أخوية اليوم مو عاجبتك ... هل كنتي معجبة بأخوية الأمس ... و أي شي كنتي تحسيه سبب نجاح أخوية ... ؟
اليوم مو عاجبتني لانو بالأمس كانت عاجبتني
رغم الحركة الكبيرة الكانت موجودة والمواضيع الدسمة المطروحة
والمهاترات والنقاشات الكبيرة

كانت اخوية ناجحة بسبب وجود الكتير من الاعضاء المميزين وسياسة المشرفين بشكل عام مو خاص..
المواضيع المطروحة طريقة النقاش الاسلوب

بردك على اسئلك طارق ... لفت نظري هي الفقرة ..

معناها حوار الاديان بالسابق ما كنتي تحبيه ماكنت حبه لا نهائيا لاسباب كتيرة اهمها الاساءة لله والانبياء بشكل عام

كــ عضوة في أخوية .... شو موقفك من منع حوار الادبان ؟؟ و منع المواضبيع الدينية بالمجمل .. ؟ بمنتدى متل اخوية طابعه يساري انا مع منع هالحوارات الدينية
والمواضيع الدينية لانو اغلب الاعضاء لادينيين
وهالشي ممكن يسيء النا والهم

- برأيك ... المشكلة في اخوية تتلخص بعدم احترام القدسيات للاديان المختلفة ؟اي نعم للاسف

و شلون توافقي بين قدسيات الاديان المختلفة و حتى قدسيات اللادينيين التوافق بصير لما ما مس عقيدة اي شخص او اني شكك بالمصداقية امامهم لو انا مقتنعة بفكرة التشكيك
مو ضروري اذكرها ادامهم
مافي اصعب من لما تجرح شخص بدينه خاصة اذا كان مقتنع فيه وعامل علاقة خاصة بينو وبين الله
اما بالنسبة للناس الادينيين بصراحة مابحس اني ممكن خوض معهم بها الحياة باي شيء
بدي احترمهم غصب لاني بطالبهم باحترامي مقتنعة جدا بانسانيتهم ومقتنعة انو ممكن صادف بحياتي شخص ملحد يكون انسان اكتر من شخص تاني متدين

بس فكرة انو هالانسان مابيأمن بوجود رب لهالكون بحس فكرة توافقنا العقلية مستحيلة
بس بالنهاية هو انسان وانسانيتي بتحتم علي شوفو هيك


يعني اذا عضو انتقد الديانة الهندوسية ... شلون رح نتعامل معو ؟
ممممممممممم

سؤال صعب:lol:

بسيطة منشوف شو ربون لهاالهندوس ومنقلون ماحدا يجيب سيرتون بالعاطل:p

هي الاسئلة من مجهول


كيفك نسرين

أو شي .. شو رأيك بنظام الحكم العلماني
و هل انتي بتفضلي سوريا كـ دولة مسلمة ... أو علمانية


من فترة حطيتي موضوع بالسقيفة بعنوان ( يلي مابياخد من ملته بيموت بعلته ) و هربتي
يا ترى شو رأيك بالموضوع
و شو المقصود بـ ملته هل هو دينه أو منطقته أو شو بالضبط ..؟


شو رأي نسرين بالحب يللي بيجي بعد الزواج ..و هل ممكن تتزوجي شخص ما بتحبيه .. على أمل تحبيه بعد الزواج ..؟


لأي حد نسرين خارج المنتدى .. بتشبه نسرين يللي بالمنتدى ..؟

كيفك نسرين الحمدلله تمام التمام نشكرالله

وأنت كيفك؟:p

أول شي .. شو رأيك بنظام الحكم العلمانيأنا مو ضد العلمانية أنا مو ضد أي شي بيكون ضد الدين أي دين كان .
ولو انفرض علي عيش تحت هالحكم مارح قول لاء طالما الكل أخد حقو متل ماهو بدو


و هل انتي بتفضلي سوريا كـ دولة مسلمة ... أو علمانية مابقدر اتخيل سوريا دولة غير مسلمة تحديدا الشام

رغم انو اصولي ساحلية لكني مواليد دمشق وعشت فيها طفولتي ومراحلي الدراسية كلها
يلي عايش بالشام بيعرف شويعني مابقدر اتخيلها مو دولة مسلمة

ميزة الشام واهلها بعاداتها الدينية ويلي هلىء عم نعيش اهم ميزة فيها شهر رمضان
بجوامعها بشيوخها شوارعها والناس المتأصلين فيها وبالدين

بفضل سوريا دولة مسلمة ومابقدر شوفها غير هيك

من فترة حطيتي موضوع بالسقيفة بعنوان ( يلي مابياخد من ملته بيموت بعلته ) و هربتي
يا ترى شو رأيك بالموضوع
و شو المقصود بـ ملته هل هو دينه أو منطقته أو شو بالضبط ..؟ملته مقصود فيها الدين هون الملة الطايفة

بس انا كان قصدي كل شي
وهية ممكن تروح لمعتى القصد كلشي

يلي هو دينو ومنطقو بيئتو اسلوب حياتو

انا ماهربت انا عندي رد ورد طويل بالنسبة لهالموضوع

الزواج تحديدا هية اكبر واهم شراكة ممكن تصير بين شخصين الحب وحدو مو كفيل بنجاح هالشراكة

خلينا نعتبر الحب هو المال لقيام مشروع ما
بالمصاري ممكن نعمل اكبر واعظم شركة لكن لو انعدم التفاهم بين الشركاء رح تنهار هالشراكة لو دعامتها حب كبير او مثلا مليارات كتيرة

لو قلنا كمان انوجد الحب والتفاهم لكن الدين مختلف ولنفرض متفاهمبن بامور الدين
الاولاد لمين ؟؟؟

الزواج لازم نحسب حساب كل شي فيه حتى اصغر التفاصيل

انا مع هالمثل قلب وقالب للاسف يعني بس الحب مو كافي لاستمرارية الزواج

ربما لاني اؤمن بنظرية الزواج مقبرة الحب ....لازم يكون كلشي كامل لتستمر الحياة مو بس الحب


شو رأي نسرين بالحب يللي بيجي بعد الزواجمازال هو حب بيضل حب هو حقيقة مستحيل نتنازل عنها
وامامي تجارب كتيرة عن هالحالات

وعندي احساس انو هالحب بيكون اكثر استمرارية او اكثر مصدااقية مجرد احساس


..و هل ممكن تتزوجي شخص ما بتحبيه .. على أمل تحبيه بعد الزواج ..؟صعب كتير اتزوج شخص مابحبه

بس رح احكي شيء

الحب درجات اولو اعجاب مو هيك بقولو:p

من الممكن اتزوج شخص كون معجبه فيه بس ويكون عندي قبول اتجاهو
بس اذا اتزوجت بها الطريقة ممكن اطلب زواج كامل وما اتنازل عن شيء ابدا
مو انانية ولا زواج مصالح بس اضمن حياة مشابه لحياتي

اكيد مو القصد عرس ب فندق 5نجوم وبدلة بنص مليون وخاتم الماس وهيك
بس انو اتنازلت عن الحب فما معقول اتنازل عن ماهو اقل منه

أمل يجي الحب بعد الزواج؟؟؟

هو رح يجي رح يجي مو بايدو ما يجي يعني الشراكة بكل شي مو شيء بسيط خاصة لما بتدخل الاطفال بالنص
وفكر انو هالرجل هو اب لاطفالي رح حبه من كل قلبي :oops:


لأي حد نسرين خارج المنتدى .. بتشبه نسرين يللي بالمنتدى ..؟لحد كبير كتير وكتير كمان

لانو انا مابقدر كون غير انا بكل بساطة

حاولت خمن مين انت يامجهول؟؟بس ماقدرت :shock:

بس شكرا على الاسئلة ولموافقتك تشاركني الحلقة:D

نسرين
بدي منك تتركي هون شي يذكرنا فيكي

اهلا وسهلا فيكي نورتي البرنامج
الليلة ضيفنا استثنائي بكل معنى الكلمة لانو من زمان ما طل صوبنا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بشكركم جميعا
سوا ربينا رجل من ورق

وشكرخاص لـــ زيد :D

وخبروني مين المجهول ؟

بشكركم جميعا
سوا ربينا رجل من ورق

وشكرخاص لـــ زيد :D

وخبروني مين المجهول ؟


كان العضو المجهول ... سامر .. MadMax

و هلا ما ظل مجهول .. صار معلوم :larg:

ضيف الليلة عضو من الجيل القديم المعتق
فينا نقول انو الليلة معه فينا نتذكر اخوية بالابيض والاسود
SIMON
اهلا وسهلا فيك
قبل ما ابدى الحلقة بدي اشكر كتير قرصان الادرياتيك :D

ضيف الليلة عضو من الجيل القديم المعتق
فينا نقول انو الليلة معه فينا نتذكر اخوية بالابيض والاسود
SIMON
اهلا وسهلا فيك
قبل ما ابدى الحلقة بدي اشكر كتير قرصان الادرياتيك :D
بيسعدني كون معكن بعد فترة الانقطاع اللي دامت كتير ..و شكراً لدعوتك حبيب القلب

اول سؤال بيخطر بالبال سيمون انو ليش كنت غايب ؟
يقول المثل ان لم تزد على الحياة شيئا فانت زائد عليها ؟
شو موقع سيمون اليوم بالحياة ؟
برايك اي المعادلتين ادق
الانسان اهم من الارض ام الارض اهم من الانسان ؟
خدمة الجيش شو اخدت من سيمون وشو عطته ؟

اول سؤال بيخطر بالبال سيمون انو ليش كنت غايب ؟

ليش كنت غايب امممممم... شوف حبيب القلب .. ببساطة كان في عندي امور كتيرة شاغلتني عن اخوية .. حاولت ارجع بس شوي امور اخوية كانت مكركبة وقت فكرت ارجع.. بس السبب الرئيسي لابتعادي عن اخوية هالفترة كلها كان تردي الامور بأخوية بشكل كبير و ابتعاد معظم الاصحاب القدماء عنها ..
وقت اللي عم فوت ع اخوية عم اتحسر ع اخوية زماان ..المنتدى اللي كنا نتصفحو من أولو لآخرو و ما نمل و لا نشوف مشاركات بلا طعمة و مهاترات من دون سبب او لشي تاهف جداً ..
فا يا ريت ترجع اخوية متل ايام زمان و يرجعو المحاربين القدماء ..

يقول المثل ان لم تزد على الحياة شيئا فانت زائد عليها ؟
شو موقع سيمون اليوم بالحياة ؟

بالنسبة لهالموضوع فا ما بشوف حالي زائد عليها .. انا شخص عادي صح عندي احلام و امنيات و عم حاول حققها و عم طور حالي و الامور في تطور مستمر .. انا راضي عن اللي حققتو لهلأ و اسعى للأفضل بشكل طبيعي .. و الأهم انو الواحد ما يوقف عند حد معين و يستسلم لأنو الحياة ما بترحم ..

برايك اي المعادلتين ادق
الانسان اهم من الارض ام الارض اهم من الانسان ؟

برأيي الانسان قبل كل شي .. بس عاد ما يتمادى كتير !!

خدمة الجيش شو اخدت من سيمون وشو عطته ؟

بالنسبة لموضوع الجيش .. شو اخدت مني .. اخدت كتير .. ما حاج سنتين من عمر البني آدم بطيرو من دون معنى .. باحيان بخدمتك بتكره الحياة و بتحتقر الجنس البشري لأنو عنجد في بشر ما بينعطوا سلطة و لا بأي شكل من الأشكال ... و اذا انعطو بيفظعوا و بيعملوا العمايل تقول مانهن بشر .. من كوكب تاني يمكن !! و ما بيمتو للآدميين بصلة ..في شغلة لازم يعملها كل مين بدو يروح عالجيش .. ينسى عقلو و تفكيرو و يحطهن بالبيت و يروح ..
لأنو كل شي اسموا احترام بالجيش ملغي .. بتحسو عالم تاني !!

شو عطتني .. كنت بدي قول ما عطتني شي .. لولا انو في الاصحاب اللي اتعرفنا عليهم عن طريق الجيش ..
خدمنا سوى و قضينا معهم لحظات ما ممكن انساها عالحلوة و عالمرة .. بالعقوبات آخر الليل للذل بباقي النهار و الطلعة عالاجازة اللي كانت حلم عنا ايام الدورة ..
بعد الجيش الواحد بيطلع انشان تاني و بدو شهور لحتى يرجع على الحياة المدنية ..
نشكر الله خدمنا و خلصنا بخير و سلامة و ما تركنا الا كل الخير و السمعة الطيبة .

سيمون وحمص شو هيي العلاقة بينون؟
لو شي يوم انتقلت العاصمة من دمشق لحمص شو ممكن يصير برايك؟
بتعتقد انو حمص مظلومة بين مدن سوريا او بتقول خلينا هيك ؟

سيمون بهاي الفقرة في عدة اسئلة مو انا ولا اي من فريق الاعداد حطون
احد الاعضاء حطون
ما رح نقدر نقول مين هوي الا بعد الاجابة والك الحق بعدم الاجابة
شو آخر التطورات على الساحة الرياضية و خصوصا كرة القدم

كيف تحضيراتو لسهرات كأس العالم 2010 رغم انو بعيد شوي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو عامل هلأ بحياتو .. دراستو ...

وسألو بمعيتك وين هالغيبة هو و باقي الأعضاء القدما ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وبرأيو أخوية حالتها منيحة هلأ أو ...؟

سيمون وحمص شو هيي العلاقة بينون؟


حمص يا غالي هيي الروح .. النفس اللي بتنفسو .. ما بتوقع اقدر ع فراق حمص ..حووووومص و بس
احلى عالم .



لو شي يوم انتقلت العاصمة من دمشق لحمص شو ممكن يصير برايك؟


ما رح يصير شي .. هوي صعب كتير بس حلو تكون حمص العاصمة ... و من وين خطرلك هالسؤال يا زلمي !!!!!!:?


بتعتقد انو حمص مظلومة بين مدن سوريا او بتقول خلينا هيك ؟

اي اكيد مظلومة و مظلومة كتير ... يعني بدها اهتمام اكتر لأنو عنجد هيي مركز سوريا و قلبها النابض و لازم يهتموا فيها اكتر كونو مركز سياحي بامتياز

شو آخر التطورات على الساحة الرياضية و خصوصا كرة القدم

الساحة الرياضية فيها الكتير الكتير ... بس بكرة القدم الريال مكسر الدني بالانتقالات الخيالية .. كونو انا ريالي عم احكي هالحكي :lol:

كيف تحضيراتو لسهرات كأس العالم 2010 رغم انو بعيد شوي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هوي مزبوط بعيدة شوي بس بالفعل ناطرينها على نااااااار لأنو رح نولعها ...:clap:

شو عامل هلأ بحياتو .. دراستو ...

هلق عم اشتغل بالويب ديزاين و في مركز كمبيوتر بحمص كمان عم اشتغل فيه بالدبلان

وسألو بمعيتك وين هالغيبة هو و باقي الأعضاء القدما ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بخصوص الغيبة حكينا بالموضوع .. و انشالله راجعين

وبرأيو أخوية حالتها منيحة هلأ أو ...؟

مبدأياً خلينا عال أو... :sick:

أخ سيمون ...

بالسابق كنا نشوف لك اهتمام بتعليم اللغة الاشورية ...
قلي شو تعنيلك اللغة الاشورية .. ؟ و هل تحسها بالنسبة الك .. هي عامل انتماء ؟

ليش ما تكمل بدروس التعليم ؟

ثانيا .. نشوف المصادر تسمي اللغة الاشورية اللي تتكلم عنها .. باللهجة السريانية المشرقية ...
تعني لك التسمية كثيرا بين الاشورية و السريانية المشرقية ؟

بالسابق كنا نشوف لك اهتمام بتعليم اللغة الاشورية ...
قلي شو تعنيلك اللغة الاشورية .. ؟ و هل تحسها بالنسبة الك .. هي عامل انتماء ؟

طبعاً عامل انتماء .. و انا كتير فخور بأني آشوري اصيل .. و الفضل بيعود للوالد و الوالدة اللي علموني لغتي و خبروني عن تاريخنا و جذورنا و قديش نحنا امة عظيمة .. بس للأسف هلق تشتتنا و كل قسم منا صار 10 ورا عالم ما بتفهم الطيخ من البطيخ ..

ليش ما تكمل بدروس التعليم ؟

منفكر بالموضوع .. بس انشغالاتي بهالوقت كتيرة جداً جداً و ما بتوقع بالوقت الحالي اقدر كمل .. لنشوف بالايام !

ثانيا .. نشوف النصادر تسمي اللغة اللي تتكلم عنها .. باللهجة السريانية المشرقية ...
تعني لك التسمية كثيرا بين الاشورية و السريانية المشرقية ؟

بتضل تسميات حسب المراجع اللي بتحكي عن الموضوع بس أنا بفضل تسميتها بالآشورية .

أخوية شلون وصلت الها ؟

احكيلنا عن مسيرتك فيها كعضو ...
و من صرت بالطاقم الاداري ... تغير شي بالنسبة الك ؟


احكيلنا عن اخوية ايام زمان .... و نظرتك الى أخوية اليوم
و هل تحس انك قادر ان ترجع الى اخوية اليوم بشكل طبيعي دون الحنين الى الاطلال ...

أخوية شلون وصلت الها ؟

ببساطة من اصحابي و اخي اللي كان مشترك فيها ... ضليت متابعها بدون اشتراك شهور عديدة بعدين خرطت مشطي و ما قدرت الا ما اشترك مع الشبيبة .. و بالفعل ما ندمت ..

احكيلنا عن مسيرتك فيها كعضو ...
و من صرت بالطاقم الاداري ... تغير شي بالنسبة الك ؟

متل اي مشترك بأي منتدى اتدرجنا بين درجات المشتركين و كنا فاعلين بتوقع بالمنتدى:gem: لحتى انعرض عليي كون مشرف و هيك صار و صرنا بالهيئة الادارية للموقع ..
ما تغير شي عليي بعد ما صرت بالهيئة الادارية عادي بس صار في شوي مسؤولية..

احكيلنا عن اخوية ايام زمان .... و نظرتك الى أخوية اليوم
و هل تحس انك قادر ان ترجع الى اخوية اليوم بشكل طبيعي دون الحنين الى الاطلال ...

ايام زمان كانت خوية بتجنن .. كانو اقسامها قليلين بس محددين , كان في نسبة كبيرة من المشتركين الفهمانين و المثقفين بدرجة عالية .. و الأرشيف موجود

اخوية اليوم فيها الكتير من التخبيص و بدها تنظيف كتير و بحاجة إلى عودة الاعضاء القدما و سن قوانين جديدة تحد من المشتركين لأنو الزيادة عالفاضي ما الها معنى ..

بالنسبة لأخوية اليوم ما بتوقع ارجع متل قبل .. الحنين موجود دائماً و انشالله ترجع الاخوية متل قبل و احسن ..
و انا من ناحيتي رح حاول ارجع لأنو محبة اخوية بدمي و المنتدى الأول اللي شاركت فيه من قلب و رب ..

سيمون بدي منك تترك تذكار يعبر عنك هون
العضو اللي سالك الاسئلة هوي ماهر 4x4
الحقيقة بدي اسالك
ب 11/10/2009 رح ينطق بالحكم بحق كريم عربجي
لو طلع براءة ورجع للاخوية بتعتقد انو بيكفي فيها وبيجرع بيصلح مجموعة اشيا ام بيترك وخلص
وهل بتشوف انو الشباب اللي تعرضوا للاعتقال تركوا اخوية بين ايدي الاعضاء امانة وكيف تحافظ عليها؟

اهلا وسهلا فيك نورت البرنامج وبتامل نكون قدمنا معك شي كويس
مني ومن ابو سارة تحية الك ولحمص من القلب
ضيفنا المقبل هوي ابو سليمان

نبدي معك ابو سليمان ... بتقديم وردة كبيرة الك ...


(ابو سليمان) الطفل اكيد كان يحلم .. شو كانت احلامك الطفولية و مرحلة الطفولة بشكل عام ؟

من فتت بالمراهقة و شفت العالم بصورة جديدة .. شلون كنت تشوف انتشار ظواهر سلبية و سيئة متل الرشوة .. او الفقر .. و الواسطة ... الخ


حقيقة من يجي اسمك .. نتذكر الادب الساخر مباشرة .... ليش تحب ها النوع من التعبير ؟
و خلال الخمس السنين الاخيرة من عمرك ... شو اللي تغير في شخصية ابو سليمان و الافكار اللي يعتنقها ...


هي دفعة اولى ... و الحبل ع الجرار :larg:

سيمون بدي منك تترك تذكار يعبر عنك هون
العضو اللي سالك الاسئلة هوي ماهر 4x4
الحقيقة بدي اسالك
ب 11/10/2009 رح ينطق بالحكم بحق كريم عربجي
لو طلع براءة ورجع للاخوية بتعتقد انو بيكفي فيها وبيجرع بيصلح مجموعة اشيا ام بيترك وخلص
وهل بتشوف انو الشباب اللي تعرضوا للاعتقال تركوا اخوية بين ايدي الاعضاء امانة وكيف تحافظ عليها؟
اول شي بشكرك و بشكر القائمين على البرنامج .. و يعطيكم العافية
تاني شي بشكر ماهر الغالي ع اسئلتو و اشتقنالو و عطول عالمسنجر بيكون حاطط busy أو zzzzzzzzzzzzz :lol:
يعني ما عم نلاقي وقت نحكي معو ..

تذكاري هوي صورتي الشخصية اللي بالمنتدى و بقلبي اكيد ... علمنا الغالي :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بالنسبة لقضية كريم عربجي فا ما بعرف حيثيات القضية و ليش اعتقل الزلمي ...!!!
فا ما بقدر اقدر احكم !!
و بالنسبة للشباب اللي طلعو فكل واحد بيعرف طريقو .. و اذا ما كانت الاخوية مكان للأشخاص الجيدين ما كان اسمها اخوية
وللأمام انشالله ..
و شكراً :D
تحياتي

نبدي معك ابو سليمان ... بتقديم وردة كبيرة الك ...


على عيني احلى ابو سارة والغالي طارق .. :D


(ابو سليمان) الطفل اكيد كان يحلم .. شو كانت احلامك الطفولية و مرحلة الطفولة بشكل عام ؟

بتصدق ما بتذكر شو كنت احلم ( عدا عن انو يكون عندي بسكليتة ).. انو مابعرف طفولتي بتذكرها كأنها لحظات.. واحيانا بحس انو مافيها شي مهم .. واحيانا بحن لهديك الفترة او للحظات عشتها بطفولتي

من فتت بالمراهقة و شفت العالم بصورة جديدة .. شلون كنت تشوف انتشار ظواهر سلبية و سيئة متل الرشوة .. او الفقر .. و الواسطة ... الخ

هلئ الواسطة من زمان وهلئ تحديدا اتذكرت انو من لما كنت بالابتائي بشوفها على مستوى هاد ابن الانسة فلانة وهداك قريب مدري مين والتاني ابوه مدري مين وقس على ذلك.. يعني كل ما كبرت بتشوف القصة عم تكبر هلئ بالمراهقة وهي كانت فترة قصيرة باحداث كتيرة بدايتها كانت لما صرت عضو بالنادي الاعلامي الشبيبي (هلئ هون عم اربطها بالظواهر السلبية) فكانت كتير ي القصص تاخد حيز من شغلنا رغم انو كان ينحط خطوط حمرا للكتابة وهاد السبب كان لاحقا احد الاسباب اللي خلتني اترك القصة - انو شي بيخلي الواحد ينصدم بواقعو مع بداية تكوينو لافكارو وبناء شخصيتو لما يشوف انو بلد كلو ماشي على اساس البقاء للاقوى او بمعنى تاني للي معو وبيعرف .. اما الفقر يا عزيزي فهو كاس بعدو بتم 80% من هالشعب ..

حقيقة من يجي اسمك .. نتذكر الادب الساخر مباشرة .... ليش تحب ها النوع من التعبير ؟
و خلال الخمس السنين الاخيرة من عمرك ... شو اللي تغير في شخصية ابو سليمان و الافكار اللي يعتنقها ...

هلئ اذا قلنا انو انت بدك تفهم شخص ما حقيقة ما ( ولنفرض ريحة تمو مثلا) وهالشخص بيعز عليك واكيد اذا حكيتها هيك وخبطت بخلئتو رح ينزعج منك ويمكن كرمال هالشي يبطل يهتم بهالقصة بس إذا وجهتلو ياها بطريقة تانية ساخرة بحيث انك تفهمو بطريقة غير مباشرة انو عمي انت ريحة تمك زفت يا ريت تفرشي سنانك او تعملك شي قصة تخلي هالعالم ترتاح من هالريحة هيك بتكون وصلتلو الفكرة بدون ما تجرحو بشكل مباشر - بس هاد كلو على امل انو يفهم - ولكن ...:sick:

من خمس سنين كنت مخلص دراسة ووقفت ادام فكرة انو وهلئ شو .. بكمل دراسة ولا بشتغل ولا بروح عالجيش .. فكنت ضايع وافكاري متخربطة تماما ونتيجة لهيك كانت شخصيتي ناقصة وبعدا بسنة سافرت واجيت قطر وهي كانت نقطة التحول وخلال هالاربع سنين اتغير شغلات كتير واتشكلت قناعات كتير .. وفيك تقول بلشت شخصيتي تاخد شكلها بخلال هالفترة اتعرفت على ناس جدد واتعرفت على اخوية وشفت افكار جديدة وواقع مختلف وحياة اجتماعية تانية .
اما إذا بدك على وجه التحديد شو الافكار اللي اتغيرت خلال هالخمس سنين فلازم نحكي اول شي عن الافكار ورح افترض في سؤال بيكون محدد اكتر

هي دفعة اولى ... و الحبل ع الجرار :larg:


دخيل عينك عمي ابو سارة ما اتطول الحبل كتير :lol:

تصبحو على خير :D

تحية مني الك ابو سليمان بحلقتنا ..

كيف بتشوفلي ابو سليمان؟ يعني ابو سليمان شو هوي بحياتك؟

ابو سليمان شو بتعتبر اخوية بمنظورك ؟ وشو اعطتك وشو اخدت منك؟

كيف اخوية زمان وكيفها هلأ.؟

ابو سليمان انت مشرف ع قسم الادب الساخر شو بتحكي بهالنوع من الادب؟. وهل ممكن نصنفو من افضل انواع الادب ؟

يا اهلا اهلا ب خضر ..

- اذا ما فهم المقابل بالادب الساخر (بطريقة غير مباشرة) لاكتر من مرة ... شلون رح تتصرف ؟
(مو بس ريحة تمو مو طيبة و فوقاها مخو قافل :lol:)


بالنسبة لكثيرين يكون الادب الساخر طريقة للتعبير عن الرفض ... لكثير اسباب
بس هل تعتقد ممكن يحقق الهدف بالاصلاح (اكثر من الكلام المباشر)

مين اكثر كاتب ساخر يثير انتباهك و تحب تقرا كتاباتو


تحب تقرا لعزيز نيسن ؟


اما إذا بدك على وجه التحديد شو الافكار اللي اتغيرت خلال هالخمس سنين فلازم نحكي اول شي عن الافكار ورح افترض في سؤال بيكون محدد اكترهلا بمعرض حديثنا عن الافكار ...

شو موقفك الحالي (و السابق اذا متغير) من ...

الحرية المسوؤلة (و ما تعريفك لهذا المصطلح)
الهجرة
الغربة الداخلية (عن المجتمع)
الزواج المدني
المدينة الفاضلة
الفقر .. و طريقة الحد منه

تحية مني الك ابو سليمان بحلقتنا ..

كيف بتشوفلي ابو سليمان؟ يعني ابو سليمان شو هوي بحياتك؟

ابو سليمان شو بتعتبر اخوية بمنظورك ؟ وشو اعطتك وشو اخدت منك؟

كيف اخوية زمان وكيفها هلأ.؟

ابو سليمان انت مشرف ع قسم الادب الساخر شو بتحكي بهالنوع من الادب؟. وهل ممكن نصنفو من افضل انواع الادب ؟


ابو سليمان هو خضر .. هيك انا بين اهلي ورفقاتي .. هاد كـ اسم ابو سليمان
اما كـ شخصية فهو شخص بسيط بيحاول انو يكون كفو .. وعلى قد المسؤولية
اخـــويــة.. مشروع مجتمع مصغر بيحاكي الواقع باختلاف شرائحو .. هدفو نشر الوعي عند الشباب وخلق مكان للحوار والتواصل بين شرائح هالمجتمع
وانا كــ فرد بأخوية عطتني كتير .. رفئة واخوة حلوة .. ثقافة ووعي اكتر .. افكار جديدة .. وانفتاح اكتر عالآخر
واخدت مني المحدودية بالتفكير .. الاحساس بالغربة .. ولهلئ ما قدرت اعطيها الشي اللي بتستاهلو
هلئ انو انا ما كتير بكتب ويمكن ما بطلع شي قدام قلام الشباب بالادب الساخر .. بس هاد النوع من الادب
قادر على انو يوصلك للفكرة بدون ما تشعر بالملل بطريقة سلسة بتوصل بسرعة ... خاصة لما بيتناول المواضيع الحساسة بالمجتمع .. خلينا احكيا بطريقة تانية .. انو لو بدنا نتناول موضوع الفساد مثلا بالادب الساخر قادر توصل اكتر من شكل باكتر من طريقة .. اما لو بدنا نعمل مقال عن الفساد فرح يكون جامد والمتلقي رح تطلع عينو
هاد إذا بقى تلاقي شخص عندو القابلية لانو يقرا مقال كامل عن الفساد .
هلئ انو صنفو كأفضل انواع الادب .. لاء مو بالضرورة .. بس الفكر الساخر ( إن كان كاركتير او موضوع ادبي ..او حتى عمل فني - مسرحي , تلفزيوني - ) اسرع بالانتشار وبتوصيل الفكرة .. يمكن بهاد الوقت .. وهي وجهة نظر

تحياتي إلك يا باشا .. :D

يا اهلا اهلا ب خضر ..

لك عراسي احلى ابو سارة:D

- اذا ما فهم المقابل بالادب الساخر (بطريقة غير مباشرة) لاكتر من مرة ... شلون رح تتصرف ؟
(مو بس ريحة تمو مو طيبة و فوقاها مخو قافل :lol:)

يا سيدي هون بقى بيصير لازم الواحد يثور على هالشي ويسكرلو تمو او يكسرلو سنانو وبتعاون مع المغلوب على امرن وعم يشمو هالريحة :lol:

بالنسبة لكثيرين يكون الادب الساخر طريقة للتعبير عن الرفض ... لكثير اسباب
بس هل تعتقد ممكن يحقق الهدف بالاصلاح (اكثر من الكلام المباشر)

بفكرة حكيتا ع سؤال ( سوا ربينا ) قلت انو الفكر الساخر اكسرع انتشار واكتر تقبل بهالوقت وبالتالي ممكن انو يكون فيه طريق بيوصل للاصلاح إذا ماكان مخو قافل .. بنفس الوقت الادب الساخر ممكن يعطي الحل وهو عم يعرض المشكلة

مين اكثر كاتب ساخر يثير انتباهك و تحب تقرا كتاباتو

هلئ من الممكن اني قول الماغوط واسلوبو الساخر الموجع بس انو رح حس الجواب مبتذل .. كونو الماغوط رمز .. بس في كتاب مو مشهورين كتير واسلوبن بيشدك لتقراهن متل وليد معماري , وفي يوسف غيشان (موجود باخوية ) وكتير عالم تانيين .. وفي عندك هون باخوية كذا واحد بحب كتير اقرالن .. متل عابد وعلاء والمحارب

تحب تقرا لعزيز نيسن ؟

هلئ هو قريان بعض كتاباتو باخوية وبغير اخوية واسلوبو رائع بس ما كتير بفضل اقراه

هلا بمعرض حديثنا عن الافكار ...

شو موقفك الحالي (و السابق اذا متغير) من ...

الحرية المسوؤلة (و ما تعريفك لهذا المصطلح)

مافي شي اسمو حرية مطلقة ابدا .. انك تعمل شو ما بدك وقت اللي بدك هي اسما كذبة .. الحرية إذا ماكنت مسؤولة بتصير عشوائية بينما الحرية المسؤولة فهي انك تكون على قدر من المسؤولية لتتصرف بحرية بدون ما تتعدى على الآخرين - الآخرين مو بالضرورة البشر .. كمان البيئة والحيوان يعتبرو آخريين -

الهجرة

رغم اني مغترب وبحب السفر بس انا ضد الهجرة تماما .. سابقا كنت مع انو الواحد يهاجر ليخلص من الظروف اللي عايش فيها ويخلق حياة جديدة بس هلئ انا بشوف انو قد الواحد ما سافر لازم يرجع لانو إذا كل شخص قرر انو يهاجر مارح يصير في اصلاح

الغربة الداخلية (عن المجتمع)

اسوء انواع الهجرة لما تفصل احساسك عن مجتمعك لتعيش بمعزل عن الحياة ( مابعرف إذا فهمت السؤال صح )

الزواج المدني

ممكن يكون نعمة .. ومع الاسف بمجتمعنا رح يخلق مشاكل كتير رغم انو لازم يكون حل ... من ناحيتي انا مع انو يكون في عنا زواج مدني

المدينة الفاضلة

ممكن انو الانسان يخلئ بداخلو مدينتو الفاضلة او بعضا منها انو هي ضرب من المستحيل بس ممكن تنوجد ولو ما كنات بالصورة الافلاطونية .. على اعتبار انو الاخلاق موضوع نسبي وبتختلف من مجتمع للتاني ومن جيل للاآخر

الفقر .. و طريقة الحد منه

يمكن نقضي ايام ونحن عم اناقش اسبابو وعواملو ونتائجو بس بصورة عامة فينا نقول انو احيانا بيكون دافع للنجاح .. رغم انو احد اهم عوامل الشذوذ الاجتماعي طبعا بيختلف حسب درجة الفقر .. الحد منو صعب او مستحيل هاد الشي مرتبط بوجود مدينة فاضلة داخلنا كـ بشر . نقطة تانية رغم اني برفض وجود الفقر بمجتمعنا بس احيانا بيكون حاجة ضرورية للمجتمع لانو بنظري اللي ماعاش بفقر مارح يعرف المعنى الحقيقي للغنى )


بعتذر عالتأخير بالرد بس صاير عم ارجع متأخر انشاالله بكرا بحاول ارجع بكير لرد على ما تبقى :lol: من اسئلة


تحياتي إلك ابو سارة ولكل من ساهم في إنجاز هذا العمل :D

بشكل استثنائي اخذنا اسئلة من عصو معروف الك ...

اكيد عرفتها :lol:




1- لـكل زمــان أهــلـه ورجــالـه ..
مـن كــان أهـــل ورجـــل لــ اخــويــه؟
الآن .. مــن هـم اهــلـهـا ورجـالـهـا ؟

2- اذا نظــرنــا للـخـط البيــانــي ( صـاعـدا وهـابطــا) الـكـامـل لحـياة أخــويــة مــنذ لحظــة البــدء .. إلــى هــذه اللحظــه

سـمـي لــي 12 عضــو ســاهـمـو فــي فتــرة كــان الازدهـار سيـد المكــان
سـمــي لــي 12 عضـــو ســاهـمـو فـي فتــره كــان الانـحـدار ســيد المكــان

3 - بـعيـدا عــن اي شـخـصنـه وجــه 2 رســاله اداريـــه عـلنيــه

رسالة شكـرلعمل ساهم ايجابا
رسـالة عتب لعمل ساهم سلبا

4- أيـن انــت مــن اخــويــه


اذا اخــتزلنــا زمــان أبــو سـليـمـان فــي ثــلاث صـفـحـات بيضــاء فــارغــه

شــوبيـكـتــب بـصـفــحة امبــارح
شــو بيــكـتـب بصـفـحــة الــيـــوم
شــو بيـكــتـب بصــفـحـة بـكــــرا

2 - ابـو سليمــان مـع الحقيـقــة وجـهـا لـوجـه

مـاذا يقــول
مــع الـدنيــاوجهـا لــوجــه

مــاذا يقـول
مــع نفــسـه وجهـا لــوجــه

مــاذا يقـول
فقــرة للذكـــرى

اكــتب للذكــرى دونمــا قيــود
فقــره لبـكــرا

اكــتـب لبــكــرا دونمـــا قيــود



بالحقيقة كفت و وفت :larg:

حبينا نغير شوي بالبرنامج ...



و رح نبدي فقرة قبعة سحرية

و هي مجموعة اسئلة ساخرة نوعا ما ...

من عضوة معنا بالاعداد ما رح نكشف عنها حاليا ...


:akh:

خضر ,,,
انت اول واحد رح ترتدي القبعة السحرية معنا و تجاوب :larg: السؤال الاول:
الاخ ابو سلمان مساءك سكر ان كان مساءا صباحك عسل ان كان صباحا
كم سؤال ترفيهي عطاير يعني مو شرط الجدية بالاجابة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ان كانت السيجارة امراة, كم سيجارة باليوم راح تدخن؟
وهل من الممكن ان تقلع عن التدخين اذا هيك راح تكون الحالة؟؟

السؤال الثاني:
لو حصلت على تذكرة سحرية تمكنك للسفر عبر الزمن.. لمرة واحدة فقط ذهاب اياب طبعا..
ولو خطوطنا وخدماتنا مميزة..لأي زمن او سنة راح ترجع؟؟ وليييييييييش؟
وشو راح تعمل؟؟ واذا بدك تبقى ابقى عادي بس لا تنسانه ها////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ابعتلنا شي رسايل حسب وسيلة المراسلة المتوفرة هناك////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تمنياتي لك رحلة ممتعة....////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اقصد تمنياتي لك سهرة ممتعة.

بشكل استثنائي اخذنا اسئلة من عصو معروف الك ...

اكيد عرفتها :lol:

أكيد عرفتها .. هي الانسانة غاالية جدا .. وهي شخصيا بتعرف انها بغلاوة اهلي


1- لـكل زمــان أهــلـه ورجــالـه ..
مـن كــان أهـــل ورجـــل لــ اخــويــه؟ اممم .. وائل 76 , كريم , نيرفانا ..
الآن .. مــن هـم اهــلـهـا ورجـالـهـا ؟ مادماكس ( ابو سمرا ) , ياسين , ميمو

2- اذا نظــرنــا للـخـط البيــانــي ( صـاعـدا وهـابطــا) الـكـامـل لحـياة أخــويــة مــنذ لحظــة البــدء .. إلــى هــذه اللحظــه

سـمـي لــي 12 عضــو ســاهـمـو فــي فتــرة كــان الازدهـار سيـد المكــان
سـمــي لــي 12 عضـــو ســاهـمـو فـي فتــره كــان الانـحـدار ســيد المكــان

بصراحة سؤال صعب .. وصعوبتو بتكمن انو ما بعرف ايمت كانت فترة ازدهار وايمت انحدار ... من لما دخلت على اخوية وانا بسمع كلام الاعضاء القدامى .. (الله يرحم ايام زمان .. وين اخوية زمان) لدرجة صرت حس انو اخوية طول عمرها هيك .. دائما فيها تذبذب .. بس خليني احكي هالشي بطريقة ايجابية شوي مع اخد بعين الاعتبار عدم تواجدي الفعلي بأخوية بالفترة الاخيرة .. انو إذا كان هاد الوضع بأخوية منذ الازل .. فهاد بيعطي انطباع بانو دائما كان في اعضاء جيدين وفاعلين باخوية وشايلينها بعيونهن ومآمنين بمشروع اخوية .. وبنفس الوقت موجود مين داخل فقط ليتسلى ويضيع وقت .. وللاسف هدول النسبة الاكبر .. بس يمكن تأثير الاعضاء الفاعلين كان عليهم كان اكبر بفترة سابقة .. ويمكن انا واحد من هالاعضاء اللي اتأثرو بوجود الاعضاء الفاعلين .. هلئ كان بودي اني جاوب على قد السؤال واكتفي بذكر كم اسم .. بس للصراحة ماعم يحضرني 24 اسم هلئ وخاصة الـ 12 التانيين


3 - بـعيـدا عــن اي شـخـصنـه وجــه 2 رســاله اداريـــه عـلنيــه

رسالة شكـرلعمل ساهم ايجابا بشكر الفريق الاداري كلو تقريبا عالجهد اللي عم يعملو ليحافظ على وجود اخوية برغم الظروف اللي عم تمر فيها من مشاكل تقنية وغيرا
رسـالة عتب لعمل ساهم سلبا والعتب كمان على فريق العمل الاداري للمشاكل اللي صارت .. انو المفروض نكون اكبر من خلافاتنا ( عم وجه الكلام هون بشكل عام لاني مابعرف بالضبط تفاصيل القصص اللي صارت رغم وضوحها لكل اعضاء اخوية)


اسمحولي وجه رسالة عتب تانية لـ ابو سليمان .. بحب قلو انك مقصر كتير بحق اخوية . وبحق كلمتك

4- أيـن انــت مــن اخــويــه

بالسقيفة..

اذا اخــتزلنــا زمــان أبــو سـليـمـان فــي ثــلاث صـفـحـات بيضــاء فــارغــه

3 صفحات كتيــــــــــر انو إذا بدي اعصرو مشكلة بدنا نبقى عم نرد كذا يوم :lol:

شــوبيـكـتــب بـصـفــحة امبــارح
امبارح بيبقى ذكرى .. واللي راح ما بيرجع ..ولو انو احيانا بتمنى انو يرجع الزمان .. كان في احلام وكان في وسائل لتحقيق الحد الادنى منها بس اخدت طريق تاني يمكن يكون اختياري ويمكن يكون القدر .. بحاول انسى وما بتتعب حالي بالتفكير بمبارح
شــو بيــكـتـب بصـفـحــة الــيـــوم
وهلئ احنا ولاد اليوم .. وابو سليمان عم يحاول يعمل شي من حالو .. وماشي بطريق صعب وبدو شغل كتير ..
اكيد التغيير اللي صار خلال السنوات الاخيرة اثر كتير بمسيرتي .. بس لهلئ بتمنى ارجع وكمل الحلم

شــو بيـكــتـب بصــفـحـة بـكــــرا

؟؟؟؟ .. بكرا مخبى .. فخليه لوقتو


2 - ابـو سليمــان مـع الحقيـقــة وجـهـا لـوجـه

مـاذا يقــول
مــع الـدنيــاوجهـا لــوجــه

بعرف انك مو ضدي .. بس بنفس الوقت مو معي هي انتي .. هيك لازم تكوني .. انو اكيد مارح يكون في لذة بالعيش إلا إذا كان فيها تحدي .. وبقدر التحديات اللي عم تحطيني فيها .. والدورس اللي عم تعلميني ياها
بس لايمت .. انو المفروض تكوني بيوم من الايام معي .. لحتى اعرف انو هالتحديات ما كانت عبثية .

مــاذا يقـول
مــع نفــسـه وجهـا لــوجــه

لازم تعمل فرق .. لازم تغير لتوصل .. انو ايه وشو يعني إذا وقعت .. فيك ترجع تفوم وتكمل .. بعدين لا تنسى انو الجملة اللي قريتها بزمانك وعلئت براسك واخدتك لبعيد لاتنسى انو وحدهم الذين يحلمون بالوصل للبعيد يعرفون إلى اي مدى قد يصلون .. بس كمان لا تقسى على حالك .. وحاول ما تغير ملامحك

مــاذا يقـول
فقــرة للذكـــرى

اكــتب للذكــرى دونمــا قيــود

أكيد مارح ترجعي .. خليكي هيك بجماليتك .. وبصورتك

فقــره لبـكــرا

اكــتـب لبــكــرا دونمـــا قيــود


انا جاي انطرني :gem:

بالحقيقة كفت و وفت :larg:

كفت ووفت وإلها شكر كبير .. بقدر معزتها وغلاوتها :D

خضر ,,,
انت اول واحد رح ترتدي القبعة السحرية معنا و تجاوب :larg:



انو على راسي يا معلم .. بس ما اختفي ويطلع بدالي جوز حمام :o




السؤال الاول:
الاخ ابو سلمان مساءك سكر ان كان مساءا صباحك عسل ان كان صباحا


ومسائك وصباحك .. :D

كم سؤال ترفيهي عطاير يعني مو شرط الجدية بالاجابة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ان كانت السيجارة امراة, كم سيجارة باليوم راح تدخن؟

متل ماعم دخن هلئ :lol:

وهل من الممكن ان تقلع عن التدخين اذا هيك راح تكون الحالة؟؟

الاجابة هــــــون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) :larg:


السؤال الثاني:
لو حصلت على تذكرة سحرية تمكنك للسفر عبر الزمن.. لمرة واحدة فقط ذهاب اياب طبعا..
ولو خطوطنا وخدماتنا مميزة..لأي زمن او سنة راح ترجع؟؟ وليييييييييش؟
وشو راح تعمل؟؟ واذا بدك تبقى ابقى عادي بس لا تنسانه ها////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ابعتلنا شي رسايل حسب وسيلة المراسلة المتوفرة هناك////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تمنياتي لك رحلة ممتعة....////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



اممممم سؤال محير والله ... انو في اكتر من زمن خطر ببالي هلئ بس كلو بيعتمد على وقائع صارت نتيجة للشي اللي صار بهداك الزمن .. انو لو ما صار هيك يمكن ماكنت وصلت لهون بس لو انو صاير كان وضعي اللي انا فيه هلئ احسن بس يمكن ماكنت وصلتلو .. شي دويخة القصة ..:?

بس بما انو فيني انو ما ارجع فبتمنى ارجع لصيف سنة 1997 ... لارجع اقضي صيفة مع والدي وانزل قبلو عالمكتب ويجي وجايب الفطور معو وضل طول النهار معو بالشغل :sick:


اقصد تمنياتي لك سهرة ممتعة.


تحياتي إلك ولتمنياتك :D

خضر ...

بدي منك تحط 5 - 10 اغاني او معزوفات .... تحسها قريبة الى قلبك و تحب تسمعها او كنت تحب تسمعها ...

و تحكي لنا شو اللي اثر فيك منها سواء الكلمات - اللحن - او الاداء ...

خضر ...

بدي منك تحط 5 - 10 اغاني او معزوفات .... تحسها قريبة الى قلبك و تحب تسمعها او كنت تحب تسمعها ...

و تحكي لنا شو اللي اثر فيك منها سواء الكلمات - اللحن - او الاداء ...



هلئ خليني احكي اول شي بشكل عام .. بدون مبالغة او اصطناع .. صوت فيروز بأي وقت بيسحرني .
وهلئ كـ مثال .. سهار .. وطى الدوار .. لحنن مع صوت فيروز بيهديني انو ايه إذا بكون معصب او مدايق وبسمعن
بنتقل لحالة من الهدوء ..

وكمان فيك تقول العود .. (مارسيل , نصير ) شي من الخيال .

مزاج علني شربل روحانا ... انو مدري وين بيروح الواحد

سيرجيو افيلا Sergio Avila

هدول بروح معن كيف ما بدن مرة بتلائين صافن ومبتسم .. ومرة عابس ومرات ماني هون بهالدنيا

خليني اصدمك شوي ..

scorpions -rock me like hurrican هي خاصة لما تكون مع الاوبرا بتعطيني نشاط تقول ريد بول يا رجل :lol:

كذبك حلو .. وصوت ميادة الرائع ..

وهلئ اتذكرت وليد الهشيم .. هاد مع المجموعة اللي فوق .

هدول اللي براسي هلئ .. بدك لما اتذكر .. كونوا ماعم اسمع كتير شغلات غير فيروز هالايام فنسيان شو بحب :? فبرجع بضيفن ..

ابو سارة :D

نتشكرك جدا اخينا خضر (ابو سليمان) ...

و سلام خاص الى سليمان :larg:



و هي وردة الك ... :akh:

ضيفنا اليوم ...


ضيف خاص جدا .... Jankasanova
يمكن طلاتو قليلة ... بس افكارو كبيرة


رحبو معي ب Jankasanova

ضيفنا اليوم ...
ضيف خاص جدا .... Jankasanova
يمكن طلاتو قليلة ... بس افكارو كبيرة
رحبو معي ب Jankasanova


شكرا كتير اب سارة عالترحيب والاستضافة...
وانشالله نقضي حلقة مايسترية ممتعة ;)

:akh:

جورج ...

او نرجع بالزمن الى جورج طفل عمرو 6 سنين ... اول سنة بالمدرسة ...
الى اي مدى تشوفو قريب من جورج اليوم

طبعا من مشينا بشريط الذاكرة ... اكيد جتي ببالك العيلة - اصدقاء الطفولة - الحارة - الدكان ... الخ

شو اللي حابب يرجع و اللي تنتمنى ما يرجع ... من هديك الايام


اكيد بالمراهقة شفت الدنيا بصورة جديدة ... و بديت تتأقلم ..
شلون كانت فترة المراهقة و علاقتك بالاهل ... صاخبة الا هادئة ؟

suryoyo (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)جورج ...

او نرجع بالزمن الى جورج طفل عمرو 6 سنين ... اول سنة بالمدرسة ...
الى اي مدى تشوفو قريب من جورج اليوم

انو طبعا جورج الطفل غير جورج هلا بطريقة التفكير والوعي والخبرة بالحياة وكتير اشياء بس في شغلات بالمقابل ماتغيرت او بالاحرى تغيرت بشكل طفيف..بتذكر كنت مسالم كتير بالمدرسة وماكنت من جماعة المشكلجية الا اذا حدا استفزني, وهلا يعني ماتغير الشي الكتير يعني لساتني مسالم لدرجة ما, وبتمشكل في حالة حدا استفزني بس ردة الفعل بتختلف عن ردة الفعل وقت كان عمري 6 سنين..
طبعا الطباع العامة بعتقد هي نفسها يعني الشغلات اللي تربيت عليها بتضل نفسها, اللي تغير هو الخبرة اللي اكتسبتها ولسا عم اكتسبها من الحياة طبعا هالاشياء مابتقدر تقارنها مع طفل عمرو 6 سنين.

طبعا من مشينا بشريط الذاكرة ... اكيد جتي ببالك العيلة - اصدقاء الطفولة - الحارة - الدكان ... الخ
شو اللي حابب يرجع و اللي تنتمنى ما يرجع ... من هديك الايام

انو بصراحة مافي شي بتمناه ما يرجع فرح حط الشغلات اللي مطبوعة بالذاكرة وبتمناها ترجع اكتر من غيرها:lol:


العيلة: حابب ترجع ايام وقت كنا كلنا تحت سقف واحد,ونقعد نتعشا جنب الدفاية بالبرد..:oops:


اصدقاء الطفولة: حابب ترجع شغلة كتير كنا نستمتع فيها على ايام المراهقة, كنا بنطلع المسا ونروح على دكانة ونشتري بيرة وكنا نقلو لصاحب المحل يفضيلنا ياهون بكيسة بيضة وبعدين بنحطون بكيسة سودة ونحط هالشليمونة وكل واحد كيستو بايدو وندور بالشوارع..:o


الحارة: بحب ارجع وعيش كل يوم قضيتو بالحارة وخصوصي وقت كنا نلعب طابة بالحديقة اللي قدام بيتنا ويجي جارنا بيقلعنا منها..


الدكان: وما ادراك ماالدكان بحب يرجع وقت كنت روح الصبح وافتح الدكان مع ابي كان في جنبنا مطعم حلويات كان يبعتلي دايما صحن مامونية على الصبح.


اكيد بالمراهقة شفت الدنيا بصورة جديدة ... و بديت تتأقلم ..
شلون كانت فترة المراهقة و علاقتك بالاهل ... صاخبة الا هادئة ؟


فترة المراهقة اللي مريت فيها, كانت هادئة نوعا ما, فيك تقول اهلي متحررين نوعا ما, يعني كان في توعية بالنسبة للامور الحياتية, الثقافة الجنسية وكتير اشياء, قراءة كتب عن مرحلة المراهقة, هالاشياء كلها ساهمت بأني كون هادئ نسبيا بمرحلة المراهقة بالمقارنة مع بعض من اصدقائي.
ففيك تقول علاقتي مع الاهل كانت هادئة ولازالت هادئة بس مابيخلو الامر من بعض الشوائب والامور اللي بتحصل بكل علاقة بين الاهل والاولاد.

:D

من خلال الحكي حسيت انو عندك روح مرحة ...

هي روحك المرحة شلون كانت بالمدرسة ؟
و شلون أثرت على صداقاتك ... و حياتك .....


شو الفرق بين حاتك الاجتماعية بالوطن ... و حياتك الاجتماعية بالمهجر ....

شو هي هواياتك ...

شو هدول بالنسبة لجورج ..

الهجرة الى الغرب
القانون المدني الحالي
الواسطة بشكل عام ... و شو موقفك من استعمال الواسطة شخصيا
الدراسة بالخارج و العودة الى الوطن
الحرية الشخصية (حسب مفهومك انت)
الجمهورية الفاضلة (جمهورية افلاطون)


يتبع ...

مرحبا جورج
شو بيعنيلك الموت؟
هل انت مستعد للموت؟
وكيف بتشوف دنيا الحياة والموت؟

يُقال أن الإنسان بحد ذاته قضية ومن هنا البداية، قد تتعد القضايا التي يهمك أمرها أو حتى يجب عليك النضال من أجلها
فكيف يكون العمل، وأين تكون البداية؟
أن تبدأ من نفسك تناضل من أجلها، بمعنى أن تؤمن لنفسك ما يكفيها (وكيف تحصر ما يكفيها وعلى أي اعتمادات) قد تكون هذه الأخيرة، مأوى لك وربما عمل ثابت ومضمون أو حتى بيت وعائلة وأطفال...
ومن ثم تنتهي لتكافح وتنضال للقضية او القضايا التي تهمك او تفرض عليك انسانيتك العمل من أجلها؟
أم انه يجب عليك العمل للقضية أولاً ومن ثم نفسك ؟

suryoyo (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
من خلال الحكي حسيت انو عندك روح مرحة ...
هي روحك المرحة شلون كانت بالمدرسة ؟

و شلون أثرت على صداقاتك ... و حياتك .....

الروح المرحة بالمدرسة كان ضمن الشلة انو نكت ومقالب, هالروح المرحة والنكتة كانت من بين كتير من الشغلات اللي قوت الروابط بالشلة والاصدقاء وخلتنا لهلا بنتواصل مع بعض, لانها بتربتط بكتير من الذكريات الجميلة المطبوعة بالذاكرة.

شو الفرق بين حاتك الاجتماعية بالوطن ... و حياتك الاجتماعية بالمهجر ....


وقت كنت بالمانيا, الحياة الاجتماعية كانت كتير قريبة للحياة الاجتماعية اللي كنت عايشها بسوريا, كان عندي وقت كتير وبالتالي كونت صداقات كتير وبمدن عديدة, وكان في كتير نشاطات كنت مشارك فيها كالصليب الاحمر, جمعيات طلابية, اخويات, ومن خلال هالنشاطات صارت حياتي الاجتماعية نشيطة وقريبة جدا من حياتي الاجتماعية بسوريا.


هلا وقت صرت بامريكا تغير هالشي بشكل كامل, يعني الوقت هون مدري كيف بيركض, بين شغل وبيت ومدرسة مابيعود للشخص وقت ليكون صداقات منيحة, الشي المختلف بامريكا انو في عندي اقارب كتير وهالشي بيعطيني دعم كتير..

شو هي هواياتك ...
السفر, القراءة, السهر, بالاضافة للشغل اللي بعتبرو هواية لاني بستمتع فيه


شو هدول بالنسبة لجورج ..

الهجرة الى الغرب ردة فعل على الواقع المفروض على الشعب.



القانون المدني الحالي
بدو تجفيت متل ما موتور السيارة بيتجفت عند الميكانيكي...




الواسطة بشكل عام ... و شو موقفك من استعمال الواسطة شخصيا
الواسطة وقت يكون استعمالها بخصوص ظلم بموضوع ما او بقضية ما, فـــ انا مع, غير ذلك انا ضد.



الدراسة بالخارج و العودة الى الوطن
بتتطلب قوة كبيرة للخروج من بين احضان الوطن وقوة اكبر بكتير للعودة لاحضان هالوطن.



الحرية الشخصية (حسب مفهومك انت)
الحرية الشخصية بتكون مقدسة لما تُمارس بضمير حي.



الجمهورية الفاضلة (جمهورية افلاطون)
كل شيء يكون مبني على اساس العدالة مُرَحَب به.

:D

نتشكرك جدا اخينا خضر (ابو سليمان) ...

و سلام خاص الى سليمان :larg:



و هي وردة الك ... :akh:


على راسي ابو سارة وشكرا كتير إلك ولفريق الاعداد :D

رجل من ورق (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
مرحبا جورج
مرحبتين بهالعينين

شو بيعنيلك الموت؟الموت رهبة, الموت غريب بتحسو يغيب انسان, وبنفس الوقت بيجمع عالم مع بعضها يمكن بحياتها مابتجتمع. الموت بيفرض وجودو عليك بيخليك تمارس طقوس وتقاليد فرضها بقوتو على الانسان وعلى المجتمع.. الموت منشط للذاكرة بيخليك تسترجع ذكريات عشتها مع الشخص اللي مات. هل انت مستعد للموت؟ بصراحةحاليا لا, وقت خلص دراسة واشتغل وأمِّن مستقبل اخوتي وعايلتي, ممكن لهداك الوقت كون مستعد...


وكيف بتشوف دنيا الحياة والموت؟الحياة هي عبارة عن فرص بتتقدم للشخص, ولازم الانسان يفتح عينيه منيح ليشوف هالفرص اللي بتكون باغلب الاحيان قدامو بس عم يحاول يتطلع عليها من جهة تانية وبهالحالة مارح يكتشفها ويستغللها لمصلحتو..
دنيا الموت مبهمة ولسا ما عشتها بس بعيشها ببقى بخبرك:lol:..

يُقال أن الإنسان بحد ذاته قضية ومن هنا البداية، قد تتعد القضايا التي يهمك أمرها أو حتى يجب عليك النضال من أجلهافكيف يكون العمل، وأين تكون البداية؟أن تبدأ من نفسك تناضل من أجلها، بمعنى أن تؤمن لنفسك ما يكفيها (وكيفتحصر ما يكفيها وعلى أي اعتمادات) قد تكون هذه الأخيرة، مأوى لك وربما عملثابت ومضمون أو حتى بيت وعائلة وأطفال...
ومن ثم تنتهي لتكافح وتنضال للقضية او القضايا التي تهمك او تفرض عليك انسانيتك العمل من أجلها؟أم انه يجب عليك العمل للقضية أولاً ومن ثم نفسك ؟

النضال من اجل قضية او قضايا مرتبط بنفس الانسان ونفسية الانسان و ينبع منها, واذا نفس الانسان ما كانت منظمة ونقية ومرتاحة, هالشي رح يأثر سلبا على النضال من اجل هالقضية, لما بتكون النفس مرتاحة (صحية) الانسان بيصير يعطي اكتر وينتج اكتر.
فالبداية بتكون بتحديد متطلبات النفس واللي هي القضية الاساسية - "الانسان بحد ذاته قضية"- وهالمتطلبات بتختلف من شخص لأخر.
بالنسبة الي المأوى والعمل والروابط العائلية بيعتبرو حجر الاساس بكل خطوة رح انطلقها بسبيل الوصول للهدف اللي هو النضال من اجل القضية. بس بكل الاحوال كيف ما بلش الانسان بيكون عم يكافح من اجل قضية ما, بس الطريق تختلف, ممكن بيبلش بنفسو او بيبلش بقضايا تهمو...
:D

هي اسئلة العضو المجهول ...


Jankasanova أو جورج

انا يمكن ما كتير بعرفك بس انو حاولت احمع معلومات عنك عن طريق مشاركاتك و بعض الاصدقاء


السؤال الأول : Jankasanova هوي نفسو جورج ولا جورج شخص و Jankasanova شخص تاني بالاراء و الافكار ؟

السؤال التاني : أنت عايش بالمغترب صح , شو بيعنيلك الوطن و اكتر مكان بتحنلو , و جورج لما كان بالمطار قبل ما يسافر أول مرة اختلف عن جورج هلق , و اذا اختلفا ايجاباً أو سلباً , و اهم شي تغير فيك؟

السؤال التالت : شو بتحس لما تسمع هي الغنية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟

السؤال الرابع : علاقتك مع الموسيقى او الفن التشكيلي اقوى و ايا يلي بعبر عن جورج ؟

السؤال الخامس : الأخوية ب سطر واحد شو بالنسبة الك , ليش جورج

بعيد عن الاخوية (( قليل لنشوفو مشارك بالاخوية )) ؟

السؤال السادس و الأخير : هل انت بتعتبر حالك اشتراكي , شيوعي , ليبرالي , رأسمالي (انبطاحي) ؟


انا مين يا حزرك

suryoyo
هي اسئلة العضو المجهول ... ايه يا هلا فيك وبالعضو المجهول


Jankasanova أو جورج
انا يمكن ما كتير بعرفك بس انو حاولت احمع معلومات عنك عن طريق مشاركاتك و بعض الاصدقاء شغل تحريات وافلام بوليسية ما :detec:

السؤال الأول : Jankasanova هوي نفسو جورج ولا جورج شخص و Jankasanova شخص تاني بالاراء و الافكار ؟ جورج=Jankasanova بالافكار والاراء والشكل واللبس وتسريحة الشعر:lol:..
القصة ومافيها انو انعرض علي شرط من قبل على ايام الجامعة بالمانيا, اذا بقدر خلي الاساتذة بينادولي Jankasanova لنهاية الفصل الدراسي بربح الشرط ومشي الحال وكسبت الشرط, ومن وقتها اصدقائي اللي عرضو علي الشرط بينادولي بهالاسم, ومابعرف كيف وقت سجلت بأخوية ماسجلت باسم جورج او حتى ماجربت بحبش اذا اسم جورج مستعمل او لا:o, فورا حطيت Jankasanova وروح شايفلك.

السؤال التاني : أنت عايش بالمغترب صح , شو بيعنيلك الوطن و اكتر مكان بتحنلو , و جورج لما كان بالمطار قبل ما يسافر أول مرة اختلف عن جورج هلق , و اذا اختلفا ايجاباً أو سلباً , و اهم شي تغير فيك؟ يامرحبا بالسؤال التاني...
انا عايش بالمغترب, مابعرف كيف بدي اوصفلك هالشعور, وقت تكون متعلق بشخص وهالشخص بيعنيلك كتير وبيقدملك دعم, وبعد فترة بتضطر تتخلى عنو, بس بعدين بترجع لحضنو وتتوقع يضمك ويسامحك بس هالشي ماصار, بالعكس اتبرأ منك وبالتالي انت تركتو كمان مرة,
يعني علاقة مضطربة جدا فيك تقول, الحب موجود بس في مكابرة بعدم اظهار هالحب نتيجة للي صار بس رح يجي يوم ويتصلح فيه كل شي...
اكتر مكان بحنلو بيت جدي. كل زاوية فيه الها ذكرى وكل ذكرى احلى من التانية, بس بعد ما انهد البيت صارت كل ذكرى بغصة..

جورج وقت كان بالمطار قبل مايسافر اول مرة, كان خايف, خايف من المجهول خايف من المستقبل, خايف من الشي اللي عم يستناه ببلاد مابيعرفا, خايف ما يقدر يندمج, خايف ماينجح.
جورج هلا فيك تقول صار اكتر ثقة بحالو, صار يتطلع للحياة والمستقبل بمنظور اخر, صرت وين مابتحطني بوقف على اجري, طريقة تعاملي مع الناس اختلفت.

اهم شي تغير فيني هو احترامي للوقت.

السؤال التالت : شو بتحس لما تسمع هي الغنية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟ هالغنية.......
بتذكرني باول فترة بالغربة, كنت اسمعها يوميا, بتذكرني باهلي وقت كانو يحكو معي عالتلفون, دموع امي, صوت اخي الصغير بيقلي "اشتقتلك كتير", بأبي وقت يقلي "انتبه على حالك", باخي الوسطاني بيسألني "ايمتى راجع".....

السؤال الرابع : علاقتك مع الموسيقى او الفن التشكيلي اقوى و ايا يلي بعبر عن جورج ؟ الموسيقى اقوى...
اليوم اللي مابسمع فيه موسيقى كأنو ما عشتو. الموسيقى متل الاكل بالنسبة الي, يمكن ماباكل قد ما اسمع موسيقى, وعلى سيرة الموسيقى حضرت مقابلة مع مفكر نسيان اسمو حاليا قال "الموسيقى تطور من روح الانسان, وتجعله اكثر خشوع".... وانا موافق معو على هالحكي


السؤال الخامس : الأخوية ب سطر واحد شو بالنسبة الك , اخوية حاليا هي مكان بتواصل فيه مع ولاد بلدي...

ليش جورج بعيد عن الاخوية (( قليل لنشوفو مشارك بالاخوية )) ؟ يمكن لأني مابحب العجقة الكتير, يمكن لاني بحب اقرا اراء وقارنها بارائي بيني وبين نفسي, بصراحة مابعرف بالضبط :lol: انا كمان متلك عم اسأل حالي هالسؤال..

السؤال السادس و الأخير : هل انت بتعتبر حالك اشتراكي , شيوعي , ليبرالي , رأسمالي (انبطاحي) ؟ اخر حبة بالعنقود دايما تكون اطيب من الباقيين..

انبطاحي :larg:

انا مين يا حزركانو مين ما كنت بشكرك على وقتك لانك بحبشت :detec: وحطيت هالاسئلة
وبتشكرك جدا جدا عالغنية اللي حطيت رابطها :D

بس انو اذا رح حزر وفزر. الله واعلم الله واعلم انت "ابو سارة" :lol:

السفر, القراءة, السهر, بالاضافة للشغل اللي بعتبرو هواية لاني بستمتع فيه

حبيبنا اي نوع أدب تقرا ؟

تحب تقرا الشعر ؟؟
و هل تحب الشعر العمودي لا الشعر الحر ... الا يهمك الفكرة اكثر من الصيغة ؟


رح نطلب تحتار كتب انت تحب تقراها دائما ...
وبالمرة تقللنا مين اكثر كاتب تعجبك انتاجاته الادبية بالمجمل ...


:D

و قلي ماذا تقرأ .. اقول لك مين جارك :lol:

انو انا اتأخرت بس المهم لحقتك يا جورج :larg:

اول شي كيفك؟

هلأ جورج عبارة الفشل بداية النجاح شو رأيك فيها؟ وهل بتأمن فيها؟ وشو نسبة ايمانك فيها؟.

شو تعريف صديق مصلحة بقاموسك؟ وعن جد في هيك نوعيات ولا هالمصطلح خاطئ؟

جورج شو رأيك بالانحراف كمصطلح وكواقع؟.

واهلا وسهلا ابو جريج ..:D

suryoyoحبيبنا اي نوع أدب تقرا ؟
بحب اقرا الادب النقدي, القصص النقدية..بحس النقد بيفتح المخ وبيخليك تشوف الفكرة من بعد اخر, او من وجهة نظر اُخرى, وبيحثك على التفكير, بالفكرة نفسها وبالنقد لهالفكرة, وبيخلق بداخلك نوع من الفضول/الصراع وكتير من الاسئلة..
يعني بيشغل المخ :lol:


تحب تقرا الشعر ؟؟
و هل تحب الشعر العمودي لا الشعر الحر ... الا يهمك الفكرة اكثر من الصيغة ؟
بصراحة مابقرا كتير شعر, بس اذا بفضل اقرا رح اقرا الشعر الحر.
طبعا الفكرة هي الاساس, بس مابستتسيغ كتير الشعر العمودي, يمكن لأنو كرهونا فيه بالمدرسة

رح نطلب تحتار كتب انت تحب تقراها دائما ...
وبالمرة تقللنا مين اكثر كاتب تعجبك انتاجاته الادبية بالمجمل
اكتر كاتب تعجبني انتاجاته الادبية هو جبران خليل جبران,
عندي المجموعة الكاملة لمؤلفاتو اللي كتبها بالعربي, صرت قاري اغلب هالمؤلفات اكتر من مرتين وتلاتة واحيانا اربع..
بحب اقتبسلو مقطع من "القشور واللباب"
" لا ليست الحياة بسطوحها بل بخفاياها, ولا المرئيات بقشورها بل بلبابها, ولا الناس بوجوههم بل بقلوبهم. لا ولا الدين بما تظهره المعابد وتبينه الطقوس والتقاليد, بل بما يختبئ في النفوس ويتجوهر بالنيات. لا ولا الفن بما تسمعه بأذنيك من نبرات وخفضات اغنية, أو من رنّات أجراس الكلام في قصيدة, او بما تبصره بعينيك من خطوط والوان صورة. بل الفن بتلك المسافات الصامتة المرتعشة التي تجيء بين النبرات والخفضات في الاغنية. وبما يتسرب اليك بواسطة القصيدة مما بقي ساكتا هادئا مستوحشا في روح الشاعر, وبما توحيه اليك الصورة فترى وانت محدق اليها ما هو ابعد واجمل منها. "

و قلي ماذا تقرأ .. اقول لك مين جارك :lol:
صاير تألف امثال اب سارة ;)
:D