-
دخول

عرض كامل الموضوع : شيوخ أخويــــــــــــة

صفحات : 1 2 3 4 [5]
sheldi
19/09/2009, 16:00
شو هالموضوع اللي بيفتق الجروح هاد يا, وينو زميلنا بالعنوسة الشيخ أبو العبد:sick:
محمد ابراهيم
19/09/2009, 16:03
طيب رح أمشي معك بتسمية العانس.. بس أنو مشكلة عنوسة!! طيب بلكي هيي ما عندا مشكلة.. في كتير بنات ما عندون مشكلة..
البنت لما يصير عمرا فوق ال 30 بيتصير خياراتها أصعب وما عاد يعجبها بس الشب الحلو واللي وضعو مرتاح.. بيصير في أمور بتدقق فيها أكتر.. ومنعرف من حالنا أصدقائنا بسن العشرين ممكن ما نكون صادقناهون لو شفناهون بسن ال خمس وعشرين.. يعني اهتمامات الشخص بتتغير مع نضوجو.. وانا بعرف كتير بنات شايلين من بالون فكرة الزواج نهائياً رغم وجود عروض..

مين قال انو العنوسة مشكلة عند كل الصبايا ؟ انا معك انو في صبايا مافارق معون الزواج اصلا ، ومنهم اللي مابدها لانها عانت تجربة سيئة او عانت رفض وتسلط الاهل مع الشاب اللي بتحبو وممكن كمان ان تكون عندها اولويات تانية ، تكمل ماجستير ودكتوراة وممكن تكون بتبحث عن اثبات ذاتها وتفوقها على اقرانها من خلال التفوق بالشغل او من خلال جمع مصاري كتير او شغلات تانية ، ما قصدت ان كل بنت ما تزوجت هي عندها مشكلة . بس لما ترتفع النسب هيك صارت مشكلة اجتماعية وهاد بالنسبة للبنات والشباب على حد سواء ، نصف فترة الخصوبة بتكون راحت عند وصول البنت لسن 29 وهاي من وجهة نظري مشكلة . وشغلة تانية الرجل اللي فوق ال35 هاد كيف ادائو الجنسي ؟ وان شاء الله كيف رح يكون ادائو بعد 10 سنين زواج لما يصير فوق ال45 !! للاسف بالمجتمعات الشرقية الجنس نص الزواج شئنا ام ابينا ، الثقافة الاجتماعية سيئة جدا بهالناحية .
اذا الرجل ضعفت قدراتو شوي مرتو بتكسر عينو وهو بيسكت او بتفضحو اذا اعترض !
من وجهة نظري تاخر سن الزواج بطريقة مبالغ فيها لو اصبح ظاهرة ، يبقى رح تضر المجتمعات الشرقية .
محمد ابراهيم
19/09/2009, 16:22
مولانا كيفك ....

ايه مولانا العنوسه لنبلش نحكي فيها ..لازم نحكي عن واقع عايشينو
اول شي انا ماني مع كلمه عانس ..يمكن هي الكلمه ممكن نقولها ع ايام امي وخالتي وعمتي لما تجوزو بال 14 سنه لان هديك الايام كانت البنت توصل ل 18 وقتها يقولو عانس ...

اما هي الايام بتختلف تمام ..وبهل الايام مافيك تقول انه عانس ولعدده اسباب ..للمرحله الي وصلتلها المراه والي في بعض الاحيان ماعاد بحاجه للرجل والاعتماد عليه ...ولتتغير في الحياه العمليه والعلميه للرجل والمراه بنفس الوقت ..
فينا نقول تاخير وقت الزواج وانا ماني ضد هل الشي ..صحي الاخير الرجل والمراه يسعون للاستقرار العائلي والعاطقي .بس ماعاد مشكله انه والله المراه اتاخرت بالزواج ...وهون منجي ع الاسباب الي انت طارحها ع التاخير ...عندك اسباب اقتصادي ....وطموحات المرأه بالعمل والاعتماد ع النفس والتقدم العلمي والي باغلب الاحيان الزواج بيمنع هل الشي ..فا صار التأخير ...وعندك كمان العلاقات العاطفيه الي عم تمر بها المرأه والرجل الي عم تأثر ع قرار الزواج ....بعده نواحي ...

ولازم الفت نظرك لشغله نسبه الاضرار بالنسبه للتاخر بالزواج ..لا تقارن بنسبه الاضرار بنسبه الطلاق الي عم تصير بالوطن العربي ..والي سببها الزواج المكبر في اغلب الاحيان .....

ولي عوده

تمام يا عسل
كيفك يا حلو ,
بخصوص التسمية هي تسمية لغوية وكمان اجتماعية ( عجبتنا او لاء ) هاد موضوع مختلف .
على كل حال انا اول واحد قابل هالتسمية ع حالي " انا عانس " :o
بصراحة مابشوف التسمية فيها مشكلة ، صحيح المجتمع بيستخدم الكلمة ل يعيّر او يسب او يغيظ العانس بس هاد شيئ تاني . المشكلة مو بالكلمة ، المشكلة بعقلية المجتمع الغير سوية او صحية بالتعامل مع الحالة .

على كل حال فينا من هون من هالموضوع نحاول نغير الواقع بشيئ بسيط ، لما نسمع حدا يقول النا كلمة عانس ، ما نزعل ولا نتأثر ولا ندايق .
بعدين يعني عن تطور المجتمع من عصر جدي لعصر ابي لعصري فهاد موضوع نسبي ، يعني مثلا البنت كانت تتزوج من 60 سنة بعمر 14 و15 ليش ؟ لانو ما كان في مدرسة ولا جامعة .
من 30 سنة صار في مدرسة وجامعة وصارت البنت تتزوج عند 21 و22
هلئ صار في مدرسة وجامعة وماجستير ودكتوراة او مدرسة وجامعة و وظيفة ، ليش ما تتزوج البنت عال28و29!! هاد تطور المجتمع ولكن بتضل العنوسة نسبية ايضا ، من 60 سنة ايام ستي كانت العانس اللي توصل ل19 ومن 30 سنة ايام امي كانت العانس اللي توصل ل25 وهلئ العانساللي رح توصل ل31 ! هاد نسبي
وبيختلف حسب المجتمع كان زراعي او صناعي او تجاري وحسب مستوى الثقافة والتعليم وكتير عوامل .
اما عن اسباب تاخر سن الزواج فانا لهلاء ما طرحت ولا ناقشت فيها ، بكتفي بالنقاش حول الظاهرة بحد ذاتها بهالمرحلة .
Genifer
19/09/2009, 19:42
في كتير أشياء بتخلي العازب (ة) انه يطفش من الزواج

مثلاً: ما بشوف غير المتزوجين عم يحكوا :
ليش تجوزت ع بكير؟؟
ياريتنا ما تجوزنا ..
ياريت بقينا عازبين ..
لو كنت بعرف هيك الجازة ماكنت تجوزت.
مرة الجاية اذا جينا ع الدنيا مما رح اتجوز.
نيال العازب ماعنده لاهم ولاغم..

بأوروبا في نسبة منيحة من العازبين وأعمارهن منيحة بيشتغلوا وبيدوروا ..

أنا مابشوف العنوسة عيب أو مشكلة

أصلاً في كتير عالم بشوف انه كان مالازم تتجوز لأنه ماخرجها ولا بتعرف تربي ولاد ومع هيك تجوزوا لأنه لازم يتجوزوا...!!!!
حنين.
26/09/2009, 22:30
اتاخرت كتير على جماعة الشيوخ والشيخوخات وفتحتو مواضيع كتير بتهمني
رح اعطي رايي باخر موضوع "العنوسة"
متل ما قالو البنات قبلي العنوسة بتكون مشكلة للبنت او الشب اللي كتييييييير حابب يتزوج وما صحلو هدول قلبي معهم الله يفرج عليهم
اما بالنسبة للباقين يعني اللي عنسو طوعا"مو طوعا طوعا لانهم بيكونو مضطرين كمان ورح اشرح ليش"
فتاخر الزواج رح يزعج غيرهم كالاسرة والاصدقاء "متل بحالتي تسعين بالمية من معارفي عملولي درس ومواعظ وحكم لهالسبب" واكيد الو تاثير على المجتمع عموما
الظروف الاقتصادية والتغيرات الطارئة على طريقة حياتنا واهتماماتنا واولوياتنا حكيتو فيها وكفيتو ووفيتو
رح احكي عن سبب اهم في نظري واعقد"الحب-الصدق-الاخلاص-الوفاء-روح المسؤولية" هدول مابدي قول انقرضو بس صارو عملة نادرة جدا جدا
قالولي وقلت لحالي بلاها الرومنسية خلينا نحب بالعقل
لكن للاسف طلعت اصعب بكتير قصة الاختيار بالعقل ادا كان الحب بيغطي كتير عيوب فنور العقل مابيخلي شي مخبا
وبهدا وللاسباب المدكورة اعلاه كل ما سمعت عقبال فرحك اول كلمة تطلع مني بدون تفكير بعييد الشر عني:lol:
وبعيد الشر عن اللي رح يرتبط بيا لاسباب اخرى خلوها بالسر:oops:
صحيح الحد الادنى ماديا الضروري لتكوين اسرة مو كتير صعب توفيرو العيب فينا وتفكيرنا وفي استسلامنا للقيل والقال
Nay
02/10/2009, 01:28
انو شو مشان.. وينكوووووووون.. :cry:
حنين.
02/10/2009, 02:09
انو شو مشان.. وينكوووووووون.. :cry:
شيوخ يعني نايمين:p
marochka
02/10/2009, 07:56
أثبتت الدراسات العلمية أنو النساء بتكون صحتون أحسن بدون زواج، بين الرجال بالعكس!! المرأة قادرة أنها تعيش لوحدا بسهولة بينما الأمر أصعب على الرجل وخصوصاً كل ما تقدم فيهن العمر. بس المشكلة أنو اجتماعياً هالشي مو مظبوط. بس مع التغيرات الاجتماعية اللي عم بتصير صار في كتير بنات بيفضلو أنو يضلو بدون زواج على أنهن يتزوجو بدون قناعة ومن أشخاص ما بينسجمو معهن.
الزواج المتأخر إلو نواحي ايجابية وإلو نواحي سلبية، طبعاً من النواحي الإيجابية موضوع الوعي والقدرة على الاختيار الصحيح، والتفاهم الأكبر داخل المنزل، بالإضافة لتقليص فترة استخدام طرق منع الحمل السئيلة!! النواحي السلبية فينا نقول أنو الواحد ما كتير بيعود ألو خلق يلعب مع ولادو مثلاً، ووجع الضهر ما بيسمحلو يحملون مثلاً :cry:، بالإضافة للمشاكل الصحية اللي ممكن تأثر على الحمل والولادة وصحة الجنين مع تقدم الأم بالعمر، بس هي حالات مو كتيرة وممكن تلافيها بالمتابعة الصحية الجيدة.
ابو نجبو
02/10/2009, 10:20
انو شو مشان.. وينكوووووووون.. :cry:
والله الموضوع بلّش حلو ....بس بصراحة ماشفنا هالتفاعل اللي كان بالاول ....

من الاول قلت انو هادالموضوع الكن ..النا ....


اللي على بالو موضوع نتناقش فيه كلياتنا يحطّو ....

اللي عندو مشكلة و حابب يطرحا هون و ياخد رأي الشيوخ كمان مرحّب جداً .....

وبكل الاحوال ببالي قضية و بدّي أطرحها ...بس لـ أنتهز الوقت الملائم .....
ابو نجبو
03/10/2009, 13:42
النواحي السلبية فينا نقول أنو الواحد ما كتير بيعود ألو خلق يلعب مع ولادو مثلاً، ووجع الضهر ما بيسمحلو يحملون مثلاً :cry:، بالإضافة للمشاكل الصحية اللي ممكن تأثر على الحمل والولادة وصحة الجنين مع تقدم الأم بالعمر، بس هي حالات مو كتيرة وممكن تلافيها بالمتابعة الصحية الجيدة.
ولا تنسي فرق العمر بين الابوين و الولاد اللي رح يكون كبير كتير لما الواحد بيتجوز متأخر ....


مثلاّ بنعرف شخص تجوز بال38 سنة ...بعد سنتين لبين ماجاب الصبي ...يعني بينو وبين ابنو 40 سنة ....اي والله كتيرة ....أديش هاد الزلمة رح يواجه صعوبة بالتفاهم مع ابنو لمّا بيكبر ويصير بمرحلة المراهقة ...أديش رح يكون في حاجز و مسافة عمرية بين ...خلينا نقول ....3 اجيال تقريباً ...ممكن رح يعاملو كـ جد الو .. مو أب
marochka
03/10/2009, 19:25
هلأ الشغلة إيجابية بنواحي وسلبية بنواحي تانية، يعني فرق العمر الكبير بين الأب والإبن بيفيد بأنو خبرة الأب بالحياة بتكون أكبر وبالو أطول وغالباً ما بيعصب بسهولة قد اللي عمرو أصغر. بس طبعاً قدرتو على فهم جيل ابنو والتغييرات باهتماماتو بتتطلب منو بذل مجهود أكبر ليواكب العصر اللي عايش فيه ابنو. يعني متل كل شي بهل الدنية في سلبيات وفي ايجابيات وكل حالة وإلها خصوصيتها.
Nay
03/10/2009, 21:29
هلأ الشغلة إيجابية بنواحي وسلبية بنواحي تانية، يعني فرق العمر الكبير بين الأب والإبن بيفيد بأنو خبرة الأب بالحياة بتكون أكبر وبالو أطول وغالباً ما بيعصب بسهولة قد اللي عمرو أصغر. بس طبعاً قدرتو على فهم جيل ابنو والتغييرات باهتماماتو بتتطلب منو بذل مجهود أكبر ليواكب العصر اللي عايش فيه ابنو. يعني متل كل شي بهل الدنية في سلبيات وفي ايجابيات وكل حالة وإلها خصوصيتها.
انا معك.. وبلاقي انو تفهم الشخص لمشاكل ابنو بيتوقف على مخ الشخص بحد ذاتو بغض النظر عن عمرو لانو في ناس عمرون عشرين سنة ومتحجرين وغير قابلين للمناقشة وبالمقابل في اشخاص كبار بالعمر بيكونو منفتحين ومتفهمين..
ابو نجبو
16/10/2009, 11:08
شيوخنا الاعزّاء , بحب أوجه تحيّة لالكن بمناسبة انتهاء فترة السبات الخريفي
وبهي المناسبة , نقف دقيقة صمت لارواح الشيوخ اللي الله افتكرها , ومندعي بطول العمر للباقيين :lol:
اليوم عندي موضوع ...شائك شوي ..وبيهمّ الشيوخ و بيهمّني شخصياً و حابب اسمتزج أراء الزملاء فيه
-----------------------------
ضغط العمل

كتير من طلبات التوظيف اللي بنصادفها بجريدة أو باعلان توظيف ..سواء داخل القطر أو بالغربة ...القدرة على تحمّل ضغط العمل
اللي ملاحظو ..بحكم خبرتي بمجال العمل ..سواء لمّا كنت موظف ..ولا بالادارة..انو كلمة ضغط العمل كلمة مطّاطة كتير و بتحمل أكتر من معنى و أكتر من هدف
ضغط العمل ممكن يكون ساعات طويلة من العمل , أو مسؤوليات كتيرة , أو قدرة على التعامل مع أكتر من جهة , أو كلّن مجتمعين


كيف بتشوفو الموضوع ..؟
:D
marochka
16/10/2009, 12:07
أكيد كل الأشياء اللي ذكرتون بيشكلو الضغوطات اللي الإنسان لازم يتعامل معا، والقدرة على تحمل هالضغوطات بتختلف حسب درجتا وحسب استعداد الإنسان إلا وحسب قدراتو، أكتر شي بيشغل ضغط أنا بتصور حسب تجربتي المتواضعة، هو المسؤولية، يعني أديش فيه مسؤولية بتوقع على عاتق الشخص نتيجة القرارات اللي بياخدا بيشغلو، والأصعب طبعاً المسؤولية اللي ممكن يتحملا نتيجة أشياء خارجة عن سيطرتو.
أنا اللي خلاني أترك الشغل أنو بتوصل لمحل إذا بدك تتقدم بتحس حالك عم تتورط، يعني بشغل الدولة أحياناً الوصول لموقع مسؤولية هو ورطة، لأنو بتعرف حالك أنو شو ما عملت ممكن يجي مين يتهمك سواء بالتقصير أو بالرشوة أو بالتواطؤ، وهاد اللي شفتو صار بكتير ناس كانو بمواقع مهمة وأنا بعرف كيف كانو عم يشتغلو وبعرف الأشياء اللي عملتلون مشاكل وبعرف أنو ما كانو بيقدرو يتحكمو فيها. طبعاً القدرة على التعامل مع هيك أوضاع وعدم الانهيار تحت الضغوطات الخارجة عن السيطرة هي موهبة مانا موجودة عند كتير ناس ولازم الواحد يفكر منيح ويكون عارف التضحيات اللي بدو يعملا لينجح بهيك جو عمل.
ابو نجبو
17/10/2009, 07:29
أكيد كل الأشياء اللي ذكرتون بيشكلو الضغوطات اللي الإنسان لازم يتعامل معا، والقدرة على تحمل هالضغوطات بتختلف حسب درجتا وحسب استعداد الإنسان إلا وحسب قدراتو، أكتر شي بيشغل ضغط أنا بتصور حسب تجربتي المتواضعة، هو المسؤولية، يعني أديش فيه مسؤولية بتوقع على عاتق الشخص نتيجة القرارات اللي بياخدا بيشغلو، والأصعب طبعاً المسؤولية اللي ممكن يتحملا نتيجة أشياء خارجة عن سيطرتو.
.
طيب هل انتي مع فكرة انو ضغط العمل يؤدّي الى تحسّن أداء الموظف و يؤدّي الى اكتساب خبرة بوقت سريع...!!

بصراحة من يومين كان في جلسة عمل مع بضع اشخاص من ذوي الفعاليات الاقتصادية ....وكان الحديث عمبيدور عن هموم و مشاكل الموظفين ...اتّفقو ...في شبه اجماع...انو لمّا بيتحمّل الموظّف ضغط العمل ...رح يكون انتاجو و محاكمة الامور عندو أفضل ...سواء كان باتخاذ القرار الصائب ...او رفع سوية الانتاج

شو رأيك بهالحكي ؟
i m sam
17/10/2009, 10:18
طيب هل انتي مع فكرة انو ضغط العمل يؤدّي الى تحسّن أداء الموظف و يؤدّي الى اكتساب خبرة بوقت سريع...!!

بصراحة من يومين كان في جلسة عمل مع بضع اشخاص من ذوي الفعاليات الاقتصادية ....وكان الحديث عمبيدور عن هموم و مشاكل الموظفين ...اتّفقو ...في شبه اجماع...انو لمّا بيتحمّل الموظّف ضغط العمل ...رح يكون انتاجو و محاكمة الامور عندو أفضل ...سواء كان باتخاذ القرار الصائب ...او رفع سوية الانتاج

شو رأيك بهالحكي ؟
اي أنا مع هالحكي لكن انو يكون الضغط غير مستمر لفترات طويلة .
يعني ممكن يمرفترة فيها ضغط وتعب ودوام طويل ومهام كتيرة. لكن لو استمر هالوضع لفترات طويلة ممكن انو ينعكس سلبا على نفسية الموظف ومن بعدها رح يتاثر أداؤوا بالشغل.
أولا وآخرا الازمات والضغوطات هي يلي بتبين المعدن الجيد للموظفين لكن الاستمرارية بتعمل مشكل.
:D
Nay
17/10/2009, 13:04
انا كتير بشاركك سام بالرأي..
انو في كتير وظائف بيمر فيها فترات ركود وبتمر فترات بيصير فيها الضغط كبير كتير.. بتستمر الفترات شهر مثلا... وبيصير مطلوب من الموظف التعامل مع مليون شغلة سوا..
انا شخصيا بحب كتير ضغط العمل.. وبحب الستريس اللي بيصير وبحب الادرينالين اللي بيوصل لعند الله..
بس بشرط ما يكون هادا الضغط هوي طبيعة الشغل بحد ذاتو.. يعني انو يروح ويجي..
marochka
17/10/2009, 15:21
طيب هل انتي مع فكرة انو ضغط العمل يؤدّي الى تحسّن أداء الموظف و يؤدّي الى اكتساب خبرة بوقت سريع...!!

بصراحة من يومين كان في جلسة عمل مع بضع اشخاص من ذوي الفعاليات الاقتصادية ....وكان الحديث عمبيدور عن هموم و مشاكل الموظفين ...اتّفقو ...في شبه اجماع...انو لمّا بيتحمّل الموظّف ضغط العمل ...رح يكون انتاجو و محاكمة الامور عندو أفضل ...سواء كان باتخاذ القرار الصائب ...او رفع سوية الانتاج

شو رأيك بهالحكي ؟

مظبوط ضغط العمل بيزيد الكفاءة، وبعتقد أنو في دراسة أثبتت أنو الإنتاجية بتكون أكبر عند الأشخاص اللي بيتعرضو لضغوط عمل أكبر، وانا أغلب التجارب اللي شفتا بتثبت هالشي، بس وقت بستمر هالوضع لفترة طويلة بيتغير الموضوع شوية، يعني حتى الضغط بيصير روتيني، مشان هيك الديناميكية ضرورية والتغيير بنوع العمل كتير مهم، بالإضافة للمردود يللي بيشكل دافع مهم للعمل
Sun Shine Art
18/10/2009, 21:23
ضغط العمل كتير من طلبات التوظيف اللي بنصادفها بجريدة أو باعلان توظيف ..سواء داخل القطر أو بالغربة ...القدرة على تحمّل ضغط العمل اللي ملاحظو ..بحكم خبرتي بمجال العمل ..سواء لمّا كنت موظف ..ولا بالادارة..انو كلمة ضغط العمل كلمة مطّاطة كتير و بتحمل أكتر من معنى و أكتر من هدف ضغط العمل ممكن يكون ساعات طويلة من العمل , أو مسؤوليات كتيرة , أو قدرة على التعامل مع أكتر من جهة , أو كلّن مجتمعين

كيف بتشوفو الموضوع ..؟
:D



انه وينك انت مختفي اها يا كبير .....:larg:

المهم يا معلم ..مشان مضوع الضغط ..الله يلعن ربو للضغط وكوني انا ملتعن نفسي بالضغط فا ممنفش خلقنا هون بركي بخف الضغط ....

ما بعرف بس انا بشوف الضغط بيختلف من قدره الشخص لاخر ..وبيعتم اذا الشخص فعلا بحب الشغل الي عم يشتغلو ولا لا ...وهون بتجي النسبه المتفاوته بتحمل الضغط ..فا ممكن ناس تتنج اكتر من ناس تحن الضغط وممكن ناس ما تتحمل ولا نسبه قليله من الضغط ..
بعدين في انواع كتير مختلفه لضغط العمل وخاصه الجو الي عم تشتغل فيه ومع الناس الي معك بالجو ...لان كتير باثر ع مجهودك وع قدرتك بالتحمل والتعامل ..ان كان معون او مع طبيعه الشغل ....
انا بشوف انه اذا الضغط هو زياده بالعمل شي حلو ..وممكن يتحمله الواحد مادام في انتاج بالاخير ..اما ضغط النفسي والي كتير موجود بالجو العملي بين الموظفين والاداره فا هدا شي تاني وناس كتير ما بتقدر تتحمل هل الشي ......

انا بطبيعه شغلي الضغط كل ساعه وكل يوم خاصه في تارغت باخر الشهر لازم نوصلو ..هدا ضغط حلو مع الوقت ..وبكون تحدي لاثبات اني قادره وصل قبل الوقت ولا لا ....وبكون في نتيجه ونشاط

اما ضغط انك تشتغل مع ناس ..حمير احيانا ..او ما بيفهممو شي ومجبر انك تتعامل معون ..فا هدا ضغط بجيب الجلطه ...

ام الضغط من المافيات والاحزاب الي بتصير بجو العمل ..فا هدا عنه سكتيه قلبيه ..ولازم الواحد كتير يكون قوي لدرجه كبيره يتحمل هل الضغوط بالعمل ....


:D
رمرومة حمص
18/10/2009, 21:47
مساااااااااا الخير

حلو انكن عم تحكو عن ضغط الشغل
أنا هلأ كان ببالي احكي عن هالشي لاني بالدوام و مليييييييييييييت

و مداومي لل6 الصبح

:(("

طبعا انا فوق ال 25 يمكن صرت 27 :(("
ابو نجبو
19/10/2009, 13:18
انه وينك انت مختفي اها يا كبير .....:larg:

انو انا ...مشتألك و بس :D

المهم يا معلم ..مشان موضوع الضغط ..الله يلعن الضغط وكوني انا ملتعن نفسي بالضغط فا ممنفش خلقنا هون بركي بخف الضغط ....

ما بعرف بس انا بشوف الضغط بيختلف من قدره الشخص لاخر ..وبيعتمد اذا الشخص فعلا بحب الشغل الي عم يشتغلو ولا لا ...وهون بتجي النسبه المتفاوته بتحمل الضغط ..فا ممكن ناس تتنج اكتر من ناس تحت الضغط وممكن ناس ما تتحمل ولا نسبه قليله من الضغط ..
بعدين في انواع كتير مختلفه لضغط العمل وخاصه الجو الي عم تشتغل فيه ومع الناس الي معك بالجو ...لان كتير باثر ع مجهودك وع قدرتك بالتحمل والتعامل ..ان كان معون او مع طبيعه الشغل ....
انا بشوف انه اذا الضغط هو زياده بالعمل شي حلو ..وممكن يتحمله الواحد مادام في انتاج بالاخير ..اما ضغط النفسي والي كتير موجود بالجو العملي بين الموظفين والاداره فا هدا شي تاني وناس كتير ما بتقدر تتحمل هل الشي ......

انا بطبيعه شغلي الضغط كل ساعه وكل يوم خاصه في تارغت باخر الشهر لازم نوصلو ..هدا ضغط حلو مع الوقت ..وبكون تحدي لاثبات اني قادره وصل قبل الوقت ولا لا ....وبكون في نتيجه ونشاط

اما ضغط انك تشتغل مع ناس ..حمير احيانا ..او ما بيفهممو شي ومجبر انك تتعامل معون ..فا هدا ضغط بجيب الجلطه ...

ام الضغط من المافيات والاحزاب الي بتصير بجو العمل ..فا هدا عنه سكتيه قلبيه ..ولازم الواحد كتير يكون قوي لدرجه كبيره يتحمل هل الضغوط بالعمل ....


:D
ئلبك ملان .....:sick:
بحبّ اعقّب على نقطة كون الزميلة صوفي ماخلّت و مابقّت خزيت العين ....:larg:

موضوع ضغط العمل ...انا برأيي ...التحكّم فيه عن طريق الادارة المسؤولة ....هي اللي بتقدر تحوّل ضغط العمل من ضغط نفسي الى انتاجية و ثقة بالنفس ....وهون بتجي معلميّة المدراء و مسؤولي المظفين بالشركات..

انو كتير من الاحيان بتلاقي الشخص عمبيشتغل متل الماكينة ومابيهدّي لحظة ..وعلى أقل خطأ ..بياكل بهدلة من قبل رئيسو بالشغل ...هي الشغلة ..عن جد ..كتير كتير بتأثر على أداء الموظف لعملو ...وبتزعزع ثقتو بنفسو...

ونحن ماشالله ...ازا الواحد صار مسؤول عن شغلة ..بيفهم منها انو لازم طول الوقت يجعر و يعيّط و يبهدل ..هيك ببين انو هو " مدير "....

أما حكي صوفي ..عن مشاكل العلاقات بن الموظفين هاد موضوعو منفصل ...بهديك الحالة تسمى "روح الفريق و القدرة على العمل بهالروح "....واللي للاسف ..كمان كتير كتير مفتقدينها..
ابو نجبو
19/10/2009, 13:22
مظبوط ضغط العمل بيزيد الكفاءة، وبعتقد أنو في دراسة أثبتت أنو الإنتاجية بتكون أكبر عند الأشخاص اللي بيتعرضو لضغوط عمل أكبر، وانا أغلب التجارب اللي شفتا بتثبت هالشي، بس وقت بستمر هالوضع لفترة طويلة بيتغير الموضوع شوية، يعني حتى الضغط بيصير روتيني، مشان هيك الديناميكية ضرورية والتغيير بنوع العمل كتير مهم، بالإضافة للمردود يللي بيشكل دافع مهم للعمل
هلاء اللي بيقهر بالموضوع ...
انو الواحد بيشوف شب لهلوب ...شغيل و فهيم ...اي ببلش بيفلح عليه فلاحة ...

انو خيو ...الزلمة بيتحمّل و بيشتغل منيح ...استفيد منّو .....ليش لتهدّ حيلو و نفسيتو ....كبّرو و فيدو و استفيد منّو ....
ابو نجبو
19/10/2009, 13:25
مساااااااااا الخير

حلو انكن عم تحكو عن ضغط الشغل
أنا هلأ كان ببالي احكي عن هالشي لاني بالدوام و مليييييييييييييت

و مداومي لل6 الصبح

:(("

طبعا انا فوق ال 25 يمكن صرت 27 :(("
اهلين و سهلين .....:D
بنفسجة
19/10/2009, 15:09
صار عندي انقطاع عن الموضوع
رح انطر للفكرة الجاية لفوت فيا بالنقاش:lol:
مرحبا ختايرة:p
ابو نجبو
19/10/2009, 19:39
صار عندي انقطاع عن الموضوع
رح انطر للفكرة الجاية لفوت فيا بالنقاش:lol:

الموضوع لسّاتو مطروح .....معك وقت ....:larg:

مرحبا ختايرة:p
أهلين أمي ....:cool:
بنفسجة
19/10/2009, 22:10
أهلين أمي ....:cool:
ستك انا ستك قال امي:sly::frown:
بنفسجة
19/10/2009, 22:15
بالنسبة الي مهنتي شوي بعيدة عن دوائر الدولة بطريقة او بأخرى
لانها بتكون شغل خاص الي
ومع هيك بنلاقي انو بيكون فيا ضغط عمل كتير كبير
يعني احيانا بتوصل ساعات عمل طبيب الاسنان الى 10 ساعات ومافوق
حسب شهرة الطبيب وشطارتو
هلق هالضغط الكبير لامفر منو لان وضع العمل عنا غير وضع العمل بغير محل
يعني ما بنقدر نطلب من الناس ما تجي او تجي بغير وقت
مرهق كتير العمل بهيدا الضغط بس ما بخفيكون سر بيعطي خبرة كتير كبيرة للطبيب وبيعودو على العمل باقصى طاقتو وبيصير يتعود على هيك طبيعة عمل لان مردودو المادي عم يزيد والناس مش عم تشتكي لان مواعيدا عم تتاجل
بس بكل الاحوال مرهق جدا جدا
بنفسجة
19/10/2009, 22:21
بالنسبة الي مهنتي شوي بعيدة عن دوائر الدولة بطريقة او بأخرى
لانها بتكون شغل خاص الي
ومع هيك بنلاقي انو بيكون فيا ضغط عمل كتير كبير
يعني احيانا بتوصل ساعات عمل طبيب الاسنان الى 10 ساعات ومافوق
حسب شهرة الطبيب وشطارتو
هلق هالضغط الكبير لامفر منو لان وضع العمل عنا غير وضع العمل بغير محل
يعني ما بنقدر نطلب من الناس ما تجي او تجي بغير وقت
مرهق كتير العمل بهيدا الضغط بس ما بخفيكون سر بيعطي خبرة كتير كبيرة للطبيب وبيعودو على العمل باقصى طاقتو وبيصير يتعود على هيك طبيعة عمل لان مردودو المادي عم يزيد والناس مش عم تشتكي لان مواعيدا عم تتاجل
بس بكل الاحوال مرهق جدا جدا
أإأبو العبد
19/10/2009, 22:26
قلتولي ضغط الشغل بيزيد الانتاجية والكفائة ما:sly:
Nay
19/10/2009, 23:21
قلتولي ضغط الشغل بيزيد الانتاجية والكفائة ما:sly:
اذا ضغط الشغل عم يترافق مع مردود منيح.. فأنا بالنسبة الي ومن تجربتي بقلك انو كتيير بيحسن قدرتي على الشغل..
أإأبو العبد
20/10/2009, 00:02
اذا ضغط الشغل عم يترافق مع مردود منيح.. فأنا بالنسبة الي ومن تجربتي بقلك انو كتيير بيحسن قدرتي على الشغل..
ياستي كلو عندك العرب صابون من وين بدو يجي المردود لمنيح لك الواحد حتى معاشو صار يشحدو شحادة من الله مدير الشركة
ابو عمير السوري
23/10/2009, 15:26
كل المواضيع يلي فتحتوها شائكة وباعتقادي لازم نعطيها حيز أكبر من النقاش وتضل مفتوحة كل موضوع على حدة حتى تكون الافادة والاستفادة من التجارب ومهارات بعضنا
موضوع ضغط العمل .........في كتير أسباب بستبب ضغط العمل منها عدم وجود حقيقي لمعنى كلمة فريق فابتلاقي فرد واحد عم يشتغل محل عشرة وتعددت الأسباب ......انا خلصت بنتيجة بعد عدة سنين تحت ضغط العمل انو ها الكلمة فضفاضة في العمل المؤساستي ولاختلاف المؤهلات والقدرة الذهنية على التعلم وعدم الصدق بالتعامل وعدم الاخلاص كل هذا ينتج ضغط لأحد أفراد الفريق أو لمدير الفريق وبالنتيجة بيلاقي حالوا يلي ضايع بضغط العمل انو عمله هباء منثورا نتيجة أخلاق المجتمع ويبعها أحسن ويمشي مع ها الركب بس يلي أخلاقه مابتسمحلوا شو يساوي سؤال مقلق ؟
marochka
23/10/2009, 16:56
هلأ موضوع فريق العمل أو العمل ضمن فريق، هاد بحسو موضوع كبير لحالو، لأنو دايماً بتلاقي في نزعة فردية بالآخر بتخرب الشغل، أو عالأقل بيضل في حدا ضمن الفريق حاسس أنو مو آخد حقو. يعني الإنسان بطبعو عندو نزعة للفردية التملك، وبنفس الوقت بيلاقي حالو بحاجة لمساعدة فريق عمل، وبينتج أكتر مع فريق عمل، بس بيضل عندو هالنزعة داخلو اللي بتخليه يحب يبرز بشغلو ويتميز عن باقي الفريق
sheldi
24/10/2009, 00:35
خيو أبو نجبو ما تعملك شي ماستر ادارة أعمال و هيك بتريح العالم وبترتاح:pos:
الأدهم
08/11/2009, 14:01
تحياتي للشيخات والشيوخ الكرااااام
يا عيوووني والله العظيم ضغط العمل ما بيزيد الانتاجية بالعكس بيأخر الشغل وبيقلل الانتاج وبيتعب العامل
والله يساعد ويكون بعون كل العمال والموظفين
وما بعتقد انو في واحد مننا ما عندو شغل وبيتعب بشغلو كل يوم
بالنسبة إليي انا عريس جديد و صرلي شهر متزوج صدقني لما برجع من الشغل بكون ميت من التعب وبلاقي ست البيت بانتظاري على الغداا يا حرام ميتة من الجوع
وتستقبلني بابتسامة جميلة وأنا بكون ميت من التعب ماني قادر اني اتنفس من التعب مو بس ابتسم
ضغط العمل بيأثر على أدق تفاصيل حياتنا
وشكرااااااااااااااااااااا اااااااااااا
Nassima
08/11/2009, 20:47
محسوبتكم من مواليد 1984
و عجبتني الفكرة كثير و لي عجبني أكثر حديثكم و أرائكم

ضغط الشغل ؟؟؟؟؟ هاد النقاش مانو إلي لأني لسا في الماستر عن قريب إن شاء الله راح أناقش في العمل و ضغطو :p و ابقى خبركم
أإأبو العبد
08/11/2009, 22:06
محسوبتكم من مواليد 1984
و عجبتني الفكرة كثير و لي عجبني أكثر حديثكم و أرائكم

ضغط الشغل ؟؟؟؟؟ هاد النقاش مانو إلي لأني لسا في الماستر عن قريب إن شاء الله راح أناقش في العمل و ضغطو :p و ابقى خبركم
الله يبعدو عنك وعن حبابك لاتصدقي حكي هالختايرة ضغط الشغل مابيجيب الا المرض انا عن نفسي من كتر ما عمبنضغط صرت نص واشش كمان شهر بكمل النص التاني