ابو طوني .. هلأ انا بدي اسالك سؤال صريح جدا جزيلا يعني ممكن تستغرب بس انو هيك هوي الوحيد اجى ع بالي .. هلأ انت وبزماناتك يعني خلينا نقول من شي 6 اشهر حسيتك اتغيرت يعني كيف بدي قلك هلأ انت قبل كنت حسك عنصري جدا من ناحية الدين ولما تناقش حدا بالدين او اي شي بيخص الدين بتنط وما بتخلي .. وبتقول كل اللي بقلبك .. هلأ وبعد هالمقدمة الطويلة انو من 6 اشهر لهلأ بطلت تناقش بهيك شغلات وما عاد تتناقر مع حدا بهيك مواضيع يعني حتى ازا بدك تناقش بتناقش بأسلوب افضل من قبل (كيف صريح جدا:o ).. انو المهم يا ترا شو سبب التغيير اللي بقدر قول عنو انو مفاجئ (بالنسبة الي لانو انا من اكتر الناس يمكن اللي كنت اتناقر معك بهيك مواضيع ..:pos: )

وشكرا جدا جزيلا ...:D

لك يااخي بدي كون حبابة ومارح اسالك ولا سؤال شوف شومنيحة...

بس وينك ماعم تبين لك خيو؟؟
الاسئلة البقية بتجي وقت بشوفك احسن مااكل قتلة:p

وانا كمان بدي اقلي ....مبسوطه كتير انه ابو طوني بالمقلايه :p

ابو طوني ..كيفك اليوم ...هنون كم سؤال ...من الواقع الي عايشين فيه

شو رايك بالوضع الاقتصادي بالبلد بعد استلام بشار للحكم ...

هل بتحس انه صار تغيير جذري باكتر من مجال ..وهل التغير للامام ولا رجعنا ...

السيده الاولى أسماء الها كتير معجبين من الوسط الاروبي ...ياترى هدا شي لح يعكس ويأثر ع العلاقات مع سوريا ....

نظرتك كا شاب للمرأه والفتاه السوريه بالتحديد ؟؟؟؟ وهل بتعتقد انه بتختلف عن غيرها وبشو ....

التربيه الدينيه بمجتمعنا هل هي صحيحه ؟؟؟ وهل لازمها تغير ؟؟؟؟

حسب ماعم اسمع التشدد الديني والتعصب وصل للسوريا ..شو رأيك بهل الموضوع صحيح ولا لأ وليش ...

الكاس وما ادراك ما الكاس ...شو رايك فيه مع شويه كبه نيه :p

انت من الاشخاص الي بحترمون كتير و بتعبرك من الاشخاص الي عم يتعبو كتير بأخويه ..فهل بتحس انه شغلك عم لاقي نتيجه ..ولا بطاطا ....

وشو بتقول لاخويه ...

ويسعدلي سعدو تبعك :D

ابو طوني ابو طوني :clap:
اول سؤال ليش بطلت تجبلنا كاسات؟؟؟؟ :frown:
تاني شي مدونتك مكتوب فيها بالغة الالمانية .. كنت بالمانيا او شي دولة بتعتمد هاللغة ؟؟ و ع اي اساس ؟؟

كيف بتقيم الوضع بسورية ؟؟ سواء الاقتصادي او الاجتماعي فعلا اسوا من السابق ولا بتحسن بشي اسمو تحسن ؟
وبرايك الانطباع يلي مناخدو عن الشباب السوري عن طريق المنتدى الو وجود بالواقع العملي؟؟ يعني صاير عم يشكل وجود بارض الواقع ولا لساتها فئة صغيرة ؟؟؟

مشكلة التطرف برايك عنا مقصروة ع الاسلام .. ولا كمان المسحيين عم يردو التطرف بتطرف؟؟ سواء من خلال انسجامون مع الاديان التانية او تقبلهون الها ؟؟؟

واخيرا .. ريتو سعدو يحميك:o

اخي انا عندي كم سؤال حاليا

بعدين برجعلك

ابو طوني .. شو رأيو بالمدونون السوريون .. او المدونين السوريين ..

والتدوين العربي ..

..
فكرة العلمانية ..
برأيك اديش بدا لتطبق .. تطبق يعني انو اخي .. ينشء عندك جيل سوري .. يآمن انو لازم يكون عنا علمانية ..

وصعي صعي ..
انتي مع فكرة العلمانية ما ؟

سؤال ..تاني

طلب منك رئيس الوزراء .. انو تعمل ليستا .. وكل الوزراء رح يطبقوها ..
تفضّل لنشوف ..
هات ما عندك .. وسنعود بعد كليل ..

ايه ابو طوني استلم لنشوف:

1-هل التكنولوجيا نعمة ام نقمة؟ولماذا؟
2-هل برايك الازمة الاقتصادية العالمية رح تنتهي بوقت قريب؟
3-الاحتباس الحراري, في عالم متخوفة من الاحتباس الحراري و في عالم بتقول انو الحكي عن الاحتباس الحراري مبالغ فيه جدا جدا. انت شو بتقول؟و اذا كنت من الفئة الاولى شو الاجرائات اللي لازم نقوم فيها لنخفف الاحتباس الحراري؟واذا كنت من الفئة التانية, ليش الحكي عن الاحتباس الحراري مبالغ فيه؟واذا كان الك راي اخر عن الاحتباس فيدنا فيه!!
4-هل واجهت الموت شي مرة بحياتك؟ او تعرضت لخطر كبير على حياتك؟اذا اي حكيلنا شو صار, اذا لأ :pos:.

5-شو موقفك من الاجهاض؟

بونوس كويسشن*:
-"المغترب" هي صفة لشخص يعيش خارج وطنه هل يمكن ان تنتطبق على شخص يعيش داخل وطنه ايضا؟

*البونوس كويسشن: اذا في سؤال من الاسئلة الخمسة ما بدك تجاوب عليه فيك تستبدلو بالبونوس كويسشن(شلوني معك:larg:). بس اذا بدك تجاوب عالبونوس كويسشن بدون استبدال اي سؤال بيمشي الحال كمان.:lol:

شغلة هالقلي طلعت ممتعة كتير:larg:.

لك يلعن إبليسكن إرحمو الزلمة بقى

والله بدو 10 ليردو عليكون مو واحد

وأبو طوني الي بضايقك بأسئلته قلي عليه هاه
بخليلك يتراجع عن أسئلته ويضل يمدح فيك للصبح بس إنت قلي

ما تخلصو من كابي لأجي :pos::lol:
بس لأفضالو شوي :gem::D

ليش كابي عم يلحق يخلص منن
غبنا سعتين رجعت شفت قدامي معاملات ما بخلص منن لشهر
عم نستناكي :larg:
كيفو سعدو معك ابو طوني
تمام التمام
اكتر من هيك يا انا بنتزع يا هوي بينتزع :deal:

عمت مساء يا أبا طونياه :o
في عندي شوية أسئلة "وجودية" (تتعلق بوجودك يعني) :p:

اهلا بيرسونيتا
يا ستي اذا في عندك فكرة على وجودي فصار لازم أنا اللي أسئلك مو انتي :lol:



- ليش بحس أنو مخك أكبر من عمرك؟ (صحيح، قديش عمرك؟)

هوي مو انتي اول شخص حس بهلشي .. بزمناته الدكتور اللي ولدني استغرب ليش هيك عقلي طالع من جوانب راسي :o
عمري عدا ونقدا 21 سنة

ليش أحيانا ما بفهم عليك؟ :lol:
مسكلي لئلك مسكي :nirvana: .. وشوفي كيف رح تفهم علي احسن مما عم افهم على حالي :larg:
- لي بتسب كتير؟ :jakoush:
لا ولو ما بسب كتير :cry:
ما بعتبر السب شغلة كبيرة .. بالنهاية السبة عبارة عن كلمة ممكن توصل فكرة اكتر من ستين جملة أو موضوع ناشائي
يعني اذا شخص دايقني .. ممكن ابقى ساعة عم احكيله انه تصرفه مزعج وغير مقبول بالنسبة الي وما عم اقدر اتحمل فكرة انه عم يعمل هلشي معي وعم يتصرف بهلطريقة
كل هلحكي ممكن اختصره بتعبير "يلعنك يا واطي " وانتهى الحديث :lol: .
- شو بيعنيلك البرغي؟ :o[/B]]
البرغي هوي التفاصيل الدقيقة الما حدا بقدرها .. غيابها بمثل أزمة كبيرة ومصيبة كمان .. بس وجودها ما حدا بيعطيه أي اهمية
عدا انه البرغي بحد ذاته وببساطته شيء واضح لتفاصيل
منحاه ثابت وما بغير من محوره وما بغير من مبادئه .. ذكي لدرجة انه بيلتف ليقدر يمشي مصالحه .. لليمين ولليسار .. بقرب وبعد عن الأشياء .. مع المحافظة على محور ثابت ما بيتخلى عنه
في أحلى من هيك مثال ملهم بالحياة ؟

- أبو طونياه ما في شي ما بيسخر منو، :lol: بس شو الشي اللي بيتجاوزك لدرجة إنك ما بتقدر تتعامل معو بروح السخرية؟
ما بقدر اسخر من شخص فقير أو ضعيف او شخص غير كامل القدرات العقلية ..هي كأشخاص
ما بقدر أتعامل مع الموت بسهولة ... بيندرج تحت هاد الشي زعزعة ثقة الأشخاص فيني لأنها بالنسبة الي نوع من أنواع الموت .

عدا عن ذلك ما عندي مشكلة بهلنقطة بالمرة :lol:


- اجت فترة، أبو طوني حس حالو عجوز، طفا نور الغرفة، وغاب البرغي تبعو عن أخوية، هلأ السؤال: شو جابك كمان مرة؟ :lol::lol::lol: (بمزح والله)، انو شو اللي خلاك تغير رأيك؟ هذا قصدي (الشريف) من السؤال :p
بس ما حس حاله الشخص ما عاد منتج فالأفضل انه يتقاعد .. هي هية قاعدتي بالحياة
بالنسبة الي مريت بفترة اسبوعين متواصلين ماني قادر اكتب كلمة بالاخوية وماني قادر فوت بحوار مع أيا شخص كان ... ما عم لوم الاشخاص وما عم لوم المواضيع .. عم لوم حالي لأني فقدت هلجانب متل ما وقت بختير الانسان وما بعود عنده القدرة ليقدر يقعد مع واحد يتحاكوا على اشياء مل من كتر ما حكى فيها بحياته

قررت أقطع فترة لأرجع لملم حالي وارجع نعّش افكاري .. ونفعت هلخطوة معي بشكل منيح .. وليكني قاعد على قلبكم :p


- رأيك بالقائمة التالية:

personita

:p:p:p:p:p

احتكاكاتي مع بيرسونيتا " حضرتكِ يعني " طفيفة لكنها عميقة
اكتر شي بتذكرك بموضوع البابا تبع ليلة الميلاد .. بتذكر انه نظرتي تقاطعت بشكل مطابق مع نظرتك وقراءتك ، حسيت اننا بانين افكارنا على نفس القاعدة وطالعين بنفس الافكار والنتائج .. فلهيك طبعا بعتبرك شخص فهمان :p
تابعتك بموضوع أسوأ عادات وتعليقات الخفيفة على العادات :lol:
على فكرة في كتير أشخاص بيمدحوا منك وبيتفاؤلوا بوجودك
وحدة منن بيبدا اسمها بحرف بترفلاي :o
مع اننا منلتقي بالصدفة بكافيات الانترنت .. بس اكتر من مرة صرعت راسي ببيرسونيتا وأفكار بيرسونيتا وخفة ظل بيرسونيتا :larg:

:D
:D

طيب انا بدي اسئلك
انا مين وشو
:p

بس تجاوب
برجعلك
:oops:

هاي أبو طوني:Dبس هالسؤالين:
أشو برأيك أفضل اختراع توصّل ألو البشر(غير الهمبرغر:lol:)

أشو أكتر صفة بتحبها بسعدو غير أنو ديموقراطي:gem:




ازا طلع معي شي سؤال خرندعي برجعلك :larg:

اي اهلين اهلين

والله لخلي سعدو ينزل يتشفعلك

لا عم امزح هني لستتين لا شريك لهما

هي اسئلتك مشان هيكي اكل هوى يعني

مين مسلطك علي ؟
بدي قصي يحميني منك :o
:larg:


أخويات خيو أخويات :

1 - كيف بتقيم أداء الأخوية الحالي من ناحية الأفكار والمواضيع والاشخاص
اشخاص حاملين فكر موجودين وبكثرة بالاخوية .. لهيك بكل بساطة المواضيع بشوفها جيدة
يمكن غيري ما يحس انه المواضيع بهي الفترة جذابة بالنسبة اله وممتعة إلى حدا
بدك تقلي طب شو تقييمك للمواضيع ؟
بصفة شخصية عم احكي هون ، وقت بفتح جديد المواضيع بشوف 3 مواضيع للمنبر والمجتمع وموضوع للصالون وموضوع للسقيفة :larg: معناها الأخوية بأفضل حالاتها
ما عم قول انه قسم الموسيقى وعلطاير والصحة وعلم النفس شي غير صحي للأخوية .. اللي عم قوله انه جو الأخوية اللي برتاح فيه وبستمع بالفوتة فيه وقت بكون متضمن هي التفاصيل هي وبعتقد حاليا هلشي متوفر وعال العال :larg:


2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق .

عم يبكي يبكي ما حدا ماسكه :lol: بس ما بتخيل حالي رح ابكي على الأخوية واندب .. كتجربة عشتا مباشرة .. وقت حسيت حالي ما عم اقدر اتماشى مع جو الأخوية واتفاعل فيه شلت البرغي تبعي وطفيت الضو شهرين زمان ورجعت
حتى لو ما رجعت ما كنت رح ابكي على الأخوية لأن مانها مشروع مرتبط بصفحة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// أو على الأقل انا هيك بشوفك .
كمثال بسيط وقت بتفوت على مدونات جماعة الأخوية بتحس انه في شي من الصفحة هي موجود هنيك .


3 - فسر موقفك من
أكتر قسم بتحبه بالأخوية كلها ، شو هوي وليش بتحبه
ببرتاح بمتابعة اخبار المنبر بشكل خاص .. بنبسط وانا عم اقرا الشي المكتوب هنيك .. بس السقيفة فعليا هوي القسم اللي بحب اكتب فيه .. يا اخي رواق وبسط وسهرات تحشيش ومافي رقيب ... عيني ربه لأبو سمرا مقدر حالتنا ومعليلنا السقيف لنرتاح شوي فصارت الأعدة بالسقيفة من أحلى القعدات بالحارة :larg:


وأكتر قسم بتكرهه ، نفس الحكي فوق
وعطيني رأيك بقسم المسابقات
هوي كره مافي كره بالمعنى الحرفي ، بس وقت بينشط قسم المسابقات بمواضيعه عد للخمسة وكول صحن فول .. عد للعشرة ونطاح الحيط .. بحس بالقرف من هلقسم ومواضيعه .

4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟

بحس انها كاملة من ناحية الاقسام والخطوط العريضة .

5 - شو هوي أكتر موضوع بالأخوية معلق بذهنك وليش ؟

ثلاثيات لياسين .

كتابيات خالو كتابيات :

2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء .

يلعن دينك شدك تيس
فهمنا انك لاطش الاسئلة اللي انا كتبتله ياها لأبو ريتا .. بس انه عدل عليها بالاول يا كديش قبل ما تحطا
عندي مدونة وناشط فيها : syriel.net


3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟

فيصل القاسم وعبد الباري عطوان ، وحديثا صرت تابع كل كتابات مرصد نساء سوريا .

انترنتيات بابا انترنتيات :

1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح .
فعليا اللي عم يتعذب بالفوتة على النت هنن العالم الفهمانة ، اللي بده يفتح مواقع جنسية ويتذعرن من الأفضل اله انه يفوت من كافيه انترنت من انه يفوت من البيت .
فأكيد مع فكرة دخول الأنترنت لأنه صار مصدر جوهري للملومات وكلماله عم يكبر دوره بحياة الناس .

2 - هل أنت من مؤيدي فكرة حجب بعض المواقع ؟

قطعا لا

3 - شو البراوزر اللي بتحب تستعمله

موزيلا فاير فوكس

دينيات يرحم شنن بقبره دينيات :

سؤال واحد لا شريك له عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين .

التدين كفكرة مجردة ببلاد شيخنا أفلطون السمدية ، هوي التقرب من الله وهلشي ما بعتقد في عليه أي نقطة سودا بنظري
بس وقت بصير التدين هوي دراسة حياة النبي الفلاني ، وحفظ أقواله والتشبه بأفعاله الحلو منها والمر .. فما عاد مفهوم راقي بنظري .
فلو كنا ببلاد أفلطون كنت قلتلك التدين شي منيح .. بس هون بعالمنا شي سيء وغير محبب بنظري .



كتير حلو واحد يجاوب على اسئله بزمناته هوي اللي كتبا :o

منكمل مع ابو الزوز /


هلا اسئلتي المعتادة وازا في شي مكرر متل سعدو واحد بدك ترجع تكتبه هون لان ما بدي دور بالمشاركات

سؤال ع جنيبي :: معك قداحة ؟؟
ما بدخن بس بابا جنبي .. مدخنة متنقله اذا لازم بمررلك سيكاره مشعولة وخالصة :larg:


تفضل استلم
الله حيو صرنا بالوزارة وبدنا نستلم الحقيبة :yahoo:


هات لنشوف عطيني رأيك بالتالي :
-----------------
الحيوان
كائن حي متلي متله

الجراثيم
متل كلشي بهلدنيا منها المفيد ومنها الضار

الإنسان
شلحت تيابي بسؤال ياسين بخصوص هلنقطة بالتحديد :lol:

الله

فكرة ظريفة

الدين
اسلوب تحكم بالشعب

الطائفية
مصيبة البشرية

الإلحاد
نظرية دينية ما كتير مقتنع فيها

العلمانية
طريقة للتخلص من سلطة الدين ... فكرة عظيمة
---------------------------
السياسة
لعبة فيها الكل مخطئ والربحان مين "بعلي صوته " فوق البقية

الحروب الإقتصادية
فكرة حاولت كتير استوعبها .. وفشلت

امريكا
كيان عظيم داخليا مجرم خارجيا

روسيا
متلها متل سنغفورة .. ما بتعنيلي شي

سوريا
وطني

العراق
حضارة تاريخية تكاتروا الوارثين عليها من بعد ما قتلوها .

الجولان

الكلمة هي ما قدرت عبر عليها .. لا بجملة ولا بسطر ولا بمقال ، وقت أطلق المدون السوري حملة التدوين من أجل الجولان كنت من أكتر المتحمسين للفكرة .. بس فشلت بالمشاركة لأن الحكي بيختفي من ذهني وقت بفكر بهلمنطقة وبقرا عن تاريخا وكيف تم اغتصابها .

كوبا
كاسترو ابن العم :lol:

--------------

مين اقرب واحد الك هون
ساندرا

مين ابعد واحد
من كتر مانه بعيد ما مبين اسمه :o


معك 5 وردات لمين بتهديهون
وردتين لعضو ما بشارك كتير بالاخوية بس متأكد انه عم يقرا الرد هاد
وردتين لساندرا
ووردة الك لا تزعل :lol:

وخمس شوكات لمين ( اهدي لا تستحي )
مو قصة تهرب بس قلي شو بتقصد بالشوكات ... انه بتمنى يصرله للشخص شي مزعج ولا تعبير عن استياء من الشخص هاد ؟ وضحلي شو بتقصدك وبوعدك اني رح جاوب

شو سيارتك
وكم حادث سويت (بعيد الشر )

شو اول سيارة كانت عندك
الله يكتر من التكاسي :gem:



-------------------


كلمتين منك لاخوية

صباح الخير

شو عطتك اخوية
ساحة نقاش

شو اخدت منك ( غير الوقت )
ثقة عالم ما عم يستوعبوا شو عم اعمل هون :frown:

-------------
تكنولوجيا:
_________
شو نوع موبايلك
نوكيا 6233

شو اخر رقم بموبايلك
شو بدا تفرق معك ؟

كمبيوترك مواصفاتو عالماشي
ما عندي كومبيوتر :o


شو سرعة النت عندك
ما بحب عدن للكليات مشان ما تروح بركتن
بس بالعادة 4 كيلو عدا ونقدا .. بس هلق شادد حيله فاتحلها على الستة لا تحسدلي ياه :o

--------------
عالماشي
__________
شو نظريتك بالحياة
ان تعرضت لحادثة اغتصاب ولم تسطع المقاومة .. فعلى الأقل استمتع

شو بتعنيلك الحياة
حساب محدود الساعات عليك استغلالها بالطريقة الأفضل

قديش معك بالبنك
شو هاد بنك :o

شو أحلا اغنية للتالي ::
لفيروز : زعلي طوّل
ام كلثوم : انت عمري
عبد الحلم : قارئة الفنجان
وديع الصافي :
جورج وسوف : حلف القمر
ابوجوزيف :o
مممم

بس بيكفوك هدول راجعلك

رجعت
معلاق مو بايدك .. برجلك :o

مقارنات.
‏
شاي ولا قهوة
شاي
عرق ولافودكا
فودكا
نبيد مز ولا حلو
مز .. عيب نشرب حلو .. الحلو للولاد :sly:
فوكس ولا هنكن
هنكن
ريد لابل ولابلاك لابل
بلاك طبعا
ويسكي ولا كونياك
ويسكي
وينستون احمر ولا لوكي
الحسك رجلي اليمين
وينستون ابيض ولا جتان
واليسار كمان
برشلونة ولا ريال مدريد
برشلونة
مرسيدس ولا بي ام

لوس انجلس ولا لاس فيغاس
من بعد ما نقلنا ابو جريج صور فيغاس ما عاد في منازع .. ليغاس طبعا
ماي سبيس ولا هاي فايف
انفي عليك وعلى الجوز
دودج ولا فورد
فورد
انا ولا هوي
خالتي
لاب توب ولا كمبيوتر مكتب
لاب توب
نوكيا ولا سوني اركسون
نوكيا
كيا ولا هيونداي
كيا
تويوتا ولا جمس
تويوتا
سبور ولا رسمي
سبور
باريس ولا روما
باري
سوفييت ولا أمريكا
اميركا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


اي اهلين اهلين

والله لخلي سعدو ينزل يتشفعلك

لا عم امزح هني لستتين لا شريك لهما

هي اسئلتك مشان هيكي اكل هوى يعني

أخويات خيو أخويات :

1 - كيف بتقيم أداء الأخوية الحالي من ناحية الأفكار والمواضيع والاشخاص

2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق .

3 - فسر موقفك من
أكتر قسم بتحبه بالأخوية كلها ، شو هوي وليش بتحبه
وأكتر قسم بتكرهه ، نفس الحكي فوق
وعطيني رأيك بقسم المسابقات

4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟

5 - شو هوي أكتر موضوع بالأخوية معلق بذهنك وليش ؟


كتابيات خالو كتابيات :

2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء .

3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟
انترنتيات بابا انترنتيات :

1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح .

2 - هل أنت من مؤيدي فكرة حجب بعض المواقع ؟

3 - شو البراوزر اللي بتحب تستعمله

دينيات يرحم شنن بقبره دينيات :

سؤال واحد لا شريك له عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين .



هلا اسئلتي المعتادة وازا في شي مكرر متل سعدو واحد بدك ترجع تكتبه هون لان ما بدي دور بالمشاركات

سؤال ع جنيبي :: معك قداحة ؟؟



تفضل استلم

هات لنشوف عطيني رأيك بالتالي :
-----------------
الحيوان

الجراثيم

الإنسان

الله


-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين ( اهدي لا تستحي )


شو سيارتك

وكم حادث سويت (بعيد الشر )

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوك هدول راجعلك

رجعت

مقارنات.
‏
شاي ولا قهوة

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون احمر ولا لوكي

وينستون ابيض ولا جتان

برشلونة ولا ريال مدريد

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا هيونداي

تويوتا ولا جمس

سبور ولا رسمي

باريس ولا روما

سوفييت ولا أمريكا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ولا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بوز ينقرك .. هاد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


انا مساويلك شي؟
بساوي لعشرة متلك :o
انت بتكرهني شي؟
ما بدا سؤال يا زلمة واضحة

ليش آخر مرة تخانقنا؟

لأنك مصر تبقى تيس بحياتك

شو بتقرأ أكتر شي بأخوية
منبر
‏
طيب شو بتحب اكتر شي بالصبية تكون يعني وبالشب كمان كزلك
ما يكذبوا علي لو شو ما صار

وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين
بصير تطلع من راسي ؟

هل صحيح هالحكي التالي :

إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
ضد هلشي .. الانسان هوي اللي بيصنع حاله وهوي اللي بيختار ثقافته حتى لو ما كان اله ايا ايد باختيار البيئة اللي ربي فيها .. بيبقى قادر بالمستقبل يقارن بين المجتمعات ويختار الانسب اله
فمالها علاقة النشأة والبيئة بحياة الانسان .. الانسان هوي اللي بحدد لأي درجة من السلم قادر انه يطلع .
‏====
وهل يمكن بمعدل مئوي الأخذ بـ : وراء كل رجل عظيم رجل أعظم

ما كتير بقتنع فيها

شو تعريف الروح؟
‏
اتطلع بوج طفل صغير عم يتضحك لحالها روحك بتعرف عن حالها

إزا صرلك شي وماعاد تفوت ع أخوية بعيد الشر يعني شو بتوصينا
‏
كملو على نفس الطريق والله وايدكن

شوتعريف الحشيش
وكيف يتم تمييز النظامي عن المروكب
اسمى مافي الوجود من بيجي بعد البحموشة دغري :lol:
ببين من نمرة رجله للزلمة اللي عم يبيعك

شو بيزكرك هاد السمايل


بذكرني انه في دب شلف بوجي الاسئلة بدون ما يقراها :jakoush:

إزا شي يوم ندق باب بيتك وقلت مين ونقال انا علاء شو بتكون ردة فعلك

ليش ما خبرتي قبل ما تجي لعندي :jakoush:
لأن على الاغلب بده يتخربط كل برنامجي :jakoush:


هلا المهم بما انو ابو انطون هون ف سبيشل كم سؤال

ليليييييييييش :yahoo:

رأيك ب السقيفة ,, الحشاشين القدام ,, دورها القديم وهل الجديد يستحق ان ياخذ عنوان دورها

دورها صعب تفتل نظامي اذا ما كان قاعد هلكام واحد اللي بيشفطوا هديك الشفطة بتقلب الحشيشة خرقة بايدن

اخوية هلا وقبل وشو بتتوقع اخوية بكرا

نفس الخط ماشية .. ماني منتظر منها أكتر من اللي قدمتلي ياه

المنسقين الجدد وكيف أدائن بنظرك مقارنة بالدفعة اللي قبلا

مو من العدل نحكي على دفعة بشكل كامل .. لكل شخص تقييم خاص فيه وما بعتقد منقدر نقيم جماعة كاملة بكلمتين



كاس عرق ولا فودكا لما بدنا نسكر ع نفس الطاولة
طبعا عرق :gem:



يلا اضوي
حاولت بس الكهربا مقطوعة ما مشي الحال :cry:

بداية ليش فيصل القاسم ؟ :sick:

تاني شي .
بالفترة الأخيرة " كتير متغير " ( صح ؟ هادا ما سؤال هادا حقيقة :p )

شو اسباب التغيير ؟
وشو اللي لسى عم يتغير ( يعني في خطة معدة لتغييرو ) ؟

:D بس حرام هالكينك يا زلمي

سؤال واحد أخوي أبو طوني....


انته معروف بمناقشتك الموضوعية و تفنيداتك التفصيلية الطويلة " المملّة" أحياناً.......

خيو ...من اللي تناقشت معون ...لاحظت عليه انو تجاوب معك و اقتنع بكلامك......

القفلة يعني.....في حدا من الشباب المغاير لفكرك..... اقتنع منك و حوّل منهجو و تفكيرو لصالح أفكارك......!!!
ما بقدر قيم التغيير وصعب اني المسه بشكل مباشر
بتوقع انه اللي عم يتابع النقاش رح يستفيد أكتر من اللي فايت فيه
بعرف من حالي يعني .. وقت بكون عم اقرا نقاش بين شخصين بستفيد أكتر مما وقت بفوت فيه
يمكن زوال الرغبة بأني بدي اطلع انا الصح بيلعب دور بهلموضوع وبسهل من عملية تقبل الأفكار

بالنسبة الي صار بأكتر من مرة ( على المدى الطويل مو قصة لحظية ) اني فتت بنقاش وتغيرت أفكاري فبتوقع انه الا وما يكون صار هلشي مع شخص تاني وتغير بدوره جزء من افكاره وقناعاته .

ما بعرف ليش عجبني سؤالك كتير :lol:

:D

ابو طوني .. هلأ انا بدي اسالك سؤال صريح جدا جزيلا يعني ممكن تستغرب بس انو هيك هوي الوحيد اجى ع بالي .. هلأ انت وبزماناتك يعني خلينا نقول من شي 6 اشهر حسيتك اتغيرت يعني كيف بدي قلك هلأ انت قبل كنت حسك عنصري جدا من ناحية الدين ولما تناقش حدا بالدين او اي شي بيخص الدين بتنط وما بتخلي .. وبتقول كل اللي بقلبك .. هلأ وبعد هالمقدمة الطويلة انو من 6 اشهر لهلأ بطلت تناقش بهيك شغلات وما عاد تتناقر مع حدا بهيك مواضيع يعني حتى ازا بدك تناقش بتناقش بأسلوب افضل من قبل (كيف صريح جدا:o ).. انو المهم يا ترا شو سبب التغيير اللي بقدر قول عنو انو مفاجئ (بالنسبة الي لانو انا من اكتر الناس يمكن اللي كنت اتناقر معك بهيك مواضيع ..:pos: )

وشكرا جدا جزيلا ...:D
التغيير بصير وقت واحد بيتطلع على الموضوع بشكل أفضل
بالنسبة الي انا زلمة فتحت عيوني بمدينة اسمها حلب ، واللي ما بيعرف شو واقع حلب الطائفي صعب يفهم الشي اللي انا بقصده لهيك ما رح ادخل بتفاصيل سبب تشكل هلصورة بالنسبة الي .

بالنسبة الك حسيت اني تغيرت وهلشي كتير بيسعدني اني عم اقدر اتواصل مع العالم ووصل فكرتي ويتقبلوها مني بشكل أفضل ..وبنفس الوقت قدرت غير من بعض افكاري وحسن منها لدرجة انه البقية لمسوا هلشي

:D

لك يااخي بدي كون حبابة ومارح اسالك ولا سؤال شوف شومنيحة...

بس وينك ماعم تبين لك خيو؟؟
الاسئلة البقية بتجي وقت بشوفك احسن مااكل قتلة:p


ترا انا حذرت بالأول اذا حسيت لدعتني الزيتات رح ابدا اهبش يمين يسار ورح يروح ضحايا وقتلا كتير على قولة المتل : اجا الدب تيرقص .. قتله سبع تنفس

ما عم ابين كيف يعني .. ليكني مبلط بالاخوية على طول الخط وبكل عرس (موضوع) بهمني وبشدني عم يكون في الي قرص ( مشاركة ) وكترانة العراس الظريفة هلفترة هي :larg:.. اكتر من هيك مننتزع انا وهية :larg:

اهلين عمتي :o

وانا كمان بدي اقلي ....مبسوطه كتير انه ابو طوني بالمقلايه :p

بياسفني ما بدارك نفس الشعور :lol: بعد الجولة مع أبو الزوز وفرشة المعلاق تبعه قرفت الساعة اللي دخلت فيها على المقلاية
الله لا يدوقك ياها :lol:


ابو طوني ..كيفك اليوم ...هنون كم سؤال ...من الواقع الي عايشين فيه

شو رايك بالوضع الاقتصادي بالبلد بعد استلام بشار للحكم ...

هل بتحس انه صار تغيير جذري باكتر من مجال ..وهل التغير للامام ولا رجعنا ...

ما بوعى لفترة قبل استلام بشار الحكم بشكل منيح بس بالنسبة للسنوات اللي بوعالها وعشتها بشكل مباشر ما عم شوف في تغيير ... طالما نسبة راتب الموظف عم تبقى ثابتة مع اسعار المنتجات ففعليا مافي شي عم يتغير ومافي شي عم يتحسن ، يا فرحتي صار الواحد يقبض 20 ألف بالشهر .. وما عادت الـ 1000 ليرة تكفيه ليتسوق لبيته او اتجبله كام كيلو لحمة ليقدر ياكلها .

من ناحية التغيير في وما بقدر انكر وجوده ، بس مانه بحجم الشي اللي منحتاج اله
من ناحية قنوات التلفزيون والازاعات والصحف ومواقع الانترنت .. في تغير وشوية تماشي مع الواقع بس ممكن تكون الخطوات أكبر .. وانا متأكد بان واقعنا ممكن انه يتطور بشكل أفضل ، بالنسبة الي سوريا بتستاهل تكون احسن من هيك بكتير .


السيده الاولى أسماء الها كتير معجبين من الوسط الاروبي ...ياترى هدا شي لح يعكس ويأثر ع العلاقات مع سوريا ....
اني قول ما رح تأثر بكون عم غش حالي قبل ما غش غيري
مين قال انه الغرب ما بيعطي أهمية لحياة الفرد الشخصية ؟ اوباما وقت عم ينتخبوه راحوا نبشوا سيرة أبوه البيولوجي بمحاولة ليخلوا العالم تنفر منه
فزوجة الرئيس تعبر بشكل أو بآخر عن الرئيس نفسه واللي هوي الشخص صاحب القرار الأول بهاد البلد


نظرتك كا شاب للمرأه والفتاه السوريه بالتحديد ؟؟؟؟ وهل بتعتقد انه بتختلف عن غيرها وبشو ....

غيرها مين يعني ؟ البنت الأجنبية ولا البنت الشرق أوسطية ولا كيف ؟
بغض النظر عن مين مقابلها بكفة الميزان، المرأة السورية بشكل منفرد ... يعني هية بحد ذاتها مشروع بيستاهل انراهن عليه
مهمشة اجتماعيا.. اي مهمشة وبشكل كبير بس ما تشوهت
لسعتها قادرة على التماشي مع الواقع وقادرة على شغل المناصب وتقديم صورة حضارية للبلد

التربيه الدينيه بمجتمعنا هل هي صحيحه ؟؟؟ وهل لازمها تغير ؟؟؟؟
لو كان السؤال " بمدارسنا " كنت سحبت سيفي ونزلت قصقصة برقاب هلعباد :lol:
بس وقت بصير الحديث عن مجتمعنا رح يختلف رأي
قناعتي الشخصية بتقلي انه الدين شي شخصي مع الله ما لازم حدا يجبر التاني على اختيار الطريقة اللي رح يتواصل فيها مع الله
بس هلحكي خيالي وكله خطأ بخطأ لأن الهوية الدينية بتلعب بدور أو بآخر جزء من حياة الانسان ، ممكن بالمستقبل الانسان يستغني عن هلفكرة هي .. بس الطفل ما بعتقد رح يقدر يعيش بمجتمعنا السائد عليه صفة الانتماء الديني .
انا مع تربية الطفل على اسس الدين وتعريفه على مفاهيم الدين
تماما متل مع اني اسمح لهلطفل بالمستقبل وفي حال عدم اقتناعه بالشي اللي عم عرفه عليه .. او اقتناعه بدين تاني .. اسمحله يختار طريق غير الطريق اللي انا رسمتله ياه بحياتي .
لو اتطبقوا هلخطوتين بشكل متزامن ومتوافق بعتقد رح يتغير كتير اشياء ، اولها رح نخلص من قصة التعصب الطائفي والديني .

حسب ماعم اسمع التشدد الديني والتعصب وصل للسوريا ..شو رأيك بهل الموضوع صحيح ولا لأ وليش ...

طول عمره في متشددين بسوريا وفي عالم ما عاطية للدين أهمية كبيرة
التشدد الديني مافي منه مشكلة بحد ذاته لو ما كان مربوط بشكل مباشر بالتعصب
يا اختي التعصب بينفي كل احتمال تقبل الآخر والعيش معه بسلام
كيف فيني حط ايدي بايد شخص عم يسبني أو شخص عم سبه بالخفية ؟


الكاس وما ادراك ما الكاس ...شو رايك فيه مع شويه كبه نيه :p

مشروع عظيم .. مع صحن موالح فستق حلبي وبزر قرع
يا سعدو ارحمني :lol:

انت من الاشخاص الي بحترمون كتير و بتعبرك من الاشخاص الي عم يتعبو كتير بأخويه ..فهل بتحس انه شغلك عم لاقي نتيجه ..ولا بطاطا ....
جملتك بالأول لحالها بتفرحني وبتأثبتلي اني عم اقدر اعمل شي بهلمحل :gem:
الله حيو الدعم الفني والمعنوي :gem:
:D:D

وشو بتقول لاخويه ...
قلنا كتير للأخوية وكله بيبقى كلمات ... الاخوية بتعرف مين هية وبتعرف الطريق اللي ماشية عليه أكتر مني
الله يقويها ويخليها مساحة عم نتنفس منها الطاولة اللي عم تجمع كل العالم عليها ليتحاوروا الطاولة اللي عم نستفقدلها بالواقع .

ويسعدلي سعدو تبعك :D
شو تبعي ما تبعي .. سعدو أملاك عامة يرضى عليكي لا تغلطي متل هيك غلطة :lol:


:D:D:D

ابو طوني ابو طوني :clap:
اهلا بسونا :yahoo:


اول سؤال ليش بطلت تجبلنا كاسات؟؟؟؟ :frown:
معصلجة معي ما عم افضى اكتب شي جديد
مو بس واقفين الكاسات معي ، تقريبا واقف كلشي .. اكتر من واحد سألني اذا اعتزلت التدوين :lol:
بس راجعين راجعين اولتا واخيرتا ملنا غير هلقنينة :lol:

تاني شي مدونتك مكتوب فيها بالغة الالمانية .. كنت بالمانيا او شي دولة بتعتمد هاللغة ؟؟ و ع اي اساس ؟؟

لا مازرت ألمانيا ولا قربت صوبها
اللي مكتوب بالالماني عبارة عن تدوينة وحدة كتبتا على هامش شوية بحبشة بالحقبة النازية
طلعت معي جملة بالالماني كانت مكتوبة على المعتقلات اللي تم فيها اجراء المحارق ، خلتني بحبش اكتر على الجملة واكتب اللشي اللي وصلتله من بعد بحثي البسيط .

كيف بتقيم الوضع بسورية ؟؟ سواء الاقتصادي او الاجتماعي فعلا اسوا من السابق ولا بتحسن بشي اسمو تحسن ؟
اقتصاديا حكينا مع صوفي بهلموضوع بس اجتماعيا نقطة كتير بهتم فيها بصفة شخصية
في شغلة ما بيعرفها حدا من الأخوية عني .. الهم اللي منتبهلها وقت ذكرتا بشكل سريع بمدونتي
انا صرلي تقريبا 3 سنين متواصلة منتسب لحركة اجتماعية طلابية ، عضو بمجموعة الجامعيين ( كوني طالب جامعي ) ومسؤول على فئة من الولاد بعمر الـ 14 سنة .
عمل الحركة هي بالمجتمع محدود إلى حد ما بسبب انه الكنيسة راعية الحركة هي ( لدواعي أمنية بحتة .. الكل بيعرف شو مصير التجمعات المافي الها أي غطاء بيحميها ) محصورة بحد ما بالشبيبة المسيحية الطلابية
من فترة يومين تقريبا كنت عم قارن بين الاعضاء اللي عنا وبين بقية الاولاد اللي بشوفن بالطريق بشكل فعلي حسيت أني عم اعمل شي كتير عظيم وقت عم اقعد مع ابن الـ 14 سنة منحكي على كيفية تنظيم الوقت .. منحكي على كيف بيقدر يتفاهم مع أهله .. منحكي كيف بيقدر يطور حاله علميا .. كيف لازم يضبط اعصابه ويتقبل الآخر ويتمرن على فن الأصغاء .
اللي بدي وصله أننا بسوريا عم نتراجع اجتماعيا لأن ثقافة البديهيات عم اتضيع مننا شوي شوي لو في مؤسسات او هيئات اجتماعية فاعلة كان تحسن الوضع كتير ...

وبرايك الانطباع يلي مناخدو عن الشباب السوري عن طريق المنتدى الو وجود بالواقع العملي؟؟ يعني صاير عم يشكل وجود بارض الواقع ولا لساتها فئة صغيرة ؟؟؟
فئة صغيرة بس بحاول أقنع حالي انها عم تكبر
كمثال بسيط .. انا مشترك بمجموعة المدونين العرب بيصلني يوميا ملخص بالتدوينات اللي تم ارسالها لليوم من قبل بقية المشتركين
اغلبيتها أمور تقنية وبرمجية أو أقاصيص دينية
بعكس مجتمع المدونات السورية اللي وقت بفوت عليه بحس حالي فايت على قعدة شعب مثقاف وواعي موجه اهتماماته لأمور مفيدة متل القراءة والمطالعة والأمور الادبية
من ناحيتي متفائل كتير بهي النقطة

مشكلة التطرف برايك عنا مقصروة ع الاسلام .. ولا كمان المسحيين عم يردو التطرف بتطرف؟؟ سواء من خلال انسجامون مع الاديان التانية او تقبلهون الها ؟؟؟

التطرف مانه صناعة اسلامية او فكرة طلعت بربوع الاسلام لحد اللحظة في شخصيات مسيحية متطرفة
الفرق أنه المسيحية قدرت من فترة قريبة تطلع من هلدائرة بينما الاسلام لسعته فايت فيها
يمكن الفرق الزمني ( 600 سنة تقريبا بين الديانتين ) عامل مهم لتتبلور الأفكار الدينية وتاخد أبعادها الحقيقية
اضافة انه الخطاب الاسلامي الحالي مانه فاهم ابعاد هي النقطة وما عم يشتغل على نبذ التطرف ، بشوف أنه بشكل السبب المباشر لانتشار التطرف وزيادة اعداد المتطرفين من كل الأطراف

بالنسبة الي عندي نفور وقرف بشكل كبير إلى حد ما من شي اسمه "اقباط" نتيجة افكارن المتطرفة اللي بيحملوها واللي مو بس موجهة للمسلمين .. موجهة للمسيحيين غير القبطيين (طبعا هلصورة منقولة الي من خلال الانترنت ويمكن ما يكون الها ايا صلة للواقع )
هل منحمل مشاكلن مع الاسلام ذنب دفاعن المستميت عن عقيدتن اللي وصلتن لدرجة العداء مع الكل ؟ هلشي بيرجع لقراءة كل واحد للمعطيات الشعب المصري ، فكرتي أنه الخطاب المتشدد بيخلق تطرف بالطرفين وسلبياته مو بس على مؤيدين الخطاب .. كمان على المتضررين منه لأن مو منطقي انا سبك وانت تتحمل حالك وما تسبني بدورك .



واخيرا .. ريتو سعدو يحميك:o

الزلمة ما عم يقصر :lol:
ويحميكي الك كمان :D

غابي :

- دراستك ؟ انت اخترتها ؟ بتحبها ؟ مبدع فيها و لا شلون ما كان ؟
- حلمك شو هوي ؟
- العاطفة ( الحب ) بحياتك وينو بتفكر فيه ولا متل قلتو
- مرسوم استبدال المادة 548 المتعلقة بجرائم الشرف شو عنالك
- شو بيعنيلك الدخان
- شو بيعنيلك النسوان
- شو بيعنيلك بنات الهوى ( البنات يلي بيشتغلو بالدعارة )
- القراءة قديش من حياة غابي
- رسالة لكل فرد بالأخوية

اخي انا عندي كم سؤال حاليا

بعدين برجعلك

لا والله ما بترجع :o




ابو طوني .. شو رأيو بالمدونون السوريون .. او المدونين السوريين ..

والتدوين العربي ..
المشكلة أنه التدوين صاير كأنه شغلة خطيرة او شي اختراع ذرة
القصة اسهل من هيك بكتير
يا اخي انا انسان باكل بشرب بنام ويمكن ما بنام ما منختلف على هلنقطة :lol: ، عايش حياتي بشكل كامل فطبيعي يكون عندي شي عم فكر فيه ، طبيعي يكون عندي شي عم يدور براسي بهي اللحظة
يمكن يكون سخيف بنظري بس يستمتعوا البقية بقراءته
التدوين العربي مانه فهمان انه المدونة مشروع شخصي بيكتب فيه الواحد الشي اللي عم يفكر فيه وبيقدر يطور هوايته الأدبية أو يعمله شوية بحوث علمية يفيد العالم فيها
معتبرين المدونة - موقع - وهنن المديرين تبعه
بتشوف اللمسة الشخصية غايبا تماما عن الساحة العربية ، اغلبية التدوينات على شو آخر خدمة نزلتها شركة غوغل وشو آخر نوع متصفح عم تفكر شركة مايكروسوفت اتطوره وشو آخر نظام تشغيل طرحته شركة آبونتو
ماني ضد انه اذا الشخص عنده ميول للأمور التقنية يعمل مدونة تقنية يفيد فيها العالم من خبرته ، بس ضد انه يصير الستاندر من المدونات هوي القالب التقني .

سوريا عنجد وبكل موضوعية وبعيد عن اي مشاعر انتماء لمجموعة المدونين السوريين
بتشوف بالمدونات السورية لمسة شخصية أكتر من رائعة بكتير ، هلمسة عم تخلق زوايا وصفحات انترنت ما بينساها الزائر بسهولة
بتقرا احداث كاتبينها العالم من حياتن اليومية بتخليك تعيش اللحظة معن


..
فكرة العلمانية ..
برأيك اديش بدا لتطبق .. تطبق يعني انو اخي .. ينشء عندك جيل سوري .. يآمن انو لازم يكون عنا علمانية ..

بزعل منك يا زلمة :lol: سوريا محسوبة على البلاد العلمانية كون الحزب الحاكم فيها علماني :adal:
بس لسع الشعب مانه فهمان شو هوي الدين ومين هوي الله وكيف هلنص هاد ماله أيا هدف غير يعرفني على الله ... بعد ما اتعرف على الله بتصير علاقتي مباشرة معه وما بعود في أهمية للنص الديني لأن مهمته انتهت باللحظة اللي صرت عيش فيها مع الله .
ما بتخيل بالهين شعبنا بيستغني عن انتماءه الديني .

وصعي صعي ..
انتي مع فكرة العلمانية ما ؟
للعضم

سؤال ..تاني

طلب منك رئيس الوزراء .. انو تعمل ليستا .. وكل الوزراء رح يطبقوها ..
تفضّل لنشوف ..
هات ما عندك .. وسنعود بعد كليل ..
هيك بفرض مرة :lol:
يا سيدي بدي اعتبر انه السؤال هدفه احكي شو ببالي غير بسوريا بشكل عام ( مو بس على صعيد الوزارات )
سماع لئلك :

- بعمل اسعار الانترنت اقل من رمزية وبأمن خطوط سريعة لكل بيت
- بمنح الجامعات الخاصة حرية وضع الشروط اللي رح يفوت فيها الطالب على الفرع ( يعني بحررن من البكلوريا الهم تبعنا ) وبنفس الوقت بعمل بالجامعات الحكومية اختبارات بمواد معينة على اساسها بفوت الطالب على الجامعة مو على اساس البكلوريا الحلم تبعنا .
- بمنع تعدد الزوجات في سوريا
- بقدم تسهيلات كتير كبيرة للشركات والمعامل اللي بترعى أندية رياضية وبعفيها من جزء كتير كبير من الضرايب في حال نجخت برعاية النادي وتحقيق نتايج بترفع الراس على صعيد اللعبة.
- بسمح بترخيص التجمعات الاجتماعية بعد التأكد من سمو الرسالة اللي عم تأديها وبغض النظر عن وجود جهة دينية راعية الها او لا
- برخص لعدد كتير كبير من الفنادق
- بلغي مادة الديانة من السلك التعليمي وبنزل بدل ساعاتها مادة اسمها خدمات اجتماعية .. بهي الساعات بيطلع طلاب الصف بيعملوا شي لصالح البلدية متل تلوين الرصيف أو توزيف بروشورات توعية على العالم بالطرقات .
- بمنع يكون عدد طوابق البناية في الضواحي في الريف يزيد عن 3
- بطبق خطة للحد من النسل .. مافي براسي خطوات معينة بس بفكر امشي بهاد الطريق
- بخلي الموظف يعيش :lol: .. بعطيه راتب متل العالم والخلق
- بفرض غرامة مالية على المشاة اللي بيرموا زبالتن بالطريق .. يمكن تقلي هي نقطة مو مستاهلة .. بنظري مستاهلة ونص وكبيرة كتير بالنسبة الي .
- بنزل خدمة العلم للسنة الواحدة فقط
- بجبر كل وزير يعمل مدونة ويمنع ميزة الاشراف على التعليقات :o


في لسع كتير اشياء براسي شي خاص بعازفي الكمان ( مجلس الشعب ) وشي خاص بالجبهة الوطنية بس بلا ما احكي احسنلي :pos:.. بس اجاني هيك سؤالك فجأة ومن كتر الافكار ما عدت لحق اكتب ، فحاجتي احلام اكتر من هيك .. بخاف صدق حالي وبطّل اقدر ارجع عيش مع الواقع :lol:

ابو طوني عندي سؤال

مين هو الله وشو يعني دين

يمكن اذا اقنعتني اسدق انك نبي:o

ايه ابو طوني استلم لنشوف:

1-هل التكنولوجيا نعمة ام نقمة؟ولماذا؟
.
التكنولوجيا = تطور وحضارة
وما بحياتها كان للحضارة جوانب سلبية بتستاهل نقول انها فاشلة

2-هل برايك الازمة الاقتصادية العالمية رح تنتهي بوقت قريب؟

قراءتي الاقتصادية متلها متل ابو عبدو الفوال .. صفر علشمال يعني .. بس بتخيل انها مانها مطولة أولتها وأخيرتا رح تنحل

3-الاحتباس الحراري, في عالم متخوفة من الاحتباس الحراري و في عالم بتقول انو الحكي عن الاحتباس الحراري مبالغ فيه جدا جدا. انت شو بتقول؟و اذا كنت من الفئة الاولى شو الاجرائات اللي لازم نقوم فيها لنخفف الاحتباس الحراري؟واذا كنت من الفئة التانية, ليش الحكي عن الاحتباس الحراري مبالغ فيه؟واذا كان الك راي اخر عن الاحتباس فيدنا فيه!!

بدك الدغري الدغري .. انا ماني من العالم المهتمة أبدا بموضوع الاحتباس الحراري بالتحديد .. بهمني موضوع النفايات وتصريفها أو الموارد المائية وشحها أكتر بكتير من الاحتباس الحراري
مو قصة مبالغ فيه أو لا .. قصة انه ما بحس حالي معني فيه
بالأول والأخير ما انا اللي عم يسبب المشكلة وما عندي ايا قدرة على تحسين هلواقع او تغيير ايا جزئية فيه لا حاليا ولا مستقبلا .. اللهم اذا سعدو فرجا وصار عنا سلسلة معامل منفكر بوقتا بهلموضوع :lol:

4-هل واجهت الموت شي مرة بحياتك؟ او تعرضت لخطر كبير على حياتك؟اذا اي حكيلنا شو صار, اذا لأ :pos:

من اصيرو :pos:
بس عملت عملية جراحية وحيدة بحياتي كانت براسي .. مافيا خطر على حياتي بس انه توجعت كتير منها :lol: هي مشان ما يبقى البوز لحاله بالساحة :larg:

.

5-شو موقفك من الاجهاض؟

انك تقرر طرح جنين عمره بضعة أشعر .. افضل بكتير من أنك تأنجب انسان ما مقدمله رعاية ما مقدمله نعاية .. اقرب ما يمكن لمشروع متسول .
بس بيبقى عامل العمر بنظري كتير مهم ... لو زاد عمر الجنين على الـ 4 اشهر ما بتخيل في قدرة بالعالم رح تخليني وافق على قتله .


بونوس كويسشن*:
-"المغترب" هي صفة لشخص يعيش خارج وطنه هل يمكن ان تنتطبق على شخص يعيش داخل وطنه ايضا؟

*البونوس كويسشن: اذا في سؤال من الاسئلة الخمسة ما بدك تجاوب عليه فيك تستبدلو بالبونوس كويسشن(شلوني معك:larg:). بس اذا بدك تجاوب عالبونوس كويسشن بدون استبدال اي سؤال بيمشي الحال كمان.:lol:

بجاوب شو خايف منك مثلا :sly:
ما بوافق على تسمية الانسان الضايع بالمغترب ، المغترب مافي عنده ايا مشكلة من ناحية الانتماء ، البعد عن الأرض اللي بينتمي الها ما قدر يشيل الرابط بينه وبينه
بعكس المثال التاني اللي عايش داخل وطنه وعم يحس حاله غريب عنه ومافي شي بيربطه بالوطن اللي عايش فيه فبالأصل ما اسمه مغترب لأن مافي شي عم يحن اله .

شغلة هالقلي طلعت ممتعة كتير:larg:
بس تكون محلي ورجيني حالك :larg:

لك يلعن إبليسكن إرحمو الزلمة بقى

والله بدو 10 ليردو عليكون مو واحد

وأبو طوني الي بضايقك بأسئلته قلي عليه هاه
بخليلك يتراجع عن أسئلته ويضل يمدح فيك للصبح بس إنت قلي
انت فين والحب فين :sick:

بداية ليش فيصل القاسم ؟ :sick:

تاني شي .
بالفترة الأخيرة " كتير متغير " ( صح ؟ هادا ما سؤال هادا حقيقة :p )





لك هلزلمة بحب حمئته بالاتجاه المعاكس كتير
بيعجبني كيف بيقدر ينظم أفكاره ويعرضها بالقالب المناسب
وهيك يعني :lol:

شو اسباب التغيير ؟
وشو اللي لسى عم يتغير ( يعني في خطة معدة لتغييرو ) ؟

:D بس حرام هالكينك يا زلمي
يمكن الواحد بيقدر مع الوقت يفهم افكاره ويطور حاله بشكل أفضل
بصراحة انا مبسوط كتير انه العالم عم تقلي اني عم اتغير .. هاد وسام الي بأني عم اتفاعل بشكل صح وعم اقدر أتأثر بالآراء :adal:
انه خطة ما بعتقد في خطة .. لأن بالأصل ما خطرلي انه يا ابو طوني لازمك تنزيل محرك وتغير بواجي بفرض مرة عملك تغيير لبقية القصص :lol:
الفكرة جاية من التفاعل مع العالم والقراءة لمختلف الآراء حتى يتبلور رأي خاص فيني ، طالما لسعتي عم اتفاعل بتخيل رح تمني عم اتغير واتطور
على امل اني ابقى متل البرغي محافظ على نفس المبادى ونفس المنحى الثابت مع تغيير بالمفاهيم وجهات الدوران :lol:

:D

غابي :

- دراستك ؟ انت اخترتها ؟ بتحبها ؟ مبدع فيها و لا شلون ما كان ؟

أهلين أبو ويلم ( حتى لو غيرت اسمك رح تبقى أبو ويلم بنظري )
دراستي ما كنت سمعان فيها قبل ما انجح بالبكلوريا
بعد ما طلعوا المجاميع صرت أسأل على الدراسات والفروعة والمستقبل ومجال العمل ، اقتنعت بأنها المجال اللي انا بقدر لاقي حالي فيه وبقدر امشي بالمستقبل وانا مبسوط
بحبها ؟
اي بحبها وكلما عم اتعمق فيها عم اتعلق فيها بزيادة
ذكرني نحن عم نحكي على جامعة ولا على شي بنت :lol:

مبدع فيها و لا شلون ما كان ؟
بالسنة الأولى بسبب قصة معسكر التدريب الجامعي ما نزلولي اسمي على قائمة الشرف .. مع اني كنت بين أول 3 على الدفعة
بالفصل هاد كان معي 7 مواد
لهلق طلعت نتائج 6 منن
1 بالتسعينات
3 بالتمانينات
ووحدة بالسبعينات ووحدة بالستينات
عم نستنى المادة الأخيرة اللي في حال طلعت ناجحة ( حتى لو شحط ) رح اتطقلي الكلية بجيبتي 15 الف ليرة سورية عدا ونقدا :larg:
فمن ناحية العلامات وهلقصص ماشي وضعي تمام بس من ناحية فكر اعمل شي غريب من نوعه وانا عم ادرس مو واردة ابدا ابدا ابدا
جربنا بمرة من المرات نعمل تجربة من نوع ما ، عرضناها على مسؤول القسم قام الزلمة بكل بساطة قلعنا وبهدلنا ومسح فينا الاراضي ومن وقتا توبت فكر اعمل شي اكتر من المطلوب مني .


- حلمك شو هوي ؟كتار وما بينعدوا بكل بستان في الي زهرة

- العاطفة ( الحب ) بحياتك وينو بتفكر فيه ولا متل قلتو ايدك علوجع :sosweet: محسوبك غرقان لأدنيه وما الهيئة في شي رح يغير هلواقع

- مرسوم استبدال المادة 548 المتعلقة بجرائم الشرف شو عنالك خطوة ما فهمتلها شي .. انه معقول العالم فهمتنا ؟ معقول عم يسمعولنا ؟
مع أنه مجتمعي وبيئتي ما صدف أبدا وصار حادثة قتل باسم الشرف ، بس اعتبرتها نقطة هامة بتاريخنا اللي عم نعيشه . اذا ما كان بسبب انه المرأة انرفع عنها قانون ظالم بحقها فبده يكون انه العالم صايرة عم تسمع المطالب المنطقية لشعبها .


- شو بيعنيلك الدخان شغلة فاضية بس موقفي منها مانه حيادي ابدا
بكره السيكارة بشكل رهيب .. وبيني وبينك كنت من اسبوع عم قله لأحمد اني رح ضيف لمدونتي بالهيدر فوق شرط مكتوب بالاحمر العريض بيمنع الزائر من قراءة ايا حرف بالمدونة في حال كان مشعل سيكارة :lol:

- شو بيعنيلك النسوان الله والنسوان وعيون النسوان .. الله وابو جاسم.. دgله دgله

- شو بيعنيلك بنات الهوى ( البنات يلي بيشتغلو بالدعارة ) احياء أموات

- القراءة قديش من حياة غابي هواية ما وصلت لمرحلة الهاجس ، ما بحب اقطع حالي عن الكتب وعالم الكتب وبنفس الوقت ممكن يمضى شهر او شهرين بلا ما طالع ايا ورقة خارج نطاق دراستي .
- رسالة لكل فرد بالأخويةديرولنا بالكن على هلصبية

يعدمني ياك شو كنت أكرهك :frown:

بس للصراحة كنت تسلاية :p

أما هلاء ماعم أعرفك :pos:

هلاء صاير احسن ومحركك اكبر ومع فتحة سقف كمان :larg:

هات لشوف

شو رأيك فيني ؟ ( بعد كل فترة نقاشاتنا ووجودنا بأخوية )

أيمت اخر مرة تخانقنا وليش ؟

كان في عضو بأخوية تتخانق معو كتير أسمو كريم . اذا شاف هلاء كلامك شو بتقلو ؟

من لما بلشت تتغير . كنت اخد قرار بهاد الشي ولا قناعاتك وصلت لهون ؟

ناوي تعمل دراسة عن الاسلام والقرأن ( من منطلق أطلاعي وبحثي عن حقيقة الوجود ) ولا مو ببالك هيك شي ؟

شو صار بعدين بقصة الفواشة ؟ :lol:

ابو طوني عندي سؤال

مين هو الله وشو يعني دين


يمكن اذا اقنعتني اسدق انك نبي
:o

على فكرة انا زلمة ما بصنف حالي بقائمة اللحاد ابدا
قائمة اللادينين اوكي مافي مشكلة بس اللحاد بعيد عني كتير
بالنسبة الي الله هوي الرفيق العايش معي كل لحظة من حياتي
يمكن عقلي رافض فكرته وما مقتنع فيه بس بيني وبين حالي بتمنى يكون موجود وعم يسمعني وقت بحكي معه
بسبه دائما وبخوزقني بكتير اشياء بحياتي .. هي قصة ثانوية بتحصل بين كل رفيقين
:lol::lol:
بدك تصدق اني نبي بدك ما تصدق هي مشكلتك
الادلة والوثائق كافية لتأثبت هلشغلة واذا ما عجبتك بتبقى هي مشكلتك
:o

:D

على فكرة انا زلمة ما بصنف حالي بقائمة اللحاد ابدا
قائمة اللادينين اوكي مافي مشكلة بس اللحاد بعيد عني كتير
بالنسبة الي الله هوي الرفيق العايش معي كل لحظة من حياتي
يمكن عقلي رافض فكرته وما مقتنع فيه بس بيني وبين حالي بتمنى يكون موجود وعم يسمعني وقت بحكي معه
بسبه دائما وبخوزقني بكتير اشياء بحياتي .. هي قصة ثانوية بتحصل بين كل رفيقين
:lol::lol:
بدك تصدق اني نبي بدك ما تصدق هي مشكلتك
الادلة والوثائق كافية لتأثبت هلشغلة واذا ما عجبتك بتبقى هي مشكلتك
:o

:D

وشو يعني دين كفي لك ابني :larg:

خيو بما انو ما حدا سألك ..

وقاعد فاضي عم تكش دبان:p

تعا نسألك هادا السؤال



reemi
marioma alghzayala
hanny dagher
Willi
layla
sezar
sweetbaby
الحاج متولي
maged-syrian
butterfly
وشم الجمال
Syrian__Angel
أبو شريك,
Hashtnasht
ASH
ٍٍٍSyrian Gay
Fares
Geeny
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
GOVERMENT
صياد الطيور
marrosh (مروة )
اسير التشرد
phoenixbird
maher4*4
the morrning
COSTA
handsome
abosleman
LiOnHeArT يعني انا :lol:
betty_palestine
yamen_h
BL@CK
MadMax
وائل76
مسطول ع طول
شامي من طوكيو
أمرأة من ورق
هدوء البحر
ابو نجبو
Roaa
مايا*
لبندا
fofo besset syria
Abu Guzef
الموسيقار,
فاوست
ظل جيفارا
مخموخة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ملاك السعودية
محمد السعودي
التقرير الجوال
secular سابقا
Nirvana
sandra
boy freind
suzzan
ام الجود
جاد81
i am sam
zen
black-iris
sun shine art
عياش
مجنون يحكي وعاقل يسمع
فيفا سيريا
رايح عاليسار شوي
جدل
قرصان الادرياتيك
يمان رونالدوووووووووو
saman

يعدمني ياك شو كنت أكرهك :frown:

بس للصراحة كنت تسلاية :p

أما هلاء ماعم أعرفك :pos:

هلاء صاير احسن ومحركك اكبر ومع فتحة سقف كمان :larg:

لسع استنى الاصدار الشبابيك المفيمة والمرايا علكهربا شي بياخد العقل :lol:



هات لشوف

شو رأيك فيني ؟ ( بعد كل فترة نقاشاتنا ووجودنا بأخوية )
يمكن تستغرب انه ما عندي رأي بمعنى الرأي
هوي مجرد انطباع بأنك شخص ما بتفق معه بالأفكار
بس انه عندي رأي فيك فمافي لأن بالاصل ما بعرفك بشكل كافي وما بعتقد الانترنت صورة حقيقية للواقع بطرقة فعلية
بخصوص نقاشاتنا بحس انك كنت بتستعمل الاسلوب الاستفزازي بالحكي معي أو مع غيري ( خصوصا صافو :o )
فيا انا تعودت عليك يا اما انت كمان مغير من اسلوب عرضك لأفكارك :deal:


أيمت اخر مرة تخانقنا وليش ؟
اذا سألتني شو أكلت مبارحة ما رح اتذكر لأتذكرك امتى تخانقنا آخر مرة :lol:

كان في عضو بأخوية تتخانق معو كتير أسمو كريم . اذا شاف هلاء كلامك شو بتقلو ؟

ما بدي قله شي لأن ما كان في شي شخصي بيناتنا ، رح يكون الحكي اللي بدي وجهه اله بحسب الشي اللي هوي عم يشارك فيه وعم يكتبه
بمرة من المرات ريمي كانت عم تحكي على شب قديم بالاخوية ما بعرف مين هوي ولا بتذكر مين كان ، قالتلي معقول ما بتعرفه ؟ انت من القديمين ومن العالم اللي ما قطعو عن الاخوية كيف مانه مارر عليك اسمه ؟
القصة اني ما كنت دقق ابدا على الاسم وما كنت انتبه شو الصورة الشخصية حتى تبع الشخص اللي عم يحكي معي لهيك ما بتذكر حدا وما بتذكر ايا حديث الي مع ايا شخص .
على سيرة الصورة الشخصية .. صورتك الرمزية بقيت عم بحبش عليها شغلة يومين ورا بعض لآخدها بالحجم الكبير لأنها كانت بتلزمني بطباعة اعلان .. وبالأخير مشي الحال وهلق عندي ياها .. الك مصلحة فيها :o


من لما بلشت تتغير . كنت اخد قرار بهاد الشي ولا قناعاتك وصلت لهون ؟
جاوبت كتير عن هاد السؤال :cry:
باختصار بقلك انه لا مافي قرار بالموضوع القصة كلها نتاج احتكاك مباشر مع البقية مع شوية تليين بالافكار واخد وعطي مع الاشخاص مع شوية فتلات بالغوغل جوات النت .

ناوي تعمل دراسة عن الاسلام والقرأن ( من منطلق أطلاعي وبحثي عن حقيقة الوجود ) ولا مو ببالك هيك شي ؟
مواضيع العقائد الدينية ما كتير بتهمني وما كتير بتشدني ، من فترة كنت عم بحبش بعقيدة وحدة الوجود تبع جلال الدين الرومي ، حسيت بملل رهيب وانا عم اقراها :lol: ما قدرت فوت بالجو تبعها وسكرت الكتاب وما رجعت فتحته
يمكن مع الأيام تستهويني الفكرة وبلش بحبش واقرا كتب .. كلشي وارد .

شو صار بعدين بقصة الفواشة ؟:lol:
عيفا لربك الفصل الجاية رح يدرسني الدكتور نفسه مادة جزء تاني للفواشة .. من هلق الطلاب عم يحطوا توقعات لنمط الاسئلة :lol::lol:
بس بخصوص الفواشة نفسا بحد ذاتها مشيت تمام سفقتا بوقتا شي تمانينات اذا ماني غلطان :adal:
بس لهلق حصرة بقلبي انه تم معاملتي بالاسلوب هاد .. لا ووين ؟ بمؤسسة أكاديمية ... يا عيني :lol:
:D

وشو يعني دين كفي لك ابني :larg:
كنصوص وآيات بشوفه هيك :

شو هوي الدين ومين هوي الله وكيف هلنص هاد ماله أيا هدف غير يعرفني على الله ... بعد ما اتعرف على الله بتصير علاقتي مباشرة معه وما بعود في أهمية للنص الديني لأن مهمته انتهت باللحظة اللي صرت عيش فيها مع الله .

بمعنى تاني هوي درب أو طريق لأقدر اتواصل فيه مع الله .
كل دين بحد ذاته بينقرا ضمن منظومته الفكرية والتاريخية وبالفترة اللي انوجد فيها وانتشر بشكل موسع، بالنهاية هوي عمل نفذوه البشر وتركوا بصمتن فيه
بتبقى الفكرة هية الشي السامي وهية الشي اللي ممكن انا استفيد منها بحياتي اليومية

ماضل سؤال مانسأل!

طيب:
شو السؤال اللي تمنيت حدا يسألكياه وماسألو :(

ماضل سؤال مانسأل!

طيب:
شو السؤال اللي تمنيت حدا يسألكياه وماسألو :(
ما عاد خرج اتمنى الشباب فصفصوا عضامي فصفصة :pos:

لما بتطق روحك وبتديق خلاقك شو بتعمل :(

أبو طوني الحبيب... من البارحة كنت بدي ادفشك عالمقلاية بس لقيتهم دافشينك هنن .... منيح
ولما شفتك كان ببلالي اكتر من سؤال كمان لقيتهم سآلينك هنن بيبقى واحد صغير وشخصي مو شرط تجاوبو يعني
المهم وبكونك فينا نسميك لا ديني وحسب علمي من قرآتك انك عايش بمجتمع ديني كيف عم تقدر توفق هالأمر وكيف عم يأثر فيك انو في كتير من افكارك ما عم تقدر تعبر عنها تمام " طبعا في حال كنت ما عم تقدر تعبر " .
بالاخير الله يعينك باين الشباب عم يستنوك لتنزل عالمقلاية من زمااااااااااااااااااااااا ااان ... شو عامللهم .
:D

لما بتطق روحك وبتديق خلاقك شو بتعمل :(
وقت بحس حالي مخنوق ومتدايق وما عم اقدر فهّم العالم شو صاير فيني
بطلع على البلكون وبحط جنبي قنينة بيرة وبسها بالسما :cry:

أبو الغاب سؤال واحد وانتبهت انو ماحدا سألك ياه :p

ليش اتغير غابي بآخر سنة وشو السر بتغيير أفكارك؟؟


اصحك تقول انو صرت منسأل هالسؤال عشر مرات :sly:

أبو طوني الحبيب... من البارحة كنت بدي ادفشك عالمقلاية بس لقيتهم دافشينك هنن .... منيح
ولما شفتك كان ببلالي اكتر من سؤال كمان لقيتهم سآلينك هنن بيبقى واحد صغير وشخصي مو شرط تجاوبو يعني

:D
عمي سام يا عمي سام :D
شكور ربك ما انت اللي دفشتني .. ليكني حاسس بمشاعر كره غريبة من نوعا باتجاه ريمي على هلدفشة هي :lol:

المهم وبكونك فينا نسميك لا ديني وحسب علمي من قرآتك انك عايش بمجتمع ديني كيف عم تقدر توفق هالأمر وكيف عم يأثر فيك انو في كتير من افكارك ما عم تقدر تعبر عنها تمام " طبعا في حال كنت ما عم تقدر تعبر " .
بالاخير الله يعينك باين الشباب عم يستنوك لتنزل عالمقلاية من زمااااااااااااااااااااااا ااان ... شو عامللهم .
المجتمع اللي عايش فيه بشكل عام بيحمل طابع ديني وببعض الاحيان طابع ديني متزمت
بس البيئة اللي انا بتحرك فيها ، البيت الرفقات الاصدقاء بعيدين عن هلناحية
داخل عائلتي قادرين الجماعة يتقبلوا فكرة اني ماني مضطر اقتنع بالأديان ككل ، إلى حد ما عايشين معي كانسان لا ديني ومتقبلين هاد الواقع .
المحل الوحيد اللي بضطر فيه خبي أو ما أظهر افكاري بطريقة واضحة هوي الجامعة
اكتر من مرة وقعت بموقف بكون في الواحد مجبور يحكي بالفكر الديني ويعبر اذا هوي مقتنع فيه او لا
متل وقت اجا واحد وسألني على شغلة بالديانة المسيحية ، جاوبته وبكل وضوح اني ماني متعمق بالدين وماني مهتم بالمستقبل اتعمق فيه وصعب اني جاوبه على سؤاله لأني فاقد لعلم ( ما قلتله اني غير مهتم لأن لو صار هلشي كان ممكن اتعرض لمدايقات كتير كبيرة أولها النظرة الاستباقية اني بلا شرف وبلا أخلاق وغير امين والخ الخ الخ )
:D

أبو طوني مرحبا :deal:

على فكرة أنت أول شخص ناقشتو بأخوية و كان هالشي بموضوع العلاقات السورية السعودية اللي كنت منزلو بالصالون .. بتتذكر ؟!! (وقتا انحريت منك شوي بس هي لأني كنت جديدة هالجو و لسا ما متعودة على هز البدن:lol:)

سؤالي خفيف نضيف (كون الشباب فوق هلكوا النعمة شيتك:p) :
وين بتشوف حالك بعد 10 عشر سنين ؟ شغلك .. محل إقامتك .. وضعك المادي و العائلي (حاسة حالي فاتحة تحقيق:lol:) .. اي و هيك يعني :oops: ...

سلامي :D

ايدك علوجع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// محسوبك غرقان لأدنيه وما الهيئة في شي رح يغير هلواقع

و بتقلّـي انفتاح و أفـكار و تواصل مع الآخر و قراءه كتب هي اللي غيرتك ماهيك :sly::angel: ؟؟

أبو الغاب سؤال واحد وانتبهت انو ماحدا سألك ياه :p

ليش اتغير غابي بآخر سنة وشو السر بتغيير أفكارك؟؟


اصحك تقول انو صرت منسأل هالسؤال عشر مرات :sly:
لا شو عشر مرات استغفري ربك يا مخلوقة :sly:


أبو طوني مرحبا :deal:

اهلا بالجالية الحلبية في فرنسا :o



على فكرة أنت أول شخص ناقشتو بأخوية و كان هالشي بموضوع العلاقات السورية السعودية اللي كنت منزلو بالصالون .. بتتذكر ؟!! (وقتا انحريت منك شوي بس هي لأني كنت جديدة هالجو و لسا ما متعودة على هز البدن:lol:)
انا بهز البدن:shock:
بالموضوع هاد بالتحديد كنت عم حاول هدي الشباب وما كنت طاحش على حدا .. حرام عليكي :cry:
بس انه متذكر أو لا ..صراحة عم احكي معك انا ممكن اتذكر كل كلمة انكتبت تعليقا على ردي واتذكر حتى الوقت اللي حطيت فيه كل مشاركة بالاخوية 0 صبح - ضهر - مسا ) بس ما بقدر اربط بين الرد اللي عم اقراه وبين الشخص اللي كاتبه
ما بيعلق بذهني من ردود وشخصيات غير الغريب من نوعه ( ايجابا وسلبا)
اشكري ربك تناقشنا بالموضوع هاد :o
بزمناتها في عضوة فاتت نكشت موضوع قديم :krimbow: عاد عمك ابو الطون فتح عليها النار بكل الاساليب المشروعة وغير المشروعة :zen::willi:
فتخيلي مدى الاحراج بعد شي شهرين وقت قالتلي انت كتير ئليل زوق لأنك عملك هيك فيني :lol:

سؤالي خفيف نضيف (كون الشباب فوق هلكوا النعمة شيتك:p) :
اي اي هلكوني :cry:

وين بتشوف حالك بعد 10 عشر سنين ؟ شغلك .. محل إقامتك .. وضعك المادي و العائلي
بشوف حالي عم اشتغل بمعمل هون بحلب بالمدينة الصناعية اللي عم تتعمر ( الشيخ نجار )
وضعي المادي متفائل كتير من شهادتي انها قادرة تأمنلي حياة مريحة كتير .
العائلي بعتقد اني رح كون عايش ببيتي الخاص مع عيلتي الخاصة;)

(حاسة حالي فاتحة تحقيق:lol:) .. اي و هيك يعني :oops: ...
سلامي :D
اهلا بجودي ( مين طلع المخابرات ;) )
ما قلتيلي التور دو فرانس بعدي من محل مانك ساكنة ولا هئ :lol:

و بتقلّـي انفتاح و أفـكار و تواصل مع الآخر و قراءه كتب هي اللي غيرتك ماهيك :sly::angel: ؟؟
لا هي مالها علاقة بهي
الغرق هاد ما صرله يوم أو يومين
من اسبوعين ختمنا السنة التالتة وبلشنا بالرابعة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابا طوني عليه السلام كيفك؟
اي شريك سؤال صغير
بعد 10 سنين

هاني شاكر وين بيكون؟
مريومة وين بتكون؟
ريمي وين بتكون؟.
كم اخ لطوني بيكون؟
ام طوني وين رح تاخدا شهر عسل؟
وين بيكون سلاح حزب الله
؟

سؤال تاني شو رايك باختصار ب
احداث ايران الاخيرة؟
7 ايار؟
الانتخابات اللبنانية ؟

حقوق الانسان شو موقعا عند غابي

سؤالي الاخير كيفك هاليومين؟

أبو انطون الزفت لسانك بدو تقليم

المهم بس في هيك بمذكرتي سؤال

مرة بهل زمنات كنت انت قاعد ع طاولة المنكر ومروق

اجاك تلفون من حضرتي يوميتا قلتلي كلمتين ما بعرف هية ع خوت طلعت معك ع سكر ع اللي هوي

قلتلي تعرف لك علاء انت 2 من 3 يلي بس حاكين بحس انو في اخوية

ف قلي مين الباقيين وليش هلأحساس بس مع هالأشخاص

وايمتا بدنا نحضر حفلة لملك القدود الحلبية وابعتلي جواب :lol:


:D

احلا ابو الطون :D

اهلا بالجالية الحلبية في فرنسا :o

ميرسي موسيو جيسكار :larg:


انا بهز البدن:shock:
بالموضوع هاد بالتحديد كنت عم حاول هدي الشباب وما كنت طاحش على حدا .. حرام عليكي :cry:

لك مو انته اللي بتهز البدن :lol: .. الأخد و العطا اللي صار بالموضوع هو اللي بيهز البدن و أنا كنت جديدة عالجو ...


اشكري ربك تناقشنا بالموضوع هاد :o
بزمناتها في عضوة فاتت نكشت موضوع قديم :krimbow: عاد عمك ابو الطون فتح عليها النار بكل الاساليب المشروعة وغير المشروعة :zen::willi:
فتخيلي مدى الاحراج بعد شي شهرين وقت قالتلي انت كتير ئليل زوق لأنك عملك هيك فيني :lol:

لأ إذا هيك فعلاً لازم أشكر ربي :o



اهلا بجودي ( مين طلع المخابرات ;) )

دخيـــــلك .. لا بدا مخابرات ولا هوا غربي
الله يديم الفيسبوك و رفقاتنا المشتركين غابي افندي ;)



ما قلتيلي التور دو فرانس بعدي من محل مانك ساكنة ولا هئ :lol:

يا سيدي ملا انته التور دو فرانس تبع البسكليتات عدا من شي 3 أسابيع مو بس من مدينتي و من حارتي كمان .. و المحافظة -الله يعز مقدارها- قطعت السير بكل الطرقات و الشوارع و الزوابيئ اللي بتوصلني على بيتي .. و صرت إذا بدي أصف السيارة بأقرب محل مسموح بدي 10 دقايق مشي .. سكوت يا زلمة سبيتون بسب يوميتا .. بس بالحلبي ما فهموا شي :lol:

ابا طوني عليه السلام كيفك؟


قاعد تحت المكيف فطبيعي كون مكيّف


اي شريك سؤال صغير
خود راحتك استكبر واستتقل .. بقولوا الجبس فوق الـ 12 كيلو بكون مضمون حلاوة لبّه :lol:

بعد 10 سنين

هاني شاكر وين بيكون؟
ليش انا بعرف هوي وين باللحظة هي
بيني وبينك ما بطيقه بالمرة وبزعل على اللي بحبوه

مريومة وين بتكون؟
ريمي وين بتكون؟.
انه ليش يعني مريومة وريمي :?
بكونوا بالمحل اللي هنن بيختاروه شبعرفني انا
لا يكون نظامي محسبني نبي وقاعد عم تختبر فيني :o

كم اخ لطوني بيكون؟
اكتر من اخين صعب كتير ( مو بس بلعشرة سنين عم احكي بشكل عام يعني )

ام طوني وين رح تاخدا شهر عسل؟
حسب الاوضاع المادية
بشي فندق بباريس .. عند أخواننا المصريين .. بشي شاليه بالشاطئ الازرق .. منختصر هلمرحلة هيك دغري :o
حسب الاوضاع المادية .. بس ام طونياه وبحسب ما هوي مرسوم بتحلم بباريس ( فهمانة مو بايدا :lol: )


وين بيكون سلاح حزب الله
؟
لبعد عشر سنين ما بعتقد رح يبقى وضع التوزع السياسي اللبناني متل ما هوي فما بتخيل رح نبقى عم نحكي بموضوع سلاح حزب الله .


سؤال تاني شو رايك باختصار ب
احداث ايران الاخيرة؟
لخبصة ومخلوطة نظامي ، عالم نازلة على الشارع عم اتطالب وبقوة بأشياء بالنسبة الي ما عم افهمها
انه بدها تأسقط نظام ولاية الفقيه ؟ بدها تعزله لنجاد عن السلطة ؟
القصة كلها شغلة فاضية بنظري وما منها نتيجة ورح تمر بتاريخنا مرور الكرام بلا ما تترك أي تغير أو أثر لا بتاريخ ايران ولا بتاريخ المنطقة .

7 ايار؟

يوم اسود بتاريخ الشارع اللبناني
الله ستر انه ما اتطورت الاحداث وما مشي الكل بنفس الطريق


الانتخابات اللبنانية ؟
:lol: تسالي :lol:

حقوق الانسان شو موقعا عند غابي
شي بيشبه الكتب المقدسة عند المتدينين

سؤالي الاخير كيفك هاليومين؟
لو ما كنت عم اخسر بدوري الباسكيت اللي مشارك فيه كنت قلتلك تحت الله بدرجة :lol:

أبو انطون الزفت لسانك بدو تقليم


زقت وتقليم :shock:
مين واسطتك انت ولاه حتى طالع علي بالعلالي هيك ؟:o



المهم بس في هيك بمذكرتي سؤال

مرة بهل زمنات كنت انت قاعد ع طاولة المنكر ومروق

اجاك تلفون من حضرتي يوميتا قلتلي كلمتين ما بعرف هية ع خوت طلعت معك ع سكر ع اللي هوي

قلتلي تعرف لك علاء انت 2 من 3 يلي بس حاكين بحس انو في اخوية

ف قلي مين الباقيين وليش هلأحساس بس مع هالأشخاص
في قاعدة عند الشباب انه وقت بكون واحد متقل بالحكي ما لازم يرجعوا يذكروه الصاحيين شو حكى :pos:

انه اي خيو مزبوط هلحكي ... الشخص التاني هوي مسيو هاني داغر ( فلتسقط لعنة ساعدو على جراباته لما ينضفوا معه بالمرة ويموت اختناقا من ريحة رجليه )
بس ليش ما بعرف بصراحة ليش ، يمكن وقت بديت ادخل بجو الاخوية خلطت معك ومع ابن الدواغر
اضافة انه ابن الدواغر عمل معي موقف بزمناته ما بنساله ياه بحياتي
بس انت والله ما بعرف ليش مع انك طول عمرك لئيم معي :lol:
بتتذكر سهرات رمضان من 3 سنين :o

وايمتا بدنا نحضر حفلة لملك القدود الحلبية وابعتلي جواب :lol:
يا طيرة طيري يا حمامة
نط على حلب ومنعملك احلى كاس لعيونك :deal:
بس بعرفك فاقوس ( بتفقس يعني ) وما خرجك شي :jakoush:


:D

احلا ابو الطون :D

على راسي ابو الزوز :D:D

دخيـــــلك .. لا بدا مخابرات ولا هوا غربي
الله يديم الفيسبوك و رفقاتنا المشتركين غابي افندي ;)



لك لا مافي فايس بوك بالموضوع
بزمناتك حطيتيله لمحسن غنية على الفور شيرد باسم جودي من وقتا ربطت الحنفيات ببعضا :lol:



يا سيدي ملا انته التور دو فرانس تبع البسكليتات عدا من شي 3 أسابيع مو بس من مدينتي و من حارتي كمان .. و المحافظة -الله يعز مقدارها- قطعت السير بكل الطرقات و الشوارع و الزوابيئ اللي بتوصلني على بيتي .. و صرت إذا بدي أصف السيارة بأقرب محل مسموح بدي 10 دقايق مشي .. سكوت يا زلمة سبيتون بسب يوميتا .. بس بالحلبي ما فهموا شي :lol:
يا ستي الوالد مدمن على شي اسمه تور دو فرانس
بينسى تواريخ ميلادنا وما بينسى تاريخ بداية أول مرحلة منه :o
الشباب امبارحة اليوم تفتلوا ببرشلونة
قلت لحالي اذا بدن يمرقوا من عندك طلعي هويلنا على التلفزيون :o

على راسي ام الجود :D

ابو طوني ...

اخيرا رقت و مخمخت مشان احط لك كم سؤال من ابو سارة ... بقا اعذرنا ع التأخير :lol:


اخوية اللي يجذبك فيها :

1. موقع يساري
2. موقع لاديني
3. موقع شامل للجميع
4. موقع حر
5. موقع لمثقفين معينين بالعالم العربي

ما أثر ----- على فكر ابو طوني
1. العائلة
2. الاصدقاء
3 الوسط الاجتماعي
4. المدرسة
5. الجامعة
6. سواق السرافيس :lol:


اذا في يوم من الايام غيرت قناعاتك 180 درجة .. هل رح تحاول تغير قناعات اولادك اللي فرضا تكونت على اثر قناعاتك الحالية


تفضل العمل الاكاديمي او العمل الصناعي ؟

سؤال مشابه بالمعنى بس شوي مختلف ..
تعتقد منو اكثر اهمية عمليا و بالشرق الأوسط.. الاساتذة أصحاب الشهادات العليا او العاملين بالمجال الصناعي ؟

ابو طوني نقدر نقول انت مشيت على دورة حياة اي شاب طموح .. حلم بتغيير العالم بعدين حلم يغير الاهل بعدين حلم انو ما يتغير شخصيا ...


تتمنى يرجع الزمن 10 سنين ... و متندم على شي ما عملتو ؟

اقلب الصفحة


Part II
الرسم القديم او الحديث ؟

الخيال العلمي او افلام اجتماعية

اكثر موسيقى غربية تحبها

اكثر موسيقى شرقية و احلى مطرب الك

تحب الطرب الا الغناء ؟

العزف ... او Vocal



ملاحظة .. الاجابة على كل الاسئلة على ان يكون السؤال العاشر من ضمنها

مع تمنياتي لكم بالنجاح :larg: