قانون الاحوال الشخصية السوري الجديد [الأرشيـــــف] - صفحة 3

عرض كامل الموضوع : قانون الاحوال الشخصية السوري الجديد

صفحات : 1 2 [3] 4

التقرير الجوال

15/06/2009, 01:58

يا زلمي ...

كأنو المتدينين لما بزورو الغرب .. بروحو على غير الحارات يللي بزوروها باقي الخلق

اي مزبوط ..
مسمحلون يصلو على كيفون
و مع هالقانون الجديد ... صار مسمحلون ياكلو و يشربو كمان ..

أنو غريب هالمنطق

منشان حطّك بالصورة أنا مش متديّن و أنا مابزور حارات عمو إذا انت بتزور
منرجع للمنطق يا عمي انتو ليش حابين تعملو من قصة المسيحيين قصة كبيرة و انهن مظلومين و مافي عندهن حقوق متل غيرهن .. يعني ليش تشوية الحقائق؟
أي المسيحيين افللية و هاي الثغرة الوحيدة يللي عم يستخدمها البعض للصيد بالمي العكرة
ضباط كبار و صارو و مازالو
مدراء عاممين كمان .. وزرا رجال دين قضاة شو بدك كمان؟

ما بحب الحكي الفاضي

maged-syrian

15/06/2009, 02:21

لازم يكون لكل طرف قانون أحوال مدنية مستمد من الشريعة الخاصة بالدين الخاص فيه
مو معقول مسلم يطبق عليه قانون أحوال مستمد من الديانة المسيحية .. أو مسيحي بيطبق عليه قانون أحوال مستمد من الشريعة الاسلامية !! بتصير فوضى ...
سؤالي هون : شو خطر عبالهم هالقانون بالوقت الحالي مو عاساس الحزب الحاكم مبادئه علمانية !!
وبالنهاية الله يقدم لما فيه الخير للجميع ويعم الخير وحبذا لو يصلحوا النظام القضائي الفاسد اللي انتشرت به الرشاوي والفساد عم ينخر فيه لكن قاضي مابيمشيلك معاملتك الا برشوة 100 الف ليرة وبيعرف ان قضيتك عادلة والحق معك؟!
عالهامش : عندي فضول كبير أعرف شو قانون الاحوال المدنية الخاص بتسيير أمور الملحدين اللي مابيعترفو بأي شريعة سماوية
يعني بالمشرمحي شلون بدهم يزبطو أمورهم الحياتية ؟!;)

MadMax

15/06/2009, 02:27

منشان حطّك بالصورة أنا مش متديّن و أنا مابزور حارات عمو إذا انت بتزور
مبين من كلامك انك مو زاير غير الحارات العربية بالغرب ..

منرجع للمنطق يا عمي انتو ليش حابين تعملو من قصة المسيحيين قصة كبيرة و انهن مظلومين و مافي عندهن حقوق متل غيرهن .. يعني ليش تشوية الحقائق؟

بغض النظر عن وضع المسيحيين بسوريا ... بس هالقانون بعاملون كأهل ذمة
أو بالأحرى كل الطوائف غير المذهب الحنفي ...مغبونة بهالقانون

مين قال أنو من حق الاكترية ياخدو وكالة بالأقليات ...
أو يكونو أولياء عليهون ..

أي المسيحيين افللية و هاي الثغرة الوحيدة يللي عم يستخدمها البعض للصيد بالمي العكرة
ضباط كبار و صارو و مازالو
مدراء عاممين كمان .. وزرا رجال دين قضاة شو بدك كمان؟

بدي يتعاملو كشركاء بالوطن ..
بنفس المعيار هني و المسلمين
بظل قانون مدني ..مو مستمد من أي دين أو طائفة

ما بحب الحكي الفاضي

خليك بإطار النقاش

whiterose

15/06/2009, 02:30

أو بالأحرى كل الطوائف غير المذهب الحنفي ...مغبونة بهالقانون

شكلك مش قارىء الضسطور

maged-syrian

15/06/2009, 02:31

بتخيل المسلمين اكثر ناس مابيقدرو يمارسو شعائر دينهم براحة تامة

وهاد بسبب كتار اساءو لها الدين

بتخيل المسيحيين الله يتم عليهم مرتاحين

انا بوافقك الرأي أن الأخوة المسيحيين بسوريا الله يتم عليهم ويزيدهم أكتر وأكتر ويرزقهم ويرزقنا .. مرتاحين مادياًَ ومعنوياًَ وماسكين مناصب ووظائف عالية ... والدولة دايرة بالها عليهم .. والتجارة أغلبها بايدهم ((معارض سيارات .. ألبسة ... حتى مصانع )) لحتى تصدقوا كلامي خدولكم لفة عمنطقة التجارة والقصاع بالشام .. وسئلو عن تجارة الدهب مين ماسكها و و و و الخ
الله يتم عليهم وعلينا ...

التقرير الجوال

15/06/2009, 02:34

:lol: حارات عرب؟ .. بيكفي بأني هون آعد من دون Green Card يعني شي شغلة انا
What goes around, Comes around أنت يللي دقيت الباب.
على كلٍ .. عمو القانون لمّا بينحط بظن يحطّو للأكترية أصلاً التشريعات و القوانين منشان شو؟ آ
أنا قللك منشان شو .. تسيير أحوال الناس بسيطة كتير, و لما الأغلبية بيكون في عندها صبغة دينية معينة فأكيد بدو يكون القانون بيعالج أمورهن من منطلق اعتقادهن.
بيكفيك لحد هون.

المحارب العتيق

15/06/2009, 02:48

لأ معلم الله يخليك الحكي موجود بالموضوع... انت اتهمتني بعدم الموضوعية و اني عم اجتزئ شغلات مشان مشي كلامي و انو القانون مو متل ما عم قول..

و بخصوص الثلاثائيات, كلو ع بعضو هو موضوع رأي, مانو موضوع اخباري بأي شكل من الأشكال, و بعمر ما ادعيت الحيادية تجاه قضية بعتقد انها تمسني... بالعكس الله يبعدنا عن الحيادية

حبيب كلمة عدم الموضوعية انا شفتها بالمثال يلي اسلفتو . وهاد رأيي بالنتيجة يلي . وأنت دافعت عن وجهة نظرك . مع ذلك أنا ماذكرت كلمة كذاب يلي أنت قلت كتير أني عم كذبك . وحتى كلام الحيادية هو من وجهة نظري . بيجوز أنت برايك بعيد عنو . بتضل وجهات نظر

يا معلمي وين حساسيتي المفرطة؟ لا تحسسني انك ماسك شغلة اني متحسس و مزعوج مشان تقول اني ما عم حاورك من منطلق فكري؟!

انت عم تقلي "ضحّكتني".. سو, أنا ضحّكتك (النص له قداسته ع قوله الهداك) و أنا كمّلت معك الضحك و قلتلك بيسعدني اني ضحّكتك... و ليش رحتلي عالاتحاد النسائي؟ سيبنا منو هادا, أنا عم قلك انو هدول قالو انو ما حدا طلع من عندون (و كان قصدي بالتحديد ممثلي الطوائف), انو هلأ بيقولو العكس... بعتقد انو كلمة الحق سبّاقة لأنو مو معقول يقولو ما انأخد برأينا لما انأخد.. لو بقيو ساكتين كان فهمناها!

تمام . أنا معك بممثلي الطوائف . أما قصة نقابة المحامين والأاتحاد النسائي . فهي يلي أنا ركزت عليها . اصلا بستغرب يكون عندهم الجرأة يحكو ( طبعا المحامين والنسائي ) بدون مايكونوا اخدين موافقة . لأنو ممكن يتحاسبو على كل كلمة

انت اقتبست كلامي عن إحداث النيابة العامة الشرعية (اللي ما كانت موجودة و ما حدا كان عم يطالب فيها...ع حد علمي.. يجوز وسائل الإعلام ما جابت سيرة للمظاهرات العارمة اللي عم تطالب فيها..) و قلتلي انو من وين طالعلك بهالحكي.. رحت جبتلك الفقرة كاملة عن شو صلاحية النائب الشرعي, و بيّنتلك انو بيحقلو يرفع هو الدعوى حتى لو أصحاب العلاقة ما تدخّلو, و لسى في كمالة: المدّعي لدى النائب الشرعي (يعني انت بتشوف ظلم تروح عالمحامي العام تقلو عمي هيك و هيك و المحامي العام يطلب تحريك الدعوى) معفي من رسوم الدعوى... يعني تخيّل انت انسرقت او راحو تسلبطو ع أرضك و بنو عليها و بدك ترفع دعوى لازم تدفع رسوم... بس اذا بتروح عالنائب العام الشرعي تقلو انو جارك عم يقول انو ما بيآمن بألله و معناتا هو مرتد.. انت معفي من رسوم هالدعوى..

للأمانة, وقت بيننالك انو حسب هالقانون المرأة فينا تصير وزيرة بس بيظل أخوها بيؤمر عليها بما يخص الزواج انت حكيت انو هالشي "لازم يوضحوه"...

النيابة على حد علمي . ممكن كتير تساعد بدعاوة التفريق . وتسرع هالشي . أنا بشوف انو في قضايا كتير عم تاخد وقت طويل بالمحاكم . ممكن النيابة تسرع حلها . وهاد طبعا بيصب بصالح المرأة يلي عم تطلب التفريق . اما مثالك فكل يلي قلتو انا أنو من كلامك ممكن يفهم الواحد انها أنوجدت لهاد السبب بس . وانو انا مابعتقد أنها ممكن تدخل بهاد الشكل حتى ولو أعطيت صلاحية

هلأ شو بدنا بالغرب...
غريب . من طول عمرنا من حط الغرب المتحضر كمقياس ( وخاصة فيما يتعلق بالمرأة ). ومنقول انو لازم نفرق بين الجيد والسيء بتجربتو

شكلاً القانون مش ملائم لدولة تطمح تكون عصرية (حتى لو ضمن إطار عقائدي ما.. ), يعني فيو مصطلحات كان ممكن التعبير عنها بصيغة أكثر أناقة.. و هالحكي لا يصب في خانة التشدّق كما تقول...
ماعم افهم عليك . كلمة موطوئة يلي أنذكرت كيف فينا نعملها أكثر اناقة ؟ . الكلمة أنذكرت باللغة العربية الفصحة ومكانها شرح حالة معينة بطريقة وافية حتى لاتقبل الأجتهاد . كيف فينا نعملها أكثر اناقة ؟ . نقول صحراوي مثلا

حتى الشكل نتركو... أخي المضمون!

و مو صحيح انو القانون ما تبيّن عيوبو لحتى يتطبّق, لأنو وقت يتطبّق و يبيّن عيبو بالتطبيق لبين ما يتغيّر في حدا تطبّق عليه, و هالحدا مظلوم... و معروفة سوابق قوانين مشابهة متل مصر و كيف تم استخدامها بتحالف السلطة مع مشايخها لمضايقة أناس محددين

أنا برأيي صحيح . وحتى لو عملنا قانون وشفناه صحيح ممكن يطلع على التنفيذ في عيوب . هاد طبعا مع انو الشغلة نسبية فهو سيء لألك جيد من وجهة نظر غيرك . أما مثال مصر . فأنا مع انو في تحالف بين السلطة ومشايخهم . بس مابعتقد انو نظام شمولي متل مصر بحاجة يعدل قانون لدايق شخص . بسهولة فيه يعمل فيه يلي بدو ياه . ويلبسو اي تهمة بدو ياها

يا خال أنا ماني محتد... انت ما قابض الناس جد, شي بتقول متشدقين و شي بتقول ماسكيلي ع كلمة... و كنت عم جيبلك أفكار و عم تردلي بوادي تاني.... يعني شو بدي رد أنا؟

نفس الشي . أنا شايفك عم ترد بوادي تاني . متشدقين مالتها الك . التها لمثال أنا ذكرتو .

أنا ما بشوف عالواقع انو كلامك صحيح (قصدي انك مع حدا بيشوف انو هالقانون بيمس عقيدتو)... لأنو عم نورجيك وين هالقانون رح يدعس علينا (كلادينيين و كلا متدينين) و انت عم تقول متشدقين, و عم نورجيك نقاط و ما عم ترد عليها... بتقلي أغلبية اسلامية و هالأغلبية لازم تمشي (هاد كلامك!)
تمام أنا مع هاد . بس شو عقيدة اللادينيين . وقديش نسبتهم بسوريا ؟ . وشو جاب كلمة متشدقين لهون ؟ . أنا كلامي بيقول أنو اغلبية الشعب السوري مسلم والطبيعي انو رأيي الاكترية تمشي . طبعا هاد مع أحترام خصوصية وعقائد الديانات التانية . وهالشي موجود بالقانون . كل ديانة الها باب . وفي شباب كتير مسيحيين هون ماشفت حدا فيهم هاجم شي ضمن باب الديانة المسيحية . انو هاد غلط . وبينقض عقيدتي . أما انو نساوي القانون على قياس اللادينيين ( يلي هنن ما أتفقوا على عقيدة او فكرة لمذهبهم . وكل واحد الو وجهة نظر تختلف عن الاخر ) ويلي هنن مابيمثلو 1% من الشعب السوري . ونهمش الكترية . هاد يلي أنا عم قول عنو خطأ

القانون للكل... و أنا ما عندي مانع, بالعكس ادعم و بشدة انو يكون في احتواء قانوني للشرع الإسلامي و لأي طائفة دينية... انو كل واحد يكون فينو يمارس معتقداتو بحرية مطلقة... بس بدي قانون يحتويني أنا كمان لأني مواطن لهالبلد متلي متل غيري.. و هالقانون مش بس ما يحتويني, هالقانون أنا بحسو تهديد لألي! شو يكون في سلطة قانونية لحدا لحتى يقدر يقوم بإجراءات ضدي بناءً على معتقداتي من عدمها؟

القانون ما يمنعني كون ملحد, و ما يمنعني جاهر بإلحادي, و لذلك مش منطقي انو يمنعني من الزواج اذا المحروسة قبلانة! و مش منطقي ما يخليني قرر أنا مين بدو يورثني و كيف! خلي كل واحد يورّث ع كيفو خيو وين المشكلة؟!

بالنتيجة ماعاد شفت شي بيزعجك من القانون غير فصل واحد من قانون النيابة الشرعية . أذا أنلغى بيصير بيحتوي الشرع الأسلامي وبتمارس معتقدك بحرية . ياترى بينتهي اعتراضك عليه ؟ .
أما بالنسبة لقصة الورثة . ففيك بسهولة تقرر مين بدو يرثك وتكتبلو املاكك
برجع لمثالك . يلي تحت . انو شخص مات . القانون حسب الشريعة الاسلامية . وهو كان فيه يلتف عليه . وهو عكس مثالي انو القانون كان علماني اذا صح التعبير ولحنا التفينا عليه
منرجع من جديد لقصة الأكثرية . انت برايك نعمل قانون يلتفو عليه الاكثرية ولا نعمل قانون يلتفو عليه الاقلية . يعني تخيل معي انو صار الورتة متساوية وكل المسلمين رح يلتفو عليه . طيب برأيك هاد شي صحي . انو قانون يطلع ومعروف سلف أنو تلت ارباع العالم مارح تشتغل فيه . مابيكون الو داعي يطلع اصلا . ( بذكر مرة انو نسرين مرة حطت موضوع عن انو في طوائف مابتورت البنت . ولحنا حكينا انو هاد عادات قبلية ومابيمثل طائفة بحد ذاتها . هاد واقع عنا ببلدنا . شو رايك ممكن يصير اذا طلع قانون بيعطيها المثل . وياترى البنت يلي اكلو أخواتها حقوقها . رجعت اخدت حقها عبر القانون ؟ .
تنفيذ القانون ودعم أدواتها التنفيذية شي كتير ضروري ومهم كمان .

انت خسران شي اذا أنا تزوجت مدني و ورثت أو ورّثت مدني؟ قانون محتويني و انت عندك قانون يحتويك.. وين المشكلة بالضبط؟
طبعا برجع بقلك . انو انا حأشتغل حسب قناعتي وشرعي ز وهاد الشي بيخلي القانون فاشل لانو يلي حيلتفو عليه اكتر من يلي حينفذوه . بعكس الحالي :D

المحارب العتيق

15/06/2009, 03:06

لازم يكون لكل طرف قانون أحوال مدنية مستمد من الشريعة الخاصة بالدين الخاص فيه
مو معقول مسلم يطبق عليه قانون أحوال مستمد من الديانة المسيحية .. أو مسيحي بيطبق عليه قانون أحوال مستمد من الشريعة الاسلامية !! بتصير فوضى ...

قبل ماجاوبك ماجد بدي وجه كلامي لياسين . شوف كيف اللعب بالكلام والعواطف . مثلا ماجد فكر من كلمة انو المسيحي درجة تانية انو المسيحي بدو يطبق عليه قانون مستمد من الشريعة الاسلامية ., وهاد مغلوط لأنو في باب خاص للديانة المسيحية واحكامو حسب الديانة المسيحية مو الاسلامية . طبعا هيك بيكون وصلك الجواب ماجد
سؤالي هون : شو خطر عبالهم هالقانون بالوقت الحالي مو عاساس الحزب الحاكم مبادئه علمانية !!
قانون الأاحوال الشخصية موجود من الاول . ومو شغلة جديدة . والقانون هو تجديد للقديم . يعني عملنا بالكم سنة الاخرانيات كذا قانون جديد من التجارة الى النظافة مرورا بكتير قوانين . فمن الطبيعي تجديد قانون الأحوال الشخصية .

عالهامش : عندي فضول كبير أعرف شو قانون الاحوال المدنية الخاص بتسيير أمور الملحدين اللي مابيعترفو بأي شريعة سماوية
يعني بالمشرمحي شلون بدهم يزبطو أمورهم الحياتية ؟!;)

مرة نزل موضوع بأخوية أنو اذا كانو الملحدين متحررين من الضوابط الدينية فليش ما بيتزجوا أمهاتهم ( الامر يلي حرمتو الديانات السماوية ) . فالموضوع دغري طار ( يعني مو تسكر لحتا ينقرا ومايتجاوب فيه . طار ) . فصدقني مابعرف كيف بدهم يظبطو امورهم الحياتية

المحارب العتيق

15/06/2009, 03:11

[quote=MadMax;1283004]

أو بالأحرى كل الطوائف غير المذهب الحنفي ...مغبونة بهالقانون

بس للعلم القانون الجديد . أخد بباقي المذاهب الاربعة . القديم كان حسب المذهب الحنفي مذهب الدولة العثمانية . اما الجديد فحاول ياخد بلأيسر من كل مذهب ( حسب ماقريت بمكان ما )

VivaSyria

15/06/2009, 03:16

مرة نزل موضوع بأخوية أنو اذا كانو الملحدين متحررين من الضوابط الدينية فليش ما بيتزجوا أمهاتهم ( الامر يلي حرمتو الديانات السماوية ) . فالموضوع دغري طار ( يعني مو تسكر لحتا ينقرا ومايتجاوب فيه . طار ) . فصدقني مابعرف كيف بدهم يظبطو امورهم الحياتية

مافهمت حبيب شو الربط بين الضوابط الدينية والقيم والأخلاق الإنسانية يلي كانت قبل الأديان؟

عمرك سمعت شي غزال أو قطة متجوزة إمها؟؟ هي أخلاق وفطرة طبيعية... بدك تقلي الحيوان عندو أخلاق بقلك إي عندو أخلاق ومو نابعة من دين"لأني ولامرة شفت عصفور لابس صليب أو راخي دقن" والدليل العلاقة الأسرية بمجتمع الحيوان والتكافل والتكاثر والتربية...

yass

15/06/2009, 03:45

حبيب كلمة عدم الموضوعية انا شفتها بالمثال يلي اسلفتو . وهاد رأيي بالنتيجة يلي . وأنت دافعت عن وجهة نظرك . مع ذلك أنا ماذكرت كلمة كذاب يلي أنت قلت كتير أني عم كذبك . وحتى كلام الحيادية هو من وجهة نظري . بيجوز أنت برايك بعيد عنو . بتضل وجهات نظر

تمام . أنا معك بممثلي الطوائف . أما قصة نقابة المحامين والأاتحاد النسائي . فهي يلي أنا ركزت عليها . اصلا بستغرب يكون عندهم الجرأة يحكو ( طبعا المحامين والنسائي ) بدون مايكونوا اخدين موافقة . لأنو ممكن يتحاسبو على كل كلمة

النيابة على حد علمي . ممكن كتير تساعد بدعاوة التفريق . وتسرع هالشي . أنا بشوف انو في قضايا كتير عم تاخد وقت طويل بالمحاكم . ممكن النيابة تسرع حلها . وهاد طبعا بيصب بصالح المرأة يلي عم تطلب التفريق . اما مثالك فكل يلي قلتو انا أنو من كلامك ممكن يفهم الواحد انها أنوجدت لهاد السبب بس . وانو انا مابعتقد أنها ممكن تدخل بهاد الشكل حتى ولو أعطيت صلاحية

غريب . من طول عمرنا من حط الغرب المتحضر كمقياس ( وخاصة فيما يتعلق بالمرأة ). ومنقول انو لازم نفرق بين الجيد والسيء بتجربتو

ماعم افهم عليك . كلمة موطوئة يلي أنذكرت كيف فينا نعملها أكثر اناقة ؟ . الكلمة أنذكرت باللغة العربية الفصحة ومكانها شرح حالة معينة بطريقة وافية حتى لاتقبل الأجتهاد . كيف فينا نعملها أكثر اناقة ؟ . نقول صحراوي مثلا

أنا برأيي صحيح . وحتى لو عملنا قانون وشفناه صحيح ممكن يطلع على التنفيذ في عيوب . هاد طبعا مع انو الشغلة نسبية فهو سيء لألك جيد من وجهة نظر غيرك . أما مثال مصر . فأنا مع انو في تحالف بين السلطة ومشايخهم . بس مابعتقد انو نظام شمولي متل مصر بحاجة يعدل قانون لدايق شخص . بسهولة فيه يعمل فيه يلي بدو ياه . ويلبسو اي تهمة بدو ياها

نفس الشي . أنا شايفك عم ترد بوادي تاني . متشدقين مالتها الك . التها لمثال أنا ذكرتو .

تمام أنا مع هاد . بس شو عقيدة اللادينيين . وقديش نسبتهم بسوريا ؟ . وشو جاب كلمة متشدقين لهون ؟ . أنا كلامي بيقول أنو اغلبية الشعب السوري مسلم والطبيعي انو رأيي الاكترية تمشي . طبعا هاد مع أحترام خصوصية وعقائد الديانات التانية . وهالشي موجود بالقانون . كل ديانة الها باب . وفي شباب كتير مسيحيين هون ماشفت حدا فيهم هاجم شي ضمن باب الديانة المسيحية . انو هاد غلط . وبينقض عقيدتي . أما انو نساوي القانون على قياس اللادينيين ( يلي هنن ما أتفقوا على عقيدة او فكرة لمذهبهم . وكل واحد الو وجهة نظر تختلف عن الاخر ) ويلي هنن مابيمثلو 1% من الشعب السوري . ونهمش الكترية . هاد يلي أنا عم قول عنو خطأ

طبعا برجع بقلك . انو انا حأشتغل حسب قناعتي وشرعي ز وهاد الشي بيخلي القانون فاشل لانو يلي حيلتفو عليه اكتر من يلي حينفذوه . بعكس الحالي :D

أخي بصراحة.. ما عم نحكي نفس اللغة, في قاعدة مشتركة لازم تكون موجودة لحتى ينبنى نقاش و هالقاعدة مو موجودة, و بالتالي النقاش عقيم (هيك رأيي بصراحة)

و كمان شغلة ما اقدر اسكت عنها:

مرة نزل موضوع بأخوية أنو اذا كانو الملحدين متحررين من الضوابط الدينية فليش ما بيتزجوا أمهاتهم ( الامر يلي حرمتو الديانات السماوية ) . فالموضوع دغري طار ( يعني مو تسكر لحتا ينقرا ومايتجاوب فيه . طار ) . فصدقني مابعرف كيف بدهم يظبطو امورهم الحياتيةمنظومة الأخلاق و العلاقات الإنسانية هي تراكم فلسفي إنساني عمرو آلاف السنين, و مانها ضوابط دينية...

بس المشكلة بتصير لما يحاول أحدهم يختصر كل الإنسانية بالدين... لغاية طعنية في الآخر (فكر أحادي يعني...), و كمان اذا حبيت فينا نقول عنها إفلاس فكري....

مسيناكون بالخير

المحارب العتيق

15/06/2009, 03:59

مافهمت حبيب شو الربط بين الضوابط الدينية والقيم والأخلاق الإنسانية يلي كانت قبل الأديان؟

عمرك سمعت شي غزال أو قطة متجوزة إمها؟؟ هي أخلاق وفطرة طبيعية... بدك تقلي الحيوان عندو أخلاق بقلك إي عندو أخلاق ومو نابعة من دين"لأني ولامرة شفت عصفور لابس صليب أو راخي دقن" والدليل العلاقة الأسرية بمجتمع الحيوان والتكافل والتكاثر والتربية...

حبيب الانسان هلأ صار عم يعمل شغلات الحيوان مابيعملها ( ماعدا الخنزير ) . بئال حتى اذا بدك تجيب الحيوان كمثال بيطلع الغربي ( مشان ماحدا يزعل ) خسران . بعدين الحيوان مابيعملها مشان القيم والأخلاق الأانسانية ؟
هامش
عجبتني شغلة مجتمع الحيوان والتكافل . عندهم جمعيات مجتمع مدني :lol: دخيل السياحة والسفر

التقرير الجوال

15/06/2009, 04:01

مافيها شّك بأنو الانسان مفطور عالخير بس كمان مافيها شك بانو قابيل ارتكب اول جريمة على سطح المعمورة ..
ليش؟
من دون الولوج بسرد القصة .. هون بدي اذكر آية من القرآن لدعم فكرتي .. بسم الله "فطوّعت له نفسه قَتلَ أخيه فقتله فاصبح من الخاسرين ".
يعني النفس أمّارة بالسوء و هي مافي عليها غبار و غير قابلة للجدل.

منعرف فطرة الانسان الخيّرة بس يللي بتدور حوله التساؤلات هوي الشر من وين و ياترى موجود بداخلنا و هالاخلاق و العلاقات الانسانية متل ما ذكر أحد المشاركين هل هي نتيجة تراكم تجارب حياتية على مرّ السنين؟ أم هي ناموس و شرع أنزل هداية للعالمين.

من منّا لا يحب السيطر و الهيمنة و استحواز النصيب الاوفر إذا أمكن؟

بيكون احسن بكتير نقاش مواد القانون و عدم الحكم باحكام مسبقة أو مبنية على ميول و اعتقادات .. المطلوب و المبتغى هو .. ما يناسبك و ماذا لا يناسبك .
شكلها رح تنفتح حلبة صراح و أبصر ما حدى بيعرف ليش .. من رأيي الشخصي بأنو أي أعتراض على القانون و أي تعليق سلبي او ايجابي يجب ان يكون مدوّن بتعليق مرفوق فية نص المادة .. يعني منشان نعرف من وين نبللش.

المحارب العتيق

15/06/2009, 04:10

[QUOTE]
[quote=yass;1283065]أخي بصراحة.. ما عم نحكي نفس اللغة, في قاعدة مشتركة لازم تكون موجودة لحتى ينبنى نقاش و هالقاعدة مو موجودة, و بالتالي النقاش عقيم (هيك رأيي بصراحة)

خفت الك هاد الكلام . تتهمني اني ماعم احترم مناقشي . ولهاد السبب انا انسحبت من نقاش الثلاثائيات

و كمان شغلة ما اقدر اسكت عنها:
الأخلاق و العلاقات الإنسانية هي تراكم فلسفي إنساني عمرو آلاف السنين, و مانها ضوابط دينية...

بس المشكلة بتصير لما يحاول أحدهم يختصر كل الإنسانية بالدين... لغاية طعنية في الآخر (فكر أحادي يعني...), و كمان اذا حبيت فينا نقول عنها إفلاس فكري....

حاضر . تهجمك هاد مردودو عليك . أنا مفلس فكريا . بس ياترى فيك تجاوب على اسئلة التقريرالجوال وماجد

VivaSyria

15/06/2009, 04:14

مافهمت حبيب شو الربط بين الضوابط الدينية والقيم والأخلاق الإنسانية يلي كانت قبل الأديان؟

كبستين إنتر مشان إفصلك الجملتين عن بعض وما انفصلو معك وانو أول جملة بتحكي عن القيم الإنسانية والتانية بتحكي عن الفطرة والغريزة يلي كمان فيها نوع من الأخلاق والتكافل

عمرك سمعت شي غزال أو قطة متجوزة إمها؟؟ هي أخلاق وفطرة طبيعية... بدك تقلي الحيوان عندو أخلاق بقلك إي عندو أخلاق ومو نابعة من دين"لأني ولامرة شفت عصفور لابس صليب أو راخي دقن" والدليل العلاقة الأسرية بمجتمع الحيوان والتكافل والتكاثر والتربية...

هامش

عجبتني شغلة مجتمع الحيوان والتكافل . عندهم جمعيات مجتمع مدني :lol: دخيل السياحة والسفر

جواب الهامش لأنو أول قسم جاوبتك عليه بالأحمر بقلب مشاركتي:

إي حبيب الحيوان عندو تكافل وبدرجات عالية جداً... فيك تقلي شو يلي بيخلي ذكور النمل تبني المملكة وتموت وهي عم تبنيها؟؟
ولا شو يلي بيخلي القطة تربي ولادها وتحميون وتدافع عنهون بروحا...حتى يشتد عودون واذا ضاع شي ولد منون تضل تدور عليها أيام وليالي؟؟
شو يلي بخلي العصفور الذكر يبني العش ويأمن الأكل والعصفورة الأنثى تهتم بالعصافير الصغار؟؟ وملايين الأمثلة يلي مابدها كتير تفكير لتوصل منها انو منظومة الحياة السليمة الصحيحة ما إلها علاقة بالأديان...

إذا هاد مو تكافل ومو تضامن ومو اخلاق فطرية حسنة فمابعرف شو ممكن يكون اسمو...

وهي سمايلي :lol: من وحي الجو يعني مشان سمعة المحل

التقرير الجوال

15/06/2009, 04:23

اعتراضيّة

انا ممكن سمّي هالامور يللي ذكرتها عن الحيوان بانها سلوك متل مافي ناس بتقول بانو الكرة الارضية انوجدت من العدم او غيرو .. بعدين الحيوانات مافي عندها عقول لتميّز الخير و تعملو .. اذا بدّك تسميها فطرة فماشي الحال بس من وين اجت هالفطرة .. بدنا ناخد الحيوان كمثال لحتى نقيس علية الفطرة الانسان .. و نحن هون مجبورين بس شو بدنا نعمل يا عمي.

من وين اجت فطرة الحيوان
في بعض الردود بتقول بانو فطرة الانسان الحميدة سببها ممارسة الحياة و تراكم خبرات عبر العصور و هي سببها العقل و التنظيم و القيادة .. و مع كل هالشي لساتو الانسان بيفتك بالانسان و يسرقو و يبيدو.

في هلا مكارم أخلاق و إلا فطرة حميدة اذا غاب القصاص و العدل.

المحارب العتيق

15/06/2009, 04:23

جواب الهامش لأنو أول قسم جاوبتك عليه بالأحمر بقلب مشاركتي:

إي حبيب الحيوان عندو تكافل وبدرجات عالية جداً... فيك تقلي شو يلي بيخلي ذكور النمل تبني المملكة وتموت وهي عم تبنيها؟؟
ولا شو يلي بيخلي القطة تربي ولادها وتحميون وتدافع عنهون بروحا...حتى يشتد عودون واذا ضاع شي ولد منون تضل تدور عليها أيام وليالي؟؟
شو يلي بخلي العصفور الذكر يبني العش ويأمن الأكل والعصفورة الأنثى تهتم بالعصافير الصغار؟؟ وملايين الأمثلة يلي مابدها كتير تفكير لتوصل منها انو منظومة الحياة السليمة الصحيحة ما إلها علاقة بالأديان...

إذا هاد مو تكافل ومو تضامن ومو اخلاق فطرية حسنة فمابعرف شو ممكن يكون اسمو...

وهي سمايلي :lol: من وحي الجو يعني مشان سمعة المحل

سؤال جدي :pos: . عنا طيور بالبيت . (حساسين ) . دائما بيفقسو . ويلي فقسو بيرجعو بيفقسو . هاد مو يعني أنو الطير عم يعملها مع أختو ؟

VivaSyria

15/06/2009, 04:27

شكلها رح تنفتح حلبة صراح و أبصر ما حدى بيعرف ليش .. من رأيي الشخصي بأنو أي أعتراض على القانون و أي تعليق سلبي او ايجابي يجب ان يكون مدوّن بتعليق مرفوق فية نص المادة .. يعني منشان نعرف من وين نبللش.

فقرة فقرة بدنا وقت كتير فبدي حاول حط هيك فقرات سريعة على قد مابيسمحلنا الوقت وتجاوبني على مبرراتون من وجهة نظرك:

المادة270:

1-يثبت النسب بشهادة رجلين، أو رجل وامرأتين.

شو الفكرة؟ يعني كل إمرأة تعتبر نص رجال؟؟

2-تثبت الولادة وتعيين المولود بشهادة الواحد العدل المسلم ذكراً كان أم أنثى.

شو الفكرة كمان ؟؟ المسيحية وقت تولد ليش لتجبرها تجيب مسلم مشان يشهدلها حتى تثبت ولادتها؟؟ مابيمشي الحال بشاهد مسيحي؟

yass

15/06/2009, 04:30

[quote]
[quote]

حاضر . تهجمك هاد مردودو عليك . أنا مفلس فكريا .

ليش انت اللي كنت عم تقول انو اللاديني ما عندو رادع لحتى يتزوج أمو؟ انت اللي بتعتبر اللاديني لا أخلاقي؟

ردة فعلك بتشير لهالشي...

VivaSyria

15/06/2009, 04:33

سؤال جدي :pos: . عنا طيور بالبيت . (حساسين ) . دائما بيفقسو . ويلي فقسو بيرجعو بيفقسو . هاد مو يعني أنو الطير عم يعملها مع أختو ؟

جواب جدي أكتر متل ما بزمناتون قابيل وهابيل "أصول سلالة الأنبياء والبشر وأولاد أبو الأنبياء" عملوها مع اخواتون وضلو هيك الشباب حتى توسعت العيلة وصار في فروع أبعد من درجة القرابة الأولى...

يعني لو كان الله نزل عيلتين ما كانو انجبروا ينامو مع اخواتون وحضرتك لو مكلف خاطرك وحاطط بالقفص جوزين جوزين من عيل مختلفة كمان كانو العصافير زبطو امورون مع "بنات وشباب" العيلة التانيه...

بس انت جابرون متل ما الله جبر قابيل وهابيل وجاية تستغيبون فوق البلا... :frown:

المحارب العتيق

15/06/2009, 04:38

[quote=المحارب العتيق;1283073][quote]

ليش انت اللي كنت عم تقول انو اللاديني ما عندو رادع لحتى يتزوج أمو؟ انت اللي بتعتبر اللاديني لا أخلاقي؟
وأي وهاد شو دخلو بلأفلاس الفكري ؟
بكل الاحوال . مشان ماناكل مخالفة أنا وياك أنو عم نحكي حوارات جانبية . انا قلت انو هو متحرر من الرادع الالهي والنص التحريمي . اما قصة لا أخلاقي فهي شغلة نسبية . يعني الغربي بيفوت بيلاقي أختو أو مرتو مع واحد بالنسبة الو عادي . بينسحب لبرا مشان راحتهم . بالنسبة للاديني عربي هاد مابيصير . فقصة الأاخلاق نسبية ومو مختصرة بوجهة نظرك

المحارب العتيق

15/06/2009, 04:44

جواب جدي أكتر متل ما بزمناتون قابيل وهابيل "أصول سلالة الأنبياء والبشر وأولاد أبو الأنبياء" عملوها مع اخواتون وضلو هيك الشباب حتى توسعت العيلة وصار في فروع أبعد من درجة القرابة الأولى...

يعني لو كان الله نزل عيلتين ما كانو انجبروا ينامو مع اخواتون وحضرتك لو مكلف خاطرك وحاطط بالقفص جوزين جوزين من عيل مختلفة كمان كانو العصافير زبطو امورون مع "بنات وشباب" العيلة التانيه...

بس انت جابرون متل ما الله جبر قابيل وهابيل وجاية تستغيبون فوق البلا... :frown:
بس انت قلتلي

عمرك سمعت شي غزال أو قطة متجوزة إمها؟؟ هي أخلاق وفطرة طبيعية...

يعني وين راحت الفطرة ؟ . خاصة انو الحيوان كل قانون حياتو هي الفطرة . لأنو ماعندو عقل . اي شي بيعملو الحيوان بالفطرة .

yass

15/06/2009, 04:47

وأي وهاد شو دخلو بلأفلاس الفكري ؟

دخلو انك عم تنفي صفة انسانية عن شخص لمجرد انو لا ينتمي لمنظومتك الفكرية...

سؤال اذا انت معتبر اني ما عندي رادع اتزوج امي كيف بتحكي معي و تقبل يكون في أخد و عطا بيناتنا؟

بكل الاحوال . مشان ماناكل مخالفة أنا وياك أنو عم نحكي حوارات جانبية .

لأ مانا حوارات جانبية... أنا بشوف هالشي من صلب الموضوع.. طريقة النظر الى الآخر, هالمنظور هو اللي أنتج هالقانون

يعني الغربي بيفوت بيلاقي أختو أو مرتو مع واحد بالنسبة الو عادي

أوف!

بيلاقي مرتو مع واحد و يسحب حالو و لألو عادي؟

طيب انت حاسب حساب انو الغرب بغالبيتو مسيحي؟ حتى لو سياسياً علماني؟ كمان المسيحية هيك؟

فقصة الأاخلاق نسبية ومو مختصرة بوجهة نظرك

لأ طبعاً مو نسبية... يا أخلاق يا لا أخلاق....

بالنسبة الي العادات و التقاليد لا تدخل ضمن مضمون الأخلاق, و يجري عليها الأعراف الدينية, لكن اللي انت عم تعتبرو عرف ديني هو ليس كذلك, يعني اعتبارك انو الشخص اللاديني ما عندو رادع أخلاق انو يتزوج أمو هاد شي رهيب يعني... شو وحش يعني اللاديني؟

الرادع الديني ليس كل شي... الحضارة الإنسانية مبنية على تراكمات فكرية و فلسفية عمرها آلاف مؤلفة من السنين و سابقة بكثير من أساسياتها على الديانات السماوية... يعني كانت موجودة قبل... ما تشكّلت نتيجة رادع ديني... السرقة أو القتل أو أو ... هالأمور كلها

التقرير الجوال

15/06/2009, 04:47

المحارب العتيق

15/06/2009, 04:54

طيب انت حاسب حساب انو الغرب بغالبيتو مسيحي؟ حتى لو سياسياً علماني؟ كمان المسيحية هيك؟

أنت ياسين ؟ :shock:

yass

15/06/2009, 04:55

أنت ياسين ؟ :shock:

طبعاً أنا ياسين لكان مين؟ و عايش بالغرب و بعمري ما شفت واحد بيشوف مرتو مع واحد بيتركهون.... من وين طالع هالحكي؟

VivaSyria

15/06/2009, 04:57

بس انت قلتلي

يعني وين راحت الفطرة ؟ . خاصة انو الحيوان كل قانون حياتو هي الفطرة . لأنو ماعندو عقل . اي شي بيعملو الحيوان بالفطرة .

برجع بقلك ياعيني وين كانت فطرة قابيل وهابيل؟

الإنسان وقت تحصرو وتخنقو بينجبر يحل متطلباته ضمن الموارد المتوفرة فمابالك بكم عصفور حابسون حضرتك بالقفص ولاعندون ساتالايت ولا فيديو... كيف بدون يمشوا أمورون؟

VivaSyria

15/06/2009, 05:01

شايف الفقرة التانية من المادة270
يعني شكلو القانون موضوع للأغلبية و الأغلبية مسلمة و بدّك تتعمق بهالفقرة و تشوف حيثياتها لأنو ما بظن في شي بيمنع المسيحي من الشهادة مثلاً على مسلم جنائياً أو مدنياً أو تجاريا أما مالله فدعه لله و ما لقيصر فهو له
يعني إذا انت ملاحظ بأنو الفقرة عم تقول " المسلم " فهي شرع و معليش هالمرة غير ديانة غير مرغوب فيها بالشهادة .. هاد امر اسلامي داخلي و مابظن حضرتك او غيرك إلو علاقة في.

.

وضحلي الله يرضى عليك يعني المولود المسيحي هو شأن إسلامي داخلي؟؟ إذا الإم مسيحية والأب مسيحي والمولود مسيحي فليش وجوب اثبات الولادة عن طريق شاهد مسلم؟؟

بعدين شو دخل شهادة المسيحي انو مقبولة ببقية الأماكن؟؟ عم حاكيك عن حالة قد تكون داخلية بحتة لأي من أتباع ديانة معينة...

أما شهادة الرجل بشهادة امراتين فهاد كمان شرع وداخل و الله اعلم بكل أشكال الشهادات و على رأسها الشهادات الشرعية الاسلامية .. مابعرف اذا بتصدق بانو تفسير هالشيئ بانو اذا ضللت احد النساء الشاهدات فيكون هنالك اخرى لتذكر يعني اذا نسيت أو تأثرت بمشهد او خافت أما ماهنالك و طبيعة المراة الحساسية و الرهفة .. بعدين الله فضل النساء عالرجال بامور كتير و اولها حضانة الأطفال " هي ليش مابتحكو عنها " الصبر للمراة
الحنان العطف .. الشرع بيعطي الحضانة للمراة

كمان بدها توضيح يعني هل الرجل المسلم غير قابل للضلال ولايلزمه أحد ليذكره؟ ولا ماممكن هالرجل تكون شهادته وفق ضغط معين أو عاطفة معينة أو أي ظرف خارجي وهو منزه عن كل ظروف الحياة؟

التقرير الجوال

15/06/2009, 05:05

يعني انت عم تتشاطر
انت سامع بشي اختراع اسمو شهادة معمودية .. متلها متل شهادة الميلاد مذكور فيها اسم الاب و الام و القس يللي بيعمد و الله اعلم .. برأيك هون ممكن بيكون في مسلم بهالموضوع .. هون توضحلك شهادة نسب المسيحي.
يعني بدها دراسة و معرفة قبل الخوض باي نقاش.
لأ الرجل قابل للضلال .. شو كمان

VivaSyria

15/06/2009, 05:11

يعني انت عم تتشاطر

بتصور طلبت نقاش بنقط محددة وتسمع وجهات نظر فمافي داعي لهالطريقة بالحكي...

انت سامع بشي اختراع اسمو شهادة معمودية .. متلها متل شهادة الميلاد مذكور فيها اسم الاب و الام و القس يللي بيعمد و الله اعلم .. برأيك هون ممكن بيكون في مسلم بهالموضوع .. هون توضحلك شهادة نسب المسيحي.

وإذا هالإختراع حسب مشروع القانون مالو أي مفعول وحصرت الشهادة بالمسلم شو بيكون الحل؟؟

يعني بدها دراسة و معرفة قبل الخوض باي نقاش.

مافهمت عليك يعني روح أدرس وحاول أعرف... ولا حضرتك من خلال النقاش حتخليني إنهل من نبع معلوماتك العظيمة المحيطة بكل شيئ وما انجبر اطلع وج الصبح ادرس واتثقف؟؟

لأ الرجل قابل للضلال .. شو كمان

معناها هو والمرأة متساويين بإحتمال الضلال فشهادتون وحدة بالميزان.

المحارب العتيق

15/06/2009, 05:23

فقرة فقرة بدنا وقت كتير فبدي حاول حط هيك فقرات سريعة على قد مابيسمحلنا الوقت وتجاوبني على مبرراتون من وجهة نظرك:

المادة270:

1-يثبت النسب بشهادة رجلين، أو رجل وامرأتين.

شو الفكرة؟ يعني كل إمرأة تعتبر نص رجال؟؟

2-تثبت الولادة وتعيين المولود بشهادة الواحد العدل المسلم ذكراً كان أم أنثى.

شو الفكرة كمان ؟؟ المسيحية وقت تولد ليش لتجبرها تجيب مسلم مشان يشهدلها حتى تثبت ولادتها؟؟ مابيمشي الحال بشاهد مسيحي؟

سؤال بريء النية
ليش انت مقتبس من المادة 270 . 1 و2 وتارك 3 . جيب رقم 3 واقراها بتلاقي جواب لنقاشك
٣-یثبت النسب بالشھادة بالشھرة والتسامع.
يعني يثبت النسب بالشهادة والشهرة والتسامع دون ذكر الدين . لاحظ حتى بالتسامع يثبت النسب

VivaSyria

15/06/2009, 05:31

سؤال بريء النية

معروف عنك البراءة إنت :p

ليش انت مقتبس من المادة 270 . 1 و2 وتارك 3 . جيب رقم 3 واقراها بتلاقي جواب لنقاشك
٣-یثبت النسب بالشھادة بالشھرة والتسامع.

وين المشكلة يعني وكيف لقيت جواب لسؤالي؟؟

حتى الشهادة والشهرة والتسامع لازم يكون من قبل مسلم أو مجموعة مسلمين بناءً على المادة يلي سبقتها وبناءً على إنو مابيجوز يكون في مادتين بقانون واحد بينقضو بعض وبناءً على مبدأي القياس والإستنباط...

فبالعكس هاد بيعزز سؤالي مو بيجاوب عليه

يعني يثبت النسب بالشهادة والشهرة والتسامع دون ذكر الدين . لاحظ حتى بالتسامع يثبت النسب

بعدين هاد مشان النسب شو مشان المولود وإثبات الولادة لإنو انت سيد العارفين إثبات النسب بيفرق عن إثبات واقعة الولادة فور حصولها...

التقرير الجوال

15/06/2009, 05:34

VivaSyria

15/06/2009, 05:43

فتّحلي عينك على شغلة منرجع نحكي فيها اذا صار في مجال في شي اسمو نسب الطفل لأبوين و نسب الطفل لزوجين التزاوج مسألة شرعية اسلامية أو دينية و مافي شي اسمو هاتو شاهد مسلم لحتى يشهد على نسب ابن من تزاوج مسيحي شرعي لأنهن بيتزوجو بالكنيسه زواج كنسي فالرابط ديني بعدين المسالة بدها تسجيل بالاحوال المدنية و مافي واحد او مافي واحد بحياتو جاب طفل سرقة أو لقيط من الشارع ليسجلو باسمو:lol:
عمو الولادة تثبت بالمستشفى او القابلة القانونية بتساعد فيها لما بتحصل الولادة بالبيت

أول شي ليش عم تقلي عمو؟؟ في مونة بيني وبينك شي؟؟ أخوه لأبي انت شي؟؟ انت الختيار يلي بيبيعني الجرايد على الإشارة كل يوم الصبح؟ هدول يلي بسمحلون يقولولي عمو بهالدنيا فإذا مانك ولا واحد منون خليك محترم حالك وخاطبني ضمن أصول اللياقة يلي بين أي تنين عم يتناقشو بموضوع معين بدون معرفة شخصية ببعض...

منجي لقصة الكنيسة شو رأيك تروح هلأ تقرا القانون منيح وتشوف إلغائو لدور الكنيسة وعدم اعترافو بوثائقها فيما يخص إثبات الولادة؟؟

قبل ماتطالب العالم بإنها تتثقف وتتعلم ومدري شو يعني بلش بحالك واطلاع من حالة انو حضرتك مدينة العلم ونحنا المعاقين يلي انت جاية تفهمون وماعم يفهموا...

التقرير الجوال

15/06/2009, 05:49

هات لنشوف وين موجود هالكلام بأي مادة من القانون .. بعدين في كنيسة بالعالم بتثبت ولادة:lol:الهيئة ماعم تركّز.

LiOnHeArT.3LA2

15/06/2009, 05:51

انا عم تابع الموضوع ..
بس عالساكت ..
لأنو ما جعبالي اقرا الدستور ..

المهم
معليش تفهموني شو معناتا التسامع ؟

VivaSyria

15/06/2009, 06:03

الهيئة ماعم تركّز.

انت حبيبتي ونايم معك بالتخت وموعاجبك عطائي شي؟؟
انت البارتيندر تبع النايت كلوب وشفتني بلشت خربطت بأسماء المشروب شي؟؟
هدول التنين الوحيدين يلي بسمحلون يتهموني بعدم التركيز غير هيك برجع بقلك احترم حالك وخلي النقاش بدون مهاترات شخصية...

منجي لحكيك:

هات لنشوف وين موجود هالكلام بأي مادة من القانون .. بعدين في كنيسة بالعالم بتثبت ولادة

مو حضرتك يلي اتفصحنت وحكيت عن شهادة المعمودية الصادرة عن الكنيسة ودورها هالشهادة المشابه لشهادة الميلاد الرسمية هون:

انت سامع بشي اختراع اسمو شهادة معمودية .. متلها متل شهادة الميلاد مذكور فيها اسم الاب و الام و القس يللي بيعمد و الله اعلم .. برأيك هون ممكن بيكون في مسلم بهالموضوع .. هون توضحلك شهادة نسب المسيحي.
يعني بدها دراسة و معرفة قبل الخوض باي نقاش.

هاد يلي فوق حكيك ولا حكي زوج خالتي؟؟ من وين بتطلع شهادة المعمودية من الكنيسة ولا من عند اللحام؟؟ ولا شو في كزا واحد عم يكتبو بإسمك وكل رد لازم نعتبرو مستقل بحد ذاته؟؟

مو حضرتك يلي اعترفت بهالدور للكنيسة بتثبيت مولد أو نسب المسيحي؟؟ طيب هلئ رجعت قلت انو مافي كنيسة بتثبت ميلاد أو نسب... شو أعمل أنا بحالي؟؟

روح إتثقف نفس ثقافتك والله مابقدر لأنو هالتناقض هاد مابعرف بأي ثقافة ممكن لاقيه..

مين يلي لازم يركز فينا؟؟

Abu ToNi

15/06/2009, 06:13

لازم يكون لكل طرف قانون أحوال مدنية مستمد من الشريعة الخاصة بالدين الخاص فيه
مو معقول مسلم يطبق عليه قانون أحوال مستمد من الديانة المسيحية .. أو مسيحي بيطبق عليه قانون أحوال مستمد من الشريعة الاسلامية !! بتصير فوضى ...

الغريب ان الحكي عم يصير على انه لا يا معلم كيف عم تقول القانون الجديد ما فيه ايجابيات وما عم يحقق العدالة .. ليكه مخصص اجزاء كاملة للمسيحيين ولليهود .

بصراحة ما عم افهم كيف ممكن اعتبار هلنقطة ايجابية .. على علمي اننا علطالعة وعلنازلة مندعس ومنهزّء التجربة اللبنانية لأنها مبنية على توزيع طائفي .. على هلحال وضعنا مخجل أكتر ومهين لإلنا بشكل أكبر لأن هنيك في توزيع حقوقي على اساس طائفية مو بس تعامل على اسس طائفية متل ما صاير عنا هون .

من عندي بقلك انا ضد انه يكون في شي اسمه قانون خاص بالمسيحي ، على عيني حرية اعتقاد وحرية شخصية واختلاف المقاييس بين الاديان
بس المسيحي على راسه ريشة مثلا ليمشي على قانون خاص فيه ؟ طالما هوي عايش بسوريا لازم يمشي على القانون السوري متله متل البقية
بس بظل عدم امكانية تجميل بعض المقاطع وخلافها مع العقيدة المسيحية صار في قسم خاص بالمسيحيين
على هلحالة كل 200 زلمة بيعملوا طايفة جديدة بطالبوا بقانون خاص فين !!! لا بل يعتبر مطلبن هاد " حق " وواجب على الدولة تحقيقه من باب العدالة !!
لهيك ما رح فوت معك بقصص وضع تشريع خاص بالمسيحيين وعلى اي اساس تم وضعه وهل هوي فعلا مبني على اسس مسيحية ولا كيف
لأني ما بشوفله داعي بالأساس وبعتقد موقفي واضح بموضع قبل هاد وقت تم تخصيص الحكي عن الجزء الخاص بالمسيحية .. فما بدنا نحكي بأشياء حيكنا فيها مسبقا .

انا اللي بعرفه بأن الدول اللي بتحترم شعوبها ما بتعمل على التفرقة وعلى وضع احكام منفصلة لكل واحد
بتحط قانون لمواطنينها بكافة أطيافن ما بيحمل ايا تفضيل للواحد عن التاني وما بيعمل أيا نعرات طائفية وايا تفريق
وبنفس الوقت بتضمن حد أدنى من القيم والأعراف بيمنع على المواطنين النزول تحتا

يا أخي خلينا ما نلبس تياب جاهزة ونستورد تجارب العلمنة الأوروبية خلينا نجي نفصل على قياسنا ..
فئة كبيرة من الشعب متدينة وبدها اتطبق الشرع الخاص بدينها .. حلو شي كتير عظيم
اتطبقه بما يتعلق بأحوالها الشخصية فقط .. انه يا أخي بده المسلم يتزوج 4 يتزوج ما حدا بيجبره على منع هلشي
بس وقت بده يتزوج من طائفة تانية لازم يمشي على أعراف الزواج المعممة على الكل بعيد عن ايا تفضيل لدين عن التاني
وهاد اعتراضي الشخصي على الموضوع
يا أخي نحن هيك ما منقدر نهمش الجانب الديني للمواطن السوري والجانب الديني كتير كتير ضروري ( مع انه شي مخجل جدا انه تم الاشارة بأحد الأجزاء إلي اني مسيحي ويفترض كون على اضطلاع بقوانين الدول الغربية !! وكأن اللي بهويته مسيحي أجنبي عن هلأرض وأقرب للغرب منه للوطن اللي حامل همه ليل نهار )
يكون في أقسام خاصة بكل طائفة بناء على المعتقد الخاص فيها
بس وقت منصير بالجانب المشترك .. بالجانب اللي بيربط أبناء الطوايف المختلفين ببعض لازم يكون القانون حيادي وعادل ، لأن ما بتصير العلاقة أغلبية وأقلية
بتصير العلاقة مواطن مع مواطن وعلى القانون تحقيق المساواة بين المواطنين دون تحيز ودون وضع افضلية لواحد على التاني وهلشي موجود وبوضوح كتير كبير بقانون الأحوال الشخصية اللي بين أيدينا ... بتمنى كون وصلت فكرتي .

وهي شوية امثلة على التساوي بين الطوايف بالأمور اللي بنتمي المعنيين فيها لأكتر من طايفة

"تجوز شهادة الذمي إذا كانت الزّوجة كتابية، حين الضرورة ولكن لا يثبت الزواج إذا جحده الزوج المسلم، ويثبت إذا جحدته الكتابية"اذا حدا بين معه فين بقيت قيمة المواطنة بعد ما نزلت لبين الرجلين .. خلي يدلني عليها

"يحرم المرتد عن الإسلام أو المرتدّة من الزواج، حتى "ولو كان الطرف الآخر غير مسلم "وكأن العقيدة الدينية والانتماء الديني هوي اللي بيسمح للإنسان تاسسيس أسرة من عدمه
يا أخي انا بآمن بسعدو شو اله حدا عندي حتى يمنعني اتزوج !!

والمهزلة الفعلية بهل مقطع هاد :
"الأم الحاضنة غير المسلمة أماً كانت، أو غيرها، تستحق حضانة ولد المسلم، حتى يعقل الولد معنى الأديان، أو يخشى أن يألف غير الإسلام وإن لم يعقل الأديان، لأنهن أحرص على حضانته على أن لا يتجاوز عمره أربع سنوات "
انا واحد من العالم اللي بيفخروا بسوريتن وانه هويتي الشخصية مافيها خانة " الديانة " وبيفخروا ان الدستور السوري فيه مواد وفقرات بتقول
"المواطنون متساوون أمام القانون في الحقوق والواجبات"" جميع المواطنين السوريين متساوون أمام القانون من دون تفرقة بين دين أو جنس أو عرق"لهيك بشوف مشروع اللي بين أيدينا وصمة عار رح تبقى بجبيننا .
بس بتمنى حدا يجاوبني انه كيف بدنا نقدر نوصل لمفهوم مواطنة المبني على الانتماء للوطن دون وجود اعتبارات أخرى .. ومبني على احترام الشريك الآخر بالوطن والنظر إله على انه " آخر " اذا القانون ما قادر يعمل هلمساواة !!

عالهامش : عندي فضول كبير أعرف شو قانون الاحوال المدنية الخاص بتسيير أمور الملحدين اللي مابيعترفو بأي شريعة سماوية
يعني بالمشرمحي شلون بدهم يزبطو أمورهم الحياتية ؟!;)مفهوم الانسانية والمساواة والمواطنة كفيل لتحقيق العدالة بين كل الأطياف ويضمن حق الكل .
وقدامك دول كاملة قائمة على العلمانية مستواها الفكري والنسيج الاجتماعي والتعامل القضائي دليل دامغ وكفيل على قدرة الانسان شن قوانين حياتية راقية ولا تواخذني بهلكلمة ببعض الاحيان أرقى من القوانين الدينية بحكم انها قوانين معاشة مش مستمدة من كتب أحدث واحد فيها بيرجع تاريخه لقرن ونصف من الزمن .
ووثقة حقوق الانسان غير المبنية على أيا توجه ديني تعتبر أسهل فكرة ممكن وصلك ياها .

MadMax

15/06/2009, 12:12

و لما الأغلبية بيكون في عندها صبغة دينية معينة فأكيد بدو يكون القانون بيعالج أمورهن من منطلق اعتقادهن.
بيكفيك لحد هون.
اي اي .. بيكفيني جداً

يعني اتفقنا أنو القانون انحط للأكترية دون سواهم

هي برأيك مو مشكلة ... و شي طبيعي

بس بنظر كتير ناس ..هي مشكلة كتير كبيرة

Reemi

15/06/2009, 15:40

في أصول للحوار بدون شخصنة أو تسخيف أراء الأعضاء ياريت الالتزام فيها..

zen

15/06/2009, 16:08

يلاقي مرتو مع واحد و يسحب حالو و لألو عادي؟

طيب انت حاسب حساب انو الغرب بغالبيتو مسيحي؟ حتى لو سياسياً علماني؟ كمان المسيحية هيك؟

انو كتير متأثر بالافلام
:?

HashtNasht

15/06/2009, 17:19

whiterose

15/06/2009, 17:44

أم الجود

16/06/2009, 17:47

طيب سؤال على هامش الموضوع يا ريت حدا من اللي دارسين قانون يجاوبني عليه ... إذا شب و صبية سوريين راحوا تزوجوا بلبنان أو بقبرص مثلاً بيتطبق عليهون هاد القانون التحفة ولا قانون البلد اللي تزوجوا فيه ؟؟؟

Abu ToNi

16/06/2009, 17:55

و الله يا شباب القوانين ما بتقدم و لا بـتأخر ..اذا كان المجتمع مصمم انو يجحش , فلا القانون ولا الله بيقنو , و اذا المجتمع حب ينهض و يتقدم , كمان لا القوانين و لا الالهة بتوقف بوجهو .

بقى شي حدا يشفلنا المجتمع هاليومين شو وضعو ؟

اخر مرة لمحتو كان متقل بالغدا و عم يحضر مسلسل تركي :gem:
لا يا أبو نهلا هلمرة خبصتا :lol:
مزبوط المجتمع بيتحدد درجة رقيه بكتير أشياء بس القانون احد اهم الاشياء اللي ممكن تسهل عمليه " افساده "
اذا عم نحكي على القانون بشكل عام وعم نحكي على المجتمع بشكل عام ففيك تقلي وين المشكلة الاساسية بجرائم الشرف ؟ وشو هية مطالب الجهات الحقوقية ؟
وقت بينرفع الحل القانوني وما بعود القاتل بيحصل على تخفيضات بشكل أو بآخر بده يتغير شي بالمجتمع ... ما عم قلك بده يصير خرافي افلطوني بس بده يتغير شي
وعلى فكرة .. القوانين كتير اوقات بتوقف بوج المجتمع .. خصوصي المنها جاية دايركت من الآلهة ;)

HashtNasht

17/06/2009, 14:36

لا يا أبو نهلا هلمرة خبصتا :lol:
مزبوط المجتمع بيتحدد درجة رقيه بكتير أشياء بس القانون احد اهم الاشياء اللي ممكن تسهل عمليه " افساده "
اذا عم نحكي على القانون بشكل عام وعم نحكي على المجتمع بشكل عام ففيك تقلي وين المشكلة الاساسية بجرائم الشرف ؟ وشو هية مطالب الجهات الحقوقية ؟
وقت بينرفع الحل القانوني وما بعود القاتل بيحصل على تخفيضات بشكل أو بآخر بده يتغير شي بالمجتمع ... ما عم قلك بده يصير خرافي افلطوني بس بده يتغير شي
وعلى فكرة .. القوانين كتير اوقات بتوقف بوج المجتمع .. خصوصي المنها جاية دايركت من الآلهة ;)

طيب ..رح وضحلك وجهة نظري نتفة.

انت عطيت مثال بينطبق تماما ع الشي اللي عم قولو , و هو القوانين المتعلقة بما يسمى جرائم الشرف .

انت مثلاً يا ابو طوني ....و كونك انسان مدرك تماما انو عقوبات ما يسمى جرائم الشرف هي عقوبات مخففة جدا , فهل يمكن بحال من الاحوال ( لا سمح الله ..و الله لا يقدر يعني) انك ترتكب جريمة شرف بس لأنو الحكم رح يكون مخفف ؟

هلأ صحيح انا ما بعرفك ..بس من عندي بقلك انو لاء , و السبب هو انت ما القانون , السبب انك انت ك بني ادم عندك قدرة انك تفهم انو هي جريمة ....شي غلط يعني ...غلط و ما بصير نغلطو ....حتى لو ما كان في رادع , الرادع جواتك انت .

بنفس الوقت في حمير الله يعزك ..و منتشرين بشكل عشوائي و كثيف , و يعني ما كتير بهمن القانون ...بغض النظر ان كانت عقوبات هالقانون رادعة او مخففة ....هدول الحمير عندهن قناعة انو في شي اسمو شرف لازم يحافظو عليه , و مستعدين يضحوا بالغالي و الرخيص يعني في سبيل هدا الشرف الخطير , و ما رح تفرق معهن ابداً اذا كان رح ينحكمو اعدام او 6 شهور , المهم الشرف ....لانو بتعرف , يعني الجياة ما الها معنى اذا كان الواحد عكالو منكس , كيف بدو يقعد بين الزلم ؟ اي حبل المشنقة اهون بشي مليون مرة !!!!

القوانين يا ابو طوني بتجي استجابة لتطلعات المجتمع , بتجي لحتى تناسب التطور الطبيعي للمجتمع , و ليس العكس . يعني وقت المجتمع بحس انو هالقانون صار ديق عليه , و عم يعيقو بغير القانون لشي تاني , بس ترى ما صار بالزمنات انو انحطت قوانين و بعدين المجتمع استجاب لاجتياجات القوانين , يا اخي بدك تقول انو القوانين هي العربة و المجتمع هو الحصان ..او الحمار اذا بدك ..المهم انو هو الحيوان اللي قدام العربة يعني :lol:

أم الجود

17/06/2009, 15:28

شو مشان هالسؤال اللي ما حدا جاوبني عليه ؟؟

طيب سؤال على هامش الموضوع يا ريت حدا من اللي دارسين قانون يجاوبني عليه ... إذا شب و صبية سوريين راحوا تزوجوا بلبنان أو بقبرص مثلاً بيتطبق عليهون هاد القانون التحفة ولا قانون البلد اللي تزوجوا فيه ؟؟؟

HashtNasht

17/06/2009, 15:51

شو مشان هالسؤال اللي ما حدا جاوبني عليه ؟؟

ما بينطبق ..على ما اظن يعني

saman

17/06/2009, 19:37

تناقشوا ازعة شام اف ام اليوم ومبارح بهالموضوع مع كم زلمة ..
فا حبيت حطلكن بعض الاراء الظريفة وبعض الاراء الفذة :frown:

كان عام 2007 في سوريا موعد لإصدار قرارا بتشكيل لجنة تقوم بصياغة مشروع قانون للأحوال الشخصية في البلاد، اليوم بعد عامين من ذلك المسودة الأولى للمشروع أصبحت جاهزة، لتستكمل الإجراءات الخاصة بإصدار القانون، لكن المشروع لم يمر من دون الكثير من الانتقادات التي وجهتها جمعيات نسائية وحقوقية سوريا عبر مجموعة كبير من المقالات والدراسات التي نشرت هنا وهناك.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////برنامج البلد اليوم خصص حلقتي 16/17 حزيران للحديث مع المعترضين والمؤيدين في وقت واحد، واستعراض مختلف وجهات النظر في هذا الموضوع، في الحلقة الأولى استقبل البرنامج الأستاذة المحامية مجد عابدين، والصحفي جديع دوارة من موقع سيريا نيوز.

وفي يوم الأربعاء استقبل البرنامج الأستاذة صباح الحلاق،والدكتورة كندة الشماط، كما اتصل البرنامج بالشيخ الدكتور محمود عكام، والشيخ الدكتور توفيق البوطي.

اختلفت الآراء حول المشروع، فرأت الأستاذة عابدين أن بعض مواد المشروع جيدة وبعضها الأخر يدس السم في الدسم، لكنها لم تعترض على المادة 38 التي يرى البعض أنها، تفتح الباب أمام تفتيت للمجتمع السوري.

الصحفي دوارة رأى أن من حق الإعلام، مناقشة المشروع، لأن قانونا مثل الأحوال الشخصية يهم جميع السوريين على اختلاف أرائهم وأطيافهم الدينية، في حين ذهبت عابدين إلى أن المادة الخاصة بالحسبة في المسودة قد تؤدي الى الكثير من المشاكل، بل والمصائب إذا ما طبقت فعلا.

قالت الأستاذة حلاق: إن المسودة ستؤدي إلى تفتيت المجتمع السوري بل إلى عودته سنوات إلى الوراء في بلد يسعى إلى التطوير والتحديث، الدكتور شماط حذرت من السرية التي أحاطت باللجنة التي وضعت المسودة، في قانون يرافقنا منذ الولادة وحتى الموت.

الدكتور عكام قال إن على أي قانون أن ينصف المرأة ويعاملها كشخصية مستقلة، لأن الإسلام أقر بذلك، في حين أعتبر الدكتور البوطي أن المعترضين على القانون يريدون التشبه بالغرب وجر الويلات على المجتمع السوري ولم يستبعد أن يطالب المعترضون اليوم في المستقبل بإقرار زواج المثليين.

كان فريق إعداد البرنامج قد حصل على اسم أحد القضاة الذين وضعوا مسودة القانون واتصل به، محاولا استضافته بالبرنامج، إلا أن القاضي السابق رفض المشاركة معتبرا أن اللجنة لم تنهي عملها بعد.

أحد المعنيين في وزارة الأوقاف رفض الحديث عن المسودة، معتبرا أن تناول الموضوع عبر الإعلام قد يسرع في إصداره بدل تعديله.

حوار قصي عمامة

MadMax

18/06/2009, 00:11

إذا شب و صبية سوريين راحوا تزوجوا بلبنان أو بقبرص مثلاً بيتطبق عليهون هاد القانون التحفة ولا قانون البلد اللي تزوجوا فيه ؟؟؟

لبنان حالتون أضرب من حالتنا ..و عندون هالمشكلة أصعب من عنا بكتير
أما بالنسبة لقبرص ..
أنو حدا بقلك جواز قبرصي ..!!

عنا إذا سمعوا عن حدا بيكرهوه أنو تجوز .. بقولو انشالله جواز قبرصي