قديش نحنا طائفيين؟ [الأرشيـــــف] - صفحة 2

امرأة من ورق

30/05/2006, 06:21

دايما التشجيع ع الثقافة و الفن بتفيد يعني زيارات معارض الكتب و حضور المسرحيات و الافلام
و غيرو في كتير ,,,,,,,
بس السؤال المهم هو وين و مين بدو يعمل هاد الشي يعني نحنا ماعنا منظمات او تمعات شبابية مدنية تقدر تخلق حالة من الوعي عند هالجيل ,,,,,

و الف تحية

سلام

كمان مرة بقول انو ماعنا توجه صح بالموضوع
يعني اخر مرة زرت معرض كتب بسوريا تفاجأت تماما بعدد الكتب الطائفية البحتة :cry:
واخر مرة حضرت مسرحية بسوريا كانت عبارة عن مشاهد من مجموعة مسرحيات رايقة بس تفاجأت انو المخرج ولحتى يجذب الناس ليحضروها حولها للهجة العلوية المبالغ فيها والحضور كلون قضوها ضحك عاللهجة ولما طلعو من المسرحية كان الانطباع الوحيد اللي اخدوه هوي اللهجة ونسو كل الافكار الظريفة اللي عم تطرحها المسرحية وصارو بين واحد عم يتمسخر عاللهجة وصحابها وبين معصب من المسخرة اللي صارت عاللهجة واعتبرها اهانة لصحاب اللهجة...... يعني المسرحية اللي مفروض تكون ثقافية صارت مطرح طائفي :cry:

يعني انو حكيك عن دور الثقافة صح بس كمان ماعم يزبط ابدا على ارض الواقع...... ولهي قلت انو حاليا وسائل الاعلام بكافة اشكالها عم تلعب دور خطأ بالموضوع

chefadi

30/05/2006, 06:47

كمان مرة بقول انو ماعنا توجه صح بالموضوع
يعني اخر مرة زرت معرض كتب بسوريا تفاجأت تماما بعدد الكتب الطائفية البحتة :cry:
واخر مرة حضرت مسرحية بسوريا كانت عبارة عن مشاهد من مجموعة مسرحيات رايقة بس تفاجأت انو المخرج ولحتى يجذب الناس ليحضروها حولها للهجة العلوية المبالغ فيها والحضور كلون قضوها ضحك عاللهجة ولما طلعو من المسرحية كان الانطباع الوحيد اللي اخدوه هوي اللهجة ونسو كل الافكار الظريفة اللي عم تطرحها المسرحية وصارو بين واحد عم يتمسخر عاللهجة وصحابها وبين معصب من المسخرة اللي صارت عاللهجة واعتبرها اهانة لصحاب اللهجة...... يعني المسرحية اللي مفروض تكون ثقافية صارت مطرح طائفي :cry:

يعني انو حكيك عن دور الثقافة صح بس كمان ماعم يزبط ابدا على ارض الواقع...... ولهي قلت انو حاليا وسائل الاعلام بكافة اشكالها عم تلعب دور خطأ بالموضوع

أكيد ماعنا توجه صحيح و اعلامنا ماعم يلعب دور صحيح بهاد المجال لهيك سألت مين و وين لأنو حتى تجمعات الشباب عنا هيي طائفية لهيك بيبقى الموضوع اجتهاد فردي من شخص عندو هالهم و انا جربت هاد الشي بس الحقيقة فشل مع كتير اشخاص و نجح مع كم حدا

javarmouna

30/05/2006, 07:58

انا برأي الحل هو الألحاد للكل للجميع
يعني لازم يتطبق الألحاد بكل البلد و يتعمم ويتفهّم وينزرع بلعقول كره الله و توابعو من الرسل والأنبياء وهيك يا اخوان منتخلص من الطائفية
هاد الحل الوحييييييييييييييييييد والأكيد المفعول ومجرب وبيمنع التسرب والبلل

ويلعن الله :سوريا:

:x :x :x :x :x :x

كهربجي

30/05/2006, 08:36

ولو كنت بفكر هيك تفكير ما كنت انتسبت لمنتدى مسيحي

لحظة.. بفهم من هالحكي أنو المنتدى إلو دين معيّن؟؟ أهلييييين... العمى ماني عرفان...

كهربجي

30/05/2006, 08:37

:x :x :x :x :x :x

عفواً بس مبأ الإسلام ومبدأ أبو حمرا واحد...

كهربجي

30/05/2006, 08:40

هدول الحادثتين
بس لو تعرف شو سببون بتضحك
سببهون الدوبلة
:? :? :? :?

شريك أنا من مصياف وكنت هونيك وقت المشكلة... والموضوع لو ما كان طائفي كان ضل دوبلة بدوبلة.. ولو ما كان طائفي ما كانوا نزّلوا كتيبة جيش لحفظ النظام... ولو...;-)

me2

30/05/2006, 11:16

لحظة.. بفهم من هالحكي أنو المنتدى إلو دين معيّن؟؟ أهلييييين... العمى ماني عرفان...

ما حدا عرفان .. و اذا و بفرض و لو و في حال أنو المنتدى موجه لأي دين , رح نغيرو يالصرماية.

وإلا منتغير نحنا لغير منتدى .. باستثناء منتدى الأتاسي ..

يا ريت في بدل منتدى , منتهى ..

me2

30/05/2006, 11:18

شريك أنا من مصياف وكنت هونيك وقت المشكلة... والموضوع لو ما كان طائفي كان ضل دوبلة بدوبلة.. ولو ما كان طائفي ما كانوا نزّلوا كتيبة جيش لحفظ النظام... ولو...;-)

خيو شو بدنا بهالحكي .. من مصياف وما جبتلنا هبابيل ؟؟

الله يسامحك على مقهى الوراقة .

Danito

30/05/2006, 12:59

هلق الموضوع والمشاركات بتدل على كم شغلة مهمين:
- كل الشباب تقريبا واعية لوجود مشكلة بتعاطينا مع الطوائف
- في ضبابية في كلمة طائفية و تتداخل مع مفهوم الانتماء و الاختلاف و قبول المرجعيات و حدود حرية الاعتقاد
- أكثر ما لفت نظري هم المتصالحون مع طائفيتهم و هذا خطر على أنفسهم و على الآخرين
- الحل هو من ناحية قانونية حيث أن الطائفية شكل من أشكال العنصرية و إدراجها ضمن بنود الأمن القومي هو ليس إلا تسخير و تكريس لها، حيث أنها خطر على الأمن القومي لكن ليس المطلوب القبول بها و كبتها و لكن أن يركز القانون على المساواة كمفوم مفروض بقوة القانون،
فأنت عندما تعامل التمييز بين الجنسين على أساس أنه قضية اجتماعية
و التمييز على أساس الطائفة على أنها قضية دينية ذات أبعاد أمنية
و التمييز على أساس المعتقد الحزبي على أنها قضية سياسية
كل ذلك هو عبارة عن تمييع لمفهوم المواطنة و المساواة الذي يجب أن يكون موضوع واضح اجتماعيا وسياسيا و حتى دينيا (و هو الشق الآخر و الأهم) بحيث أن المواطن يجب أن يتعلم بأن القانون يضع أي شكل من أشكال التمييز في نفس الخانة و يتعلم أن إنسانية الإنسان تأتي قبل أي من المحددات الأخرى لهويته

الشق الثاني و الأهم هو المرجعيات الدينية التي يجب أن تعزز مفهوم الآخر لدى رعاياها أو اتباعها أو سمهم ما شأت حيث أن الملاحظ غياب أو ضبابية المفهوم ، و كذلك حرية الاعتقاد (و نحن هنا ليس بصدد نقاش هذا المفوم بالتحديد) للأسف تبدوا كثير من المرجعيات في حالة جهل شبه مطبق بما يخص هذين المفهومين و التعاطي معهم و تجير القضية إلى إبراز بعض المقتطفات من النصوص المقدسة التي تحابي الآخرين و لكن لا يتم التأسيس للمساواة و تقبل الآخر كفلسفة متكاملة و جزأ من التثقيف العقائدي (الديني) بل على العكس يجري و بشكل منظم (للأسف) التحريض على أبناء الديانات و الطوائف الأخرى

هناك أدوار للجهات الأخرى في المجتمع كمنتديات الحوار و التجمعات المدنية و و
و ملاحظة أخيرة هناك أرضية صلبة للتنوع و قبول التنوع في سوريا مع أنه يتم دق الأسافين فيها

امرأة من ورق

30/05/2006, 13:25

خيو شو بدنا بهالحكي .. من مصياف وما جبتلنا هبابيل ؟؟

الله يسامحك على مقهى الوراقة .

هبابيل مع طحينة
الله الله الله
ياهيك الاكل يابلا :eat:

me2

30/05/2006, 13:34

هبابيل مع طحينة
الله الله الله
ياهيك الاكل يابلا :eat:

بدها جوز بلدي أو فريك .......

صحة على قلبك ...

krimbow

30/05/2006, 15:50

مرحبا ... again

اولا
بالموضوع ظهرت بعض التوجهات يللي عم تطالب بالالحاد كطريق للقضاء على الطائفية .. هلأ بغض النظر عن كوني ملحد واللا مؤمن، بس هاد مو حل.
هلأ معكم حق انو ازا الكل الحد ما بيعود في طائفية، المشكلة انو كمان ازا الكل اسلم ما بيعود في طائفية، و ازا الكل تمسح (من اعتناق المسيحية) ما بيعود في طائفية .. و هيك
و هون تحديدا طامتنا الكبرى بشرقنا الملعون...
انو كل واحد بدو "يقضي" على كل الطوائف التانية ... مشان الهدف الاسمى يللي هوي القضاء على الطائفية
اي ما استفدنا شي، و كتذكرة فقط.. نحنا اساسا بدنا نحل مشكلة الطائفية لحتى يبطل حدا يموت طائفيا

تانيا
في ناس عم تطالب بالزواج المدني كحل للطائفية...
انو حلينا كل مشاكلنا، و امنا السكن الشبابي، و قضينا ع البطالة.. المقنعة و غير المقنعة، و استرجعنا الاراضي المحتلة، حلينا ازمة المواصلات، و الخبز كتير، و فكينا الاحزمة، و بعضة كوساية رح نوصل للفضاء و بقي اني اتجوز وحدة من غير طايفتي و الخوري و الشيخ مو موافقين ؟؟؟؟!!!!!

ممكن حدا يفهمني شلون الزواج المدني بيحل مشكلة الطائفية ؟؟؟

انو بفهم من هل الكلام انو في شخصين مختلفين طائفيا ... بدهم يتجوزوا و ناطرين مرسوم من الرئيس ؟؟؟
يا عمي تركيا بميكرو بتصير فيها

تالتا
إلى فراشة و ميرا لوفلي ون

نظريا ... الحب بيحل كل المشاكل، حتى تلك التي لا حل لها، بل حتى تلك المشاكل الغير موجودة اصلا ... و خصوصا لما بيكون متبادل

بس شو بدنا بنظريا ؟؟
عمليا .. اني الغي الطائفية، على الرغم من شبه استحالة هالهدف ببلادنا، اسهل بكتير من اني خلي واحد قبطي متزمت يحب واحد وهابي متزمت، و عم احكي على مستوى الافراد، فما بالك على مستوى الجماعة ؟؟؟؟

يا جماعة .. في ناس رافعين شعار "مسلم بنغلاديش، و لا مسيحي جاري"

ما فيي طالب هيك ناس انهم ... "يحبوني"
انا عم طالب بالمستطاع .. حبة حبة.. مبدئيا خلونا نتفق على حق بسيط مضمون دينيا و شرعيا و كل شي.. حق الحياة، بعدين منعود منتفق على انو نحترم بعضنا، ... و كزا الف سنة تانيين منعود منطالب ساعتها بأنو نحب بعضنا بعضا ...

لك ازا يسوع بجلال قدرو ... من الفين سنة طالبنا انو نحب بعضنا .. و لهلأ ما نفذناها ...

Danito

30/05/2006, 16:01

مرحبا ... again

ممكن حدا يفهمني شلون الزواج المدني بيحل مشكلة الطائفية ؟؟؟

100 مرحبا again & again
هلق الزواج المدني ما بيلغي الطائفية بحد ذاته بس وجوده مهم لتأكيد الحرية و هو أسفين بيندق بجدران الفصل العنصري
يعني بشوية تفكير منعرف أنو بالسماح بالزواج المدني ما رح انلاقي تاني يوم آلاف المسيحيين عم يتزوجوا آلاف المسلمين و لا غير هيك و الدليل أنو المشكلة موجودة عند أبناء الدين الواحد لا و الأنكا أنو ممكن الأهل يتقبلوا فكرة الزواج من ابن/ابنة ديانة تانية على أن يكونوا من نفس الدين بس من طائفة مختلفة..
هلق في كثير ناس كسرت هادا الحاجز بس الزواج غالبا بيعاني من الضغط الاجتماعي أو عدم نضوج وعي الزوجين (كلاهما أو أحدهما) و اللي غالبا بيحاول واحد منهم يسيطر و يفرض على الثاني أو على الأولاد بيئته أو ديانته.. و هون مشكلة ثانية

الملخص الزواج المدني مهم لأنه بيتيح للي حابين يتجاوزوا الحواجز أنو يتجاوزوها و هادا الشي بيعطي التمازج و التآلف بعد أعمق و أهم في طريق الحد من الطائفية و آثارها السلبية

krimbow

30/05/2006, 16:37

100 مرحبا again & again
هلق الزواج المدني ما بيلغي الطائفية بحد ذاته بس وجوده مهم لتأكيد الحرية و هو أسفين بيندق بجدران الفصل العنصري
يعني بشوية تفكير منعرف أنو بالسماح بالزواج المدني ما رح انلاقي تاني يوم آلاف المسيحيين عم يتزوجوا آلاف المسلمين و لا غير هيك و الدليل أنو المشكلة موجودة عند أبناء الدين الواحد لا و الأنكا أنو ممكن الأهل يتقبلوا فكرة الزواج من ابن/ابنة ديانة تانية على أن يكونوا من نفس الدين بس من طائفة مختلفة..
هلق في كثير ناس كسرت هادا الحاجز بس الزواج غالبا بيعاني من الضغط الاجتماعي أو عدم نضوج وعي الزوجين (كلاهما أو أحدهما) و اللي غالبا بيحاول واحد منهم يسيطر و يفرض على الثاني أو على الأولاد بيئته أو ديانته.. و هون مشكلة ثانية

الملخص الزواج المدني مهم لأنه بيتيح للي حابين يتجاوزوا الحواجز أنو يتجاوزوها و هادا الشي بيعطي التمازج و التآلف بعد أعمق و أهم في طريق الحد من الطائفية و آثارها السلبية

على راسي...
بس ما بينفع
توطئة:
1-
الزواج المدني اساسا بيقوم على فكرة المساواة بين الرجل و المرأة، و ليس على اساس إلغاء الطائفية...
هلأ بطريقو بيلغي الطائفية بين المتزوجين مدنيا كتحصيل حاصل يعني
المشكلة وين ؟؟؟
المشكلة انو ببلادنا في شرع مطبق على الاغلبية العظمى انو بيحقلهم يتجوزوا اربعة.. و الزواج المدني ما بيحقق هالمعادلة
هلأ تعا الغي هالامتياز بمجمتمع متفوق ذكوريا و مسحوق انثويا متل مجتمعاتنا ... بتقوم ثورة

2-
الطائفية الموجودة ببلادنا حولت مجتمعاتنا إلى كانتونات منغلقة، كل وحدة منها الها ثقافتها الخاصة و بيئتها الخاصة
حتى هدول "المختلطين طائفيا" تحولوا لكانتون خاص مستقل بذاتو الو ثقافتو و بيئتو الخاصين
و أي تعامل بين هالكانتونات ... بيتطلب نوع من التمثيل .. او فلنقل... بيتطلب انو يتم ضمن اطر و بروتوكولات ديبلوماسية .. تشبه تلك السائدة بالعلاقات الدولية

اساسا...
المشكلة يللي عم ندور على حلها هيي الطائفية، كيف ما بدنا نحل هالمشكلة، بدنا نصطدم بتشريعات الهية مقدسة مستندة عليها الطوائف

بناءا على ما سبق
كل مطالبتي هيي انو نلاقي موطئ قدم... تتفق عليه جميع الطوائف ببلادنا، بحيث ما نمس "مبدئيا" بالتشريعات الالهية، او على الاقل ... نمس هالتشريعات بالحد الادنى و المقبول بحكم اختلاف التفاسير او ما شابه

برجع و بكرر ... يللي عم طالب فيه هوي "اضعف الايمان" ... من باب انو لسا في امل

ملحوظة:
لكل قاعدة استثناء، لكنه (اي الاستثناء) لا يلغي القاعدة
فلا حدا يجي يقللي امي كيت و ابي كيت
او هي عندك بسام كوسا مسلم و معمد ولادو...

Danito

30/05/2006, 16:57

على راسي...
الطائفية الموجودة ببلادنا حولت مجتمعاتنا إلى كانتونات منغلقة، كل وحدة منها الها ثقافتها الخاصة و بيئتها الخاصة
حتى هدول "المختلطين طائفيا" تحولوا لكانتون خاص مستقل بذاتو الو ثقافتو و بيئتو الخاصين
و أي تعامل بين هالكانتونات ... بيتطلب نوع من التمثيل .. او فلنقل... بيتطلب انو يتم ضمن اطر و بروتوكولات ديبلوماسية .. تشبه تلك السائدة بالعلاقات الدولية

اساسا...
المشكلة يللي عم ندور على حلها هيي الطائفية، كيف ما بدنا نحل هالمشكلة، بدنا نصطدم بتشريعات الهية مقدسة مستندة عليها الطوائف

من ناحيتي باعتقد الزواج المدني شغلة صغيرة بتساعد بس ما بتحل مشاكل
بحب ضيف كانتون ثاني مؤلف من ناس من كل الكانتونات اللي هني بيتجاوزوا الطائفية
أنتي حطيت أيدك عالجرح الشغلة مو مرتبطة بطائفة معينة مرتبطة بثقافة الكانتونات ، يعني ثقافة الطائفية هي المشكلة و ليست تعدد الطوائف أو اختلافها هو المشكلة الشعور بالانتماء و تمايزه في هوية الشخص مهم ، بس المشكلة هو عندما تتحول إلى هويات قاتلة (تَقتل أو تُقتل)

بناءا على ما سبق
كل مطالبتي هيي انو نلاقي موطئ قدم... تتفق عليه جميع الطوائف ببلادنا، بحيث ما نمس "مبدئيا" بالتشريعات الالهية، او على الاقل ... نمس هالتشريعات بالحد الادنى و المقبول بحكم اختلاف التفاسير او ما شابه

برجع و بكرر ... يللي عم طالب فيه هوي "اضعف الايمان" ... من باب انو لسا في امل

يمكن اختلف معك هون لأنو المحاباة و المجاملات و الديبلوماسية هي هروب إلى الأمام أو ضحك على اللحى

مرة ثانية حطيت أيدك على المشكلة هي أنو القوانين الإلهية اللتي عطت وكالات حصرية للجماعة الفلانية و الجماعة العلتانية (يعني الكل معون هي الوكالة..) هي الراسخة بينما المجاملات الأخوية و التسامح فهي لا تعدو عناوين عريضة استعراضية و لذلك بمشاركتي السابقة ركزت على الشرخ الديني و دور المرجعيات

javarmouna

30/05/2006, 17:23

هلق الموضوع والمشاركات بتدل على كم شغلة مهمين:
- كل الشباب تقريبا واعية لوجود مشكلة بتعاطينا مع الطوائف
- في ضبابية في كلمة طائفية و تتداخل مع مفهوم الانتماء و الاختلاف و قبول المرجعيات و حدود حرية الاعتقاد
- أكثر ما لفت نظري هم المتصالحون مع طائفيتهم و هذا خطر على أنفسهم و على الآخرين
- الحل هو من ناحية قانونية حيث أن الطائفية شكل من أشكال العنصرية و إدراجها ضمن بنود الأمن القومي هو ليس إلا تسخير و تكريس لها، حيث أنها خطر على الأمن القومي لكن ليس المطلوب القبول بها و كبتها و لكن أن يركز القانون على المساواة كمفوم مفروض بقوة القانون،
فأنت عندما تعامل التمييز بين الجنسين على أساس أنه قضية اجتماعية
و التمييز على أساس الطائفة على أنها قضية دينية ذات أبعاد أمنية
و التمييز على أساس المعتقد الحزبي على أنها قضية سياسية
كل ذلك هو عبارة عن تمييع لمفهوم المواطنة و المساواة الذي يجب أن يكون موضوع واضح اجتماعيا وسياسيا و حتى دينيا (و هو الشق الآخر و الأهم) بحيث أن المواطن يجب أن يتعلم بأن القانون يضع أي شكل من أشكال التمييز في نفس الخانة و يتعلم أن إنسانية الإنسان تأتي قبل أي من المحددات الأخرى لهويته

الشق الثاني و الأهم هو المرجعيات الدينية التي يجب أن تعزز مفهوم الآخر لدى رعاياها أو اتباعها أو سمهم ما شأت حيث أن الملاحظ غياب أو ضبابية المفهوم ، و كذلك حرية الاعتقاد (و نحن هنا ليس بصدد نقاش هذا المفوم بالتحديد) للأسف تبدوا كثير من المرجعيات في حالة جهل شبه مطبق بما يخص هذين المفهومين و التعاطي معهم و تجير القضية إلى إبراز بعض المقتطفات من النصوص المقدسة التي تحابي الآخرين و لكن لا يتم التأسيس للمساواة و تقبل الآخر كفلسفة متكاملة و جزأ من التثقيف العقائدي (الديني) بل على العكس يجري و بشكل منظم (للأسف) التحريض على أبناء الديانات و الطوائف الأخرى

هناك أدوار للجهات الأخرى في المجتمع كمنتديات الحوار و التجمعات المدنية و و
و ملاحظة أخيرة هناك أرضية صلبة للتنوع و قبول التنوع في سوريا مع أنه يتم دق الأسافين فيها

يا اخي والله شغلة فاضية
كا واحد صار يحكي عن الطائفية وعلاك مصدي
وفي الحقيقة كل واحد اذا بتلاحظ كلامو في كل مشاركاتو بيكون مرجعيته دينه فقط وما في شيء اخر وحتى مرجعية دينية غير حيادية متعصبة بتلاحظها واضحة تماما من بعض الأعضاء اذا مو اغلبهم

krimbow

30/05/2006, 17:43

يا اخي والله شغلة فاضية
كا واحد صار يحكي عن الطائفية وعلاك مصدي
وفي الحقيقة كل واحد اذا بتلاحظ كلامو في كل مشاركاتو بيكون مرجعيته دينه فقط وما في شيء اخر وحتى مرجعية دينية غير حيادية متعصبة بتلاحظها واضحة تماما من بعض الأعضاء اذا مو اغلبهم

شكرا على مشاركتك القيمة

و شكرا على تذكيرك بما لم ننساه في نقاشنا

هات لشوف .. انت شو رأيك ؟؟؟

شو رأيك انو نتفق انو نفتح عيوننا و نشوف انو في "الآخر"
في الغير مسلم، و في الغير مسيحي، و في و في و في ...

شو رأيك انو نتفق انو بيحقلك تعيش، و بيحق لغيرك يعيش ؟؟؟

javarmouna

30/05/2006, 18:09

شكرا على مشاركتك القيمة

و شكرا على تذكيرك بما لم ننساه في نقاشنا

هات لشوف .. انت شو رأيك ؟؟؟

شو رأيك انو نتفق انو نفتح عيوننا و نشوف انو في "الآخر"
في الغير مسلم، و في الغير مسيحي، و في و في و في ...

شو رأيك انو نتفق انو بيحقلك تعيش، و بيحق لغيرك يعيش ؟؟؟

أنا برأي في مثل هيك جو يجتمع فيه المسلم والمسيحي والملحد ويمكن ديانات وطوائف اخرى
شغلة فاضية وعبثية ان يفتح نقاش ديني
وفرضا لو انفتح لأنو اكيد سوف ينفتح العديد من النقاشات الدينية, يجب المناقشة بشكل حضاري بعيد عن السب والشتم والأهانات
مهما تكون نوعية المشاركة ومهما تكون بعيدة عن فكرك, كل منا يحاول ان يوصل فكرة معينة للقاريء, لذلك لما لا نوصلها بشكل حضاري؟, واكيد هناك نقد ومعارضة, لما لا تكون هذه المعارضة
مؤدبة لبقة غايتها الأخبار بالحقيقة لا التجريح بصاحب الفكرة
اضرب لك مثلا( موضوع اسامة بن لادن )
مشعل يعتبر هذه الشخصية رائعة ويعتبرها فذة في نظري كما هو الحال معي وبعض الأخوة الأعضاء
ايضا, وبالمقابل هناك اعضاء ايضا يعتبرون هذه الشخصية اجرامية وقتلت الأبرياء المدنين
اكيد يوجد هناك شخص خاطيء
مثل ما لاحظت الردود كانت قاسية جدا, شتم واهانات وبعدها تحولت الى مناظرة دينية ثم دينية تاريخية ووصلنا الى مذابح الأتراك بحق الأرمن ثم مذابح الصليبين بحق المسلمين في القدس
منهم من شتم الأسلام ونعتهم بالمتخلفين القتلة, ومنهم من شتم الصليب والمسيحين

اذا النقاش عقيم وجادل لتجادل, لذلك من الأفضل عدم طرح النقاشات الدينية, او فتح باب حوار الأديان, لتنقل المصارعة هناك

javarmouna

30/05/2006, 18:13

شو رأيك انو نتفق انو بيحقلك تعيش، و بيحق لغيرك يعيش ؟؟؟

طبعا لاشك في ذلك, واتفق معك على هذا
ولكن بشرط انك تشيل عني المسطرتين اللي اخذتهم منك من شهرين ولغاية الأن ما راحت:lol:

suryoyo

30/05/2006, 18:25

يا اخوان الطائفية هي ليست سبب

هي نتيجة حتمية سببها الانغلاق الفكري الذي نعيشه

ليست المسكلة في الدين فقط بل في التحزب و التعصب القومي و غيره غيره

يا أخوان المشكلة تبدأ في المنزل في المدرسة المشكلة تكمن من يأكل القسم الاكبر من الكعكة اذا صح التعبير.

التنافس في كل شيئ مع ان الخير كثير و يكفي للجميع

مشكلة التعصب انها كارثة لان الناس تنجر وراءها بسهولة لخدمة اهداف خفية لمصلحة أناس يعيشون على هذه المواضيع. انهم يستفيدون من قلة خبرة الناس و يشعلون الفتن و المشاكل لخدمة مصالحهم و لا يهمهم اذا مات مليون شخص من جراء الاعيبهم

الحل يكمن في محاربة الجهل و نشر ثقافة التسامح في كل شيئ

krimbow

30/05/2006, 18:28

طبعا لاشك في ذلك, واتفق معك على هذا
ولكن بشرط انك تشيل عني المسطرتين اللي اخذتهم منك من شهرين ولغاية الأن ما راحت:lol:

لا، راحوا ... هدول مسطرتين جداد .. خلنج يعني .. كمان كم يوم و بيروحوا بس بيطولوا شوي

خوش ازا كنت آكل مسطرتين .. و اكلت مسطرتين جداد .. بيصير بدك وقت اطول لتطيب

المهم انو نحنا متفقين على التعايش .. و هاد امر حضاري ..

و يللي بيطالب او بيحاول انو يضرب هالتعايش ... هاد مجرم..

بعدنا متفقين و اللا اختلفنا ؟؟؟

me2

30/05/2006, 18:32

يا اخوان الطائفية هي ليست سبب

الحل يكمن في محاربة الجهل و نشر ثقافة التسامح في كل شيئ

حكي حلو ... مع أنو في بيوت كتير بيشربو الأطفال لبن و طائفية .,
بس أنا بفترض أنو بس يكبر الانسان لازم يحاكم و يستمل مخو ..
ويحاول يتخلص من الرواسب المسيئة .

هلق كوني متربي ببيت و عائلة ما بيعرف شي ألو علاقة بالطائفية ,
ما بعرف قديش تأثير التربية على الشباب و نظرتهم للطائفة .

بدها وقت و بدها بداية و التنين مفقودين .

me2

30/05/2006, 18:34

لا، راحوا ... هدول مسطرتين جداد .. خلنج يعني .. كمان كم يوم و بيروحوا بس بيطولوا شوي

خوش ازا كنت آكل مسطرتين .. و اكلت مسطرتين جداد .. بيصير بدك وقت اطول لتطيب

المهم انو نحنا متفقين على التعايش .. و هاد امر حضاري ..

و يللي بيطالب او بيحاول انو يضرب هالتعايش ... هاد مجرم..

بعدنا متفقين و اللا اختلفنا ؟؟؟

صايرة أيدك فاروطية .... الله يقويك علخير . ويديمك ذخرا للأمة الاسلامية.

krimbow

30/05/2006, 18:45

صايرة أيدك فاروطية .... الله يقويك علخير . ويديمك ذخرا للأمة الاسلامية.

وصلت (بتسكين اللام لاتصاله بتاء الفاعل المتحركة.... و المؤللة و المجولقة)

me2

30/05/2006, 18:51

وصلت (بتسكين اللام لاتصاله بتاء الفاعل المتحركة.... و المؤللة و المجولقة)

المؤللة و المجولقة ؟؟؟ هي غير الفرقة 101 المجوقلة °مارينز° اللي طايحة بالعراق ؟؟؟

Danito

30/05/2006, 18:57

المؤللة و المجولقة ؟؟؟ هي غير الفرقة 101 المجوقلة °مارينز° اللي طايحة بالعراق ؟؟؟

و أنت الصادق مية و الله بدمر .. ولي فضحنا سر حربي

me2

30/05/2006, 19:00

و أنت الصادق مية و الله بدمر .. ولي فضحنا سر حربي

يا ملعون عندك Google earth ؟؟؟؟

Danito

30/05/2006, 19:23

يا ملعون عندك Google earth ؟؟؟؟
عندي Google earth بس ما بيجيب الـ 100 و الله
هي ما بيجيبها غوغلز من هالنوع.. :dr: :dr: هي بدها غوغلز من هادا النوع 8) 8) و فهمك كفاية

منرجع للطائفية :
يلعن أبو الطائفية و يسقط الاستعمار و تحيا الوحدة الوطنية و اللحمة (من التحام مو لحام) الوطنية
على كلين على كل حال.. يعني بي كل الأحوال
ما نيل المطالب بالتمني و ما قهر الطائفية بالشعارات بل بالوعي

أهم شي الوعي و الوعي قضية نفسية و خطيرة و على ما تبدو هي الكلمة من سهولة و أن ليس لها أثر و لكنها هي شكل من أشكال التربية و التعليم يعني مثل ما ممكن ترضع الولد من صغروا طائفية و غيبيات و مقدسات و خطوط حمر و أنس و جان و شياطين بكل الألوان فيك ترضعوا موضوعية و أسلوب محاكمة عقلانية و علمية بدل من إطلاق أحكام انطباعية يمين و شمال

أحلا تحية لأخوات المقص

MR.SAMO

30/05/2006, 19:32

يقول الفيلسوف اللبناني أمين الريحاني : " أن الزواج بين الطوائف من أهم شروط صلاحنا و تقدمنا"
وبمجتمع متل مجتمعنا بعتقد هيدا هو الحل الافضل

me2

30/05/2006, 19:35

يقول الفيلسوف اللبناني أمين الريحاني : " أن الزواج بين الطوائف من أهم شروط صلاحنا و تقدمنا"
وبمجتمع متل مجتمعنا بعتقد هيدا هو الحل الافضل

كلام حلو .. أنا جاهز .. اذا في شي صبية من غير طائفة ..:lol:

MR.SAMO

30/05/2006, 19:42

كلام حلو .. أنا جاهز .. اذا في شي صبية من غير طائفة ..:lol:
مابتقصر
تحياتي

fady juventus

30/05/2006, 20:31

مع إني مؤيد و بشدة للزواج المدني...
بس بصراحة حاسو متل الحلم
لاء الحلم بيتحقق و إقرار الزواج المدني عنا بسوريا لا يمكن يتم "عالأقل بجيلنا أو بهالعقدين القادمين"

و صحيح إنو ما رح تندفع الناس بهستريا لتسجيل عقد زواج مدني ... لكن عالأقل صار القانون متاح و الفكرة قابلة للتحقيق وما عادت حلم لتنين من طائفتين مختلفتين إنن يتزوجوا
و أنا مع داني بإنو بيدق اسفين بنعش الطائفية ولو كان إسفين صغير كتير بس إلو أثرو .

TheLight

31/05/2006, 00:21

شباب يا شباب
كلامكم عن اسباب الطائفية ونتائجها كتير حلو
السؤال يللي لازم نجاوب عليه:هل نحن قادرين نحكي بالاديان بدون ما يتحول الحوار الى حوار عنيف وطائفي؟
انا يللي بشوفو انو نحن شبه عاجزين انو نكون حياديين لانو الطائفية راح تتضل موجودة طالما الاديان موجودة
وللاسف ما راح تنحل ببلادنا العربية هالمشكلة ابدا
فشو الحل برايكم؟؟؟
بنشجع الالحاد؟
بنبطل نفتح حوارات دينية؟
بنشجع ع العلمانية؟
ولا بندبح بعض؟

me2

31/05/2006, 00:44

شباب يا شباب
كلامكم عن اسباب الطائفية ونتائجها كتير حلو
السؤال يللي لازم نجاوب عليه:هل نحن قادرين نحكي بالاديان بدون ما يتحول الحوار الى حوار عنيف وطائفي؟
انا يللي بشوفو انو نحن شبه عاجزين انو نكون حياديين لانو الطائفية راح تتضل موجودة طالما الاديان موجودة
وللاسف ما راح تنحل ببلادنا العربية هالمشكلة ابدا
فشو الحل برايكم؟؟؟
بنشجع الالحاد؟
بنبطل نفتح حوارات دينية؟
بنشجع ع العلمانية؟
ولا بندبح بعض؟

كل واحد يقعد على الجنب اللي بيريحو ...

أنا : بشجع العلمانية و الالحاد ولا برضى ينزل نقطة دم من اخي بالأنسانية .

chefadi

31/05/2006, 01:13

:clap: كل واحد يقعد على الجنب اللي بيريحو ...

أنا : بشجع العلمانية و الالحاد ولا برضى ينزل نقطة دم من اخي بالأنسانية .

100 %
:clap: :clap: :clap: :clap: :clap: :clap: :clap: :clap: :clap: :clap: :clap:

TheLight

31/05/2006, 01:16

كل واحد يقعد على الجنب اللي بيريحو ...

أنا : بشجع العلمانية و الالحاد ولا برضى ينزل نقطة دم من اخي بالأنسانية .

وانا معك يا خيو

كهربجي

31/05/2006, 08:38

خيو شو بدنا بهالحكي .. من مصياف وما جبتلنا هبابيل ؟؟

الله يسامحك على مقهى الوراقة .

أهل مصياف بيسموه تين هبّول... هو أكيد مو أهبل منهن...

ليش شبا الورّاقة؟؟؟ لك أخخخخ على شي كاس منكر هونيك وهوّيلووووو

وأكيد مو عالأتاسي إذا غيّرنا المنتدى!!!

ونزعنا الموضوع... يا عين... الصالون تاني دخلة عاليمين... ;-) :p

me2

31/05/2006, 09:34

وانا معك يا خيو

لعيونك ... و من عيوني اللي بتغفى على حب الناس و كره اسرائيل ...

me2

31/05/2006, 09:36

أهل مصياف بيسموه تين هبّول... هو أكيد مو أهبل منهن...

ليش شبا الورّاقة؟؟؟ لك أخخخخ على شي كاس منكر هونيك وهوّيلووووو

وأكيد مو عالأتاسي إذا غيّرنا المنتدى!!!

ونزعنا الموضوع... يا عين... الصالون تاني دخلة عاليمين... ;-) :p

خيو تين هبول ,, تين جدوب ...مو مشكلة .. المهم تحسب حسابنا ...

خيو رح أكتب "تحيا سوريا" لأنو منزوع الدريكيسيون و ما عم يلف عليمين ....

me2

31/05/2006, 09:37

:clap:

100 %
:clap: :clap: :clap: :clap: :clap: :clap: :clap: :clap: :clap: :clap: :clap:

كأننا قلال ؟؟؟ و شو عليه .. "الكرام قليل"

مية وردة

كهربجي

01/06/2006, 02:04

كأننا قلال ؟؟؟ و شو عليه .. "الكرام قليل"

مية وردة

له له.. معك هي اللي اسما الأغلبية الصامتة.... أحسن شي

بعدين مشان الهبووول... إيمتا ما بدّك بس خبرنا و شي يوم عازمك على ملقسة

يا عمال العالم اتحدوا!

chefadi

01/06/2006, 02:35

كأننا قلال ؟؟؟ و شو عليه .. "الكرام قليل"

مية وردة

معليش معنا معنا منكتر
و لا يهمك ....

ألف وردة و تحية

chefadi

01/06/2006, 02:37

يا عمال العالم اتحدوا![/quote]

أيـــــــــــــــــــــــ ـــــــــــــــــــه

سنرجع يوما ,,,, خبرني العندليب

و الف تحية

سلام

كهربجي

01/06/2006, 02:47

يا عمال العالم اتحدوا!

أيـــــــــــــــــــــــ ـــــــــــــــــــه

سنرجع يوما ,,,, خبرني العندليب

و الف تحية

سلام[/quote]

لا تصدّقو.... كذاب وابن كلب... صدّق الطبيعة... إي غصب عن الله راجعين...

كهربجي

01/06/2006, 02:48

يا عمال العالم اتحدوا!

أيــــــــــــــــــــــــــــــــــــــــــه

سنرجع يوما ,,,, خبرني العندليب

و الف تحية

سلام

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////;أوليغ شينين» رئيس الحزب الشيوعي السوفييتي
يعلن عن ترشيح نفسه لرئاسة روسيا

■ خبر عاجل - موسكو:
أعلن أوليغ شينين رئيس الحزب الشيوعي السوفييتي في اجتماع اللجنة المركزية للحزب المنعقد في 20 أيار الجاري عن موافقته على ترشيح نفسه لمنصب رئيس روسيا الاتحادية في الانتخابات الرئاسية التي ستجري في العام 2008، وذلك بناءً على الطلبات العديدة التي تم التوجه بها إليه في هذا الخصوص.
وبعد يوم واحد، أي في 21 أيار، تم اتخاذ قرار من قبل اجتماع اللجنة التنفيذية لاتحاد الضباط السوفيت بتأييد ترشيح الرفيق العماد أوليغ شنين إلى منصب رئيس روسيا الاتحادية.

■■

عن قاسيون

chefadi

01/06/2006, 02:55

أيـــــــــــــــــــــــ ـــــــــــــــــــه

سنرجع يوما ,,,, خبرني العندليب

و الف تحية

سلام

لا تصدّقو.... كذاب وابن كلب... صدّق الطبيعة... إي غصب عن الله راجعين...[/quote]

هلق راجعين اكيد و غصب عن الله كمان اكيد بس مين مالازم صدق ؟؟
لينين :( !!!!!
هيك بدي ازعل منك ,,, يعني اذا في حدا لازم تصدقو فهو لينين ,,
بس المهم راجعة بأذن الله ,,, و مهما اجا شغلات من الله
:clap: :clap: :clap: :clap: :clap:

كهربجي

01/06/2006, 02:55

يقول المحششين في مسرحية فيلم أميركي طويل:

عمر: يا أبو ليلى... هلق هيدي عندكن اللي بيلزقك عالأيمن بتدرلو الأيسر؟

أبو ليلى: إي يا عيني...

عمر: طيّب!.. وإذا عاد لزقك عالأيسر... قايلين شي؟

أبو ليلى: لأ بس المفروض ترجع تدرلو الأيمن...

عمر: يعني بيقضّيها كفوف كل النهار الواحد...

أبو ليلى: إي بسّ بيطلع عالجنّة..ز

عمر: وضروري يطلع عالجنة مورّم؟؟

أنا صار رأيي أنو مافي حلّ غير هيك... خلّو هالعالم تحشش.. بتبطّل طائفيّة!!!

كهربجي

01/06/2006, 02:59

هلق راجعين اكيد و غصب عن الله كمان اكيد بس مين مالازم صدق ؟؟
لينين :( !!!!!
هيك بدي ازعل منك ,,, يعني اذا في حدا لازم تصدقو فهو لينين ,,
بس المهم راجعة بأذن الله ,,, و مهما اجا شغلات من الله
:clap: :clap: :clap: :clap: :clap:

لأ إذا في حدا لازم صدقوا فهو أنا.. لا لينين ولا ماركس ولا تروتسكي ولا ستالين....

بس أنا كنت عم بحكي بما معناه أنو خلص صارت موضة قديمة... الله وكيلك كل العالم مع الخصخصة والسوق الاجتماعي.. ولمّا أخدتها كحجّة ضد النظام طلّعوني رجعي ومو ابن العصر!! فتأكّدت أنو إذا هيك معناتا العندليب كذاب ولا حدا يصدّقو!!!

chefadi

01/06/2006, 03:06

لأ إذا في حدا لازم صدقوا فهو أنا.. لا لينين ولا ماركس ولا تروتسكي ولا ستالين....

بس أنا كنت عم بحكي بما معناه أنو خلص صارت موضة قديمة... الله وكيلك كل العالم مع الخصخصة والسوق الاجتماعي.. ولمّا أخدتها كحجّة ضد النظام طلّعوني رجعي ومو ابن العصر!! فتأكّدت أنو إذا هيك معناتا العندليب كذاب ولا حدا يصدّقو!!!

أبدا مانا موضة قديمة و هلق اذا بدنا نحكي ليش بيطول الحكي بس بدي قلك انو اذا صار في خطأ بالتطبيق مو معناتا النظرية غلط ,,,, بعدين ماركس اول مين حكى عن الخصخصة و اقتصاد السوق و غيرو و غيرو,,,

كهربجي

01/06/2006, 03:11

أبدا مانا موضة قديمة و هلق اذا بدنا نحكي ليش بيطول الحكي بس بدي قلك انو اذا صار في خطأ بالتطبيق مو معناتا النظرية غلط ,,,, بعدين ماركس اول مين حكى عن الخصخصة و اقتصاد السوق و غيرو و غيرو,,,

هلق ما اختلفنا أنو مو موضة قديمة... وبعرف ليش لأ شريك... بس ريكاردو مثلاً حكى فبل ماركس بالسوق و الاقتصاد... وبالرسائل بين انجلز و ماركس أكثر من مرّة استشهد فيه...

شطحنا كتيير!!! بس عالأقل مو عالصالون...

بتعرف؟؟ صار بدها موضوع من هالتقال..