////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



اظهر استطلاع أمريكي للرأي جرى في ستة دول عربية أن الرئيس بشار الأسد تصدر قائمة القادة العرب الأكثر شعبية في الشارع العربي، والثاني عالميا.وأشار الاستطلاع الذي أجرته جامعة ميريلاند بالتعاون مع مؤسسة الزغبي الدولية لاستطلاعات الرأي على عينة شملت ست دول عربية هي مصر، والأردن ولبنان والمغرب العربي والسعودية والإمارات العربية المتحدة، إلى أن الرئيس الأسد حصل على أكبر نسبة من الأصوات بين القادة العرب. وقالت وكالة الأنباء السورية الرسمية (سانا) إن "ولي عهد أبو ظبي الشيخ محمد بن زايد آل نهيان حل في المرتبة الثانية، ثم تلاه الأمين العام لحزب الله السيد حسن نصر الله، بينما جاء الرئيس الفنزويلي أوغو تشافيز في المرتبة الأولى بين الشخصيات العالمية تلاه الأسد على المستوى العالمي. وتم الإعلان عن هذا الاستطلاع يوم الاثنين في محاضرة قدمها الدكتور شبلي تلحمي أستاذ العلوم السياسية في جامعة ميريلاند والسيد جيمس زغبي رئيس المعهد العربي الأمريكي والسفير الأمريكي السابق مارتن اندك والدكتور مارك ليتل من جامعة جورج واشنطن أقيم في معهد البروكنغز للدراسات، حضره عدد كبير من أعضاء الحكومة الأمريكية ومراكز الأبحاث والبعثات الدبلوماسية. وفي سؤال عن أكبر خطرين يواجهان المنطقة، كان لإسرائيل النصيب الأكبر من الأصوات 88%، تلتها الولايات المتحدة الأمريكية بـ77%. وحول الصراع العربي الإسرائيلي رأى 44% أن إسرائيل باتت أضعف بعد عدوانها على غزة في حين اعتبر 11% أنها أقوى. وكانت إسرائيل قامت بعملية عسكرية، استمرت 22 يوما مع نهاية العام الماضي، على قطاع غزة عجزة خلاله عن السيطرة على القطاع، استشهد خلالها 1337 شخصا وجرح 5450 آخرين، بالإضافة إلى تدمير معظم البنية التحتية وآلاف الأبنية. وأيد 77% من المصوتين، قيام حكومة وحدة وطنية فلسطينية، و73% أيدت حل الدولتين المبني على حدود 1967، بينما أظهر 50% تشاؤمهم من أن السلام ممكن أن يتحقق بين الفلسطينيين والإسرائيليين. يشار إلى السلام المنشود بين الفلسطينيين والإسرائيليين يقوم على أساس حل قيام دولتين، بالإضافة إلى مشكلة اللاجئين والقدس. وبشأن العراق صوت 72% من الذين سئلوا أن العراق بات في حال أسوأ منذ الاحتلال الأمريكي. كما صوت 66% أن انسحاب القوات الأمريكية سيساعد العراقيين على تجاوز الخلافات. وكانت القوات الأمريكية احتلت العراق عام 2003 تحت ذريعة امتلاكه "أسلحة دمار شامل"، وأعلن الرئيس الأمريكي باراك أوباما في شباط الماضي عن عزمه سحب القوات الأمريكية من العراق مع نهاية 2011. يذكر أن أستاذ العلوم السياسية في جامعة ميريلاند شبلي تلحمي يقوم سنويا بهذا الاستطلاع منذ عام 2002 بالتعاون مع مؤسسة الزغبي الدولية لاستطلاعات الرأي.
سيريانيوز

بلا مؤاخزه منّك . . . ! !

بشّار الأسد وقلنا أوك معقوله . . . ! ! ! :larg:

بس من وين لوين نصرالله يكون المركز الثالث , خلصوا الملوك والرؤساء العرب , ما ضل ناس غير نصر الله . . ! ! :shock:

بلا مؤاخزه منّك . . . ! !


بشّار الأسد وقلنا أوك معقوله . . . ! ! ! :larg:


بس من وين لوين نصرالله يكون المركز الثالث , خلصوا الملوك والرؤساء العرب , ما ضل ناس غير نصر الله . . ! ! :shock:

شو هي من وين لوين ما فهمتا :frown: مو ليكون في رئيس دولة عربية عم يحكم بلدو من قلب ورب بدون تلاعب ولعب من تحت الطاولات عالاقل نصر الله هو الشخص يلي بيحكي كلمة الحق ولو على قطع الاعناق وبيخاف على مصلحة بلدو وبيقول يلي بيفعلو :jakoush:
بيكفي انو حركة نصر الله شاغلة اسرائيل يلي ما حدا قادر يصدها :D

أجرته جامعة ميريلاند بالتعاون مع مؤسسة الزغبي الدولية لاستطلاعات الرأي على عينة شملت ست دول عربية هي مصر، والأردن ولبنان والمغرب العربي والسعودية والإمارات العربية المتحدة،


انو دخلك وليش الاستطلاع ما شمل سوريا؟؟

ولا صحي نسينا انو شعبيتو بسوريا 99.99 بالمية :lol:

أجرته جامعة ميريلاند بالتعاون مع مؤسسة الزغبي الدولية لاستطلاعات الرأي على عينة شملت ست دول عربية هي مصر، والأردن ولبنان والمغرب العربي والسعودية والإمارات العربية المتحدة،


انو دخلك وليش الاستطلاع ما شمل سوريا؟؟

ولا صحي نسينا انو شعبيتو بسوريا 99.99 بالمية :lol:
صدام حسين كانت شعبيتو بالعالم العربي رقم واحد ...و بعدين شو !! ...بس بيبقى مجرم حسب رأي اغلبية العراقيين يلي هني كمان صوتولو 99.99 % ..!!

أجرته جامعة ميريلاند بالتعاون مع مؤسسة الزغبي الدولية لاستطلاعات الرأي على عينة شملت ست دول عربية هي مصر، والأردن ولبنان والمغرب العربي والسعودية والإمارات العربية المتحدة،


انو دخلك وليش الاستطلاع ما شمل سوريا؟؟

ولا صحي نسينا انو شعبيتو بسوريا 99.99 بالمية :lol:
صدام حسين كانت شعبيتو بالعالم العربي رقم واحد ...و بعدين شو !! ...بس بيبقى مجرم حسب رأي اغلبية العراقيين يلي هني كمان صوتولو

ايه...بيجوز

يا أخي انا هالبني آدم بحبو . وكتييييير كمان :gem:
بقا ما بعرف ازا كل الناس متلي أو لأ . او ازا هالاستطلاع دقيق أو لأ .
بس بشكل عام انا مبسوط فيه لهالاستطلاع و تأثرت فيه كتير .

من هون هدية زغيرة بهالمناسبة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D

من المعلوم أن الشعوب العربية هي شعوب عاطفية ذات تفكير بسيط ينخدع بالشعارات الرنانة والعنتريات المصدية, فمن منا ينكر ان صدام حسين كان ولا يزال يملك شعبية كبيرة في الوطن العربي وهو الدكتاتور المجرم , كذلك حال أسامة بن لادن ذو الشعبية الواسعة في الوطن العربي حسب استطلاع للرأي سابق وهو ايضا ظلامي مجرم
لذلك من الطبيعي ايضا ان يكون لبشار شعبية وهو الدكتاتور ابن المجرم.
انا بدي أسأل شو عمل بشار الأسد طوال التسع سنين الماضية؟ عطوني انجاز واحد يا جماعة.
هل رجع الجولان؟
هل ازداد هامش الحريات؟
هل ارتفع دخل الفرد الاقتصادي؟

وقبل كل هالحكي لازم نتذكر انو هو اصلن في دولة تدعي النظام الجمهوري استلم الحكم بالوراثة من ابيه الذي جاء على ظهر دبابة عسكرية لذلك هو رئيس غير شرعي لأحد أبشع الأنظمة الديكتاتورية الحالية بالعالم

يا أخي انا هالبني آدم بحبو . وكتييييير كمان :gem:

بقا ما بعرف ازا كل الناس متلي أو لأ . او ازا هالاستطلاع دقيق أو لأ .
بس بشكل عام انا مبسوط فيه لهالاستطلاع و تأثرت فيه كتير .

من هون هدية زغيرة بهالمناسبة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D

me too :gem:

و :D

من المعلوم أن الشعوب العربية هي شعوب عاطفية ذات تفكير بسيط ينخدع بالشعارات الرنانة والعنتريات المصدية, فمن منا ينكر ان صدام حسين كان ولا يزال يملك شعبية كبيرة في الوطن العربي وهو الدكتاتور المجرم , كذلك حال أسامة بن لادن ذو الشعبية الواسعة في الوطن العربي حسب استطلاع للرأي سابق

مظبوط هالحكي, يعني هيك شعوب بتلاقي اشخاص متل هتلر وستالين و عبد الناصر وصدام حسين و اسامة بن لادن ابطالن المفضلين .
بالضبط متل اللي داخل على احد المواضيع باخوية من كم يوم وعم يحكي شلون بن لادن وجماعتو هني اللي فككوا الاتحاد السوفياتي , شعب بحب الابطال الوهميين والانتصارات المزيفة

يا أخي انا هالبني آدم بحبو . وكتييييير كمان :gem:

بقا ما بعرف ازا كل الناس متلي أو لأ . او ازا هالاستطلاع دقيق أو لأ .
بس بشكل عام انا مبسوط فيه لهالاستطلاع و تأثرت فيه كتير .

من هون هدية زغيرة بهالمناسبة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D


نفس الشي كمان
شيلو كلشي على جنب هالرجال بينحب

اي اي بينحب


كلنا منحبك:larg::larg::larg::larg::larg::larg::lar g:

منحبّه أي من حبّه
لكن ,,,,,,,,, ما ب.....
عيشي وحدا بلاك شو قولك بلاك يا ولد
عايشة وحدها موتاحة ولوووووووووووووووو شو مرتاحة بلاك

يا أخي انا هالبني آدم بحبو . وكتييييير كمان :gem:
بقا ما بعرف ازا كل الناس متلي أو لأ . او ازا هالاستطلاع دقيق أو لأ .
بس بشكل عام انا مبسوط فيه لهالاستطلاع و تأثرت فيه كتير .

من هون هدية زغيرة بهالمناسبة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D


و انا كمان ان رضي الغير او لاء
و بحب ابوه اكتر منو جكرا ببعض ناس
و لانو بينحب و رجال

صدام حسين كانت شعبيتو بالعالم العربي رقم واحد ...و بعدين شو !! ...بس بيبقى مجرم حسب رأي اغلبية العراقيين يلي هني كمان صوتولو 99.99 % ..!!


اي رئيسنا حارمك من الدوا وكل يوم عم يزتك ببركة اسيد ...
وعم يجو ياخدوك من بيتك عالتصويت هيك من رقبتك مو ..
بلا حكي فاضي ..

من المعلوم أن الشعوب العربية هي شعوب عاطفية ذات تفكير بسيط (حضرتك من هالشعوب )ينخدع بالشعارات الرنانة والعنتريات المصدية, فمن منا ينكر ان صدام حسين كان ولا يزال يملك شعبية كبيرة في الوطن العربي وهو الدكتاتور المجرم , كذلك حال أسامة بن لادن ذو الشعبية الواسعة في الوطن العربي حسب استطلاع للرأي سابق وهو ايضا ظلامي مجرم
لذلك من الطبيعي ايضا ان يكون لبشار شعبية وهو الدكتاتور ابن المجرم.( وهو الدكتور ابن القائد اللي رجعلك جزء من بلدك ) اللي كحش وزير خارجية اميركا ولهلا بعض مسؤولي المعارضة اللي بتنتمي الها وقصدي فيها غير الشريفة عم بيبوسو الصرامي ليقابلو زبال بالبيت الابيض ورح ينرمو رمية الكلاب )
انا بدي أسأل شو عمل بشار الأسد طوال التسع سنين الماضية؟ عطوني انجاز واحد يا جماعة.
هل رجع الجولان؟ روح رجعو انتي
هل ازداد هامش الحريات؟ هيكك عم تحكي ماشاء الله عليك
هل ارتفع دخل الفرد الاقتصادي؟ مبعرف يمكن محدا من العيلة عندكم موظف لهيك ما شعرتو بزيادة الرواتب اللي تكررت اكتر من مرة وهيئتك ما عم تدرس لهيك مو عم تطلع بعثات .. وهيئتك مو طالب جامعي بفرعي اللي سنة الماضية ماضل طالب متخرج ما توظف

وقبل كل هالحكي لازم نتذكر انو هو اصلن في دولة تدعي النظام الجمهوري استلم الحكم بالوراثة من ابيه الذي جاء على ظهر دبابة عسكرية اي مبلا يمكن لسا ماكنت حضرتك خلقان وابوه الله يرحمو عم يرفع العلم فوق القنيطرة والدبابة هيي الشعب صح .. .. لذلك هو رئيس غير شرعي لأحد أبشع الأنظمة الديكتاتورية الحالية بالعالم روح عيش باميركا بيتفادو منك كتير ..


كلشي بيقرا ردي لازم يعرف انو انا بعارض لشيء الو اهمية مو بس لان بدي عارض ...
وحش الحكي حلو وبيعمل الواحد فهمان
... وبالنسبة للسيد الرئيس ماحدا ما بيحبو الا الغيرانين ... مثقف متعلم دكتور طيب ...
الله يزيد المحبين ...:lol:

me too :gem:

و :D

me 3
وبضيف عليه الله يرحمو حافظ الاسد.......ويلي هالرجال شو كان بينعبد
علي ماعلي ليكون الرب عاملو تمثال عباب الجنة ....
بيكفي ان اسس نهج سياسة لسوريا مخليها شوكة بتم كل هالحكام الكلاب من المحيط الي الخليج واسيادهن الغربين

لك يسعدلي رب اللي خلقو للرئيس الاسد لك انا مغرمة بيه انا روحي فيه متيمة :sosweet::hart:

... وبالنسبة للسيد الرئيس ماحدا ما بيحبو الا الغيرانين ... مثقف متعلم دكتور طيب ...
الله يزيد المحبين ...:lol:


اي والله على راسي , بيقربك وفيق حبيب صاحب ملحمة " اللي ما بحب الاسد كذاب ابن كذاب" :lol:

على كل بظنلك هه انو الشباب عم يمزحوا لانو مو معقول بسوريا في حدا ما بحب السيد الرئيس لكن فرع فلسطين شو شغلتو حبيب

لك يسعدلي رب اللي خلقو للرئيس الاسد لك انا مغرمة بيه انا روحي فيه متيمة :sosweet::hart:
متجوز الزلمة
:frown:
انو هالنسوان مو شاطرين الا تخطفونا نحنا الرجال من بعضكون
:cry:

اي حلو هالاستطلاع
ليش لا
شو ما كانت الاسباب الموجبة لاختيارو وشو ما كانت العينة وسواء كانت سوريا بالعينة او لا فهاد شي منيح
ومنيح اكتر انو سوريا مش بالاستطلاع لان ياحبة عيني كان سبق شافيز:lol:
بالنسبة لنصر الله فهاد مكانة طبيعية الو ويمكن انظلم شوي
زعيم تحرير من الدرجة الاولى
بشار الاسد زعيم سياسي من الطراز الاول اتفقنا معو او اختلفنا
زايد زعيم اقتصادي فذ
حلوة النتائج

متجوز الزلمة
:frown:
انو هالنسوان مو شاطرين الا تخطفونا نحنا الرجال من بعضكون
:cry:
وازا متزوز منصير فريند كتير زابطين على بعض:oops: .... بعدين على اساس انتو الشباب ما بتخطفونا نحنا النسوان :pos:وخصوصا ازا كانو حلوين ولئطة شكل حكايتي:sosweet:

لك طلع عن جد في ناس بتحب بشار والله غريبة .......يالله القط بحب خناقو.
بس اللي بحبوه أو بحبو أبوه معروف مين هنة .

انا دائما براودني سؤال, ليش دائما باستطلاعات الرأي اللي بتصير بالمنطقة العربية بكونوا المجرمين و الارهابيين و اصحاب الفكر الظلامي بالمركز الاول؟؟؟

يعني اذا بنتطلع على نتائج انتخابات الحلم العربي على قناة المستقلة و اللي بقدر اي مواطن عربي بما فيها سوريا و المغتربين ان يشاركوا فيها بنلاقي انو التيار السلفي بالمركز الاول و الاخوان المسلمين بالمركز التاني.

وباستطلاعات سابقة اجا بن لادن و صدام حسين بالمركز الاول وهلئ بشار الاسد!

فمن هو المسؤول عن زالك؟؟؟

بعدين للي عم يقول انو بشار الو شعبية كبيرة داخل سوريا وانو هو قائد سياسي فذ!!!!!!!
الواحد بفكر طيب طالما هو عبقرية سياسية كبيرة ليش ما يسمح بتعددية حزبية ويمهد لانتخابات حرة نزيهة وطالما هو الو شعبية كبيرة بسوريا يعني اكيد رح يربح وهيك رح يخرس كل منتقديه ويكونوا موقفو اقوى بالداخل والخارج.

بس هو ما عم يعمل هيك لسببين لا ثالث لهما:

1- يا إما هو مانو قائد سياسي فذ:o
2- او هو بعرف تماما الحقيقة اللي رح ترميه هو وحزبو الى مزابل التاريخ.

اي منحبو واللي مو عاجبو

الدخول عالموضوع مو اجباري فيه مايدخل

الله يحميه

بقول للي ما بيحبو بشار الاسد:

انتو مين بتحبو؟
انتو بمين بتوثقو ؟
انتو شو بدكن ؟


تاكدو انو انتو ما بتشكلو جزء بيستاهل الذكر بالمجتمع السوري
و نحنا كل الشعب

بقول للي ما بيحبو بشار الاسد:

انتو مين بتحبو؟
انتو بمين بتوثقو ؟
انتو شو بدكن ؟


تاكدو انو انتو ما بتشكلو جزء بيستاهل الذكر بالمجتمع السوري
و نحنا كل الشعب

يا صديقي نحن نريد ان يستقيل بشار وتدخل البلاد في فترة انتقالية تتشكل خلالها الاحزاب ويتم فيها التحضير لانتخابات حرة نزيهة يشارك فيها بشار الاسد بحزبه البعث العربي الاشتراكي وطالما انتو كل الشعب فرح يفوز بشار في هذه الانتخابات وعندها سأناديه الرئيس السوري بشار الأسد ورح نكون معو حتى نهاية فتره حكمه الدستورية اربع او سبع سنوات .

وأنا حابب إنضم لقائمة منحبك.. وقلو للسيد الرئيس منحبك جكارة بكل الخونة والعملاء والإمبرياليين


وبهديكون أوبريت سيريتل.. منحبك:

نحنا أهلك نحنا شعبك عالحلوة وعالمرة جنبك... نحنا حدك كفي دربك منحبك منحبك

أنا ســــــــــــــــوري آه يانيالي

بقول للي ما بيحبو بشار الاسد:

انتو مين بتحبو؟
انتو بمين بتوثقو ؟
انتو شو بدكن ؟


تاكدو انو انتو ما بتشكلو جزء بيستاهل الذكر بالمجتمع السوري
و نحنا كل الشعب
برافوووووووووووو
اذا كلامك مظبوط ليش ما بصير انتخابات ديقراطية ومتل ما قال نهال اذا هوة فاز رح نكون معو بس بشرط ما تكون انتخابات مزورة ام ال99.9% .
ياعيني نحنا ما ضد بشار كشخص بس كنهج وسياسة داخلية بالدرجة الأولى ، لأنو بهمنا نعيش ببلد فيو حرية واللي بفوز صحتين ع قلبو مين ماكان.
وهلاء اللي ما بحبو الرئيس صاروا خونة وعملا وامبرياليين :clap::clap::clap::lol::lol:
ضحكتني .
لك اذا عملت استفتاء مين بحب الله ما رح يطلعوا 99.9 ،

هلق لاتطلعو عن الموضوع وتفوتو انتخابات راسة وتزوير وما بعرف
بس بكل الاحوال اذا ربح رح تقولو تزوير تزوير
وانا بقلكون من هلق اذا صارت انتخابات متل ما بدكون بدي قول انا انو تزوير وامريكا غيرت الصناديق:o
وحلوها بقا
وعلى فكرة هاموش صغير
بيضلو رئيس الدولة ناداه البعض ام لم يناديه
ومش مرجلة انو يتشاطر البعض وما يناديه لانو لابيقدم ولا بياخر للاسف بيضل اسمو حكي بالهوا مع احترامي الشديد لفكرة الاعتراض عليه بس اعتراضنا على شيء لا ينفي وقوعه والاعتراف به بشكل مرحلي
والي مزابل التاريخ لنشوف هالمزابل قديش بدها تساع من عنا ومن عند غيرنا

و أنا كمان بحبو ...
التغيير بأي بلد كان ما بيصير بين ليلة و ضحاها .. و لأنه بطيء الوتيرة فما منلاحظه (ل يلي حابب يلاحظو :p) بالعين المجردة .. و كمان كل تغيير لازم ياخد بعين الاعتبار التاريخ السياسي للبلد و طبيعة الشعب و الظروف الاقليمية و الدولية المحيطة و كتير قصص تانية بيطول شرحها ..
أنا بشوف انو هالزلمة هاد عم يعمل شغل حلو و عن جد البلد من 9 سنين و جاية شهدت و رح تشهد (انشالله) تغييرات إيجابية ...
:D

me 3
وبضيف عليه الله يرحمو حافظ الاسد.......ويلي هالرجال شو كان بينعبد
علي ماعلي ليكون الرب عاملو تمثال عباب الجنة ....
بيكفي ان اسس نهج سياسة لسوريا مخليها شوكة بتم كل هالحكام الكلاب من المحيط الي الخليج واسيادهن الغربين
me 4 :lol:
أي هون في شي بدي قولو برايك لو سوريا ماشية مع الخط الامريكي كنت شفت كل هالهجوم هاد ما بظن
يعني لو سوريا بكرة بتوافق عل المطالب الامريكية وبتنزل بتوقع معاهدة استسلام او سلام سميها الي بدك ياه مع اسرائيل
وفق الشروط الاسرائيلية كنت شفت سوريا صارت _ من وجهة نظرن _ مثال للديمقراطية والاعتدال والسلام كذلك هالشي بينطبق على البعبع الايراني

بس بما انو سوريا متحالفة مع " الصفويين :p" فشي أكيد لح تلاقي هالكم من التهجم
هاموش ما كتير الو علاقة بالموضوع :أي يا رفيق مدري ليش ذكرتني هل الهجمة على ايران (المد الفارسي مدري الصفوي :p) بايام الحرب الباردة لما اجتاحت الوطن العربي فوبيا المد الشيوعي
قولتك شو وجه الشبه بين التتنين حلل ثم اجب

ملاحظة جديدة مع انو هالموضوع تحديداً مقسوم غالباً لتيارين معارض بشدة و موالي بشدة فالنقاش فيه بيكون اقرب للمناطحة :p .
الرئيس الاسد صار بالنسبة لكتار ( منهون انا ) جزء من هالوطن . ما منقبل باهانتو من حدا أجنبي و مننزعج للتعرض لشخصو بالتجريح . و منسمع خطابو و منتأثر بالأغاني الي تغنت الو . باختصار صار جزء من سوريا . و كتار متعلقين فيه لأسباب مختلفة .

الرغبة بالتغيير عند السيد الرئيس واضحة بفكرو الشاب المنفتح و ما بعرف قديش ممكن نكون سلبيين لحتى نطلب من شخص واحد اصلاحات هائلة بفترة قصيرة . الدولة لا تختصر بشخصية رئيس جمهورية والتغيير محتاج لتراكمات طويلة وانا بعين المتفائل بشوف الوضع يتجه نحو تحسنات .

هلق ممكن حدا يصير يعدد حسنات و مساوئ و انجازات . بالاخير انا هالانسان كتير بيعنيلي وما بقدر عبر عن شي ما بحس فيه او اتملق حدا لأنو مو مضطر احكي اساساً . لأي سبب و كيف ما كان فـ الرئيس بشار الاسد جزء من سورية و كتير بلاقي من الظلم تشبيهو بهتلر و صدام حسين وبن لادن و هالمجرمين .
والجزم بانو محبينو جميعاً من منغلقي الفكر و محبي السفاحين هو كلام غير منطقي فـ العلاقة بين الكثيرين و الرئيس هي علاقة التفاف حول قائد يشكل أمل التغيير لـ وطنهم بالنسبة لكثيرين .

انو حلو الوحد يعارض الغلط
بس مو انو انا بدي عارض منظرو
وتحت شعار
انا ارعارض يعني انا موجود

ملاحظة جديدة مع انو هالموضوع تحديداً مقسوم غالباً لتيارين معارض بشدة و موالي بشدة فالنقاش فيه بيكون اقرب للمناطحة :p .
الرئيس الاسد صار بالنسبة لكتار ( منهون انا ) جزء من هالوطن . ما منقبل باهانتو من حدا أجنبي و مننزعج للتعرض لشخصو بالتجريح . و منسمع خطابو و منتأثر بالأغاني الي تغنت الو . باختصار صار جزء من سوريا . و كتار متعلقين فيه لأسباب مختلفة .

الرغبة بالتغيير عند السيد الرئيس واضحة بفكرو الشاب المنفتح و ما بعرف قديش ممكن نكون سلبيين لحتى نطلب من شخص واحد اصلاحات هائلة بفترة قصيرة . الدولة لا تختصر بشخصية رئيس جمهورية والتغيير محتاج لتراكمات طويلة وانا بعين المتفائل بشوف الوضع يتجه نحو تحسنات .

هلق ممكن حدا يصير يعدد حسنات و مساوئ و انجازات . بالاخير انا هالانسان كتير بيعنيلي وما بقدر عبر عن شي ما بحس فيه او اتملق حدا لأنو مو مضطر احكي اساساً . لأي سبب و كيف ما كان فـ الرئيس بشار الاسد جزء من سورية و كتير بلاقي من الظلم تشبيهو بهتلر و صدام حسين وبن لادن و هالمجرمين .
والجزم بانو محبينو جميعاً من منغلقي الفكر و محبي السفاحين هو كلام غير منطقي فـ العلاقة بين الكثيرين و الرئيس هي علاقة التفاف حول قائد يشكل أمل التغيير لـ وطنهم بالنسبة لكثيرين .



أرفع لك القبعة
بصراحة ما عاد في حكي بينحكى بعد هالحكي :D

ملاحظة جديدة مع انو هالموضوع تحديداً مقسوم غالباً لتيارين معارض بشدة و موالي بشدة فالنقاش فيه بيكون اقرب للمناطحة :p .
الرئيس الاسد صار بالنسبة لكتار ( منهون انا ) جزء من هالوطن . ما منقبل باهانتو من حدا أجنبي و مننزعج للتعرض لشخصو بالتجريح . و منسمع خطابو و منتأثر بالأغاني الي تغنت الو . باختصار صار جزء من سوريا . و كتار متعلقين فيه لأسباب مختلفة .

الرغبة بالتغيير عند السيد الرئيس واضحة بفكرو الشاب المنفتح و ما بعرف قديش ممكن نكون سلبيين لحتى نطلب من شخص واحد اصلاحات هائلة بفترة قصيرة . الدولة لا تختصر بشخصية رئيس جمهورية والتغيير محتاج لتراكمات طويلة وانا بعين المتفائل بشوف الوضع يتجه نحو تحسنات .

هلق ممكن حدا يصير يعدد حسنات و مساوئ و انجازات . بالاخير انا هالانسان كتير بيعنيلي وما بقدر عبر عن شي ما بحس فيه او اتملق حدا لأنو مو مضطر احكي اساساً . لأي سبب و كيف ما كان فـ الرئيس بشار الاسد جزء من سورية و كتير بلاقي من الظلم تشبيهو بهتلر و صدام حسين وبن لادن و هالمجرمين .
والجزم بانو محبينو جميعاً من منغلقي الفكر و محبي السفاحين هو كلام غير منطقي فـ العلاقة بين الكثيرين و الرئيس هي علاقة التفاف حول قائد يشكل أمل التغيير لـ وطنهم بالنسبة لكثيرين .



هيدا الكلام الموزون يلي برفعلك القبعة عليه احترما
لو بنحكي كلنا بذات اللغة كنا وصلنا لنقاط مشتركة كتير احسن من اللت والعجن والقدح والذم يلي عم نشوفو من عنا ومن عند الطرف يلي بيمثل المعارضة الحالية (الموالاة المفترضة مستقبلا)
شكرا:D

منكرهك ...

بموووووووت بشقة عيونك الخضر وشمعة طولك ودوزنة كلامك وزكرتية افعالك ودكترة تعليمك وكلك على بعضك حلوووو :sosweet::hart:

الرئيس الاسد صار بالنسبة لكتار ( منهون انا ) جزء من هالوطن . ما منقبل باهانتو من حدا أجنبي و مننزعج للتعرض لشخصو بالتجريح . و منسمع خطابو و منتأثر بالأغاني الي تغنت الو . باختصار صار جزء من سوريا . و كتار متعلقين فيه لأسباب مختلفة .
ما فهمت مين اللي الاجنبي اللي اهان السيد الرئيس تبعكن؟؟ على علمي كل اللي عم يتناقشو بهالموضوع سوريين؟؟
بتعرف ليش بتشوفوا جزء من الوطن ويمكن ما بتعرف تفرق بينو و بين الوطن, لانو ببساطة ما في قدامنا غيرو, يعني لو كان الرئيس بيتغير ضمن فترات رئاسية محددة و باطار انتخابات ديمقراطية اكيد ما رح تجي تقول والله كل رئيس هو جزء من الوطن, بينما لما رئيس بيحكم 30 سنة و بيورث لابنو من بعدو الحكم رح تصير تشوف الوطن هو بيت الاسد وبس.

الرغبة بالتغيير عند السيد الرئيس واضحة بفكرو الشاب المنفتح و ما بعرف قديش ممكن نكون سلبيين لحتى نطلب من شخص واحد اصلاحات هائلة بفترة قصيرة . الدولة لا تختصر بشخصية رئيس جمهورية والتغيير محتاج لتراكمات طويلة وانا بعين المتفائل بشوف الوضع يتجه نحو تحسنات .

كلامك صحيح بدولة متل بقية دول العالم, اما في دولة كل الصلاحيات فيها بيد الرئيس , كل القرارات بتطلع من مكتبو ,شوف بس المراسيم اللي بطالعها لك اذا طالب رسب بالجامعة لازم يطالعلو مرسوم ليعيد فحصو .

لك بس عطيني مسؤول واحد بيملك صلاحيات بتخليك تلومو على التخلف اللي ضارب البلد بكل المجالات الا هو , من جهة تانية لو صار اي شي ايجابي بهالبلد لو طالب بكلوريا جمع مجموع كامل بقلك بفضل توجيهات سيادتو يعني كل ايجابي بتنسبو فورا الو وكل شي سلبي هو يا حرام ما دخلو

يتفضل سيادتو يعطي هالكم طرطور اللي اسمن وزراء صلاحيات عن جد , يخلين يسترجو يقرروا باي شي مصيري بهالبلد مشان ساعتها يبطل حدا يلومو على اللي عم يصير


الرئيس بشار الاسد جزء من سورية و كتير بلاقي من الظلم تشبيهو بهتلر و صدام حسين وبن لادن و هالمجرمين .

سوريا اكبر من بشار واكبر بكتير من انو يكون جزء فيها لانها هي الباقية و هو الفان.
صدقني التاريخ رح يذكروا على انو دكتاتور ورح ينحط مع هدول متلو متل شبيهو و زميلو دكتاتور كوريا الشمالية اللي ورث الحكم متلو.








بس حابب ضيف شغلة على الموضوع نفسو وهي شعبية بشار الاسد

ما رح قلك متل ما قالوا الشباب فوق , انو خلي يعمل انتخابات و تعددية وما بعرف شو لانو الشباب اكيد عم يحلمو

رح قلك بس شغلة , مو انت متاكد انو كتير ناس متلك بتحبو طيب خلي بس يا اخي بالاستفتاء القادم يعطي اوامر لمخابراتو تبطل تسوق الشعب متل الغنم على مراكز التصويت, يبطلو يجبروا الموظفين و طلاب الجامعات على التصويت والدبكة , يبطلوا يبخشوا اصابيع العساكر بالجيش مشان يبصموا بالدم ,
الله وكيلك بس هيك وساعتها اذا بتلاقي خمسة بالمية من الشعب مو انتخبوا وانما مجرد قبلوا يشاركوا بمهزلة التصويت هي ابقى تعى اشرحلنا عن التفاف الشعب حول القائد.

ايهم
هلاء انا صحيح ما بقتنع بنتيجة الانتخبات تبعيت 99.9%
بس كمان بحياتو ما اجى عنصر مخابرات خلاني انا او حدا من معارفي او محيطي و اخدنا اجباري لنصوت
:?
وبعدين حسب كلامك السلابق
هوي مو بحاجة انو حدا يروح يصوت لانو قلت انو النتيجة معروفة مسبقا

هلق لاتطلعو عن الموضوع وتفوتو انتخابات راسة وتزوير وما بعرف
بس بكل الاحوال اذا ربح رح تقولو تزوير تزوير
وانا بقلكون من هلق اذا صارت انتخابات متل ما بدكون بدي قول انا انو تزوير وامريكا غيرت الصناديق:o
وحلوها بقا
وعلى فكرة هاموش صغير
بيضلو رئيس الدولة ناداه البعض ام لم يناديه
ومش مرجلة انو يتشاطر البعض وما يناديه لانو لابيقدم ولا بياخر للاسف بيضل اسمو حكي بالهوا مع احترامي الشديد لفكرة الاعتراض عليه بس اعتراضنا على شيء لا ينفي وقوعه والاعتراف به بشكل مرحلي
والي مزابل التاريخ لنشوف هالمزابل قديش بدها تساع من عنا ومن عند غيرنا

اي انتخابات بالعالم تراقب من قبل من منظمات دولية وجهات مستقلة وهي تحدد وقوع تزوير وليس انتي
بعدين انا ما قلت انو بالاستفتاء على ولايتو التانية كان في تزوير , يعني ماكان في حدا غيرو بالواجهة وماحدا بسترجي يقول لأ لأنو الشعب تبعنا شعب جبان مع الاسف ومع ذلك نسبة المشاركة حسب تقارير لم تتجاوز 12%
وحتى فرضا لو أنو الشعب السوري اختار نعم هل هذا يبرر ان يكون رئيسا الى الابد وبعدين يورث ابنو متلما عمل ابو.
يعني معروف بأي دولة بالعالم انو اي رئيس مهما كان محبوب ما بترشح اكتر من دورتين ورا بعض, فهادا دليل آخر على دكتاتورية عائلة الاسد.

وشغلة انو اعتراضنا على شيء لا ينفي وقوعه والاعتراف به بشكل مرحلي, اذا هيك انا بطالبك انو تعترفي بأنو الجولان جزء من دولة اسرائيل على اعتبار انو هالواقع صارلو 40 سنة وماعم نقدر نغيروا وخلي الفلسطينيين وكل الدول العربية يعترفوا باسرائيل دولة يهودية في المنطقة على اعتبار ان هذا الواقع من 1948 موجود .

بس حابب ضيف شغلة على الموضوع نفسو وهي شعبية بشار الاسد

ما رح قلك متل ما قالوا الشباب فوق , انو خلي يعمل انتخابات و تعددية وما بعرف شو لانو الشباب اكيد عم يحلمو

رح قلك بس شغلة , مو انت متاكد انو كتير ناس متلك بتحبو طيب خلي بس يا اخي بالاستفتاء القادم يعطي اوامر لمخابراتو تبطل تسوق الشعب متل الغنم على مراكز التصويت, يبطلو يجبروا الموظفين و طلاب الجامعات على التصويت والدبكة , يبطلوا يبخشوا اصابيع العساكر بالجيش مشان يبصموا بالدم ,
الله وكيلك بس هيك وساعتها اذا بتلاقي خمسة بالمية من الشعب مو انتخبوا وانما مجرد قبلوا يشاركوا بمهزلة التصويت هي ابقى تعى اشرحلنا عن التفاف الشعب حول القائد.

ايهم انا بعرف انو شغلة الانتخابات والتعددية حلم مستحيل التحقق الا بعد اجتثاث البعث الاسدي وطرده نهائيا من سوريا.
بس المشكلة انو الطرف الاخر عم يناقش على اساس انو هن مؤمنين بالديمقراطية ونحن ماشيين وراهن عالدعسة لنشوف آخرتا معون

ما فهمت مين اللي الاجنبي اللي اهان السيد الرئيس تبعكن؟؟ على علمي كل اللي عم يتناقشو بهالموضوع سوريين؟؟
بتعرف ليش بتشوفوا جزء من الوطن ويمكن ما بتعرف تفرق بينو و بين الوطن, لانو ببساطة ما في قدامنا غيرو, يعني لو كان الرئيس بيتغير ضمن فترات رئاسية محددة و باطار انتخابات ديمقراطية اكيد ما رح تجي تقول والله كل رئيس هو جزء من الوطن, بينما لما رئيس بيحكم 30 سنة و بيورث لابنو من بعدو الحكم رح تصير تشوف الوطن هو بيت الاسد وبس.

أيهم انا لما قلت اجانب قصدت بشكل عام بالحياة مو بأخوية . مثلاً يجي واحد خليجي او مصري او اياً يكن يهين الرئيس بكلمة بحس انو الاهانة اصابتني شخصياً و عم بحكي بلسان كتير ناس ممكن تحس بنفس الاحساس .
غير هيك انا لما صوتت للرئيس صوتلو عن قناعة مطلقة.
بعدين ما بعرف ليش مصر على تحليل سلوكنا و كأننا مريضين نفسياً ازا كنا منحب الرئيس :? .
سيدي انا شخصياً ما عندي مشكلة مع وجودك كـ معارضة و لا بعتبر نفسي موالاة عمياء انا ببساطة بحب هالشخص و بتفائل فيه و منتظر منو خير للبلد .
بعدين شفتك منفعل لدرجة كبيرة بحكيك كنت رح تبلش تسب كل محبي الرئيس و تعتبرهون ناس قاصرين او قطيع او ما شابه . طبعاً انت حر ما رح طالبك بتغير اسلوبك بس انو رواق خيو ما صار شي .

ملاحظة جديدة مع انو هالموضوع تحديداً مقسوم غالباً لتيارين معارض بشدة و موالي بشدة فالنقاش فيه بيكون اقرب للمناطحة :p .
الرئيس الاسد صار بالنسبة لكتار ( منهون انا ) جزء من هالوطن . ما منقبل باهانتو من حدا أجنبي و مننزعج للتعرض لشخصو بالتجريح . و منسمع خطابو و منتأثر بالأغاني الي تغنت الو . باختصار صار جزء من سوريا . و كتار متعلقين فيه لأسباب مختلفة .

اولا ما حدا هون اجنبي كلنا سوريين
بعدين على اي اساس معتبروا جزء من الوطن؟؟ لأنو انفرض فرض على السوريين واصبح امر واقع؟
روح هلئ احكي لأي عراقي انو صدام جزء من الوطن العراقي شو رح تكون ردة فعلو؟

الرغبة بالتغيير عند السيد الرئيس واضحة بفكرو الشاب المنفتح و ما بعرف قديش ممكن نكون سلبيين لحتى نطلب من شخص واحد اصلاحات هائلة بفترة قصيرة . الدولة لا تختصر بشخصية رئيس جمهورية والتغيير محتاج لتراكمات طويلة وانا بعين المتفائل بشوف الوضع يتجه نحو تحسنات .

هي صرلو تسع سنين بالحكم , عطيني انجاز واحد بس عملوا مهما كان صغير ولك بالعكس الامور عم ترجع لورا من ناحية الحريات والاقتصاد وكل شي , ورجيني شغلة وحدة بس بتدل على انو هو راغب بالاصلاح.

والجزم بانو محبينو جميعاً من منغلقي الفكر و محبي السفاحين هو كلام غير منطقي فـ العلاقة بين الكثيرين و الرئيس هي علاقة التفاف حول قائد يشكل أمل التغيير لـ وطنهم بالنسبة لكثيرين .

بالله سؤال , شو هو التغيير اللي عم بتتأملوا من بشار , شو هي مطالبك؟








والله يا صديقي ماني شايف اي فرق بينو وبين صدام حسين
صدام حكم العراق لحتى مات وبشار ماشي على هالطريق متل ابو اللي نط من كرسي الحكم للقبر
الاتنين حكموا بلادون بقبضة الامن والمخابرات وكموا الافواه ومنعوا الحريات
الاتنين عائلاتن رموز للفساد الاقتصادي
الاتنين اعتمدوا على اقربائهم وطائفتهم في الحكم الامني للبلد
وطبعا الاتنين هن رؤساء لنفس الحزب الارهابي ( البعث )
وبالاخير نتمنى انو النهاية تكون وحدة كمان:o

اولا ما حدا هون اجنبي كلنا سوريين
بعدين على اي اساس معتبروا جزء من الوطن؟؟ لأنو انفرض فرض على السوريين واصبح امر واقع؟
روح هلئ احكي لأي عراقي انو صدام جزء من الوطن العراقي شو رح تكون ردة فعلو؟ فوق و ضحت قصدي و ما رح ارجع عيد بخصوص الاجنبي . اما بخصوص انو جزء من الوطن كمان قصدي بقلب بعض الناس متل ما كان واضح من ردي :

الرئيس الاسد صار بالنسبة لكتار ( منهون انا ) جزء من هالوطن
فازا مو معتبر حالك منهون فـ هي مشكلتك و انا ما عممت مشان ما تزيد الفزلكة و تكبير الخط .

هي صرلو تسع سنين بالحكم , عطيني انجاز واحد بس عملوا مهما كان صغير ولك بالعكس الامور عم ترجع لورا من ناحية الحريات والاقتصاد وكل شي , ورجيني شغلة وحدة بس بتدل على انو هو راغب بالاصلاح.بعد 9 سنين بالحكم الوضع المعيشي للموظف تحسن . الوضع الطبي بالمشافي صار افضل بمليون مرة . الاقتصاد و الاستثمارات افضل . صرنا نشوف اعلام خاص . و الحملة الاخيرة لمكافحة الفساد بكتير مرافق بالدولة كمان أمل كبير على كل الانجازات واضحة لـ يلي بدو يشوفها و متل ما اسلفت التطوير بيجي عبر تراكمات من الجهود وما بيقتصر على شخص رئيس جمهورية .


والله يا صديقي ماني شايف اي فرق بينو وبين صدام حسين
صدام حكم العراق لحتى مات وبشار ماشي على هالطريق متل ابو اللي نط من كرسي الحكم للقبر
الاتنين حكموا بلادون بقبضة الامن والمخابرات وكموا الافواه ومنعوا الحريات
الاتنين عائلاتن رموز للفساد الاقتصادي
الاتنين اعتمدوا على اقربائهم وطائفتهم في الحكم الامني للبلد
وطبعا الاتنين هن رؤساء لنفس الحزب الارهابي ( البعث )
وبالاخير نتمنى انو النهاية تكون وحدة كمانهالكلام مو صحيح و مجافي للحقيقة . صدام حكم نظام مقبور بالحديد والنار و ورط بلادو بحروب مدمرة عكس سياسات سورية الخارجية الي اتسمت بالتوازن و التحالفات التكتيكية الي ما جلبت للبلاد اي مشاكل من هالنوع . هادا غير عن هامش الحريات الاوسع بمليون مرة بسوريا و الوضع المعيشي و الاقتصادي بالبلد و حتى الأمني .
وضع سوريا اليوم على جميع الصعد أبداً مو متل وضع عراق صدام . يعني مع احترامي الك ما في عاقل بيقارن هيك مقارنة .
بالمناسبة حديثك المتكرر بهالصيغة عن حزب البعث بيوحي انو عندك مشكلة شخصية مع الحزب و حتى مع النظام .

سوريا بحاجة لـ فكر يقودها للتغير السلمي الذاتي لأنها غير مهيئة أبداً و برأيي محاولات التغيير جميعاً خارج اطار التغيير السلمي رح تجيب للبلاد الفوضى و أنظمة استبدادية .
وانا بشوف هالأمل بقيادة الرئيس الاسد .
يا ريت تكون وضحت فكرتي .

شوية موضوعية معلم دحيل عينك "هاليومين كتير عم طالب بالموضوعية أنا" :

والله يا صديقي ماني شايف اي فرق بينو وبين صدام حسين


كم فرق بدك مشان عدلك؟؟
بيكفي انو الأول كان في دم 2 مليون عراقي برقبتو والتاني مافي غير تجاوزات أمنية وكلنا مانا موافقين عليها بعهدو... الأول في حلبجة وفلوجة وام المعارك و مليون مجزرة وحرب بفترة حكمو والتاني مافي هيك شي؟؟
الأول غزا الكويت وحارب ايران عشر سنين والتاني لسا ما فتح اي جبهة داخلية أو خارجية "مع العلم إني ضد هالشي بالنسبة لموضوع الجولان"...

صدام حكم العراق لحتى مات وبشار ماشي على هالطريق متل ابو اللي نط من كرسي الحكم للقبر

يعني هالنوع من الخطاب بيفقد كلامك أي موضوعية أو امكانية حوار باعتبار في اسس بالحوار انت عم تتجاهلا...

الاتنين حكموا بلادون بقبضة الامن والمخابرات وكموا الافواه ومنعوا الحريات


لاء نسبي الموضوع حبيب في تدخلات وتجاوزات وارهاب بتمارسو اجهزة الامن بسوريا ماحدا بيقدر ينكر "غير اذا كان هو او حدا من اهلو مساعد اول بالمخابرات " وهالشي كلنا ضدو... أما انك تشبه وضع النظام بوضع النظام العراقي السابق قهو شي مسيئ وغلط كبير بتعرف ليش؟؟

مو حباً أو دفاعاً عن بشار الأسد وإنما لأنو هالتشبيه بيإدي لإفقاد مطالب الشعب السوري أي مصداقية... ويلي بشبه المعطيات لبعضا بيكون عم يطالب بنفس النتائج وبهالحالة ممكن بدون ما تدري تكون عم تشرع تدخل أجنبي بسوريا بغية تغيير الوضع القائم...

وصدقني بشار الأسد وأجهزة أمنو أرحم بألف مرة من انو اي تغيير بيجي على دبابة أمريكية... بنصحك تقرا الوثيقة التأسيسية لإعلان دمشق على أمل انك تفهم شوي شو نمط التغيير الوطني يلي بتطالب فيه المعارضة الوطنية الشريفة...



الاتنين عائلاتن رموز للفساد الاقتصادي


مافهمت يعني انت عم تلعب لعبة أوجد القواسم بين بشار الأسد وصدام حسين؟؟ معقول انت مقتنع انو الوضع بسوريا متل الوضع بالعرق قبل الغزو؟؟

لاء أخي الوضع الديموقراطي بسوريا زفت بس الوضع الديموقراطي بالعراق كان دم...


الاتنين اعتمدوا على اقربائهم وطائفتهم في الحكم الامني للبلد

هوب هوب كلو إلا هي قصة الطائفة.. ياعيتي انت ليش متخيل انو الطائفة العلوية بسوريا بالعة الأرض؟؟ لاء عمي لاء الإنماء الغير المتوازن بسوريا ماشي على كل المحافظات... وكل ضيع محافظات سوريا ناقصها خدمات وسوء الإدارة ماشي على الكل... لك وبالعكس بدي قلك شغلة بشرفي في قرى وضيع "علوية" وضعها أسوء من أيا ضيعة بحلب أو بحمص...

بعدين تعا لقلك مو معنى وجود كم رئيس فرع مخابرات علويين هالشي معناه انو باماشالله العلويين ماسكين الحكم... لاء ياعيني مدير ادارة المخابرات العامة "السني" علي مملوك متلو متل أي رئيس فرع مخابرات وكلون دورون ووجودن وممارساتون القمعية غلط... فرجاءً لاتفقد قضايانا أحقيتها بهالكلام الفاضي...


وطبعا الاتنين هن رؤساء لنفس الحزب الارهابي ( البعث )


مين أكتر رئيس بتحبو بالعالم حضرتك؟؟ هلأ بدي لاقيلك 1000 قاسم مشترك بينو وبين صدام حسين... باراك أوباما مثلاُ؟؟

التنين بلشو حياتون مشردين والتنين في بإسمون حرف الميم والتنين عندون اخوات بيشتغلو معون بالحكومة والتنين نسوانون دارسين حقوق...

خلصنا كبر عقلك يرحم أبوك


وبالاخير نتمنى انو النهاية تكون وحدة كمان:o


قصدك النهاية بالاحتلال الامريكي؟؟!!

سر بيناتنا: وحود شخصيات متلك وبتفكيرك هيي يلي بتخلي بعض مرتزقة النظام يحكو على المعارضة السورية الشريفة ويشككوا فيها....

مابعرف اذا عن قصد ولا دون قصد بس انت عم تشتغل لمصلحة قمع شعبك أكتر ماهو مقموع وعم تسيئ لهالشعب أكتر ما النظام عم يسيئ إلو...

أنا شخصياً بفتخر اني معارض لهالنظام وممارساتو الأمنية وقمعو للحريات والفساد المستشري فيه... بس بقول بكل وضوح انو النظام أقرب لإلي ألف مرة من شخصيات بتحمل فكر كفكرك..

بعتذر من صاحب الموضوع والمشاركين فيه على تغيير وجهة النقاش بس هالتوضيح للسيد نهال من زمان كنت حابب وضحلو ياه...

فوق و ضحت قصدي و ما رح ارجع عيد بخصوص الاجنبي . اما بخصوص انو جزء من الوطن كمان قصدي بقلب بعض الناس متل ما كان واضح من ردي :

الرئيس الاسد صار بالنسبة لكتار ( منهون انا ) جزء من هالوطن
فازا مو معتبر حالك منهون فـ هي مشكلتك و انا ما عممت مشان ما تزيد الفزلكة و تكبير الخط .

كلام غاية بالتشفير كيف و شلون ما حدا بعرف

بعد 9 سنين بالحكم الوضع المعيشي للموظف تحسن . الوضع الطبي بالمشافي صار افضل بمليون مرة . الاقتصاد و الاستثمارات افضل . صرنا نشوف اعلام خاص . و الحملة الاخيرة لمكافحة الفساد بكتير مرافق بالدولة كمان أمل كبير على كل الانجازات واضحة لـ يلي بدو يشوفها و متل ما اسلفت التطوير بيجي عبر تراكمات من الجهود وما بيقتصر على شخص رئيس جمهورية .

الوضع المعيشي للموظف ما تحسن يعني واحد عم يتوظف جديد راتبو 8500 ليرة وفي ظل غلاء الاسعار هاد اللي ما كان موجود من قبل شي ببكي.
المشافي صايرة مسالخ واذا بدك ببعتلك روابط عن المجازر اللي عم تصير بمشافي دمشق والتعامل من قبل الاطباء والممرضين فوقي تجاه المرضى انا بستغرب منك عم تحكي هالحكي انت اكيد مانك عايش بسوريا
وبالنسبة للاعلام الخاص ما شالله عم يطبل و يزمر للنظام اكتر من العام و ما بسترجي يلامس واقع المواطن السوري بحيادية

هالكلام مو صحيح و مجافي للحقيقة . صدام حكم نظام مقبور بالحديد والنار و ورط بلادو بحروب مدمرة عكس سياسات سورية الخارجية الي اتسمت بالتوازن و التحالفات التكتيكية الي ما جلبت للبلاد اي مشاكل من هالنوع . هادا غير عن هامش الحريات الاوسع بمليون مرة بسوريا و الوضع المعيشي و الاقتصادي بالبلد و حتى الأمني .
وضع سوريا اليوم على جميع الصعد أبداً مو متل وضع عراق صدام . يعني مع احترامي الك ما في عاقل بيقارن هيك مقارنة .
بالمناسبة حديثك المتكرر بهالصيغة عن حزب البعث بيوحي انو عندك مشكلة شخصية مع الحزب و حتى مع النظام .

سوريا بحاجة لـ فكر يقودها للتغير السلمي الذاتي لأنها غير مهيئة أبداً و برأيي محاولات التغيير جميعاً خارج اطار التغيير السلمي رح تجيب للبلاد الفوضى و أنظمة استبدادية .
وانا بشوف هالأمل بقيادة الرئيس الاسد .
يا ريت تكون وضحت فكرتي .





يا عيني انا شو بدي بالسياسة الخارجية تبع صدام انا عم حاكيك بالداخل
بشار عم يحكم كمان بالحديد والنار ووضع حقوق الانسان هلئ بسوريا متلو متل عراق صدام, لك حتى انا ما سنعت انو بعراق صدام الامن عم يختطفو طالبة جامعية مريضة نفسية لانو اجتا الحالة وحكت كم كلمة بصوت عالي!!!
.

وانا بشوف هالأمل بقيادة الرئيس الاسد .
يا ريت تكون وضحت فكرتي .




مع إحترامي إلك ولفكرك صافي بس الأمل بالتغيير السلمي بيكون بإيدين ولاد سوريا الشرفاء وبقيادة أبناء هالوطن دون الربط دون أي شخص والوطن... بشار الأسد هو بالنهاية مواطن سوري وهالشي بيعني انو هو أكيد جزء من هالوطن... هيك حجم القصة لا أكتر ولا أقل...

أما أن نربط هالوطن بأشخاص أو عائلات فهو أمر غير مقبول أبداً من ةحهة نظر وطنية ... سوريا أكبر من الكل وتطوير سوريا وتصحيح الخلل يلي فيها مسؤولية الكل...

تحية إلك :D

مع إحترامي إلك ولفكرك صافي بس الأمل بالتغيير السلمي بيكون بإيدين ولاد سوريا الشرفاء وبقيادة أبناء هالوطن دون الربط دون أي شخص والوطن... بشار الأسد هو بالنهاية مواطن سوري وهالشي بيعني انو هو أكيد جزء من هالوطن... هيك حجم القصة لا أكتر ولا أقل...
أما أن نربط هالوطن بأشخاص أو عائلات فهو أمر غير مقبول أبداً من ةحهة نظر وطنية ... سوريا أكبر من الكل وتطوير سوريا وتصحيح الخلل يلي فيها مسؤولية الكل...
تحية إلك :D

أهلين فادي . :D
بس انا قلت انو من وجهة نظري الشخصية الخاصة الرئيس الاسد يشكل امل بالنسبة الي بالتغيير السلمي و هالشي اكيد بمشاركة ابناء سورية الشرفاء . لأنو التغيير غير السلمي كما بيدعيلو الاخ فوق رح يجلب للبلاد فوضى بالتأكيد .
بشوف بشخصو أمل كبير و ماني خجلان من شعوري و احساسي . وما عم بربط ولا انا بصدد توزيع عقود تمليك سوريا لأي عائلة كانت . فقط انا شخص سوري يرى في شخصية الرئيس الاسد املاً في التطوير فيو هالحكي شي بيشكل خطر على الوطن ؟! أو بيدل انو انا مريض نفسي بدي تحليل سلوك و شخصية و عرض على لجنة طبية ؟!
ع فكرة حبي و املي بشخص الرئيس لا تعني الرضا عن كل ما يحدث في سوريا .

و :D