علاء انت اكتر من مرة بدلت اسمك هون ...
هل تغيير الاسم الو علاقة بتغيير الافكار - الحبايب - المواقف .... الخ

تغيير الاسم الو علاقة بتغيير الافكار ..
يعني انا مثلا .. حاليا .. حابب غيّر اسمي .. بس كمان حاجة لأنو زودتا .. وانا هيك حسيت
بس يعني تغيير الافكار .. هوي اكتر شي ..
بس في واحد تبع " تائه في النور " غيرتو من كتر ما ضحكو الشباب عليي ..
ولأنو كان مبين اسم خليجي :o


شو تمثلك الامور التالية .. بصراحة

الحياة
عنجد ما بعرف شو فيني اوصفا ..
متل كل شي ..
بتغيير نظرتي فيها .. كل فترة ..
بس اغلبا بتكون نظرات تشائمية .. للصبح ..
وفيها فسحة امل ..

حاليا .. عايشها على مبدأ .. مقلوبة ..


الصراع من اجل البقاء
بكرهو كتير ..
عايش اكتر على مبدأ ..
بعيدا عن الصراع .. بعيدا عن الصداع
ما ضروري البقاء .. من كتر ما ضروري الهواء ..

يعني ببعد عن العالم .. بتم متنفّس .. وأهم شي يبعدو عني

الدراسة الاكاديمية

ماني كتير صحبة انا وياها مدري ليش ..
بحبّا .. بس انو ما بتحبّني ..
اجيت كرهتا ..
وبحسّا بس عبارة عن طريقة لتعليم المشي في الحياة ..
وعالحالتين .. رح نمشي ..

الواسطة في حالة الشدة

مع .. وبس

أخوية

وحدة من احلى مصانع الافكار .. اللي بحب عيشا بحياتي
ورح تم عيشا بحياتي

باخير موضوع الك .. قدمت نصائح للاخوة المواطنين ... نختار منها


تنصح المواطن ... بشغلات عن طريقة الكتابة الساخرة ...

الى اي مدى تحب هذا الاسلوب الساخر بالكتابة و بالحياة العملية...

بحبو لدرجة كبيرة ..
لأنو بيوصّل الفكرة .. اكتر من اي شي تاني ..

وهل تلجئ له من تشوف صعب ايصال الفكرة مباشرة ؟

.. لأ اكتر ..
انا بحسّ انو هيي اول الطرق .. اللي يجب استخدامها ..
لأنو بهالطريقة هي .. فينك توصّل اي شي بدّك ياه ..
يعني شعبنا بيموت عضحكة ..
شعبنا بس بدو شي يضحك عليه ..
يعني مثلا .. فكرة متل فكرة بقعة ضوء ..
فكرة بتجنن لتصحيح الاخطاء الماشية بمجتمعنا ..
شو عدد اللي بيضحكو عليها .. بدون ما يفهمو ..؟ كتير ..
مسرحيات زياد .. نفس الامر ..
وكل شي ادب ساخر
الكتّاب الساخرين .. "طبعا انا ما عم بحكي على حالي ..
لأنو بتمنى انو اقدر وصّل لنص ربع نص اللي وصلو اي حدا "
بينظلمو كتير ..
بس بيتم أملن .. انو بين كل 100 .. واحد بس يضحك .. بحرقة .. وهوي عم يفهم ..
وعم يفكّر ليش عم يضحك

سؤال اختياري .. اذا تحب تكتب كم سطر شرح عن هذه النصيحة بالذات :lol:




على فكرة ..
انا عم بحكي بهالموضوع بالذات .. بلسان المسؤول ..


طيب .. بالنسبة للسؤال الاختياري .. بعتذر عنو ابو سارة ..
لأنو ازا حكيت .. رح بيّخا كتير .. طبعا لأنو متل ما حضرتك بتعرف ..
انو ماني كتير شاطر بالحكي " الا عالمسنجر:p"
فبلاها احسن
وخليها ل" نية المواطن .. على امل انو واحد تكون نيتو .. ابشع من نيتي :p"

اي علاء كيفك؟
حمص بالنسبة لعلاء هي شو تحديدا؟
لو انت اليوم ما كنت خلقان بهالبلد رح تتطبع باطباع البلد اللي انت فيه ؟
اليوم لشو بتحن من ايام طفولتك بحمص؟

هامش : مثبّت لهالشهر ....:D

شكرا مريوم

اي علاء كيفك؟
رواء متلج:p
حمص بالنسبة لعلاء هي شو تحديدا؟
حمص ..
هيي احلى محافظة بالعالم .. وابشع محافظة بالعالم ..
هي الجملة بيقولها كل واحد عن مدينتو اللي بتكون ببلاد العالم التالت ..
بحب انو ظبط فيها شغلات .. وبحب انو خلي فيها كتير شغلات ..
يعني الحنين والوطن والاهل والذكريات وكلّ شي ..
بس كمان الواحد بيحب يعيش يلاقي فرص اكبر بحياتو ..
هلأ انا بالنسبة الي ..
بحس انو مستحيل اطلع من هالبلد ..
وازا ما كان في شي خيالي .. ويفوق الوصف .. بالغربة .. ما بتغرّب


لو انت اليوم ما كنت خلقان بهالبلد رح تتطبع باطباع البلد اللي انت فيه ؟
اجباري ..
ما قصة بلد .. ووين خلقت ..
بس انا .. وبعتبرها حسنة وسيئة بنفس الوقت .. انو بتطبع بسرعة بالمكان اللي انا فيه
يعني مرئت فترة .. نص النهار بمكان نائي " بسبب شغل".. وكنت مبيّن من هالعالم .. وكتير حابب الوضع
والنص النهار التاني .. روح صيع بالمصاري .. وبيّن اني من هالعالم ..

يعني وين ما زتيتني .. بجي واقف

اليوم لشو بتحن من ايام طفولتك بحمص؟

حمص ما الها علاقة بأيام طفولتي ..
بحنّ لأيام طفولتي .. بسبب البساطة اللي كنت عايش فيها ..
مع انو فينك تقول انا عايش نفس الشي هلأ .. ما بعرف ازا كانت بساطة او لا مبالاة .. بس نفس النتيجة .. حلاوة الحياة
بحن للشي الوحيد اللي فقدتو .. أبي
بحن لكتير شغلات .. بس بنفس الوقت ما كتير بتفرق معي .. لأني عايش فيها ..
وازا بدّك اكتر ..
في جملة بتقول " انو يا ريتني طفل وكل همّي لعبتي "
فا فيني قلك انو انا عايش هلأ مبسوط اكتر .. وماني طفل .. وما همّي شي ..

... . :D

علاء انت مع فكرة الرجال قوامون على النساء ؟
وهل بتشوف حالك بغياب والدك الله يرحمه انك رجال البيت

علاء انت مع فكرة الرجال قوامون على النساء ؟
ابدا .. ابدا
انا ما مع فكرة القوامة بالاساس ..
ما حدا قوّام على حدا ..
مستحيل حدا يقدر يقوّم حدا ..
حتى لو مر بنفس الشي .. لأنو بيكون في ظروف غير .. بيكون في محيط غير ..
بيكون في تلقي غير ..
يعني النصيحة .. بتكون مفيدة .. وقت الواحد بيعرف يتعامل معا .. وبيدرك انو في اختلاف
فكيف شي متل التقويم..
نو نو
الا اللي بدو ..
يعني المرة اللي حابة .. الرجل يقوّما ..
والرجل اللي حابب أمو او ابو يقوّمو .. هوّي حر ..
ولهو الحرّية المطلقة :D

وهل بتشوف حالك بغياب والدك الله يرحمه انك رجال البيت
طبعا شي طبيعي ..
بالنسبة كـ مجتمع .. ودنيا وعالم ..
انو انتي رجال البيت ..
بس انا اتوفى ابي .. وانا بعمر صغير نوعا ما-10 سنين- .. فبعتقد ما كنت قد تحمّل هالمسؤولية ..
وما كنت فهمان شو هيي المسئولية ..
ولهلأ ماني فهمان شو هي مسئولية ..

...............

علاء بتخاف يندق الباب شي نهار وتعتقل لا قدر الله ؟
او بتمشي الحيط الحيط ويارب السترة ؟
ام انو مش خايف وقيمي ومبادئي اهم من اهم شي ؟

بدي منك تترك تذكار للبرنامج بيعبر عنك

علاء بتخاف يندق الباب شي نهار وتعتقل لا قدر الله ؟
او بتمشي الحيط الحيط ويارب السترة ؟
ام انو مش خايف وقيمي ومبادئي اهم من اهم شي ؟

طيب .. بما انو هادا السؤال كلياتو سؤال واحد ..
فا فيني قلّك .. انو لأ .. ما بخاف من الاعتقال .. وازا بدّك بحبو
ليش ما بعرف .. بس انو بحبّو كتجربة .. صح تجربة شي كتير سنين .. يعني ما شاء الله الشباب ما بيحطو موعد معيّن ..
بس بحبّو ..
انا من النوع اللي ما بمشي الحيط الحيط .. بمشي .. وبس .. وين ما بدّي .. وما بحب شي يمنعني امشي بمكان بدّي ياه .. بمشي بأماكن كتير .. وكل ما واحد قلي طريق .. بحب امشيه .. بس الحلو بالموضوع .. انو بحب اطلع منو ايمتا ما بدّي .. وبالطريقة اللي بدي ياها .. واللي عالاغلب بتكون .. طيران لطريق تاني


بدي منك تترك تذكار للبرنامج بيعبر عنك



...

بالنسبة للتذكار .. رح يكون بالرد اللي بعدو

اهلا وسهلا فيك بالبرنامج
لانك ضيف كتير مميز وبتعرف معزتك عندي وعند الشباب
رح نهديك هاللوغو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بيخولك انو بيحقلك تفوت باي وقت لبرنامجنا وتقول اللي بقلبك

علاء ليون هارت تالت مايسترو معنا اهلا وسهلا فيك

بنفسجة هي المايسترا المقبلة

بنفسجة هي المايسترا المقبلة
:cry::cry::cry::cry:
لاتصعبو الاسئلة راسي واجعني:cry::cry::cry::cry:

اهلا وسهلا فيكي بنفسجة او لموش .. المايسترا بحلقتنا اليوم ..
رح نبلش بفقرة الانا..

بداية كيف عرفتي اخوية ؟ وكيف شايفة اخوية هالايام وشو بتفرق عن قبل؟


لموش طب الاسنان كان من اختيارك؟ وكيف بتشوفي هالمهنة ؟ وليش الناس او المريضين بمعنى اصح بيكرهو دكاترة الاسنان؟

لموش انتي من الناس يلي على علاقات كتيرة باخوية_ماشالله عليكي بلا ما تقولي طرقنا عين:pos:_ كترة الاصدقاء برأيك منيحة اولا ؟

وهل بتحسي انو في اصدقاء بتعرفيهن ع النت بتحسيهن مش هالاصدقاء يعني ما بيعرفو معنى الصداقة الحقيقية او حتى ع الواقع؟
وهل اصدقاءك يلي من اخوية ممكن تفضليهن ع اصدقاء الك بالواقع؟

اكتر شخص بتحسيه قريب منك بأخوية من الشباب واكتر صبية بتحسيها قريبة منك باخوية من الصبايا؟

شو علاقة البنفسج مع لموش ؟؟ وليش البنفسج؟


لموش لو خيروكي بيوم من الايام انو تختاري قسم لتشرفي عليه اي قسم بتختاري ؟ وليش؟

اهلا وسهلا فيكي بنفسجة او لموش .. المايسترا بحلقتنا اليوم ..
رح نبلش بفقرة الانا..

بداية كيف عرفتي اخوية ؟ وكيف شايفة اخوية هالايام وشو بتفرق عن قبل؟


لموش طب الاسنان كان من اختيارك؟ وكيف بتشوفي هالمهنة ؟ وليش الناس او المريضين بمعنى اصح بيكرهو دكاترة الاسنان؟
اهلا مثنى شكرا عالتحية

كيف عرفت اخوية:
هاد ياسيدي كان عندي رفيق حمصي عم يشتغل بقطر عم يبحبش بهالغوغل متل المصروع
قام طلع معو هالمنتدى
قلي لما لما لك هاد منتدى حمصي ولك ليكي شوفي ما احلاه حمصي وربي حمصي
وعطاني الرابط هالشب اسمو مستر حبوب مشاركاتو قليلة كتير بسبب شغلو المضغوط وبوجهلو الف تحية
بالنسبة كيف شايفة اخوية هلايام
فهيي ياصديقي بتتغير بتغير الاعضاء وثقافتون وطريقة تفكيرون
اول فوتي على اخوية كان اهتمامي منصب على المنبر والسياسة وما كان شي يهمني غير المنبر وما كنت اعرف الا الاعضاء يلي بيكتبو بالمنبر وكان كتير بوقتا حامي وفيه اخد وعطا
وبعدين رحت على غير اقسام وبصراحة انا ما عم شوف انو اخوية عم ترجع لورا او عم يتغير فيا شي جوهري
كل القصة انو المنبر ما عاد متل ما كان
اما باقي الاقسام فهيي شغالة ويلي عم يتغير بس اهتمامات الاعضاء ونوعيتون مش اكتر الدم المتجدد شي حلو
وجيل ال2006 غير جيل ال2007 وغير جيل ال2009 وهكذا


طب الاسنان:
ياسيدي هاد انا دارسة قبل سنتين ارشاد نفسي وبعدين عايدة بكلوريا وكان مجموعي 230 علامة
فاهاد المجموع بوقتا كان يدخلني اي فرع بدي ياه
وبما انو المجموعة الطبية بالبلد عنا احسن شي (متل ما بيقولو)
فا بابا كان بدو صيدلة وماما طب بشري فانا مشان مازعلون سجلت طب اسنان:lol::lol::lol:
المهنة انسانية كاي مهنة طبية يعني بيكون فيها احتكاك مباشر مع ناس بيعانو الم معين بمكان معين وانا واجبي ساعد بايقاف هالالم ولما هالالم بيزول السعادة بتغمر حياتي
ماديا هالمهنة كتير مربحة:lol: شغلا كتير كسيب والمرضى متوفرين دايما لان كل مريض عندو 32 سن وخود بقا
وكمان هي مهنة متعبة جدا جدا ومع الزمن ممكن تسبب مشاكل صحية للطبيب:sick:
اما ليش المرضى بيكرهو طبيب الاسنان فلعدة اسباب اولا وجع الاسنان من اكثر الاوجاع ازعاجا وبتكون النوبة الالمية فظيعة جدا
وطبعا الفم وحساسيتو وريحتو يلي بيكون بالغالب من نخر الاسنان كتير بيسبب ازعاج للناس وبيادي لكرهون للطبيب
التخدير والمعالجة السنية كتير مزعجة بغالب الاحيان والمريض بينزعج من صوت جهاز الحفر يلي بنستخدمو لفتح السن المنخور
وشو بدك كمان حاج:lol:

لموش انتي من الناس يلي على علاقات كتيرة باخوية_ماشالله عليكي بلا ما تقولي طرقنا عين:pos:_ كترة الاصدقاء برأيك منيحة اولا ؟

وهل بتحسي انو في اصدقاء بتعرفيهن ع النت بتحسيهن مش هالاصدقاء يعني ما بيعرفو معنى الصداقة الحقيقية او حتى ع الواقع؟
وهل اصدقاءك يلي من اخوية ممكن تفضليهن ع اصدقاء الك بالواقع؟

اكتر شخص بتحسيه قريب منك بأخوية من الشباب واكتر صبية بتحسيها قريبة منك باخوية من الصبايا؟


بالنسبة للسؤال الاول حول كترة الاصدقاء فبقلك مش منيحة ابدا
لانها بتجيب وجع راس اولا
وبتصير مضطر ترضي كمية كبيرة منون وخاصة اذا كنت طيوب كتير وما بتحب تزعل حدا فهي مشكلة كتير كبيرة
رفقاتي من اخوية يلي بيعرفوني شخصي بيعرفو ليش عم احكي هيك
انا من الناس يلي جابتلا الرفقة الكتيرة وجع راس كتير كبير
وللاسف كل اصدقائي يلي باخوية غاليين عليي ومش قادرة ابعد عن حدا منون وكلون الون معزة خاصة بقلبي:cry:
بدي قلك شي خطير جدا:lol:
اذا مو 100 بالمية بقلك 99 بالمية من رفقاتي هنن من الانترنت ومن اخوية حصرا
اخوية مجتمع مصغر عن مجتمع الواقع يلي عايشينو
وبالنسبة الي رفيق النت بس شوفو على ارض الواقع ما عاد رفيق افتراضي انما واقعي
وطبعا متل ما بتشوف على ارض الواقع اصدقاء بيعرفو شو يعني صداقة واصدقاء مابيعرفو من الكلمة الا اللفظ تبعا
بتلاقي بالانترنت هيك شي
وبرجع بقلك اغلب اصدقائي الواقعيين هنن من اخوية

رفقاتي الشباب من اخوية يلي بشوفون دايما وبحسون اقرب الناس الي هنن (ظل جيفار _ فسحة امل) لاني دايما معون ومشاريعي معون بحكم قربون من مكان سكني وطبعا في كتار كتار غيرون لما مقربين كتير بس هالشباب موجودة معون دايما
البنات بحس اكتر بنت قريبة عليي من اخوية هيي (ريمي) رغم انو ماشفتا ولا مرة بس بحكيا دايما

شو علاقة البنفسج مع لموش ؟؟ وليش البنفسج؟


لموش لو خيروكي بيوم من الايام انو تختاري قسم لتشرفي عليه اي قسم بتختاري ؟ وليش؟
امممممممممممممممممممممممم
البنفسج البنفسج
لاحكيلك قصتي مع البنفسج
هاد ياسيدي كان عمري اربع سنين مدري خمس سنين لما كنت العب بالارض يلي حد بيت ستي وكان بالارض في عشبة هيك ما كنت شايفتلا اي معنى واجيت بدي اقلع هالعشبة على اساس شو انا عم نضف الارض من الاعشاب الضارة
اجت ستي من وراي وقالتلي لاه شو عم تساوي ليش عم تخربي الوردة
قلتلا تاتا شبكي انو وردة هي مافي وردة قامت تاتا بعدت الاوراق عن بعضا واذا بوردة بنفسجية اللون رائعة الشكل تظهر لي من بين الاعشاب
قطفت تاتا وردة وقالتلي شوفي ما احلاها وشمي ريحتا عليها ريحة بتاخد العقل
قالتلي تاتا اوعى تظني بشي انو ضار قبل ما تتاكدي
ومن بعدا صار همي الوحيد اعتني بهالوردة وامنع حدا يقرب عليها
البنفسجة يلي عند ستي صغيرة كتير وبتضل متخباية متل الخجلانة بين الاوراق شكلا جميل جدا وريحتا فيك تشما مرة وحدة بس بس هالمرة كفيلة تاخدك لعالم تاني تماما
هالوردة بحسا بتجمع تناقضات كتيرة متلي
جميلة وخجولة ريحتا عذبة وما بتنشم الا مرة وحدة بس:lol: متواضعة رغم انها بفعلا كبيرة
ومظهرا بيعطي شكل حزين متلي تماما بس مستعدة تزرع السعادة بقلب مين بيشوفا ويشم ريحتا
متلي:p:p
وهي صورة البنفسجة يلي انا بشبهها:oops:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)




بالنسبة للقسم يلي بحب اشرف عليه
فهو قسم الصالون او السقيفة
الصالون المواضيع يلي بتنطرح فيه ثقافية اجتماعية وكتير بحب هالنمط من المواضيع
والسقيفة بحسا احلى قسم باخوية فيك تحكي يلي بدك ياه وفيه تعبر وتحكي وبحس يلي بيكتبو فيا على درجة عالية من الثقافة على عكس مايبدو:D

لموش سؤال اخير ..
شو موقع الحب بحياتك ؟

لموش سؤال اخير ..
شو موقع الحب بحياتك ؟
:cry::cry::cry::cry::cry::cry:
الحب باشكالو المتعددة محور حياتي
يعني ما بدي قلك ما بعرف اكره ما انا متلي متل اي انسان جواتو الحب والكره
بس لما بحب بعطي للاخر ويلي بحبو يستحيل ارجع اكرهو
هيدا بالمنطلق العام
الحب يلي حسب ما فهمت بتقصدو انت حب امرأة لرجل
فانا ياصديقي كان صار عمري 25 سنة ما كنت اعرف شو هالحب وكنت الله وكيلك مرتاحة وعين الله عليي:p
قمت حبيت:frown: :oops::oops:
شو بدك بالحكي الحب عالم تاني:sosweet::sosweet::sosweet:
بيغير حياتك وبيقلبها فوقاني تحتاني
هلق علاقتي بالشب خلصت للاسف:cry:
بس هاد ما بيعني اني بطلت حبو
لكن حبو صار شي تاني
ذكرى كتير حلوة وذكرى كتير رائعة ما بنساها بحياتي وخاصة انو كان حبي الاول
ومني الو احلى وردة للانسان يلي حرك قلبي من جوا:sosweet::sosweet:
وبس خلاص:lol:
شكرا مثنى:D

منرحب بلموشتنا

لموش شو هي الاخلاق الانسانية بالنسبة الك وشلون تشوفي اللي قدامك انسان او عضو من جماعة معينة قبل ما يكون انسان ؟

من تشوفي طفل من الطبقة المسحوقة ... تحبي تساعديه بشكل حقيقي

لموش كيف تشوفي علاقتك مع الله ؟ و شلون تشوفي حالك مؤمنة فيه و شلون ممكن تنعكس علاقتك مع الرب على علاقتك مع البشر الاخرين ؟

علاقتك بالاهل .. علاقة مميزة ؟


- لو اجاكي فرصة دراسة برا ... تروحي ؟

و شو اكثر تخصص بالاسنان جذبك و بودك تكملي ماستر فيه


هيك خلصنا مع الجزئين الاول و التاني :lol:

منرحب بلموشتنا

لموش شو هي الاخلاق الانسانية بالنسبة الك وشلون تشوفي اللي قدامك انسان او عضو من جماعة معينة قبل ما يكون انسان ؟

من تشوفي طفل من الطبقة المسحوقة ... تحبي تساعديه بشكل حقيقي

لموش كيف تشوفي علاقتك مع الله ؟ و شلون تشوفي حالك مؤمنة فيه و شلون ممكن تنعكس علاقتك مع الرب على علاقتك مع البشر الاخرين ؟

علاقتك بالاهل .. علاقة مميزة ؟


- لو اجاكي فرصة دراسة برا ... تروحي ؟

و شو اكثر تخصص بالاسنان جذبك و بودك تكملي ماستر فيه


هيك خلصنا مع الجزئين الاول و التاني :lol:

ابو سارة الغالي مية وردة الك ولاسئلتك الحلوة:D:D:D
بالنسبة للسؤال الاول
الاخلاق الانسانية بالنسبة الي هيي باختصار كل خلق خلفيتو خيرة وطيبة ومحبة ومتسامحة
يعني كل خلق ممكن تكون نتيجتو خير على الاخرين فهو خلق انساني
وبيندرج تحت هالعبارة كتير من الاشيا يلي بنصنفا انها مش اخلاقية
مثال على هالحكي الكره يعني الكره خلق غير حميد بينما لما حدا منا بيعبر عن كرهو للعدو يلي احتل ارضو بيصير هالنمط من الكره خلق حميد وانساني
حبي لوطني خلق كريم وحبي للعدو خيانة
بالنهاية الاخلاق الانسانية تتبع طبيعة المجتمع ومافي تعريف ممكن يختصر هالكلمة المطاطة احيانا بتكون الاخلاق الانسانية مصلحتنا الشخصية ونحنا بنكيفها حسب ما بنشوف الصح يلي ممكن يكون غلط بنظر مجتمع تاني
:D:D
بالنسبة لسؤالك عن الشخص كيف بنظرلو فانا بنظر للشخص كانسان بيمتلك حق اني احترمو وحبو حتى يثبت العكس انا عندي اصدقاء يمكن ما تتوقع من اي مجتمع واي تفكير واي توجه سياسي او ديني
وفي منون تكفيريين بيعتبرو فكري كافر وانا كافرة ومع هيك اصدقائي وفي منون خصوم سياسيين وخود على اتجاهات وتخبيص وكل واحد منون الو خصوصيتو ومكانتو بقلبي والاحترام المتبادل هو محور حياتنا وطبعا الخير وعدم الايذاء
بالنسبة للسؤال التاني :الطفل من الطبقة المسحوقة:cry:
التعامل مع هيدا النوع من الاطفال كتير صعب كتير بشوف بحياتي اليومية اطفال عم يبيعو علكة وجرايد ويمسحو بلور سيارات او عم يشحدو مصاري
مساعدة حقيقية مابعرف كيف بدي قلك كيف فيني ساعدو
مرة حكيت طفل بياع جرايد بالكراج وسالتو ليش مانك بالمدرسة كان جوابو انو بابا بدو ياني بيع وجيب قدر معين من المصاري واذا ما جبتون ما بيخليني اتعشى
:cry::cry:
وقفت متل المسطولة امام هيك وضع وهيك حالة وغيرها كتير
كل يلي قدرت اعملو اني اشتري جريدة منو:cry:
حاليا عم شوف مسلسل اسمو قلوب صغيرة بيتطرق لهيك مجتمع ولهالاطفال وعم تابع بشغف اسلوب الممثلة بالتعاطي مع هالاطفال وعم جرب اتعلم :lol:

علاقتي بالله:
مممممممممممممممممممممم
والله علاقتي بالله علاقة مطاطة كتير احيانا بحس حالي بحبو كتير واحيانا بحس انو ما بدي اسمع فيه:lol:
يمكن وصلت لنتيجة انو قمة الايمان هي الالحاد
الله كما افكر فيه هو الخير المطلق المجرد من كل قشر يعتريه
الله ليس دكتاتورا ليجعلني اخنع له واعبده بطرق العبادة المتبعة حاليا وليس ساديا ليجوعني لارضائه
علاقتي بالله مجردة من كل دين وبعيدة عن كل معتقد
انا اؤمن بقوة خفية تحرك العالم على هذا النحو ما بعرف ماهية هالقوة
لكنني مؤمنة بوجودها وبقدر سمي هالقوة (الله)
انا مش بحاجة لوطد علاقتي بالله باني اتوسط حدا لانبي ولارسول ولا كتاب ولا ولي
انا روح من الله وهالروح قادرة تحكي ربا بكل اريحية
وهيك مرتاحة كتير بعلاقتي معو
وايماني بانو الله هو خير مطلق خلاني اتعامل مع كل الناس بخير مطلق ومحبة مطلقة

علاقتي بالاهل:مممممممممممممم
كعلاقة اي ابنه باهلا ايام رواق خالص وايام خناق خالص وايام هدنة
هلق شوي انا غريبة الاطوار بالبيت ونظرتي للدين بتخلي بابا متزاور مني كتير بس مع هيك ولامرة حسسني انو رح يفرض عليي شي ولا مرة حد من حريتي
انا بنت بتفتخر انو تملك حرية كبيرة بالحياة كيف ما بدي
علاقتي بوالدي مميزة جدا جدا بحمل طباعو نفسا رغم اني نقيضو دينيا بس هاد الشي ما بياثر على ارتباطنا ببعض (هلق شوي اخد على خاطرو كوني الوحيدة بالبيت يلي موصايمة وبذكر انو ابن عمي الصغير سالو سؤال
قلو عمو ليش لما ما بتصوم اتطلع فيي بابا هيك وقلو لابن عمي هي لما طبوش مافيا تقعد بلا مته:lol::lol::p)

السؤال الاخير
فرصة دراسة اكيد بروح ولو كانت بجزر المالديف (رغم اني مابحب الدرس كتير بمل بسرعة:lol:)
بس اذا صرلي ما بقصر وبحب اتخصص طب اسنان اطفال
بحب كتير التعامل مع الاطفال والحكي والتسالي معون:lol::lol:

مرحبا لمى
بين طرطوس واللادقية وبانياس وين بتحسي جالك ؟
من كتر ما قالولك الاعضاء عمتي بلشتي تحسي حالك عمة؟
بتخافي من الفقر؟
اذا طلبت منك تقولي شي لفقراء سوريا شو بتقولي ؟

لمى بهالفقرة احد الاعضاء وجهلك اسئلة ما منقدر نقلك اسمه الا بعد ما تجاوبي وهو حر بطرح الاسئلة

شو اكتر شي بطفولتك مأثر عليكي لحد هلأ ؟

طرطوس او بانياس تحديداً .. شو في شي قرنة فيها بتعجبك وبتلفتلك نظرك وكل ما بتجي ع بانياس لازم تمري منها او تقعدي فيها؟ وليش؟

صداقات الطفولة ... لسا في حدا منهن بتحكي معه لهلأ ؟

مرحبا لمى
بين طرطوس واللادقية وبانياس وين بتحسي جالك ؟
من كتر ما قالولك الاعضاء عمتي بلشتي تحسي حالك عمة؟
بتخافي من الفقر؟
اذا طلبت منك تقولي شي لفقراء سوريا شو بتقولي ؟
مرحبا طارق
مليون مرة صرت قايلتلك اسمي لـمــــــــــــــــا بالالف الطويلة:jakoush:

المهم:lol: لنبلش اجابات
بين طرطوس والادقية وبانياس
اكيد بحس بحالي باللاذقية وبدون ادنى تفكير حياتي على مدى 7 سنين كانت فيا وهال7 السنين هيي اجمل فترات حياتي
اللاذقية ساهمت كتير بيلي انا فيه حاليا كل شبر منا الو معي ذكرى
كل تفصيل فيا عايشتو
شوارعا اسواقا محلاتا كافيترياتا سكنا الجامعي الكليات
والاماكن الطبيعية يلي فيا
يعني شو بدي احكيلك لاحكيلك
:cry::cry::cry:


الاعضاء وعمتي والله ياصديقي هالكلمة بتحسسني اني كبيرة:lol::lol: ومع هيك بحبا كتير
الاعضاء بينادوني فيا يمكن لاني اكبر من غالبيتون سنا
وفعلا صرت حس حالي عمة مسؤلة عن الجميع ولازم كون باي مشكل بين اي عضوين باخوية:lol:
بذكر من فترة ضيعنا السيد سامان باللادقية وعلى شوي رح انزل دور بالمشفيات وبالشرطة:pos:
هالكلمة الها وقع كتير حلو بحياتي :lol::lol:

بخاف من الفقر؟؟؟!
مممممممممم انا اصلا مولودة في بيئة فقيرة يعني اهلي الحمد لله عايشين وكافيا الله كنا بمرحلة من حياتنا كتير بنعاني من الفقر
بابا كان يخاف منو مشانا يعني كان يخاف انو يجي يوم ما يلاقي شي يطعمينا ياه ومن هون كان خوفو من الفقر
بس الحمد لله طول ما نحنا قادرين نامن احتياجاتنا الضرورية فانا ما بعتبر اني فقيرة
درست وتعلمت لجابه الفقر (المادي) وهلق حالتنا الحمد لله تمام وما بتخوف:lol:
الفقر العقلي مرعب جدا وحجث ولاحرج هيدا اخطر من الفقر المادي واشد وطأة
وبصراحة انا ولامرة خفت من الفقر المادي انما بخاف دايما من الفقر العقلي لهيك بحاول قدر الامكان انو ماحس اني فقيرة عقليا

لفقراء سوريا شوبقول: عمرو ما كان الفقر المادي عيب
العيب انو نقعد ونلطم ونبكي ونحنا قادرين نركد ونشتغل ونامن لقمة عيشنا
هي العدالة الالهية يلي خلقت لناس بتمون ملعقة دهب وخلقت ناس عالشقى والتعتير والركض كل النهار مشان لقمة خبز وصحن زيت
بس بيكفيكون شرف انكون عم تسعو للقمة عيشكون ومابقدر قلكون اكتر من هيك:D:D

عمتو بدي منك تتركي تذكار للبرنامج بيعبر عنك
نورتي البرنامج

الليلة عبق المطر من استوكهولم رح يفوح وينتشر للشام وبغداد وعمان
selavi
مايسترو الليلة
اهلا وسهلا فيك لسهرة من سهرات المايسترو الغنية

مسا الخير ورد
ورد شو اللي عم يمشي بدمك ليطلع هالتالق بالخواطر الرائعة؟
يقال ان الالم هو مصدر كل ابداع هل بتحس بالم وشو هالالم يلي ممكن يفجر منك ابداعات كبيرة؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صورتك بالملف
اليوم كنت عم تقلي انو اوقات الصورة بتعبر اكتر عن الكلمة ياترى شو يلي حابب تقوله هون ؟

خليني ابدا معك بفقرة الانا وهون منحكي عنك انت عن عالمك عن اهتماماتك
فكرت شي يوم ليش انت هون بالحياة؟
هل انت راضي عن وين انت اليوم؟
بتقول عن حالك بملفك الشخصي :
اجول اعماق مفصلة لأفصلها بتعقيد
لاي عمق بحياتك وصلت ؟
ولاي تعقيد بدك توصل وبرايك بتشوف الحياة بتعقيد افضل؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هاد الانسان شو موقعه بحياة ورد؟

ورد
اليوم بحديثنا الصبح حسيت عندك حنين للشام وكمان بتقول انت ::
مطرحك:ما زلت اتسأل عنههل وجدت مطرحك او بعد؟وين الشام اليوم بحياة ورد ؟مما قرأت وشفت عن الشام يا ترى كيف متخيلا لما حترجع للشام قريبا ؟وبالمقابل شو قدمتلك السويد؟شو اللي لقيته هونيك وما لقيته بالشام ؟ وشو اللي فاقده اليوم؟

رح سلم الراية للبغدادي ابو سارة
وللعماني مثنى

لمى بهالفقرة احد الاعضاء وجهلك اسئلة ما منقدر نقلك اسمه الا بعد ما تجاوبي وهو حر بطرح الاسئلة

بعتذر على التاخير طارق
بس انو يعني فيك تنطرني لكفي اجاباتي
ليش هيك مستعجل على تطفيشي اه:frown:


شو اكتر شي بطفولتك مأثر عليكي لحد هلأ ؟



محاولة تحرش جنسي كان عمري 6 سنين من شب عمرو 17 سنة بس مرقت على خير ما بنساها هي:lol::lol:

طرطوس او بانياس تحديداً .. شو في شي قرنة فيها بتعجبك وبتلفتلك نظرك وكل ما بتجي ع بانياس لازم تمري منها او تقعدي فيها؟ وليش؟

المركز الثقافي ببانياس بحبو كتير وما بحب ببانياس غيرو بحس فيه انو انا لما يلي بعرفا

صداقات الطفولة ... لسا في حدا منهن بتحكي معه لهلأ ؟

من 5 شهور تزوجت اخر صديقة طفولة الي وماعاد سمعت عنا شي وما ضل بالميدان غير حديدان:cry::cry:


عمتو بدي منك تتركي تذكار للبرنامج بيعبر عنك
نورتي البرنامج
بما انو مستعجل حضرتك فانا رح اترك مقطع تذكار مني لاخوية
اغنية غادة شبير
انت حبيبي ياحلو
صدق لشو محتار ما انا ليل باولو مكحول قوم سهار
بحكي معون مش لا وببتسم بيقولو المتلي نهار
بيتغزلو فيي ومافيي الا اسمعون
بيبرو القلم والورق ناطر موعدو وما بنرسم
ما كنت مرة من البدو لكن عاقلبي صار دقات قلبك تنوشم ومدقدقة بالنار
مقاطع هي متفرقة من الغنية سمعوها حلوة كتير
وثانكس عالاستضافة وعذرا عالتاخير:D
والموضوع منور بوجودك

عمتو انتي حلوة
مني ومن زيد ومن مثنى

رح سلم الراية للبغدادي ابو سارة
وللعماني مثنى


تصحيح زغير من بعد اذن طروق ..:D

السلطي بدل العماني ..:gem:

عمتو انتي حلوة
مني ومن زيد ومن مثنى
:D:D:Dبعرف بعرف اني حلوة
شكرا شكرا:lol:
هاموش: مين العضو يلي سال الاسئلة لازم اعرف:sly::lol:

:D:D:Dبعرف بعرف اني حلوة
شكرا شكرا:lol:
هاموش: مين العضو يلي سال الاسئلة لازم اعرف:sly::lol:

العضو يلي سأل الاسئلة هوي ميرو >>saman :D

اهلا وسهلا فيك ورد المايسترو لحلقتنا الليلة ..


ورد .. لاحظت انو من الصور يلي بتحطها بخواطرك بيكون فيها مطر او ظلام او غروب ؟ هدول التلات شو بيعنولك ؟ وهل بيشكلو جزء من حياتك؟

ورد النك نيك تبعك selavi شو يعني هالاسم؟


انت مسجل بالاخوية من ال 2006 ونحنا هلأ ب 2009 شو يلي اتغير بحياتك بهالفترة ؟؟

شو بتحكي بالحب ؟

ورد في شي بيوحيلك بالكتابة؟ ووقت تكتب عنوان الخاطرة كيف بيطلع معك ؟

كيف ممكن يكون ورد بدون خواطر او شعر ؟

في يوم من الايام بعد ما كتبت شي .. قلت كيف طلعت معي هي ؟ وهل بتفكر بالشي يلي بدك تكتبو قبل ما تكتب؟

بتعتبر حالك غامض ببعض الاحيان؟

عمتو .. ما معقولة انتي .. مبيّن انو امير يعني ..

المهم .. انا بدي اسئل .. بما انو معي بطاقة vip قال يعني ..

ورد .. اسم حلو ..
بتحب أسمك ؟ ولا بيخطر على بالك تغيّروا ؟

في سؤال حارق قلبي .. الصورة اللي مصورها ونشرتها بالمسابقة ..
وين مصوّرها .. وشو هيي؟

ورد .. بشو بيعتبر حالو " أميز شي" ؟

شو رأيك فيي .. ازا بتعرفني طبعا .. ازا ما بتعرفني .. عراحتك :o

مساء ليلة وليلة مسائها يقطرُ عبق دمشقي

ليلة سهراء اشعل بها سيجارتي الاولى هنا على اضوائكم الدافئة

بداية يزورني قول لسقراط يقول '' ليس من الضروري ان يكون كلامي مقبول, من الضروري ان يكون صادقا!

بتمنى ان لا اجسد الا نفسي في اسألتكم بشفافية


ورد شو اللي عم يمشي بدمك ليطلع هالتالق بالخواطر الرائعة؟
يقال ان الالم هو مصدر كل ابداع هل بتحس بالم وشو هالالم يلي ممكن يفجر منك ابداعات كبيرة؟

لست اكثر من انسان يتامل سماء شديدة العتمة والبعد
احيانا ان صادفت حجرة يبدو عليها العتق في طريقي الى المنزل, اعجز عن منع نفسي ان اقف واتاملها لدقائق عديدة, ليست الدماء في عروقي خضراء, هي شديدة الاحمرار كما اتصورها'' بس لا تئولو تقيل دمو ''
,, صديقي طارق لدينا كلنا من العمق والتامل ما يكفي لان نحرك القلم لايام طوال

الالم قد يكون نوع من اكتساب الراحة المؤجلة ,, ليس هنالك من لا يتالم لكونه انسان

لا ادري ان كنت شديد التامل في احداث الحياة اليومية بشكل مبالغ او حتى اني ارى الاشياء احيانا باشكال اخرى
او ربما كرست دقائقي لابراز الاشياء التي اشعر بشكل مميز وليس على التميز ان يكون ايجابيا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صورتك بالملف
اليوم كنت عم تقلي انو اوقات الصورة بتعبر اكتر عن الكلمة ياترى شو يلي حابب تقوله هون ؟

Magritte

لا احبذ ان ارى اللوحة من عين راسمها
لكن اشعر ان تلك اللوحة تتكلم عن الروح الحرة الغير مكبلة
نستطيع ان نرحل حتى عن اجسادنا ولو لثواني '' اليست معجزة ''

خليني ابدا معك بفقرة الانا وهون منحكي عنك انت عن عالمك عن اهتماماتك
فكرت شي يوم ليش انت هون بالحياة؟
هل انت راضي عن وين انت اليوم؟
بتقول عن حالك بملفك الشخصي :
اجول اعماق مفصلة لأفصلها بتعقيد
لاي عمق بحياتك وصلت ؟
ولاي تعقيد بدك توصل وبرايك بتشوف الحياة بتعقيد افضل؟

ربما نولد لنحيا, نحيا لنعيش ونعيش لنموت ويتبع ربما ان الاجوبة عمياء وحدها الاسئلة ترى

يذهلني اوشو في تصويره للامور حينما يقول نحن في الواقع لدينا نظريات عن الحياة، لكننا لا نعيش عمق الحياة الحقيقية

ليس من الضروري ان يكون العمق عمقا فالصقر يرى فريسته في الاعماق من السطح العالي

اي شخص منا بوصل لمرحلة عمقية بتأهلو لرؤية ذاتية نفسو والاشخاص من حوله بشكل خاص

ماني دبلوماسي بجوابي, بس الصدق شئ جوهري بالحياة,, التزامية الشخص بقناعاته المبتكرة
ربما لهذا الحد فحسب,, وصلت :lol:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رابندرناث طاغور

اول ماقرات واثر بي, ربما لانسانيته المفعمة بتصوير الاحاسيس والاشياء الاكثر تاثيرا ببساطة

حین أفكر في الغبطة التي تبعثھا ھذه الكلمات في عِطْفيّ ، أدرك قیمة الدور الذي یؤدیھ الجرس اللفظي
والقافیة في القصیدة، إن الكلمات تفيء إلى الصمت، ولكن موسیقاھا تظل ممتدةً ، ویبقى صداھا موصولاً
بالسمع ، وھكذا فإن المطر ما یزال یھمس وأوراق الأغصان ما تني ترتعش حباً ، حتى الآن في ذاكرتي

طاغور ..

ورد
اليوم بحديثنا الصبح حسيت عندك حنين للشام وكمان بتقول انت ::
مطرحك:ما زلت اتسأل عنه هل وجدت مطرحك او بعد؟وين الشام اليوم بحياة ورد ؟مما قرأت وشفت عن الشام يا ترى كيف متخيلا لما حترجع للشام قريبا ؟وبالمقابل شو قدمتلك السويد؟شو اللي لقيته هونيك وما لقيته بالشام ؟ وشو اللي فاقده اليوم؟

الشام بتمثلي ذكريات عديدة رضعت منا ما انا عليه

مطرحي مو بالبقعة الارضية بتتحدد بالنسبة الي, ربما بوجودية الاشياء, الاحلام والاشياء الي بفكر فيها
لذلك ما بظن اني لائي مطرحي كون الانسان طماع بالفطرة

الشام هي شوارع ليلة دافئة, عبق وعطر الشجر الي بيحكي وبرد الفجر الصاحي

الشام ما بتتغير كمضمون, ربما بتتغير بناسها, ماعندي فكرة عن شكل الحياة الراهن بالشام , بس عندي ثقة انو لسا فيها جمرة الجمال الاجتماعي الثقافي والاخوي

بتخيلا متل ما بدي ياها تكون

السويد قدمتلي ذاتي, السويد او اي بلد حر ما بتقدملك شي اذا انت ما قدمت لنفسك
هي فقط بتدعمك لاعلان طموحاتك واثباتها

مافيني قارن الشام باي بلد اخر لانو الفرق شاسع

ربما بفتقد فنجان القهوة الصباحي الزوايا البسيطة الدافئة والبشرة الداكنة ...

اهلا وسهلا فيك ورد المايسترو لحلقتنا الليلة ..


ورد .. لاحظت انو من الصور يلي بتحطها بخواطرك بيكون فيها مطر او ظلام او غروب ؟ هدول التلات شو بيعنولك ؟ وهل بيشكلو جزء من حياتك؟

ورد النك نيك تبعك selavi شو يعني هالاسم؟


اهلا بسوا ربينا وما احلى نضل سوا مع الي ربينا معن

مطر .. مشاعر شفافة , احاسيس, والاهم جنون, اكثر شئ بعجبني بل مطر انو مالو موعد تماما كالبكاء

هو اغتسال حاد

ظلام.. غموض, تامل وانفرداية خاصة جدا

غروب.. لحظة خاصة ايضا كلحظة طلب الغفران بالكنائس ,,استرجاع شريط الحياة اليومي, الدم الي بلون الغروب الداكن بشبه لون دماء القلب الرهوف

ببساطة هو الانسان المتعلق بالماضي والمستعد للاشراق باي لحظة

انت مسجل بالاخوية من ال 2006 ونحنا هلأ ب 2009 شو يلي اتغير بحياتك بهالفترة ؟؟

شو بتحكي بالحب ؟

ورد في شي بيوحيلك بالكتابة؟ ووقت تكتب عنوان الخاطرة كيف بيطلع معك ؟

كيف ممكن يكون ورد بدون خواطر او شعر ؟

في يوم من الايام بعد ما كتبت شي .. قلت كيف طلعت معي هي ؟ وهل بتفكر بالشي يلي بدك تكتبو قبل ما تكتب؟

بتعتبر حالك غامض ببعض الاحيان؟

ممكن يكون ماتغير بحياتي,, لكن ارتباطي بالقلم العلني نقطة مهمة

بالنسبة الي, الضمير هو الاله والحب هو الالهة, ربما هاد الله بالنسبة الي ,,الي كتير لسا بدورو عليه بنفسهن
الحب هو التحام روحي بحت شديد التعقيد رائع الجمال
لا حب, لا هواء

انا ابسط بكثير صديقي من اني جسد الحب ببساطة لكونو فلسفة خاصة بكل شخص واذا جسد مات

لا استطيع ان اجرد نفسي من خواطري الذهنية المستمرة,, بمجرد ان جلست في مكان ما, بكتب على ذاكرة ذهني اكتر من ما ادونه احيانا,, مجرد اني شوف طفل شي بخليني غير قادر على التوقف عن مخاطبة نفسي
'' على فكرة هيك مو منيح للصحة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// '' متل السيجارة


في حالتين عندي بالكتابة, شئ اجسده بتامل وسبق تفكير
وشيء يخرج من احساسي بالاشياء بشكل فوري, كاحساسي بايقاع اغنية مثلا
ممكن احيانا كتير عبر عنو بالرقص الغير المتجانس بشكل حر
انا بامن بالفن التشكيلي جدا
والكتابة ممكن تكون تشكيلية, كتير فنانين برسمو مباطن اشيائهن وبحالو يفهموها بعدين '' مابقصد ابدا اني فنان!''

ربما غامض بالفكرة والغموض هو فكرة لا نستوعبها بشكل روتيني كالاشياء العادية لتاخذ شكل الغموض
اي شيئ ما بنفهمو بسهولة ممكن يكون غامض, اذا اي شيئ ممكن يكون غامض الى ان نفهمه


صديقي سوا ربينا,, قرات نفسي باسالتك العميقة الغير سهلة ابدا مرة اخرى وبتمنى كون جسدت نفسي المتواضعة جدا ببساطة

اسالتك جميلة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ورد .. اسم حلو ..
بتحب أسمك ؟ ولا بيخطر على بالك تغيّروا ؟

في سؤال حارق قلبي .. الصورة اللي مصورها ونشرتها بالمسابقة ..
وين مصوّرها .. وشو هيي؟

ورد .. بشو بيعتبر حالو " أميز شي" ؟

شو رأيك فيي .. ازا بتعرفني طبعا .. ازا ما بتعرفني .. عراحتك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ليون هارت , اعذرني لعدم معرفتي باسمك ويمكن هاد يكون جواب لاخر تساؤل عندك

ممكن كون بحب اسمي وممكن ما اتجرا غيرو لكونو بغسلني من الي منحني ياه

الصورة, هي عبارة عن صخرة بها شقوق على اليمين واليسار بتمشي فيها المي بشكل دائم
صورتا عند اعز صديقة لدي '' البحيرة ''

مابعرف اذا قصدت امير مو اميز, بتمنى ما تكون امير وضل اميز لاني ابعد بكثير من اني اعتبر نفسي امير, انا احيا بالتواضع, اولا واخيرا مجرد شخص عادي جدا لا املك اكثر مما تملك اذا مو اقل صديقي :D

ممكن كون بعرفك كتير منيح وممكن تكون انت مابتعرفني وهكذا الاشياء تدورُ :lol:

وممكن كلمة تكررت الليلة كثيرا

هيك بئدر ائول تصبحون على الف فيروز وفيروز :D

وهيك انا بقدر قلك صباحك ياسمين
ورد بهالفقرة احد الاعضاء بعتلك عدة اسئلة
ما بقدر قول من هوي الا بعد اجابتك على الاسئلة وان ما حبيت تجاوب فيك اكيد ما تجاوب
كيفك سلاف ؟

بدنا نعرفك اكتر من خلال اربعة اسئلة

كاتب بملفك الشخصى عن نفسك انك (وحدة ثنائية ربطّها بحبال روحية) حسب ما فسرتها انا انو ازدواجية عم تحاول تحلها بارتقاء روحى يوحد
بتشوف الازدواجية سمة اساسية فى اى انسان ؟ وشو مجال ازوداجيتك انت سلاف ؟

السؤال التانى , بنحس من كتاباتك الادبية انك انسان حساس كثير وانفعالى كمان يعنى اللى بيقرا لسلاف بيشوف كيف هو غارق ببحر من المشاعر والانفعالات ...سلاف مستمتع كغارق افرودويتى ... ولا بيعانى؟؟

السؤال الثالث كتيرة هى المعاناة فى كتابتك والفاظ الجوع والحزن والسكر والدمع المحرق ...سلاف ....شو السبب الاساسى بنظرك للمعاناة الانسانية المتزايدة؟


السؤال الرابع , ملاحظين انو علاقتك بالصورة علاقة رصاصية من الابيض والاسود ليه عم تجذبك الصور اللى من هذا النوع ؟



ومنورنا يا غالى

وهيك انا بقدر قلك صباحك ياسمين
ورد بهالفقرة احد الاعضاء بعتلك عدة اسئلة
ما بقدر قول من هوي الا بعد اجابتك على الاسئلة وان ما حبيت تجاوب فيك اكيد ما تجاوب


صباح الياسمين طارق ولو متاخرة :D


كيفك سلاف ؟
بدنا نعرفك اكتر من خلال اربعة اسئلة
كاتب بملفك الشخصى عن نفسك انك (وحدة ثنائية ربطّها بحبال روحية) حسب ما فسرتها انا انو ازدواجية عم تحاول تحلها بارتقاء روحى يوحد
بتشوف الازدواجية سمة اساسية فى اى انسان ؟ وشو مجال ازوداجيتك انت سلاف ؟
السؤال التانى , بنحس من كتاباتك الادبية انك انسان حساس كثير وانفعالى كمان يعنى اللى بيقرا لسلاف بيشوف كيف هو غارق ببحر من المشاعر والانفعالات ...سلاف مستمتع كغارق افرودويتى ... ولا بيعانى؟؟
السؤال الثالث كتيرة هى المعاناة فى كتابتك والفاظ الجوع والحزن والسكر والدمع المحرق ...سلاف ....شو السبب الاساسى بنظرك للمعاناة الانسانية المتزايدة؟
السؤال الرابع , ملاحظين انو علاقتك بالصورة علاقة رصاصية من الابيض والاسود ليه عم تجذبك الصور اللى من هذا النوع ؟
ومنورنا يا غالى



مرحبا مجهول

الازدواجية هي ارتباط اي شخص بنفسه ارتباط وثيق يمكن ان يعبر عن رؤية الامور بشكل متناغم مابين الشخص
وشخصه الخاص
تعلق الانسان باشيائه والتنقل ما بينها يمكن ان يخلق ازدواجية ليست بالضرورة ان تكون متناقضة
وكانك تلقي بعلامة استفهام من الكف اليمنى حتى تسقط كاجابة في يدك اليسرى انت
فانت هنا تختص بمحاورة نفسك في مونولوج داخلي وبعد نفسي, لكن لست انت من تخلق الاسئلة دائما

الانا موجودة في اي انسان من وجهة نظري والانا ممكن ان تكون انت.. المتسائل,, وصاحب الاجوبة.. وهي الانا

لكن للوحدة الثنائية معنى اخر هنا
وحدة ثنائية اربطّها بحبال روحية .. عندما تصبح انت والشخص الاخر المرتبط بكيانك اثنان في واحد تسعى الى خلق الواحد فحسب من خلال الدخول الى العالم الاخر في الطرف الاخر الى ان تعود بروح مكتملة '' تكون روحان توحدا '' ربما حينها تنتظم دقات قلبك على ساعة الاخر ولكن هل جربت ان تحلق معها كما اعدت ان تفعل وحدك
ان حاولت, ستعود لك فردية كما حصل معي

ببساطة ذلك التوحد بالشخص الاخر وبالخط العريض هو . . الحب
..

ربما اكون كبؤبؤ العين شديد الحساسية للضوء والظلمة منذ نعومة اظافري, وربما اقدر الاشياء اكثر لاني اعيش وحيدا تماما ونضجت وحيدا في منزل وحيد واصدقائي الاقرب هم من الطبيعة
الذين يخافون من اظهار احاسيسهم هم كالظلال في عيني,
لكن اليس علينا ان نشعر بالاشياء حتى اخر قطرة احساس
اليس علينا ان نتعمق بالاشياء حتى نشاركها جماليتها ونغرق في بحر غموضها
اليس علينا تذوق المر اولا حتى ينضج السكر في فمنا ...


ان افتقدانا للحب الحقيقي والشعور بالاشياء هو فقط,, اللا انسان في نظري
ليس على الحب ان يكون محدود الملامح
اشعر اني ناقص ان لم اتمشى وحيدا كل يوم في الغابة وحدي
ان لم اجالس الماء وحتى امرح مع الرمل كالاطفال
اشعر اني ناقص ان لم اجالس اوتاري ,, الغيتار
وببساطة اشعر اني ناقص ان لم اشتق الى نفسي كل صباح حتى يصبح فنجان قهوتي حلو

انا اشعر ان في داخل كل منا انسان اعقد بكثير من ان نصنفه او نبلغه كله
لكن لا يمكن ان بنحر دون حبنا للاشياء
الصدق بينك وبين الانا ان اختفى, اختفت الانسانية

..
الابيض والاسود الوان تبرز لك تجاعيد جدتك كلها مع الجمالية الخاصة لتلك التجاعيد
هما لونان صادقان حد الحقيقة الحقيقية
الابيض والاسود هما رؤية واضحة لاي شئ , او يمكنك ان تسميها الوان عسكرية لتزمتها الشديد بحقيقة الاشياء من وجهة نظري


اخرا وليس اخيرا اعذرني ان اطلت ولكن على نفسها جنت براقش صديقي مجهول, '' انت تعرفني جيدا لذلك تعلم ما تسالني '' هكذا اتخيلُ

بالنهاية تلك مجرد رؤيتي للامور بشكل خاص

تحية لك

اهلا من جديد فيك
العضو اللي سالك هيي اسبيرانزا

ورد كون اخوية هو موقع بعيد عن الدين والاتجاه الشمولي هوي اللي اكسب هالموقع هالقوة ام انو وجود اشخاص محددين فيه عطاه هالصفة؟