معناها بيطلعلك عنا سؤال تاني:larg:

اي اسأل :gem:

- شو نوع الموسيقى اللي بتحبي تسمعيها, عربي و انكليزي؟

كل شي رايق و ميوزك حلوه بسمعه .. بهمني الميوزك تكون حلوه أكتر من ما بهمني الكلمات او المعنى من الغنيه ..
مافي تيب معيـّن كتير بيستهويني .. كل شي حلو بسمعه .. و بسمع فيروز جدّا ً جزيلا ً :p

ومين مطربك/مطربتك المفضل/ة؟
كمان جاوبت عليه باسئله حسن

وهيك يعني سؤال عالماشي
هلا انتبهت انو غيرتي الصورة بالبروفايل, ليش؟

انت عم تراقبني كمان :o ؟
للصراحه و اذا انتبهت فانا غيرتها 3 مرات على التوالي .. لقيت صوره و حسيت انو حلوه تكون صورتي الرمزيه بهي الفتره بعدين بعد ما استخدمتها اكتشفت انو مش مكانها الانسب الصوره الرمزيه الا انو صار عندر رغبه بتغير صورتي الرمزيه و صار .. شو رأيك الجديده أحلى أو القديمه ؟؟


اي صحي
بما انك عايشة بامريكا
برايك هل كان خيار امريكا باسقاط قنبلة ذرية على هيروشيما وقنبلة ذرية على ناغاساكي لانهاء الحرب صحيح؟

هممممممم هاد السؤال دسم فبرجعله لاحقا ً


ديري بالك من عدي, عندو سوابق يعني خريج معتقلات اخوية:lol:
لعمش صحي راح عن بالي .. بكرا اذا اختفيت اتصلو بالـ 911 خبروهم عنـّّه و ورجوهم الأدله :cry:

انت عم تراقبني كمان :o ؟
للصراحه و اذا انتبهت فانا غيرتها 3 مرات على التوالي .. لقيت صوره و حسيت انو حلوه تكون صورتي الرمزيه بهي الفتره بعدين بعد ما استخدمتها اكتشفت انو مش مكانها الانسب الصوره الرمزيه الا انو صار عندر رغبه بتغير صورتي الرمزيه و صار .. شو رأيك الجديده أحلى أو القديمه ؟؟

:lol:
انو يعني رايي الصورة القديمة احلى شي كانت:oops:

لعمش صحي راح عن بالي .. بكرا اذا اختفيت اتصلو بالـ 911 خبروهم عنـّّه و ورجوهم الأدله ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////اي تكرمي هلا رح حاول استدرجو عالمسنجر بس يفوت و حطون كأدلة:larg:

صباحو شوشي ...:D.....

لح منبلش شويه تقلايه مو كتير ....

أخويه

اجلتي جوابك ع سؤال شو رأيك بالاعضاء ؟؟؟ ليش ؟؟ هل التاجيل له علاقه بخلافات معينه باخويه او لا ...

عجبني جواب الك هو انك لا تحكمي ع اي شخص او شي بدون أدله ..هل الشي هدا بينطبق باخويه .او لا ....

في ناس ما هضمتيها باخويه وناس صار خلاف بينك وبينها ..هل ممكن هدا الشي يكون تسرع بالحكم وع اي اساس عم تاخدي هل الشي ...

هل شوشي ..هي نفسها باخويه وبالواقع ..؟؟وشو الخلاف بينهما ...

انا كعضوه بشوف انه الطاقم الاداري مقسوم قسمين ؟؟؟شو رأيك ؟؟ وهل الخلاف ممكن ينحل او لازم تغير الطاقم بالكامل ....؟؟؟

في ناس بالطاقم الاداري مزودينها بطريقه التصرفات والتعاطي والاسلوب الغير لبق مع الاعضاء بطريقه امتلاك اخويه لهم ..هل بتأيدي هل الشي ولا لأ ؟؟؟ ومنهم من هو قريب لكي ..هل بتنصحيون ولا بتمشي ع اعتبار كل واحد مسؤول عن تصرفاته ..؟

في أعضاء بأخويه عم يشتغلو اكتر من الطاقم الاداري وعندي اسماء كتير ؟؟؟ هل شي عادل باساسيات اخويه ؟؟؟

منوعات

شو رأيك بأسماء الأسد ..كا مرأه اولا وسيده اولى بسوريه ..وهل استطاعت فعل تغيرات برأيك ولا لا ....

كونك بالغربه متلك متلي بتحسي انه انت بتمثلي المراه السوريه ولا بتمثلي شوشي فقط ...

سؤالي المعتاده للجميع ؟؟؟؟ ما رأيك بالمرأه السوريه وبماذا تتميز عن غيرها من نساء العربيات ..؟؟؟

المرأه المطلقه ؟؟؟ شو رأيك فيها ؟؟؟ وشو وضعها بمجتمعنا بمنظورك؟؟؟

زنوبيا شو بتعنيلك كونها من سوريه ؟؟ وهل غيرت مصير المرأه بمجتمعنا ؟؟؟وكيف ؟؟؟؟

شو بتتمني تكوني غير الي انت عليه الان وليش ؟؟؟؟

الحب وعلاقتك بالطرف الاخر كيف بتنظريلها ؟؟؟؟؟؟

انا مقتنعه انه لح تواجهي صعوبه بالعوده والتأقلم بسوريا ...هل بتايدي هل الشي ولا لأ ...

لهون وقف التفكير بس الي رجعه ها :p

صحي sun shine art ولا صوفي :lol:


ويسعدلي صباحك :D

صوفي اسألتك خيله ( هلق بلش القلي المظبوط شكله :p ) .. لكن انا عندي سؤال كوني ما كنت كتير متابعه المقلايه ببداياتها ..

قديش بقعد بالمقلايه ؟

كم سؤال معلش كل عضو يسألني ؟

قديش معي لجاوب ؟

مرحبا شوش..
انا كعادتي اسئلتي خفاف ونظاف وهكزا...

كيف شايفة هالمقلاية ؟.؟
وهل انتي حاسة حالك انقليتي منيح ولا لسى لازم نزيد الزيتات او نجيب شوية سمنة لحتى تستوي ؟؟

بس..:lol:

شام ..

" موقف " ..

اليأس / الاستسلام .. ليش / كيف منخلص منه .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


* (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

شوش ... :D

شو قدمتلك أخوية ؟

و الى اي مدى رح تحسي انو "خلص" و ما تكملي فيها ...

اذا بيوم من الايام كنتي بمقابلة فنية ممكن تذكري أخوية كعامل مؤثر فنيا ؟



كـَ مهندسة عمارة مستقبلية ..
شو رايك بفن العمارة السورية بشكل عام و تتخيلي متميزة عن باقي الشرق الاوسط ؟

تحبي التصميم يكون ابداع من افكارك بالكامل.. او تحبي التقيد بستايل معين او خطوط عريضة تمشي عليها (متناسبة مع العمارة بالمنطقة)

تتمني تصاميمك الحالية او المستقبلية ان تنجز في سوريا ؟



تحبي تروحي لحدائق عامة ... او تفضلي الريف بمكان انا و الهواء الطلق وحدي

شو اكتر مكان تحبيه ... بحيث تلجئي اذا حسيتي بالتعب

تحبي الجاز ... اذا اي الكلاسيك او الموديرن ؟



جينا ع الزيتون ... :lol:

ليش شجرة الزيتون بالشرق الاوسط الها وزن اكتر من غير اشجار .. و هل جو شيكاغو بناسب زراعة الزيتون ؟

ليش زيت الزيتون يقولو عليه صحي ...

هل ممكن الازمة العالمية تؤثر على وصول زيت الزيتون المتوسطي الى اميركا !



اكيد يـُتبع بالجزء الثاني و ربما الثالث :larg:




احلى وردة لاحلى شوش :akh:

صوفي اسألتك خيله ( هلق بلش القلي المظبوط شكله :p ) .. لكن انا عندي سؤال كوني ما كنت كتير متابعه المقلايه ببداياتها ..

قديش بقعد بالمقلايه ؟

كم سؤال معلش كل عضو يسألني ؟

قديش معي لجاوب ؟



ولك ايه لان انا خيله والفكره ع السكره طايره مشان هيك طلعو معي ...:o

هلىء حسب ما بعرف انه معك 5 ايام ....وكم سؤال مسموح للعضو يمكن 5 بس محدا عم يمشي ع القانون ;)

معك لتجاوبي ليل ونهار لحقي اذا بتلحقي

ويسعدو :D...اخر زمن عضوه عم تعلم اعضاء من الاداره ...نحن شعب عظيم ومناضل ..:p

صباحو شوشي ...:D.....

يسعد صباحك ..

لح منبلش شويه تقلايه مو كتير ....

نحن لها و أكتر :sly:

أخويه

اجلتي جوابك ع سؤال شو رأيك بالاعضاء ؟؟؟ ليش ؟؟ هل التاجيل له علاقه بخلافات معينه باخويه او لا ...

ههههههه !! انا من يومين بحديث ما قلت انو نحنا كأشخاص يعني و كمجموعات بنلجأ لأنو نعمل خلفيات دراميه للقصص و هاد دليل رقم 1 على هالشي ..
لاء انا أجلت سؤال الأعضاء لأنو أكتر شي بيستهلك وقت و هوّ اول سؤال و اذا بدي بلش عبكير باني جاوب عالاسئله التانيه لازم skip it و ارجعله لاحقا لأني مشغوله بمسابقة التصوير اضافه لانشغالات عائليه و فحوصات .. و بما انـّه تأجيل فسواء في خلافات او مافي خلافات ما رح يتغير شي برأي ;) ..


عجبني جواب الك هو انك لا تحكمي ع اي شخص او شي بدون أدله ..هل الشي هدا بينطبق باخويه .او لا ....

هالشي عام انا ما بعتقد اني حاكم الأشخاص بدون أدلّـه و لكن بكون عم ادعي المثاليه البحته ( و هي مش موجوده ) اذا بقول اني ما بكوّن فكره أولية عن الأشخاص و هالشي طبعا ً مش من قصـّه شعره او من نظاراته انما بناء على فعل و رد فعل و تصرفات بلاحظها..
أنا كتير بعتمد عاحساسي بالحياة و هوّ تقريبا ً ولا مرّه خانني لذلك بثق فيه كتير لكن بحاول ما اتعامل مع الناس عاساسه لألمس أدلـّه ما تخلي ضميري يكون مرتاح و هالشي بشخصيتي يعني بأخويه و عالبلكون و بالسياره و اذا بدّك كمان و انا ع اتشمس عالبحر :p و بكل مكان ..

في ناس ما هضمتيها باخويه وناس صار خلاف بينك وبينها ..هل ممكن هدا الشي يكون تسرع بالحكم وع اي اساس عم تاخدي هل الشي ...

همممم ,
في فرق بين انك ما تهضمي شخص و انو يصير خلاف بينك و بين شخص تاني ..

فكره انك تهضمي شخص او لاء فهي متل ما ذكرت فوق بترجع لاحساسك تجاهه ، لتصرفات شفتيها ، .. الخ و قد تكون اعتمادا ً على ادلّه انا لمستها و اكيد عندي اسبابي لحتى ما اهضم شخص (ما) و هالشي ما بشوفه تسرّع بالحكم على الناس .. الشخص اللي ذكرته صرله بأخويه قريب السنه و بعتقد فتره كافيه ليكون عندي خلالها اسبابي ..
لكن برأي اهم شي بالموضوع بالموضوع وقت ما بتهضمي شخص ( ما ) انك ما تستخدمي سلطاتك باتجاه غير مناسب و ما بعتقد اني عملت هالشي مع حدا لحد الآن ..

هلأ انو يصير في خلاق مع شخص تاني هاد موضوع منفرد .. و ما اعتقد انو الخلاف بينتج عن تسرع بالحكم :? .. الخلاف غالبا ً بينتج عن سوء بالفهم او سوء تواصل او احيانا ً بكون هيك نكوشه من تحت الأظافير ليصير مشكله و أحيانا بكون من الملل أحيانا ً من الشوب و أحيانا ً من البرد ( سبب كل علّه ) .. و مع ذلك فالخلاف مع شخص ما هوّ برأي أفضل وسيله لتكوني فكره عنه ..

هل شوشي ..هي نفسها باخويه وبالواقع ..؟؟وشو الخلاف بينهما ...

هلأ انا صعب جاوبك على هالسؤال كوني انا ما رح غيـّر شخصتي بأخويه عن خارجها لكن أكيد في فوارق حتى و ان كانت صغيره لكن انا مابعرفها او ما بلاحظها بس فيكي تسألي الأشخاص اللي التقو فيّ بالواقع حيقدرو اكتر يجاوبوكي من ما رح اقدر أنا

انا كعضوه بشوف انه الطاقم الاداري مقسوم قسمين ؟؟؟شو رأيك ؟؟ وهل الخلاف ممكن ينحل او لازم تغير الطاقم بالكامل ....؟؟؟

و أنا كاداريه بأخويه بشوف انو موقعي ما بيتضمن او يتطلّب مني الاجابه على اسئله تتعلّق بالاداره .. أنا هون كعضو عم ينقلى و بذلك ما رح بحكي عن الطاقم الاداري و الامور الادارة الداخلية :sly: ..

في ناس بالطاقم الاداري مزودينها بطريقه التصرفات والتعاطي والاسلوب الغير لبق مع الاعضاء بطريقه امتلاك اخويه لهم ..هل بتأيدي هل الشي ولا لأ ؟؟؟ ومنهم من هو قريب لكي ..هل بتنصحيون ولا بتمشي ع اعتبار كل واحد مسؤول عن تصرفاته ..؟

هون في كذا نقطه بدي جاوب عليهم ..

النقطه الأولى عن طريقه التصرف و التعاطي و ما اليه .. فأنا ذكرت بموضوع سابق انـّو مش دائما الطاقم الاشرافي كلّه بكون راضي عن تصرّف البعض و لكن برأي لازم يتم المحافظه على حد ادنى من الرباط الاداري و بذلك حتـّى لو الي اعتراضات فأنا ما رح بقلك ياها الك او مش رح بقولها بالصالون انما رح بطرحها بالمكان الصحيح لطرحها مع الشخص نفسه و مش مع أخويه كلها ..


النقطه التانيه فيما يخص الجمله اللي بالأحمر بتخليني اصفن شوي انو همممم .. حسب ما انابعرف فانا و انت ما صار تواصل خارج اخويه بيناتنا و أن ما بحكي كتير عن مين مقرب و مين لاء من الاداره حصرا ً .. طيب كيف عرفتي مين هني المقربين مني من الطاقم الاداري :sly: ؟
( بتمنى اسمع جوابك )


في أعضاء بأخويه عم يشتغلو اكتر من الطاقم الاداري وعندي اسماء كتير ؟؟؟ هل شي عادل باساسيات اخويه ؟؟؟

انا ما بشوف انـّو هالشي اله علاقه بالعدالة أصلا ً .. بمعنى آخر أنا ما قدرت شوف العدالة اللي انت عم تحكي عنها .. و ما شفت باب للمقارنة .. يعني متل اذا عم تقليلي في موظف مش عم يداوم و في مراجع عم يجي يمشي معاملات كل يوم .. اوكي منيح بس وين وجه المقارنة :? ؟

الطبيعي انو الأعضاء تكون فعالة ( أكتر من المشرفين ) بالأقسام اللي بتستهويها و الا لولا هيك ما كان في فائده من استمرار أخويه كموقع شبابي .. لأنو المشرف هو شخص او شخصين و الاعضاء هنن مجموعه و الطبيعي جدّا ً يكونو فعالين أكتر ..

و بهالصدد خليني اذكر انـّو انا بفتره الميلاد سافرت لعند اهلي و صرت فوت عشر دقايق باليومين تلاته امحي و احزف و رتب مواضيع فقط .. لا نشـّط ولا شارك ولا حتـّى اطلع كتير على اللي عم يصير اذا مانه مخالف .. لكن بهالفتره ضلت الأقسام اللي مستلمتها شغالة و ماشيه و تمام و كمثال كان في سوا ربينا و نعمة بالكاركتير بشكل شبه يومي و boozy عامله جو كتير حلو بالرسم و التصوير و أخد و عطى و ردود و قصص .. و لما رجعت من السفر لا هيّ ضاربت عليّ ولا أنا ضاربت عليها يعني القصـّه بين الأعضاء و المشرفين انا ما بشوفها قضيه " البقاء للأقوى " لهيك ما بقدر قارن بهالطريقة .. اللي بشوفه أنا هوّ علاقة كتير حلوه .. أشخاص بيجمعهم اهتمام ما مشترك بيتبادلو من خلاله كتير خبرات و تسالي ..

أمـّا اذا كنتي عم تقصدي بالعداله باساسيات أخويه هو انو هالأعضاء هي ( النشيطه أكتر من الطاقم الاداري ) لازم يستلمو مناصب اداريه عوضا ً عن الادارين اللي ما عم يشتغلو فأيضا ً ما بعتقد العداله الها دور هون كونه ليصير الشخص اداري في شروط غير النشاط المفروض تتوافر فيه ..


يتبع :yahoo:

منوعات شو رأيك بأسماء الأسد ..كا مرأه اولا وسيده اولى بسوريه ..وهل استطاعت فعل تغيرات برأيك ولا لا ....

أنا كتير بحب اللي عم تعمله بسوريا من أعمال خيريه و مشاركات و الجمعية الأخيرة للمعاقين و نشاطاتها .. كتير بيستهويني اللي عم تعمله .. لكن هل فعلا ً عملت تغير ؟ فلهلأ بعتقد لساتنا بالميل الأوّل لمشوار الألف ميل ..
ما بعتقد في شخص بيدخل لعند معاق او عاجز او او و ما بيعمل تغير لكن قديش هالتغير عم يمتد على ا ي نطاق و هيك فأنا ما عندي فكره كبيره لكن للي بعرفه تماما ً انو حاليا ً نشاطات اللي هي بتدعمها انشط بكتير من قبل و لهيك قلت بلش مشوار الألف ميل بس بعدنا بالخطوات الأولى ..

رأي فيها كأمراه فانا مابعرف .. هي صحي جارت بيت خالتي :lol: لكن ما كتير بشوفها يعني ما بتجي بتشرب عنـّا قهوه و هيك فبالتالي ما بقدر قيمها كأمرأه بمعزل عن انها زوجه الرئيس السوري .. و السيده الأولى بسوريا ..

كونك بالغربه متلك متلي بتحسي انه انت بتمثلي المراه السوريه ولا بتمثلي شوشي فقط ...

لكون صريحه معك فأنا ولا مرّه خطرلي اني انا بمثل المراه السورية او لاء و انا كشخص يعني ما كتير بتعاطى هي القصص .. يعني اذا انا ماني مرسل بشكل رسمي لمثّل دوله او مجموعه معينه فأنا بمثّل نفسي و انتمائي لهالجماعه لكن ما بقدر مثلها كلها اذا ما عندي شي موثـّق منهم بهالشي ..
و برأي من هون بيجي الستيريوتايبينغ ضد الجماعات او الدول انو بنحكم عليهم من خلال الفرد و ليس الكل ..


سؤالي المعتاده للجميع ؟؟؟؟ ما رأيك بالمرأه السوريه وبماذا تتميز عن غيرها من نساء العربيات ..؟؟؟

متل ما ذكرت سابقا ً انا صعب اعرف عمم او احكي بالمطلق رأي بالمرأه السوريه بالمطلق هيك بدون تحديد خانات معينه لرأي فأنو منيحه مابها شي :lol: .. بميزها عن غيرها انها سورية :gem: ..


المرأه المطلقه ؟؟؟ شو رأيك فيها ؟؟؟ وشو وضعها بمجتمعنا بمنظورك؟؟؟

شلون شو رأي فيها .. منيحه كمان ..
بالنسبه لشو وضعها فبعتقد كلياتنا بتنفق انو المجتمع بيظلم المرأه المطلقه بصورة كبيرة بحملها عبق أكبر من اللي هي بتستحقه .. بحاجه لكتير من المواجهه الصبر و القوّه لتتحمـّل ..


زنوبيا شو بتعنيلك كونها من سوريه ؟؟ وهل غيرت مصير المرأه بمجتمعنا ؟؟؟وكيف ؟؟؟؟

زنوبيا شغله كبيرة .. انا كتير بحبها بحب العنفوان اللي كان عندها و أكتر شي بيشدني فيها هي طريقة موتها .. انها تموت بكرامتها يعني قبل ما توصل لايد اعداءها و يعذبوها و يقتلوها هنن .. فعلا ً رائعه قصتها .. لكن يقال انها قتلت جوزها لتوصل للحكم :pos: ..

كيف يعني غيرت مصير المرأه بمجتمعنا ؟ اجى بعد زنوبيا كتير من الشعوب و الديانات و غيره و غيراته أثرت اكتر من زنوبيا بمصير المرأه اليوم .. فما بشوف لسـّا زنوبيا تاركه اثر كبير متل ما بيحكو بالتلفزيون لكنها اكيد تاركه اثر معيـّن ..


شو بتتمني تكوني غير الي انت عليه الان وليش ؟؟؟؟

ولا شي ..
يعني فيكي تقولي عنـّي شايفه حالي مثلا ً او مغروره .. لكن انا بشوفه قناعة .. يعني أنا ما بشوف انو في ولا شي واحد سواء بشخصيتي بظروفي بأصدقائي باهلي ولا أيّ شي واحد صغير بحاجه غيره لأحصل على قدر أكبر من الرضى او السعاده عن نفسي .. هيك أنا سعيده جدّا ً و راضيه عن كل شي .. (( في خمسه كيلو بدّي نزلهم من هون لآخر الصيفيه فبركي هدول بيمشي حالهم كجواب :lol: )) لكنهم مش رح يخلوني اسعد او اكثر رضى عن نفسي من ما انا عليه حاليا ً ..

الحب وعلاقتك بالطرف الاخر كيف بتنظريلها ؟؟؟؟؟؟

همممممممم :oops: ..

ما فهمت كيف يعني كيف بنظرلها ما فهمت تماما ً لكن رح حاول جاوب قدر الامكان ..

الحب هو الشي اللي بخليكي ترتفعي عن الأرض شي درجتين تلاته .. الناس صرلها سنين عم تحاول تلاقي تعريف للحب و ما عم تلاقي و انا هون اكيد مش رح لاقي لكن بقدر استخدم وصف للحب بالاستعانه بموضوع الحب بنظر الأطفال :

عندما يحبك شخص ما ..
فإنك تشعر بأنه ينطق اسمك بشكل مختلف عن ما ينطقه بقية الناس..
انك تشعر بأن اسمك بأمان في فمه :sosweet:

+

هو عندما تخبر شابا بأنك معجب بقميصه
فيقوم بارتداء نفس القميص كل يوم لأجلك:hart::hart:
هلأ عن علاقتي انا بالطرف الآخر فما بعرف كيف بدي اوصفلك ياها أكتر من هيك :oops: ..


انا مقتنعه انه لح تواجهي صعوبه بالعوده والتأقلم بسوريا ...هل بتايدي هل الشي ولا لأ ...

لو ما رح واجه صعوبه فما كنت قلقت من هالناحيه :o

لهون وقف التفكير بس الي رجعه ها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بانتظارك

صحي sun shine art ولا صوفي

sun shine

مرحبا شوش..
انا كعادتي اسئلتي خفاف ونظاف وهكزا...

أهلا بهالطله أهلا :ss:

كيف شايفة هالمقلاية ؟.

هممم , ماشي حالها مبدئيا ً

وهل انتي حاسة حالك انقليتي منيح ولا لسى لازم نزيد الزيتات او نجيب شوية سمنة لحتى تستوي ؟؟

انو ما استويت لسـّا لكن يبدو عم استوي عنار هاديه :lol:

شام ..

:sosweet:

" موقف " ..

اليأس

اليأس همم , أنا اجمالا ً انسان متفائل بالحياة .. و بحس هي هدية الهيه اذا بدّك .. دائما ً بقدر ضلني عم اطلع على النص المليان من الكاسه حتـّى و كان عبارة عن نقطه واحده لذلك ما بتذكر حالات كتير بحياتي وصلت لليأس .. لكن وقت شخص قريب منـّي بيحكي عن اليأس و ما بقدر أعطيهم دفع او ما بقدر خليهم يآمنوا بنقطه المي البقيانه بحس بخيبه الأمل يمكن ..


الاستسلام

في مقوله بتقول أنـّو أسهل شي ممكن الواحد يعمله بالحياة هو الاستسلام .. الاستسلام سهل و بكتير احيان بنآمن بانـّو رح يسعدنا و رح يخلصنا من المشكله او الموقف اللي احنا فيه لكن هو على العكس غالبا ً ..
لكن انا ما بشوف الاستسلام ضعف .. انما بشوفه تعب .. لتوصل لانك تتخلى عن شي صرلك فتره ماسك فيه فانت اكيد تعبان او مرهق .. لكن الا ستسلام بيتم بلحظه و لتتخلّص منـّه بحاجه لانك تتغلّب على هي اللحظة .. لأنو بس مرت انت بآمان . .


يمان اشتقنالك :D

شوش ... :D

أهلا أهلا ابو سارة :D

شو قدمتلك أخوية ؟

أخويه قدمتلي كتير .. ساعدتني كتير بأنـّي نمـّي أفكاري و اعرف شو بدي اكتر من الحياه .. ثقافيا ً ساعدتني أيضا ً ..
قدمتلي صداقات و ناس أغلى عندي من كتير ناس بعرفهم على أرض الواقع :hart: ..
أخويه قدمتلي كمان وعي لبعض الأمور المتعلقة بسوريا
بالنتيجه لاقدر اعرف جاوب على هيك سؤال بسأل حالي هل حياتي بدون وجود أخويه كانت رح بتكون ماشيه بالشكل اللي هي حاليا ً ماشيه عليه ؟ و الجواب بيجي لاء كبيرة و بشكل كبير لذلك في فضل كتير لأخويه عشوش ..
و متل ما قال ابو طوني انـّو هوّ تغيـّر من خلال قراءه افكار الآخر و التواصل وهالقصص فأنا أيضا ً بحس انو من عطتني فرصة أكتشف اشيا كتير بالحياة من خلال ناس بعضهم وهمي بالنسبه لي كونه مافي ادنى نوع من التواصل او حتّى مابعرف اسماءهم .. لذلك وقت بيجي شخص و بيقلك المشرفين و الاعضاء و ما اليه .. انا بحس بستفيد من الأعضاء اكتر من ما بستفيد من المشرفين و هالشي حتّى قبل ما فوت بالاداره ..

و من يومين بس كنت بصدد ذكر أنـّو أخويه بالسنه الأخيره قدمتلي خبرة التعامل بنقدر نسميها خبرة زجاجية - مابعرف ليش هيك طلع معي اسمها :p - .. يعني انـّك تقدر تتعامل مع ناس مناح كتير و ناس سيئين و ناس وسط و ناس صادقه و ناس عارف انت بأثناء حديثك معها انها مش صادقه و ناس آآآه و ناس ( الحقوق محفوظه للوسوف )

بس بالمقابل أخوية أخدت مني ، شي بسيط لا يقدر باللي قدمتلي لكن يبقى وقت و جهد و تسالي ..

و الى اي مدى رح تحسي انو "خلص" و ما تكملي فيها ...

همممممممممممممم ..

يمكن أكتر شي مناسب قوله اليوم هو اني بقول خلص و ما كمـّل وقت بحس بطـّل في هدف او بطل الهدف عم يعمل تأثير .. لكن الأيام ممكن تفاجأنا كتير على الطريق :D ..


اذا بيوم من الايام كنتي بمقابلة فنية ممكن تذكري أخوية كعامل مؤثر فنيا ؟

هاد اكتر سؤال حبيته بكل مقلاياتي لحد اليوم :lol: ..

اكيد ممكن ، أخوية شـجعتني كتير لاطلع كتير على فنانين و اساليب فنية و غيره .. ساعدتني كتير ( فنيا ً ) و بكون فخورة أنـّي اذا بيوم من الايام صرت معروفة فنيـّا ً اني اذكرها ..


كـَ مهندسة عمارة مستقبلية ..

احم احم :larg:

شو رايك بفن العمارة السورية بشكل عام و تتخيلي متميزة عن باقي الشرق الاوسط ؟

للصراحه العماره السورية القديمه ( ايام الاتراك و من ثمّ الفرنساوين ) كانت متميزه أكتر بكتير كان الها طابع مميز (( مستورد بعض الشيئ لكنه ذو هويه أكتر من اليوم )) .. العمارة السورية اليوم هي عباره عن تقليد نوعا ً ما للعمارة بالخارج و مافي شي بميزها يعني ما بتقدر تقول انـّو تشوف فكره و تعرف انو هي سوريـّه لأنو مافي هوية محدده الها مجرّد كوبي عن العمارة بالخارج .. و يمكن بهالوقت اللي صار فيه العالم قريه صغيره فصار أصعب تتقيـّد بهويه محددة كلو عم يصير موحد ..

تحبي التصميم يكون ابداع من افكارك بالكامل.. او تحبي التقيد بستايل معين او خطوط عريضة تمشي عليها (متناسبة مع العمارة بالمنطقة)

انو متل ما ذكرت اني كتير بحب اعتمد على حالي .. و بذلك بحب افكاري تكون ابداع كامل من بنات افكاري .. ممكن اطلب دعم استشارة أو اطرح افكاري و شوف كيف يتلقاها الناس لكن ما كتير بحب التقيد او التماشي مع السوق فقط ..

تتمني تصاميمك الحالية او المستقبلية ان تنجز في سوريا ؟

يا ريت ..
حاليا ً مافي تصاميم لسـّا ، في تصاميم مسرحيّة لمسرحيات :p لكن مافي تصاميم مشاريع بعد .. انما انا بتمنى ثمّ اتمنى ثمّ اتمنى اقدر انجز بسوريا ولو عامود صغير .. و هاد سبب كتير كبير أثر باختياري للعمارة كمهنه ..
انـّو تقدر تترك مش بس لوحه مش بس صوره مش انما بناء او شارع ببلد رح يمر فيه بعدي مئات لا بل الوف من الناس .. يمكن انا لوقتها ما كون عايشه لكن في شي مني رح يضل عايش بهالمكان و بتمنى اقدر اترك شي مني بسوريا ..

تحبي تروحي لحدائق عامة ... او تفضلي الريف بمكان انا و الهواء الطلق وحدي

بين هالخيارين بفضل الريف .. للصراحة أنا مش زايره الريف كتير بعمري لكن بتذكر في برامج اطفال كان اسمه هايدي تفرجت عليه و انا و صغيرة و بتذكر انـّو في غرفه صغيره بتشبه السقيفه فوق فوق الشي بالبيت بتكون و فيها شباك صغير بطل على سهل واااااااسع من الخضار .. و في شب بتلعب هايدي معه كل يوم و هيك بيستهضمو بعض :oops: .. فأنا وقت بذكر الريف براسي بذكر هالمشهد هاد و أكيد بفضله عن الحدائق العامة ..
أيضا ً في مسلسل اسمه ضيعه ضايعه .. فهالضيعه اللي مصورين فيها مش بس بفضل زورها لا كمان ما عندي مانع عيش فيها :? ..

الّا اني بطبيعه الحال بحب السيتي ( المدينه ) العاصمه العجقه وين كل المراكز الثقافيه و الفعاليات و النشاطات تتجمـّع ..


شو اكتر مكان تحبيه ... بحيث تلجئي اذا حسيتي بالتعب

بذكر بمجمع الرمال الذهبيه بطرطوس كان في بآآآآآآخر الشط صخره كبيره الموج بيضرب عليها و لكن ما بغطيها .. كنت كل يوم حب روح اتأمـّل هنيك شي سـاعه .. و كل ما عصـّب او أزعل اطلع عليها .. حاليا ً على ما سمعت انـّو شالوها و قررو يعملو محلها مطعم بعدين تخانقوا الشركاء اللي حاطين ايدهم بالمشروع و العوض عالله :( ..
حاليا ً اليوم مافي مكان بلجأله كتير دون عن غيره نظرا ً لانو ما عندي وقت كتير انما احيانا ً اذا صار وقت بهرب لزاويه صغيره محتلتها بمكان اسمه caribou coffee هو عبارة عن محل قهوه صغير و فيه موقده نار و دافي كتير .. بناءه بيعجبني ( خشبي ) و من داخله مريح جدّا ً و الاضاءه فيه بتعجبني ( بعض انواع الاضاءه بتعملي وجع راس :pos: ) بس قهوته ما كتير طيبه :cry:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



تحبي الجاز ... اذا اي الكلاسيك او الموديرن ؟

الكلاسيك :gem:


جينا ع الزيتون ... :lol:

بتعرف يا زيد انا بفكري نعمل انا و انت مضاربة على البطاطا تبع ياسين و نبلّش باعلانات الزيتون و اكتساح العالم 8) ..

ليش شجرة الزيتون بالشرق الاوسط الها وزن اكتر من غير اشجار .. و هل جو شيكاغو بناسب زراعة الزيتون ؟

الزيتون هوّ أهم شجرة زرعت بالتاريخ .. عد مميزاتها :


سهله التسلّق
صعب حدا يكتشف انك سرقت منها زيتوناية :lol:
العالم مش رح تسرق زيتون اساسا ً نظرا ً لمرارته و صغر حجمه و الي بده يسرق بكون مستعجل و مش رح يبحبش عالزيتوناية بين الاوراق ..
تعمل على مكافحة البطالة حيث انو بمواسم الزيتون دائما ً بيحطو وظائف شاغره لقطف الزيتون

الها عدّه اشكال و ألوان
مذكوره بالقرآن الكريم

رخيص نسبيا ً و يصلح فطور و غدا و عشا
اذا اجا جدّك زياره لعندكم عالبيت مش رح يطلع بأطرميز الزيتون نظرا ً لأنو بدله سنانه ما بتساعده

أنا بحب الزيتون :o ..
امـّا اذا كان مناخ شيكاغو مناسب لزراعه الزيتون او لاء فالزيتون بدّه برد على ما اذكر و نحنا بشيكاغو بنزين البرد بالكيلو :gem: ..

ليش زيت الزيتون يقولو عليه صحي ...

اشاعات :lol:

هل ممكن الازمة العالمية تؤثر على وصول زيت الزيتون المتوسطي الى اميركا !

لاء الزيتون عبر التاريخ قدر يتصدى لجميع الا زمات العالمية و من المعروف انو الجيش الاميركي بالحرب العالميه التانيه كان يتغذى على الزيتون

اكيد يـُتبع بالجزء الثاني و ربما الثالث :larg:

بانتــــــظار المزيد من زيد :lol:


احلى وردة لاحلى شوش :akh:


و وردة لأحلى ابو سارة :akh:

هل شوش طفلي كبيري؟

هل بتشعري انك فقدتي مرحلي من طفولتك ونضجتي مبكرا؟؟

بالغربي الأميركية.. هل شعرتي يوما بتمييز من اي شكل نتيجة لانتمائك الوطني أو الديني؟؟

الشعب الاميركي شعب جاهل لما يحصل خارج حدود بلدو..هل لمستي هيك شي؟

كتير بسمع عن وضع المدارس الاميركية المتدهور.. مقارنة بمدارسنا..بيضل متدهور؟

اديش بتشوفي انو الاعلام الاميركي بيعكس واقع المجتمع؟؟

شو هي اكتر عادي واجهتي صعوبي بتغييرها عند انتقالك لاميركا؟

ضمن المجتمع السوري قليلي العائلات يلي بتسمح بسهولي لبناتها يدرسوا بالخارج وحدهن..
هلئ انتي حمصية فهالشي ساعدك اكيد..لكن هل كان في اعتراضات؟ وهل واجهتي مشاكل بهالخصوص؟

كيف تعرفتي عأخوية؟وهل كنتي متوقعة لما سجلتي تشكل اخوية جزء من تكوينك؟

علاقة ذا مورنينغ مع الفن كيف بتوصفيها؟

هل بتشعر ذا مورنينغ انو قسمها عم بينال التقدير والمتابعة اللي بيستحقا؟

وكيف بتشوفي مستوى اعضاء اخوية الفني؟

الاقبال عمسابقة الرسم فاجأك؟وليش؟

واديش برأيك لعب جيمي دور بهالاقبال كأول متسابق:p؟

ذا مورنينغ كيفك مع الله؟

كيفك مع سعدو؟

بشوف موقفك من السعدوية حيادي..طيب شو موقفك منا؟

اخوية صبية عانت كتير ولسا عم تعاني..بتوافقي عهالشي وليش؟

"الانترنيت مجتمع بديل".. في اشخاص بأمنوا بامكانية التعارف وانشاء الصداقات وحتى الحب على الانترنيت..
وفي اشخاص بترفض الفكرة من حيث المبدأ..شو رأيك بكل نوع؟


حاجتك هلئ:lol:..

Jimy



هل شوش طفلي كبيري؟
نوعا ً ما .. بتذكّـر لم كنت صغيره كان براسي انو انا بكبر لما بصير فيّ قطّف من شجره الليمون اللي عنـّا بالجنينه (( بسوريا )) بدون ما وقف عالكرسي .. هيك كانت فكرة اني صير كبيرة براسي .. و أنا لليوم ما بوصـّل قطف منها بدون كرسي أو سلـم :lol: ..
و حسب نظريتي ( الشوشيه البحته ) انو كلياتنا اطفال لكن بس نكبر بنحاول نخبي هالشي .. انا ما بحب خبيه .. و فيك تاخد كمثال على هالشي البكي .. كطفل البكي فعل اساسي من الفعاليات اليوميه و عادي كول بتبكي باريحيه .. بس تكبر بتضلك تبكي بس بتصير بدك تخبي هالموضوع لأنو انت ما بدك تعترف بانو مازال في طفل جواتك ..
غالبا ً الطفل اللي جواتك او جوات الناس يعني بيظهر بالفترة الأولى للأبوه او الامومه يعني بصير في اريحيه اكتر انك تتشارك مع طفلك بطفولته و تحط طفولته على طفولتك و هيك ..
أنا , هاوايفر , بشتغل مع الأطفال و يمكن هالشي بساعدني عبّر عن الطفل اللي جواتي بسهوله أكبر ..

هل بتشعري انك فقدتي مرحلي من طفولتك ونضجتي مبكرا؟؟

ليش حاسستك جارنا بالحارة :p ..
أي نضجت بكير ( نسبيا ً ) لكن ما بحس انو راح شي من طفولتي بسياق هالنضج .. عشتها متل ما بحب عيشها بس دائما ً كانو يقلولي اكبر من عمرك و واعيه و خمسه و خميسة .. الشي الوحيد اللي كنت لاقي صعوبة فيه ( و بعدني احيانا ً ) اني لاقي اهتمامات مشتركه بيني و بين رفقاتي او خلينا نقول الكلاس ميت تبعوني .. هالشي كان يخلي الكل يفكر اني شايفة حالي عليهم و تسالي :lol: .. انو كنت حسهم سخيفين بكتير اشياء بس احيانا ً جاريهم و بأغلب الأحيان يصير عندي رفقات اكبر من عمري من صفوف تانية هنن كمان يصير بدهم يعلمو عليّ فهمانين فتصير اغلب علاقاتي سطحية مع الفئتين العمريتين ( هالحكي من بداية دخولي عالمدرسه يعني منذ الخطوات الأولى باتجاه المستقبل ) ..أي و هيك ..

بالغربي الأميركية.. هل شعرتي يوما بتمييز من اي شكل نتيجة لانتمائك الوطني أو الديني؟؟

ذكرت حادثتين بتذكرهم بالمنبر بموضوع التميز العنصري .. غير هيك ما كتير واجهت مشاكل يمكن لأنو ما كتير ببيـّن على لاكسنت تبعي اني عربية و شكلي ( و حديثي ) بعيدين نسبيا ً عن الأديان ..

و هي ردي بالموضوع :

أوّل مرّه كانت بتعرض فيها لتميز عنصري بمطار شيكاغو .. كنت مسافره عسوريا أوّل زياره بعد حوالي سنه من اقامتي هون و نازله بجواز سوري .. و بناء على انو جوازي سوري انختمت بطاقتي بختم غير الختم اللي عم ينختمو فيه باقي البطاقات و رحت على نقطه تفتيش مختلفه متل ما قال ياس ايضا فكو اللاب توب تبعي و جزمتي حطوها بجهاز غريب عجيب :lol: و دخلت عغرفه فتشتني فيها وحده متل ما بفتشو المجرمين بانها تتحسس جسمي من فوق لتحت ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// .. و نكتولي اغراضي فوقاني تحتاني .. و آخر شي لما قلي الشخص اللي رجعلي جزمتي انو صار فيكي تروحي .. حسيت انو ما عاد بدي روح .. أنـّو اغراضي منكوتين و كل هالبهدله هي لأنو الواحد رايح سياحه ..
و هالحادثه تتكرر كل مرّه بسافر فيها بجواز سوري من اميركا ..

المرّه التانيه اللي حسيت فيها بالتميز ضد الدين كانت من فتره شي كم شهر فقط .. و من وحده صديقتي .. عندي صديقه كانت عايشه بالباكستان بصغرها و هيّ مسيحيه لكن كانو بالمدرسه يضربوها عايديها مشان تقرا قرآن و تصلي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// !! طبعا ً هالشي حسب ما بتقول .. و بذلك هي عندها نوع من التعصب ضد الأسلام - اذا صح التعبير - و اللي صار انو من فتره بشغلي ( أنا بشتغل مع الأطفال ) خبرت هي الصديقه أحدى الاطفال بالشغل انو شوش مسلمة .. فالبنوته بعفويه و اللي بتعرفه و بتسمعه عن الأسلام جاوبت : يعني ما قرّب عليها؟؟ بتموتني ؟؟ في خطر من اني العب معها ؟؟

فعليا ً هالحكي ممنوع و بامكاني اعمللها مشكله لرفيقتي بالشغل لكن كونه في صداقه بيناتنا ما ريبورتيد ايت ..

غير هيك ما بتذكر .. أكيد بكون صاير مواقف متفرقه بس غير هالحادثتين ما بذكر شي علقان براسي حول التميز العنصري ضدي شخصيا ً ..


الشعب الاميركي شعب جاهل لما يحصل خارج حدود بلدو..هل لمستي هيك شي؟

اي و للأسـف .. هنن شعب صادق جدّا ً لذلك بفكروا كل الناس متلهم و كل شي بيسمعوه بالتلفزيون صح و اقليه جدّا ً قليله من الناس بأميركا متطلعه على ما يحصل خارج حدود اميركا .. حتى داخل حدود اميركا ما كتير الناس بهمها كتير غير انها تكون منيحه و تاكل و تشرب و ولادها حدها و مافي حدا خطفهم او ازاهم ..
الاعلام هو المحرك رقم 1 للشعب الاميركي و الحصار الاعلامي اللي فارضته أميركا على شعبها يعتبر السبب الأوّل اللي ما بخلي الاميركي يعرف شو عم يصير بالدني ..

كتير بسمع عن وضع المدارس الاميركية المتدهور.. مقارنة بمدارسنا..بيضل متدهور؟

متدهور كيف :shock: ؟ أنا شخصيا ً بفضل مدرستي بسوريا على مدرستي هون ( هاي سكول عم نحكي ) .. صحي هون تسالي و نشاطات و رياضه و مسرح و رسم و موسيقى و تنميه مواهب و قصص لكن بسوريا هيك خوش بوش اكتر .. هاد عن تفضيلي انا لوحده منهم ..
فيما يخص التعليم فهون أسهل و بتستفيد و بتجرّب و بتتعلّم بالنتيجه أكتر .. و احلى شي البكلوريا او ما يشبه البكلوريا عندهم ياه بصف الحادي عشر و بترجع بتداوم على الثالث عشر عادي و كول بعدين بتروح عالجامعه ..
عن الوضع المتدهور فما فهمت كيف متدهور يعني ؟؟
هلأ بدي استأذن منـّك مستر جيمي لأنو دقت الساعه 12:01 ظهرا ً و بتعرف سندريلا الدرس صار لازم تركض كرمال يلحقها الأمير و يجبلها علامات بماده الاثنين ..

ف يتبع وقت بلاقي الأمير كندرتي المرصعه بالألماظ :lol:

أنو مرحبا شوش :D

أنا أسألتي بالغالب شخصية :larg:

لساك بتفتحي اخوية الساعة 6 الصبح بتوقيت الشام :p

وليش تخانقنا أنا وياكي اخر مرة:frown:

مواصفات فارس احلامك

واحكيلنا عن نشأتك بسوريا . ذكرياتك . مدرستك . حارتك . رفقاتك . أي شي بتتذكريه وبيعنيلك

قديش صرلك بأميركا . وشو ناوية للمستقبل

شو بتعنيلك الشام متل مابيصوروها بالمسلسلات القديمة

مدونتك رائعة . لو خيروكي لما بتفتحي نت بينها وبين أخوية . وأنو مافيكي غير موقع واحد شو بتختاري ؟

مين اكتر عضو بأخوية بتحسيه انو واعي جدا . بس مستحيل تتفقي معو بالأراء ؟

واذا بدي ارجع اسألك مرة تانية . بتخليني ولا ممنوع :pos:

باي :D

الاقبال عمسابقة الرسم فاجأك؟وليش؟

*خطأ مطبعي هون:p.. مسابقة التصوير..

وسنرجع يوما..



عالأغلب بكرا:gem:..

اديش بتشوفي انو الاعلام الاميركي بيعكس واقع المجتمع؟؟

الاعلام الاميركي هو بنقدر نعتبره الحلقه الأضعف بايد الشعب .. و الحلقة الاقوى بايد الحكومة .. و بعتقد هي الديكتاتوريه الذكية .. انك تخلي الشعب يعمل اللي الحكومة بدها ياه بدون شوشرة بدون ما يحس حاله مضغوط من قبلها .. هيك تسالي ..

شو هي اكتر عادي واجهتي صعوبي بتغييرها عند انتقالك لاميركا؟

سماع فيروز الصبح بالراديو يمكن و نظام المدارس .. صراحة ما بتذكر هلأ لما برجع بفكر لورا بحس انو كل شي صار فجأه و بسرعة و ما لحقت حتّى واجه صعوبات :lol:

ضمن المجتمع السوري قليلي العائلات يلي بتسمح بسهولي لبناتها يدرسوا بالخارج وحدهن..
هلئ انتي حمصية فهالشي ساعدك اكيد..لكن هل كان في اعتراضات؟ وهل واجهتي مشاكل بهالخصوص؟

للصراحة أنا عيلتي اوبن مايند:larg:بس أنا ما اجيت لحالي لهون عاميركا .. الوالد كان هون و اجيت انا و اخي .. اضافه لأنو كل العيلة الكريمه من عموم و عمات كانو هون مع عيلهم .. لكن المشكلة بلشت وقت اجيت لهون و كل ما بدي قول للمشوار الو .. لازم اخي و ابي و عمي وولاد الجيران كلهم يجوا معي :frown: .. بعدين شوي شوي بلش يمشي الحال و هلأ كنـّا عم نحضّر لانو ننتقل عالسكن الجامعي لحالي عغير منطقة لكن كونه طلع غالي جدا جدا جزيلا ً فتغير المشروع ..


كيف تعرفتي عأخوية؟وهل كنتي متوقعة لما سجلتي تشكل اخوية جزء من تكوينك؟

كتبت كذا مرّه كيف تعرفت عاخويه .. عن طريق الصدفه كانت مسيفة على فلوبي ( ايام الفلوبيز :lol: ) اوّل ما زادوا مساحه الهوت ميل كان في شخص بعرفه بكفي نت عاطيني ياه للفلوبي لاتعلّم كيف بزيد مساحه الهوت ميل تبعي .. فبالبيت عم اتصفـّح و جرّب و بتطلع معي اخويه .. ضليت اتصفحها سنتين قبل ما سجّل فيها .. لكن تصفح خفيف (( صالون ، عالطاير ، .. الخ )) هيك مواضيع خفيفة نضيفة ما بتوجع الراس كتير .. هالحكي بتقريبا تموز 2003 أو 2004 ما بتذكر تماما ً بعدها حاولت سجّل مرّه بعد ما انتقلت لهون و لكن كان مسكر باب التسجيل و انا ما اعرف شو عم يصير و فكر حالي عم خبص بشي شغله :jakoush: بعدين مرّه مدري كيف هيك سجلت و مشي الحال و يا للفرحة و صار الي صار ..
الشق التاني من السؤال .. فلاء صراحة ما كنت متوقعه لكن كنت حس انو في شي غريب بهالمكان ( اذا اعتبرناه مكان ) .. و بتعرف انت كمالة القصـّه


علاقة ذا مورنينغ مع الفن كيف بتوصفيها؟

فنيـّة ;-)

هل بتشعر ذا مورنينغ انو قسمها عم بينال التقدير والمتابعة اللي بيستحقا؟

صراحة لاء :lol: .. بيجي اوقات بحس انو مافي غير حديدان ( أنا ) بالميدان .. لكن متل ما ذكرت سابقا ً ما بلوم الناس كتير .. نحنا ما كتير لسـّا متعودين عالفن المرأي ( الرسم و التصوير و النحت ) فما فيّ اطلب من الناس انو يصير عندها اهتمامات بشي نحنا كمجتمع ما كتير يعني متعودين عليه .. لكن هالشي بيحسسني انو لازم ساهم بانو خلي الناس تعرف و ت حب و تشارك و في ناس بتشارك بالقسم اليوم ما كانت تفوت عليه زمان و هالشي بخليني حس بالفخر :) ..
فيما يخص الكاركتير .. بحس الناس فهمانه الكاركتير غلط يعني انو لازم اي شي يضحك كاركتير و تسالي .. بس بشكل عام انا راضيه جدّا ً عن الاقسام اللي مستلمتها و عن كل اللي فيها ..


وكيف بتشوفي مستوى اعضاء اخوية الفني؟

بعتقد ذكرت هالشي بالرد السابق .. :gem:

الاقبال عمسابقة التصوير فاجأك؟وليش؟

فعلا ً فاجأني جدّا ً كنت خايفة ما حدا يشارك .. نظرا ً لانو تاريخ المسابقات بأخويه بعد مسابقة حسام ملحم ما كتير كان مشجع ليخليني اتوقع المشاركة الواسعه للي صارت .. اضافه لانو خفت ما كتير الناس تفهم فكرة المسابقة .. أو تخاف تشارك .. أو تقلل مروه و ما تشارك .. كتير اشيا خطرت عبالي ايام المسابقة لكن كان عندي شويه أمـل و شويه شغل عالمسابقة و صار اللي شفناه ..
لليوم و بعد تسكير المسابقة بقريب الـ 15 يوم نزل مشاركات :gem:( متأخره طبعا ً لكن بتدعوا للسعاده )و هون و من منبري هذا بدي اعيد الشكر لكل مين شارك و بعتذر من الناس اللي ما وصلت صورهم للترشيحات لكن بأكد انو أغلب الصور ترشحت من احد اعضاء اللجنة لكن كان الافضليه للمرشحين الاغلبية ..
و نشكر لجنه التحكيم و ميرسي لالله اللي جمعنا :hart:

واديش برأيك لعب جيمي دور بهالاقبال كأول متسابق:p؟

هاهاهاها .. لعب بالاربعه :p

ذا مورنينغ كيفك مع الله؟

شغلة :yahoo: ..
يعني انا بيربطني بالله علاقة كتير حلوه .. بعيدا ً عن الأديان و هالقصص .. الله انضف كتير من اللعب اللي عم يصير بالاديان .. لذلك فينا نقول علاقتي بالله جيده و بالاديان سيئه جدا ً .. " لا تقل الله في قلبي بل قل انا في قلب الله " جبران خليل جبران

كيفك مع سعدو؟

كنت اهضم الفكره أكتر ببداياتها :D

بشوف موقفك من السعدوية حيادي..طيب شو موقفك منا؟

حيادي ;)

اخوية صبية عانت كتير ولسا عم تعاني..بتوافقي عهالشي وليش؟

بوافق وبشدّه ..

"الانترنيت مجتمع بديل".. في اشخاص بأمنوا بامكانية التعارف وانشاء الصداقات وحتى الحب على الانترنيت..
وفي اشخاص بترفض الفكرة من حيث المبدأ..شو رأيك بكل نوع؟

هلأ هاد السؤال بدّه صفنة .. و بعد الصفنه خلينا نتفق على شغله :

الانترنت لا يمكن يكون بديل عن الواقع ، الواقع لا يمكن يكون بديل عن النت ..

يعني متل دائما ً الغرب بيخترع صابونه يتحمم فيها و نحنا العرب بنجيبها و بنتزحلط فيها و بنوقع عراسنا طخ :lol: ..
الانترنت وسيله تواصل .. وسيلة حلوه كتير لكن عنـّا نحنا كل مين عنده عقده بحياته طلعها عالنت :frown: .. اللي بدّه يتضحك عصبايا و مش قادر ياخد راحته بالواقع صارت شغلته عالنت .. و الصبية اللي حلمها تصير سندريلا و ناطره الأمير لاقت حدا يتضحك عليها عالنت .. و طنجره و لقت غطاها .. طبعا ً هالشي ضمن المجتمعات و العائلات المنغلقة ..
فصار في رد فعل عام تجاه النت و علاقاته .. لكن هل النت كله ناس بدها تضحك عبعض و ناس معقده فايته تطلع عقدها عبعض ؟
أكيد لاء .. ببداية دخولي عالم النت كنت متحفظه جدّا ً جدّا ً جدّا ً نظرا ً للفكرة اللي كانت عندي حيال النت و علاقاته و صداقاته .. لكن مع الوقت صار فيّ ميز و اعرف انو مافيك تعمم شي عالنت لانه مليئ بكل انواع البشر ..
الصداقات عالنت حلوه كتير .. لكن منها لازم يضل في سياق النت و منها ممكن ينتقل ليصير على ارض الواقع ..
ً فيما يخص الحب عالنت فأنا كنت ذكرت سابقا ً مرات انو صعب تحب و ما تقدر تشوف عيون اللي بتحبه كل يوم :oops: .. صعب تحب و ما تقدر تشبك ايدك بايد اللي بتحبه .. لكن هل ممكن انو ينشأ بداخلك مشاعر ( حب ) بدون هالتفاصيل ؟ اي ممكن .. تبقى بحاجه للقاء لتاخد ابعاد اكتر و أجمل لكن بامكانها تنشأ و تكون حلوة و مميزة ..

حاجتك هلئ:lol:..

:cry::cry:

أنو مرحبا شوش :D
هلا هلا ..

أنا أسألتي بالغالب شخصية :larg:
الله يستر :lol:

لساك بتفتحي اخوية الساعة 6 الصبح بتوقيت الشام :p

حاليا ً الساعه سته الا خمسه صباحا ً بتوقيت دمشق و أنا عم اسمع فيروز (( ايام الغابون ولفي لعدهم ع َ صابيعي :oops: ))

وليش تخانقنا أنا وياكي اخر مرة:frown:

ايمت تخانقنا :shock: ؟؟

مواصفات فارس احلامك
للصراحة مافي مواصفات .. أنا فارس احلامي بيجي و بتجي مواصفاته معه :oops:


واحكيلنا عن نشأتك بسوريا . ذكرياتك . مدرستك . حارتك . رفقاتك . أي شي بتتذكريه وبيعنيلك

اووووووووووه هلأ بدك تخليني اسرح و دمـّع ..
مافي شي بسوريا ما بيعنيلي .. ذكرياتي بشكل عام بالمطلق هيك صعب احكيلك عنها لأنو واسعه و كبيره كتير .. لكن اكتر شي بتذكره فيها يمكن الطفولة .. كنت حب اطبخ كتير .. و حب العب بالطباشير ..

.. من برامجي المفضله كان ابنتي العزيزه راوية ، اوسكار ، زهره البراري ..
بتذكر كان يجي الحلاب يجب الحليب الصبح و كنت كل يوم بس يجي جيب تلات عصايات من قشاطات الجنينة عنـّا و اعملهم انهم مسند كاميرا و صوره و هوّ كان يفوت بالجو و تسالي :lol: ..

صراحة ما كتير عم اقدر / حابة اتعمـّق بالحديث عن ذكرياتي كونه يعني :cry: :cry: ..

قديش صرلك بأميركا . وشو ناوية للمستقبل

صرلي 5 سنين فتت بالسادسه من شهر :gem: .. مبدئيا ً ناوية بس اتخرج ارجع عسوريا لكن ما بنعرف شو بصير من هون لاتخرج بشكل نهائي ..

شو بتعنيلك الشام متل مابيصوروها بالمسلسلات القديمة

قصدك باب الحارة و هيك ؟
صراحة أنا ما بحب كون عايشه بهديك الفترة من الزمن (( ايام باب الحارة )) .. شهامه و قصص و تسالي بس ما كتير يعني .. حاليا ً أفضل ..


مدونتك رائعة . لو خيروكي لما بتفتحي نت بينها وبين أخوية . وأنو مافيكي غير موقع واحد شو بتختاري ؟
هممممممممممممم ..
صراحـة المقارنـة صعبة أخوية أو طباشير ؟!

مبدئيا ً .. أخوية :D

مين اكتر عضو بأخوية بتحسيه انو واعي جدا . بس مستحيل تتفقي معو بالأراء ؟

لحظه لروح بحبش شوي :p .. صراحة ما لقيت او ما اجى لراسي حدن .. و بحبشت ما لقيت حدا بين الايادي خلاني حس انو بحسه واعي و ما بتفق معه ..


واذا بدي ارجع اسألك مرة تانية . بتخليني ولا ممنوع :pos:

لا أسأل عحسابك

باي :D

باي

مبدئيا ً ناوية بس اتخرج ارجع عسوريا لكن ما بنعرف شو بصير من هون لاتخرج بشكل نهائي ..


;):x

:frown::frown::frown:

هاي ذا مورنينغ:D(اسمك شيرين(حلو)..)طيب مدري ليش كنت متوقع أنو يكون اسمك شاليمار أو هيكي:lol:..ما علينا:p..

بتامني بالمعجزات أو برأيك نحنا محكومين بالقوانين الفيزيائية؟
حلم حياتك شقى عمرك..ممكن تضحي فيه في سبيل الحب(true love)؟
شو الغنية يلي معلقة براسك بهالكم يوم؟
يعني هالسؤال شخصي شوي لا تجاوبي اذا ما بدك(عأساس مستناي اذن مني:lol:)..
أشو بتكوني متعملي وقت تكتبي طباشير عاطفيّة؟
أنا سألت سؤال من قبل وبدي ارجع اسألك ياه..
بتامني أنو بهالحياة كل انسان الو توأم روح واذا التقو مع بعض رح يعيشو happily ever after ؟
بتحبي فرقة backstreet boys ؟
اسمك(The morning)من اجمل النك نيمز الي شفتون بحياتي..كيف خطرلك؟




:akh:

بس سؤال واحد....

كيف فيني أطلع عيش بأمريكا أو خلي أمريكا تستقبل واحد طفران متلي!!

بس سؤال واحد....

كيف فيني أطلع عيش بأمريكا أو خلي أمريكا تستقبل واحد طفران متلي!!

:lol: :lol: :lol:

شوش , شو هوّه مشروبك الغازي المفضّل ؟ :melody:

;):x

:frown::frown::frown:

:p:p

هاي ذا مورنينغ(اسمك شيرين(حلو)..)طيب مدري ليش كنت متوقع أنو يكون اسمك شاليمار أو هيكي..ما علينا..

شاليمار همم .. أنا بحب الاسماء الغريبه بس مش شاليمار !!
بكل الاحوال شكرا ً عالاطراء

بتامني بالمعجزات أو برأيك نحنا محكومين بالقوانين الفيزيائية؟

أنا بآمن انو نحنا محكومين بالفزياء لكن بنفس الوقت بآمن بالمعجزات .. أو خلينا نسميها الاشيا اللي بتخرق القوانين الفيزيائيه ..

حلم حياتك شقى عمرك..ممكن تضحي فيه في سبيل الحب(true love)؟

همممم .. في سبيل الحب نفسه لاء .. لكن في سبيل الشخص اللي بحبه مستعده روح لبعيد كتير بالتضحية لكن بدون ما نسميها تضحيه .. يعني انك تتخلى عن شي كرمال ناس بتحبهم ما بتعود تضحية و حسب بتصير سعادة :) .. حلم حياتي بقدر ابنيه مع الشخص اللي بحبه بطريقتنا سوا ..

شو الغنية يلي معلقة براسك بهالكم يوم؟

مافي غنية هلأ عم تخطر عبالي بس عم اسمع كتير كتير فيروز بهالكم يوم ..( اكتر من العاده )

يعني هالسؤال شخصي شوي لا تجاوبي اذا ما بدك(عأساس مستناي اذن مني).
أشو بتكوني متعملي وقت تكتبي طباشير عاطفيّة؟

هههههههههههههههههههه .. بكون عم اكتب طباشير عاطفية ..
صراحة ما كتير كتير منيح فهمت قصدك كيف يعني شو بكون عم اعمل بس اذا قصدك عالوحي فانا عادة ً ما بحط فكره براسي و بكتب عاساسا بل على العكس بكتب و بخلي الفكرة هي تلاقيني .. يعني بنقدر نقول استدراج للاشعور:dr: ..

أنا سألت سؤال من قبل وبدي ارجع اسألك ياه..
بتامني أنو بهالحياة كل انسان الو توأم روح واذا التقو مع بعض رح يعيشو happily ever after ؟

للصراحة مابعرف اذا فينا نعمم .. لكن في ناس كتير بتحلم بهالشي و مابعرف اذا هو حقيقه او لاء بعد .. أنا عني لسا ما جربت عيش هابيلي ايفر افتر .. بتوحيلي بالنهاية و انا ما بحب اوصل للنهايات ..


بتحبي فرقة backstreet boys ؟

ما كتير والله .. فرقة كانت معروفه وقت اول ايام مراهقتي لكن انا متل ما ذكرت سابقا ً بسمع الغنيه مش المغني

اسمك(The morning)من اجمل النك نيمز الي شفتون بحياتي..كيف خطرلك؟

انسألت هالسؤال قبل و اعتقد جاوبت عليه .. انا كتير بحب الصبح وقت الدني بتكون بعدها نضيفة

:akh:


:akh:

__________________________________

بس سؤال واحد....

كيف فيني أطلع عيش بأمريكا أو خلي أمريكا تستقبل واحد طفران متلي!!

:lol::lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

__________________________________





شوش , شو هوّه مشروبك الغازي المفضّل ؟ :melody:

Monster :gem:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ام الشوش اش صار بالسؤال تبع الاعضاء السؤال عفن هه وهو عبقلك تاعي جاوبي علي :pos:

ام الشوش اش صار بالسؤال تبع الاعضاء السؤال عفن هه وهو عبقلك تاعي جاوبي علي :pos:

صراحة كنت بدي خبيه لاخر شي جاوب عليه و اهرب لكن يلا رايحتلو كرمالك بس ها :gem:

ٌReemi

في فترة ماضية ريم كانت فيها من المقربين الي بأخوية و لذلك مش رح استسيغ حاليا ً اني اعطي رأي مخالف تماما ً لهالشي فبفضـل اني ما قول اكتر من هيك .. :D

hanny dagher

مسـتر هاني .. صرلي زمان ما سمعت منـّه لذلك اعتمادا ً على رأي لتاريخ آخر مرّه حكينا .. فهاني عندو طموح و من الناس اللي بتوقع انها رح توصل لأحلامها لأنها بتقاتل في سبيلها .. كفو و نيال اللي بحبه هاني لانو مستعد يروح لبعيد كتير كرمال الي بحبهم ..

AHMAD

ابو حمـــــيد .. بتخيل في ريحة صـداقة طويلة الأمد عم تهفهف ريحتها بعلاقتي مع احمد .. طبعا ً في ظل انو انا و احمد عاملين اتفاقية بانو ما نتفق ابدا ً و ما يمر شغله ما نتناقر مشانها :gem: .. فنــااان و أحيانا ً بيحرد بسرعه متل جارتنا .. واعي كتير بس متسرع بعض الشيئ و أحلى شي وقت بيتحمـّس عشغلة و بطربش الدنيا بأوّل عشر دقايق حماس بعدين بينسى الموضوع كلّـه :p ..

Genifer

الصراحة الصراحة انو مافي معرفة كافية مخليتني كوّن أدنى انطباع عنها .. لكن بركي للمقلاية الجايه بكون صار في :D

أإأبو العبد,

بتلفتني صورته الرمزيه ( شخص لافف ميه دولر على انها سيكارة و عم يشعلها ) بتذكرني بمشهد من مسلسل طلع من فترة بعيدة شوي اسمه عشتار .. وقت ابوها بيرجع من السفر و بتكون ناطرته لكن هو بيقعد مع اخواتها من زوجته التانيه و بيتركها بالغرفه بعدين بنتبهلها و بياخدها يوصلها على بيت ستها و هون بيعطيها ميه دولر .. و هي بتطلع عغرفتها و بتحرق هالمية دولر (( شي بيحرق القلب .. المية دولر و المشهد )) ..
بالعوده لرأي ب أإأبو العبد, ففيكم تكتشفو انو مش مكونه رأي كبير لكن مافي اي شي سلبي اكيد :D


ام الجود

أنو في شغله اكتشفتها بهي المقلاية .. انو علاقتي بالأعضاء و متابعتي للأعضاء ( مش الردود ) خافة جدّا ً ..
أم الجود .. أيضا ً مش سامحتلي الفرصة اني كوّن رأي واضح عنها لكن بمشكلة النكت الأخيرة لفتت انتباهي ام الجود بموضوع البريد و صار و بحبشت بعدد من ردودها فيبدو انو واعية نوعا ً ما و شغل نقاش و حقوق و قصص .. لكن برجع بذكر انو مش كتير مبني على خلفية حقائق واسعة .. بركي مع الأيام :D

شوط ياقمر,

شـــــــغله كــبيرة .. ابو غوسي حامي حمص الابييّ .. صداقتي معه بلشت عند بسـكليتاتي اخويه بـحاره كل مين بسكليته اله و من وقتها و الغسـاله شغاله عالاربعه و عشرين .. لكنها حاليا ً عم تزرزب مي .. بتـمناله كامل التـوفيق و بقلّه واثق الخطوه يمشي حمصيّا ..


sweetbaby

ما بظن رأيي بأثر ..

Abu ToNi

أبـو طوني :gem: .. بعتقد كلنا معجبين بأبو طوني الجديد فما في رأي ضيفه على للي انذكر بمقلايته .. بس يمكن بينفع ضيف انـّو انا بحب وجود ابو طوني بأخوية اليوم ..

maged-syrian

مابعرف ماجد أحيانا ً بتلفتني ثقافته و أحيانا ً بحس أنو بيحمـّل بعض القصص أكتر من ما تستاهل .. لكن بصوره عامة بحسّو شغيل و تعيب و كـفو و ممكن مع الايام ( أو هلأ ) أب - يعني من الناس اللي ما عندي صعوبة اتخيل انو قادر اليوم يكون اب مسؤول - ..

satoman

يا شباب ضروري تصيرو تعملولنا زياره شهريه لقسم الرسم و التصوير و الكاركتير كرمال نقدر نكوّن انطباعات اكتر كونو حتى الردود اللي بتلفتي نظري ممكن انسى مين كاتبها :lol: .. مافي معرفة كافيه بتسمحلي أعطي رأي :oops:

المحارب العتيق

على حكـيه تخانقنا مؤخرا ً :lol: .. لكن أنا ما بتذكر هيك شي .. و بكلتا الحالتين فأنا ما عندي رأي سلبي تجاه المحارب العتيق .. الّا انو احيانا ً بحس انو يحتاج لشويـّة ليونه أكتر بالأخذ و العطى و النقاشات .. :D

whiterose

نـسرين , يمكن من أطيب الناس باخويه من حيث انو طيبها تتعدى مجرّد الطيبة .. انـسان طيوب جدّا ً و ما بآمن بالكره و الحقد و ما اليه .. بحترم جدّا اللي ذكرته مرّه بأحد المواضيع انها ربت حالها بحالها .. بعزها بالرغم من اختلافات الرأي الكبيره بيناتنا حول كتير تفاصيل .. و بشوف أحيانا ً في ظلم بالتعامل معها من قبل الجميع :D ..

سوا ربينا
.. شريك قسم الكاركتير .. كفو و محترم جدّا ً و يستحق كل احترام .. أبو شريك :gem:


يمان Rooooonaldo

ابو الـيمن .. من اكتر الاشخـاص اللي بـحسهم بيفهمو عليّ معنى اني قول مشـتاقه للـشام حتّى و ان كانت ظروفي هون احسن من ظروف نص البشر اللي عايشه بالشام .. واضح و مـباشر يعني اذا في شغله بدو يخبرك ياها بخبرك ياها بوجهك قبل ما يخبرها بضهرك .. كتــــــــــــيير نــهفه خصّا وقت بكون محـشش او بالشـام :lol: .. :D

Abu Guzef

عندو طمـوح كـبير و عم يـشتغل عليه و بكرا بصير شغله كبيرة و بينسانا .. علمني بزمناتو عالتحشيش المغشوش :lol: .. بتلفتني بعلاء علاقته مع أهله .. قليلين الشباب بهالعمر اللي بحس انو بتجي علتهم بالمرتبه الاولى عندهم ..

وشم الجمال ..

أوّل شي بيجي ببالي عن رأي مكونته عنها هوّ كتاباتها الحزينة .. و بحس هي شغله مش رح نتفق عليها كتير ( الحزن ) .. أيضا ً بشعر انو في حدث كبير صاير بحياتها و مغيرها بحيث هو ّ نقطه ذاكرى كبيرة .. على ما سمعت انو خطبت مؤخرا ً فأذا صحيح هالحكي ألف ألف مبروك .. :D

هدوء البحر

أيضا ً زبون بالكاركتير .. .. ما صرلي كتير فرصة أعرف عنـّه أكتر من انـو شب حباب و بيلعب تنس :gem: ..



بركي نخلي الباقي للحلقه القادمه مشان السوسبينس :o

هيك منكون خالصين مع مورنينغ ومنرجع ليناردو ديكابريو بناءً على رغبتو وانو ماقعد بالمقلاية غير يوم واحد :D

ليوناردو ابن الديكابريو .. منيح اجت فرصة لاقلي فيك شي..

خبرني لشوف عنك كونو لسى ما بعرفك منيح..:p
شو اكتر شي مشتقلو بالاردن عامة والسلط خاصة ؟؟ ما عدا انا طبعا ..:p
قديش ناوي تقعد بأميركا؟؟ ..:cry:
شو حاطط براسك تعمل خلال فترة وجودك بأميركا وشو عملت لحد هلأ؟؟
بتنصحني اجي عندك ولا انسى غرامك راح؟؟:larg:
اشتقتلي ولا لا؟؟ :pos:

بكفي راجع من جنازة منيح مني عرفت اسألك ...:larg:

بهالصدد بدي اعتذر من الجميع .. جميع اللي ما كتبت رأي فيهم ( لأنو كان عندي اراء حلوه بتمنى اصحابها يعرفوها و اراء مش كتير حلوه ايضا ً بتمنى اصحابها يعرفوها ) بدأت الاجابه على الاسماء بالتسلسل ( الأسهل فالأعصب و يبدو اداره الموضوع فكرت اني خلصت ) على كلـّن ماهي مشكله لكن بدي اعتذر من الجميع و ايضا ً من اللي قلت برجع لجواب عاسئلتهم و ما رجعت .. على ما يبدو صار في سوء تفاهم او ما اليه فيما يخص التوقيت اللي بالمقلاية و ما اليه انا فهمت خمس ايام من تارخ تنصيب العضو لكن يبدو في تفاصيل انا بجهلها .. بكل الأحوال كنت مخبيه الاسئله الدسمة اللي حابة جاوب عليها عرواق للآخر يبدو انو ما رح يصير لذلك بنعتزر من الجميع و خيرها بغيرها ( عملولي وحده خاصه بقسم الرسم و التصوير :p )

تحيـّه للجميع :akh:

ليوناردو ابن الديكابريو .. منيح اجت فرصة لاقلي فيك شي..

أهلين أهلين . . . :pos:


خبرني لشوف عنك كونو لسى ما بعرفك منيح..:p

دمك خفيف :frown:

شو اكتر شي مشتقلو بالاردن عامة والسلط خاصة ؟؟ ما عدا انا طبعا ..:p

بالأردن : مكّه مول . . . . . بالسّلط أمّي , ماعداك انته طبعاً :pos:

قديش ناوي تقعد بأميركا؟؟ ..:cry:

على طول , أنشاءالله , بس بيتخللها زيارات اكيد . . .

شو حاطط براسك تعمل خلال فترة وجودك بأميركا وشو عملت لحد هلأ؟؟

أعمل السّبعه وزمتا , وشغلات كتير ما بينفع أصرّح عنها هون . . . :larg:

بتنصحني اجي عندك ولا انسى غرامك راح؟؟:larg:

شو بدك تيجي تساوي هون , بس اذا بدك تعال بنتسلى انا وياك بدل ما انا زهقان ! !
اشتقتلي ولا لا؟؟ :pos:

مووووووووووووووووووووت :sick:

بكفي راجع من جنازة منيح مني عرفت اسألك ...:larg:

راجع من شو , ايه الله معط ابقى عيدا . . ! ! :frown:

طيب حبيب ليوناردو انا لاحظت انك بتدقق كتير عالمشاركات و عندك معايير عالية للكتابة انت هيك و لا انا اخد فكرة غلط عنك ؟

تاني شي : بتحس انو تأطرت حياتك بنوع من المظاهر الرأسمالية بعد عيشتك برا ولا لأ ؟

ثالث شي انت نسيت كل العادات الشرقية و لا لساتك محافظ شوي؟

كمان : انت بتتقبل النقد الصريحالبناء:pos: ولا بتفضل نوع تاني من النقاش ؟

جاوبني خليني اجهزلك الدفعة التانية من الأسئلة .....:larg:
:D:D

طيب حبيب ليوناردو انا لاحظت انك بتدقق كتير عالمشاركات و عندك معايير عالية للكتابة انت هيك و لا انا اخد فكرة غلط عنك ؟

بالضّبط حبيب , بحب انه المشاركه يكون متعوب عليها شوي , مو متعوب عليها بمعنى الكلمه , بس انه

ما يقعد يلت ويعجن , يعني بكلمتين يوصّل فكره كامله , وأكره ما علي اني أشوف مشاركه طويله اكتر

من سطرين او 3 اسطر , بتوجعلي قلبي وخاصه اذا كان كلها لعي فاضي , بس للأسف هالناس في

منن كتير. :sick:

تاني شي : بتحس انو *تأثرت حياتك بنوع من المظاهر الرأسمالية بعد عيشتك برا ولا لأ ؟

أيه أكيد , بتلاقيني بسأل واحد شو اسمك ؟ بيحكيلي كم تدفع , هون لغة الفلوس معروفه اكتر من

الانجليزي . . ! ! :frown:

ثالث شي انت نسيت كل العادات الشرقية و لا لساتك محافظ شوي؟

لا ما نسيتها , يعني بالبلاد انا كنت مرات أشرب :nirvana: وكنت حشّش :hashish:, بس هون مشاني لحالي وممكن اعمل

يلي بدّي ايّاه , بس ما بعمل شغلات هيك وهيك , مع أنّه سهل اني اعمل شغلات كتيره , بس انا عاقل

وداير بالي عحالي . . ! ! :oops:

كمان : انت بتتقبل النقد الصريحالبناء:pos: ولا بتفضل نوع تاني من النقاش ؟

ايه بحب النوع الأوّل , أحسن لكلى طرفي المناقشه , انقدني قدامي وبدون لف ودوران .

جاوبني خليني اجهزلك الدفعة التانية من الأسئلة .....:larg:


:D:D

أهلين خيّو :ss:

أهلين خيّو :ss:

طيب حلو

كلام موزون و جميل

قلتلي ما بتحب المشاركات الطويلة و انا كمان كنت هيك ايام النت التعبان بسوريا بس حاليا بالعكس صرت حب اتعمق و اناقش بالموضوع

لانو ما الو نفع النقش و الموضوع اذا ما كان شامل بس طبعا بعيد عن الحكي اللي ما الو طعمة المهم اللي بدي اوصلو انت بتحب العناوين لما المضامين؟

شغلة تانية حاسس انك شوي تانية بدو يتغلب عليك الانا الامريكي و يكسر الانا العربي لانك صرت بتحب اسلوب العولمة الامريكي و لا شو؟

طيب انت ما بتحس انك هجومي و دفش بالتعامل و لا تعاملك عفوي و عاطفي بعيد عن القسوة؟

يلا لنجهز السمنة لنقليك اكتر كمان :lol::lol::lol::o
:D:D

:larg:طيب حلو

أيه كتير

كلام موزون و جميل

عراصي

قلتلي ما بتحب المشاركات الطويلة و انا كمان كنت هيك ايام النت التعبان بسوريا بس حاليا بالعكس صرت حب اتعمق و اناقش بالموضوع

لانو ما الو نفع النقش و الموضوع اذا ما كان شامل بس طبعا بعيد عن الحكي اللي ما الو طعمة المهم اللي بدي اوصلو انت بتحب العناوين لما المضامين؟

العناوين , رؤوس الاقلام , ما بتعمّق بالمضامين الّا بالشّغلات المهمّه .

شغلة تانية حاسس انك شوي تانية بدو يتغلب عليك الانا الامريكي و يكسر الانا العربي لانك صرت بتحب اسلوب العولمة الامريكي و لا شو؟

من وين بتجيب هالمعلومات هاي :? , بعدين انا بكره بعض من جوانب حياه الغرب متل : الحياه

الاجتماعيّه , معدمه من مرّه .

طيب انت ما بتحس انك هجومي و دفش بالتعامل و لا تعاملك عفوي و عاطفي بعيد عن القسوة؟

مرّات هيك ومرّات هيك , يعني بتلاقيني طفش لمّا عصّب , والله لا يورجيك لمّا بفوت على موضوع سخيف , دغري بتيجيني مخالفه بعد ما شارك فيه , وبكون عفوي لمّن بفوت على موضوع حلو اله علاقه بالفن او الأدب.

يلا لنجهز السمنة لنقليك اكتر كمان :lol::lol::lol::o
:D:D

باينتك دمّك حامي , لأنّه الزّيت صار يغلي. :adal:

ممم..عدي..

انت كيف بتصنف حالك.. صريح ولا لأ؟
و لاي مدى فيك تكون واضح مع اللي قدامك؟
شو هيّ الخطوط الحمرا اللي انت بتوقف عندها؟.. وشو الحدود اللي بتحتب تخليها بينك و بين اللي قدامك؟
و ازا صار في معك شي موقف.. بتتهرب ولا بتفضل المواجهة؟
شو بتعنيلك اميركا؟
و شو اللي ساعدك ع انك تنخرط بالجو الامريكي؟

كم سؤال ع الماشي..

اي نوع من انواع الموسيقى بتفضل؟
شو اكلتك المفضلة؟
و سؤالي المفضل.. قديش نمرة رجلك :lol:

:D

ممم..عدي..


مممم ريتا أحلى كندا . . . ;)

انت كيف بتصنف حالك.. صريح ولا لأ؟

مو كتير , باغلب الأحيان اذا بدّي كون صريح ضروري زعّل يلي قدّامي , فبضل ما كون صريح .

و لاي مدى فيك تكون واضح مع اللي قدامك؟

هااد السؤال مكرّر :o , قصدي نفس الي فوق .


شو هيّ الخطوط الحمرا اللي انت بتوقف عندها؟.. وشو الحدود اللي بتحتب تخليها بينك و بين اللي قدامك؟


أجمالاً ما في خطوط حمرا , يعني بحب كون كتاب مفتوح للي قدّامي .

و ازا صار في معك شي موقف.. بتتهرب ولا بتفضل المواجهة؟

لأ بفضّل المواجهه , منشان أخلص وما أضلني فكّر فيها , وأقدّم تبريراتي .

شو بتعنيلك اميركا؟

بلد حلو .

و شو اللي ساعدك ع انك تنخرط بالجو الامريكي؟

لغتي , وأسلوبي بالتّعامل مع النّاس على أرض الواقع .

كم سؤال ع الماشي..

مش غلط ! ! :larg:

اي نوع من انواع الموسيقى بتفضل؟

البوب :larg:

شو اكلتك المفضلة؟

عربيّه , ولّا من هون ؟ , عكل حال اكلتي العربيّه المفضّله : هيّه الكبسه , من تحت ايدين الماما . :hart:

و سؤالي المفضل.. قديش نمرة رجلك :lol:

42 , بس لا يروح فكرك لبعيد , انا طولي 8"5 (174 Cm).

:D[/quote]

ميت هلا ريتا . . ! ! :ss:

مرحبا ليوناردو انا كنت حاب اسئلك كام سؤال ع الماشي


ازا الله بعد كام سنه كرمك وجيت تتزوج بنت من بلدك الاردن (غير هيك ما بنقبل)

رح تعمل عرس اردني (مناسف وفرقة العباديين ............الخ)
اما رح تعملو بفندق ........مع التعليل

بس هدول اسئلتي بتمنى ما اكون تقلت عليك فيهم:D

مرحبا ليوناردو انا كنت حاب اسئلك كام سؤال ع الماشي


أوك بدايه حلوه . . . . :larg:

ازا الله بعد كام سنه كرمك وجيت تتزوج بنت من بلدك الاردن (غير هيك ما بنقبل)

لا بقبل , وبقبل كتير كمان , بدّي سوريّه . . .

رح تعمل عرس اردني (مناسف وفرقة العباديين ............الخ)

ايه المناسف حلوين . . .

اما رح تعملو بفندق ........مع التعليل

كلشي ممكن , والله ما بعرف , بس بفضّل المناسف . . .

بس هدول اسئلتي بتمنى ما اكون تقلت عليك فيهم:D

لا نور , انتي ما سألتي شي . . . ميت ورده :D

سلامات ليوناردو ..

بداية ً بدي اتشكرك لأنك كنت رح تعطيني من دورك بالمقلاية .. ( كلـّك زوق يا مـان 8) ) بس ماهي قضية مقلاية الشغله ;-) ..

هلأ بنجي للأسئله السريعه لقيس قديشك شيكاغوي :larg: ..

شو أكتر أكله مشهوره فيها شيكاغو ؟

cubs ولا white sox ?

كيف الطقس اليوم بشيكاغو :lol: ؟

شو أكتر شي بتشوفه بالنيفي بير ؟؟

شو آخر احتفال صار بشيكاغو من اسبوعين ؟؟

شو رح يصير بشيكاغو عام 2016 ؟

شو عم ينعرض حاليا ً بال ارت انستتوت ؟

هات ورجينا لنشوف قديشك شيكاغوي ؟

سؤال من وحي الجو ( حادثة صارت معي من شي نص ساعه :jakoush: ) ..

اذا طلعت عالباركينغ لوت و ما لقيت سيارتك محل ما تركتها شو بصير فيك ؟ و كيف بتتصرّف ؟ و مين أول شخص بتتصل فيه ؟

اوووووووووووووووووووووووو ووووووووه
اسئلة غير متوقعة والمفروض ما تاخد وقت بالاجابة والا .....!!!!!!!!!!!

اسئلتي :

1- كيفك هلئ
2- كيفك امبارح
3- كيفك بكرا


هاموش : ليش بدك كل يوم تعمل 3 مشاكل ؟ (هاد سؤال هامشي ) او هاموش تساؤلي (يتجاوب عليه بهاموش وليس بالمتن .

هاموش تاني : بخصوص سؤال الباركيننغ الاخير اتصل ب 911 :o

هاموش تاني : بخصوص سؤال الباركيننغ الاخير اتصل ب 911 :o

ما بصير انت تجاوب :jakoush:

ما بصير انت تجاوب :jakoush:
انا حسيت انه خارج السلسلة :cry:
اخر مرة ، مارح عيدها
بعدين حطيت رقم عمي بال usa مو رقم غريب

سلامات ليوناردو ..



بداية ً بدي اتشكرك لأنك كنت رح تعطيني من دورك بالمقلاية .. ( كلـّك زوق يا مـان 8) ) بس ماهي قضية مقلاية الشغله ;-) ..

أيه بعرف بعرف . . . :ss:

هلأ بنجي للأسئله السريعه لقيس قديشك شيكاغوي

عجبتني هاي , شيكاغوي . . . :larg:

شو أكتر أكله مشهوره فيها شيكاغو ؟

ما بعرف , ممكن البيتزا :?

cubs ولا white sox ?

White Sox

كيف الطقس اليوم بشيكاغو :lol: ؟

صارله فتره , الجو بجنن بشيكاغو , انشالله يضله هيك , غائم جزئياً , لا شوب ولا برد.

شو أكتر شي بتشوفه بالنيفي بير ؟؟

النّاس , والبحر , والسّفن.

شو آخر احتفال صار بشيكاغو من اسبوعين ؟؟

عيد الأستقلال , في غيرو ؟

شو رح يصير بشيكاغو عام 2016 ؟

الأوليمبيكيّات على قولة اللّمبي :o , بستناها على نار :clap:

شو عم ينعرض حاليا ً بال ارت انستتوت ؟

والله ما عندي فكره , قلّة متابعه , بس بلكي بتحكيلي مشان زم حالي وأنزل . :sick:

هات ورجينا لنشوف قديشك شيكاغوي ؟

هاتي لشوف . . .

سؤال من وحي الجو ( حادثة صارت معي من شي نص ساعه :jakoush: ) ..

سؤال لايف يعني . . . :larg:

اذا طلعت عالباركينغ لوت و ما لقيت سيارتك محل ما تركتها شو بصير فيك ؟ و كيف بتتصرّف ؟ و مين أول شخص بتتصل فيه ؟

:lol: :o :lol:

قال شو بصير فيّه , بنصرع ما فيها كلام :shock: , بنهبل هوّه هاي فيها حكي :?, بنجن , بموت :?, أوّل

شخص بحكي معه (والله كتار) , بس بفضّل أحكي مع خالي . :yahoo:

على سيرة الباركنغ , هاد يا ستّي كل ما أنزل عالداونتاون أنا وأصحابي , بصف السّياره بباركنج , وبعد ما

تخلص الرّوحه , بنرجع بدنا نروّح , بنسى وين بركتها , فـــ بوزّع الشباب , وبالأخير بنروح بدنا ناخد

القطار , واحنا بطريقنا للقطار بلاقيها مزروعه بالزّاويه لحالها . . . :lol:

ميت ورده مورننج :D

اوووووووووووووووووووووووو ووووووووه
اسئلة غير متوقعة والمفروض ما تاخد وقت بالاجابة والا .....!!!!!!!!!!!

ولا شوووو ؟ ؟ :frown:

اسئلتي :

هات لشوف . . :pos:

1- كيفك هلئ

تمام . . . :larg:

2- كيفك امبارح

كمان منيح . .

3- كيفك بكرا

والله ما بعرف , أسأل الله . .

هاموش : ليش بدك كل يوم تعمل 3 مشاكل ؟ (هاد سؤال هامشي ) او هاموش تساؤلي (يتجاوب عليه بهاموش وليس بالمتن .

مو أنا يلي بدّي أعمل مشاكل , هيّه كل الشّغله اني ما بحب شوف غلط وأسكت عليه .

هاموش تاني : بخصوص سؤال الباركيننغ الاخير اتصل ب 911 :o

رقم مين هاد ؟ ؟ :o

ميت ورده مولانا :D

كيف حال الشّباب , والصّبايا :ss:

وشو مشان الزّيت البارد :pos: , صار بدكم شويّه سمنه البلقاء .

صار بدها عضو جديد , صار بدها عضو مليء بالأسرار (متل البحر الله وكيلكن), صار بدها عضو كتوم


ما بيحكي شي بنوب , بالتّالي بدنا نقليه , ونخلّيه يطلّع كل اسراره عالعلن :




أبو شريك ,




أخوي ,




JANKASANOVA :larg:( المعروف بــ جورج , أو Johnnie Walker)


ما بدّي أيّاكم ترحموه , ما بدّي تقلوه , بدّي تحرقوه حرق بدي ريحته تعبّي لوس انجيلوس وتوصّل

لتكساس , وتمرق علينا هون بطريقها ل نيو يورك . . .

بتركم مع هالموسوعه ! ! !

:ss: :ss:

صباحو ..JANKASANOVA

كم قليه ع السريع والنا رجعه .....

شو سبب اختيارك هل الاسم والي انا دائما بخربط فيه ...

شاب مغترب كيف بنتظر لمجتمعتنا والمجتمع الي عايش فيه ..وشو الفرق بيناتون ....

على شو ممكن تسامح الناس المقربه الك وشي ما ممكن تسامح عليه ...

كيفو لويناردوا معك ...كود كود ...:lol:

اخويه .. كيف بتنظرلها ؟؟؟؟ وشي الي بتكره فيها او مو عاجبك .....

الدين ..كيف علاقتك فيه ..وشو نظرتك له .. ....

في ناس كتير بتعتقد انه محمد انسان ليس نبيا بل شخص كتير ذكي قدر يفرض شي معين ..هل بتايد هل الشي ولا لا ....

اذا في شي زاعجك من حدا هون باخويه ...وحابب تقول شي ..شو يتقول .؟؟؟؟


لهون وحاجه من عند الصبح ولح ارجعلك ع الاكيد ....

والك:D

صار بدها عضو جديد , صار بدها عضو مليء بالأسرار (متل البحر الله وكيلكن), صار بدها عضو كتوم
ما بيحكي شي بنوب , بالتّالي بدنا نقليه , ونخلّيه يطلّع كل اسراره عالعلن :

بتركم مع هالموسوعه ! ! !

:ss: :ss:

انت اكيد عنّي عم تحكي :?
والله وبيطلع معك حكي خرج نحطك مذيع :lol:

صباحو ..JANKASANOVA
صباحك صوفي

كم قليه ع السريع والنا رجعه .....
اي شو عليه نحن لها

شو سبب اختيارك هل الاسم والي انا دائما بخربط فيه ...
هلا اول شي الاسم انا كاتبو عاللفظ الالماني يعني بينلفظ يان كازانوفا. مو متل ما البعض مفكرين ينلفظ جان كازانوفا.
و قصة الاسم هي ان اني بالجامعة بالمانيا و كنت قاعد مع اصدقائي طلاب المان معي بنفس الصفوف, اقترحو علي شرط اذا بقدر خلي اساتذة الجامعو ينادولي بهالاسم لنهاية الفصل الدراسي بربح الشرط ويعطوني كل واحد 100 يورو و كانو 4 يعني 400 يورو. و اذا خسرت بعطيون كلون 100 يورو. و قدرت اقنع الاساتذة بعد جهد جهيد ومشي الحال و طلع علي هالاسم.:lol: بس الله لا يحطك بهيك موقف يعني انحطيت بمواقف محرجة كتير من ورا هالاسم. بس قبضت 400 يورو :gem: ....

شاب مغترب كيف بنتظر لمجتمعتنا والمجتمع الي عايش فيه ..وشو الفرق بيناتون ....
تقدري تحددي السؤال اكتر؟.. لانو اذا استلمت المكريفون على الفرق مارح خلص لبكرا..
بس بقدر قلك شغلة.. الحياة و المجتمع هون بيقدمولك رفاهية و وخيارات كتير بس بدتفعي ضريبتها بشغلات تانية منها الضرائب اللي بيهدو الضهر, الحياة الاجتماعية شبه منعدمة, ولادك بس يكبرو مابيتعرفو عليكي, الناس هون مخدرة تخدير يعني الحكومة شاغلة الشعب بالشغل, بحيث الشعب مابيلتفت لامور تانية متل السياسة والفساد الخ.
الحياة و المجتمع ببلدنا مابعرف كيف اوصفلك ياهم, بس هنيك عم يشتغلو و يتعبو بس مافي مقابل.. الشي اللي بحسدون عليه هو الحياة الاجتماعية والترابط الاسري..

مابعرف اذا جاوبتك على سؤالك!!
على شو ممكن تسامح الناس المقربه الك وشي ما ممكن تسامح عليه ...
انا مسامح لابعد الحدود بس اذا صار كذب و كولكة و حكي من ورا ضهري او حدا حب يستغل هالمسامحة مابعود شوف قدامي, بصير متل الثور الهايج بنطح يمين و شمال. وانا برجي الثور يعني مابعدت:lol: ..بيقولو عني حنون و مجنون :oops: مابعرف...
كيفو لويناردوا معك ...كود كود ...:lol:
ليوناردو حبيب القلب بس هالكم يوم عم يعزبني, راكبو شيطان من نوع صعب جدا..بس ولا يهمك انا وعدتو رح شوفلو شي شيخ و يكتبلو حجاب بلكي بيتركو هالشيطان..


اخويه .. كيف بتنظرلها ؟؟؟؟ وشي الي بتكره فيها او مو عاجبك .....
بحكم الشغل و الجامعة ما عم يصحلي اختلط مع عرب عامة و سوريين خاصة وهالشي صارلو حوالي ال 5 سنين. اختلاطي اكترو كان مع الالمان قديما, وحاليا مع اميركان او مع طلاب وعالم من جنسيات اُخرى. ففيكي تقولي انو اخوية بنظر الها كمكان افتراضي اختلط فيه مع عرب و سوريين و منها بتعرف على ناس جداد و تابع اخبار الوطن و شوف ولاد بلدي شلون بيفكرو وباخد فكرة عن الاوضاع بالبلاد, خصوصا اني ما بسأل اهلي عن الاوضاع هنيك!!

هلا مابكره شي فيها.. بس في شغلة "مشكور" بس شوفها تحت موضوع فيه مرفقات او بيكون رد على موضوع طويل عريض مدري شو بيصرلي.:lol: وفي يعني شغلة السيرفر والمرفقات عم تصير شوي مزعجة..
بس كأني حاسس انو السيرفر صاير احسن شوي

الدين ..كيف علاقتك فيه ..وشو نظرتك له .. ....
علاقتي مع الدين حاليا مو كتير قوية وماكتير بتعاطى بالدين لان مفهوم الدين تشوه كتير من قبل رجال الدين نفسهم اللي عم يحاولو يفصّلو الدين حسب اهوائهم و متطلباتهم, فصار الدين سلعة لا اكتر و لا اقل..


في ناس كتير بتعتقد انه محمد انسان ليس نبيا بل شخص كتير ذكي قدر يفرض شي معين ..هل بتايد هل الشي ولا لا ....
بما اني مابتعاطى دين و هالسؤال بيخص عقيدة معينة ف :D

اذا في شي زاعجك من حدا هون باخويه ...وحابب تقول شي ..شو يتقول .؟؟؟؟
مافي حدا زاعجني ..بس حابب قول للكل : حبو بعض...

لهون وحاجه من عند الصبح ولح ارجعلك ع الاكيد ....
هالاسئلة كانو تحماية ما:lol:
والك:D

ومني الك :akh:

اسف عالتاخير بالرد..

صباح الخير..JANKASANOVA
كيفك و كيف الحال

المهم عندي كم سؤال عالماشي...........:D

١-شو اكتر شيء لقيتو ببلاد برا و ما لقيتو عنا بنوب؟ وشو الفوارق اللي شفتها بين شبابنا و شباب برا من ناحية الفكر و الهموم و الحياة ؟

٢-اذا كنت سيارة بتفضل تكون سيارة رياضية ولا سيارة فخمة و لا سيارة دفع رباعي ولا سيارة صالون يابانية اقتصادية؟

٣-من صورتك الرمزية منشوف جوني والكر ;) سؤالي انت بتعتبر المشروب وسيلة للمرح بس ولا وسيلة للمراق و لا وسيلة للنسيان؟

٤-شو اكبر جرح تعرضتلو من الاوضاع برا و شو اكبر جرح تعرضتلو بالبلد و انو واحد كان اكبر؟

٥-انت بتحب النقض الصريح الجارح نوعا ما و لا النقض الغير مباشر؟

٦- في امل انك ترجع عالبلد و لا خلص الى الابد في غير بلد؟

اوكي لجهز الزيت هالمرة السمنة صاير مفعولها خفيف ........ سلام
:D