قديش نحنا طائفيين؟ [الأرشيـــــف]

كهربجي

29/05/2006, 03:24

أنا بعرف أنو الموضوع ما رح يعجب كتير من الشباب... بس لقيت أنو كتير مهم أنو نحكي عليه...

مين منكم لاحظ أنو دائماً كل ما تنجاب سيرة الدين بيبلّش القصف إسلام-مسيحية... وأنّو كل ما تنجاب سيرة السياسة ببلش القصف سنّة-علويين؟؟ إي إي... لأنو من مصادر موثوقة أنو في حدا علق مع حدا عالمسنجر مشان السياسة وقلبت طائفيّة؟؟

من فترة نزل موضوع عن التسامح الطائفي وطلع معون أنّو ما في مشكلة إسلاميّة مسيحيّة بسوريا...

بس اللي بعرفو أنو ما في شب مسلم بينزل مع شلّة مسيحية ما بيسألو من وراه على دينو.. إذا مسلم او مسيحي...

اللي بعرفو أنو في صبييّة درزية قتلوها أهلها من فترة لأنو واحد مسلم تزوّجها... و كمان وحدة مسيحية..

اللي بعرفو كمان أنّو في إسلاميين برأيون لازم المسيحية كلن يتهجّروا على أوروبا أو لوين ما كان..

وأنو تاريخنا مليان جرائم ضد كل الطوائف بإسم الدين...

وأنو الشيخ صالح العلي قبل ما يهجم عالفرنسيين راح دبّح الاسماعليين بالقدموس...

وأهم من هاد كلّو أنّو من فترة علقت بمصياف طائفيّة... وبعدها بالقدموس...

شو الحل؟؟؟ ساعدونا لأنو على هالحالة مو مطولين يا عيوني...

\\\

29/05/2006, 03:26

نادر يكون عربي وغير طائفي:lol:

كهربجي

29/05/2006, 03:32

نادر يكون عربي وغير طائفي:lol:

:lol:

وارد يكون سوري ومو طائفي... طبعاً يعني بمفهومك للعربي ممكن أنو يكون عربي و مو طائفي..;-)

chefadi

29/05/2006, 04:51

انا بشوف انو حكيك بالمجمل صحيح ياكهربجي و متل مابيقول اخونا كارل ماركس
الدين افيون الشعوب ....
و كمان متل مابيقول ابو الزلف ب شي فاشل (بالبرغل في طائفية )
نحنا يمكن بالظاهر ماحدا بيسترجي يظهر طائفيتو لأنا خط احمر بس بالباطن الكل طائفي ,,,
هلق الحا برأيي هو تثقيف و توعية جيل المراهقين و الشباب تحديدا لأنو هدول نتاج تربية طاثفية من اهل هنن بالغالب طائفيين ...
يعني انا اهلي بيحكولي كيف كانو بالستينات يعرفو عن البني ادم انو هاد شيوعي او قومي او ...
بس هلق مع الاسف صرنا منعرف عن البني ادم انو مسيحي او سني او علوي ....

تحياتي و شكرا ع الموضوع

javarmouna

29/05/2006, 10:45

يعني دعوة انننا ما نكون طائفيين هي شغلة مستحيلة
وحتى لو حاولنا انا وانت وغيرنا وصرنا متسامحين,يجيك واحد متعصب يسب شي كام مسبة يخليك ترد عليه وتنساق معاه من حيث لا تدري, وطبعا بدو يجي الطرف التاني عشان يرد عليك وانت ترد عليه وتسبه ويسبك, واكيد الك انصار مؤيدين رأيك وله انصار ايضا والموضوع يكبر وتصير شوربة ونفوت في الحيط, وهيك اللي صاير,
طبعا انا اتكلم في ايطار هذا المنتدى

امرأة من ورق

29/05/2006, 12:19

هلق الحا برأيي هو تثقيف و توعية جيل المراهقين و الشباب تحديدا لأنو هدول نتاج تربية طاثفية من اهل هنن بالغالب طائفيين ...

كل الحكي حلو
ومع انو حلو
ليش بيضلو احساسي

هلأ لحتى نكون واقعيين لازم نحكي مين اللي رح يتحمل مسؤولية هالتوعية لهلجيل ؟؟
اذا الأهل والناس المحيطين بشكل عام عم يكونو طائفيين والمدارس ووسائل الاعلام باحسن الحالات اخدة دور حيادي هاد اذا ماقلنا انها عم تقوي هالفكر بشكل او بأخر :?
بقى مين اللي رح يقوم بهالدور؟؟

Barleb

29/05/2006, 12:34

وقل ربي زدني الحاداً ...

كهربجي

29/05/2006, 12:39

وقل ربي زدني الحاداً ...

آمييييننن:clap:

كسار الروس

29/05/2006, 13:42

يلعن رب الطائفية :jakoush:
يسعد رب الزواج المدني :(

امرأة من ورق

29/05/2006, 13:45

يسعد رب الزواج المدني :(

ولك يسعد ربك ورب الزواج المدني :سوريا:

Barleb

29/05/2006, 13:55

لك يسعد ربكون كلكون ... ويلعن أبو الطائفية

butterfly

29/05/2006, 14:30

أممممممممممممممممم
طائفييين ؟؟؟
نحنا مانا طائفيين .. للتعصب للدين أو الطايفة
نحنا ببساطة ( كمجتمع عربي أو سوري أو .. ما بيهمني كتير شو تسمايتنا ) ما عندنا قدرة نقبل مختلف أيا كان اختلافه .. وبما انو ما عنا كتير كتير اختلافات بمجتمعنا ( ما عنا كتير ملونين .. أو أجانب .. أو مثلي الجنس - او عنا ومتخانبيين- أو .... ) بيبقى الأختلاف الأبرز نحكي فيو هوي الدين ... والسياسة
موالاة بتشوف المعارضة خونة ... والمعارضة بيشوفوا الموالاة مكولكين وبيمسحوا جوخ
الملحد ... بيتهم المؤمن بالتشدد ... المؤمن بيتهم الملحد بالكفر وبيحرمو جنتو
المسيحية ضد الأسلام .. الأسلام السنة ضد مدري مين ... وهيك .. ما منخلص ...
هلق ليش نحنا طائفيين ؟؟؟
ليش بشوف بالموقع ناس مسيحية ... يمكن ما بتصلي ولا دايسة كنيسة ؟؟ عم تستقتل دفاعا عن المسيحية ؟؟؟
ليش أسلاميين .. محمديين .. بعد سيل من الشتائم .. بيقعد بدو يدافع عن الأخلاق العربية ؟؟؟؟
لمجرد .أنو هوي عم يبحث عن جماعة ينتمى ألا ... الكل عم يدور عناس يشبهوو تينتمي ألون. ..
ومختلفين يأثبت تفوقو عليون ...
انا رأيي نبدا نحترم أنو في ناس ما بتشبهنا .. مختلفة وجميلة باختلافا .. ما ضروري كلنا نصير نسخة عن بعض ... ما ضروري أنا أأقعد غيرك وأنت تقعد تغيرني
وهالشي ..بدو وقت وتعب... بدو ناس تلاقي وطن تنتمي ألو ... بدنا نتعلم نحترم الأنسان .. بغض النظر عن كل شي
أنت مين انا ما بسأل ... لكن حزنك قلي مين
ولا بعرف أيا لون وأيا دين
بعرف أنك خيي خيي بالأنسانية

me2

29/05/2006, 16:26

كل مبن يشعر أنو بينتمي .. بيكون وقع وثيقة أنو حمار ...

ما تواخذوني على قسوة الكلمة بس صار بدها لطشة لحتى يفهومو ..

أنا عليي من حالي ... اذا بدكون تسموني أو تصنفوني ملحد . اصطفلوا .. كل الأديان هي ملخصات و توسعات عن شريعة حمورابي وبالتالي تصنيفها و تفريق الناس عن بعض لأي سبب "سمعتي بترفلاي" بيكون ضرب من الطائفية .. طائة فيك و طائة فيي .

Reemi

29/05/2006, 16:31

طائفيين قلتلي...!

ركز معي شوي...!

ركزت عظيم..!

خيو انا ابي سني وامي علوية حلو...وعشت بضيعه كلها علويين ..كلها كلها من ساسها لراسها..بس ولا بعمري بحياتي حسيت انو في اختلاف بيني وبين اي حد ابدا او انهن عاملوني بشكل مو منيح..يعني بالعكس من كتير حسن المعاملة صرت منهن...!
او ما بعرف شو..
المهم نحنا مو طائفيين لانو بدنا نكون طائفيين..الموضوع وما فيه انا ما بسال هيدا من وين وهداك من وين..كلنا من هون ...رحنا ولااجينا بنضل من هون..واحد..ودخلك طائفته لهلشخص او دينه شو بدن يقدمو وياخرو عندي..او بمعنى اخر شو بيضيفولي يعني..؟
انا بقلك مش.....(يعني ولاشي)...
يعني انا بحترمك لانك بتستحق الاحترام..شو ما كنت تكون..!
بس في شي بالتركيبة افطرية للانسان...
(ا بتمنى ما حد يزعل),,ع بساط احمدي بصراحه انا لما بحكي حد علوي بكون مرتاحه اكتر....مو لانو علوي او لاني حاطه براسي هيك شي..بس يا اخيي طبيعه شو بدنا نعمل...!
وتحياتي للكل.....أنت مين انا ما بسأل ... لكن حزنك قلي مين
ولا بعرف أيا لون وأيا دين
بعرف أنك خيي خيي بالأنسانية

Barleb

29/05/2006, 16:38

الطائفية ما بنحبا ..... اي ما بنحبا ...
بس شيت واحد يقلي نحنا مو طائفية .. لا ولله طائفية ونص ..

me2

29/05/2006, 16:42

طائفيين قلتلي...!

ركز معي شوي...!

ركزت عظيم..!

خيو انا ابي سني وامي علوية حلو...وعشت بضيعه كلها علويين ..كلها كلها من ساسها لراسها..بس ولا بعمري بحياتي حسيت انو في اختلاف بيني وبين اي حد ابدا او انهن عاملوني بشكل مو منيح..يعني بالعكس من كتير حسن المعاملة صرت منهن...!
او ما بعرف شو..
المهم نحنا مو طائفيين لانو بدنا نكون طائفيين..الموضوع وما فيه انا ما بسال هيدا من وين وهداك من وين..كلنا من هون ...رحنا ولااجينا بنضل من هون..واحد..ودخلك طائفته لهلشخص او دينه شو بدن يقدمو وياخرو عندي..او بمعنى اخر شو بيضيفولي يعني..؟
انا بقلك مش.....(يعني ولاشي)...
يعني انا بحترمك لانك بتستحق الاحترام..شو ما كنت تكون..!
بس في شي بالتركيبة افطرية للانسان...
(ا بتمنى ما حد يزعل),,ع بساط احمدي بصراحه انا لما بحكي حد علوي بكون مرتاحه اكتر....مو لانو علوي او لاني حاطه براسي هيك شي..بس يا اخيي طبيعه شو بدنا نعمل...!
وتحياتي للكل.....

هي الفطرية اللي عم تحكي عنها .. هي المشكلة .. و مو المشكلة أنها مو عند كل العالم.. لحسن الحظ .. لو قلتي بحب هوا الضبعة, لون الشجر .. ريحة التراب .. كانت أهون عليي .. بس أنتي حرة و بيكفي أنك صادقة و ما بتعادي حدا حتى لو كان مو من الضيعة .

أنا مثلا بحب أيطاليا و الطليان أكتر من الألمان لأني ما بحكي ألماني ... ولا أيطالي ..:lol:

Reemi

29/05/2006, 16:45

هي الفطرية اللي عم تحكي عنها .. هي المشكلة .. و مو المشكلة أنها مو عند كل العالم.. لحسن الحظ .. لو قلتي بحب هوا الضبعة, لون الشجر .. ريحة التراب .. كانت أهون عليي .. بس أنتي حرة و بيكفي أنك صادقة و ما بتعادي حدا حتى لو كان مو من الضيعة .

أنا مثلا بحب أيطاليا و الطليان أكتر من الألمان لأني ما بحكي ألماني ... ولا أيطالي ..:lol:
لك بحب الضيعه................... اخخخخخخخ يا ضيعه...بس ما بينوصف حبي الها لهيك ما ذكرتها...!

ودخلك ليش بدي عادي..لانو مو من ضيعتي...
اي مو بجوز واحد من براة ضيعتي يحبني اكتر من الي بالضيعه.....ويكون احسن منو كمان...واردة..واكيدة

krimbow

29/05/2006, 18:23

مرحبا يا جماعة الخير ...

هلأ شغلة الطائفية بشكل عام .. بمنظور التعصب ... موجودة وين ما كان .. وين ما كان، بفرنسا في طائفية، بانكلترا، بالمانيا، بمصر بالخليج باميركا بالصين ..الخ الخ...

طبيعة الانسان انو بيسعى للتفرد من جهة .. و للاجتماع من جهة تانية ...
و هالشي بيتغذا او بيتم اشباعو من خلال الانتماء لشي زغير، متل الطايفة او العرق او او ..الخ

ما فينا نقول عن الطائفي حمار، هاد مخلوق عندو حاجة متل الجوع متل العطش .. الخ .. بدو يغذيها من خلال شعورو بالانتماء لشي متميز .. مو بالضرورة يكون متفوق، او متميز بشكل ايجابي

ازا انت عندك القدرة انك تصوم عن هالحاجة، هاد مو معناه انو غيرك بيقدر، و لا بيعني انو هوي صار حمار

المهم...

انو ببلاد برا، عندهم مشاكل بسبب التعصب، مو ما عندهم، بس عنا بتكون كتير كتير واضحة + كتير كتير متفجرة، بينما عندهم بتظهر من قبيل كسر الروتين، زوبعة بفنجان و خلصنا، و بتظهر بفترات متباعدة جدا، و بتموت بارضها.
بينما عنا.. بتطول كتير كتير، و بيصير الها ايدين و رجلين، و ما بتعود بتعرف المبتدأ من الخبر،

هلأ الفرق بيننا و بين غيرنا ... انو هنن وصلوا لمعادلة مهمة جدا .. و هي التالية:

"انا بكرهك و هاد حقي، انت بتكرهني و هاد حقك، بس بالمقابل، انا بحترم حقك بالوجود و الحياة، و انت بتحترم حقي بالوجود و الحياة"

برا وصولوا لتطبيق هالمعادلة، و انطلاقا منها، بلشوا "يحاولوا" يلغوا الحواجز بين بعضهم، و مستندين على شعور بالراحة انو الكل متفق على حق الجميع بالوجود و الحياة

بينما عنا...
ناس بدها تهجر طوايف بحالها، ناس بدها تبيد طوايف بحالها، ناس بدها تقمع طوايف بحالها

ما فينا نلغي الطائفية من بلادنا، كل طائفة بشكل عام عندها مخزون ثقافي و غير ثقافي بيخليها تحيا الفين سنة لقدام...
عم احكيكم هالحكي بشواهد تاريخية، ما حدا قدر ينجح بالغاء الطائفية، مع انهم اشطر مننا
يعني انطوان سعادة كان اشطر مننا، و كذلك ميشيل عفلق، و كذلك حافظ الاسد
و جربوا كل الوسائل المتاحة .. ناس سايروا و ناس كولكوا و ناس تحاوروا و قيل لهم على ألسنة شيوخ حماه "لو ادعيت النبوءة لتبعناك"
و في ناس متل رفعت هدوا مدن متل ما هيي...
و في ناس لحتى يخلصوا من الطائفية، انكروا كل الطوايف بما فيها طوايفهم، فصاروا طايفة لوحدهم، شي ملحدين، شي شيوعيين، شي ...
بالمختصر ازدادوا الـ 70 طايفة يهودية، و الـ 71 طايفة مسيحية، و الـ 72 طايفة مسلمة .. شي عشرين تلاتين طايفة موديرن

و مع ذلك ... ازدادت الطين بلة

بدكم نوصل لنتيجة؟؟؟
"إذا أردت ان تطاع .. اطلب المستطاع"
خلونا نتفق على معادلة بسيطة

انا رح اكره كل واحد مش من طايفتي، بس رح احترم حقو بالوجود و الحياة.
و بطالب كل واحد بيكرهني لأني مش من طايفتو، انو يحترم حقي بالوجود و الحياة...

و دمتم :7asheesh:

me2

29/05/2006, 18:31

مرحبا يا جماعة الخير ...

هلأ شغلة الطائفية بشكل عام .. بمنظور التعصب ... موجودة وين ما كان .. وين ما كان، بفرنسا في طائفية، بانكلترا، بالمانيا، بمصر بالخليج باميركا بالصين ..الخ الخ...

طبيعة الانسان انو بيسعى للتفرد من جهة .. و للاجتماع من جهة تانية ...
و هالشي بيتغذا او بيتم اشباعو من خلال الانتماء لشي زغير، متل الطايفة او العرق او او ..الخ

ما فينا نقول عن الطائفي حمار، هاد مخلوق عندو حاجة متل الجوع متل العطش .. الخ .. بدو يغذيها من خلال شعورو بالانتماء لشي متميز .. مو بالضرورة يكون متفوق، او متميز بشكل ايجابي

ازا انت عندك القدرة انك تصوم عن هالحاجة، هاد مو معناه انو غيرك بيقدر، و لا بيعني انو هوي صار حمار

"انا بكرهك و هاد حقي، انت بتكرهني و هاد حقك، بس بالمقابل، انا بحترم حقك بالوجود و الحياة، و انت بتحترم حقي بالوجود و الحياة"

بدكم نوصل لنتيجة؟؟؟
"إذا أردت ان تطاع .. اطلب المستطاع"
خلونا نتفق على معادلة بسيطة

انا رح اكره كل واحد مش من طايفتي، بس رح احترم حقو بالوجود و الحياة.
و بطالب كل واحد بيكرهني لأني مش من طايفتو، انو يحترم حقي بالوجود و الحياة...

و دمتم :7asheesh:

ما بدي فزلك شو يعني "كره" و كيف كره و ليش ... ولا رح فزلك شو يعني طائفي بس اللي بيكره غيرو بس لأنو من غير طائفة "برأيي" بيكون حمار .. يعني يتمتع ببعض مواصفات الحمير و هي أنو أقل من مستوى ذكاء البني أدم ..

بيبقى هدا رأي لانو دعوة ولا طلب من أي حدا لا المستطاع و لا الممكن .. لابدي حدا يغير رأيو ولا بدي أطلب من حدا شي ..

و مية وردة

krimbow

29/05/2006, 18:37

ما بدي فزلك شو يعني "كره" و كيف كره و ليش ... ولا رح فزلك شو يعني طائفي بس اللي بيكره غيرو بس لأنو من غير طائفة "برأيي" بيكون حمار .. يعني يتمتع ببعض مواصفات الحمير و هي أنو أقل من مستوى ذكاء البني أدم ..

بيبقى هدا رأي لانو دعوة ولا طلب من أي حدا لا المستطاع و لا الممكن .. لابدي حدا يغير رأيو ولا بدي أطلب من حدا شي ..

و مية وردة

ع راسي حبيبي...

اكيد منحترم رأيك

لما كتبت انو من حقي اكرهك.. كنت عم اكتب من مبدأ "اضعف الايمان"...

طيب شو برأيك نعمل

لا تقللي توعية لأنو اكتر شغلة اثبتت فشلها عنا هيي التوعية ...

يا رجل من زمان كان عنا شي اسمو وزارة التعليم، بعدين صارت وزارة "التربية و التعليم" هلأ صارت وزارة "التربية .. و نقطة ع السطر، بلا تعليم بلا بلوط" .. و مع ذلك ما كنا نتربى

fady juventus

29/05/2006, 20:16

يلعن رب الطائفية :jakoush:
يسعد رب الزواج المدني :(
ميت وردة يا معلم :سوريا:

butterfly

29/05/2006, 20:22

"انا بكرهك و هاد حقي، انت بتكرهني و هاد حقك، بس بالمقابل، انا بحترم حقك بالوجود و الحياة، و انت بتحترم حقي بالوجود و الحياة"

ما بظن المعادلة دقيقة ... :shock:
بظن وصلو ..

فكر شو ما بدك .. أمن كيف ما بدك ... وانشالله عمرك ما أمنت .. كون كيف ما بدك تكون ..
أنا ما بيحقلي اتدخل ... ولا أنت بيحقلك تتدخل فيي ... أنا بحترمك وأنت بتحترمني ...

وعكل معلي أكرهك ... مع أنك من نفس طايفتي ؟؟؟:? :?

Barleb

29/05/2006, 20:26

ما بظن المعادلة دقيقة ... :shock:
بظن وصلو ..

فكر شو ما بدك .. أمن كيف ما بدك ... وانشالله عمرك ما أمنت .. كون كيف ما بدك تكون ..
أنا ما بيحقلي اتدخل ... ولا أنت بيحقلك تتدخل فيي ... أنا بحترمك وأنت بتحترمني ...

وعكل معلي أكرهك ... مع أنك من نفس طايفتي ؟؟؟:? :?

مرا الدكتورة وفاء سلطان .. قالت شغلة عجبتني كتير .. يمكن تكون أحسن معادلة

(( أمن بـ الحجر .. ولكن لا تضربني به))

butterfly

29/05/2006, 20:30

مرا الدكتورة وفاء سلطان .. قالت شغلة عجبتني كتير .. يمكن تكون أحسن معادلة

(( أمن بـ الحجر .. ولكن لا تضربني به))
:سوريا: :سوريا:

krimbow

29/05/2006, 20:33

ما بظن المعادلة دقيقة ... :shock:
بظن وصلو ..

فكر شو ما بدك .. أمن كيف ما بدك ... وانشالله عمرك ما أمنت .. كون كيف ما بدك تكون ..
أنا ما بيحقلي اتدخل ... ولا أنت بيحقلك تتدخل فيي ... أنا بحترمك وأنت بتحترمني ...

وعكل معلي أكرهك ... مع أنك من نفس طايفتي ؟؟؟:? :?

لك يا عمي شو عم تحكي انتي ؟؟؟
خلينا نتفق مبدئيا انو نحترم حق بعض بالوجود .. بعدين مندور ع غير قصص

ناس قايللهم ربهم "اقتلوا كل الاشوريين و الكلدانيين و الكنعانيين و الحثيين و ...(شعوب سوريا الطبيعية) و لا تتركوا منهم كبير و لا زغير، مرا و لا رجال، احرقوا بيوتهم و شجرهم و رشوا ملح على ارضهم..." الخ الخ (تثنية 22 يمكن)

و ناس قايللهم ربهم "قاتلوا الذين لا يؤمنون بالله و اليوم الآخر ..الخ، حتى يؤتوا الجزية و هم ملعون رب اللي خلقهم"

بتجي بتقوليلي احترام و ما بعرف شو ؟؟؟

خلينا هلأ نتفق انو ما حدا يقتل التاني بسب الطائفة ... بعدين منعود منتفاهم ع غير قصص

echosat

29/05/2006, 20:52

أنا بعرف أنو الموضوع ما رح يعجب كتير من الشباب... بس لقيت أنو كتير مهم أنو نحكي عليه...

مين منكم لاحظ أنو دائماً كل ما تنجاب سيرة الدين بيبلّش القصف إسلام-مسيحية... وأنّو كل ما تنجاب سيرة السياسة ببلش القصف سنّة-علويين؟؟ إي إي... لأنو من مصادر موثوقة أنو في حدا علق مع حدا عالمسنجر مشان السياسة وقلبت طائفيّة؟؟

من فترة نزل موضوع عن التسامح الطائفي وطلع معون أنّو ما في مشكلة إسلاميّة مسيحيّة بسوريا...

بس اللي بعرفو أنو ما في شب مسلم بينزل مع شلّة مسيحية ما بيسألو من وراه على دينو.. إذا مسلم او مسيحي...

اللي بعرفو أنو في صبييّة درزية قتلوها أهلها من فترة لأنو واحد مسلم تزوّجها... و كمان وحدة مسيحية..

اللي بعرفو كمان أنّو في إسلاميين برأيون لازم المسيحية كلن يتهجّروا على أوروبا أو لوين ما كان..

وأنو تاريخنا مليان جرائم ضد كل الطوائف بإسم الدين...

وأنو الشيخ صالح العلي قبل ما يهجم عالفرنسيين راح دبّح الاسماعليين بالقدموس...

وأهم من هاد كلّو أنّو من فترة علقت بمصياف طائفيّة... وبعدها بالقدموس...

شو الحل؟؟؟ ساعدونا لأنو على هالحالة مو مطولين يا عيوني...

خييه اول شي مرحبا وتاني شي يسلمو.انا من منظوري للطائفية انو الطائفية صارت بهالايام متل يلي مين بيشتري احسن من التاني.يعني كيف؟
متل واحد ولله بدو يميز حالو عن تاني بقول انا كذا وكذا وكذا.هيدا بيدخل بنوع من الغرور النفسي اذا بدك.بس هول للاسف يلي تفكريهم هيك كتار .ومجاديب.ويبقوا يزيحو المراة على جنب اذا بريدو من يلي بيفكرو فيه.وحاج يعلموها.افلام وروايات ليستغلوها هن نفسن .وخصوصا يا عيني اذا كانت حلوي وسكس.بقى الحب ما دخلو بدين ولا بطايفة .مابعرف طايفة على مين بس انشا لله ما طوف عليه وعليكم .لانو شي بدووخ ولله

امين

mazoun

29/05/2006, 21:01

يلعن رب الطائفية :jakoush:
يسعد رب الزواج المدني :(
لك ايه والله :king:

اب حمرا

29/05/2006, 21:23

(ا بتمنى ما حد يزعل) انا لما بحكي حد علوي بكون مرتاحه اكتر

مدري ليش انا لأ

انا بلعكس ولا انتي ؟؟:سوريا:

اب حمرا

29/05/2006, 21:33

انا برأي الحل هو الألحاد للكل للجميع
يعني لازم يتطبق الألحاد بكل البلد و يتعمم ويتفهّم وينزرع بلعقول كره الله و توابعو من الرسل والأنبياء وهيك يا اخوان منتخلص من الطائفية
هاد الحل الوحييييييييييييييييييد والأكيد المفعول ومجرب وبيمنع التسرب والبلل

ويلعن الله :سوريا:

fady juventus

29/05/2006, 21:37

هلأ الفرق بيننا و بين غيرنا ... انو هنن وصلوا لمعادلة مهمة جدا .. و هي التالية:

"انا بكرهك و هاد حقي، انت بتكرهني و هاد حقك، بس بالمقابل، انا بحترم حقك بالوجود و الحياة، و انت بتحترم حقي بالوجود و الحياة"

برا وصولوا لتطبيق هالمعادلة، و انطلاقا منها، بلشوا "يحاولوا" يلغوا الحواجز بين بعضهم، و مستندين على شعور بالراحة انو الكل متفق على حق الجميع بالوجود و الحياة

بينما عنا...
ناس بدها تهجر طوايف بحالها، ناس بدها تبيد طوايف بحالها، ناس بدها تقمع طوايف بحالها
يا عيني عليك يا كريم هاد كلام جواهر :سوريا:
عندن بيحترموا بعض مهما وصل الخلاف ، وعنا بيلغوا و بيسبوا بعض على أهون خلاف :pos:

zen

29/05/2006, 21:49

وأهم من هاد كلّو أنّو من فترة علقت بمصياف طائفيّة... وبعدها بالقدموس...

هدول الحادثتين
بس لو تعرف شو سببون بتضحك
سببهون الدوبلة
:? :? :? :?

Barleb

29/05/2006, 21:51

مدري ليش انا لأ

اي لعمى أنا كمان .. وخصوصي أذا كان حاطط نضارات و لابس أسود ..

اب حمرا

29/05/2006, 21:53

اي لعمى أنا كمان .. وخصوصي أذا كان حاطط نضارات و لابس أسود ..

اي اكيد نحنا غلض يا زلمة ما بيصير هيك

ملك الهكرز

29/05/2006, 21:55

قديش نحنا طائفيين؟

كتيررررررر بس مو كتير كتير يعني فيك تقول 99 % طائفيين

1% ملحدين

بس بتختلف نسبة الطائفية من شخص لأخر

fady juventus

29/05/2006, 22:07

اي اكيد نحنا غلض يا زلمة ما بيصير هيك
إي حبيب إنت ويا غلطانين ;-)
ما تخلوا الحقد يسود قلبكن
ما عم إحكي مثاليات ولا عم إتفلسف
بس فتحوا قلبكن لكل الناس و سكروا لما بيصير موقف بس مو تشملوا طائفة كاملة برأي خاطىء
ميت وردة إلكن :سوريا:

butterfly

29/05/2006, 22:51

لك يا عمي شو عم تحكي انتي ؟؟؟
خلينا نتفق مبدئيا انو نحترم حق بعض بالوجود .. بعدين مندور ع غير قصص

ناس قايللهم ربهم "اقتلوا كل الاشوريين و الكلدانيين و الكنعانيين و الحثيين و ...(شعوب سوريا الطبيعية) و لا تتركوا منهم كبير و لا زغير، مرا و لا رجال، احرقوا بيوتهم و شجرهم و رشوا ملح على ارضهم..." الخ الخ (تثنية 22 يمكن)

و ناس قايللهم ربهم "قاتلوا الذين لا يؤمنون بالله و اليوم الآخر ..الخ، حتى يؤتوا الجزية و هم ملعون رب اللي خلقهم"

بتجي بتقوليلي احترام و ما بعرف شو ؟؟؟

خلينا هلأ نتفق انو ما حدا يقتل التاني بسب الطائفة ... بعدين منعود منتفاهم ع غير قصص
أنو حق الحياة والوجود ...
بالطبيعة في حيوانات مفترسة بتاكل الأنسان .. أنا كجزء من المجتمع البيئي .. احتراما للتوازن البيئي .. وللطبيعة
مجبورة أحترم حقا بالحياة والوجود ... ما فيي ألغيلا وجودا ..وأدفعا تنقرض
بس كمان بالمقابل .. ما بينفع أعيش معا بوطن .. أو بمجتمع .. ما بينفع نبني حضارة .. على الرغم من أني .. بحترم حقا بالوجود ..
تنكون حضاريين ... علينا انو ننتقل من أنو نقبل الأخر .. ووجوده لأنو نحترمو ... بحترم الأنسان اللي فيو
أكرهو وورجيني كيف بتتعايشو
ذكرتني بالجراثيم اللي مجبورة تكون مع الكريات البيض بنفس المنطقة .. التنين معترفين بحق الآخر بالوجود وبالحياة ... بس أول ما بتصير مقاومة الانسان ضعيفة وحدة منون بتنتهز الفرصة وبتقضي عالتانية .. مع أنو كانو متعايشين
ما رح يعمر وطنكم وكل واحد عم يعترف بحق التاني بالحياة والوجود بعيد عن التاني ..
يمكن يكون طموحك بيقتصر عند .هون أنا طموحي بخصوص الأنسان يمكن يكون مثالي أو تشوفو طفولي ... بس أكيد أكيد ما بيوقف عند قبول أنو الأخر موجود ... بيصل لأنو أنفتح عليو ..وأقبل أختلافو وحط أيدي بأيدو كمان وضمد جروحاتو و ... وأنحني قدام أنسانيتو ..

echosat

29/05/2006, 22:55

انا برأي الحل هو الألحاد للكل للجميع
يعني لازم يتطبق الألحاد بكل البلد و يتعمم ويتفهّم وينزرع بلعقول كره الله و توابعو من الرسل والأنبياء وهيك يا اخوان منتخلص من الطائفية
هاد الحل الوحييييييييييييييييييد والأكيد المفعول ومجرب وبيمنع التسرب والبلل

ويلعن الله :سوريا:

وايا .وبوفر على العالم كتير ولله .روح الله يحيي من عندو اصلك:clap:

Reemi

29/05/2006, 22:57

مدري ليش انا لأ

انا بلعكس ولا انتي ؟؟:سوريا:
واحد فينا بالعكس مو مشكلة.....!

مو بيناتنا..:p ..

Reemi

29/05/2006, 22:59

تحية لكريم.......:king: ............

butterfly

29/05/2006, 23:22

تحية لكريم.......:king: ............
:cry: :cry: يعني انت بصفو ضدي ؟؟؟ :cry: :cry:
عمرك ما تقولش صاحب ... عقولة ابو وديع :clap:

Reemi

29/05/2006, 23:34

:cry: :cry: يعني انت بصفو ضدي ؟؟؟ :cry: :cry:
عمرك ما تقولش صاحب ... عقولة ابو وديع :clap:
مين ضد مين....................:? ..........؟؟؟؟؟!!؟!

لك هيدا تكتيك جنس حوا...يا فهيمه...8)
ولو انا فيني صف ضدك انا........:cry: ...

me2

30/05/2006, 00:13

مين ضد مين....................:? ..........؟؟؟؟؟!!؟!

لك هيدا تكتيك جنس حوا...يا فهيمه...8)
ولو انا فيني صف ضدك انا........:cry: ...

الصالون أول دخلة على اليمين ...

Danito

30/05/2006, 01:31

انا رح اكره كل واحد مش من طايفتي، بس رح احترم حقو بالوجود و الحياة.
و بطالب كل واحد بيكرهني لأني مش من طايفتو، انو يحترم حقي بالوجود و الحياة...

اسمحلي krimbow إني ضيف هون أو بالأحرى عدل
أنا مو مطلوب مني حب أو احترم معتقدك بحد ذاتو لكن مطلوب مني احترم و قدس حقك بالاعتقاد و حرية الاعتقاد
يعني انتي ممكن تكره طائفتي (معتقدي) بس مو لازم تكرهني على معتقدي لأنو هدا طائفية
بس خلي عندك الشعور اللي بدك ياه على آلهتي و شياطيني و مبادئي السياسية .. مافي مشكلة و ما آلها علاقة فيي
هلق الطائفية بتبلش لما بتكرهني على أفكاري و التطرف تبعها أنك توصل لحد الرغبة بتصفيتي على أساس معتقداتي (دينية سياسية أو أين كان)
الوعي مهم جدا للتمييز بين الحدود بين احترام حقوق الشخص الأساسية في حرية المعتقد و الخ .. و الاتفاق مع معتقدات و الخ تبع الآخر

إسلام

30/05/2006, 01:40

انا بحياتي ما عاملت الناس على انتمائهم لطائفة معينة يعني بعامل كل الناس متل بعضها بغض النظر عن الطائفة

ولو كنت بفكر هيك تفكير ما كنت انتسبت لمنتدى مسيحي

السيد المكاوي

30/05/2006, 01:58

القاموس المحيط للسيد المكاوي الحبيب

صفحه رقم 1
في هذا الزمان العجيب لا أثق بأحد

صفحه رقم 2
طائفتي هي نفسي:king:
ديني هو عقلي:p

صفحة رقم 3
متعصب لنانسي عجرم وهيفاء وهبي:gem:

صفحة رقم 4
عرقي أدمي من كوكب الأرض:(

صفحه رقم 5
المبداء لا شئ :pos:

-----------------------------------------------

ملحوظه هذا القاموس لن تجدوه في المكتبات

chefadi

30/05/2006, 03:48

كل الحكي حلو
ومع انو حلو
ليش بيضلو احساسي

هلأ لحتى نكون واقعيين لازم نحكي مين اللي رح يتحمل مسؤولية هالتوعية لهلجيل ؟؟
اذا الأهل والناس المحيطين بشكل عام عم يكونو طائفيين والمدارس ووسائل الاعلام باحسن الحالات اخدة دور حيادي هاد اذا ماقلنا انها عم تقوي هالفكر بشكل او بأخر :?
بقى مين اللي رح يقوم بهالدور؟؟

دايما التشجيع ع الثقافة و الفن بتفيد يعني زيارات معارض الكتب و حضور المسرحيات و الافلام
و غيرو في كتير ,,,,,,,
بس السؤال المهم هو وين و مين بدو يعمل هاد الشي يعني نحنا ماعنا منظمات او تمعات شبابية مدنية تقدر تخلق حالة من الوعي عند هالجيل ,,,,,

و الف تحية

سلام

meralovelyone

30/05/2006, 04:20

هون الحل يا جماعة .. الحب وحدو بيقدر يعمل المستحيل
تعالو نحاول نجمع بعض شباب و صبايا مسيحيين و اسلام و باسم الحب نطالب بالزواج المدني
أن من عندي بأول الصف

meralovelyone

30/05/2006, 04:29

ولك يسعد ربك ورب الزواج المدني :سوريا:
هون الحل يا جماعة بس بدو شوية مطالبة
بالحب وحدو بنحقق هالشي
أنامستعدة أعمل أي شي لابقى مع حبيبي
لازم نطالب بالزواج المدني ونقدم اسمائنا بعريضة
اعتبروني أنا وحبيبي اول الصف مين بعدنا؟؟؟؟؟؟؟

meralovelyone

30/05/2006, 04:29

ولك يسعد ربك ورب الزواج المدني :سوريا:
هون الحل يا جماعة بس بدو شوية مطالبة
بالحب وحدو بنحقق هالشي
أنامستعدة أعمل أي شي لابقى مع حبيبي
لازم نطالب بالزواج المدني ونقدم اسمائنا بعريضة
اعتبروني أنا وحبيبي اول الصف مين بعدنا؟؟؟؟؟؟؟

Willi

30/05/2006, 04:39

:shock: :shock: