم انا لما قلت اجانب قصدت بشكل عام بالحياة مو بأخوية . مثلاً يجي واحد خليجي او مصري او اياً يكن يهين الرئيس بكلمة بحس انو الاهانة اصابتني شخصياً و عم بحكي بلسان كتير ناس ممكن تحس بنفس الاحساس .
غير هيك انا لما صوتت للرئيس صوتلو عن قناعة مطلقة.
بعدين ما بعرف ليش مصر على تحليل سلوكنا و كأننا مريضين نفسياً ازا كنا منحب الرئيس :? .
سيدي انا شخصياً ما عندي مشكلة مع وجودك كـ معارضة و لا بعتبر نفسي موالاة عمياء انا ببساطة بحب هالشخص و بتفائل فيه و منتظر منو خير للبلد .
بعدين شفتك منفعل لدرجة كبيرة بحكيك كنت رح تبلش تسب كل محبي الرئيس و تعتبرهون ناس قاصرين او قطيع او ما شابه . طبعاً انت حر ما رح طالبك بتغير اسلوبك بس انو رواق خيو ما صار شي .





خيو ماني معصب ولا منفعل ولا شي, ولا قلت انو كل اللي بحب بشار الاسد مريض , انا قصدي انو شغلة جدا غريبة لما بتلاقي ناس شايفين بلدن عم يتخرب ويتراجع بكل شي وبقلك انتو ليش عم تعارضو؟؟ في شي؟؟

برجع معك على فكرة تزييف الواقع وتحويل كل الانتكاسات اللي عم نشوفها لانتصارات وهمية

ما عم لاقي لحد هلق شي وعد في بشار الاسد بخطاب القسم تبعو وتحقق,

الاصلاح السياسي في خبر كان وتكميم الافواه رجع متل ايام ابو, بالعكس على ايام ابو كانو يتحججوا بالاخوان ليصادروا اي صوت معارض واليوم لا في اخوان ولا شي.
الفساد اللي عم تقول انو عم يحاربو, هو احد رموزو لانو اكبر ملف فساد في سوريا متل ما بتعرف هو رامي بيك مخلوف وحتى لو حطينا هدا على جنب, حيتان الفساد التانية شفت حدا قرب منن؟؟ مكافحة الفساد في عهدو ما ببتعدى بهرجات اعلامية ما الها اي تاثير على الواقع المرير.

الحرية, بقولولك الشباب انو في مساحة حرية, واكبر مثال هو انو بتقدر تنتقد الوزراء, :lol::lol:

الاصلاح الاقتصادي ماشي عال العال, مبارح عم اقرا انو 62 بالمية من الشعب راتبن ما بيتعدى 139 دولار بالشهر, والخير لقدام , بلد من 35 سنة ما دخل ولا حرب و عندو موارد كافية تامن لشعبو على الاقل حياة فوق مستوى الفقر مين وصلوا برايك لهون؟؟

واذا بدك بتنعمل مواضيع ومواضيع عن الوضع السوري بعد 9 سنين من حكم سيادتو

فبرايك مو من الاولى ينسئل على شو عم تحبو؟؟

ايهم
هلاء انا صحيح ما بقتنع بنتيجة الانتخبات تبعيت 99.9%
بس كمان بحياتو ما اجى عنصر مخابرات خلاني انا او حدا من معارفي او محيطي و اخدنا اجباري لنصوت
:?
وبعدين حسب كلامك السلابق
هوي مو بحاجة انو حدا يروح يصوت لانو قلت انو النتيجة معروفة مسبقا


خيو انا عم احكي على شي معروف بسوريا , مو بس انا عايشتو وانما كتييييرين ومن ايام حافظ الاسد وباول ايام ابنو و تكرر هالشي بشكل واضح ب 2007 , بسوريا اذا حدا سال حدا تاني شاركت بالاستفتاء مين بيسترجي يقول لاء؟؟

اي صحي هو مو بحاجة لحدا يصوت, بس بحاجة ليثبت للعالم الخارجي ولاء الشعب , كل الانظمة الشبيهة في واللي النظام اقتبس منها هالاساليب بتعمل هيك. بتعرف كل ما شفت شي وثائقي عن المانيا الشرقية سابقا بحس كانوا عم يحكوا عن سوريا.

بداية سووري خي محسن ما بقصدك انتة اللي قلت خونة كان رد بدون اسم لأنو الأخ viva (فادي) هوة اللي كتب رح يحبو جكارة بالخونة ووو يعني نحنا.؟
برجع بكرر بعتقد ما حدا ضد بشار كشخص انما كنهج بس المشكلة واضح انو اللي بحبوه عم يحبوه كشخص وما عم يعرفو شو صاير بالبلد هلاء جد حدة مقتنع انو بشار عمل اصلاحات .
يا اللي شايفينو ومفكرينو اصلاح عبارة عن ثورة بعالم التكنولوجيا والاتصالات عمت العالم كلوا ونحنة وصلنا طرطوشة ، ع أيام أبوه لا كان في نت ولا فضائيات متل الخلق مشان هيك عم نفكر عنا تطور .
وحابب عقب ع كلام ايهم بالنسبة للفساد انو رامي مخلوف هلاء عندو شركة انتاج (نينار) ، شركة طيران خاصة(أجنحة الشام)، راماك العقارية ،شام القابضة، شركة الكورنيش السياحية ، طبعا بالاضافة لسيرياتل وغيرن كتير يعتي هالزلمة فجاة صار ومافي فساد بالموضوع ، الله وكيل الفساد هلاء أكتر من أيام أبوه وما تغركن المظاهر.

تحية الك ايهم :D.
أنا بشوف هالخطوات الي صارت و ممكن تصير بقيادتو أفضل بكتير من اي تغيير غير منظم أو غير سلمي لأنو سوريا برأيي غير مهيئة من ناحية الوعي وبالتالي التغيير برأيي سيكون فوضى وانا بشوف انو التغيير الحالي رغم بطئو الشديد و لكن بيعطي أمل .
بكون بكذب عليك ازا بقلك اني راضي عن الوضع بسوريا مطلقاً . ولكن عم شوف فسحة أمل.
انا ما سألت الي بيكرهوه ليش بيكرهوه لأنو الاسباب قد تختلف من شخص لشخص و عن سؤالك ليش بحبو ببساطة بقلك بشوف فيو أمل و بحسو انسان جيّد عندو رغبة بالتغيير و هالرغبة يمكن بتواجه تعقيدات .
و أنا ما عم برر الابطاء بالاصلاح الي المفروض يكون خطواتو اسرع بكتير من الواقع الحالي .

الأخ باشق هالفسحة الأمل اللي عم تحكي عنا كتيييييييييييييييييير ضيقا لدرجة انو ما في منا أمل ، والدول التانية عم تركض ونحنا عم نزحف ،شكلوا ما رح نوصل لشي بهالطريقة.
وحابب ضيف شغلة ،انو الاعتقالات وقفت عنا بالبلد ، انسالي الاقتصاد وروح ع الحريات وين الحرية عنا ، واحد متل ميشيل كيلو شو عمل حتى يعتقلوه كذا مرة وبس تخلص محكوميتو بضل بالحجز وما بنعرف ليش ، اعتقالات الأكراد اللي بتتكرر كل يوم شو سببا ، البني والحمصي ودليلة وفداء الحوراني وغيرن كتير شو عملوا ضد البلد ؟؟؟؟؟؟؟

اي انتخابات بالعالم تراقب من قبل من منظمات دولية وجهات مستقلة وهي تحدد وقوع تزوير وليس انتي
بعدين انا ما قلت انو بالاستفتاء على ولايتو التانية كان في تزوير , يعني ماكان في حدا غيرو بالواجهة وماحدا بسترجي يقول لأ لأنو الشعب تبعنا شعب جبان مع الاسف ومع ذلك نسبة المشاركة حسب تقارير لم تتجاوز 12%
وحتى فرضا لو أنو الشعب السوري اختار نعم هل هذا يبرر ان يكون رئيسا الى الابد وبعدين يورث ابنو متلما عمل ابو.
يعني معروف بأي دولة بالعالم انو اي رئيس مهما كان محبوب ما بترشح اكتر من دورتين ورا بعض, فهادا دليل آخر على دكتاتورية عائلة الاسد.

وشغلة انو اعتراضنا على شيء لا ينفي وقوعه والاعتراف به بشكل مرحلي, اذا هيك انا بطالبك انو تعترفي بأنو الجولان جزء من دولة اسرائيل على اعتبار انو هالواقع صارلو 40 سنة وماعم نقدر نغيروا وخلي الفلسطينيين وكل الدول العربية يعترفوا باسرائيل دولة يهودية في المنطقة على اعتبار ان هذا الواقع من 1948 موجود .
انت قلتا انا ما بحدد اذا في تزوير بالانتخابات او لا وانت كمان ما بتحدد ساويني بنفسك اوكي
هلق صرت عم تفوت على الشعب الجبان والخانع ومن هالحكي وفتت بدوامة الها اول ما الها اخر وماعاد فهمنا شعب جبان ونسبة المشاركة 12% حسب تقارير ما بعرف مين (مع انو مافي منظمات تشرف على الانتخابات عنا من وين جبت التقارير) شعب خانع وجبان بينزل كواع وركب عالانتخابات عيني مو بيقعد بالبيت وبيخلي نسبة التصويت 12% فحدد انو يلي بيريحك
انا ماعم برر يضل للابد وهيدا موقفي من زمان بعد هالولاية انا مش معو يكون رئيس وبعارض بطريقة حضارية مش بطريقة تهكمية مافيها منطق وماحدا موافق يورث ولاحتى يبقى ليموت
ولساه لهلق بالسليم بعدو دورتيتن وماكفاهون فلا تحكي عن دكتاتورية قبل اوانا ومش موضوعنا حكم حافظ الاسد هلق فيك تفتح موضوع (وبدو يكون كتير مستهلك) بهاد الخصوص
قلق شغلة بنكون ابطال اذا اعترفنا بواقع موجود احسن ما نجي نجعر ونعيط عالفاضي ونشتغل لنغير هالواقع بمنطق مش بالحكي بالهوا متل ما عم نعمل هلق لنرجع الارض المحتلة ومتل ما عم يتمرجل البعض ويسقط لقب رئيس عن بشار الاسد
بالحكي ما بتنحل الامور وبهي الطرق يلي بتضحك
اعترفي باسرائيل كاعترافي بوجود مرض بداخلي او علة مو لحتى استسلملا انما لحاربها
بيكون هيك اسهل عليك اذا اعترفت فيه رئيس وحاربتو على الاقل ما بتفقد الحجة والمنطق وما بتصير متل يلي بيزتو حكي لمجرد زت الحكي:D

بس حابب ضيف شغلة على الموضوع نفسو وهي شعبية بشار الاسد

ما رح قلك متل ما قالوا الشباب فوق , انو خلي يعمل انتخابات و تعددية وما بعرف شو لانو الشباب اكيد عم يحلمو

رح قلك بس شغلة , مو انت متاكد انو كتير ناس متلك بتحبو طيب خلي بس يا اخي بالاستفتاء القادم يعطي اوامر لمخابراتو تبطل تسوق الشعب متل الغنم على مراكز التصويت, يبطلو يجبروا الموظفين و طلاب الجامعات على التصويت والدبكة , يبطلوا يبخشوا اصابيع العساكر بالجيش مشان يبصموا بالدم ,
الله وكيلك بس هيك وساعتها اذا بتلاقي خمسة بالمية من الشعب مو انتخبوا وانما مجرد قبلوا يشاركوا بمهزلة التصويت هي ابقى تعى اشرحلنا عن التفاف الشعب حول القائد.
:shock::shock::shock::shock::shock:
دخلك بدي اسالك السفارات محل ما انت قاعد وعم تنظر ما ساقت المغتربين وزتتون بالطيارات وجابوهون يبصمو بالدم اجباري
او فتحولكون مراكز واتفقو مع الانتربول الدولي جابوكون تصوتو غصب؟؟؟؟
انت هالخبرية جايبها من تقارير يعني متل تقرير نسبة التصويت 12%؟
وانا مصدقتك ومصدقة كل التقارير
وهيدا الموضوع استفتاء واستطلاع راي واجت النتائج هيك شو بدك تعمل شعب مابينعطى وش موهيك
خيي احكي حكي منطقي الله يخليلي ياك
كل واحد بيكون قاعد برات البلد وبدو يجي ينظر على الاوضاع والقرف
تعو عيشو معنا الماساة وفخر لالكون تكون مظلومين من نظام بائد وتنحبسو وتتشردو احسن ما تجو توزعو نظريات وطنية عالشعب

:shock::shock::shock::shock::shock:
دخلك بدي اسالك السفارات محل ما انت قاعد وعم تنظر ما ساقت المغتربين وزتتون بالطيارات وجابوهون يبصمو بالدم اجباري
او فتحولكون مراكز واتفقو مع الانتربول الدولي جابوكون تصوتو غصب؟؟؟؟
انت هالخبرية جايبها من تقارير يعني متل تقرير نسبة التصويت 12%؟
وانا مصدقتك ومصدقة كل التقارير
وهيدا الموضوع استفتاء واستطلاع راي واجت النتائج هيك شو بدك تعمل شعب مابينعطى وش موهيك
خيي احكي حكي منطقي الله يخليلي ياك
كل واحد بيكون قاعد برات البلد وبدو يجي ينظر على الاوضاع والقرف
تعو عيشو معنا الماساة وفخر لالكون تكون مظلومين من نظام بائد وتنحبسو وتتشردو احسن ما تجو توزعو نظريات وطنية عالشعب
بالإذن من أيهم حابب انا رد اذا جينا ع سوريا لازم نصير نحكي متلك او بدنا ننزت بالسجن وأهلنا يتشردوا ف خلينا نحكي من برا أحسن ما نجي لجوا ونصير بس نمسح جوخ. بعدين عن أي مأساة عم تحكي ؟؟؟؟؟ حسب كلامك الوضع بجنن وعال العال هع هع هع والله ضحكتيني .
توضيح صغير الك بالذات ، بلدنا اسما سوريا مو سوريا الأسد .

بالإذن من أيهم حابب انا رد اذا جينا ع سوريا لازم نصير نحكي متلك او بدنا ننزت بالسجن وأهلنا يتشردوا ف خلينا نحكي من برا أحسن ما نجي لجوا ونصير بس نمسح جوخ. بعدين عن أي مأساة عم تحكي ؟؟؟؟؟ حسب كلامك الوضع بجنن وعال العال هع هع هع والله ضحكتيني .
توضيح صغير الك بالذات ، بلدنا اسما سوريا مو سوريا الأسد .
بالاذن من حضرتك مابدنا نحول الموضوع سجال شخصي اوكي
انا ما بمسح جوخ ولا بحكي لتمسيح جوخ على الاقل خلي ادبياتك احسن من ادبياتي بما اني محسوبة على النظام الرجعي الغبي وبحكي متل الببغاوات لاتصير متلي وتتساوى فيي بهيدا الاسلوب اوكي
لا ياسيدي مو احسنلك تجي تقييم العالم من برا وانت مو عايش واشرفلك تجي وتفوت الحبس وتخليك على مبادئك بدل ما تقعد برا وتقيم العالم وتعطيون القاب واذا انت فاهم مني انو الوضع عال العال فضحاك لبكرى الصبح عيني الضحك ببلاش
توضيح صغير الك بالذات كل واحد بيشوف سوريا متل ما بدو وبالنهاية كلنا بنحب الوطن سواء اكان اسمو سوريا او سوريا الاسد وما تجي تعطيني وطنيات شبعونا يلي قبلك وما طلع معون انن بيحبو الوطن اكتر مني:D

اعتذار للمشرف والمنسق على الخروج عن الموضوع

بالاذن من حضرتك مابدنا نحول الموضوع سجال شخصي اوكي
انا ما بمسح جوخ ولا بحكي لتمسيح جوخ على الاقل خلي ادبياتك احسن من ادبياتي بما اني محسوبة على النظام الرجعي الغبي وبحكي متل الببغاوات لاتصير متلي وتتساوى فيي بهيدا الاسلوب اوكي
لا ياسيدي مو احسنلك تجي تقييم العالم من برا وانت مو عايش واشرفلك تجي وتفوت الحبس وتخليك على مبادئك بدل ما تقعد برا وتقيم العالم وتعطيون القاب واذا انت فاهم مني انو الوضع عال العال فضحاك لبكرى الصبح عيني الضحك ببلاش
توضيح صغير الك بالذات كل واحد بيشوف سوريا متل ما بدو وبالنهاية كلنا بنحب الوطن سواء اكان اسمو سوريا او سوريا الاسد وما تجي تعطيني وطنيات شبعونا يلي قبلك وما طلع معون انن بيحبو الوطن اكتر مني:D

اعتذار للمشرف والمنسق على الخروج عن الموضوع
حابب أكدلك انو ما في سجال شخصي ، وبضل لكل واحد وجهة نظر بتخصو. المهم مصلحة البلد وولاد البلد .

بداية سووري خي محسن ما بقصدك انتة اللي قلت خونة كان رد بدون اسم لأنو الأخ viva (فادي) هوة اللي كتب رح يحبو جكارة بالخونة ووو يعني نحنا.؟


له يا أدمي ما تكون أخدت حكيي جد :?

أنا وقت حكيت كل الشباب هون فهمو اني عم اتمسخر لأنا هدول كلمتين الخونة والعملاء كل مافوت بنقاش كون عم انقد شي بهالبلد بيجيني حدا بيطرفني هيك خطاب خشبي من يلي بيلعي النفس واتهامات وتخوين على كيفك..

فدير بالك تاخد الحكي جد وعملك فتلة بمواضيعي بتعرف انو انا من جماعة المخونين والمشكك بوطنيتهم من قبل قليلي الحجة والبرهان ويلي مو هاممون هالبلد تحترق...

تحياتي. :D

تحية الك ايهم :D.
أنا بشوف هالخطوات الي صارت و ممكن تصير بقيادتو أفضل بكتير من اي تغيير غير منظم أو غير سلمي لأنو سوريا برأيي غير مهيئة من ناحية الوعي وبالتالي التغيير برأيي سيكون فوضى وانا بشوف انو التغيير الحالي رغم بطئو الشديد و لكن بيعطي أمل .
بكون بكذب عليك ازا بقلك اني راضي عن الوضع بسوريا مطلقاً . ولكن عم شوف فسحة أمل.
انا ما سألت الي بيكرهوه ليش بيكرهوه لأنو الاسباب قد تختلف من شخص لشخص و عن سؤالك ليش بحبو ببساطة بقلك بشوف فيو أمل و بحسو انسان جيّد عندو رغبة بالتغيير و هالرغبة يمكن بتواجه تعقيدات .
و أنا ما عم برر الابطاء بالاصلاح الي المفروض يكون خطواتو اسرع بكتير من الواقع الحالي .






من ناحية انو التغيير هلق رح يكون فوضى انا معك فيها هي مية بالمية, بس هي مو سبب انك تحب بشار الاسد بالعكس سبب انك تكرهو لانو هو والنظام اللي ورثو عن ابو المسؤولين عن تدمير كل قوراب النجاة لهالوطن, هني اللي قتلوا الحياة السياسية في سوريا ودفنوها, لك حتى اعلان دمشق اللي هو تجمع لناس وطنيين طرحوا فكرة التغيير السلمي قابلوا بالاعتقالات والمحاكمات الهزلية

قضية انو عندك امل هي بترجع الك, بس صدقني لو مكتوب الي والك عمر من هون لبعد عشر سنين و دخلنا على اخوية , رح تلاقينا عم نتناقش لسا بنفس قضية الامل هدا طبعا بعد ما تكون البلد رجعت عشر سنين لورا


شكرا الك على النقاش ولا تاخدني اذا مشاركاتي انفهمت على اساس انها هجوم شخصي.

:D

:shock::shock::shock::shock::shock:
دخلك بدي اسالك السفارات محل ما انت قاعد وعم تنظر ما ساقت المغتربين وزتتون بالطيارات وجابوهون يبصمو بالدم اجباري
او فتحولكون مراكز واتفقو مع الانتربول الدولي جابوكون تصوتو غصب؟؟؟؟
انت هالخبرية جايبها من تقارير يعني متل تقرير نسبة التصويت 12%؟
وانا مصدقتك ومصدقة كل التقارير
وهيدا الموضوع استفتاء واستطلاع راي واجت النتائج هيك شو بدك تعمل شعب مابينعطى وش موهيك
خيي احكي حكي منطقي الله يخليلي ياك
كل واحد بيكون قاعد برات البلد وبدو يجي ينظر على الاوضاع والقرف
تعو عيشو معنا الماساة وفخر لالكون تكون مظلومين من نظام بائد وتنحبسو وتتشردو احسن ما تجو توزعو نظريات وطنية عالشعب

هلق انت بتجي لتدافعي عن شي بتلاقي الادانة لارائك بكلامك نفسو

اول شي قضية التبصيم بالدم ما اخترعتها من عندي, اسالي اي انسان من اللي بتعرفين من اللي كانو عم يخدمو جيش او تدريب جامعي بتموز سنة ال 2000 شلون اجبروا الجميع وبقرار صادر من مصطفى طلاس نفسو على البصم بالدم.

منجي لشغلة اني قاعد برا البلد, ما بعرف هي تهمو مثلا؟ انا ما ولدت برا سوريا انا عشت 25 سنة من حياتي بسوريا و اخر 8 سنين بس برا, وكل هالقصص هي بعرفها منيح

طالما انك معترفة انك عايشة بماساة عن شو عم تدافعي لكن؟؟

بعدين تعي لقلك لو رجعت هلق على سوريا و حكيت هالحكي وانشحطت على فرع فلسطين رح تتضامني معي ولا رح تشمتي متل عادتك وتدافعي عن اجهزة المخابرات على اساس انن ما بيمسكوا الا اللي بيستاهل؟؟


يعني انا دخلت بنقاش طويل بهالموضوع مع الاخ باشق مجروح ولقيتو عم يطرح افكار و انا رديت علي بافكار, انت ما لقيتك ولا مرة عم تطرحي شي الا الدفاع المستميت عن الديكتاتورية لاسباب واضح انها اما شخصية او طائفية.

يا جماعة الخير
الحكومة عنا بتدعم قضايا دينية متل قضة فلسطين واحزاب متل حزب الله وحماس
وكو نحنا عايشين بمجتمعات دينية و الحكومة بتدعم قضايا هالمجتمعات
فمن الطبيعي يكون للرئيس شعبية
هيك بشوف
بس كمان ع الصعيد الداخلي انا ماني رضيان عن اللي عم بيصير
لانو في كتيررررررررر شغلات بعدها متل ما هي وما تغير شي

بنفسجة لموشة اسمعيني بهالكلمتين لأنو صاير في كتير أراء تافهة عم تخون البعض لمجرد وجودون برات البلد وطبعاً انتي ما إلك علاقة بهالأراء بس يبدو انك تأثرتي بهالفكرة:


أول شي يا لما الأوطان مانها بالحدود الأوطان بالقلوب... يعني نحنا ولاد هالبلد فإذا ظروف شغلنا أو دراستنا فرضت علينا الوجود برات البلد لفترات معينة أكيد هالشي مانو نقطة تشكيك بوطنيتنا أو بمدى تمسكنا ببلادنا وبقضياها متل يلي عايش بالبلد بشكل دائم وإذا ما كان أكتر...


بدون مانفوت بتفاصيل الحالات الشخصية بس إنتي مفكرة حدا من الشباب يلي برات سوريا مبسوط بوجوده براتها؟؟ يعني أديش انتي مفكرة قلب الواحد فينا بيحترق بس يشوف انو كلها أحسن من بلدو.. انتي بتعرفي أديه هالشعور قاسي؟؟

بعدين مين قلك انو انا وغيري يلي برات البلد ويلي أهلنا وحيرانا ورفقاتنا بقلبا مابيحقلنا نحكي عن ظروقها؟؟ أنا ليش سافرت؟؟ أو أيهم ليش سافر؟؟ مو مشان يدرس برا ويلاقي شغل محترم نتيجة أوضاع البلد يلي بتهوي؟؟

أنا ما إلي غير بلدي قد ما بقيت برا وأساساً ما أنا بقضي أكتر من نص السنة بهالبلد وهالوضع يلي عايش فيه ويلي بيفرض عليي السفر صدقيني حارقلي أعصابي ونفسيتي...


إنتي هالسنة بتتخرجي فيكي تقوليلي شو حـ تعملي؟؟ بتتوظفي بمشفى حكومي بـ 10 ألاف ليرة؟؟ بعد 18 سنة دراسة هل هالشي مقبول؟؟ طيب لإجي لحالتك أكتر إذا اجاكي عقد عمل بشي دولة أوروبية وكان مادياً مغري ما حتسافري؟؟ أو اذا اجاكي عريس بدو ياكي تسافري معو وتكملي حياتك برا ما بتسافري؟؟

طيب هل اذا سافرتي بيصير يحقلي أنا خونك وشكك بوطنيتك؟؟


شوفي لما في بعض المتخلفين بيتبنو فكرة تخوين العالم لمجرد إنو هنن ماعندون حجة وجواب لمتطلباتنا الوطنية فما تتبني هالفكر رجاءً.. لك والمشكلة إنو بيجيكي أشخاص عاملين حالون بيتبعو معتقدات معينة أو أحزاب بتدعو للعدالة الإجتماعية وبيكون نص قادة هالأحزاب تبعون بالسجن ولسا عم يهللوا للنظام بطريقة غوغائية بشعة...


نحنا بعمرنا ماتبنينا الخطاب الراديكالي المتعصب تبع الـ البعث الأسدي والإحتلال العلوي وهالمسخرة لأنو هي مو خطابات بتبني أوطان.. بس كمان بالمقابل خطاب بالروح بالدم والصمود والتصدي وأمة عربية واحدة هو خطاب عم يلعن ربا للبلد وعم يعطي الغطاء للفساد والمحسوبية والقمع.

فادي:
انا ما خونت حدا ولا حكيت عن اي حدا من يلي عم يحكي انو خاين او عميل وهاد مش اسلوبي
بس لما بيجي مين مكان وبدو يحكي باسم البلد ويحكي اشيا ما صارت متل شحط العالم على التصويت غصب ومدري شو
ويجي واحد تاني يتهمني اني عم مسح جوخ وقتا بدي قلو لاتنظر وانت قاعد برا البلد
ولما بيجي واحد مصاريه ما بتاكلا النيار وينظر بالجوع والفقر ويحكي باسم هالشعب المعتر
وقتا من حقي اني احكي
انت ما كتبت عن البعث الاسدي والاحتلال العلوي بس يلي رد فوقك كتب وعبر بطريقة حضارية
انا بزعل لما بشوف خطاب يلي بيسمو حالون معارضة شريفة منحدر لمستوى خطاب امين فرقة حزبية بشي ضيعة او منطقة
مابفرق حدا من يلي عم يكتب فوق عن خطاب امين فرقتي الحزبية لما واحد بدو يقلي اني بايد الرئيس لاني عم استفيد او لاني علوية مثلا متل ما اتفطحل السيد يلي فوق وطلع معو
سماع لقلك السفر للدرس والعمل مش عيب وانا ولا مرة قلت انو الوضع بالبلد مظبوط
بس هدول يلي عم يحكو من برا البلد عملو متل عبد الحليم خدام عملونا كلاب عم تاكل من حاويات الزبالة وعملونا عايشين برعب مو طبيعي من المخابرات
لقلك انا اول وحدة بيحقلي خاف من المخابرات وفروع الامن لان يلي بيعرفني بيعرف كيف بعارض
فادي المعارضة مو بالحكي والثرثرة ولا الموالاة
الحكي ما بيجيب نتيجة
انا عم عارض واشتغل بيلي بيخدم بلدي اكتر من كتار من يلي عم يتهموني اني رجعية وافكاري طائفية وما منا فائدة
انا ولا مرة كان دفاعي مستميت عن شي دكتاتوري انما كان حكي انو ليش هالنبرة المتعالية بالحديث واعتبار انو المعارضين بيحبو الوطن اكتر من يلي موالي او اسمو مسيح جوخ
هالاسلوب ما بيجيب نتيجة
انت سالتني كتير اسالة وانا بقلك الي الفخر اني اتخرج واشتغل ب10000 ليرة ببلدي وبين اهلي ومش تنظير حكي
على الاقل بشوف اني مش ضروري عم اقبض على قد تعبي بس دايما عم اشتغل كل طاقتي وهيك بخدم هالناس التعبانة ويلي عم تحكو باسمها كل الوقت
ايهم انا بتعاطف مع ناس بتحترمني وبتحترم اني مواطنة وكتار راحو على فروع الامن وكان قلبي معون بس يلي بيحكي وبيتشدق انو مش طائفي وبيلعن ربي بالطائفية مش مضطرة اتعاطف معو على الاطلاق
تحياتي للجميع:D

وأنا كمان بحبو :lol: مو مشان شي
بس لأني بسوريا



على الاقل هلأ بزمن المخابرات يلي عم تقول عنها انا بأمن نام وباب بيتي مو مقفول بحسن امشي بالشارع بنص الليل بدون ما خاف من قطاعين الطرق \صح انو موجود بعض الحالات بس هيي حالات استثنائية و مو القاعدة \
الامان بالبلد من اعلى مستويات الامان بالعالم
اي الله يهنيك
انا عم نام انا وعم فكر بأصدقاء اعتقلو ، واصدقاء بخاف إذا اجو ع البلد انن يعتقلو .. وبكتب رد على هيك موضوع بمنتدى ع النت وبمحيه تلت اربع مرات لأني واعدة امي ما فوت هيك فوتات
ومتأكدة انو يوما ً ما إذا ربيت ولادي بسوريا واستمر الوضع على ما هو عليه .. بيكونو كلن بالحبوس
:pos:

ما نجي نجعر ونعيط عالفاضي ونشتغل لنغير هالواقع بمنطق مش بالحكي بالهوا

كرامة لستنا العدرا و للإمام علي في قبرون , أحكيلنا عن هازا المنطق ..

لأني الجعار عادة مضرة بالصحة , فا أحكيلنا و أحكي للشباب عن "كيف نغير الواقع بمنطق" ..

على سيرة النقاش المنطقي اليوم كنت عم تابع الحلقة الأخيرة من مسلسل اسمو غزلان في غابة الذئاب ....و شفت كيف ابن مسؤول شو ممكن يعمل بالبلد و بنات البلد ...

بسورية منطق العصابات هو الماشي ..يعني كأني حاسّس انو الجو مو ملائم لحوار منطقي ...ث

ثانيا اي حوار ممكن يصير بظل قانون الطوارئ يلي بيسمح لطرف من طرفين الحوار انو ينهي وجود الأخر من دون حتى اي محكمة ..

مثلا ,,الشخص يلي عم يقرا الرد هاد و مو عاجبو كلامElephant And Castle l..لو عندو القدرة انو يدعس عا راسو ...ليش ليعذب حالو بالنقاش ...

كرامة لستنا العدرا و للإمام علي في قبرون , أحكيلنا عن هازا المنطق ..

لأني الجعار عادة مضرة بالصحة , فا أحكيلنا و أحكي للشباب عن "كيف نغير الواقع بمنطق" ..

نفس السؤال كنت بدي اسالو

لاء والمشكلة انو بيتهمو غيرن انو عم يبيع وطنيات وكلام فاضي, وبس تحكي على شي مظهر من مظاهر القمع او الفقر بيقولولك اي هالحكي مو صح انا ماشفت هيك شي, وكانوا عايشين بسويسرا هني

وبالاخير الشعب اللي مدعوس على راسو بالبسطار العسكري قال لازم يغير الواقع بالمنطق :shock:

لقلك انا اول وحدة بيحقلي خاف من المخابرات وفروع الامن لان يلي بيعرفني بيعرف كيف بعارض
فادي المعارضة مو بالحكي والثرثرة ولا الموالاة
الحكي ما بيجيب نتيجة
انا عم عارض واشتغل بيلي بيخدم بلدي اكتر من كتار من يلي عم يتهموني اني رجعية وافكاري طائفية وما منا فائدة


المشكلة يا آنسة أنو كلامك دائما عم يكون عام جدا دون الخوض بالتفاصيل مشان هيك عم يكون عديم الافكار او الفائدة, يعني مثلا انتي قلتي انك عم تعارضي النظام بالشكل الأصح وانو الحكي ما بجيب نتيجة.
طيب.... هي أنا شب عايش داخل سوريا ولسا ما خطيت خطوة برات سورية ( مشان ما تقولي اني عم بنظر من برا البلد ) وانا كمان معارض للنظام, ممكن يا آنسة انك تعلميني كيف عارض النظام بطريقة صح وتفيدينا من تجربتك الواسعة في هذا المجال, عم احكي جد وانا ناطر ردك.

ملاحظة: لا تطلبي مني اني حط تحت اسمي صورة رمزية لبشار الاسد وجنبا كلمة سورية الاسد لأنو اذا المعارضة هيك انا مستقيل.

له يا أدمي ما تكون أخدت حكيي جد :?

أنا وقت حكيت كل الشباب هون فهمو اني عم اتمسخر لأنا هدول كلمتين الخونة والعملاء كل مافوت بنقاش كون عم انقد شي بهالبلد بيجيني حدا بيطرفني هيك خطاب خشبي من يلي بيلعي النفس واتهامات وتخوين على كيفك..

فدير بالك تاخد الحكي جد وعملك فتلة بمواضيعي بتعرف انو انا من جماعة المخونين والمشكك بوطنيتهم من قبل قليلي الحجة والبرهان ويلي مو هاممون هالبلد تحترق...

تحياتي. :D
حبيب قلبي بدك تعذرني لأنو بصراحة اجتني الحمية لما شفت ها الكلمتين وخاصة هون كل االلي بيعرفني بقول عني سوري قطري متعصب لسوريتي:D:D:deal:.
بس اللي بيحرق دموا للواحد انو بيجيك واحد مستفيد بطريقة ما من السلطة وبدو يقنعك انو هالسلطة ما في منا ، وانوا نحنا عم نظر من برا وكأنو الوطنية حكر ع جماعة النظام والباقي عم يستوقوو بالخارج . من ناحيتي اذا أميركا بدا تعمل سوريا متل سويسرا ما رح اقبل فيا بس ياريت جماعة النظام يفهموا انو بدنا التغيير يكون ع ايدينا قبل ما يجي يوم أسود ع الكل ونقول ياريت . بعدين بشار الأسد اجتو فرص كتير كبيرة ليكون رئيس لكل السوريين لما كل المعارضة مدتلو ايدا بدون تدخل من برا بس للأسف ما رد عليون وكلن هلاء بالسجن أو هربان من السجن .
بس الله يستر لوين آخدين هالبلد.؟؟؟؟؟؟؟؟؟؟؟

المشكلة يا آنسة أنو كلامك دائما عم يكون عام جدا دون الخوض بالتفاصيل مشان هيك عم يكون عديم الافكار او الفائدة, يعني مثلا انتي قلتي انك عم تعارضي النظام بالشكل الأصح وانو الحكي ما بجيب نتيجة.
طيب.... هي أنا شب عايش داخل سوريا ولسا ما خطيت خطوة برات سورية ( مشان ما تقولي اني عم بنظر من برا البلد ) وانا كمان معارض للنظام, ممكن يا آنسة انك تعلميني كيف عارض النظام بطريقة صح وتفيدينا من تجربتك الواسعة في هذا المجال, عم احكي جد وانا ناطر ردك.

ملاحظة: لا تطلبي مني اني حط تحت اسمي صورة رمزية لبشار الاسد وجنبا كلمة سورية الاسد لأنو اذا المعارضة هيك انا مستقيل.


انا بقلك يا معلم شلون فهمتلك المعارضة بالشكل الاصح

انك تنتقد اللي هني بدن ياك تنتقدوا, يعني الوزراء ورئيسن اد ما بدك انتقد فين , لك العن سماهن من المسبات عمرك شفت المخابرات شحطو واحد لانو حكى على وزير , ما محمود الزعبي بزمانو كانو هارينو مسخرة و علنا كمان.

انك ما تقرب على اللي فوق يعني بيت الاسد و مخلوف, و ترفعن فوق كل الشبهات عن اللي عم يصير بالبلد

انك ما تفكر تتعاطف مع معتقلي الراي, لانو هدول لو مو عاملين شي ما كان الامن مسكن

انك تنتقد الوضع الاقتصادي والغلاء و الفقر بس طبعا الحق على الدردي

انك تضل عم تردد انو الوضع عم يتحسن, الوضع عم يتحسن, الوضع عم يتحسن لحتى تصدق حالك

و بهيك صدقني بتصير معارض وطني شريف

يسلمووووووووووووووووووووو وووو